অথ নখস্তুতিঃ
পান্ত্বস্মান্ পুরুহূতবৈরিবলবন্মাতঙ্গমাদ্যদ্ঘটা-
-কুম্ভোচ্চাদ্রিবিপাটনাধিকপটু প্রত্যেক বজ্রাযিতাঃ ।
শ্রীমত্কণ্ঠীরবাস্যপ্রততসুনখরা দারিতারাতিদূর-
-প্রধ্বস্তধ্বান্তশান্তপ্রবিততমনসা ভাবিতা ভূরিভাগৈঃ ॥ 1 ॥
-কুম্ভোচ্চাদ্রিবিপাটনাধিকপটু প্রত্যেক বজ্রাযিতাঃ ।
শ্রীমত্কণ্ঠীরবাস্যপ্রততসুনখরা দারিতারাতিদূর-
-প্রধ্বস্তধ্বান্তশান্তপ্রবিততমনসা ভাবিতা ভূরিভাগৈঃ ॥ 1 ॥
লক্ষ্মীকান্ত সমন্ততোঽপি কলযন্ নৈবেশিতুস্তে সমং
পশ্যাম্যুত্তমবস্তু দূরতরতোপাস্তং রসো যোঽষ্টমঃ ।
যদ্রোষোত্কর দক্ষ নেত্র কুটিল প্রান্তোত্থিতাগ্নি স্ফুরত্
খদ্যোতোপম বিস্ফুলিঙ্গভসিতা ব্রহ্মেশশক্রোত্করাঃ ॥ 2 ॥
পশ্যাম্যুত্তমবস্তু দূরতরতোপাস্তং রসো যোঽষ্টমঃ ।
যদ্রোষোত্কর দক্ষ নেত্র কুটিল প্রান্তোত্থিতাগ্নি স্ফুরত্
খদ্যোতোপম বিস্ফুলিঙ্গভসিতা ব্রহ্মেশশক্রোত্করাঃ ॥ 2 ॥
অথ বাযুস্তুতিঃ
শ্রীমদ্বিষ্ণ্বঙ্ঘ্রিনিষ্ঠাতিগুণগুরুতমশ্রীমদানন্দতীর্থ-
-ত্রৈলোক্যাচার্যপাদোজ্জ্বলজলজলসত্পাংসবোঽস্মান্ পুনন্তু ।
বাচাং যত্র প্রণেত্রী ত্রিভুবনমহিতা শারদা শারদেন্দু-
-জ্যোত্স্নাভদ্রস্মিতশ্রীধবলিতককুভা প্রেমভারং বভার ॥ 1 ॥
-ত্রৈলোক্যাচার্যপাদোজ্জ্বলজলজলসত্পাংসবোঽস্মান্ পুনন্তু ।
বাচাং যত্র প্রণেত্রী ত্রিভুবনমহিতা শারদা শারদেন্দু-
-জ্যোত্স্নাভদ্রস্মিতশ্রীধবলিতককুভা প্রেমভারং বভার ॥ 1 ॥
উত্কণ্ঠাকুণ্ঠকোলাহলজববিজিতাজস্রসেবানুবৃদ্ধ-
-প্রাজ্ঞাত্মজ্ঞানধূতান্ধতমসসুমনোমৌলিরত্নাবলীনাম্ ।
ভক্ত্যুদ্রেকাবগাঢপ্রঘটনসধটাত্কারসঙ্ঘৃষ্যমাণ-
প্রান্তপ্রাগ্র্যাঙ্ঘ্রিপীঠোত্থিতকনকরজঃপিঞ্জরারঞ্জিতাশাঃ ॥ 2 ॥
-প্রাজ্ঞাত্মজ্ঞানধূতান্ধতমসসুমনোমৌলিরত্নাবলীনাম্ ।
ভক্ত্যুদ্রেকাবগাঢপ্রঘটনসধটাত্কারসঙ্ঘৃষ্যমাণ-
প্রান্তপ্রাগ্র্যাঙ্ঘ্রিপীঠোত্থিতকনকরজঃপিঞ্জরারঞ্জিতাশাঃ ॥ 2 ॥
জন্মাধিব্যাধ্যুপাধিপ্রতিহতিবিরহপ্রাপকাণাং গুণানাং
অগ্র্যাণামর্পকাণাং চিরমুদিতচিদানন্দসন্দোহদানাম্ ।
এতেষামেষ দোষপ্রমুষিতমনসাং দ্বেষিণাং দূষকাণাং
দৈত্যানামার্তিমন্ধে তমসি বিদধতাং সংস্তবে নাস্মি শক্তঃ ॥ 3 ॥
অগ্র্যাণামর্পকাণাং চিরমুদিতচিদানন্দসন্দোহদানাম্ ।
এতেষামেষ দোষপ্রমুষিতমনসাং দ্বেষিণাং দূষকাণাং
দৈত্যানামার্তিমন্ধে তমসি বিদধতাং সংস্তবে নাস্মি শক্তঃ ॥ 3 ॥
অস্যাবিষ্কর্তুকামং কলিমলকলুষেঽস্মিন্ জনে জ্ঞানমার্গং
বন্দ্যং চন্দ্রেন্দ্ররুদ্রদ্যুমণিফণিবযোনাযকাদ্যৈরিহাদ্য ।
মধ্বাখ্যং মন্ত্রসিদ্ধং কিমুত কৃতবতো মারুতস্যাবতারং
পাতারং পারমেষ্ট্যং পদমপবিপদঃ প্রাপ্তুরাপন্নপুংসাম্ ॥ 4 ॥
বন্দ্যং চন্দ্রেন্দ্ররুদ্রদ্যুমণিফণিবযোনাযকাদ্যৈরিহাদ্য ।
