സപ്തമുഖീ ഹനുമത്കവചമ് (അഥര്വണ രഹസ്യ)

॥ സപ്തമുഖീഹനുമത്കവചമ് ॥

॥ വിനിയോഗഃ ॥

ഓം അസ്യ ശ്രീസപ്തമുഖീവീരഹനുമത്കവചസ്തോത്രമന്ത്രസ്യ, നാരദഋഷിഃ,
അനുഷ്ടുപ്ഛന്ദഃ,ശ്രീസപ്തമുഖീകപിഃ പരമാത്മാദേവതാ, ഹ്രാം ബീജമ്,
ഹ്രീം ശക്തിഃ, ഹ്രൂം കീലകമ്,മമ സര്വാഭീഷ്ടസിദ്ധ്യര്ഥേ ജപേ വിനിയോഗഃ ॥

॥ കരന്യാസഃ ॥

ഓം ഹ്രാം അങ്ഗുഷ്ഠാഭ്യാം നമഃ ।
ഓം ഹ്രീം തര്ജനീഭ്യാം നമഃ ।
ഓം ഹ്രൂം മധ്യമാഭ്യാം നമഃ ।
ഓം ഹ്രൈം അനാമികാഭ്യാം നമഃ ।
ഓം ഹ്രൌം കനിഷ്ഠികാഭ്യാം നമഃ ।
ഓം ഹ്രഃ കരതലകരപൃഷ്ഠാഭ്യാം നമഃ ॥

॥ അങ്ഗന്യാസഃ ॥

ഓം ഹ്രാം ഹൃദയായ നമഃ ।
ഓം ഹ്രീം ശിരസേ സ്വാഹാ ।
ഓം ഹ്രൂം ശിഖായൈ വഷട് ।
ഓം ഹ്രൈം കവചായ ഹും ।
ഓം ഹ്രൌം നേത്രത്രയായ വൌഷട് ।
ഓം ഹ്രഃ അസ്ത്രായ ഫട് ॥

॥ ധ്യാനമ് ॥

വന്ദേവാനരസിംഹസര്പരിപുവാരാഹാശ്വഗോമാനുഷൈര്യുക്തം
സപ്തമുഖൈഃ കരൈര്ദ്രുമഗിരിം ചക്രം ഗദാം ഖേടകമ് ।
ഖട്വാങ്ഗം ഹലമങ്കുശം ഫണിസുധാകുമ്ഭൌ ശരാബ്ജാഭയാന്
ശൂലം സപ്തശിഖം ദധാനമമരൈഃ സേവ്യം കപിം കാമദമ് ॥

॥ കവചമ് ॥

ബ്രഹ്മോവാച ।
സപ്തശീര്ഷ്ണഃ പ്രവക്ഷ്യാമി കവചം സര്വസിദ്ധിദമ് ।
ജപ്ത്വാ ഹനുമതോ നിത്യം സര്വപാപൈഃ പ്രമുച്യതേ ॥ ൧॥

സപ്തസ്വര്ഗപതിഃ പായാച്ഛിഖാം മേ മാരുതാത്മജഃ ।
സപ്തമൂര്ധാ ശിരോഽവ്യാന്മേ സപ്താര്ചിര്ഭാലദേശകമ് ॥ ൨॥

ത്രിഃസപ്തനേത്രോ നേത്രേഽവ്യാത്സപ്തസ്വരഗതിഃ ശ്രുതീ ।
നാസാം സപ്തപദാര്ഥോഽവ്യാന്മുഖം സപ്തമുഖോഽവതു ॥ ൩॥

സപ്തജിഹ്വസ്തു രസനാം രദാന്സപ്തഹയോഽവതു ।
സപ്തച്ഛന്ദോ ഹരിഃ പാതു കണ്ഠം ബാഹൂ ഗിരിസ്ഥിതഃ ॥ ൪॥

