প্ৰকৃতিং পৰমামভযাং ৱৰদাং নৰৰূপধৰাং জনতাপহৰাম্ । শৰণাগত সেৱক তোষকৰীং প্ৰণমামি পৰাং জননীং জগতাম্ ॥১॥
গুণহীনসুতানপৰাধযুতান্ কৃপযাঽদ্য সমুদ্ধৰ মোহগতান্ । তৰণীং ভৱসাগৰপাৰকৰীং প্ৰণমামি পৰাং জননীং জগতাম্ ॥২॥
ৱিষযং কুসুমং পৰিহৃত্য সদা চৰণাম্বুৰুহামৃতশান্তিসুধাম্ । পিব ভৃংগমনো ভৱৰোগহৰাং প্ৰণমামি পৰাং জননীং জগতাম্ ॥৩॥
কৃপাং কুৰু মহাদেৱি সুতেষু প্ৰণতেষু চ । চৰণাশ্ৰযদানেন কৃপামযি নমোঽস্তু তে ॥৪॥
লজ্জাপটাৱৃতে নিত্যং সাৰদে জ্ঞানদাযিকে । পাপেভ্যো নঃ সদা ৰক্ষ কৃপামযি নমোঽস্তু তে ॥৫॥
ৰামকৃষ্ণগতপ্ৰাণাং তন্নামশ্ৰৱণপ্ৰিযাম্ । তদ্ভাৱৰঞ্জিতাকাৰাং প্ৰণমামি মুহুৰ্মুহুঃ ॥৬॥
পৱিত্ৰং চৰিতং যস্যাঃ পৱিত্ৰং জীৱনং তথা । পৱিত্ৰতাস্ৱৰূপিণ্যৈ তস্যৈ কুৰ্মো নমো নমঃ ॥৭॥
দেৱীং প্ৰসন্নাং প্ৰণতাৰ্তিহন্ত্ৰীং যোগীন্দ্ৰপূজ্যাং যুগধৰ্মপাত্ৰীম্ । তাং সাৰদাং ভক্তিৱিজ্ঞানদাত্ৰীং দযাস্ৱৰূপাং প্ৰণমামি নিত্যম্ ॥৮॥
স্নেহেন বধ্নাসি মনোঽস্মদীযং দোষানশেষান্ সগুণীকৰোষি । অহেতুনা নো দযসে সদোষান্ স্ৱাঙ্কে গৃহীত্ৱা যদিদং ৱিচিত্ৰম্ ॥৯॥
প্ৰসীদ মাতৰ্ৱিনযেন যাচে নিত্যং ভৱ স্নেহৱতী সুতেষু । প্ৰেমৈকবিন্দুং চিৰদগ্ধচিত্তে ৱিষিঞ্চ চিত্তং কুৰু নঃ সুশান্তম্ ॥১০॥
জননীং সাৰদাং দেৱীং ৰামকৃষ্ণং জগদ্গুৰুম্ । পাদপদ্মে তযোঃ শ্ৰিত্ৱা প্ৰণমামি মুহুৰ্মুহুঃ ॥১১॥