প্রকৃতিং পরমামভযাং বরদাং নররূপধরাং জনতাপহরাম্ । শরণাগত সেবক তোষকরীং প্রণমামি পরাং জননীং জগতাম্ ॥১॥
গুণহীনসুতানপরাধযুতান্ কৃপযাঽদ্য সমুদ্ধর মোহগতান্ । তরণীং ভবসাগরপারকরীং প্রণমামি পরাং জননীং জগতাম্ ॥২॥
বিষযং কুসুমং পরিহৃত্য সদা চরণাম্বুরুহামৃতশান্তিসুধাম্ । পিব ভৃংগমনো ভবরোগহরাং প্রণমামি পরাং জননীং জগতাম্ ॥৩॥
কৃপাং কুরু মহাদেবি সুতেষু প্রণতেষু চ । চরণাশ্রযদানেন কৃপামযি নমোঽস্তু তে ॥৪॥
লজ্জাপটাবৃতে নিত্যং সারদে জ্ঞানদাযিকে । পাপেভ্যো নঃ সদা রক্ষ কৃপামযি নমোঽস্তু তে ॥৫॥
রামকৃষ্ণগতপ্রাণাং তন্নামশ্রবণপ্রিযাম্ । তদ্ভাবরঞ্জিতাকারাং প্রণমামি মুহুর্মুহুঃ ॥৬॥
পবিত্রং চরিতং যস্যাঃ পবিত্রং জীবনং তথা । পবিত্রতাস্বরূপিণ্যৈ তস্যৈ কুর্মো নমো নমঃ ॥৭॥
দেবীং প্রসন্নাং প্রণতার্তিহন্ত্রীং যোগীন্দ্রপূজ্যাং যুগধর্মপাত্রীম্ । তাং সারদাং ভক্তিবিজ্ঞানদাত্রীং দযাস্বরূপাং প্রণমামি নিত্যম্ ॥৮॥
স্নেহেন বধ্নাসি মনোঽস্মদীযং দোষানশেষান্ সগুণীকরোষি । অহেতুনা নো দযসে সদোষান্ স্বাঙ্কে গৃহীত্বা যদিদং বিচিত্রম্ ॥৯॥
প্রসীদ মাতর্বিনযেন যাচে নিত্যং ভব স্নেহবতী সুতেষু । প্রেমৈকবিন্দুং চিরদগ্ধচিত্তে বিষিঞ্চ চিত্তং কুরু নঃ সুশান্তম্ ॥১০॥
জননীং সারদাং দেবীং রামকৃষ্ণং জগদ্গুরুম্ । পাদপদ্মে তযোঃ শ্রিত্বা প্রণমামি মুহুর্মুহুঃ ॥১১॥