കരൌ ചതുര്ദശകരോ ഭൂധരോഽവ്യാന്മമാങ്ഗുലീഃ ।
സപ്തര്ഷിധ്യാതോ ഹൃദയമുദരം കുക്ഷിസാഗരഃ ॥ ൫॥

സപ്തദ്വീപപതിശ്ചിത്തം സപ്തവ്യാഹൃതിരൂപവാന് ।
കടിം മേ സപ്തസംസ്ഥാര്ഥദായകഃ സക്ഥിനീ മമ ॥ ൬॥

സപ്തഗ്രഹസ്വരൂപീ മേ ജാനുനീ ജങ്ഘയോസ്തഥാ ।
സപ്തധാന്യപ്രിയഃ പാദൌ സപ്തപാതാലധാരകഃ ॥ ൭॥

പശൂന്ധനം ച ധാന്യം ച ലക്ഷ്മീം ലക്ഷ്മീപ്രദോഽവതു ।
ദാരാന് പുത്രാംശ്ച കന്യാശ്ച കുടുമ്ബം വിശ്വപാലകഃ ॥ ൮॥

അനുക്തസ്ഥാനമപി മേ പായാദ്വായുസുതഃ സദാ ।
ചൌരേഭ്യോ വ്യാലദംഷ്ട്രിഭ്യഃ ശൃങ്ഗിഭ്യോ ഭൂതരാക്ഷസാത് ॥ ൯॥

ദൈത്യേഭ്യോഽപ്യഥ യക്ഷേഭ്യോ ബ്രഹ്മരാക്ഷസജാദ്ഭയാത് ।
ദംഷ്ട്രാകരാലവദനോ ഹനുമാന് മാം സദാഽവതു ॥ ൧൦॥

പരശസ്ത്രമന്ത്രതന്ത്രയന്ത്രാഗ്നിജലവിദ്യുതഃ ।
രുദ്രാംശഃ ശത്രുസങ്ഗ്രാമാത്സര്വാവസ്ഥാസു സര്വഭൃത് ॥ ൧൧॥

ഓം നമോ ഭഗവതേ സപ്തവദനായ ആദ്യകപിമുഖായ വീരഹനുമതേ
സര്വശത്രുസംഹാരണായ ഠംഠംഠംഠംഠംഠംഠം ഓം നമഃ സ്വാഹാ ॥ ൧൨॥

ഓം നമോ ഭഗവതേ സപ്തവദനായ ദ്വീതീയനാരസിംഹാസ്യായ അത്യുഗ്രതേജോവപുഷേ
ഭീഷണായ ഭയനാശനായ ഹംഹംഹംഹംഹംഹംഹം ഓം നമഃ സ്വാഹാ ॥ ൧൩॥

ഓം നമോ ഭഗവതേ സപ്തവദനായ തൃതീയഗരുഡവക്ത്രായ വജ്രദംഷ്ട്രായ
മഹാബലായ സര്വരോഗവിനാശായ മംമംമംമംമംമംമം ഓം നമഃ സ്വാഹാ ॥ ൧൪॥

ഓം നമോ ഭഗവതേ സപ്തവദനായ ചതുര്ഥക്രോഡതുണ്ഡായ സൌമിത്രിരക്ഷകായ
പുത്രാദ്യഭിവൃദ്ധികരായ ലംലംലംലംലംലംലം ഓം നമഃ സ്വാഹാ ॥ ൧൫॥

ഓം നമോ ഭഗവതേ സപ്തവദനായ പഞ്ചമാശ്വവദനായ രുദ്രമൂര്തയേ സര്വ-
വശീകരണായ സര്വനിഗമസ്വരൂപായ രുംരുംരുംരുംരുംരുംരും ഓം നമഃ സ്വാഹാ ॥ ൧൬॥

ഓം നമോ ഭഗവതേ സപ്തവദനായ ഷഷ്ഠഗോമുഖായ സൂര്യസ്വരൂപായ
സര്വരോഗഹരായ മുക്തിദാത്രേ ഓംഓംഓംഓംഓംഓംഓം ഓം നമഃ സ്വാഹാ ॥ ൧൭॥

