॥ শ্ৰীৰাম পট্টাভিষেক সৰ্গঃ ॥
শিৰস্যঞ্জলিমাধায কৈকেয্যানন্দৱৰ্ধনঃ ।
বভাষে ভৰতো জ্যেষ্ঠং ৰামং সত্যপৰাক্ৰমম্ ॥ ১
বভাষে ভৰতো জ্যেষ্ঠং ৰামং সত্যপৰাক্ৰমম্ ॥ ১
পূজিতা মামিকা মাতা দত্তং ৰাজ্যমিদং মম ।
তদ্দদামি পুনস্তুভ্যং যথা ত্ৱমদদা মম ॥ ২
তদ্দদামি পুনস্তুভ্যং যথা ত্ৱমদদা মম ॥ ২
ধুৰমেকাকিনা ন্যস্তামৃষভেণ বলীযসা ।
কিশোৰৱদ্গুৰুং ভাৰং ন ৱোঢুমহমুত্সহে ॥ ৩
কিশোৰৱদ্গুৰুং ভাৰং ন ৱোঢুমহমুত্সহে ॥ ৩
ৱাৰিৱেগেন মহতা ভিন্নঃ সেতুৰিৱ ক্ষৰন্ ।
দুৰ্বন্ধনমিদং মন্যে ৰাজ্যচ্ছিদ্ৰমসংৱৃতম্ ॥ ৪
দুৰ্বন্ধনমিদং মন্যে ৰাজ্যচ্ছিদ্ৰমসংৱৃতম্ ॥ ৪
গতিং খৰ ইৱাশ্ৱস্য হংসস্যেৱ চ ৱাযসঃ ।
নান্ৱেতুমুত্সহে ৰাম তৱ মাৰ্গমৰিন্দম ॥ ৫
নান্ৱেতুমুত্সহে ৰাম তৱ মাৰ্গমৰিন্দম ॥ ৫
যথা চাৰোপিতো ৱৃক্ষো জাতশ্চান্তৰ্নিৱেশনে ।
মহাংশ্চ সুদুৰাৰোহো মহাস্কন্ধঃ প্ৰশাখৱান্ ॥ ৬
মহাংশ্চ সুদুৰাৰোহো মহাস্কন্ধঃ প্ৰশাখৱান্ ॥ ৬
শীৰ্যেত পুষ্পিতো ভূত্ৱা ন ফলানি প্ৰদৰ্শযন্ ।
তস্য নানুভৱেদৰ্থং যস্য হেতোঃ স ৰোপ্যতে ॥ ৭
তস্য নানুভৱেদৰ্থং যস্য হেতোঃ স ৰোপ্যতে ॥ ৭
এষোপমা মহাবাহো ত্ৱদৰ্থং ৱেত্তুমৰ্হসি ।
যদ্যস্মান্মনুজেন্দ্ৰ ত্ৱং ভক্তান্ভৃত্যান্ন শাধি হি ॥ ৮
যদ্যস্মান্মনুজেন্দ্ৰ ত্ৱং ভক্তান্ভৃত্যান্ন শাধি হি ॥ ৮
জগদদ্যাভিষিক্তং ত্ৱামনুপশ্যতু সৰ্ৱতঃ ।
প্ৰতপন্তমিৱাদিত্যং মধ্যাহ্নে দীপ্ততেজসম্ ॥ ৯
প্ৰতপন্তমিৱাদিত্যং মধ্যাহ্নে দীপ্ততেজসম্ ॥ ৯
তূৰ্যসঙ্ঘাতনিৰ্ঘোষৈঃ কাঞ্চীনূপুৰনিস্ৱনৈঃ ।
মধুৰৈৰ্গীতশব্দৈশ্চ প্ৰতিবুধ্যস্ৱ ৰাঘৱ ॥ ১০
মধুৰৈৰ্গীতশব্দৈশ্চ প্ৰতিবুধ্যস্ৱ ৰাঘৱ ॥ ১০
যাৱদাৱৰ্ততে চক্ৰং যাৱতী চ ৱসুন্ধৰা ।
তাৱত্ত্ৱমিহ সৰ্ৱস্য স্ৱামিত্ৱমনুৱৰ্তয ॥ ১১
তাৱত্ত্ৱমিহ সৰ্ৱস্য স্ৱামিত্ৱমনুৱৰ্তয ॥ ১১
ভৰতস্য ৱচঃ শ্ৰুত্ৱা ৰামঃ পৰপুৰঞ্জযঃ ।
তথেতি প্ৰতিজগ্ৰাহ নিষসাদাসনে শুভে ॥ ১২
তথেতি প্ৰতিজগ্ৰাহ নিষসাদাসনে শুভে ॥ ১২
ততঃ শত্ৰুঘ্নৱচনান্নিপুণাঃ শ্মশ্ৰুৱৰ্ধকাঃ ।
সুখহস্তাঃ সুশীঘ্ৰাশ্চ ৰাঘৱং পৰ্যুপাসত ॥ ১৩
সুখহস্তাঃ সুশীঘ্ৰাশ্চ ৰাঘৱং পৰ্যুপাসত ॥ ১৩
পূৰ্ৱং তু ভৰতে স্নাতে লক্ষ্মণে চ মহাবলে ।
সুগ্ৰীৱে ৱানৰেন্দ্ৰে চ ৰাক্ষসেন্দ্ৰে ৱিভীষণে ॥ ১৪
সুগ্ৰীৱে ৱানৰেন্দ্ৰে চ ৰাক্ষসেন্দ্ৰে ৱিভীষণে ॥ ১৪
ৱিশোধিতজটঃ স্নাতশ্চিত্ৰমাল্যানুলেপনঃ ।
মহাৰ্হৱসনো ৰামস্তস্থৌ তত্ৰ শ্ৰিযা জ্ৱলন্ ॥ ১৫
