ಶ್ರೀ ಕಾಮಕಲಾಕಾಲೀ ಸಞ್ಜೀವನ ಗದ್ಯ ಸ್ತೋತ್ರಮ್

॥ ಶ್ರೀ ಗಣೇಶಾಯ ನಮಃ ॥
॥ ಶ್ರೀ ಕಾಮಕಲಾಕಾಲೀ ಸಞ್ಜೀವನ ಗದ್ಯ ಸ್ತೋತ್ರಮ್ ॥
॥ ಶ್ರೀಮಹಾಕಾಲಸಂಹಿತಾಯಾಂ ದ್ವಾದಶಪಟಲೇ ॥

॥ ಮಹಾಕಾಲ ಉವಾಚ॥

ಅಥ ವಕ್ಷ್ಯೇ ಮಹೇಶಾನಿ ಮಹಾಪಾತಕನಾಶನಮ್ ।
ಗದ್ಯಂ ಸಹಸ್ರನಾಮ್ನಸ್ತು ಸಞ್ಜೀವನತಯಾ ಸ್ಥಿತಮ್ ॥ ೧ ॥

ಪಠನ್ ಯತ್ಸಫಲಂ ಕುರ್ಯಾತ್ ಪ್ರಾಕ್ತನಂ ಸಕಲಂ ಪ್ರಿಯೇ ।
ಅಪಠನ್ ವಿಫಲಂ ತತ್ತತ್ತದ್ವಸ್ತು ಕಥಯಾಮಿ ತೇ ॥ ೨ ॥

