ಸಪ್ತಮುಖೀ ಹನುಮತ್ಕವಚಮ್ (ಅಥರ್ವಣ ರಹಸ್ಯ)

॥ ಸಪ್ತಮುಖೀಹನುಮತ್ಕವಚಮ್ ॥

॥ ವಿನಿಯೋಗಃ ॥

ಓಂ ಅಸ್ಯ ಶ್ರೀಸಪ್ತಮುಖೀವೀರಹನುಮತ್ಕವಚಸ್ತೋತ್ರಮನ್ತ್ರಸ್ಯ, ನಾರದಋಷಿಃ,
ಅನುಷ್ಟುಪ್ಛನ್ದಃ,ಶ್ರೀಸಪ್ತಮುಖೀಕಪಿಃ ಪರಮಾತ್ಮಾದೇವತಾ, ಹ್ರಾಂ ಬೀಜಮ್,
ಹ್ರೀಂ ಶಕ್ತಿಃ, ಹ್ರೂಂ ಕೀಲಕಮ್,ಮಮ ಸರ್ವಾಭೀಷ್ಟಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥

॥ ಕರನ್ಯಾಸಃ ॥

ಓಂ ಹ್ರಾಂ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ಹ್ರೀಂ ತರ್ಜನೀಭ್ಯಾಂ ನಮಃ ।
ಓಂ ಹ್ರೂಂ ಮಧ್ಯಮಾಭ್ಯಾಂ ನಮಃ ।
ಓಂ ಹ್ರೈಂ ಅನಾಮಿಕಾಭ್ಯಾಂ ನಮಃ ।
ಓಂ ಹ್ರೌಂ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಹ್ರಃ ಕರತಲಕರಪೃಷ್ಠಾಭ್ಯಾಂ ನಮಃ ॥

॥ ಅಙ್ಗನ್ಯಾಸಃ ॥

ಓಂ ಹ್ರಾಂ ಹೃದಯಾಯ ನಮಃ ।
ಓಂ ಹ್ರೀಂ ಶಿರಸೇ ಸ್ವಾಹಾ ।
ಓಂ ಹ್ರೂಂ ಶಿಖಾಯೈ ವಷಟ್ ।
ಓಂ ಹ್ರೈಂ ಕವಚಾಯ ಹುಂ ।
ಓಂ ಹ್ರೌಂ ನೇತ್ರತ್ರಯಾಯ ವೌಷಟ್ ।
ಓಂ ಹ್ರಃ ಅಸ್ತ್ರಾಯ ಫಟ್ ॥

॥ ಧ್ಯಾನಮ್ ॥

ವನ್ದೇವಾನರಸಿಂಹಸರ್ಪರಿಪುವಾರಾಹಾಶ್ವಗೋಮಾನುಷೈರ್ಯುಕ್ತಂ
ಸಪ್ತಮುಖೈಃ ಕರೈರ್ದ್ರುಮಗಿರಿಂ ಚಕ್ರಂ ಗದಾಂ ಖೇಟಕಮ್ ।
ಖಟ್ವಾಙ್ಗಂ ಹಲಮಙ್ಕುಶಂ ಫಣಿಸುಧಾಕುಮ್ಭೌ ಶರಾಬ್ಜಾಭಯಾನ್
ಶೂಲಂ ಸಪ್ತಶಿಖಂ ದಧಾನಮಮರೈಃ ಸೇವ್ಯಂ ಕಪಿಂ ಕಾಮದಮ್ ॥

॥ ಕವಚಮ್ ॥

ಬ್ರಹ್ಮೋವಾಚ ।
ಸಪ್ತಶೀರ್ಷ್ಣಃ ಪ್ರವಕ್ಷ್ಯಾಮಿ ಕವಚಂ ಸರ್ವಸಿದ್ಧಿದಮ್ ।
ಜಪ್ತ್ವಾ ಹನುಮತೋ ನಿತ್ಯಂ ಸರ್ವಪಾಪೈಃ ಪ್ರಮುಚ್ಯತೇ ॥ ೧॥

ಸಪ್ತಸ್ವರ್ಗಪತಿಃ ಪಾಯಾಚ್ಛಿಖಾಂ ಮೇ ಮಾರುತಾತ್ಮಜಃ ।
ಸಪ್ತಮೂರ್ಧಾ ಶಿರೋಽವ್ಯಾನ್ಮೇ ಸಪ್ತಾರ್ಚಿರ್ಭಾಲದೇಶಕಮ್ ॥ ೨॥

