śrī lakṣmī nārāyaṇa stotram

cakraṃ vidyā vara ghaṭa gadā darpaṇam padmayugmaṃ dorbhirbibhratsuruciratanuṃ meghavidyunnibhābham |
gāḍhotkaṇṭhaṃ vivaśamaniśaṃ puṇḍarīkākṣalakṣmyorekībhūtaṃ vapuravatu vaḥ pītakauśeyakāntam || 1||

śaṃkhacakragadāpadmakuṃbhā''darśābjapustakam|
bibhrataṃ meghacapalavarṇaṃ lakṣmīhariṃ bhaje || 2||

vidyutprabhāśliṣṭaghanopamānau śuddhāśayebiṃbitasuprakāśau|
citte cidābhau kalayāmi lakṣmī- nārāyaṇau sattvaguṇapradhānau || 3||

lokodbhavasthemalayeśvarābhyāṃ śokorudīnasthitināśakābhyām|
nityaṃ yuvābhyāṃ natirastu lakṣmī-nārāyaṇābhyāṃ jagataḥ pitṛbhyām || 4||

sampatsukhānandavidhāyakābhyāṃ bhaktāvanā'nāratadīkṣitābhyām |
nityaṃ yuvābhyāṃ natirastu lakṣmī-nārāyaṇābhyāṃ jagataḥ pitṛbhyām || 5||

dṛṣṭvopakāre gurutāṃ ca pañca-viṃśāvatārān sarasaṃ dadhatbhyām |
nityaṃ yuvābhyāṃ natirastu lakṣmī nārāyaṇābhyāṃ jagataḥ pitṛbhyām || 6||

kṣīrāṃburāśyādivirāṭbhavābhyāṃ nāraṃ sadā pālayituṃ parābhyām |
nityaṃ yuvābhyāṃ natirastu lakṣmī-nārāyaṇābhyāṃ jagataḥ pitṛbhyām || 7||

dāridryaduḥkhasthitidārakābhyāṃ dayaivadūrīkṛtadurgatibhyām
nityaṃ yuvābhyāṃ natirastu lakṣmī-nārāyaṇābhyāṃ jagataḥ pitṛbhyām || 8||

bhaktavrajāghaughavidārakābhyāṃ svīyāśayoddhūtarajastamobhyām|
nityaṃ yuvābhyāṃ natirastu lakṣmī-nārāyaṇābhyāṃ jagataḥ pitṛbhyām || 9||

raktotpalābhrābhavapurdharābhyāṃ padmāriśaṃkhābjagadādharābhyām|
nityaṃ yuvābhyāṃ natirastu lakṣmī-nārāyaṇābhyāṃ jagataḥ pitṛbhyām || 10||

aṅghridvayābhyarcakakalpakābhyāṃ mokṣapradaprāktanadaṃpatībhyām|
nityaṃ yuvābhyāṃ natirastu lakṣmī-nārāyaṇābhyāṃ jagataḥ pitṛbhyām || 11||

idaṃ tu yaḥ paṭhet stotraṃ lakṣmīnārayaṇāṣṭakam|
aihikāmuṣmikasukhaṃ bhuktvā sa labhate'mṛtam || 12||

|| iti śrīkṛṣṇakṛtaṃ lakṣmīnārayaṇa stotraṃ saṃpūrṇam ||