॥ ಅಥ ಗದ್ಯ ಸ್ತೋತ್ರಮ್ ॥

ಓಂ ಫ್ರೇಂ ಜಯ ಜಯ ಕಾಮಕಲಾಕಾಲಿ ಕಪಾಲಿನಿ ಸಿದ್ಧಿಕರಾಲಿ ಸಿದ್ಧಿವಿಕರಾಲಿ ಮಹಾವಲಿನಿ ತ್ರಿಶುಲಿನಿ ನರಮುಣ್ಡಮಾಲಿನಿ ಶವವಾಹಿನಿ ಕಾತ್ಯಾಯನಿ ಮಹಾಟ್ಟಹಾಸಿನಿ ಸೃಷ್ಟಿಸ್ಥಿತಿಪ್ರಲಯಕಾರಿಣಿ ದಿತಿದನುಜಮಾರಿಣಿ ಶ್ಮಶಾನಚಾರಿಣಿ । ಮಹಾಘೋರರಾವೇ ಅಧ್ಯಾಸಿತದಾವೇ ಅಪರಿಮಿತಬಲಪ್ರಭಾವೇ । ಭೈರವೀಯೋಗಿನೀಡಾಕಿನೀಸಹವಾಸಿನಿ ಜಗದ್ಧಾಸಿನಿ ಸ್ವಪದಪ್ರಕಾಶಿನಿ । ಪಾಪೌಘಹಾರಿಣಿ ಆಪದುದ್ಧಾರಿಣಿ ಅಪಮೃತ್ಯುವಾರಿಣಿ । ಬೃಹನ್ಮದ್ಯಮಾನೋದರಿ ಸಕಲಸಿದ್ಧಿಕರಿ ಚತುರ್ದಶಭುವನೇಶ್ವರಿ । ಗುಣಾತೀತಪರಮಸದಾಶಿವಮೋಹಿನಿ ಅಪವರ್ಗರಸದೋಹಿನಿ ರಕ್ತಾರ್ಣವಲೋಹಿನಿ । ಅಷ್ಟನಾಗರಾಜಭೂಷಿತಭುಜದಣ್ಡೇ ಆಕೃಷ್ಟಕೋದಣ್ಡೇ ಪರಮಪ್ರಚಣ್ಡೇ । ಮನೋವಾಗಗೋಚರೇ ಮಖಕೋಟಿಮನ್ತ್ರಮಯಕಲೇವರೇ ಮಹಾಭೀಷಣತರೇ ಪ್ರಚಲಜಟಾಭಾರಭಾಸ್ವರೇ ಸಜಲಜಲದಮೇದುರೇ ಜನ್ಮಮೃತ್ಯುಪಾಶಭಿದುರೇ ಸಕಲದೈವತಮಯಸಿಂಹಾಸನಾಧಿರೂಢೇ ಗುಹ್ಯಾತಿಗುಹ್ಯ ಪರಾಪರಶಕ್ತಿತತ್ತ್ವರೂಢೇ ವಾಙ್ಮಯೀಕೃತಮೂಢೇ । ಪ್ರಕೃತ್ಯಪರಶಿವನಿರ್ವಾಣಸಾಕ್ಷಿಣಿ ತ್ರಿಲೋಕೀರಕ್ಷಣಿ ದೈತ್ಯದಾನವಭಕ್ಷಿಣಿ । ವಿಕಟದೀರ್ಘದಂಷ್ಟ್ರ ಸಞ್ಚೂರ್ಣಿತಕೋಟಿಬ್ರಹ್ಮಕಪಾಲೇ ಚನ್ದ್ರಖಣ್ಡಾಙ್ಕಿತಭಾಲೇ ದೇಹಪ್ರಭಾಜಿತಮೇಘಜಾಲೇ । ನವಪಞ್ಚಚಕ್ರನಯಿನಿ ಮಹಾಭೀಮಷೋಡಶಶಯಿನಿ ಸಕಲಕುಲಾಕುಲಚಕ್ರಪ್ರವರ್ತಿನಿ ನಿಖಿಲರಿಪುದಲಕರ್ತಿನಿ ಮಹಾಮಾರೀಭಯನಿವರ್ತಿನಿ ಲೇಲಿಹಾನರಸನಾಕರಾಲಿನಿ ತ್ರಿಲೋಕೀಪಾಲಿನಿ ತ್ರಯಸ್ತ್ರಿಂಶತ್ಕೋಟಿಶಸ್ತ್ರಾಸ್ತ್ರಶಾಲಿನಿ । ಪ್ರಜ್ವಲಪ್ರಜ್ವಲನಲೋಚನೇ ಭವಭಯಮೋಚನೇ ನಿಖಿಲಾಗಮಾದೇಶಿತಷ್ಠುಸುರೋಚನೇ । ಪ್ರಪಞ್ಚಾತೀತನಿಷ್ಕಲತುರೀಯಾಕಾರೇ ಅಖಣ್ಡಾನನ್ದಾಧಾರೇ ನಿಗಮಾಗಮಸಾರೇ । ಮಹಾಖೇಚರೀಸಿದ್ಧಿವಿಧಾಯಿನಿ ನಿಜಪದಪ್ರದಾಯಿನಿ ಮಹಾಮಾಯಿನಿ ಘೋರಾಟ್ಟಹಾಸಸನ್ತ್ರಾಸಿತತ್ರಿಭುವನೇ ಚರಣಕಮಲದ್ವಯವಿನ್ಯಾಸಖರ್ವೀಕೃತಾವನೇ ವಿಹಿತಭಕ್ತಾವನೇ ।

