॥ ಶ್ರೀ ಕೃಷ್ಣ ಸ್ತೋತ್ರಮ್ (ದಾನವ ಕೃತಮ್) ॥
ವಾಮನೋಽಸಿ ತ್ವಮಂಶೇನ ಮತ್ಪಿತುರ್ಯಜ್ಞಭಿಕ್ಷುಕಃ ।
ರಾಜ್ಯಹರ್ತಾ ಚ ಶ್ರೀಹರ್ತಾ ಸುತಲಸ್ಥಲದಾಯಕಃ ॥ ೧ ॥
ರಾಜ್ಯಹರ್ತಾ ಚ ಶ್ರೀಹರ್ತಾ ಸುತಲಸ್ಥಲದಾಯಕಃ ॥ ೧ ॥
ಬಲಿಭಕ್ತಿವಶೋ ವೀರಃ ಸರ್ವೇಶೋ ಭಕ್ತವತ್ಸಲಃ ।
ಶೀಘ್ರಂ ತ್ವಂ ಹಿನ್ಧಿ ಮಾಂ ಪಾಪಂ ಶಾಪಾದ್ಗರ್ದಭರೂಪಿಣಮ್ ॥ ೨ ॥
ಶೀಘ್ರಂ ತ್ವಂ ಹಿನ್ಧಿ ಮಾಂ ಪಾಪಂ ಶಾಪಾದ್ಗರ್ದಭರೂಪಿಣಮ್ ॥ ೨ ॥
ಮುನೇರ್ದುರ್ವಾಸಸಃ ಶಾಪಾದೀದೃಶಂ ಜನ್ಮ ಕುತ್ಸಿತಮ್ ।
ಮೃತ್ಯುರುಕ್ತಶ್ಚ ಮುನಿನಾ ತ್ವತ್ತೋ ಮಮ ಜಗತ್ಪತೇ ॥ ೩ ॥
ಮೃತ್ಯುರುಕ್ತಶ್ಚ ಮುನಿನಾ ತ್ವತ್ತೋ ಮಮ ಜಗತ್ಪತೇ ॥ ೩ ॥
ಷೋಡಶಾರೇಣ ಚಕ್ರೇಣ ಸುತೀಕ್ಷ್ಣೇನಾತಿತೇಜಸಾ ।
ಜಹಿ ಮಾಂ ಜಗತಾಂ ನಾಥ ಸದ್ಭಕ್ತಿಂ ಕುರು ಮೋಕ್ಷದ ॥ ೪ ॥
ಜಹಿ ಮಾಂ ಜಗತಾಂ ನಾಥ ಸದ್ಭಕ್ತಿಂ ಕುರು ಮೋಕ್ಷದ ॥ ೪ ॥
ತ್ವಮಂಶೇನ ವರಾಹಶ್ಚ ಸಮುದ್ಧರ್ತುಂ ವಸುನ್ಧರಾಮ್ ।
ವೇದಾನಾಂ ರಕ್ಷಿತಾ ನಾಥ ಹಿರಣ್ಯಾಕ್ಷನಿಷೂದನಃ ॥ ೫ ॥
ವೇದಾನಾಂ ರಕ್ಷಿತಾ ನಾಥ ಹಿರಣ್ಯಾಕ್ಷನಿಷೂದನಃ ॥ ೫ ॥
ತ್ವಂ ನೃಸಿಂಹಃ ಸ್ವಯಂ ಪೂರ್ಣೋ ಹಿರಣ್ಯಕಶಿಪೋರ್ವಧೇ ।
ಪ್ರಹ್ಲಾದಾನುಗ್ರಹಾರ್ಥಾಯ ದೇವಾನಾಂ ರಕ್ಷಣಾಯ ಚ ॥ ೬ ॥
ಪ್ರಹ್ಲಾದಾನುಗ್ರಹಾರ್ಥಾಯ ದೇವಾನಾಂ ರಕ್ಷಣಾಯ ಚ ॥ ೬ ॥