ತ್ರಿಃಸಪ್ತನೇತ್ರೋ ನೇತ್ರೇಽವ್ಯಾತ್ಸಪ್ತಸ್ವರಗತಿಃ ಶ್ರುತೀ ।
ನಾಸಾಂ ಸಪ್ತಪದಾರ್ಥೋಽವ್ಯಾನ್ಮುಖಂ ಸಪ್ತಮುಖೋಽವತು ॥ ೩॥

ಸಪ್ತಜಿಹ್ವಸ್ತು ರಸನಾಂ ರದಾನ್ಸಪ್ತಹಯೋಽವತು ।
ಸಪ್ತಚ್ಛನ್ದೋ ಹರಿಃ ಪಾತು ಕಣ್ಠಂ ಬಾಹೂ ಗಿರಿಸ್ಥಿತಃ ॥ ೪॥

ಕರೌ ಚತುರ್ದಶಕರೋ ಭೂಧರೋಽವ್ಯಾನ್ಮಮಾಙ್ಗುಲೀಃ ।
ಸಪ್ತರ್ಷಿಧ್ಯಾತೋ ಹೃದಯಮುದರಂ ಕುಕ್ಷಿಸಾಗರಃ ॥ ೫॥

ಸಪ್ತದ್ವೀಪಪತಿಶ್ಚಿತ್ತಂ ಸಪ್ತವ್ಯಾಹೃತಿರೂಪವಾನ್ ।
ಕಟಿಂ ಮೇ ಸಪ್ತಸಂಸ್ಥಾರ್ಥದಾಯಕಃ ಸಕ್ಥಿನೀ ಮಮ ॥ ೬॥

ಸಪ್ತಗ್ರಹಸ್ವರೂಪೀ ಮೇ ಜಾನುನೀ ಜಙ್ಘಯೋಸ್ತಥಾ ।
ಸಪ್ತಧಾನ್ಯಪ್ರಿಯಃ ಪಾದೌ ಸಪ್ತಪಾತಾಲಧಾರಕಃ ॥ ೭॥

ಪಶೂನ್ಧನಂ ಚ ಧಾನ್ಯಂ ಚ ಲಕ್ಷ್ಮೀಂ ಲಕ್ಷ್ಮೀಪ್ರದೋಽವತು ।
ದಾರಾನ್ ಪುತ್ರಾಂಶ್ಚ ಕನ್ಯಾಶ್ಚ ಕುಟುಮ್ಬಂ ವಿಶ್ವಪಾಲಕಃ ॥ ೮॥

ಅನುಕ್ತಸ್ಥಾನಮಪಿ ಮೇ ಪಾಯಾದ್ವಾಯುಸುತಃ ಸದಾ ।
ಚೌರೇಭ್ಯೋ ವ್ಯಾಲದಂಷ್ಟ್ರಿಭ್ಯಃ ಶೃಙ್ಗಿಭ್ಯೋ ಭೂತರಾಕ್ಷಸಾತ್ ॥ ೯॥

ದೈತ್ಯೇಭ್ಯೋಽಪ್ಯಥ ಯಕ್ಷೇಭ್ಯೋ ಬ್ರಹ್ಮರಾಕ್ಷಸಜಾದ್ಭಯಾತ್ ।
ದಂಷ್ಟ್ರಾಕರಾಲವದನೋ ಹನುಮಾನ್ ಮಾಂ ಸದಾಽವತು ॥ ೧೦॥

ಪರಶಸ್ತ್ರಮನ್ತ್ರತನ್ತ್ರಯನ್ತ್ರಾಗ್ನಿಜಲವಿದ್ಯುತಃ ।
ರುದ್ರಾಂಶಃ ಶತ್ರುಸಙ್ಗ್ರಾಮಾತ್ಸರ್ವಾವಸ್ಥಾಸು ಸರ್ವಭೃತ್ ॥ ೧೧॥

ಓಂ ನಮೋ ಭಗವತೇ ಸಪ್ತವದನಾಯ ಆದ್ಯಕಪಿಮುಖಾಯ ವೀರಹನುಮತೇ
ಸರ್ವಶತ್ರುಸಂಹಾರಣಾಯ ಠಂಠಂಠಂಠಂಠಂಠಂಠಂ ಓಂ ನಮಃ ಸ್ವಾಹಾ ॥ ೧೨॥

