সপ্তমুখী হনুমত্কবচম্ (অথর্বণ রহস্য)

॥ সপ্তমুখীহনুমত্কবচম্ ॥

॥ বিনিযোগঃ ॥

ওঁ অস্য শ্রীসপ্তমুখীবীরহনুমত্কবচস্তোত্রমন্ত্রস্য, নারদঋষিঃ,
অনুষ্টুপ্ছন্দঃ,শ্রীসপ্তমুখীকপিঃ পরমাত্মাদেবতা, হ্রাং বীজম্,
হ্রীং শক্তিঃ, হ্রূং কীলকম্,মম সর্বাভীষ্টসিদ্ধ্যর্থে জপে বিনিযোগঃ ॥

॥ করন্যাসঃ ॥

ওঁ হ্রাং অঙ্গুষ্ঠাভ্যাং নমঃ ।
ওঁ হ্রীং তর্জনীভ্যাং নমঃ ।
ওঁ হ্রূং মধ্যমাভ্যাং নমঃ ।
ওঁ হ্রৈং অনামিকাভ্যাং নমঃ ।
ওঁ হ্রৌং কনিষ্ঠিকাভ্যাং নমঃ ।
ওঁ হ্রঃ করতলকরপৃষ্ঠাভ্যাং নমঃ ॥

॥ অঙ্গন্যাসঃ ॥

ওঁ হ্রাং হৃদযায নমঃ ।
ওঁ হ্রীং শিরসে স্বাহা ।
ওঁ হ্রূং শিখাযৈ বষট্ ।
ওঁ হ্রৈং কবচায হুং ।
ওঁ হ্রৌং নেত্রত্রযায বৌষট্ ।
ওঁ হ্রঃ অস্ত্রায ফট্ ॥

॥ ধ্যানম্ ॥

বন্দেবানরসিংহসর্পরিপুবারাহাশ্বগোমানুষৈর্যুক্তং
সপ্তমুখৈঃ করৈর্দ্রুমগিরিং চক্রং গদাং খেটকম্ ।
খট্বাঙ্গং হলমঙ্কুশং ফণিসুধাকুম্ভৌ শরাব্জাভযান্
শূলং সপ্তশিখং দধানমমরৈঃ সেব্যং কপিং কামদম্ ॥

॥ কবচম্ ॥

ব্রহ্মোবাচ ।
সপ্তশীর্ষ্ণঃ প্রবক্ষ্যামি কবচং সর্বসিদ্ধিদম্ ।
জপ্ত্বা হনুমতো নিত্যং সর্বপাপৈঃ প্রমুচ্যতে ॥ ১॥

সপ্তস্বর্গপতিঃ পাযাচ্ছিখাং মে মারুতাত্মজঃ ।
সপ্তমূর্ধা শিরোঽব্যান্মে সপ্তার্চির্ভালদেশকম্ ॥ ২॥

ত্রিঃসপ্তনেত্রো নেত্রেঽব্যাত্সপ্তস্বরগতিঃ শ্রুতী ।
নাসাং সপ্তপদার্থোঽব্যান্মুখং সপ্তমুখোঽবতু ॥ ৩॥

সপ্তজিহ্বস্তু রসনাং রদান্সপ্তহযোঽবতু ।
সপ্তচ্ছন্দো হরিঃ পাতু কণ্ঠং বাহূ গিরিস্থিতঃ ॥ ৪॥

করৌ চতুর্দশকরো ভূধরোঽব্যান্মমাঙ্গুলীঃ ।
সপ্তর্ষিধ্যাতো হৃদযমুদরং কুক্ষিসাগরঃ ॥ ৫॥

সপ্তদ্বীপপতিশ্চিত্তং সপ্তব্যাহৃতিরূপবান্ ।
কটিং মে সপ্তসংস্থার্থদাযকঃ সক্থিনী মম ॥ ৬॥

সপ্তগ্রহস্বরূপী মে জানুনী জঙ্ঘযোস্তথা ।
সপ্তধান্যপ্রিযঃ পাদৌ সপ্তপাতালধারকঃ ॥ ৭॥

পশূন্ধনং চ ধান্যং চ লক্ষ্মীং লক্ষ্মীপ্রদোঽবতু ।
দারান্ পুত্রাংশ্চ কন্যাশ্চ কুটুম্বং বিশ্বপালকঃ ॥ ৮॥

অনুক্তস্থানমপি মে পাযাদ্বাযুসুতঃ সদা ।
চৌরেভ্যো ব্যালদংষ্ট্রিভ্যঃ শৃঙ্গিভ্যো ভূতরাক্ষসাত্ ॥ ৯॥

দৈত্যেভ্যোঽপ্যথ যক্ষেভ্যো ব্রহ্মরাক্ষসজাদ্ভযাত্ ।
দংষ্ট্রাকরালবদনো হনুমান্ মাং সদাঽবতু ॥ ১০॥

পরশস্ত্রমন্ত্রতন্ত্রযন্ত্রাগ্নিজলবিদ্যুতঃ ।
রুদ্রাংশঃ শত্রুসঙ্গ্রামাত্সর্বাবস্থাসু সর্বভৃত্ ॥ ১১॥