মহাৰ্হৱসনো ৰামস্তস্থৌ তত্ৰ শ্ৰিযা জ্ৱলন্ ॥ ১৫
প্ৰতিকৰ্ম চ ৰামস্য কাৰযামাস ৱীৰ্যৱান্ ।
লক্ষ্মণস্য চ লক্ষ্মীৱানিক্ষ্ৱাকুকুলৱৰ্ধনঃ ॥ ১৬
লক্ষ্মণস্য চ লক্ষ্মীৱানিক্ষ্ৱাকুকুলৱৰ্ধনঃ ॥ ১৬
প্ৰতিকৰ্ম চ সীতাযাঃ সৰ্ৱা দশৰথস্ত্ৰিযঃ ।
আত্মনৈৱ তদা চক্ৰুৰ্মনস্ৱিন্যো মনোহৰম্ ॥ ১৭
আত্মনৈৱ তদা চক্ৰুৰ্মনস্ৱিন্যো মনোহৰম্ ॥ ১৭
ততো ৱানৰপত্নীনাং সৰ্ৱাসামেৱ শোভনম্ ।
চকাৰ যত্নাত্কৌসল্যা প্ৰহৃষ্টা পুত্ৰলালসা ॥ ১৮
চকাৰ যত্নাত্কৌসল্যা প্ৰহৃষ্টা পুত্ৰলালসা ॥ ১৮
ততঃ শত্ৰুঘ্নৱচনাত্সুমন্ত্ৰো নাম সাৰথিঃ ।
যোজযিতত্ৱাঽভিচক্ৰাম ৰথং সৰ্ৱাঙ্গশোভনম্ ॥ ১৯
যোজযিতত্ৱাঽভিচক্ৰাম ৰথং সৰ্ৱাঙ্গশোভনম্ ॥ ১৯
অৰ্কমণ্ডলসঙ্কাশং দিৱ্যং দৃষ্ট্ৱা ৰথোত্তমম্ ।
আৰুৰোহ মহাবাহূ ৰামঃ সত্যপৰাক্ৰমঃ ॥ ২০
আৰুৰোহ মহাবাহূ ৰামঃ সত্যপৰাক্ৰমঃ ॥ ২০
সুগ্ৰীৱো হনুমাংশ্চৈৱ মহেন্দ্ৰসদৃশদ্যুতী ।
স্নাতৌ দিৱ্যনিভৈৰ্ৱস্ত্ৰৈৰ্জগ্মতুঃ শুভকুণ্ডলৌ ॥ ২১
স্নাতৌ দিৱ্যনিভৈৰ্ৱস্ত্ৰৈৰ্জগ্মতুঃ শুভকুণ্ডলৌ ॥ ২১
ৱৰাভৰণসম্পন্না যযুস্তাঃ শুভকুণ্ডলাঃ ।
সুগ্ৰীৱপত্ন্যঃ সীতা চ দ্ৰষ্টুং নগৰমুত্সুকাঃ ॥ ২২
সুগ্ৰীৱপত্ন্যঃ সীতা চ দ্ৰষ্টুং নগৰমুত্সুকাঃ ॥ ২২
অযোধ্যাযাং তু সচিৱা ৰাজ্ঞো দশৰথস্য যে ।
পুৰোহিতং পুৰস্কৃত্য মন্ত্ৰযামাসুৰৰ্থৱত্ ॥ ২৩
পুৰোহিতং পুৰস্কৃত্য মন্ত্ৰযামাসুৰৰ্থৱত্ ॥ ২৩
অশোকো ৱিজযশ্চৈৱ সুমন্ত্ৰশ্চৈৱ সঙ্গতাঃ ।
মন্ত্ৰযন্ৰামৱৃদ্ধ্যৰ্থমৃদ্ধ্যৰ্থং নগৰস্য চ ॥ ২৪
মন্ত্ৰযন্ৰামৱৃদ্ধ্যৰ্থমৃদ্ধ্যৰ্থং নগৰস্য চ ॥ ২৪
সৰ্ৱমেৱাভিষেকাৰ্থং জযাৰ্হস্য মহাত্মনঃ ।
কৰ্তুমৰ্হথ ৰামস্য যদ্যন্মঙ্গলপূৰ্ৱকম্ ॥ ২৫
কৰ্তুমৰ্হথ ৰামস্য যদ্যন্মঙ্গলপূৰ্ৱকম্ ॥ ২৫
ইতি তে মন্ত্ৰিণঃ সৰ্ৱে সন্দিশ্য তু পুৰোহিতম্ ।
নগৰান্নিৰ্যযুস্তূৰ্ণং ৰামদৰ্শনবুদ্ধযঃ ॥ ২৬
নগৰান্নিৰ্যযুস্তূৰ্ণং ৰামদৰ্শনবুদ্ধযঃ ॥ ২৬
হৰিযুক্তং সহস্ৰাক্ষো ৰথমিন্দ্ৰ ইৱানঘঃ ।
প্ৰযযৌ ৰথমাস্থায ৰামো নগৰমুত্তমম্ ॥ ২৭
প্ৰযযৌ ৰথমাস্থায ৰামো নগৰমুত্তমম্ ॥ ২৭
জগ্ৰাহ ভৰতো ৰশ্মীঞশত্ৰুঘ্নশ্ছত্ৰমাদদে ।
লক্ষ্মণো ৱ্যজনং তস্য মূৰ্ধ্নি সম্পৰ্যৱীজযত্ ॥ ২৮
লক্ষ্মণো ৱ্যজনং তস্য মূৰ্ধ্নি সম্পৰ্যৱীজযত্ ॥ ২৮
শ্ৱেতং চ ৱালৱ্যজনং জগ্ৰাহ পুৰতঃ স্থিতঃ ।
অপৰং চন্দ্ৰসঙ্কাশং ৰাক্ষসেন্দ্ৰো ৱিভীষণঃ ॥ ২৯
অপৰং চন্দ্ৰসঙ্কাশং ৰাক্ষসেন্দ্ৰো ৱিভীষণঃ ॥ ২৯
