সপ্তমুখী হনুমত্কৱচম্ (অথৰ্ৱণ ৰহস্য)

॥ সপ্তমুখীহনুমত্কৱচম্ ॥

॥ ৱিনিযোগঃ ॥

ওঁ অস্য শ্ৰীসপ্তমুখীৱীৰহনুমত্কৱচস্তোত্ৰমন্ত্ৰস্য, নাৰদঋষিঃ,
অনুষ্টুপ্ছন্দঃ,শ্ৰীসপ্তমুখীকপিঃ পৰমাত্মাদেৱতা, হ্ৰাং বীজম্,
হ্ৰীং শক্তিঃ, হ্ৰূং কীলকম্,মম সৰ্ৱাভীষ্টসিদ্ধ্যৰ্থে জপে ৱিনিযোগঃ ॥

॥ কৰন্যাসঃ ॥

ওঁ হ্ৰাং অঙ্গুষ্ঠাভ্যাং নমঃ ।
ওঁ হ্ৰীং তৰ্জনীভ্যাং নমঃ ।
ওঁ হ্ৰূং মধ্যমাভ্যাং নমঃ ।
ওঁ হ্ৰৈং অনামিকাভ্যাং নমঃ ।
ওঁ হ্ৰৌং কনিষ্ঠিকাভ্যাং নমঃ ।
ওঁ হ্ৰঃ কৰতলকৰপৃষ্ঠাভ্যাং নমঃ ॥

॥ অঙ্গন্যাসঃ ॥

ওঁ হ্ৰাং হৃদযায নমঃ ।
ওঁ হ্ৰীং শিৰসে স্ৱাহা ।
ওঁ হ্ৰূং শিখাযৈ ৱষট্ ।
ওঁ হ্ৰৈং কৱচায হুং ।
ওঁ হ্ৰৌং নেত্ৰত্ৰযায ৱৌষট্ ।
ওঁ হ্ৰঃ অস্ত্ৰায ফট্ ॥

॥ ধ্যানম্ ॥

ৱন্দেৱানৰসিংহসৰ্পৰিপুৱাৰাহাশ্ৱগোমানুষৈৰ্যুক্তং
সপ্তমুখৈঃ কৰৈৰ্দ্ৰুমগিৰিং চক্ৰং গদাং খেটকম্ ।
খট্ৱাঙ্গং হলমঙ্কুশং ফণিসুধাকুম্ভৌ শৰাব্জাভযান্
শূলং সপ্তশিখং দধানমমৰৈঃ সেৱ্যং কপিং কামদম্ ॥

॥ কৱচম্ ॥

ব্ৰহ্মোৱাচ ।
সপ্তশীৰ্ষ্ণঃ প্ৰৱক্ষ্যামি কৱচং সৰ্ৱসিদ্ধিদম্ ।
জপ্ত্ৱা হনুমতো নিত্যং সৰ্ৱপাপৈঃ প্ৰমুচ্যতে ॥ ১॥

সপ্তস্ৱৰ্গপতিঃ পাযাচ্ছিখাং মে মাৰুতাত্মজঃ ।
সপ্তমূৰ্ধা শিৰোঽৱ্যান্মে সপ্তাৰ্চিৰ্ভালদেশকম্ ॥ ২॥

ত্ৰিঃসপ্তনেত্ৰো নেত্ৰেঽৱ্যাত্সপ্তস্ৱৰগতিঃ শ্ৰুতী ।
নাসাং সপ্তপদাৰ্থোঽৱ্যান্মুখং সপ্তমুখোঽৱতু ॥ ৩॥

সপ্তজিহ্ৱস্তু ৰসনাং ৰদান্সপ্তহযোঽৱতু ।
সপ্তচ্ছন্দো হৰিঃ পাতু কণ্ঠং বাহূ গিৰিস্থিতঃ ॥ ৪॥

কৰৌ চতুৰ্দশকৰো ভূধৰোঽৱ্যান্মমাঙ্গুলীঃ ।
সপ্তৰ্ষিধ্যাতো হৃদযমুদৰং কুক্ষিসাগৰঃ ॥ ৫॥

