॥ ശ്രീ കൃഷ്ണ സ്തോത്രമ് (ദാനവ കൃതമ്) ॥
വാമനോഽസി ത്വമംശേന മത്പിതുര്യജ്ഞഭിക്ഷുകഃ ।
രാജ്യഹര്താ ച ശ്രീഹര്താ സുതലസ്ഥലദായകഃ ॥ ൧ ॥
രാജ്യഹര്താ ച ശ്രീഹര്താ സുതലസ്ഥലദായകഃ ॥ ൧ ॥
ബലിഭക്തിവശോ വീരഃ സര്വേശോ ഭക്തവത്സലഃ ।
ശീഘ്രം ത്വം ഹിന്ധി മാം പാപം ശാപാദ്ഗര്ദഭരൂപിണമ് ॥ ൨ ॥
ശീഘ്രം ത്വം ഹിന്ധി മാം പാപം ശാപാദ്ഗര്ദഭരൂപിണമ് ॥ ൨ ॥
മുനേര്ദുര്വാസസഃ ശാപാദീദൃശം ജന്മ കുത്സിതമ് ।
മൃത്യുരുക്തശ്ച മുനിനാ ത്വത്തോ മമ ജഗത്പതേ ॥ ൩ ॥
മൃത്യുരുക്തശ്ച മുനിനാ ത്വത്തോ മമ ജഗത്പതേ ॥ ൩ ॥
ഷോഡശാരേണ ചക്രേണ സുതീക്ഷ്ണേനാതിതേജസാ ।
ജഹി മാം ജഗതാം നാഥ സദ്ഭക്തിം കുരു മോക്ഷദ ॥ ൪ ॥
ജഹി മാം ജഗതാം നാഥ സദ്ഭക്തിം കുരു മോക്ഷദ ॥ ൪ ॥
ത്വമംശേന വരാഹശ്ച സമുദ്ധര്തും വസുന്ധരാമ് ।
വേദാനാം രക്ഷിതാ നാഥ ഹിരണ്യാക്ഷനിഷൂദനഃ ॥ ൫ ॥
വേദാനാം രക്ഷിതാ നാഥ ഹിരണ്യാക്ഷനിഷൂദനഃ ॥ ൫ ॥
ത്വം നൃസിംഹഃ സ്വയം പൂര്ണോ ഹിരണ്യകശിപോര്വധേ ।
പ്രഹ്ലാദാനുഗ്രഹാര്ഥായ ദേവാനാം രക്ഷണായ ച ॥ ൬ ॥
പ്രഹ്ലാദാനുഗ്രഹാര്ഥായ ദേവാനാം രക്ഷണായ ച ॥ ൬ ॥
ത്വം ച വേദോദ്ധാരകര്താ മീനാംശേന ദയാനിധേ ।
നൃപസ്യ ജ്ഞാനദാനായ രക്ഷായൈ സുരവിപ്രയോഃ ॥ ൭ ॥
നൃപസ്യ ജ്ഞാനദാനായ രക്ഷായൈ സുരവിപ്രയോഃ ॥ ൭ ॥
ശേഷാധാരശ്ച കൂര്മസ്ത്വമംശേന സൃഷ്ടിഹേതവേ ।
വിശ്വാധാരശ്ച വിശ്വസ്ത്വമംശേനാപി സഹസ്രധൃത് ॥ ൮ ॥
വിശ്വാധാരശ്ച വിശ്വസ്ത്വമംശേനാപി സഹസ്രധൃത് ॥ ൮ ॥
രാമോ ദാശരഥിസ്ത്വം ച ജാനക്യുദ്ധാരഹേതവേ ।
ദശകന്ധരഹന്താ ച സിന്ധൌ സേതുവിധായകഃ ॥ ൯ ॥
ദശകന്ധരഹന്താ ച സിന്ധൌ സേതുവിധായകഃ ॥ ൯ ॥
കലയാ പരശുരാമശ്ച ജമദഗ്നിസുതോ മഹാന് ।
ത്രിഃസപ്തകൃത്വോ ഭൂപാനാം നിഹന്താ ജഗതീപതേ ॥ ൧൦ ॥
ത്രിഃസപ്തകൃത്വോ ഭൂപാനാം നിഹന്താ ജഗതീപതേ ॥ ൧൦ ॥
അംശേന കപിലസ്ത്വം ച സിദ്ധാനാം ച ഗുരോര്ഗുരുഃ ।
മാതൃജ്ഞാനപ്രദാതാ ച യോഗശാസ്ത്രവിധായകഃ ॥ ൧൧ ॥
മാതൃജ്ഞാനപ്രദാതാ ച യോഗശാസ്ത്രവിധായകഃ ॥ ൧൧ ॥
അംശേന ജ്ഞാനിനാം ശ്രേഷ്ഠൌ നരനാരായണാവൃഷീ ।
ത്വം ച ധര്മസുതോ ഭൂത്വാ ലോകവിസ്താരകാരകഃ ॥ ൧൨ ॥
ത്വം ച ധര്മസുതോ ഭൂത്വാ ലോകവിസ്താരകാരകഃ ॥ ൧൨ ॥
അധുനാ കൃഷ്ണരൂപസ്ത്വം പരിപൂര്ണതമഃ സ്വയമ് ।
സര്വേഷാമവതാരാണാം ബീജരൂപഃ സനാതനഃ ॥ ൧൩ ॥