ತ್ವಂ ಚ ವೇದೋದ್ಧಾರಕರ್ತಾ ಮೀನಾಂಶೇನ ದಯಾನಿಧೇ ।
ನೃಪಸ್ಯ ಜ್ಞಾನದಾನಾಯ ರಕ್ಷಾಯೈ ಸುರವಿಪ್ರಯೋಃ ॥ ೭ ॥
ನೃಪಸ್ಯ ಜ್ಞಾನದಾನಾಯ ರಕ್ಷಾಯೈ ಸುರವಿಪ್ರಯೋಃ ॥ ೭ ॥
ಶೇಷಾಧಾರಶ್ಚ ಕೂರ್ಮಸ್ತ್ವಮಂಶೇನ ಸೃಷ್ಟಿಹೇತವೇ ।
ವಿಶ್ವಾಧಾರಶ್ಚ ವಿಶ್ವಸ್ತ್ವಮಂಶೇನಾಪಿ ಸಹಸ್ರಧೃತ್ ॥ ೮ ॥
ವಿಶ್ವಾಧಾರಶ್ಚ ವಿಶ್ವಸ್ತ್ವಮಂಶೇನಾಪಿ ಸಹಸ್ರಧೃತ್ ॥ ೮ ॥
ರಾಮೋ ದಾಶರಥಿಸ್ತ್ವಂ ಚ ಜಾನಕ್ಯುದ್ಧಾರಹೇತವೇ ।
ದಶಕನ್ಧರಹನ್ತಾ ಚ ಸಿನ್ಧೌ ಸೇತುವಿಧಾಯಕಃ ॥ ೯ ॥
ದಶಕನ್ಧರಹನ್ತಾ ಚ ಸಿನ್ಧೌ ಸೇತುವಿಧಾಯಕಃ ॥ ೯ ॥
ಕಲಯಾ ಪರಶುರಾಮಶ್ಚ ಜಮದಗ್ನಿಸುತೋ ಮಹಾನ್ ।
ತ್ರಿಃಸಪ್ತಕೃತ್ವೋ ಭೂಪಾನಾಂ ನಿಹನ್ತಾ ಜಗತೀಪತೇ ॥ ೧೦ ॥
ತ್ರಿಃಸಪ್ತಕೃತ್ವೋ ಭೂಪಾನಾಂ ನಿಹನ್ತಾ ಜಗತೀಪತೇ ॥ ೧೦ ॥
ಅಂಶೇನ ಕಪಿಲಸ್ತ್ವಂ ಚ ಸಿದ್ಧಾನಾಂ ಚ ಗುರೋರ್ಗುರುಃ ।
ಮಾತೃಜ್ಞಾನಪ್ರದಾತಾ ಚ ಯೋಗಶಾಸ್ತ್ರವಿಧಾಯಕಃ ॥ ೧೧ ॥
ಮಾತೃಜ್ಞಾನಪ್ರದಾತಾ ಚ ಯೋಗಶಾಸ್ತ್ರವಿಧಾಯಕಃ ॥ ೧೧ ॥
ಅಂಶೇನ ಜ್ಞಾನಿನಾಂ ಶ್ರೇಷ್ಠೌ ನರನಾರಾಯಣಾವೃಷೀ ।
ತ್ವಂ ಚ ಧರ್ಮಸುತೋ ಭೂತ್ವಾ ಲೋಕವಿಸ್ತಾರಕಾರಕಃ ॥ ೧೨ ॥
ತ್ವಂ ಚ ಧರ್ಮಸುತೋ ಭೂತ್ವಾ ಲೋಕವಿಸ್ತಾರಕಾರಕಃ ॥ ೧೨ ॥
ಅಧುನಾ ಕೃಷ್ಣರೂಪಸ್ತ್ವಂ ಪರಿಪೂರ್ಣತಮಃ ಸ್ವಯಮ್ ।
ಸರ್ವೇಷಾಮವತಾರಾಣಾಂ ಬೀಜರೂಪಃ ಸನಾತನಃ ॥ ೧೩ ॥