ঋষিসঙ্ঘৈস্তদাঽঽকাশে দেৱৈশ্চ সমৰুদ্গণৈঃ ।
স্তূযমানস্য ৰামস্য শুশ্ৰুৱে মধুৰধ্ৱনিঃ ॥ ৩০
স্তূযমানস্য ৰামস্য শুশ্ৰুৱে মধুৰধ্ৱনিঃ ॥ ৩০
ততঃ শত্ৰুঞ্জযং নাম কুঞ্জৰং পৰ্ৱতোপমম্ ।
আৰুৰোহ মহাতেজাঃ সুগ্ৰীৱঃ প্লৱগৰ্ষভঃ ॥ ৩১
আৰুৰোহ মহাতেজাঃ সুগ্ৰীৱঃ প্লৱগৰ্ষভঃ ॥ ৩১
নৱনাগসহস্ৰাণি যযুৰাস্থায ৱানৰাঃ ।
মানুষং ৱিগ্ৰহং কৃত্ৱা সৰ্ৱাভৰণভূষিতাঃ ॥ ৩২
মানুষং ৱিগ্ৰহং কৃত্ৱা সৰ্ৱাভৰণভূষিতাঃ ॥ ৩২
শঙ্খশব্দপ্ৰণাদৈশ্চ দুন্দুভীনাং চ নিস্স্ৱনৈঃ ।
প্ৰযযৌ পুৰুষৱ্যাঘ্ৰস্তাং পুৰীং হৰ্ম্যমালিনীম্ ॥ ৩৩
প্ৰযযৌ পুৰুষৱ্যাঘ্ৰস্তাং পুৰীং হৰ্ম্যমালিনীম্ ॥ ৩৩
দদৃশুস্তে সমাযান্তং ৰাঘৱং সপুৰস্সৰম্ ।
ৱিৰাজমানং ৱপুষা ৰথেনাতিৰথং তদা ॥ ৩৪
ৱিৰাজমানং ৱপুষা ৰথেনাতিৰথং তদা ॥ ৩৪
তে ৱৰ্ধযিত্ৱা কাকুত্স্থং ৰামেণ প্ৰতিনন্দিতাঃ ।
অনুজগ্মুৰ্মহাত্মানং ভ্ৰাতৃভিঃ পৰিৱাৰিতম্ ॥ ৩৫
অনুজগ্মুৰ্মহাত্মানং ভ্ৰাতৃভিঃ পৰিৱাৰিতম্ ॥ ৩৫
অমাত্যৈৰ্ব্ৰাহ্মণৈশ্চৈৱ তথা প্ৰকৃতিভিৰ্ৱৃতঃ ।
শ্ৰিযা ৱিৰুৰুচে ৰামো নক্ষত্ৰৈৰিৱ চন্দ্ৰমাঃ ॥ ৩৬
শ্ৰিযা ৱিৰুৰুচে ৰামো নক্ষত্ৰৈৰিৱ চন্দ্ৰমাঃ ॥ ৩৬
স পুৰোগামিভিস্তূৰ্যৈস্তালস্ৱস্তিকপাণিভিঃ ।
প্ৰৱ্যাহৰদ্ভিৰ্মুদিতৈৰ্মঙ্গলানি যযৌ ৱৃতঃ ॥ ৩৭
প্ৰৱ্যাহৰদ্ভিৰ্মুদিতৈৰ্মঙ্গলানি যযৌ ৱৃতঃ ॥ ৩৭
অক্ষতং জাতৰূপং চ গাৱঃ কন্যাস্তথা দ্ৱিজাঃ ।
নৰা মোদকহস্তাশ্চ ৰামস্য পুৰতো যযুঃ ॥ ৩৮
নৰা মোদকহস্তাশ্চ ৰামস্য পুৰতো যযুঃ ॥ ৩৮
সখ্যং চ ৰামঃ সুগ্ৰীৱে প্ৰভাৱং চানিলাত্মজে ।
ৱানৰাণাং চ তত্কৰ্ম ৰাক্ষসানাং চ তদ্বলম্ ।
ৱিভীষণস্য সম্যোগমাচচক্ষে চ মন্ত্ৰিণাম্ ॥ ৩৯
ৱানৰাণাং চ তত্কৰ্ম ৰাক্ষসানাং চ তদ্বলম্ ।
ৱিভীষণস্য সম্যোগমাচচক্ষে চ মন্ত্ৰিণাম্ ॥ ৩৯
শ্ৰুত্ৱা তু ৱিস্মযং জগ্মুৰযোধ্যাপুৰৱাসিনঃ ॥ ৪০
দ্যুতিমানেতদাখ্যায ৰামো ৱানৰসংৱৃতঃ ।
হৃষ্টপুষ্টজনাকীৰ্ণামযোধ্যাং প্ৰৱিৱেশ হ ॥ ৪১
হৃষ্টপুষ্টজনাকীৰ্ণামযোধ্যাং প্ৰৱিৱেশ হ ॥ ৪১
ততো হ্যভ্যুচ্ছ্ৰযন্পৌৰাঃ পতাকাস্তে গৃহে গৃহে ॥ ৪২
ঐক্ষ্ৱাকাধ্যুষিতং ৰম্যমাসসাদ পিতুৰ্গৃহম্ ॥ ৪৩
অথাব্ৰৱীদ্ৰাজসুতো ভৰতং ধৰ্মিণাং ৱৰম্ ।
অৰ্থোপহিতযা ৱাচা মধুৰং ৰঘুনন্দনঃ ॥ ৪৪
অৰ্থোপহিতযা ৱাচা মধুৰং ৰঘুনন্দনঃ ॥ ৪৪
পিতুৰ্ভৱনমাসাদ্য প্ৰৱিশ্য চ মহাত্মনঃ ।
কৌসল্যাং চ সুমিত্ৰাং চ কৈকেযীমভিৱাদ্য চ ॥ ৪৫