ಓಂ ನಮೋ ಭಗವತೇ ಸಪ್ತವದನಾಯ ದ್ವೀತೀಯನಾರಸಿಂಹಾಸ್ಯಾಯ ಅತ್ಯುಗ್ರತೇಜೋವಪುಷೇ
ಭೀಷಣಾಯ ಭಯನಾಶನಾಯ ಹಂಹಂಹಂಹಂಹಂಹಂಹಂ ಓಂ ನಮಃ ಸ್ವಾಹಾ ॥ ೧೩॥

ಓಂ ನಮೋ ಭಗವತೇ ಸಪ್ತವದನಾಯ ತೃತೀಯಗರುಡವಕ್ತ್ರಾಯ ವಜ್ರದಂಷ್ಟ್ರಾಯ
ಮಹಾಬಲಾಯ ಸರ್ವರೋಗವಿನಾಶಾಯ ಮಂಮಂಮಂಮಂಮಂಮಂಮಂ ಓಂ ನಮಃ ಸ್ವಾಹಾ ॥ ೧೪॥

ಓಂ ನಮೋ ಭಗವತೇ ಸಪ್ತವದನಾಯ ಚತುರ್ಥಕ್ರೋಡತುಣ್ಡಾಯ ಸೌಮಿತ್ರಿರಕ್ಷಕಾಯ
ಪುತ್ರಾದ್ಯಭಿವೃದ್ಧಿಕರಾಯ ಲಂಲಂಲಂಲಂಲಂಲಂಲಂ ಓಂ ನಮಃ ಸ್ವಾಹಾ ॥ ೧೫॥

ಓಂ ನಮೋ ಭಗವತೇ ಸಪ್ತವದನಾಯ ಪಞ್ಚಮಾಶ್ವವದನಾಯ ರುದ್ರಮೂರ್ತಯೇ ಸರ್ವ-
ವಶೀಕರಣಾಯ ಸರ್ವನಿಗಮಸ್ವರೂಪಾಯ ರುಂರುಂರುಂರುಂರುಂರುಂರುಂ ಓಂ ನಮಃ ಸ್ವಾಹಾ ॥ ೧೬॥

ಓಂ ನಮೋ ಭಗವತೇ ಸಪ್ತವದನಾಯ ಷಷ್ಠಗೋಮುಖಾಯ ಸೂರ್ಯಸ್ವರೂಪಾಯ
ಸರ್ವರೋಗಹರಾಯ ಮುಕ್ತಿದಾತ್ರೇ ಓಂಓಂಓಂಓಂಓಂಓಂಓಂ ಓಂ ನಮಃ ಸ್ವಾಹಾ ॥ ೧೭॥