ಓಂ ಕ್ಲೀಂ ಕ್ರೋಂ ಸ್ಫ್ರೋಂ ಹೂಂ ಹ್ರೀಂ ಛ್ರೀಂ ಸ್ತ್ರೀಂ ಫ್ರೇಂ ಭಗವತಿ ಪ್ರಸೀದ ಪ್ರಸೀದ ಜಯ ಜಯ ಜೀವ ಜೀವ ಜ್ವಲ ಜ್ವಲ ಪ್ರಜ್ವಲ ಪ್ರಜ್ವಲ ಹಸ ಹಸ ನೃತ್ಯ ನೃತ್ಯ ಕ ಛ ಭಗಮಾಲಿನಿ ಭಗಪ್ರಿಯೇ ಭಗಾತುರೇ ಭಗಾಙ್ಕಿತೇ ಭಗರೂಪಿಣಿ ಭಗಪ್ರದೇ ಭಗಲಿಙ್ಗದ್ರಾವಿಣಿ । ಸಂಹಾರಭೈರವಸುರತರಸಲೋಲುಪೇ ವ್ಯೋಮಕೇಶಿ ಪಿಙ್ಗಕೇಶಿ ಮಹಾಶಙ್ಖಸಮಾಕುಲೇ ಖರ್ಪರವಿಹಸ್ತಹಸ್ತೇ ರಕ್ತಾರ್ಣವದ್ವೀಪಪ್ರಿಯೇ ಮದನೋನ್ಮಾದಿನಿ । ಶುಷ್ಕನರಕಪಾಲಮಾಲಾಭರಣೇ ವಿದ್ಯುತ್ಕೋಟಿಸಮಪ್ರಭೇ ನರಮಾಂಸಖಣ್ಡಕವಲಿನಿ । ವಮದಗ್ನಿಮುಖಿ ಫೇರುಕೋಟಿಪರಿವೃತೇ ಕರತಾಲಿಕಾತ್ರಾಸಿತತ್ರಿವಿಷ್ಟಪೇ । ನೃತ್ಯ ಪ್ರಸಾರಿತಪಾದಾಘಾತಪರಿವರ್ತಿತಭೂವಲಯೇ । ಪದಭಾರಾವನಮ್ರೀಕೃತಕಮಠಶೇಷಾಭೋಗೇ । ಕುರುಕುಲ್ಲೇ ಕುಞ್ಚತುಣ್ಡಿ ರಕ್ತಮುಖಿ ಯಮಘಣ್ಟೇ ಚರ್ಚಿಕೇ । ದೈತ್ಯಾಸುರ ದೈತ್ಯರಾಕ್ಷಸ ದಾನವ ಕುಷ್ಮಾಣ್ಡ ಪ್ರೇತ ಭೂತ ಡಾಕಿನೀ ವಿನಾಯಕ ಸ್ಕನ್ದ ಘೋಣಕ ಕ್ಷೇತ್ರಪಾಲ ಪಿಶಾಚ ಬ್ರಹ್ಮರಾಕ್ಷಸ ವೇತಾಲ ಗುಹ್ಯಕ ಸರ್ಪನಾಗ ಗ್ರಹನಕ್ಷತ್ರೋತ್ಪಾತ ಚೌರಾಗ್ನಿ ಸ್ವಾಪದಯುದ್ಧವಜ್ರೋಪಲಾಶನಿ ವರ್ಷವಿದ್ಯುನ್ಮೇಘವಿಷೋಪವಿಷ ಕಪಟಕೃತ್ಯಾಭಿಚಾರ ದ್ವೇಷವಶೀಕರಣೋಚ್ಚಾಟನೋನ್ಮಾದಾಪಸ್ಮಾರ ಭೂತಪ್ರೇತಪಿಶಾಚಾವೇಶ ನದನದೀ ಸಮುದ್ರಾವರ್ತಕಾನ್ತಾರ ಘೋರಾನ್ಧಕಾರ ಮಹಾಮಾರೀ ಬಾಲಗ್ರಹ ಹಿಂಸ್ರ ಸರ್ವಸ್ವಾಪಹಾರಿ ಮಾಯಾವಿದ್ಯುದ್ದಸ್ಯುವಞ್ಚಕ ದಿವಾಚರ ರಾತ್ರಿಞ್ಚರ ಸನ್ಧ್ಯಾಚರ ಶೃಙ್ಗಿನಖಿ ದಂಷ್ಟ್ರಿ ವಿದ್ಯುದುಲ್ಕಾರಣ್ಯದರಪ್ರಾನ್ತರಾದಿ ನಾನಾವಿಧಮಹೋಪದ್ರವಭಞ್ಜನಿ । ಸರ್ವಮನ್ತ್ರತನ್ತ್ರಯನ್ತ್ರ ಕುಪ್ರಯೋಗಪ್ರಮರ್ದಿನಿ । ಷಡಾಮ್ನಾಯ ಸಮಯ ವಿದ್ಯಾಪ್ರಕಾಶಿನಿ ಶ್ಮಶಾನಾಧ್ಯಾಸಿನಿ । ನಿಜಬಲ ಪ್ರಭಾವ ಪರಾಕ್ರಮ ಗುಣವಶೀಕೃತ ಕೋಟಿಬ್ರಹ್ಮಾಣ್ಡವರ್ತಿ ಭೂತಸಙ್ಘೇ । ವಿರಾಡ್ರೂಪಿಣಿ ಸರ್ವದೇವಮಹೇಶ್ವರಿ ಸರ್ವಜನಮನೋರಞ್ಜನಿ ಸರ್ವಪಾಪಪ್ರಣಾಶಿನಿ ಅಧ್ಯಾತ್ಮಿಕಾಧಿದೈವಿಕಾಧಿಭೌತಿಕಾದಿ ವಿವಿಧಹೃದಯಾಧಿನಿರ್ದಲಿನಿ ಕೈವಲ್ಯನಿರ್ವಾಣವಲಿನಿ ದಕ್ಷಿಣಕಾಲಿ ಭದ್ರಕಾಲಿ ಚಣ್ಡಕಾಲಿ ಕಾಮಕಲಾಕಾಲಿ ಕೌಲಾಚಾರವ್ರತಿನಿ ಕೌಲಾಚಾರಕೂಜಿನಿ ಕುಲಧರ್ಮಸಾಧನಿ ಜಗತ್ಕಾರಣಕಾರಿಣಿ ಮಹಾರೌದ್ರಿ ರೌದ್ರಾವತಾರೇ ಅಬೀಜೇ ನಾನಾಬೀಜೇ ಜಗದ್ಬೀಜೇ ಕಾಲೇಶ್ವರಿ ಕಾಲಾತೀತೇ ತ್ರಿಕಾಲಸ್ಥಾಯಿನಿ ಮಹಾಭೈರವೇ ಭೈರವಗೃಹಿಣಿ ಜನನಿ ಜನಜನನನಿವರ್ತಿನಿ ಪ್ರಲಯಾನಲಜ್ವಾಲಾಜಾಲಜಿಹ್ವೇ ವಿಖರ್ವೋರು ಫೇರುಪೋತಲಾಲಿನಿ ಮೃತ್ಯುಞ್ಜಯಹೃದಯಾನನ್ದಕರಿ ವಿಲೋಲವ್ಯಾಲಕುಣ್ಡಲ ಉಲೂಕಪಕ್ಷಚ್ಛತ್ರಮಹಾಡಾಮರಿ ನಿಯುತವಕ್ತ್ರಬಾಹುಚರಣೇ ಸರ್ವಭೂತದಮನಿ ನೀಲಾಞ್ಜನಸಮಪ್ರಭೇ ಯೋಗೀನ್ದ್ರ ಹೃದಯಾಮ್ಬುಜಾಸನಸ್ಥಿತ ನೀಲಕಣ್ಠ ದೇಹಾರ್ಧಹಾರಿಣಿ ಷೋಡಶ ಕಲಾನ್ತವಾಸಿನಿ ಹಕಾರಾರ್ಧಚಾರಿಣಿ ಕಾಲಸಙ್ಕರ್ಷಿಣಿ ಕಪಾಲಹಸ್ತೇ ಮದಘೂರ್ಣಿತಲೋಚನೇ ನಿರ್ವಾಣದೀಕ್ಷಾಪ್ರಸಾದಪ್ರದೇ ನಿನ್ದಾನನ್ದಾಧಿಕಾರಿಣಿ ಮಾತೃಗಣಮಧ್ಯಚಾರಿಣಿ ತ್ರಯಸ್ತ್ರಿಂಶತ್ಕೋಟಿತ್ರಿದಶ ತೇಜೋಮಯವಿಗ್ರಹೇ ಪ್ರಲಯಾಗ್ನಿರೋಚಿನಿ ವಿಶ್ವಕರ್ತ್ರಿ ವಿಶ್ವಾರಾಧ್ಯೇ ವಿಶ್ವಜನನಿ ವಿಶ್ವಸಂಹಾರಿಣಿ ವಿಶ್ವವ್ಯಾಪಿಕೇ ವಿಶ್ವೇಶ್ವರಿ ನಿರುಪಮೇ ನಿರ್ವಿಕಾರೇ ನಿರಞ್ಜನೇ ನಿರೀಹೇ ನಿಸ್ತರಙ್ಗೇ ನಿರಾಕಾರೇ ಪರಮೇಶ್ವರಿ ಪರಮಾನನ್ದೇ ಪರಾಪರೇ ಪ್ರಕೃತಿಪುರುಷಾತ್ಮಿಕೇ ಪ್ರತ್ಯಯಗೋಚರೇ ಪ್ರಮಾಣಭೂತೇ ಪ್ರಣವಸ್ವರೂಪೇ ಸಂಸಾರಸಾರೇ ಸಚ್ಚಿದಾನನ್ದೇ ಸನಾತನಿ ಸಕಲೇ ಸಕಲಕಲಾತೀತೇ ಸಾಮರಸ್ಯಸಮಯಿನಿ ಕೇವಲೇ ಕೈವಲ್ಯರೂಪೇ ಕಲ್ಪನಾತಿಗೇ ಕಾಲಲೋಪಿನಿ ಕಾಮರಹಿತೇ ಕಾಮಕಲಾಕಾಲಿ ಭಗವತಿ ॥

