ଶ୍ରୀ ଲକ୍ଷ୍ମୀ ନାରାଯଣ ସ୍ତୋତ୍ରମ୍

ଚକ୍ରଂ ଵିଦ୍ଯା ଵର ଘଟ ଗଦା ଦର୍ପଣମ୍ ପଦ୍ମଯୁଗ୍ମଂ ଦୋର୍ଭିର୍ବିଭ୍ରତ୍ସୁରୁଚିରତନୁଂ ମେଘଵିଦ୍ଯୁନ୍ନିଭାଭମ୍ ।
ଗାଢୋତ୍କଣ୍ଠଂ ଵିଵଶମନିଶଂ ପୁଣ୍ଡରୀକାକ୍ଷଲକ୍ଷ୍ମ୍ଯୋରେକୀଭୂତଂ ଵପୁରଵତୁ ଵଃ ପୀତକୌଶେଯକାନ୍ତମ୍ ॥ ୧॥

ଶଂଖଚକ୍ରଗଦାପଦ୍ମକୁଂଭାଽଽଦର୍ଶାବ୍ଜପୁସ୍ତକମ୍।
ବିଭ୍ରତଂ ମେଘଚପଲଵର୍ଣଂ ଲକ୍ଷ୍ମୀହରିଂ ଭଜେ ॥ ୨॥

ଵିଦ୍ଯୁତ୍ପ୍ରଭାଶ୍ଲିଷ୍ଟଘନୋପମାନୌ ଶୁଦ୍ଧାଶଯେବିଂବିତସୁପ୍ରକାଶୌ।
ଚିତ୍ତେ ଚିଦାଭୌ କଲଯାମି ଲକ୍ଷ୍ମୀ- ନାରାଯଣୌ ସତ୍ତ୍ଵଗୁଣପ୍ରଧାନୌ ॥ ୩॥

ଲୋକୋଦ୍ଭଵସ୍ଥେମଲଯେଶ୍ଵରାଭ୍ଯାଂ ଶୋକୋରୁଦୀନସ୍ଥିତିନାଶକାଭ୍ଯାମ୍।
ନିତ୍ଯଂ ଯୁଵାଭ୍ଯାଂ ନତିରସ୍ତୁ ଲକ୍ଷ୍ମୀ-ନାରାଯଣାଭ୍ଯାଂ ଜଗତଃ ପିତୃଭ୍ଯାମ୍ ॥ ୪॥

ସମ୍ପତ୍ସୁଖାନନ୍ଦଵିଧାଯକାଭ୍ଯାଂ ଭକ୍ତାଵନାଽନାରତଦୀକ୍ଷିତାଭ୍ଯାମ୍ ।
ନିତ୍ଯଂ ଯୁଵାଭ୍ଯାଂ ନତିରସ୍ତୁ ଲକ୍ଷ୍ମୀ-ନାରାଯଣାଭ୍ଯାଂ ଜଗତଃ ପିତୃଭ୍ଯାମ୍ ॥ ୫॥

ଦୃଷ୍ଟ୍ଵୋପକାରେ ଗୁରୁତାଂ ଚ ପଞ୍ଚ-ଵିଂଶାଵତାରାନ୍ ସରସଂ ଦଧତ୍ଭ୍ଯାମ୍ ।
ନିତ୍ଯଂ ଯୁଵାଭ୍ଯାଂ ନତିରସ୍ତୁ ଲକ୍ଷ୍ମୀ ନାରାଯଣାଭ୍ଯାଂ ଜଗତଃ ପିତୃଭ୍ଯାମ୍ ॥ ୬॥

କ୍ଷୀରାଂବୁରାଶ୍ଯାଦିଵିରାଟ୍ଭଵାଭ୍ଯାଂ ନାରଂ ସଦା ପାଲଯିତୁଂ ପରାଭ୍ଯାମ୍ ।
ନିତ୍ଯଂ ଯୁଵାଭ୍ଯାଂ ନତିରସ୍ତୁ ଲକ୍ଷ୍ମୀ-ନାରାଯଣାଭ୍ଯାଂ ଜଗତଃ ପିତୃଭ୍ଯାମ୍ ॥ ୭॥

ଦାରିଦ୍ର୍ଯଦୁଃଖସ୍ଥିତିଦାରକାଭ୍ଯାଂ ଦଯୈଵଦୂରୀକୃତଦୁର୍ଗତିଭ୍ଯାମ୍
ନିତ୍ଯଂ ଯୁଵାଭ୍ଯାଂ ନତିରସ୍ତୁ ଲକ୍ଷ୍ମୀ-ନାରାଯଣାଭ୍ଯାଂ ଜଗତଃ ପିତୃଭ୍ଯାମ୍ ॥ ୮॥

ଭକ୍ତଵ୍ରଜାଘୌଘଵିଦାରକାଭ୍ଯାଂ ସ୍ଵୀଯାଶଯୋଦ୍ଧୂତରଜସ୍ତମୋଭ୍ଯାମ୍।
ନିତ୍ଯଂ ଯୁଵାଭ୍ଯାଂ ନତିରସ୍ତୁ ଲକ୍ଷ୍ମୀ-ନାରାଯଣାଭ୍ଯାଂ ଜଗତଃ ପିତୃଭ୍ଯାମ୍ ॥ ୯॥

ରକ୍ତୋତ୍ପଲାଭ୍ରାଭଵପୁର୍ଧରାଭ୍ଯାଂ ପଦ୍ମାରିଶଂଖାବ୍ଜଗଦାଧରାଭ୍ଯାମ୍।
ନିତ୍ଯଂ ଯୁଵାଭ୍ଯାଂ ନତିରସ୍ତୁ ଲକ୍ଷ୍ମୀ-ନାରାଯଣାଭ୍ଯାଂ ଜଗତଃ ପିତୃଭ୍ଯାମ୍ ॥ ୧୦॥

ଅଙ୍ଘ୍ରିଦ୍ଵଯାଭ୍ଯର୍ଚକକଲ୍ପକାଭ୍ଯାଂ ମୋକ୍ଷପ୍ରଦପ୍ରାକ୍ତନଦଂପତୀଭ୍ଯାମ୍।
ନିତ୍ଯଂ ଯୁଵାଭ୍ଯାଂ ନତିରସ୍ତୁ ଲକ୍ଷ୍ମୀ-ନାରାଯଣାଭ୍ଯାଂ ଜଗତଃ ପିତୃଭ୍ଯାମ୍ ॥ ୧୧॥

ଇଦଂ ତୁ ଯଃ ପଠେତ୍ ସ୍ତୋତ୍ରଂ ଲକ୍ଷ୍ମୀନାରଯଣାଷ୍ଟକମ୍।
ଐହିକାମୁଷ୍ମିକସୁଖଂ ଭୁକ୍ତ୍ଵା ସ ଲଭତେଽମୃତମ୍ ॥ ୧୨॥

।। ଇତି ଶ୍ରୀକୃଷ୍ଣକୃତଂ ଲକ୍ଷ୍ମୀନାରଯଣ ସ୍ତୋତ୍ରଂ ସଂପୂର୍ଣମ୍ ।।