ಸರ್ವೇಷಾಮವತಾರಾಣಾಂ ಬೀಜರೂಪಃ ಸನಾತನಃ ॥ ೧೩ ॥
ಯಶೋದಾಜೀವನೋ ನಿತ್ಯೋ ನನ್ದೈಕಾನನ್ದವರ್ಧನಃ ।
ಪ್ರಾಣಾಧಿದೇವೋ ಗೋಪೀನಾಂ ರಾಧಾಪ್ರಾಣಾಧಿಕಪ್ರಿಯಃ ॥ ೧೪ ॥
ಪ್ರಾಣಾಧಿದೇವೋ ಗೋಪೀನಾಂ ರಾಧಾಪ್ರಾಣಾಧಿಕಪ್ರಿಯಃ ॥ ೧೪ ॥
ವಸುದೇವಸುತಃ ಶಾನ್ತೋ ದೇವಕೀದುಃಖಭಞ್ಜನಃ ।
ಅಯೋನಿಸಮ್ಭವಃ ಶ್ರೀಮಾನ್ ಪೃಥಿವೀಭಾರಹಾರಕಃ ॥ ೧೫ ॥
ಅಯೋನಿಸಮ್ಭವಃ ಶ್ರೀಮಾನ್ ಪೃಥಿವೀಭಾರಹಾರಕಃ ॥ ೧೫ ॥
ಪೂತನಾಯೈ ಮಾತೃಗತಿಂ ಪ್ರದಾತಾ ಚ ಕೃಪಾನಿಧಿಃ ।
ಬಕಕೇಶಿಪ್ರಲಮ್ಬಾನಾಂ ಮಮಾಪಿ ಮೋಕ್ಷಕಾರಕಃ ॥ ೧೬ ॥
ಬಕಕೇಶಿಪ್ರಲಮ್ಬಾನಾಂ ಮಮಾಪಿ ಮೋಕ್ಷಕಾರಕಃ ॥ ೧೬ ॥
ಸ್ವೇಚ್ಛಾಮಯ ಗುಣಾತೀತ ಭಕ್ತಾನಾಂ ಭಯಭಞಜನ ।
ಪ್ರಸೀದ ರಾಧಿಕಾನಾಥ ಪ್ರಸೀದ ಕುರು ಮೋಕ್ಷಣಮ್ ॥ ೧೭ ॥
ಪ್ರಸೀದ ರಾಧಿಕಾನಾಥ ಪ್ರಸೀದ ಕುರು ಮೋಕ್ಷಣಮ್ ॥ ೧೭ ॥
ಹೇ ನಾಥ ಗಾರ್ದಭೀಯೋನೇಃ ಸಮುದ್ಧರ ಭವಾರ್ಣವಾತ್ ।
ಮೂರ್ಖಸ್ತ್ವದ್ಭಕ್ತಪುತ್ರೋಽಹಂ ಮಾಮುದ್ಧರ್ತುಂ ತ್ವಮರ್ಹಸಿ ॥ ೧೮ ॥
ಮೂರ್ಖಸ್ತ್ವದ್ಭಕ್ತಪುತ್ರೋಽಹಂ ಮಾಮುದ್ಧರ್ತುಂ ತ್ವಮರ್ಹಸಿ ॥ ೧೮ ॥
ವೇದಾ ಬ್ರಹ್ಮಾದಯೋ ಯಂ ಚ ಮುನೀನ್ದ್ರಾಃ ಸ್ತೋತುಮಕ್ಷಮಾಃ ।
ಕಿಂ ಸ್ತೌಮಿ ತಂ ಗುಣಾತೀತಂ ಪುರಾ ದೈತ್ಯೋಽಧುನಾ ಖರಃ ॥ ೧೯ ॥
ಕಿಂ ಸ್ತೌಮಿ ತಂ ಗುಣಾತೀತಂ ಪುರಾ ದೈತ್ಯೋಽಧುನಾ ಖರಃ ॥ ೧೯ ॥