সপ্তদ্ৱীপপতিশ্চিত্তং সপ্তৱ্যাহৃতিৰূপৱান্ ।
কটিং মে সপ্তসংস্থাৰ্থদাযকঃ সক্থিনী মম ॥ ৬॥

সপ্তগ্ৰহস্ৱৰূপী মে জানুনী জঙ্ঘযোস্তথা ।
সপ্তধান্যপ্ৰিযঃ পাদৌ সপ্তপাতালধাৰকঃ ॥ ৭॥

পশূন্ধনং চ ধান্যং চ লক্ষ্মীং লক্ষ্মীপ্ৰদোঽৱতু ।
দাৰান্ পুত্ৰাংশ্চ কন্যাশ্চ কুটুম্বং ৱিশ্ৱপালকঃ ॥ ৮॥

অনুক্তস্থানমপি মে পাযাদ্ৱাযুসুতঃ সদা ।
চৌৰেভ্যো ৱ্যালদংষ্ট্ৰিভ্যঃ শৃঙ্গিভ্যো ভূতৰাক্ষসাত্ ॥ ৯॥

দৈত্যেভ্যোঽপ্যথ যক্ষেভ্যো ব্ৰহ্মৰাক্ষসজাদ্ভযাত্ ।
দংষ্ট্ৰাকৰালৱদনো হনুমান্ মাং সদাঽৱতু ॥ ১০॥

পৰশস্ত্ৰমন্ত্ৰতন্ত্ৰযন্ত্ৰাগ্নিজলৱিদ্যুতঃ ।
ৰুদ্ৰাংশঃ শত্ৰুসঙ্গ্ৰামাত্সৰ্ৱাৱস্থাসু সৰ্ৱভৃত্ ॥ ১১॥

ওঁ নমো ভগৱতে সপ্তৱদনায আদ্যকপিমুখায ৱীৰহনুমতে
সৰ্ৱশত্ৰুসংহাৰণায ঠংঠংঠংঠংঠংঠংঠং ওঁ নমঃ স্ৱাহা ॥ ১২॥

ওঁ নমো ভগৱতে সপ্তৱদনায দ্ৱীতীযনাৰসিংহাস্যায অত্যুগ্ৰতেজোৱপুষে
ভীষণায ভযনাশনায হংহংহংহংহংহংহং ওঁ নমঃ স্ৱাহা ॥ ১৩॥

ওঁ নমো ভগৱতে সপ্তৱদনায তৃতীযগৰুডৱক্ত্ৰায ৱজ্ৰদংষ্ট্ৰায
মহাবলায সৰ্ৱৰোগৱিনাশায মংমংমংমংমংমংমং ওঁ নমঃ স্ৱাহা ॥ ১৪॥

ওঁ নমো ভগৱতে সপ্তৱদনায চতুৰ্থক্ৰোডতুণ্ডায সৌমিত্ৰিৰক্ষকায
পুত্ৰাদ্যভিৱৃদ্ধিকৰায লংলংলংলংলংলংলং ওঁ নমঃ স্ৱাহা ॥ ১৫॥

ওঁ নমো ভগৱতে সপ্তৱদনায পঞ্চমাশ্ৱৱদনায ৰুদ্ৰমূৰ্তযে সৰ্ৱ-
ৱশীকৰণায সৰ্ৱনিগমস্ৱৰূপায ৰুংৰুংৰুংৰুংৰুংৰুংৰুং ওঁ নমঃ স্ৱাহা ॥ ১৬॥

ওঁ নমো ভগৱতে সপ্তৱদনায ষষ্ঠগোমুখায সূৰ্যস্ৱৰূপায
সৰ্ৱৰোগহৰায মুক্তিদাত্ৰে ওঁওঁওঁওঁওঁওঁওঁ ওঁ নমঃ স্ৱাহা ॥ ১৭॥

