শ্ৰী লক্ষ্মী নাৰাযণ স্তোত্ৰম্

চক্ৰং ৱিদ্যা ৱৰ ঘট গদা দৰ্পণম্ পদ্মযুগ্মং দোৰ্ভিৰ্বিভ্ৰত্সুৰুচিৰতনুং মেঘৱিদ্যুন্নিভাভম্ ।
গাঢোত্কণ্ঠং ৱিৱশমনিশং পুণ্ডৰীকাক্ষলক্ষ্ম্যোৰেকীভূতং ৱপুৰৱতু ৱঃ পীতকৌশেযকান্তম্ ॥ ১॥

শংখচক্ৰগদাপদ্মকুংভাঽঽদৰ্শাব্জপুস্তকম্।
বিভ্ৰতং মেঘচপলৱৰ্ণং লক্ষ্মীহৰিং ভজে ॥ ২॥

ৱিদ্যুত্প্ৰভাশ্লিষ্টঘনোপমানৌ শুদ্ধাশযেবিংবিতসুপ্ৰকাশৌ।
চিত্তে চিদাভৌ কলযামি লক্ষ্মী- নাৰাযণৌ সত্ত্ৱগুণপ্ৰধানৌ ॥ ৩॥

লোকোদ্ভৱস্থেমলযেশ্ৱৰাভ্যাং শোকোৰুদীনস্থিতিনাশকাভ্যাম্।
নিত্যং যুৱাভ্যাং নতিৰস্তু লক্ষ্মী-নাৰাযণাভ্যাং জগতঃ পিতৃভ্যাম্ ॥ ৪॥

সম্পত্সুখানন্দৱিধাযকাভ্যাং ভক্তাৱনাঽনাৰতদীক্ষিতাভ্যাম্ ।
নিত্যং যুৱাভ্যাং নতিৰস্তু লক্ষ্মী-নাৰাযণাভ্যাং জগতঃ পিতৃভ্যাম্ ॥ ৫॥

দৃষ্ট্ৱোপকাৰে গুৰুতাং চ পঞ্চ-ৱিংশাৱতাৰান্ সৰসং দধত্ভ্যাম্ ।
নিত্যং যুৱাভ্যাং নতিৰস্তু লক্ষ্মী নাৰাযণাভ্যাং জগতঃ পিতৃভ্যাম্ ॥ ৬॥

ক্ষীৰাংবুৰাশ্যাদিৱিৰাট্ভৱাভ্যাং নাৰং সদা পালযিতুং পৰাভ্যাম্ ।
নিত্যং যুৱাভ্যাং নতিৰস্তু লক্ষ্মী-নাৰাযণাভ্যাং জগতঃ পিতৃভ্যাম্ ॥ ৭॥

দাৰিদ্ৰ্যদুঃখস্থিতিদাৰকাভ্যাং দযৈৱদূৰীকৃতদুৰ্গতিভ্যাম্
নিত্যং যুৱাভ্যাং নতিৰস্তু লক্ষ্মী-নাৰাযণাভ্যাং জগতঃ পিতৃভ্যাম্ ॥ ৮॥

ভক্তৱ্ৰজাঘৌঘৱিদাৰকাভ্যাং স্ৱীযাশযোদ্ধূতৰজস্তমোভ্যাম্।
নিত্যং যুৱাভ্যাং নতিৰস্তু লক্ষ্মী-নাৰাযণাভ্যাং জগতঃ পিতৃভ্যাম্ ॥ ৯॥

ৰক্তোত্পলাভ্ৰাভৱপুৰ্ধৰাভ্যাং পদ্মাৰিশংখাব্জগদাধৰাভ্যাম্।
নিত্যং যুৱাভ্যাং নতিৰস্তু লক্ষ্মী-নাৰাযণাভ্যাং জগতঃ পিতৃভ্যাম্ ॥ ১০॥

অঙ্ঘ্ৰিদ্ৱযাভ্যৰ্চককল্পকাভ্যাং মোক্ষপ্ৰদপ্ৰাক্তনদংপতীভ্যাম্।
নিত্যং যুৱাভ্যাং নতিৰস্তু লক্ষ্মী-নাৰাযণাভ্যাং জগতঃ পিতৃভ্যাম্ ॥ ১১॥

ইদং তু যঃ পঠেত্ স্তোত্ৰং লক্ষ্মীনাৰযণাষ্টকম্।
ঐহিকামুষ্মিকসুখং ভুক্ত্ৱা স লভতেঽমৃতম্ ॥ ১২॥

।। ইতি শ্ৰীকৃষ্ণকৃতং লক্ষ্মীনাৰযণ স্তোত্ৰং সংপূৰ্ণম্ ।।