মধ্বাখ্যং মন্ত্রসিদ্ধং কিমুত কৃতবতো মারুতস্যাবতারং
পাতারং পারমেষ্ট্যং পদমপবিপদঃ প্রাপ্তুরাপন্নপুংসাম্ ॥ 4 ॥
উদ্যদ্বিদ্যুত্প্রচণ্ডাং নিজরুচিনিকরব্যাপ্তলোকাবকাশো
বিভ্রদ্ভীমো ভুজে যোঽভ্যুদিতদিনকরাভাঙ্গদাঢ্য প্রকাণ্ডে ।
বীর্যোদ্ধার্যাং গদাগ্র্যামযমিহ সুমতিং বাযুদেবো বিদধ্যাত্
অধ্যাত্মজ্ঞাননেতা যতিবরমহিতো ভূমিভূষামণির্মে ॥ 5 ॥
বিভ্রদ্ভীমো ভুজে যোঽভ্যুদিতদিনকরাভাঙ্গদাঢ্য প্রকাণ্ডে ।
বীর্যোদ্ধার্যাং গদাগ্র্যামযমিহ সুমতিং বাযুদেবো বিদধ্যাত্
অধ্যাত্মজ্ঞাননেতা যতিবরমহিতো ভূমিভূষামণির্মে ॥ 5 ॥
সংসারোত্তাপনিত্যোপশমদসদযস্নেহহাসাম্বুপূর-
-প্রোদ্যদ্বিদ্যানবদ্যদ্যুতিমণিকিরণশ্রেণিসম্পূরিতাশঃ ।
শ্রীবত্সাঙ্কাধিবাসোচিততরসরলশ্রীমদানন্দতীর্থ-
-ক্ষীরাম্ভোধির্বিভিন্দ্যাদ্ভবদনভিমতং ভূরি মে ভূতিহেতুঃ ॥ 6 ॥
-প্রোদ্যদ্বিদ্যানবদ্যদ্যুতিমণিকিরণশ্রেণিসম্পূরিতাশঃ ।
শ্রীবত্সাঙ্কাধিবাসোচিততরসরলশ্রীমদানন্দতীর্থ-
-ক্ষীরাম্ভোধির্বিভিন্দ্যাদ্ভবদনভিমতং ভূরি মে ভূতিহেতুঃ ॥ 6 ॥
মূর্ধন্যেষোঽঞ্জলির্মে দৃঢতরমিহ তে বধ্যতে বন্ধপাশ-
-চ্ছেত্রে দাত্রে সুখানাং ভজতি ভুবি ভবিষ্যদ্বিধাত্রে দ্যুভর্ত্রে ।
অত্যন্তং সন্ততং ত্বং প্রদিশ পদযুগে হন্ত সন্তাপভাজা-
-মস্মাকং ভক্তিমেকাং ভগবত উত তে মাধবস্যাথ বাযোঃ ॥ 7 ॥
-চ্ছেত্রে দাত্রে সুখানাং ভজতি ভুবি ভবিষ্যদ্বিধাত্রে দ্যুভর্ত্রে ।
অত্যন্তং সন্ততং ত্বং প্রদিশ পদযুগে হন্ত সন্তাপভাজা-
-মস্মাকং ভক্তিমেকাং ভগবত উত তে মাধবস্যাথ বাযোঃ ॥ 7 ॥
সাভ্রোষ্ণাভীশুশুভ্রপ্রভমভয নভো ভূরিভূভৃদ্বিভূতি-
-ভ্রাজিষ্ণুর্ভূরৃভূণাং ভবনমপি বিভোঽভেদি বভ্রে বভূবে ।
যেন ভ্রূবিভ্রমস্তে ভ্রমযতু সুভৃশং বভ্রুবদ্দুর্ভৃতাশান্
ভ্রান্তির্ভেদাবভাসস্ত্বিতি ভযমভিভূর্ভোক্ষ্যতো মাযিভিক্ষূন্ ॥ 8 ॥
-ভ্রাজিষ্ণুর্ভূরৃভূণাং ভবনমপি বিভোঽভেদি বভ্রে বভূবে ।
যেন ভ্রূবিভ্রমস্তে ভ্রমযতু সুভৃশং বভ্রুবদ্দুর্ভৃতাশান্
ভ্রান্তির্ভেদাবভাসস্ত্বিতি ভযমভিভূর্ভোক্ষ্যতো মাযিভিক্ষূন্ ॥ 8 ॥
যেঽমুং ভাবং ভজন্তে সুরমুখসুজনারাধিতং তে তৃতীযং
ভাসন্তে ভাসুরৈস্তে সহচরচলিতৈশ্চামরৈশ্চারুবেষাঃ ।
বৈকুণ্ঠে কণ্ঠলগ্নস্থিরশুচিবিলসত্কান্তিতারুণ্যলীলা-
লাবণ্যাপূর্ণকান্তাকুচভরসুলভাশ্লেষসম্মোদসান্দ্রাঃ ॥ 9 ॥
ভাসন্তে ভাসুরৈস্তে সহচরচলিতৈশ্চামরৈশ্চারুবেষাঃ ।
বৈকুণ্ঠে কণ্ঠলগ্নস্থিরশুচিবিলসত্কান্তিতারুণ্যলীলা-
লাবণ্যাপূর্ণকান্তাকুচভরসুলভাশ্লেষসম্মোদসান্দ্রাঃ ॥ 9 ॥
আনন্দান্মন্দমন্দা দদতি হি মরুতঃ কুন্দমন্দারনন্দ্যা-
-বর্তামোদান্ দধানা মৃদুপদমুদিতোদ্গীতকৈঃ সুন্দরীণাম্ ।
বৃন্দৈরাবন্দ্যমুক্তেন্দ্বহিমগুমদনাহীন্দ্রদেবেন্দ্রসেব্যে
