ശ്രീ ലക്ഷ്മീ നാരായണ സ്തോത്രമ്

ചക്രം വിദ്യാ വര ഘട ഗദാ ദര്പണമ് പദ്മയുഗ്മം ദോര്ഭിര്ബിഭ്രത്സുരുചിരതനും മേഘവിദ്യുന്നിഭാഭമ് ।
ഗാഢോത്കണ്ഠം വിവശമനിശം പുണ്ഡരീകാക്ഷലക്ഷ്മ്യോരേകീഭൂതം വപുരവതു വഃ പീതകൌശേയകാന്തമ് ॥ ൧॥

ശംഖചക്രഗദാപദ്മകുംഭാഽഽദര്ശാബ്ജപുസ്തകമ്।
ബിഭ്രതം മേഘചപലവര്ണം ലക്ഷ്മീഹരിം ഭജേ ॥ ൨॥

വിദ്യുത്പ്രഭാശ്ലിഷ്ടഘനോപമാനൌ ശുദ്ധാശയേബിംബിതസുപ്രകാശൌ।
ചിത്തേ ചിദാഭൌ കലയാമി ലക്ഷ്മീ- നാരായണൌ സത്ത്വഗുണപ്രധാനൌ ॥ ൩॥

ലോകോദ്ഭവസ്ഥേമലയേശ്വരാഭ്യാം ശോകോരുദീനസ്ഥിതിനാശകാഭ്യാമ്।
നിത്യം യുവാഭ്യാം നതിരസ്തു ലക്ഷ്മീ-നാരായണാഭ്യാം ജഗതഃ പിതൃഭ്യാമ് ॥ ൪॥

സമ്പത്സുഖാനന്ദവിധായകാഭ്യാം ഭക്താവനാഽനാരതദീക്ഷിതാഭ്യാമ് ।
നിത്യം യുവാഭ്യാം നതിരസ്തു ലക്ഷ്മീ-നാരായണാഭ്യാം ജഗതഃ പിതൃഭ്യാമ് ॥ ൫॥

ദൃഷ്ട്വോപകാരേ ഗുരുതാം ച പഞ്ച-വിംശാവതാരാന് സരസം ദധത്ഭ്യാമ് ।
നിത്യം യുവാഭ്യാം നതിരസ്തു ലക്ഷ്മീ നാരായണാഭ്യാം ജഗതഃ പിതൃഭ്യാമ് ॥ ൬॥

ക്ഷീരാംബുരാശ്യാദിവിരാട്ഭവാഭ്യാം നാരം സദാ പാലയിതും പരാഭ്യാമ് ।
നിത്യം യുവാഭ്യാം നതിരസ്തു ലക്ഷ്മീ-നാരായണാഭ്യാം ജഗതഃ പിതൃഭ്യാമ് ॥ ൭॥

ദാരിദ്ര്യദുഃഖസ്ഥിതിദാരകാഭ്യാം ദയൈവദൂരീകൃതദുര്ഗതിഭ്യാമ്
നിത്യം യുവാഭ്യാം നതിരസ്തു ലക്ഷ്മീ-നാരായണാഭ്യാം ജഗതഃ പിതൃഭ്യാമ് ॥ ൮॥

ഭക്തവ്രജാഘൌഘവിദാരകാഭ്യാം സ്വീയാശയോദ്ധൂതരജസ്തമോഭ്യാമ്।
നിത്യം യുവാഭ്യാം നതിരസ്തു ലക്ഷ്മീ-നാരായണാഭ്യാം ജഗതഃ പിതൃഭ്യാമ് ॥ ൯॥

രക്തോത്പലാഭ്രാഭവപുര്ധരാഭ്യാം പദ്മാരിശംഖാബ്ജഗദാധരാഭ്യാമ്।
നിത്യം യുവാഭ്യാം നതിരസ്തു ലക്ഷ്മീ-നാരായണാഭ്യാം ജഗതഃ പിതൃഭ്യാമ് ॥ ൧൦॥

അങ്ഘ്രിദ്വയാഭ്യര്ചകകല്പകാഭ്യാം മോക്ഷപ്രദപ്രാക്തനദംപതീഭ്യാമ്।
നിത്യം യുവാഭ്യാം നതിരസ്തു ലക്ഷ്മീ-നാരായണാഭ്യാം ജഗതഃ പിതൃഭ്യാമ് ॥ ൧൧॥

ഇദം തു യഃ പഠേത് സ്തോത്രം ലക്ഷ്മീനാരയണാഷ്ടകമ്।
ഐഹികാമുഷ്മികസുഖം ഭുക്ത്വാ സ ലഭതേഽമൃതമ് ॥ ൧൨॥

।। ഇതി ശ്രീകൃഷ്ണകൃതം ലക്ഷ്മീനാരയണ സ്തോത്രം സംപൂര്ണമ് ।।