॥ শ্রী গণেশায নমঃ ॥
॥ শ্রী কামকলাকালী সঞ্জীবন গদ্য স্তোত্রম্ ॥
॥ শ্রীমহাকালসংহিতাযাং দ্বাদশপটলে ॥
॥ শ্রী কামকলাকালী সঞ্জীবন গদ্য স্তোত্রম্ ॥
॥ শ্রীমহাকালসংহিতাযাং দ্বাদশপটলে ॥
॥ মহাকাল উবাচ॥
অথ বক্ষ্যে মহেশানি মহাপাতকনাশনম্ ।
গদ্যং সহস্রনাম্নস্তু সঞ্জীবনতযা স্থিতম্ ॥ ১ ॥
গদ্যং সহস্রনাম্নস্তু সঞ্জীবনতযা স্থিতম্ ॥ ১ ॥
পঠন্ যত্সফলং কুর্যাত্ প্রাক্তনং সকলং প্রিযে ।
অপঠন্ বিফলং তত্তত্তদ্বস্তু কথযামি তে ॥ ২ ॥
অপঠন্ বিফলং তত্তত্তদ্বস্তু কথযামি তে ॥ ২ ॥
॥ অথ গদ্য স্তোত্রম্ ॥
ওং ফ্রেং জয জয কামকলাকালি কপালিনি সিদ্ধিকরালি সিদ্ধিবিকরালি মহাবলিনি ত্রিশুলিনি নরমুণ্ডমালিনি শববাহিনি কাত্যাযনি মহাট্টহাসিনি সৃষ্টিস্থিতিপ্রলযকারিণি দিতিদনুজমারিণি শ্মশানচারিণি । মহাঘোররাবে অধ্যাসিতদাবে অপরিমিতবলপ্রভাবে । ভৈরবীযোগিনীডাকিনীসহবাসিনি জগদ্ধাসিনি স্বপদপ্রকাশিনি । পাপৌঘহারিণি আপদুদ্ধারিণি অপমৃত্যুবারিণি । বৃহন্মদ্যমানোদরি সকলসিদ্ধিকরি চতুর্দশভুবনেশ্বরি । গুণাতীতপরমসদাশিবমোহিনি অপবর্গরসদোহিনি রক্তার্ণবলোহিনি । অষ্টনাগরাজভূষিতভুজদণ্ডে আকৃষ্টকোদণ্ডে পরমপ্রচণ্ডে । মনোবাগগোচরে মখকোটিমন্ত্রমযকলেবরে মহাভীষণতরে প্রচলজটাভারভাস্বরে সজলজলদমেদুরে জন্মমৃত্যুপাশভিদুরে সকলদৈবতমযসিংহাসনাধিরূঢে গুহ্যাতিগুহ্য পরাপরশক্তিতত্ত্বরূঢে বাঙ্মযীকৃতমূঢে । প্রকৃত্যপরশিবনির্বাণসাক্ষিণি ত্রিলোকীরক্ষণি দৈত্যদানবভক্ষিণি । বিকটদীর্ঘদংষ্ট্র সঞ্চূর্ণিতকোটিব্রহ্মকপালে চন্দ্রখণ্ডাঙ্কিতভালে দেহপ্রভাজিতমেঘজালে । নবপঞ্চচক্রনযিনি মহাভীমষোডশশযিনি সকলকুলাকুলচক্রপ্রবর্তিনি নিখিলরিপুদলকর্তিনি মহামারীভযনিবর্তিনি লেলিহানরসনাকরালিনি ত্রিলোকীপালিনি ত্রযস্ত্রিংশত্কোটিশস্ত্রাস্ত্রশালিনি । প্রজ্বলপ্রজ্বলনলোচনে ভবভযমোচনে নিখিলাগমাদেশিতষ্ঠুসুরোচনে । প্রপঞ্চাতীতনিষ্কলতুরীযাকারে অখণ্ডানন্দাধারে নিগমাগমসারে । মহাখেচরীসিদ্ধিবিধাযিনি নিজপদপ্রদাযিনি মহামাযিনি ঘোরাট্টহাসসন্ত্রাসিতত্রিভুবনে চরণকমলদ্বযবিন্যাসখর্বীকৃতাবনে বিহিতভক্তাবনে ।