মৌকুন্দে মন্দিরেঽস্মিন্নবিরতমুদযন্মোদিনাং দেবদেব ॥ 10 ॥
-বর্তামোদান্ দধানা মৃদুপদমুদিতোদ্গীতকৈঃ সুন্দরীণাম্ ।
বৃন্দৈরাবন্দ্যমুক্তেন্দ্বহিমগুমদনাহীন্দ্রদেবেন্দ্রসেব্যে
মৌকুন্দে মন্দিরেঽস্মিন্নবিরতমুদযন্মোদিনাং দেবদেব ॥ 10 ॥
উত্তপ্তাঽত্যুত্কটত্বিট্ প্রকটকটকটধ্বানসঙ্ঘট্টনোদ্য-
-দ্বিদ্যুদ্ব্যূঢস্ফুলিঙ্গপ্রকরবিকিরণোত্ক্বাথিতে বাধিতাঙ্গান্ ।
উদ্গাঢং পাত্যমানা তমসি তত ইতঃ কিঙ্করৈঃ পঙ্কিলে তে
পঙ্ক্তির্গ্রাব্ণাং গরিম্ণা গ্লপযতি হি ভবদ্বেষিণো বিদ্বদাদ্য ॥ 11 ॥
-দ্বিদ্যুদ্ব্যূঢস্ফুলিঙ্গপ্রকরবিকিরণোত্ক্বাথিতে বাধিতাঙ্গান্ ।
উদ্গাঢং পাত্যমানা তমসি তত ইতঃ কিঙ্করৈঃ পঙ্কিলে তে
পঙ্ক্তির্গ্রাব্ণাং গরিম্ণা গ্লপযতি হি ভবদ্বেষিণো বিদ্বদাদ্য ॥ 11 ॥
অস্মিন্নস্মদ্গুরূণাং হরিচরণচিরধ্যানসন্মঙ্গলানাং
যুষ্মাকং পার্শ্বভূমিং ধৃতরণরণিকস্বর্গিসেব্যাং প্রপন্নঃ ।
যস্তূদাস্তে স আস্তেঽধিভবমসুলভক্লেশনির্মূকমস্ত-
-প্রাযানন্দং কথঞ্চিন্ন বসতি সততং পঞ্চকষ্টেঽতিকষ্টে ॥ 12 ॥
যুষ্মাকং পার্শ্বভূমিং ধৃতরণরণিকস্বর্গিসেব্যাং প্রপন্নঃ ।
যস্তূদাস্তে স আস্তেঽধিভবমসুলভক্লেশনির্মূকমস্ত-
-প্রাযানন্দং কথঞ্চিন্ন বসতি সততং পঞ্চকষ্টেঽতিকষ্টে ॥ 12 ॥
ক্ষুত্ ক্ষামান্ রূক্ষরক্ষোরদখরনখরক্ষুণ্ণবিক্ষোভিতাক্ষা-
-নামগ্নানান্ধকূপে ক্ষুরমুখমুখরৈঃ পক্ষিভির্বিক্ষতাঙ্গান্ ।
পূযাসৃঙ্মূত্রবিষ্ঠাকৃমিকুলকলিলে তত্ক্ষণক্ষিপ্তশক্ত্যা-
-দ্যস্ত্রব্রাতার্দিতাংস্ত্বদ্দ্বিষ উপজিহতে বজ্রকল্পা জলূকাঃ ॥ 13 ॥
-নামগ্নানান্ধকূপে ক্ষুরমুখমুখরৈঃ পক্ষিভির্বিক্ষতাঙ্গান্ ।
পূযাসৃঙ্মূত্রবিষ্ঠাকৃমিকুলকলিলে তত্ক্ষণক্ষিপ্তশক্ত্যা-
-দ্যস্ত্রব্রাতার্দিতাংস্ত্বদ্দ্বিষ উপজিহতে বজ্রকল্পা জলূকাঃ ॥ 13 ॥
মাতর্মে মাতরিশ্বন্ পিতরতুলগুরো ভ্রাতরিষ্টাপ্তবন্ধো
স্বামিন্ সর্বান্তরাত্মন্নজর জরযিতর্জন্মমৃত্যামযানাম্ ।
গোবিন্দে দেহি ভক্তিং ভবতি চ ভগবন্নূর্জিতাং নির্নিমিত্তাং
নির্ব্যাজাং নিশ্চলাং সদ্গুণগণবৃহতীং শাশ্বতীমাশু দেব ॥ 14 ॥
স্বামিন্ সর্বান্তরাত্মন্নজর জরযিতর্জন্মমৃত্যামযানাম্ ।
গোবিন্দে দেহি ভক্তিং ভবতি চ ভগবন্নূর্জিতাং নির্নিমিত্তাং
নির্ব্যাজাং নিশ্চলাং সদ্গুণগণবৃহতীং শাশ্বতীমাশু দেব ॥ 14 ॥
বিষ্ণোরত্ত্যুত্তমত্বাদখিলগুণগণৈস্তত্র ভক্তিং গরিষ্ঠাং
আশ্লিষ্টে শ্রীধরাভ্যামমুমথ পরিবারাত্মনা সেবকেষু ।
যঃ সন্ধত্তে বিরিঞ্চশ্বসনবিহগপানন্তরুদ্রেন্দ্রপূর্বে-
-ষ্বাধ্যাযংস্তারতম্যং স্ফুটমবতি সদা বাযুরস্মদ্গুরুস্তম্ ॥ 15 ॥
আশ্লিষ্টে শ্রীধরাভ্যামমুমথ পরিবারাত্মনা সেবকেষু ।
যঃ সন্ধত্তে বিরিঞ্চশ্বসনবিহগপানন্তরুদ্রেন্দ্রপূর্বে-