কৌসল্যাং চ সুমিত্ৰাং চ কৈকেযীমভিৱাদ্য চ ॥ ৪৫
যচ্চ মদ্ভৱনং শ্ৰেষ্ঠং সাশোকৱনিকং মহত্ ।
মুক্তাৱৈডূৰ্যসঙ্কীৰ্ণং সুগ্ৰীৱায নিৱেদয ॥ ৪৬
মুক্তাৱৈডূৰ্যসঙ্কীৰ্ণং সুগ্ৰীৱায নিৱেদয ॥ ৪৬
তস্য তদ্ৱচনং শ্ৰুত্ৱা ভৰতঃ সত্যৱিক্ৰমঃ ।
পাণৌ গৃহীত্ৱা সুগ্ৰীৱং প্ৰৱিৱেশ তমালযম্ ॥ ৪৭
পাণৌ গৃহীত্ৱা সুগ্ৰীৱং প্ৰৱিৱেশ তমালযম্ ॥ ৪৭
ততস্তৈলপ্ৰদীপাংশ্চ পৰ্যঙ্কাস্তৰণানি চ ।
গৃহীত্ৱা ৱিৱিশুঃ ক্ষিপ্ৰং শত্ৰুঘ্নেন প্ৰচোদিতাঃ ॥ ৪৮
গৃহীত্ৱা ৱিৱিশুঃ ক্ষিপ্ৰং শত্ৰুঘ্নেন প্ৰচোদিতাঃ ॥ ৪৮
উৱাচচ মহাতেজাঃ সুগ্ৰীৱং ৰাঘৱানুজঃ ।
অভিষেকায ৰামস্য দূতানাজ্ঞাপয প্ৰভো ॥ ৪৯
অভিষেকায ৰামস্য দূতানাজ্ঞাপয প্ৰভো ॥ ৪৯
সৌৱৰ্ণান্ৱানৰেন্দ্ৰাণাং চতুৰ্ণাং চতুৰো ঘটান্ ।
দদৌ ক্ষিপ্ৰং স সুগ্ৰীৱঃ সৰ্ৱৰত্নৱিভূষিতান্ ॥ ৫০
দদৌ ক্ষিপ্ৰং স সুগ্ৰীৱঃ সৰ্ৱৰত্নৱিভূষিতান্ ॥ ৫০
যথা প্ৰত্যূষসমযে চতুৰ্ণাং সাগৰাম্ভসাম্ ।
পূৰ্ণৈৰ্ঘটৈঃ প্ৰতীক্ষধ্ৱং তথা কুৰুত ৱানৰাঃ ॥ ৫১
পূৰ্ণৈৰ্ঘটৈঃ প্ৰতীক্ষধ্ৱং তথা কুৰুত ৱানৰাঃ ॥ ৫১
এৱমুক্তা মহাত্মানো ৱানৰা ৱাৰণোপমাঃ ।
উত্পেতুৰ্গগনং শীঘ্ৰং গৰুডা ইৱ শীঘ্ৰগাঃ ॥ ৫২
উত্পেতুৰ্গগনং শীঘ্ৰং গৰুডা ইৱ শীঘ্ৰগাঃ ॥ ৫২
জাম্বৱাংশ্চ হনূমাংশ্চ ৱেগদৰ্শী চ ৱানৰঃ ।
ঋষভশ্চৈৱ কলশাঞ্জলপূৰ্ণানথানযন্ ॥ ৫৩
ঋষভশ্চৈৱ কলশাঞ্জলপূৰ্ণানথানযন্ ॥ ৫৩
নদীশতানাং পঞ্চানাং জলং কুম্ভেষু চাহৰন্ ॥ ৫৪
পূৰ্ৱাত্সমুদ্ৰাত্কলশং জলপূৰ্ণমথানযত্ ।
সুষেণঃ সত্ত্ৱসম্পন্নঃ সৰ্ৱৰত্নৱিভূষিতম্ ॥ ৫৫
সুষেণঃ সত্ত্ৱসম্পন্নঃ সৰ্ৱৰত্নৱিভূষিতম্ ॥ ৫৫
ঋষভো দক্ষিণাত্তূৰ্ণং সমুদ্ৰাজ্জলমাহৰত্ ।
ৰক্তচন্দনশাখাভিঃ সংৱৃতং কাঞ্চনং ঘটম্ ॥ ৫৬
ৰক্তচন্দনশাখাভিঃ সংৱৃতং কাঞ্চনং ঘটম্ ॥ ৫৬
গৱযঃ পশ্চিমাত্তোযমাজহাৰ মহাৰ্ণৱাত্ ।
ৰত্নকুম্ভেন মহতা শীতং মাৰুতৱিক্ৰমঃ ॥ ৫৭
ৰত্নকুম্ভেন মহতা শীতং মাৰুতৱিক্ৰমঃ ॥ ৫৭
উত্তৰাচ্চ জলং শীঘ্ৰং গৰুডানিলৱিক্ৰমঃ ।
আজহাৰ স ধৰ্মাত্মা নলঃ সৰ্ৱগুণান্ৱিতঃ ॥ ৫৮
আজহাৰ স ধৰ্মাত্মা নলঃ সৰ্ৱগুণান্ৱিতঃ ॥ ৫৮
ততস্তৈৰ্ৱানৰশ্ৰেষ্ঠৈৰানীতং প্ৰেক্ষ্য তজ্জলম্ ।
অভিষেকায ৰামস্য শত্ৰুঘ্নঃ সচিৱৈঃ সহ ।
পুৰোহিতায শ্ৰেষ্ঠায সুহৃদ্ভ্যশ্চ ন্যৱেদযত্ ॥ ৫৯
অভিষেকায ৰামস্য শত্ৰুঘ্নঃ সচিৱৈঃ সহ ।
পুৰোহিতায শ্ৰেষ্ঠায সুহৃদ্ভ্যশ্চ ন্যৱেদযত্ ॥ ৫৯
ততঃ স প্ৰযতো ৱৃদ্ধো ৱসিষ্ঠো ব্ৰাহ্মণৈঃ সহ ।