ওং ক্লীং ক্রোং স্ফ্রোং হূং হ্রীং ছ্রীং স্ত্রীং ফ্রেং ভগবতি প্রসীদ প্রসীদ জয জয জীব জীব জ্বল জ্বল প্রজ্বল প্রজ্বল হস হস নৃত্য নৃত্য ক ছ ভগমালিনি ভগপ্রিযে ভগাতুরে ভগাঙ্কিতে ভগরূপিণি ভগপ্রদে ভগলিঙ্গদ্রাবিণি । সংহারভৈরবসুরতরসলোলুপে ব্যোমকেশি পিঙ্গকেশি মহাশঙ্খসমাকুলে খর্পরবিহস্তহস্তে রক্তার্ণবদ্বীপপ্রিযে মদনোন্মাদিনি । শুষ্কনরকপালমালাভরণে বিদ্যুত্কোটিসমপ্রভে নরমাংসখণ্ডকবলিনি । বমদগ্নিমুখি ফেরুকোটিপরিবৃতে করতালিকাত্রাসিতত্রিবিষ্টপে । নৃত্য প্রসারিতপাদাঘাতপরিবর্তিতভূবলযে । পদভারাবনম্রীকৃতকমঠশেষাভোগে । কুরুকুল্লে কুঞ্চতুণ্ডি রক্তমুখি যমঘণ্টে চর্চিকে । দৈত্যাসুর দৈত্যরাক্ষস দানব কুষ্মাণ্ড প্রেত ভূত ডাকিনী বিনাযক স্কন্দ ঘোণক ক্ষেত্রপাল পিশাচ ব্রহ্মরাক্ষস বেতাল গুহ্যক সর্পনাগ গ্রহনক্ষত্রোত্পাত চৌরাগ্নি স্বাপদযুদ্ধবজ্রোপলাশনি বর্ষবিদ্যুন্মেঘবিষোপবিষ কপটকৃত্যাভিচার দ্বেষবশীকরণোচ্চাটনোন্মাদাপস্মার ভূতপ্রেতপিশাচাবেশ নদনদী সমুদ্রাবর্তকান্তার ঘোরান্ধকার মহামারী বালগ্রহ হিংস্র সর্বস্বাপহারি মাযাবিদ্যুদ্দস্যুবঞ্চক দিবাচর রাত্রিঞ্চর সন্ধ্যাচর শৃঙ্গিনখি দংষ্ট্রি বিদ্যুদুল্কারণ্যদরপ্রান্তরাদি নানাবিধমহোপদ্রবভঞ্জনি । সর্বমন্ত্রতন্ত্রযন্ত্র কুপ্রযোগপ্রমর্দিনি । ষডাম্নায সময বিদ্যাপ্রকাশিনি শ্মশানাধ্যাসিনি । নিজবল প্রভাব পরাক্রম গুণবশীকৃত কোটিব্রহ্মাণ্ডবর্তি ভূতসঙ্ঘে । বিরাড্রূপিণি সর্বদেবমহেশ্বরি সর্বজনমনোরঞ্জনি সর্বপাপপ্রণাশিনি অধ্যাত্মিকাধিদৈবিকাধিভৌতিকাদি বিবিধহৃদযাধিনির্দলিনি কৈবল্যনির্বাণবলিনি দক্ষিণকালি ভদ্রকালি চণ্ডকালি কামকলাকালি কৌলাচারব্রতিনি কৌলাচারকূজিনি কুলধর্মসাধনি জগত্কারণকারিণি মহারৌদ্রি রৌদ্রাবতারে অবীজে নানাবীজে জগদ্বীজে কালেশ্বরি কালাতীতে ত্রিকালস্থাযিনি মহাভৈরবে ভৈরবগৃহিণি জননি জনজনননিবর্তিনি প্রলযানলজ্বালাজালজিহ্বে বিখর্বোরু ফেরুপোতলালিনি মৃত্যুঞ্জযহৃদযানন্দকরি বিলোলব্যালকুণ্ডল উলূকপক্ষচ্ছত্রমহাডামরি নিযুতবক্ত্রবাহুচরণে সর্বভূতদমনি নীলাঞ্জনসমপ্রভে যোগীন্দ্র হৃদযাম্বুজাসনস্থিত নীলকণ্ঠ দেহার্ধহারিণি