-ষ্বাধ্যাযংস্তারতম্যং স্ফুটমবতি সদা বাযুরস্মদ্গুরুস্তম্ ॥ 15 ॥
তত্ত্বজ্ঞান্ মুক্তিভাজঃ সুখযিসি হি গুরো যোগ্যতাতারতম্যা-
-দাধত্সে মিশ্রবুদ্ধিংস্ত্রিদিবনিরযভূগোচরান্ নিত্যবদ্ধান্ ।
তামিস্রান্ধাদিকাখ্যে তমসি সুবহুলং দুঃখযস্যন্যথাজ্ঞান্
বিষ্ণোরাজ্ঞাভিরিত্থং শৃতিশতমিতিহাসাদি চাকর্ণযামঃ ॥ 16 ॥
-দাধত্সে মিশ্রবুদ্ধিংস্ত্রিদিবনিরযভূগোচরান্ নিত্যবদ্ধান্ ।
তামিস্রান্ধাদিকাখ্যে তমসি সুবহুলং দুঃখযস্যন্যথাজ্ঞান্
বিষ্ণোরাজ্ঞাভিরিত্থং শৃতিশতমিতিহাসাদি চাকর্ণযামঃ ॥ 16 ॥
বন্দেঽহং তং হনূমানিতি মহিতমহাপৌরুষো বাহুশালী
খ্যাতস্তেঽগ্র্যোঽবতারঃ সহিত ইহ বহুব্রহ্মচর্যাদিধর্মৈঃ ।
সস্নেহানাং সহস্বানহরহরহিতং নির্দহন্ দেহভাজাং
অংহোমোহাপহো যঃ স্পৃহযতি মহতীং ভক্তিমদ্যাপি রামে ॥ 17 ॥
খ্যাতস্তেঽগ্র্যোঽবতারঃ সহিত ইহ বহুব্রহ্মচর্যাদিধর্মৈঃ ।
সস্নেহানাং সহস্বানহরহরহিতং নির্দহন্ দেহভাজাং
অংহোমোহাপহো যঃ স্পৃহযতি মহতীং ভক্তিমদ্যাপি রামে ॥ 17 ॥
প্রাক্পঞ্চাশত্সহস্রৈর্ব্যবহিতমহিতং যোজনৈঃ পর্বতং ত্বং
যাবত্সঞ্জীবনাদ্যৌষধনিধিমধিকপ্রাণ লঙ্কামনৈষিঃ ।
অদ্রাক্ষীদুত্পতন্তং তত উত গিরিমুত্পাটযন্তং গৃহীত্বা
যান্তং খে রাঘবাঙ্ঘ্রৌ প্রণতমপি তদৈকক্ষণে ত্বাং হি লোকঃ ॥ 18 ॥
যাবত্সঞ্জীবনাদ্যৌষধনিধিমধিকপ্রাণ লঙ্কামনৈষিঃ ।
অদ্রাক্ষীদুত্পতন্তং তত উত গিরিমুত্পাটযন্তং গৃহীত্বা
যান্তং খে রাঘবাঙ্ঘ্রৌ প্রণতমপি তদৈকক্ষণে ত্বাং হি লোকঃ ॥ 18 ॥
ক্ষিপ্তঃ পশ্চাত্সত্সলীলং শতমতুলমতে যোজনানাং স উচ্চ-
-স্তাবদ্বিস্তারবংশ্চাপ্যুপললব ইব ব্যগ্রবুদ্ধ্যা ত্বযাঽতঃ ।
স্বস্বস্থানস্থিতাতিস্থিরশকলশিলাজালসংশ্লেষনষ্ট-
-ছ্ছেদাঙ্কঃ প্রাগিবাভূত্ কপিবরবপুষস্তে নমঃ কৌশলায ॥ 19 ॥
-স্তাবদ্বিস্তারবংশ্চাপ্যুপললব ইব ব্যগ্রবুদ্ধ্যা ত্বযাঽতঃ ।
স্বস্বস্থানস্থিতাতিস্থিরশকলশিলাজালসংশ্লেষনষ্ট-
-ছ্ছেদাঙ্কঃ প্রাগিবাভূত্ কপিবরবপুষস্তে নমঃ কৌশলায ॥ 19 ॥
দৃষ্ট্বা দুষ্টাধিপোরঃ স্ফুটিতকনকসদ্বর্ম ঘৃষ্টাস্থিকূটং
নিষ্পিষ্টং হাটকাদ্রিপ্রকটতটতটাকাতিশঙ্কো জনোঽভূত্ ।
যেনাঽজৌ রাবণারিপ্রিযনটনপটুর্মুষ্টিরিষ্টং প্রদেষ্টুং
কিং নেষ্টে মে স তেঽষ্টাপদকটকতটিত্কোটিভামৃষ্টকাষ্ঠঃ ॥ 20 ॥
নিষ্পিষ্টং হাটকাদ্রিপ্রকটতটতটাকাতিশঙ্কো জনোঽভূত্ ।
যেনাঽজৌ রাবণারিপ্রিযনটনপটুর্মুষ্টিরিষ্টং প্রদেষ্টুং
কিং নেষ্টে মে স তেঽষ্টাপদকটকতটিত্কোটিভামৃষ্টকাষ্ঠঃ ॥ 20 ॥
দেব্যাদেশপ্রণীতিদৃহিণহরবরাবধ্যরক্ষোবিঘাতা-
-দ্যাসেবোদ্যদ্দযার্দ্রঃ সহভুজমকরোদ্রামনামা মুকুন্দঃ ।
দুষ্প্রাপে পারমেষ্ঠ্যে করতলমতুলং মূর্ধিবিন্যস্য ধন্যং
তন্বন্ভূযঃ প্রভূতপ্রণযবিকসিতাব্জেক্ষণস্ত্বেক্ষমাণঃ ॥ 21 ॥
