॥ শ্ৰী গণেশায নমঃ ॥
॥ শ্ৰী কামকলাকালী সঞ্জীৱন গদ্য স্তোত্ৰম্ ॥
॥ শ্ৰীমহাকালসংহিতাযাং দ্ৱাদশপটলে ॥
॥ শ্ৰী কামকলাকালী সঞ্জীৱন গদ্য স্তোত্ৰম্ ॥
॥ শ্ৰীমহাকালসংহিতাযাং দ্ৱাদশপটলে ॥
॥ মহাকাল উৱাচ॥
অথ ৱক্ষ্যে মহেশানি মহাপাতকনাশনম্ ।
গদ্যং সহস্ৰনাম্নস্তু সঞ্জীৱনতযা স্থিতম্ ॥ ১ ॥
গদ্যং সহস্ৰনাম্নস্তু সঞ্জীৱনতযা স্থিতম্ ॥ ১ ॥
পঠন্ যত্সফলং কুৰ্যাত্ প্ৰাক্তনং সকলং প্ৰিযে ।
অপঠন্ ৱিফলং তত্তত্তদ্ৱস্তু কথযামি তে ॥ ২ ॥
অপঠন্ ৱিফলং তত্তত্তদ্ৱস্তু কথযামি তে ॥ ২ ॥
॥ অথ গদ্য স্তোত্ৰম্ ॥
ওং ফ্ৰেং জয জয কামকলাকালি কপালিনি সিদ্ধিকৰালি সিদ্ধিৱিকৰালি মহাৱলিনি ত্ৰিশুলিনি নৰমুণ্ডমালিনি শৱৱাহিনি কাত্যাযনি মহাট্টহাসিনি সৃষ্টিস্থিতিপ্ৰলযকাৰিণি দিতিদনুজমাৰিণি শ্মশানচাৰিণি । মহাঘোৰৰাৱে অধ্যাসিতদাৱে অপৰিমিতবলপ্ৰভাৱে । ভৈৰৱীযোগিনীডাকিনীসহৱাসিনি জগদ্ধাসিনি স্ৱপদপ্ৰকাশিনি । পাপৌঘহাৰিণি আপদুদ্ধাৰিণি অপমৃত্যুৱাৰিণি । বৃহন্মদ্যমানোদৰি সকলসিদ্ধিকৰি চতুৰ্দশভুৱনেশ্ৱৰি । গুণাতীতপৰমসদাশিৱমোহিনি অপৱৰ্গৰসদোহিনি ৰক্তাৰ্ণৱলোহিনি । অষ্টনাগৰাজভূষিতভুজদণ্ডে আকৃষ্টকোদণ্ডে পৰমপ্ৰচণ্ডে । মনোৱাগগোচৰে মখকোটিমন্ত্ৰমযকলেৱৰে মহাভীষণতৰে প্ৰচলজটাভাৰভাস্ৱৰে সজলজলদমেদুৰে জন্মমৃত্যুপাশভিদুৰে সকলদৈৱতমযসিংহাসনাধিৰূঢে গুহ্যাতিগুহ্য পৰাপৰশক্তিতত্ত্ৱৰূঢে ৱাঙ্মযীকৃতমূঢে । প্ৰকৃত্যপৰশিৱনিৰ্ৱাণসাক্ষিণি ত্ৰিলোকীৰক্ষণি দৈত্যদানৱভক্ষিণি । ৱিকটদীৰ্ঘদংষ্ট্ৰ সঞ্চূৰ্ণিতকোটিব্ৰহ্মকপালে চন্দ্ৰখণ্ডাঙ্কিতভালে দেহপ্ৰভাজিতমেঘজালে । নৱপঞ্চচক্ৰনযিনি মহাভীমষোডশশযিনি সকলকুলাকুলচক্ৰপ্ৰৱৰ্তিনি নিখিলৰিপুদলকৰ্তিনি মহামাৰীভযনিৱৰ্তিনি লেলিহানৰসনাকৰালিনি ত্ৰিলোকীপালিনি ত্ৰযস্ত্ৰিংশত্কোটিশস্ত্ৰাস্ত্ৰশালিনি । প্ৰজ্ৱলপ্ৰজ্ৱলনলোচনে ভৱভযমোচনে নিখিলাগমাদেশিতষ্ঠুসুৰোচনে । প্ৰপঞ্চাতীতনিষ্কলতুৰীযাকাৰে অখণ্ডানন্দাধাৰে নিগমাগমসাৰে । মহাখেচৰীসিদ্ধিৱিধাযিনি নিজপদপ্ৰদাযিনি মহামাযিনি ঘোৰাট্টহাসসন্ত্ৰাসিতত্ৰিভুৱনে চৰণকমলদ্ৱযৱিন্যাসখৰ্ৱীকৃতাৱনে ৱিহিতভক্তাৱনে ।