ওঁ নমো ভগবতে সপ্তবদনায আদ্যকপিমুখায বীরহনুমতে
সর্বশত্রুসংহারণায ঠংঠংঠংঠংঠংঠংঠং ওঁ নমঃ স্বাহা ॥ ১২॥

ওঁ নমো ভগবতে সপ্তবদনায দ্বীতীযনারসিংহাস্যায অত্যুগ্রতেজোবপুষে
ভীষণায ভযনাশনায হংহংহংহংহংহংহং ওঁ নমঃ স্বাহা ॥ ১৩॥

ওঁ নমো ভগবতে সপ্তবদনায তৃতীযগরুডবক্ত্রায বজ্রদংষ্ট্রায
মহাবলায সর্বরোগবিনাশায মংমংমংমংমংমংমং ওঁ নমঃ স্বাহা ॥ ১৪॥

ওঁ নমো ভগবতে সপ্তবদনায চতুর্থক্রোডতুণ্ডায সৌমিত্রিরক্ষকায
পুত্রাদ্যভিবৃদ্ধিকরায লংলংলংলংলংলংলং ওঁ নমঃ স্বাহা ॥ ১৫॥

ওঁ নমো ভগবতে সপ্তবদনায পঞ্চমাশ্ববদনায রুদ্রমূর্তযে সর্ব-
বশীকরণায সর্বনিগমস্বরূপায রুংরুংরুংরুংরুংরুংরুং ওঁ নমঃ স্বাহা ॥ ১৬॥

ওঁ নমো ভগবতে সপ্তবদনায ষষ্ঠগোমুখায সূর্যস্বরূপায
সর্বরোগহরায মুক্তিদাত্রে ওঁওঁওঁওঁওঁওঁওঁ ওঁ নমঃ স্বাহা ॥ ১৭॥

ওঁ নমো ভগবতে সপ্তবদনায সপ্তমমানুষমুখায
রুদ্রাবতারায অঞ্জনাসুতায সকলদিগ্যশোবিস্তারকায বজ্রদেহায
সুগ্রীবসাহ্যকরায উদধিলঙ্ঘনায সীতাশুদ্ধিকরায লঙ্কাদহনায
অনেকরাক্ষসান্তকায রামানন্দদাযকায অনেকপর্বতোত্পাটকায
সেতুবন্ধকায কপিসৈন্যনাযকায রাবণান্তকায ব্রহ্মচর্যাশ্রমিণে
কৌপীনব্রহ্মসূত্রধারকায রামহৃদযায সর্বদুষ্টগ্রহনিবারণায
শাকিনীডাকিনীবেতালব্রহ্মরাক্ষসভৈরবগ্রহ-
যক্ষগ্রহপিশাচগ্রহব্রহ্মগ্রহক্ষত্রিযগ্রহবৈশ্যগ্রহ-
শূদ্রগ্রহান্ত্যজগ্রহম্লেচ্ছগ্রহসর্পগ্রহোচ্চাটকায
মম সর্ব কার্যসাধকায সর্বশত্রুসংহারকায
সিংহব্যাঘ্রাদিদুষ্টসত্বাকর্ষকাযৈ কাহিকাদিবিবিধজ্বরচ্ছেদকায
পরযন্ত্রমন্ত্রতন্ত্রনাশকায সর্বব্যাধিনিকৃন্তকায
সর্পাদিসর্বস্থাবরজঙ্গমবিষস্তম্ভনকরায
সর্বরাজভযচোরভযাঽগ্নিভযপ্রশমনাযাঽঽধ্যাত্মিকাঽঽধি-
দৈবিকাধিভৌতিকতাপত্রযনিবারণাযসর্ববিদ্যাসর্বসম্পত্সর্বপুরুষার্থ-
দাযকাযাঽসাধ্যকার্যসাধকায সর্ববরপ্রদাযসর্বাঽভীষ্টকরায
ওঁ হ্রাং হ্রীং হ্রূং হ্রৈং হ্রৌং হ্রঃ ওঁ নমঃ স্বাহা ॥ ১৮॥

॥ ফলশ্রুতিঃ ॥

য ইদং কবচং নিত্যং সপ্তাস্যস্য হনুমতঃ ।
ত্রিসন্ধ্যং জপতে নিত্যং সর্বশত্রুবিনাশনম্ ॥ ১৯॥
পুত্রপৌত্রপ্রদং সর্বং সম্পদ্রাজ্যপ্রদং পরম্ ।
সর্বরোগহরং চাঽঽযুঃকীর্ত্তিদং পুণ্যবর্ধনম্ ॥ ২০॥
রাজানং স বশং নীত্বা ত্রৈলোক্যবিজযী ভবেত্ ।
ইদং হি পরমং গোপ্যং দেযং ভক্তিযুতায চ ॥ ২১॥
ন দেযং ভক্তিহীনায দত্বা স নিরযং ব্রজেত্ ॥ ২২॥
নামানিসর্বাণ্যপবর্গদানি রূপাণি বিশ্বানি চ যস্য সন্তি ।
কর্মাণি দেবৈরপি দুর্ঘটানি তং মারুতিং সপ্তমুখং প্রপদ্যে॥ ২৩॥