സര്വേഷാമവതാരാണാം ബീജരൂപഃ സനാതനഃ ॥ ൧൩ ॥
യശോദാജീവനോ നിത്യോ നന്ദൈകാനന്ദവര്ധനഃ ।
പ്രാണാധിദേവോ ഗോപീനാം രാധാപ്രാണാധികപ്രിയഃ ॥ ൧൪ ॥
പ്രാണാധിദേവോ ഗോപീനാം രാധാപ്രാണാധികപ്രിയഃ ॥ ൧൪ ॥
വസുദേവസുതഃ ശാന്തോ ദേവകീദുഃഖഭഞ്ജനഃ ।
അയോനിസമ്ഭവഃ ശ്രീമാന് പൃഥിവീഭാരഹാരകഃ ॥ ൧൫ ॥
അയോനിസമ്ഭവഃ ശ്രീമാന് പൃഥിവീഭാരഹാരകഃ ॥ ൧൫ ॥
പൂതനായൈ മാതൃഗതിം പ്രദാതാ ച കൃപാനിധിഃ ।
ബകകേശിപ്രലമ്ബാനാം മമാപി മോക്ഷകാരകഃ ॥ ൧൬ ॥
ബകകേശിപ്രലമ്ബാനാം മമാപി മോക്ഷകാരകഃ ॥ ൧൬ ॥
സ്വേച്ഛാമയ ഗുണാതീത ഭക്താനാം ഭയഭഞജന ।
പ്രസീദ രാധികാനാഥ പ്രസീദ കുരു മോക്ഷണമ് ॥ ൧൭ ॥
പ്രസീദ രാധികാനാഥ പ്രസീദ കുരു മോക്ഷണമ് ॥ ൧൭ ॥
ഹേ നാഥ ഗാര്ദഭീയോനേഃ സമുദ്ധര ഭവാര്ണവാത് ।
മൂര്ഖസ്ത്വദ്ഭക്തപുത്രോഽഹം മാമുദ്ധര്തും ത്വമര്ഹസി ॥ ൧൮ ॥
മൂര്ഖസ്ത്വദ്ഭക്തപുത്രോഽഹം മാമുദ്ധര്തും ത്വമര്ഹസി ॥ ൧൮ ॥
വേദാ ബ്രഹ്മാദയോ യം ച മുനീന്ദ്രാഃ സ്തോതുമക്ഷമാഃ ।
കിം സ്തൌമി തം ഗുണാതീതം പുരാ ദൈത്യോഽധുനാ ഖരഃ ॥ ൧൯ ॥
കിം സ്തൌമി തം ഗുണാതീതം പുരാ ദൈത്യോഽധുനാ ഖരഃ ॥ ൧൯ ॥
ഏവം കുരു കൃപാസിന്ധോ യേന മേ ന ഭവേജ്ജനുഃ ।
ദൃഷ്ട്വാ പാദാരവിന്ദം തേ കഃ പുനര്ഭവനം വ്രജേത് ॥ ൨൦ ॥
ദൃഷ്ട്വാ പാദാരവിന്ദം തേ കഃ പുനര്ഭവനം വ്രജേത് ॥ ൨൦ ॥
ബ്രഹ്മാ സ്തോതാ ഖരഃ സ്തോതാ നോപഹാസിതുമര്ഹസി ।
സദീശ്വരസ്യ വിജ്ഞസ്യ യോഗ്യായോഗ്യേ സമാ കൃപാ ॥ ൨൧ ॥
സദീശ്വരസ്യ വിജ്ഞസ്യ യോഗ്യായോഗ്യേ സമാ കൃപാ ॥ ൨൧ ॥
ഇത്യേവമുക്ത്വാ ദൈത്യേന്ദ്രസ്തസ്ഥൌ ച പുരതോ ഹരേഃ ।
പ്രസന്നവദനഃ ശ്രീമാനതിതുഷ്ടോ ബഭൂവ ഹ ॥ ൨൨ ॥
പ്രസന്നവദനഃ ശ്രീമാനതിതുഷ്ടോ ബഭൂവ ഹ ॥ ൨൨ ॥
॥ ഫലശ്രുതി ॥
ഇദം ദൈത്യകൃതം സ്തോത്രം നിത്യം ഭക്ത്യാ ച യഃ പഠേത് ।
സാലോക്യസാര്ഷ്ടിസാമീപ്യം ലീലയാ ലഭതേ ഹരേഃ ॥ ൨൩ ॥
സാലോക്യസാര്ഷ്ടിസാമീപ്യം ലീലയാ ലഭതേ ഹരേഃ ॥ ൨൩ ॥
ഇഹ ലോകേ ഹരേര്ഭക്തിമന്തേ ദാസ്യം സുദുര്ലഭമ് ।
വിദ്യാം ശ്രിയം സുകവിതാം പുത്രപൌത്രാന് യശോ ലഭേത് ॥ ൨൪ ॥
വിദ്യാം ശ്രിയം സുകവിതാം പുത്രപൌത്രാന് യശോ ലഭേത് ॥ ൨൪ ॥
॥ ഇതി ശ്രീബ്രഹ്മവൈവര്തേ മഹാപുരാണേ ശ്രീകൃഷ്ണജന്മഖണ്ഡേ ദ്വാവിംശോഽധ്യായേ ദാനവകൃത ശ്രീ കൃഷ്ണ സ്തോത്രമ് ॥