-দ্যাসেবোদ্যদ্দযার্দ্রঃ সহভুজমকরোদ্রামনামা মুকুন্দঃ ।
দুষ্প্রাপে পারমেষ্ঠ্যে করতলমতুলং মূর্ধিবিন্যস্য ধন্যং
তন্বন্ভূযঃ প্রভূতপ্রণযবিকসিতাব্জেক্ষণস্ত্বেক্ষমাণঃ ॥ 21 ॥
জঘ্নে নিঘ্নেন বিঘ্নো বহুলবলবকধ্বংসনাদ্যেন শোচ-
-দ্বিপ্রানুক্রোশপাশৈরসুবিধৃতিসুখস্যৈকচক্রাজনানাম্ ।
তস্মৈ তে দেব কুর্মঃ কুরুকুলপতযে কর্মণা চ প্রণামান্
কির্মীরং দুর্মতীনাং প্রথমমথ চ যো নর্মণা নির্মমাথ ॥ 22 ॥
-দ্বিপ্রানুক্রোশপাশৈরসুবিধৃতিসুখস্যৈকচক্রাজনানাম্ ।
তস্মৈ তে দেব কুর্মঃ কুরুকুলপতযে কর্মণা চ প্রণামান্
কির্মীরং দুর্মতীনাং প্রথমমথ চ যো নর্মণা নির্মমাথ ॥ 22 ॥
নির্মৃদ্নন্নত্যযত্নং বিজরবর জরাসন্ধকাযাস্থিসন্ধীন্
যুদ্ধে ত্বং স্বধ্বরে বা পশুমিব দমযন্ বিষ্ণুপক্ষদ্বিডীশম্ ।
যাবত্প্রত্যক্ষভূতং নিখিলমখভুজং তর্পযামাসিথাসৌ
তাবত্যাঽযোজি তৃপ্ত্যা কিমু বদ ভগবন্ রাজসূযাশ্বমেধে ॥ 23 ॥
যুদ্ধে ত্বং স্বধ্বরে বা পশুমিব দমযন্ বিষ্ণুপক্ষদ্বিডীশম্ ।
যাবত্প্রত্যক্ষভূতং নিখিলমখভুজং তর্পযামাসিথাসৌ
তাবত্যাঽযোজি তৃপ্ত্যা কিমু বদ ভগবন্ রাজসূযাশ্বমেধে ॥ 23 ॥
ক্ষ্বেলাক্ষীণাট্টহাসং তব রণমরিহন্নুদ্গদোদ্দামবাহোঃ
বহ্বক্ষৌহিণ্যনীকক্ষপণসুনিপুণং যস্য সর্বোত্তমস্য ।
শুশ্রূষার্থং চকর্থ স্বযমযমথ সংবক্তুমানন্দতীর্থ-
-শ্রীমন্নামন্সমর্থস্ত্বমপি হি যুবযোঃ পাদপদ্মং প্রপদ্যে ॥ 24 ॥
বহ্বক্ষৌহিণ্যনীকক্ষপণসুনিপুণং যস্য সর্বোত্তমস্য ।
শুশ্রূষার্থং চকর্থ স্বযমযমথ সংবক্তুমানন্দতীর্থ-
-শ্রীমন্নামন্সমর্থস্ত্বমপি হি যুবযোঃ পাদপদ্মং প্রপদ্যে ॥ 24 ॥
দৃহ্যন্তীং হৃদৃহং মাং দৃতমনিল বলাদ্দ্রাবযন্তীমবিদ্যা-
-নিদ্রাং বিদ্রাব্য সদ্যোরচনপটুমথাঽপাদ্য বিদ্যাসমুদ্র ।
বাগ্দেবী সা সুবিদ্যাদ্রবিণদ বিদিতা দ্রৌপদী রুদ্রপত্ন্যা-
-দুদ্রিক্তা দ্রাগভদ্রাদ্রহযতু দযিতা পূর্বভীমাঽজ্ঞযা তে ॥ 25 ॥
-নিদ্রাং বিদ্রাব্য সদ্যোরচনপটুমথাঽপাদ্য বিদ্যাসমুদ্র ।
বাগ্দেবী সা সুবিদ্যাদ্রবিণদ বিদিতা দ্রৌপদী রুদ্রপত্ন্যা-
-দুদ্রিক্তা দ্রাগভদ্রাদ্রহযতু দযিতা পূর্বভীমাঽজ্ঞযা তে ॥ 25 ॥
যাভ্যাং শুশ্রূষুরাসীঃ কুরুকুলজননে ক্ষত্রবিপ্রোদিতাভ্যাং
ব্রহ্মভ্যাং বৃংহিতাভ্যাং চিতসুখবপুষা কৃষ্ণনামাস্পদাভ্যাম্ ।
নির্ভেদাভ্যাং বিশেষাদ্বিবচনবিষযাভ্যামমূভ্যামুভাভ্যাং
তুভ্যং চ ক্ষেমদেভ্যঃ সরিসিজবিলসল্লোচনেভ্যো নমোঽস্তু ॥ 26 ॥
ব্রহ্মভ্যাং বৃংহিতাভ্যাং চিতসুখবপুষা কৃষ্ণনামাস্পদাভ্যাম্ ।
নির্ভেদাভ্যাং বিশেষাদ্বিবচনবিষযাভ্যামমূভ্যামুভাভ্যাং
তুভ্যং চ ক্ষেমদেভ্যঃ সরিসিজবিলসল্লোচনেভ্যো নমোঽস্তু ॥ 26 ॥
গচ্ছন্ সৌগন্ধিকার্থং পথি স হনুমতঃ পুচ্ছমচ্ছস্য ভীমঃ