ಏವಂ ಕುರು ಕೃಪಾಸಿನ್ಧೋ ಯೇನ ಮೇ ನ ಭವೇಜ್ಜನುಃ ।
ದೃಷ್ಟ್ವಾ ಪಾದಾರವಿನ್ದಂ ತೇ ಕಃ ಪುನರ್ಭವನಂ ವ್ರಜೇತ್ ॥ ೨೦ ॥
ದೃಷ್ಟ್ವಾ ಪಾದಾರವಿನ್ದಂ ತೇ ಕಃ ಪುನರ್ಭವನಂ ವ್ರಜೇತ್ ॥ ೨೦ ॥
ಬ್ರಹ್ಮಾ ಸ್ತೋತಾ ಖರಃ ಸ್ತೋತಾ ನೋಪಹಾಸಿತುಮರ್ಹಸಿ ।
ಸದೀಶ್ವರಸ್ಯ ವಿಜ್ಞಸ್ಯ ಯೋಗ್ಯಾಯೋಗ್ಯೇ ಸಮಾ ಕೃಪಾ ॥ ೨೧ ॥
ಸದೀಶ್ವರಸ್ಯ ವಿಜ್ಞಸ್ಯ ಯೋಗ್ಯಾಯೋಗ್ಯೇ ಸಮಾ ಕೃಪಾ ॥ ೨೧ ॥
ಇತ್ಯೇವಮುಕ್ತ್ವಾ ದೈತ್ಯೇನ್ದ್ರಸ್ತಸ್ಥೌ ಚ ಪುರತೋ ಹರೇಃ ।
ಪ್ರಸನ್ನವದನಃ ಶ್ರೀಮಾನತಿತುಷ್ಟೋ ಬಭೂವ ಹ ॥ ೨೨ ॥
ಪ್ರಸನ್ನವದನಃ ಶ್ರೀಮಾನತಿತುಷ್ಟೋ ಬಭೂವ ಹ ॥ ೨೨ ॥
॥ ಫಲಶ್ರುತಿ ॥
ಇದಂ ದೈತ್ಯಕೃತಂ ಸ್ತೋತ್ರಂ ನಿತ್ಯಂ ಭಕ್ತ್ಯಾ ಚ ಯಃ ಪಠೇತ್ ।
ಸಾಲೋಕ್ಯಸಾರ್ಷ್ಟಿಸಾಮೀಪ್ಯಂ ಲೀಲಯಾ ಲಭತೇ ಹರೇಃ ॥ ೨೩ ॥
ಸಾಲೋಕ್ಯಸಾರ್ಷ್ಟಿಸಾಮೀಪ್ಯಂ ಲೀಲಯಾ ಲಭತೇ ಹರೇಃ ॥ ೨೩ ॥
ಇಹ ಲೋಕೇ ಹರೇರ್ಭಕ್ತಿಮನ್ತೇ ದಾಸ್ಯಂ ಸುದುರ್ಲಭಮ್ ।
ವಿದ್ಯಾಂ ಶ್ರಿಯಂ ಸುಕವಿತಾಂ ಪುತ್ರಪೌತ್ರಾನ್ ಯಶೋ ಲಭೇತ್ ॥ ೨೪ ॥
ವಿದ್ಯಾಂ ಶ್ರಿಯಂ ಸುಕವಿತಾಂ ಪುತ್ರಪೌತ್ರಾನ್ ಯಶೋ ಲಭೇತ್ ॥ ೨೪ ॥
॥ ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಣ್ಡೇ ದ್ವಾವಿಂಶೋಽಧ್ಯಾಯೇ ದಾನವಕೃತ ಶ್ರೀ ಕೃಷ್ಣ ಸ್ತೋತ್ರಮ್ ॥