ওং ক্লীং ক্ৰোং স্ফ্ৰোং হূং হ্ৰীং ছ্ৰীং স্ত্ৰীং ফ্ৰেং ভগৱতি প্ৰসীদ প্ৰসীদ জয জয জীৱ জীৱ জ্ৱল জ্ৱল প্ৰজ্ৱল প্ৰজ্ৱল হস হস নৃত্য নৃত্য ক ছ ভগমালিনি ভগপ্ৰিযে ভগাতুৰে ভগাঙ্কিতে ভগৰূপিণি ভগপ্ৰদে ভগলিঙ্গদ্ৰাৱিণি । সংহাৰভৈৰৱসুৰতৰসলোলুপে ৱ্যোমকেশি পিঙ্গকেশি মহাশঙ্খসমাকুলে খৰ্পৰৱিহস্তহস্তে ৰক্তাৰ্ণৱদ্ৱীপপ্ৰিযে মদনোন্মাদিনি । শুষ্কনৰকপালমালাভৰণে ৱিদ্যুত্কোটিসমপ্ৰভে নৰমাংসখণ্ডকৱলিনি । ৱমদগ্নিমুখি ফেৰুকোটিপৰিৱৃতে কৰতালিকাত্ৰাসিতত্ৰিৱিষ্টপে । নৃত্য প্ৰসাৰিতপাদাঘাতপৰিৱৰ্তিতভূৱলযে । পদভাৰাৱনম্ৰীকৃতকমঠশেষাভোগে । কুৰুকুল্লে কুঞ্চতুণ্ডি ৰক্তমুখি যমঘণ্টে চৰ্চিকে । দৈত্যাসুৰ দৈত্যৰাক্ষস দানৱ কুষ্মাণ্ড প্ৰেত ভূত ডাকিনী ৱিনাযক স্কন্দ ঘোণক ক্ষেত্ৰপাল পিশাচ ব্ৰহ্মৰাক্ষস ৱেতাল গুহ্যক সৰ্পনাগ গ্ৰহনক্ষত্ৰোত্পাত চৌৰাগ্নি স্ৱাপদযুদ্ধৱজ্ৰোপলাশনি ৱৰ্ষৱিদ্যুন্মেঘৱিষোপৱিষ কপটকৃত্যাভিচাৰ দ্ৱেষৱশীকৰণোচ্চাটনোন্মাদাপস্মাৰ ভূতপ্ৰেতপিশাচাৱেশ নদনদী সমুদ্ৰাৱৰ্তকান্তাৰ ঘোৰান্ধকাৰ মহামাৰী বালগ্ৰহ হিংস্ৰ সৰ্ৱস্ৱাপহাৰি মাযাৱিদ্যুদ্দস্যুৱঞ্চক দিৱাচৰ ৰাত্ৰিঞ্চৰ সন্ধ্যাচৰ শৃঙ্গিনখি দংষ্ট্ৰি ৱিদ্যুদুল্কাৰণ্যদৰপ্ৰান্তৰাদি নানাৱিধমহোপদ্ৰৱভঞ্জনি । সৰ্ৱমন্ত্ৰতন্ত্ৰযন্ত্ৰ কুপ্ৰযোগপ্ৰমৰ্দিনি । ষডাম্নায সময ৱিদ্যাপ্ৰকাশিনি শ্মশানাধ্যাসিনি । নিজবল প্ৰভাৱ পৰাক্ৰম গুণৱশীকৃত কোটিব্ৰহ্মাণ্ডৱৰ্তি ভূতসঙ্ঘে । ৱিৰাড্ৰূপিণি সৰ্ৱদেৱমহেশ্ৱৰি সৰ্ৱজনমনোৰঞ্জনি সৰ্ৱপাপপ্ৰণাশিনি অধ্যাত্মিকাধিদৈৱিকাধিভৌতিকাদি ৱিৱিধহৃদযাধিনিৰ্দলিনি কৈৱল্যনিৰ্ৱাণৱলিনি দক্ষিণকালি ভদ্ৰকালি চণ্ডকালি কামকলাকালি কৌলাচাৰৱ্ৰতিনি কৌলাচাৰকূজিনি কুলধৰ্মসাধনি জগত্কাৰণকাৰিণি মহাৰৌদ্ৰি ৰৌদ্ৰাৱতাৰে অবীজে নানাবীজে জগদ্বীজে কালেশ্ৱৰি কালাতীতে ত্ৰিকালস্থাযিনি মহাভৈৰৱে ভৈৰৱগৃহিণি জননি জনজনননিৱৰ্তিনি প্ৰলযানলজ্ৱালাজালজিহ্ৱে ৱিখৰ্ৱোৰু ফেৰুপোতলালিনি মৃত্যুঞ্জযহৃদযানন্দকৰি ৱিলোলৱ্যালকুণ্ডল উলূকপক্ষচ্ছত্ৰমহাডামৰি নিযুতৱক্ত্ৰবাহুচৰণে সৰ্ৱভূতদমনি নীলাঞ্জনসমপ্ৰভে যোগীন্দ্ৰ হৃদযাম্বুজাসনস্থিত নীলকণ্ঠ দেহাৰ্ধহাৰিণি