ಓಂ ನಮೋ ಭಗವತೇ ಸಪ್ತವದನಾಯ ಸಪ್ತಮಮಾನುಷಮುಖಾಯ
ರುದ್ರಾವತಾರಾಯ ಅಞ್ಜನಾಸುತಾಯ ಸಕಲದಿಗ್ಯಶೋವಿಸ್ತಾರಕಾಯ ವಜ್ರದೇಹಾಯ
ಸುಗ್ರೀವಸಾಹ್ಯಕರಾಯ ಉದಧಿಲಙ್ಘನಾಯ ಸೀತಾಶುದ್ಧಿಕರಾಯ ಲಙ್ಕಾದಹನಾಯ
ಅನೇಕರಾಕ್ಷಸಾನ್ತಕಾಯ ರಾಮಾನನ್ದದಾಯಕಾಯ ಅನೇಕಪರ್ವತೋತ್ಪಾಟಕಾಯ
ಸೇತುಬನ್ಧಕಾಯ ಕಪಿಸೈನ್ಯನಾಯಕಾಯ ರಾವಣಾನ್ತಕಾಯ ಬ್ರಹ್ಮಚರ್ಯಾಶ್ರಮಿಣೇ
ಕೌಪೀನಬ್ರಹ್ಮಸೂತ್ರಧಾರಕಾಯ ರಾಮಹೃದಯಾಯ ಸರ್ವದುಷ್ಟಗ್ರಹನಿವಾರಣಾಯ
ಶಾಕಿನೀಡಾಕಿನೀವೇತಾಲಬ್ರಹ್ಮರಾಕ್ಷಸಭೈರವಗ್ರಹ-
ಯಕ್ಷಗ್ರಹಪಿಶಾಚಗ್ರಹಬ್ರಹ್ಮಗ್ರಹಕ್ಷತ್ರಿಯಗ್ರಹವೈಶ್ಯಗ್ರಹ-
ಶೂದ್ರಗ್ರಹಾನ್ತ್ಯಜಗ್ರಹಮ್ಲೇಚ್ಛಗ್ರಹಸರ್ಪಗ್ರಹೋಚ್ಚಾಟಕಾಯ
ಮಮ ಸರ್ವ ಕಾರ್ಯಸಾಧಕಾಯ ಸರ್ವಶತ್ರುಸಂಹಾರಕಾಯ
ಸಿಂಹವ್ಯಾಘ್ರಾದಿದುಷ್ಟಸತ್ವಾಕರ್ಷಕಾಯೈ ಕಾಹಿಕಾದಿವಿವಿಧಜ್ವರಚ್ಛೇದಕಾಯ
ಪರಯನ್ತ್ರಮನ್ತ್ರತನ್ತ್ರನಾಶಕಾಯ ಸರ್ವವ್ಯಾಧಿನಿಕೃನ್ತಕಾಯ
ಸರ್ಪಾದಿಸರ್ವಸ್ಥಾವರಜಙ್ಗಮವಿಷಸ್ತಮ್ಭನಕರಾಯ
ಸರ್ವರಾಜಭಯಚೋರಭಯಾಽಗ್ನಿಭಯಪ್ರಶಮನಾಯಾಽಽಧ್ಯಾತ್ಮಿಕಾಽಽಧಿ-
ದೈವಿಕಾಧಿಭೌತಿಕತಾಪತ್ರಯನಿವಾರಣಾಯಸರ್ವವಿದ್ಯಾಸರ್ವಸಮ್ಪತ್ಸರ್ವಪುರುಷಾರ್ಥ-
ದಾಯಕಾಯಾಽಸಾಧ್ಯಕಾರ್ಯಸಾಧಕಾಯ ಸರ್ವವರಪ್ರದಾಯಸರ್ವಾಽಭೀಷ್ಟಕರಾಯ
ಓಂ ಹ್ರಾಂ ಹ್ರೀಂ ಹ್ರೂಂ ಹ್ರೈಂ ಹ್ರೌಂ ಹ್ರಃ ಓಂ ನಮಃ ಸ್ವಾಹಾ ॥ ೧೮॥

॥ ಫಲಶ್ರುತಿಃ ॥

ಯ ಇದಂ ಕವಚಂ ನಿತ್ಯಂ ಸಪ್ತಾಸ್ಯಸ್ಯ ಹನುಮತಃ ।
ತ್ರಿಸನ್ಧ್ಯಂ ಜಪತೇ ನಿತ್ಯಂ ಸರ್ವಶತ್ರುವಿನಾಶನಮ್ ॥ ೧೯॥
ಪುತ್ರಪೌತ್ರಪ್ರದಂ ಸರ್ವಂ ಸಮ್ಪದ್ರಾಜ್ಯಪ್ರದಂ ಪರಮ್ ।
ಸರ್ವರೋಗಹರಂ ಚಾಽಽಯುಃಕೀರ್ತ್ತಿದಂ ಪುಣ್ಯವರ್ಧನಮ್ ॥ ೨೦॥
ರಾಜಾನಂ ಸ ವಶಂ ನೀತ್ವಾ ತ್ರೈಲೋಕ್ಯವಿಜಯೀ ಭವೇತ್ ।
ಇದಂ ಹಿ ಪರಮಂ ಗೋಪ್ಯಂ ದೇಯಂ ಭಕ್ತಿಯುತಾಯ ಚ ॥ ೨೧॥
ನ ದೇಯಂ ಭಕ್ತಿಹೀನಾಯ ದತ್ವಾ ಸ ನಿರಯಂ ವ್ರಜೇತ್ ॥ ೨೨॥
ನಾಮಾನಿಸರ್ವಾಣ್ಯಪವರ್ಗದಾನಿ ರೂಪಾಣಿ ವಿಶ್ವಾನಿ ಚ ಯಸ್ಯ ಸನ್ತಿ ।
ಕರ್ಮಾಣಿ ದೇವೈರಪಿ ದುರ್ಘಟಾನಿ ತಂ ಮಾರುತಿಂ ಸಪ್ತಮುಖಂ ಪ್ರಪದ್ಯೇ॥ ೨೩॥