শ্রী লক্ষ্মী নারাযণ স্তোত্রম্

চক্রং বিদ্যা বর ঘট গদা দর্পণম্ পদ্মযুগ্মং দোর্ভির্বিভ্রত্সুরুচিরতনুং মেঘবিদ্যুন্নিভাভম্ ।
গাঢোত্কণ্ঠং বিবশমনিশং পুণ্ডরীকাক্ষলক্ষ্ম্যোরেকীভূতং বপুরবতু বঃ পীতকৌশেযকান্তম্ ॥ ১॥

শংখচক্রগদাপদ্মকুংভাঽঽদর্শাব্জপুস্তকম্।
বিভ্রতং মেঘচপলবর্ণং লক্ষ্মীহরিং ভজে ॥ ২॥

বিদ্যুত্প্রভাশ্লিষ্টঘনোপমানৌ শুদ্ধাশযেবিংবিতসুপ্রকাশৌ।
চিত্তে চিদাভৌ কলযামি লক্ষ্মী- নারাযণৌ সত্ত্বগুণপ্রধানৌ ॥ ৩॥

লোকোদ্ভবস্থেমলযেশ্বরাভ্যাং শোকোরুদীনস্থিতিনাশকাভ্যাম্।
নিত্যং যুবাভ্যাং নতিরস্তু লক্ষ্মী-নারাযণাভ্যাং জগতঃ পিতৃভ্যাম্ ॥ ৪॥

সম্পত্সুখানন্দবিধাযকাভ্যাং ভক্তাবনাঽনারতদীক্ষিতাভ্যাম্ ।
নিত্যং যুবাভ্যাং নতিরস্তু লক্ষ্মী-নারাযণাভ্যাং জগতঃ পিতৃভ্যাম্ ॥ ৫॥

দৃষ্ট্বোপকারে গুরুতাং চ পঞ্চ-বিংশাবতারান্ সরসং দধত্ভ্যাম্ ।
নিত্যং যুবাভ্যাং নতিরস্তু লক্ষ্মী নারাযণাভ্যাং জগতঃ পিতৃভ্যাম্ ॥ ৬॥

ক্ষীরাংবুরাশ্যাদিবিরাট্ভবাভ্যাং নারং সদা পালযিতুং পরাভ্যাম্ ।
নিত্যং যুবাভ্যাং নতিরস্তু লক্ষ্মী-নারাযণাভ্যাং জগতঃ পিতৃভ্যাম্ ॥ ৭॥

দারিদ্র্যদুঃখস্থিতিদারকাভ্যাং দযৈবদূরীকৃতদুর্গতিভ্যাম্
নিত্যং যুবাভ্যাং নতিরস্তু লক্ষ্মী-নারাযণাভ্যাং জগতঃ পিতৃভ্যাম্ ॥ ৮॥

ভক্তব্রজাঘৌঘবিদারকাভ্যাং স্বীযাশযোদ্ধূতরজস্তমোভ্যাম্।
নিত্যং যুবাভ্যাং নতিরস্তু লক্ষ্মী-নারাযণাভ্যাং জগতঃ পিতৃভ্যাম্ ॥ ৯॥

রক্তোত্পলাভ্রাভবপুর্ধরাভ্যাং পদ্মারিশংখাব্জগদাধরাভ্যাম্।
নিত্যং যুবাভ্যাং নতিরস্তু লক্ষ্মী-নারাযণাভ্যাং জগতঃ পিতৃভ্যাম্ ॥ ১০॥

অঙ্ঘ্রিদ্বযাভ্যর্চককল্পকাভ্যাং মোক্ষপ্রদপ্রাক্তনদংপতীভ্যাম্।
নিত্যং যুবাভ্যাং নতিরস্তু লক্ষ্মী-নারাযণাভ্যাং জগতঃ পিতৃভ্যাম্ ॥ ১১॥

ইদং তু যঃ পঠেত্ স্তোত্রং লক্ষ্মীনারযণাষ্টকম্।
ঐহিকামুষ্মিকসুখং ভুক্ত্বা স লভতেঽমৃতম্ ॥ ১২॥

।। ইতি শ্রীকৃষ্ণকৃতং লক্ষ্মীনারযণ স্তোত্রং সংপূর্ণম্ ।।