ৰামং ৰত্নমযে পীঠে সহসীতং ন্যৱেশযত্ ॥ ৬০
ৰামং ৰত্নমযে পীঠে সহসীতং ন্যৱেশযত্ ॥ ৬০
ৱসিষ্ঠো ৱামদেৱশ্চ জাবালিৰথ কাশ্যপঃ ।
কাত্যাযনঃ সুযজ্ঞশ্চ গৌতমো ৱিজযস্তথা ॥ ৬১
কাত্যাযনঃ সুযজ্ঞশ্চ গৌতমো ৱিজযস্তথা ॥ ৬১
অভ্যষিঞ্চন্নৰৱ্যাঘ্ৰং প্ৰসন্নেন সুগন্ধিনা ।
সলিলেন সহস্ৰাক্ষং ৱসৱো ৱাসৱং যথা ॥ ৬২
সলিলেন সহস্ৰাক্ষং ৱসৱো ৱাসৱং যথা ॥ ৬২
ঋত্ৱিগ্ভিৰ্ব্ৰাহ্মণৈঃ পূৰ্ৱং কন্যাভিৰ্মন্ত্ৰিভিস্তথা ।
যোধৈশ্চৈৱাভ্যষিঞ্চংস্তে সম্প্ৰহৃষ্টাঃ সনৈগমৈঃ ॥ ৬৩
যোধৈশ্চৈৱাভ্যষিঞ্চংস্তে সম্প্ৰহৃষ্টাঃ সনৈগমৈঃ ॥ ৬৩
সৰ্ৱৌষধিৰসৈৰ্দিৱ্যৈৰ্দৈৱতৈৰ্নভসি স্থিতৈঃ ।
চতুৰ্ভিৰ্লোকপালৈশ্চ সৰ্ৱৈৰ্দেৱৈশ্চ সঙ্গতৈঃ ॥ ৬৪
চতুৰ্ভিৰ্লোকপালৈশ্চ সৰ্ৱৈৰ্দেৱৈশ্চ সঙ্গতৈঃ ॥ ৬৪
ব্ৰহ্মণা নিৰ্মিতং পূৰ্ৱং কিৰীটং ৰত্নশোভিতম্ ।
অভিষিক্তঃ পুৰা যেন মনুস্তং দীপ্ততেজসম্ ॥ ৬৫
অভিষিক্তঃ পুৰা যেন মনুস্তং দীপ্ততেজসম্ ॥ ৬৫
তস্যান্ৱৱাযে ৰাজানঃ ক্ৰমাদ্যেনাভিষেচিতাঃ ।
সভাযাং হেমক্লুপ্তাযাং শোভিতাযাং মহাজনৈঃ ।
ৰত্নৈৰ্নানাৱিধৈশ্চৈৱ চিত্ৰিতাযাং সুশোভনৈঃ ॥ ৬৬
সভাযাং হেমক্লুপ্তাযাং শোভিতাযাং মহাজনৈঃ ।
ৰত্নৈৰ্নানাৱিধৈশ্চৈৱ চিত্ৰিতাযাং সুশোভনৈঃ ॥ ৬৬
নানাৰত্নমযে পীঠে কল্পযিত্ৱা যথাৱিধি ।
কিৰীটেন ততঃ পশ্চাদ্ৱসিষ্ঠেন মহাত্মনা ।
ঋত্ৱিগ্ভিৰ্ভূষণৈশ্চৈৱ সমযোক্ষ্যত ৰাঘৱঃ ॥ ৬৭
কিৰীটেন ততঃ পশ্চাদ্ৱসিষ্ঠেন মহাত্মনা ।
ঋত্ৱিগ্ভিৰ্ভূষণৈশ্চৈৱ সমযোক্ষ্যত ৰাঘৱঃ ॥ ৬৭
ছত্ৰং তু তস্য জগ্ৰাহ শত্ৰুঘ্নঃ পাণ্ডুৰং শুভম্ ।
শ্ৱেতং চ ৱালৱ্যজনং সুগ্ৰীৱো ৱানৰেশ্ৱৰঃ ।
অপৰং চন্দ্ৰসঙ্কাশং ৰাক্ষসেন্দ্ৰো ৱিভীষণঃ ॥ ৬৮
শ্ৱেতং চ ৱালৱ্যজনং সুগ্ৰীৱো ৱানৰেশ্ৱৰঃ ।
অপৰং চন্দ্ৰসঙ্কাশং ৰাক্ষসেন্দ্ৰো ৱিভীষণঃ ॥ ৬৮
মালাং জ্ৱলন্তীং ৱপুষা কাঞ্চনীং শতপুষ্কৰাম্ ।
ৰাঘৱায দদৌ ৱাযুৰ্ৱাসৱেন প্ৰচোদিতঃ ॥ ৬৯
ৰাঘৱায দদৌ ৱাযুৰ্ৱাসৱেন প্ৰচোদিতঃ ॥ ৬৯
সৰ্ৱৰত্নসমাযুক্তং মণিৰত্নৱিভূষিতম্ ।
মুক্তাহাৰং নৰেন্দ্ৰায দদৌ শক্ৰপ্ৰচোদিতঃ ॥ ৭০
মুক্তাহাৰং নৰেন্দ্ৰায দদৌ শক্ৰপ্ৰচোদিতঃ ॥ ৭০
প্ৰজগুৰ্দেৱগন্ধৰ্ৱা ননৃতুশ্চাপ্সৰোগণাঃ ।
অভিষেকে তদৰ্হস্য তদা ৰামস্য ধীমতঃ ॥ ৭১
অভিষেকে তদৰ্হস্য তদা ৰামস্য ধীমতঃ ॥ ৭১
ভূমিঃ সস্যৱতী চৈৱ ফলৱন্তশ্চ পাদপাঃ ।
গন্ধৱন্তি চ পুষ্পাণি বভূৱূ ৰাঘৱোত্সৱে ॥ ৭২
গন্ধৱন্তি চ পুষ্পাণি বভূৱূ ৰাঘৱোত্সৱে ॥ ৭২