প্রোদ্ধর্তুং নাশকত্স ত্বমুমুরুবপুষা ভীষযামাস চেতি ।
পূর্ণজ্ঞানৌজসোস্তে গুরুতম বপুষোঃ শ্রীমদানন্দতীর্থ
ক্রীডামাত্রং তদেতত্ প্রমদদ সুধিযাং মোহক দ্বেষভাজাম্ ॥ 27 ॥
প্রোদ্ধর্তুং নাশকত্স ত্বমুমুরুবপুষা ভীষযামাস চেতি ।
পূর্ণজ্ঞানৌজসোস্তে গুরুতম বপুষোঃ শ্রীমদানন্দতীর্থ
ক্রীডামাত্রং তদেতত্ প্রমদদ সুধিযাং মোহক দ্বেষভাজাম্ ॥ 27 ॥
বহ্বীঃ কোটীরটীকঃ কুটলকটুমতীনুত্কটাটোপকোপান্
দ্রাক্চ ত্বং সত্বরত্বাচ্চরণদ গদযা পোথযামাসিথারীন্ ।
উন্মথ্যাতথ্যমিথ্যাত্ববচনবচনানুত্পথস্থাংস্তথাঽন্যান্
প্রাযচ্ছঃ স্বপ্রিযাযৈ প্রিযতমকুসুমং প্রাণ তস্মৈ নমস্তে ॥ 28 ॥
দ্রাক্চ ত্বং সত্বরত্বাচ্চরণদ গদযা পোথযামাসিথারীন্ ।
উন্মথ্যাতথ্যমিথ্যাত্ববচনবচনানুত্পথস্থাংস্তথাঽন্যান্
প্রাযচ্ছঃ স্বপ্রিযাযৈ প্রিযতমকুসুমং প্রাণ তস্মৈ নমস্তে ॥ 28 ॥
দেহাদুত্ক্রামিতানামধিপতিরসতামক্রমাদ্বক্রবুদ্ধিঃ
ক্রুদ্ধঃ ক্রোধৈকবশ্যঃ ক্রিমিরিব মণিমান্ দুষ্কৃতী নিষ্ক্রিযার্থম্ ।
চক্রে ভূচক্রমেত্য ক্রকচমিব সতাং চেতসঃ কষ্টশাস্ত্রং
দুস্তর্কং চক্রপাণের্গুণগণবিরহং জীবতাং চাধিকৃত্য ॥ 29 ॥
ক্রুদ্ধঃ ক্রোধৈকবশ্যঃ ক্রিমিরিব মণিমান্ দুষ্কৃতী নিষ্ক্রিযার্থম্ ।
চক্রে ভূচক্রমেত্য ক্রকচমিব সতাং চেতসঃ কষ্টশাস্ত্রং
দুস্তর্কং চক্রপাণের্গুণগণবিরহং জীবতাং চাধিকৃত্য ॥ 29 ॥
তদ্দুষ্প্রেক্ষানুসারাত্কতিপযকুনরৈরাদৃতোঽন্যৈর্বিসৃষ্টো
ব্রহ্মাঽহং নির্গুণোঽহং বিতথমিদমিতি হ্যেষ পাষণ্ডবাদঃ ।
তদ্যুক্ত্যাভাসজালপ্রসরবিষতরূদ্দাহদক্ষপ্রমাণ-
-জ্বালামালাধরাগ্নিঃ পবন বিজযতে তেঽবতারস্তৃতীযঃ ॥ 30 ॥
ব্রহ্মাঽহং নির্গুণোঽহং বিতথমিদমিতি হ্যেষ পাষণ্ডবাদঃ ।
তদ্যুক্ত্যাভাসজালপ্রসরবিষতরূদ্দাহদক্ষপ্রমাণ-
-জ্বালামালাধরাগ্নিঃ পবন বিজযতে তেঽবতারস্তৃতীযঃ ॥ 30 ॥
আক্রোশন্তো নিরাশা ভযভরবিবশস্বাশযাশ্ছিন্নদর্পা
বাশন্তো দেশনাশস্বিতি বত কুধিযাং নাশমাশাদশাঽশু ।
ধাবন্তোঽশ্লীলশীলা বিতথশপথশাপাশিবাঃ শান্তশৌর্যা-
-স্ত্বদ্ব্যাখ্যাসিংহনাদে সপদি দদৃশিরে মাযিগোমাযবস্তে ॥ 31 ॥
বাশন্তো দেশনাশস্বিতি বত কুধিযাং নাশমাশাদশাঽশু ।
ধাবন্তোঽশ্লীলশীলা বিতথশপথশাপাশিবাঃ শান্তশৌর্যা-
-স্ত্বদ্ব্যাখ্যাসিংহনাদে সপদি দদৃশিরে মাযিগোমাযবস্তে ॥ 31 ॥
ত্রিষ্বপ্যেবাবতারেষ্বরিভিরপঘৃণং হিংসিতো নির্বিকারঃ
সর্বজ্ঞঃ সর্বশক্তিঃ সকলগুণগণাপূর্ণরূপপ্রগল্ভঃ ।
স্বচ্ছঃ স্বচ্ছন্দমৃত্যুঃ সুখযসি সুজনং দেব কিং চিত্রমত্র
ত্রাতা যস্য ত্রিধামা জগদুত বশগং কিঙ্করাঃ শঙ্করাদ্যাঃ ॥ 32 ॥
সর্বজ্ঞঃ সর্বশক্তিঃ সকলগুণগণাপূর্ণরূপপ্রগল্ভঃ ।
স্বচ্ছঃ স্বচ্ছন্দমৃত্যুঃ সুখযসি সুজনং দেব কিং চিত্রমত্র