ওঁ নমো ভগৱতে সপ্তৱদনায সপ্তমমানুষমুখায
ৰুদ্ৰাৱতাৰায অঞ্জনাসুতায সকলদিগ্যশোৱিস্তাৰকায ৱজ্ৰদেহায
সুগ্ৰীৱসাহ্যকৰায উদধিলঙ্ঘনায সীতাশুদ্ধিকৰায লঙ্কাদহনায
অনেকৰাক্ষসান্তকায ৰামানন্দদাযকায অনেকপৰ্ৱতোত্পাটকায
সেতুবন্ধকায কপিসৈন্যনাযকায ৰাৱণান্তকায ব্ৰহ্মচৰ্যাশ্ৰমিণে
কৌপীনব্ৰহ্মসূত্ৰধাৰকায ৰামহৃদযায সৰ্ৱদুষ্টগ্ৰহনিৱাৰণায
শাকিনীডাকিনীৱেতালব্ৰহ্মৰাক্ষসভৈৰৱগ্ৰহ-
যক্ষগ্ৰহপিশাচগ্ৰহব্ৰহ্মগ্ৰহক্ষত্ৰিযগ্ৰহৱৈশ্যগ্ৰহ-
শূদ্ৰগ্ৰহান্ত্যজগ্ৰহম্লেচ্ছগ্ৰহসৰ্পগ্ৰহোচ্চাটকায
মম সৰ্ৱ কাৰ্যসাধকায সৰ্ৱশত্ৰুসংহাৰকায
সিংহৱ্যাঘ্ৰাদিদুষ্টসত্ৱাকৰ্ষকাযৈ কাহিকাদিৱিৱিধজ্ৱৰচ্ছেদকায
পৰযন্ত্ৰমন্ত্ৰতন্ত্ৰনাশকায সৰ্ৱৱ্যাধিনিকৃন্তকায
সৰ্পাদিসৰ্ৱস্থাৱৰজঙ্গমৱিষস্তম্ভনকৰায
সৰ্ৱৰাজভযচোৰভযাঽগ্নিভযপ্ৰশমনাযাঽঽধ্যাত্মিকাঽঽধি-
দৈৱিকাধিভৌতিকতাপত্ৰযনিৱাৰণাযসৰ্ৱৱিদ্যাসৰ্ৱসম্পত্সৰ্ৱপুৰুষাৰ্থ-
দাযকাযাঽসাধ্যকাৰ্যসাধকায সৰ্ৱৱৰপ্ৰদাযসৰ্ৱাঽভীষ্টকৰায
ওঁ হ্ৰাং হ্ৰীং হ্ৰূং হ্ৰৈং হ্ৰৌং হ্ৰঃ ওঁ নমঃ স্ৱাহা ॥ ১৮॥

॥ ফলশ্ৰুতিঃ ॥

য ইদং কৱচং নিত্যং সপ্তাস্যস্য হনুমতঃ ।
ত্ৰিসন্ধ্যং জপতে নিত্যং সৰ্ৱশত্ৰুৱিনাশনম্ ॥ ১৯॥
পুত্ৰপৌত্ৰপ্ৰদং সৰ্ৱং সম্পদ্ৰাজ্যপ্ৰদং পৰম্ ।
সৰ্ৱৰোগহৰং চাঽঽযুঃকীৰ্ত্তিদং পুণ্যৱৰ্ধনম্ ॥ ২০॥
ৰাজানং স ৱশং নীত্ৱা ত্ৰৈলোক্যৱিজযী ভৱেত্ ।
ইদং হি পৰমং গোপ্যং দেযং ভক্তিযুতায চ ॥ ২১॥
ন দেযং ভক্তিহীনায দত্ৱা স নিৰযং ৱ্ৰজেত্ ॥ ২২॥
নামানিসৰ্ৱাণ্যপৱৰ্গদানি ৰূপাণি ৱিশ্ৱানি চ যস্য সন্তি ।
কৰ্মাণি দেৱৈৰপি দুৰ্ঘটানি তং মাৰুতিং সপ্তমুখং প্ৰপদ্যে॥ ২৩॥