সহস্ৰশতমশ্ৱানাং ধেনূনাং চ গৱাং তথা ।
দদৌ শতং ৱৃষান্পূৰ্ৱং দ্ৱিজেভ্যো মনুজৰ্ষভঃ ॥ ৭৩
দদৌ শতং ৱৃষান্পূৰ্ৱং দ্ৱিজেভ্যো মনুজৰ্ষভঃ ॥ ৭৩
ত্ৰিংশত্কোটীৰ্হিৰণ্যস্য ব্ৰাহ্মণেভ্যো দদৌ পুনঃ ।
নানাভৰণৱস্ত্ৰাণি মহাৰ্হাণি চ ৰাঘৱঃ ॥ ৭৪
নানাভৰণৱস্ত্ৰাণি মহাৰ্হাণি চ ৰাঘৱঃ ॥ ৭৪
অৰ্কৰশ্মিপ্ৰতীকাশাং কাঞ্চনীং মণিৱিগ্ৰহাম্ ।
সুগ্ৰীৱায স্ৰজং দিৱ্যাং প্ৰাযচ্ছন্মনুজৰ্ষভঃ ॥ ৭৫
সুগ্ৰীৱায স্ৰজং দিৱ্যাং প্ৰাযচ্ছন্মনুজৰ্ষভঃ ॥ ৭৫
ৱৈডূৰ্যমণিচিত্ৰে চ ৱজ্ৰৰত্নৱিভূষিতে ।
ৱালিপুত্ৰায ধৃতিমানঙ্গদাযাঙ্গদে দদৌ ॥ ৭৬
ৱালিপুত্ৰায ধৃতিমানঙ্গদাযাঙ্গদে দদৌ ॥ ৭৬
মণিপ্ৰৱৰজুষ্টং চ মুক্তাহাৰমনুত্তমম্ ।
সীতাযৈ প্ৰদদৌ ৰামশ্চন্দ্ৰৰশ্মিসমপ্ৰভম্ ॥ ৭৭
সীতাযৈ প্ৰদদৌ ৰামশ্চন্দ্ৰৰশ্মিসমপ্ৰভম্ ॥ ৭৭
অৰজে ৱাসসী দিৱ্যে শুভান্যাভৰণানি চ ।
অৱেক্ষমাণা ৱৈদেহী প্ৰদদৌ ৱাযুসূনৱে ॥ ৭৮
অৱেক্ষমাণা ৱৈদেহী প্ৰদদৌ ৱাযুসূনৱে ॥ ৭৮
অৱমুচ্যাত্মনঃ কণ্ঠাদ্ধাৰং জনকনন্দিনী ।
অৱৈক্ষত হৰীন্সৰ্ৱান্ভৰ্তাৰং চ মুহুৰ্মুহুঃ ॥ ৭৯
অৱৈক্ষত হৰীন্সৰ্ৱান্ভৰ্তাৰং চ মুহুৰ্মুহুঃ ॥ ৭৯
তামিঙ্গিতজ্ঞঃ সম্প্ৰেক্ষ্য বভাষে জনকাত্মজাম্ ।
প্ৰদেহি সুভগে হাৰং যস্য তুষ্টাসি ভামিনি ।
পৌৰুষং ৱিক্ৰমো বুদ্ধিৰ্যস্মিন্নেতানি সৰ্ৱশঃ ॥ ৮০
প্ৰদেহি সুভগে হাৰং যস্য তুষ্টাসি ভামিনি ।
পৌৰুষং ৱিক্ৰমো বুদ্ধিৰ্যস্মিন্নেতানি সৰ্ৱশঃ ॥ ৮০
দদৌ সা ৱাযুপুত্ৰায তং হাৰমসিতেক্ষণা ।
হনুমাংস্তেন হাৰেণ শুশুভে ৱানৰৰ্ষভঃ ।
চন্দ্ৰাংশুচযগৌৰেণ শ্ৱেতাভ্ৰেণ যথাঽচলঃ ॥ ৮১
হনুমাংস্তেন হাৰেণ শুশুভে ৱানৰৰ্ষভঃ ।
চন্দ্ৰাংশুচযগৌৰেণ শ্ৱেতাভ্ৰেণ যথাঽচলঃ ॥ ৮১
ততো দ্ৱিৱিদমৈন্দাভ্যাং নীলায চ পৰন্তপঃ ।
সৰ্ৱান্কামগুণান্ৱীক্ষ্য প্ৰদদৌ ৱসুধাধিপঃ ॥ ৮২
সৰ্ৱান্কামগুণান্ৱীক্ষ্য প্ৰদদৌ ৱসুধাধিপঃ ॥ ৮২
সৰ্ৱৱানৰৱৃদ্ধাশ্চ যে চান্যে ৱানৰেশ্ৱৰাঃ ।
ৱাসোভিৰ্ভূষণৈশ্চৈৱ যথাৰ্হং প্ৰতিপূজিতাঃ ॥ ৮৩
ৱাসোভিৰ্ভূষণৈশ্চৈৱ যথাৰ্হং প্ৰতিপূজিতাঃ ॥ ৮৩
ৱিভীষণোঽথ সুগ্ৰীৱো হনুমান্ জাম্বৱাংস্তথা ।
সৰ্ৱৱানৰমুখ্যাশ্চ ৰামেণাক্লিষ্টকৰ্মণা ॥ ৮৪
সৰ্ৱৱানৰমুখ্যাশ্চ ৰামেণাক্লিষ্টকৰ্মণা ॥ ৮৪
যথাৰ্হং পূজিতাঃ সৰ্ৱৈঃ কামৈ ৰত্নৈশ্চ পুষ্কলৈঃ ।
প্ৰহৃষ্টমনসঃ সৰ্ৱে জগ্মুৰেৱ যথাগতম্ ॥ ৮৫
প্ৰহৃষ্টমনসঃ সৰ্ৱে জগ্মুৰেৱ যথাগতম্ ॥ ৮৫
নত্ৱা সৰ্ৱে মহাত্মানং ততস্তে প্লৱগৰ্ষভাঃ ।