ত্রাতা যস্য ত্রিধামা জগদুত বশগং কিঙ্করাঃ শঙ্করাদ্যাঃ ॥ 32 ॥
উদ্যন্মন্দস্মিতশ্রীমৃদু মধুমধুরালাপপীযূষধারা-
-পূরাসেকোপশান্তাসুখসুজনমনোলোচনাপীযমানম্ ।
সন্দ্রক্ষ্যে সুন্দরং সন্দুহদিহ মহদানন্দমানন্দতীর্থ
শ্রীমদ্বক্ত্রেন্দুবিম্বং দুরতনুদুদিতং নিত্যদাঽহং কদা নু ॥ 33 ॥
-পূরাসেকোপশান্তাসুখসুজনমনোলোচনাপীযমানম্ ।
সন্দ্রক্ষ্যে সুন্দরং সন্দুহদিহ মহদানন্দমানন্দতীর্থ
শ্রীমদ্বক্ত্রেন্দুবিম্বং দুরতনুদুদিতং নিত্যদাঽহং কদা নু ॥ 33 ॥
প্রাচীনাচীর্ণপুণ্যোচ্চযচতুরতরাচারতশ্চারুচিত্তা-
-নত্যুচ্চাং রোচযন্তীং শ্রুতিচিতবচনাং শ্রাবকাংশ্চোদ্যচুঞ্চূন্ ।
ব্যাখ্যামুত্খাতদুঃখাং চিরমুচিতমহাচার্য চিন্তারতাংস্তে
চিত্রাং সচ্ছাস্ত্রকর্তাশ্চরণপরিচরাঞ্ছ্রাবযাস্মাংশ্চ কিঞ্চিত্ ॥ 34 ॥
-নত্যুচ্চাং রোচযন্তীং শ্রুতিচিতবচনাং শ্রাবকাংশ্চোদ্যচুঞ্চূন্ ।
ব্যাখ্যামুত্খাতদুঃখাং চিরমুচিতমহাচার্য চিন্তারতাংস্তে
চিত্রাং সচ্ছাস্ত্রকর্তাশ্চরণপরিচরাঞ্ছ্রাবযাস্মাংশ্চ কিঞ্চিত্ ॥ 34 ॥
পীঠে রত্নোকপক্লৃপ্তে রুচিররুচিমণিজ্যোতিষা সন্নিষণ্ণং
ব্রহ্মাণং ভাবিনং ত্বাং জ্বলতি নিজপদে বৈদিকাদ্যা হি বিদ্যাঃ ।
সেবন্তে মূর্তিমত্যঃ সুচরিত চরিতং ভাতি গন্ধর্ব গীতং
প্রত্যেকং দেবসংসত্স্বপি তব ভগবন্নর্তিতদ্যোবধূষু ॥ 35 ॥
ব্রহ্মাণং ভাবিনং ত্বাং জ্বলতি নিজপদে বৈদিকাদ্যা হি বিদ্যাঃ ।
সেবন্তে মূর্তিমত্যঃ সুচরিত চরিতং ভাতি গন্ধর্ব গীতং
প্রত্যেকং দেবসংসত্স্বপি তব ভগবন্নর্তিতদ্যোবধূষু ॥ 35 ॥
সানুক্রোশৈরজস্রং জনিমৃতিনিরযাদ্যূর্মিমালাবিলেঽস্মিন্
সংসারাব্ধৌ নিমগ্নান্ শরণমশরণানিচ্ছতো বীক্ষ্য জন্তূন্ ।
যুষ্মাভিঃ প্রার্থিতঃ সন্ জলনিধিশযনঃ সত্যবত্যাং মহর্ষে-
-র্ব্যক্তশ্চিন্মাত্রমূর্তির্ন খলু ভগবতঃ প্রাকৃতো জাতু দেহঃ ॥ 36 ॥
সংসারাব্ধৌ নিমগ্নান্ শরণমশরণানিচ্ছতো বীক্ষ্য জন্তূন্ ।
যুষ্মাভিঃ প্রার্থিতঃ সন্ জলনিধিশযনঃ সত্যবত্যাং মহর্ষে-
-র্ব্যক্তশ্চিন্মাত্রমূর্তির্ন খলু ভগবতঃ প্রাকৃতো জাতু দেহঃ ॥ 36 ॥
অস্তব্যস্তং সমস্তশ্রুতিগতমধমৈ রত্নপূগং যথাঽন্ধৈ-
-রর্থং লোকোপকৃত্যৈ গুণগণনিলযঃ সূত্রযামাস কৃত্স্নম্ ।
যোঽসৌ ব্যাসাভিধানস্তমহমহরহর্ভক্তিতস্ত্বত্প্রসাদাত্
সদ্যো বিদ্যোপলব্ধ্যৈ গুরুতমমগুরুং দেবদেবং নমামি ॥ 37 ॥
-রর্থং লোকোপকৃত্যৈ গুণগণনিলযঃ সূত্রযামাস কৃত্স্নম্ ।
যোঽসৌ ব্যাসাভিধানস্তমহমহরহর্ভক্তিতস্ত্বত্প্রসাদাত্
সদ্যো বিদ্যোপলব্ধ্যৈ গুরুতমমগুরুং দেবদেবং নমামি ॥ 37 ॥
আজ্ঞামন্যৈরধার্যাং শিরসি পরিসরদ্রশ্মিকোটীরকোটৌ
কৃষ্ণস্যাক্লিষ্টকর্মা দধদনুসরাণাদর্থিতো দেবসঙ্ঘৈঃ ।
ভূমাবাগত্য ভূমন্নসুকরমকরোর্ব্রহ্মসূত্রস্য ভাষ্যং