ಓಂ ಖ್ಫ್ರೇಂ ಹ್ಸೌಃ ಸೌಃ ಶ್ರೀಂ ಐಂ ಹ್ರೌಂ ಕ್ರೋಂ ಸ್ಫ್ರೋಂ ಸರ್ವಸಿದ್ಧಿಂ ದೇಹಿ ದೇಹಿ ಮನೋರಥಾನ್ ಪೂರಯ ಪೂರಯ ಮುಕ್ತಿಂ ನಿಯೋಜಯ ನಿಯೋಜಯ ಭವಪಾಶಂ ಸಮುನ್ಮೂಲಯ ಸಮುನ್ಮೂಲಯ ಜನ್ಮಮೃತ್ಯೂ ತಾರಯ ತಾರಯ ಪರವಿದ್ಯಾಂ ಪ್ರಕಾಶಯ ಪ್ರಕಾಶಯ ಅಪವರ್ಗಂ ನಿರ್ಮಾಹಿ ನಿರ್ಮಾಹಿ ಸಂಸಾರದುಃಖಂ ಯಾತನಾಂ ವಿಚ್ಛೇದಯ ವಿಚ್ಛೇದಯ ಪಾಪಾನಿ ಸಂಶಮಯ ಸಂಶಮಯ ಚತುರ್ವರ್ಗಂ ಸಾಧಯ ಸಾಧಯ ಹ್ರಾಂ ಹ್ರೀಂ ಹ್ರೂಂ ಹ್ರೈಂ ಹ್ರೌಂ ಯಾನ್ ವಯಂ ದ್ವಿಷ್ಮೋ ಯೇ ಚಾಸ್ಮಾನ್ ವಿದ್ವಿಷನ್ತಿ ತಾನ್ ಸರ್ವಾನ್ ವಿನಾಶಯ ವಿನಾಶಯ ಮಾರಯ ಮಾರಯ ಶೋಷಯ ಶೋಷಯ ಕ್ಷೋಭಯ ಕ್ಷೋಭಯ ಮಯಿ ಕೃಪಾಂ ನಿವೇಶಯ ನಿವೇಶಯ ಫ್ರೇಂ ಖ್ಫ್ರೇಂ ಹಸ್ಫ್ರೇಂ ಹ್ಸ್ಖ್ಫ್ರೇಂ ಹೂಂ ಸ್ಫ್ರೋಂ ಕ್ಲೀಂ ಹ್ರೀಂ ಜಯ ಜಯ ಚರಾಚರಾತ್ಮಕ ಬ್ರಹ್ಮಾಣ್ಡೋದರವರ್ತಿ ಭೂತಸಙ್ಘಾರಾಧಿತೇ ಪ್ರಸೀದ ಪ್ರಸೀದ ತುಭ್ಯಂ ದೇವಿ ನಮಸ್ತೇ ನಮಸ್ತೇ ನಮಸ್ತೇ ॥