ষোডশ কলান্তবাসিনি হকারার্ধচারিণি কালসঙ্কর্ষিণি কপালহস্তে মদঘূর্ণিতলোচনে নির্বাণদীক্ষাপ্রসাদপ্রদে নিন্দানন্দাধিকারিণি মাতৃগণমধ্যচারিণি ত্রযস্ত্রিংশত্কোটিত্রিদশ তেজোমযবিগ্রহে প্রলযাগ্নিরোচিনি বিশ্বকর্ত্রি বিশ্বারাধ্যে বিশ্বজননি বিশ্বসংহারিণি বিশ্বব্যাপিকে বিশ্বেশ্বরি নিরুপমে নির্বিকারে নিরঞ্জনে নিরীহে নিস্তরঙ্গে নিরাকারে পরমেশ্বরি পরমানন্দে পরাপরে প্রকৃতিপুরুষাত্মিকে প্রত্যযগোচরে প্রমাণভূতে প্রণবস্বরূপে সংসারসারে সচ্চিদানন্দে সনাতনি সকলে সকলকলাতীতে সামরস্যসমযিনি কেবলে কৈবল্যরূপে কল্পনাতিগে কাললোপিনি কামরহিতে কামকলাকালি ভগবতি ॥
ওং খ্ফ্রেং হ্সৌঃ সৌঃ শ্রীং ঐং হ্রৌং ক্রোং স্ফ্রোং সর্বসিদ্ধিং দেহি দেহি মনোরথান্ পূরয পূরয মুক্তিং নিযোজয নিযোজয ভবপাশং সমুন্মূলয সমুন্মূলয জন্মমৃত্যূ তারয তারয পরবিদ্যাং প্রকাশয প্রকাশয অপবর্গং নির্মাহি নির্মাহি সংসারদুঃখং যাতনাং বিচ্ছেদয বিচ্ছেদয পাপানি সংশময সংশময চতুর্বর্গং সাধয সাধয হ্রাং হ্রীং হ্রূং হ্রৈং হ্রৌং যান্ বযং দ্বিষ্মো যে চাস্মান্ বিদ্বিষন্তি তান্ সর্বান্ বিনাশয বিনাশয মারয মারয শোষয শোষয ক্ষোভয ক্ষোভয মযি কৃপাং নিবেশয নিবেশয ফ্রেং খ্ফ্রেং হস্ফ্রেং হ্স্খ্ফ্রেং হূং স্ফ্রোং ক্লীং হ্রীং জয জয চরাচরাত্মক ব্রহ্মাণ্ডোদরবর্তি ভূতসঙ্ঘারাধিতে প্রসীদ প্রসীদ তুভ্যং দেবি নমস্তে নমস্তে নমস্তে ॥
॥ ফলশ্রুতি ॥
ইতীদং গদ্যমুদিতং মন্ত্ররূপং বরাননে ।
সহস্রনামস্তোত্রস্য আদাবন্তে চ যোজযেত্ ॥ ৩ ॥
সহস্রনামস্তোত্রস্য আদাবন্তে চ যোজযেত্ ॥ ৩ ॥
অশক্নুবানৌ দ্বৌ বারৌ পঠেচ্ছেষ ইমং স্তবম্ ।
সহস্রনামস্তোত্রস্য তদৈব প্রাপ্যতে ফলম্ ॥ ৪ ॥
সহস্রনামস্তোত্রস্য তদৈব প্রাপ্যতে ফলম্ ॥ ৪ ॥
অপঠন্ গদ্যমেতত্তু তত্ফলং ন সমাপ্নুযাত্ ।
যত্ফলং স্তোত্ররাজস্য পাঠেনাপ্নোতি সাধকঃ ।
তত্ফলং গদ্যপাঠেন লভতে নাত্র সংশযঃ ॥ ৫ ॥
যত্ফলং স্তোত্ররাজস্য পাঠেনাপ্নোতি সাধকঃ ।
তত্ফলং গদ্যপাঠেন লভতে নাত্র সংশযঃ ॥ ৫ ॥
॥ ইতি মহাকালসংহিতাযাং দ্বাদশতমঃ পটলে শ্রী কামকলাকালী সঞ্জীবন গদ্য স্তোত্রং সম্পূর্ণম্ ॥