দুর্ভাষ্যং ব্যস্য দস্যোর্মণিমত উদিতং বেদসদ্যুক্তিভিস্ত্বম্ ॥ 38 ॥
কৃষ্ণস্যাক্লিষ্টকর্মা দধদনুসরাণাদর্থিতো দেবসঙ্ঘৈঃ ।
ভূমাবাগত্য ভূমন্নসুকরমকরোর্ব্রহ্মসূত্রস্য ভাষ্যং
দুর্ভাষ্যং ব্যস্য দস্যোর্মণিমত উদিতং বেদসদ্যুক্তিভিস্ত্বম্ ॥ 38 ॥
ভূত্বা ক্ষেত্রে বিশুদ্ধে দ্বিজগণনিলযে রৌপ্যপীঠাভিধানে
তত্রাপি ব্রহ্মজাতিস্ত্রিভুবনবিশদে মধ্যগেহাখ্যগেহে ।
পারিব্রাজ্যাধিরাজঃ পুনরপি বদরীং প্রাপ্য কৃষ্ণং চ নত্বা
কৃত্বা ভাষ্যাণি সম্যগ্ ব্যতনুত চ ভবান্ ভারতার্থপ্রকাশম্ ॥ 39 ॥
তত্রাপি ব্রহ্মজাতিস্ত্রিভুবনবিশদে মধ্যগেহাখ্যগেহে ।
পারিব্রাজ্যাধিরাজঃ পুনরপি বদরীং প্রাপ্য কৃষ্ণং চ নত্বা
কৃত্বা ভাষ্যাণি সম্যগ্ ব্যতনুত চ ভবান্ ভারতার্থপ্রকাশম্ ॥ 39 ॥
বন্দে তং ত্বাং সুপূর্ণপ্রমতিমনুদিনাসেবিতং দেববৃন্দৈঃ
বন্দে বন্দারুমীশে শ্রিয উত নিযতং শ্রীমদানন্দতীর্থম্ ।
বন্দে মন্দাকিনীসত্সরিদমলজলাসেকসাধিক্যসঙ্গং
বন্দেঽহং দেব ভক্ত্যা ভবভযদহনং সজ্জনান্মোদযন্তম্ ॥ 40 ॥
বন্দে বন্দারুমীশে শ্রিয উত নিযতং শ্রীমদানন্দতীর্থম্ ।
বন্দে মন্দাকিনীসত্সরিদমলজলাসেকসাধিক্যসঙ্গং
বন্দেঽহং দেব ভক্ত্যা ভবভযদহনং সজ্জনান্মোদযন্তম্ ॥ 40 ॥
সুব্রহ্মণ্যাখ্যসূরেঃ সুত
ইতি সুভৃশং কেশবানন্দতীর্থ-
শ্রীমত্পাদাব্জভক্তঃ স্তুতিমকৃত হরের্বাযুদেবস্য চাস্য ।
তত্পাদার্চাদরেণ গ্রথিতপদলসন্মালযা ত্বেতযা যে
সংরাধ্যামূ নমন্তি প্রততমতিগুণা মুক্তিমেতে ব্রজন্তি ॥ 41 ॥
ইতি সুভৃশং কেশবানন্দতীর্থ-
শ্রীমত্পাদাব্জভক্তঃ স্তুতিমকৃত হরের্বাযুদেবস্য চাস্য ।
তত্পাদার্চাদরেণ গ্রথিতপদলসন্মালযা ত্বেতযা যে
সংরাধ্যামূ নমন্তি প্রততমতিগুণা মুক্তিমেতে ব্রজন্তি ॥ 41 ॥
অথ শ্রীনখস্তুতিঃ
পান্ত্বস্মান্ পুরুহূতবৈরিবলবন্মাতঙ্গমাদ্যদ্ঘটা
কুম্ভোচ্চাদ্রিবিপাটনাধিকপটুপ্রত্যেকবজ্রাযিতাঃ ।
শ্রীমত্কণ্ঠীরবাস্য প্রতত সুনখরা দারিতারাতিদূর-
প্রধ্বস্তধ্বান্তশান্তপ্রবিততমনসা ভাবিতা নাকিবৃন্দৈঃ ॥ 1 ॥
কুম্ভোচ্চাদ্রিবিপাটনাধিকপটুপ্রত্যেকবজ্রাযিতাঃ ।
শ্রীমত্কণ্ঠীরবাস্য প্রতত সুনখরা দারিতারাতিদূর-
প্রধ্বস্তধ্বান্তশান্তপ্রবিততমনসা ভাবিতা নাকিবৃন্দৈঃ ॥ 1 ॥
লক্ষ্মীকান্ত সমন্ততোঽবিকলযন্ নৈবেশিতুস্তে সমং
পশ্যাম্যুত্তমবস্তু দূরতরতোঽপাস্তং রসো যোঽষ্টমঃ ।
যদ্রোষোত্করদক্ষনেত্রকুটিলপ্রান্তোত্থিতাগ্নিস্ফুরত্
খদ্যোতোপমবিস্ফুলিঙ্গভসিতা ব্রহ্মেশশক্রোত্করাঃ ॥ 2 ॥
পশ্যাম্যুত্তমবস্তু দূরতরতোঽপাস্তং রসো যোঽষ্টমঃ ।
যদ্রোষোত্করদক্ষনেত্রকুটিলপ্রান্তোত্থিতাগ্নিস্ফুরত্
খদ্যোতোপমবিস্ফুলিঙ্গভসিতা ব্রহ্মেশশক্রোত্করাঃ ॥ 2 ॥
ইতি শ্রীত্রিবিক্রমপণ্ডিতাচার্য বিরচিতা বাযুস্তুতিঃ সমাপ্তা ॥