॥ শ্রী কৃষ্ণ স্তোত্রম্ (দানব কৃতম্) ॥
বামনোঽসি ত্বমংশেন মত্পিতুর্যজ্ঞভিক্ষুকঃ ।
রাজ্যহর্তা চ শ্রীহর্তা সুতলস্থলদাযকঃ ॥ ১ ॥
রাজ্যহর্তা চ শ্রীহর্তা সুতলস্থলদাযকঃ ॥ ১ ॥
বলিভক্তিবশো বীরঃ সর্বেশো ভক্তবত্সলঃ ।
শীঘ্রং ত্বং হিন্ধি মাং পাপং শাপাদ্গর্দভরূপিণম্ ॥ ২ ॥
শীঘ্রং ত্বং হিন্ধি মাং পাপং শাপাদ্গর্দভরূপিণম্ ॥ ২ ॥
মুনের্দুর্বাসসঃ শাপাদীদৃশং জন্ম কুত্সিতম্ ।
মৃত্যুরুক্তশ্চ মুনিনা ত্বত্তো মম জগত্পতে ॥ ৩ ॥
মৃত্যুরুক্তশ্চ মুনিনা ত্বত্তো মম জগত্পতে ॥ ৩ ॥
ষোডশারেণ চক্রেণ সুতীক্ষ্ণেনাতিতেজসা ।
জহি মাং জগতাং নাথ সদ্ভক্তিং কুরু মোক্ষদ ॥ ৪ ॥
জহি মাং জগতাং নাথ সদ্ভক্তিং কুরু মোক্ষদ ॥ ৪ ॥
ত্বমংশেন বরাহশ্চ সমুদ্ধর্তুং বসুন্ধরাম্ ।
বেদানাং রক্ষিতা নাথ হিরণ্যাক্ষনিষূদনঃ ॥ ৫ ॥
বেদানাং রক্ষিতা নাথ হিরণ্যাক্ষনিষূদনঃ ॥ ৫ ॥
ত্বং নৃসিংহঃ স্বযং পূর্ণো হিরণ্যকশিপোর্বধে ।
প্রহ্লাদানুগ্রহার্থায দেবানাং রক্ষণায চ ॥ ৬ ॥
প্রহ্লাদানুগ্রহার্থায দেবানাং রক্ষণায চ ॥ ৬ ॥
ত্বং চ বেদোদ্ধারকর্তা মীনাংশেন দযানিধে ।
নৃপস্য জ্ঞানদানায রক্ষাযৈ সুরবিপ্রযোঃ ॥ ৭ ॥
নৃপস্য জ্ঞানদানায রক্ষাযৈ সুরবিপ্রযোঃ ॥ ৭ ॥
শেষাধারশ্চ কূর্মস্ত্বমংশেন সৃষ্টিহেতবে ।
বিশ্বাধারশ্চ বিশ্বস্ত্বমংশেনাপি সহস্রধৃত্ ॥ ৮ ॥
বিশ্বাধারশ্চ বিশ্বস্ত্বমংশেনাপি সহস্রধৃত্ ॥ ৮ ॥
রামো দাশরথিস্ত্বং চ জানক্যুদ্ধারহেতবে ।
দশকন্ধরহন্তা চ সিন্ধৌ সেতুবিধাযকঃ ॥ ৯ ॥
দশকন্ধরহন্তা চ সিন্ধৌ সেতুবিধাযকঃ ॥ ৯ ॥
কলযা পরশুরামশ্চ জমদগ্নিসুতো মহান্ ।
ত্রিঃসপ্তকৃত্বো ভূপানাং নিহন্তা জগতীপতে ॥ ১০ ॥
ত্রিঃসপ্তকৃত্বো ভূপানাং নিহন্তা জগতীপতে ॥ ১০ ॥
অংশেন কপিলস্ত্বং চ সিদ্ধানাং চ গুরোর্গুরুঃ ।
মাতৃজ্ঞানপ্রদাতা চ যোগশাস্ত্রবিধাযকঃ ॥ ১১ ॥
মাতৃজ্ঞানপ্রদাতা চ যোগশাস্ত্রবিধাযকঃ ॥ ১১ ॥
অংশেন জ্ঞানিনাং শ্রেষ্ঠৌ নরনারাযণাবৃষী ।
ত্বং চ ধর্মসুতো ভূত্বা লোকবিস্তারকারকঃ ॥ ১২ ॥
ত্বং চ ধর্মসুতো ভূত্বা লোকবিস্তারকারকঃ ॥ ১২ ॥
অধুনা কৃষ্ণরূপস্ত্বং পরিপূর্ণতমঃ স্বযম্ ।
সর্বেষামবতারাণাং বীজরূপঃ সনাতনঃ ॥ ১৩ ॥