ৱিসৃষ্টাঃ পাৰ্থিৱেন্দ্ৰেণ কিষ্কিন্ধামভ্যুপাগমন্ ॥ ৮৬
ৱিসৃষ্টাঃ পাৰ্থিৱেন্দ্ৰেণ কিষ্কিন্ধামভ্যুপাগমন্ ॥ ৮৬
সুগ্ৰীৱো ৱানৰশ্ৰেষ্ঠো দৃষ্ট্ৱা ৰামাভিষেচনম্ ।
পূজিতশ্চৈৱ ৰামেণ কিষ্কিন্ধাং প্ৰাৱিশত্পুৰীম্ ॥ ৮৭
পূজিতশ্চৈৱ ৰামেণ কিষ্কিন্ধাং প্ৰাৱিশত্পুৰীম্ ॥ ৮৭
ৰামেণ সৰ্ৱকামৈশ্চ যথাৰ্হং প্ৰতিপূজিতঃ ।
লব্ধ্ৱা কুলধনং ৰাজা লঙ্কাং প্ৰাযাদ্ৱিভীষণঃ ॥ ৮৮
লব্ধ্ৱা কুলধনং ৰাজা লঙ্কাং প্ৰাযাদ্ৱিভীষণঃ ॥ ৮৮
স ৰাজ্যমখিলং শাসন্নিহতাৰিৰ্মহাযশাঃ ।
ৰাঘৱঃ পৰমোদাৰঃ শশাস পৰযা মুদা ॥ ৮৯
ৰাঘৱঃ পৰমোদাৰঃ শশাস পৰযা মুদা ॥ ৮৯
উৱাচলক্ষ্মণং ৰামো ধৰ্মজ্ঞং ধৰ্মৱত্সলঃ ॥ ৯০
আতিষ্ঠ ধৰ্মজ্ঞ মযা সহেমাং
গাং পূৰ্ৱৰাজাধ্যুষিতাং বলেন ।
তুল্যং মযা ত্ৱং পিতৃভিৰ্ধৃতা যা
তাং যৌৱৰাজ্যে ধুৰমুদ্ৱহস্ৱ ॥ ৯১
গাং পূৰ্ৱৰাজাধ্যুষিতাং বলেন ।
তুল্যং মযা ত্ৱং পিতৃভিৰ্ধৃতা যা
তাং যৌৱৰাজ্যে ধুৰমুদ্ৱহস্ৱ ॥ ৯১
সৰ্ৱাত্মনা পৰ্যনুনীযমানো
যদা ন সৌমিত্ৰিৰুপৈতি যোগম্ ।
নিযুজ্যমানোঽপি চ যৌৱৰাজ্যে
ততোঽভ্যষিঞ্চদ্ভৰতং মহাত্মা ॥ ৯২
যদা ন সৌমিত্ৰিৰুপৈতি যোগম্ ।
নিযুজ্যমানোঽপি চ যৌৱৰাজ্যে
ততোঽভ্যষিঞ্চদ্ভৰতং মহাত্মা ॥ ৯২
পৌণ্ডৰীকাশ্ৱমেধাভ্যাং ৱাজপেযেন চাসকৃত্ ।
অন্যৈশ্চ ৱিৱিধৈৰ্যজ্ঞৈৰযজত্পাৰ্থিৱৰ্ষভঃ ॥ ৯৩
অন্যৈশ্চ ৱিৱিধৈৰ্যজ্ঞৈৰযজত্পাৰ্থিৱৰ্ষভঃ ॥ ৯৩
ৰাজ্যং দশসহস্ৰাণি প্ৰাপ্য ৱৰ্ষাণি ৰাঘৱঃ ।
শতাশ্ৱমেধানাজহ্ৰে সদশ্ৱান্ভূৰিদক্ষিণান্ ॥ ৯৪
শতাশ্ৱমেধানাজহ্ৰে সদশ্ৱান্ভূৰিদক্ষিণান্ ॥ ৯৪
আজানুলম্ববাহুঃ স মহাস্কন্ধঃ প্ৰতাপৱান্ ।
লক্ষ্মণানুচৰো ৰামঃ পৃথিৱীমন্ৱপালযত্ ॥ ৯৫
লক্ষ্মণানুচৰো ৰামঃ পৃথিৱীমন্ৱপালযত্ ॥ ৯৫
ৰাঘৱশ্চাপি ধৰ্মাত্মা প্ৰাপ্য ৰাজ্যমনুত্তমম্ ।
ঈজে বহুৱিধৈৰ্যজ্ঞৈঃ সসুহৃজ্জ্ঞাতিবান্ধৱঃ ॥ ৯৬
ঈজে বহুৱিধৈৰ্যজ্ঞৈঃ সসুহৃজ্জ্ঞাতিবান্ধৱঃ ॥ ৯৬
ন পৰ্যদেৱন্ৱিধৱা ন চ ৱ্যালকৃতং ভযম্ ।
ন ৱ্যাধিজং ভযং ৱাঽপি ৰামে ৰাজ্যং প্ৰশাসতি ॥ ৯৭
ন ৱ্যাধিজং ভযং ৱাঽপি ৰামে ৰাজ্যং প্ৰশাসতি ॥ ৯৭
নিৰ্দস্যুৰভৱল্লোকো নানৰ্থঃ কংচিদস্পৃশত্ ।
ন চ স্ম ৱৃদ্ধা বালানাং প্ৰেতকাৰ্যাণি কুৰ্ৱতে ॥ ৯৮
ন চ স্ম ৱৃদ্ধা বালানাং প্ৰেতকাৰ্যাণি কুৰ্ৱতে ॥ ৯৮
সৰ্ৱং মুদিতমেৱাসীত্সৰ্ৱো ধৰ্মপৰোঽভৱত্ ।
ৰামমেৱানুপশ্যন্তো নাভ্যহিংসন্পৰস্পৰম্ ॥ ৯৯
ৰামমেৱানুপশ্যন্তো নাভ্যহিংসন্পৰস্পৰম্ ॥ ৯৯