ষোডশ কলান্তৱাসিনি হকাৰাৰ্ধচাৰিণি কালসঙ্কৰ্ষিণি কপালহস্তে মদঘূৰ্ণিতলোচনে নিৰ্ৱাণদীক্ষাপ্ৰসাদপ্ৰদে নিন্দানন্দাধিকাৰিণি মাতৃগণমধ্যচাৰিণি ত্ৰযস্ত্ৰিংশত্কোটিত্ৰিদশ তেজোমযৱিগ্ৰহে প্ৰলযাগ্নিৰোচিনি ৱিশ্ৱকৰ্ত্ৰি ৱিশ্ৱাৰাধ্যে ৱিশ্ৱজননি ৱিশ্ৱসংহাৰিণি ৱিশ্ৱৱ্যাপিকে ৱিশ্ৱেশ্ৱৰি নিৰুপমে নিৰ্ৱিকাৰে নিৰঞ্জনে নিৰীহে নিস্তৰঙ্গে নিৰাকাৰে পৰমেশ্ৱৰি পৰমানন্দে পৰাপৰে প্ৰকৃতিপুৰুষাত্মিকে প্ৰত্যযগোচৰে প্ৰমাণভূতে প্ৰণৱস্ৱৰূপে সংসাৰসাৰে সচ্চিদানন্দে সনাতনি সকলে সকলকলাতীতে সামৰস্যসমযিনি কেৱলে কৈৱল্যৰূপে কল্পনাতিগে কাললোপিনি কামৰহিতে কামকলাকালি ভগৱতি ॥
ওং খ্ফ্ৰেং হ্সৌঃ সৌঃ শ্ৰীং ঐং হ্ৰৌং ক্ৰোং স্ফ্ৰোং সৰ্ৱসিদ্ধিং দেহি দেহি মনোৰথান্ পূৰয পূৰয মুক্তিং নিযোজয নিযোজয ভৱপাশং সমুন্মূলয সমুন্মূলয জন্মমৃত্যূ তাৰয তাৰয পৰৱিদ্যাং প্ৰকাশয প্ৰকাশয অপৱৰ্গং নিৰ্মাহি নিৰ্মাহি সংসাৰদুঃখং যাতনাং ৱিচ্ছেদয ৱিচ্ছেদয পাপানি সংশময সংশময চতুৰ্ৱৰ্গং সাধয সাধয হ্ৰাং হ্ৰীং হ্ৰূং হ্ৰৈং হ্ৰৌং যান্ ৱযং দ্ৱিষ্মো যে চাস্মান্ ৱিদ্ৱিষন্তি তান্ সৰ্ৱান্ ৱিনাশয ৱিনাশয মাৰয মাৰয শোষয শোষয ক্ষোভয ক্ষোভয মযি কৃপাং নিৱেশয নিৱেশয ফ্ৰেং খ্ফ্ৰেং হস্ফ্ৰেং হ্স্খ্ফ্ৰেং হূং স্ফ্ৰোং ক্লীং হ্ৰীং জয জয চৰাচৰাত্মক ব্ৰহ্মাণ্ডোদৰৱৰ্তি ভূতসঙ্ঘাৰাধিতে প্ৰসীদ প্ৰসীদ তুভ্যং দেৱি নমস্তে নমস্তে নমস্তে ॥
॥ ফলশ্ৰুতি ॥
ইতীদং গদ্যমুদিতং মন্ত্ৰৰূপং ৱৰাননে ।
সহস্ৰনামস্তোত্ৰস্য আদাৱন্তে চ যোজযেত্ ॥ ৩ ॥
সহস্ৰনামস্তোত্ৰস্য আদাৱন্তে চ যোজযেত্ ॥ ৩ ॥
অশক্নুৱানৌ দ্ৱৌ ৱাৰৌ পঠেচ্ছেষ ইমং স্তৱম্ ।
সহস্ৰনামস্তোত্ৰস্য তদৈৱ প্ৰাপ্যতে ফলম্ ॥ ৪ ॥
সহস্ৰনামস্তোত্ৰস্য তদৈৱ প্ৰাপ্যতে ফলম্ ॥ ৪ ॥
অপঠন্ গদ্যমেতত্তু তত্ফলং ন সমাপ্নুযাত্ ।
যত্ফলং স্তোত্ৰৰাজস্য পাঠেনাপ্নোতি সাধকঃ ।
তত্ফলং গদ্যপাঠেন লভতে নাত্ৰ সংশযঃ ॥ ৫ ॥
যত্ফলং স্তোত্ৰৰাজস্য পাঠেনাপ্নোতি সাধকঃ ।
তত্ফলং গদ্যপাঠেন লভতে নাত্ৰ সংশযঃ ॥ ৫ ॥
॥ ইতি মহাকালসংহিতাযাং দ্ৱাদশতমঃ পটলে শ্ৰী কামকলাকালী সঞ্জীৱন গদ্য স্তোত্ৰং সম্পূৰ্ণম্ ॥