সর্বেষামবতারাণাং বীজরূপঃ সনাতনঃ ॥ ১৩ ॥
যশোদাজীবনো নিত্যো নন্দৈকানন্দবর্ধনঃ ।
প্রাণাধিদেবো গোপীনাং রাধাপ্রাণাধিকপ্রিযঃ ॥ ১৪ ॥
প্রাণাধিদেবো গোপীনাং রাধাপ্রাণাধিকপ্রিযঃ ॥ ১৪ ॥
বসুদেবসুতঃ শান্তো দেবকীদুঃখভঞ্জনঃ ।
অযোনিসম্ভবঃ শ্রীমান্ পৃথিবীভারহারকঃ ॥ ১৫ ॥
অযোনিসম্ভবঃ শ্রীমান্ পৃথিবীভারহারকঃ ॥ ১৫ ॥
পূতনাযৈ মাতৃগতিং প্রদাতা চ কৃপানিধিঃ ।
বককেশিপ্রলম্বানাং মমাপি মোক্ষকারকঃ ॥ ১৬ ॥
বককেশিপ্রলম্বানাং মমাপি মোক্ষকারকঃ ॥ ১৬ ॥
স্বেচ্ছাময গুণাতীত ভক্তানাং ভযভঞজন ।
প্রসীদ রাধিকানাথ প্রসীদ কুরু মোক্ষণম্ ॥ ১৭ ॥
প্রসীদ রাধিকানাথ প্রসীদ কুরু মোক্ষণম্ ॥ ১৭ ॥
হে নাথ গার্দভীযোনেঃ সমুদ্ধর ভবার্ণবাত্ ।
মূর্খস্ত্বদ্ভক্তপুত্রোঽহং মামুদ্ধর্তুং ত্বমর্হসি ॥ ১৮ ॥
মূর্খস্ত্বদ্ভক্তপুত্রোঽহং মামুদ্ধর্তুং ত্বমর্হসি ॥ ১৮ ॥
বেদা ব্রহ্মাদযো যং চ মুনীন্দ্রাঃ স্তোতুমক্ষমাঃ ।
কিং স্তৌমি তং গুণাতীতং পুরা দৈত্যোঽধুনা খরঃ ॥ ১৯ ॥
কিং স্তৌমি তং গুণাতীতং পুরা দৈত্যোঽধুনা খরঃ ॥ ১৯ ॥
এবং কুরু কৃপাসিন্ধো যেন মে ন ভবেজ্জনুঃ ।
দৃষ্ট্বা পাদারবিন্দং তে কঃ পুনর্ভবনং ব্রজেত্ ॥ ২০ ॥
দৃষ্ট্বা পাদারবিন্দং তে কঃ পুনর্ভবনং ব্রজেত্ ॥ ২০ ॥
ব্রহ্মা স্তোতা খরঃ স্তোতা নোপহাসিতুমর্হসি ।
সদীশ্বরস্য বিজ্ঞস্য যোগ্যাযোগ্যে সমা কৃপা ॥ ২১ ॥
সদীশ্বরস্য বিজ্ঞস্য যোগ্যাযোগ্যে সমা কৃপা ॥ ২১ ॥
ইত্যেবমুক্ত্বা দৈত্যেন্দ্রস্তস্থৌ চ পুরতো হরেঃ ।
প্রসন্নবদনঃ শ্রীমানতিতুষ্টো বভূব হ ॥ ২২ ॥
প্রসন্নবদনঃ শ্রীমানতিতুষ্টো বভূব হ ॥ ২২ ॥
॥ ফলশ্রুতি ॥
ইদং দৈত্যকৃতং স্তোত্রং নিত্যং ভক্ত্যা চ যঃ পঠেত্ ।
সালোক্যসার্ষ্টিসামীপ্যং লীলযা লভতে হরেঃ ॥ ২৩ ॥
সালোক্যসার্ষ্টিসামীপ্যং লীলযা লভতে হরেঃ ॥ ২৩ ॥
ইহ লোকে হরের্ভক্তিমন্তে দাস্যং সুদুর্লভম্ ।
বিদ্যাং শ্রিযং সুকবিতাং পুত্রপৌত্রান্ যশো লভেত্ ॥ ২৪ ॥
বিদ্যাং শ্রিযং সুকবিতাং পুত্রপৌত্রান্ যশো লভেত্ ॥ ২৪ ॥
॥ ইতি শ্রীব্রহ্মবৈবর্তে মহাপুরাণে শ্রীকৃষ্ণজন্মখণ্ডে দ্বাবিংশোঽধ্যাযে দানবকৃত শ্রী কৃষ্ণ স্তোত্রম্ ॥