ഓം നമോ ഭഗവതേ സപ്തവദനായ സപ്തമമാനുഷമുഖായ
രുദ്രാവതാരായ അഞ്ജനാസുതായ സകലദിഗ്യശോവിസ്താരകായ വജ്രദേഹായ
സുഗ്രീവസാഹ്യകരായ ഉദധിലങ്ഘനായ സീതാശുദ്ധികരായ ലങ്കാദഹനായ
അനേകരാക്ഷസാന്തകായ രാമാനന്ദദായകായ അനേകപര്വതോത്പാടകായ
സേതുബന്ധകായ കപിസൈന്യനായകായ രാവണാന്തകായ ബ്രഹ്മചര്യാശ്രമിണേ
കൌപീനബ്രഹ്മസൂത്രധാരകായ രാമഹൃദയായ സര്വദുഷ്ടഗ്രഹനിവാരണായ
ശാകിനീഡാകിനീവേതാലബ്രഹ്മരാക്ഷസഭൈരവഗ്രഹ-
യക്ഷഗ്രഹപിശാചഗ്രഹബ്രഹ്മഗ്രഹക്ഷത്രിയഗ്രഹവൈശ്യഗ്രഹ-
ശൂദ്രഗ്രഹാന്ത്യജഗ്രഹമ്ലേച്ഛഗ്രഹസര്പഗ്രഹോച്ചാടകായ
മമ സര്വ കാര്യസാധകായ സര്വശത്രുസംഹാരകായ
സിംഹവ്യാഘ്രാദിദുഷ്ടസത്വാകര്ഷകായൈ കാഹികാദിവിവിധജ്വരച്ഛേദകായ
പരയന്ത്രമന്ത്രതന്ത്രനാശകായ സര്വവ്യാധിനികൃന്തകായ
സര്പാദിസര്വസ്ഥാവരജങ്ഗമവിഷസ്തമ്ഭനകരായ
സര്വരാജഭയചോരഭയാഽഗ്നിഭയപ്രശമനായാഽഽധ്യാത്മികാഽഽധി-
ദൈവികാധിഭൌതികതാപത്രയനിവാരണായസര്വവിദ്യാസര്വസമ്പത്സര്വപുരുഷാര്ഥ-
ദായകായാഽസാധ്യകാര്യസാധകായ സര്വവരപ്രദായസര്വാഽഭീഷ്ടകരായ
ഓം ഹ്രാം ഹ്രീം ഹ്രൂം ഹ്രൈം ഹ്രൌം ഹ്രഃ ഓം നമഃ സ്വാഹാ ॥ ൧൮॥

॥ ഫലശ്രുതിഃ ॥

യ ഇദം കവചം നിത്യം സപ്താസ്യസ്യ ഹനുമതഃ ।
ത്രിസന്ധ്യം ജപതേ നിത്യം സര്വശത്രുവിനാശനമ് ॥ ൧൯॥
പുത്രപൌത്രപ്രദം സര്വം സമ്പദ്രാജ്യപ്രദം പരമ് ।
സര്വരോഗഹരം ചാഽഽയുഃകീര്ത്തിദം പുണ്യവര്ധനമ് ॥ ൨൦॥
രാജാനം സ വശം നീത്വാ ത്രൈലോക്യവിജയീ ഭവേത് ।
ഇദം ഹി പരമം ഗോപ്യം ദേയം ഭക്തിയുതായ ച ॥ ൨൧॥
ന ദേയം ഭക്തിഹീനായ ദത്വാ സ നിരയം വ്രജേത് ॥ ൨൨॥
നാമാനിസര്വാണ്യപവര്ഗദാനി രൂപാണി വിശ്വാനി ച യസ്യ സന്തി ।
കര്മാണി ദേവൈരപി ദുര്ഘടാനി തം മാരുതിം സപ്തമുഖം പ്രപദ്യേ॥ ൨൩॥