॥ ಫಲಶ್ರುತಿ ॥

ಇತೀದಂ ಗದ್ಯಮುದಿತಂ ಮನ್ತ್ರರೂಪಂ ವರಾನನೇ ।
ಸಹಸ್ರನಾಮಸ್ತೋತ್ರಸ್ಯ ಆದಾವನ್ತೇ ಚ ಯೋಜಯೇತ್ ॥ ೩ ॥

ಅಶಕ್ನುವಾನೌ ದ್ವೌ ವಾರೌ ಪಠೇಚ್ಛೇಷ ಇಮಂ ಸ್ತವಮ್ ।
ಸಹಸ್ರನಾಮಸ್ತೋತ್ರಸ್ಯ ತದೈವ ಪ್ರಾಪ್ಯತೇ ಫಲಮ್ ॥ ೪ ॥

ಅಪಠನ್ ಗದ್ಯಮೇತತ್ತು ತತ್ಫಲಂ ನ ಸಮಾಪ್ನುಯಾತ್ ।
ಯತ್ಫಲಂ ಸ್ತೋತ್ರರಾಜಸ್ಯ ಪಾಠೇನಾಪ್ನೋತಿ ಸಾಧಕಃ ।
ತತ್ಫಲಂ ಗದ್ಯಪಾಠೇನ ಲಭತೇ ನಾತ್ರ ಸಂಶಯಃ ॥ ೫ ॥