আসন্ৱৰ্ষসহস্ৰাণি তথা পুত্ৰসহস্ৰিণঃ ।
নিৰামযা ৱিশোকাশ্চ ৰামে ৰাজ্যং প্ৰশাসতি ॥ ১০০
নিৰামযা ৱিশোকাশ্চ ৰামে ৰাজ্যং প্ৰশাসতি ॥ ১০০
ৰামো ৰামো ৰাম ইতি প্ৰজানামভৱন্কথাঃ ।
ৰামভূতং জগদভূদ্ৰামে ৰাজ্যং প্ৰশাসতি ॥ ১০১
ৰামভূতং জগদভূদ্ৰামে ৰাজ্যং প্ৰশাসতি ॥ ১০১
নিত্যপুষ্পা নিত্যফলাস্তৰৱঃ স্কন্ধৱিস্তৃতাঃ ।
কালে ৱৰ্ষী চ পৰ্জন্যঃ সুখস্পৰ্শশ্চ মাৰুতঃ ॥ ১০২
কালে ৱৰ্ষী চ পৰ্জন্যঃ সুখস্পৰ্শশ্চ মাৰুতঃ ॥ ১০২
ব্ৰাহ্মণঃ ক্ষত্ৰিযা ৱৈশ্যাঃ শূদ্ৰা লোভৱিৱৰ্জিতাঃ ।
স্ৱকৰ্মসু প্ৰৱৰ্তন্তে তুষ্টাঃ স্ৱৈৰেৱ কৰ্মভিঃ ॥ ১০৩
স্ৱকৰ্মসু প্ৰৱৰ্তন্তে তুষ্টাঃ স্ৱৈৰেৱ কৰ্মভিঃ ॥ ১০৩
আসন্প্ৰজা ধৰ্মৰতা ৰামে শাসতি নানৃতাঃ ।
সৰ্ৱে লক্ষণসম্পন্নাঃ সৰ্ৱে ধৰ্মপৰাযণাঃ ॥ ১০৪
সৰ্ৱে লক্ষণসম্পন্নাঃ সৰ্ৱে ধৰ্মপৰাযণাঃ ॥ ১০৪
দশ ৱৰ্ষসহস্ৰাণি দশ ৱৰ্ষশতানি চ ।
ভ্ৰাতৃভিঃ সহিতঃ শ্ৰীমান্ৰামো ৰাজ্যমকাৰযত্ ॥ ১০৫
ভ্ৰাতৃভিঃ সহিতঃ শ্ৰীমান্ৰামো ৰাজ্যমকাৰযত্ ॥ ১০৫
॥ ৰামাযণ ফলশ্ৰুতি ॥
ধন্যং যশস্যমাযুষ্যং ৰাজ্ঞাং চ ৱিজযাৱহম্ ।
আদিকাৱ্যমিদং ত্ৱাৰ্ষং পুৰা ৱাল্মীকিনা কৃতম্ ।
যঃ পঠেচ্ছৃণুযাল্লোকে নৰঃ পাপাদ্ৱিমুচ্যতে ॥ ১০৬
আদিকাৱ্যমিদং ত্ৱাৰ্ষং পুৰা ৱাল্মীকিনা কৃতম্ ।
যঃ পঠেচ্ছৃণুযাল্লোকে নৰঃ পাপাদ্ৱিমুচ্যতে ॥ ১০৬
পুত্ৰকামস্তু পুত্ৰান্ৱৈ ধনকামো ধনানি চ ।
লভতে মনুজো লোকে শ্ৰুত্ৱা ৰামাভিষেচনম্ ॥ ১০৭
লভতে মনুজো লোকে শ্ৰুত্ৱা ৰামাভিষেচনম্ ॥ ১০৭
মহীং ৱিজযতে ৰাজা ৰিপূংশ্চাপ্যধিতিষ্ঠতি ।
ৰাঘৱেণ যথা মাতা সুমিত্ৰা লক্ষ্মণেন চ ॥ ১০৮
ৰাঘৱেণ যথা মাতা সুমিত্ৰা লক্ষ্মণেন চ ॥ ১০৮
ভৰতেনেৱ কৈকেযী জীৱপুত্ৰাস্তথা স্ত্ৰিযঃ ।
ভৱিষ্যন্তি সদানন্দাঃ পুত্ৰপৌত্ৰসমন্ৱিতাঃ ॥ ১০৯
ভৱিষ্যন্তি সদানন্দাঃ পুত্ৰপৌত্ৰসমন্ৱিতাঃ ॥ ১০৯
শ্ৰুত্ৱা ৰামাযণমিদং দীৰ্ঘমাযুশ্চ ৱিন্দতি ।
ৰামস্য ৱিজযং চৈৱ সৰ্ৱমক্লিষ্টকৰ্মণঃ ॥ ১১০
ৰামস্য ৱিজযং চৈৱ সৰ্ৱমক্লিষ্টকৰ্মণঃ ॥ ১১০
শৃণোতি য ইদং কাৱ্যমাৰ্ষং ৱাল্মীকিনা কৃতম্ ।
শ্ৰদ্দধানো জিতক্ৰোধো দুৰ্গাণ্যতিতৰত্যসৌ ॥ ১১১
শ্ৰদ্দধানো জিতক্ৰোধো দুৰ্গাণ্যতিতৰত্যসৌ ॥ ১১১
সমাগমং প্ৰৱাসান্তে লভতে চাপি বান্ধৱৈঃ ।
প্ৰাৰ্থিতাংশ্চ ৱৰান্সৰ্ৱান্প্ৰাপ্নুযাদিহ ৰাঘৱাত্ ॥ ১১২
প্ৰাৰ্থিতাংশ্চ ৱৰান্সৰ্ৱান্প্ৰাপ্নুযাদিহ ৰাঘৱাত্ ॥ ১১২
শ্ৰৱণেন সুৰাঃ সৰ্ৱে প্ৰীযন্তে সংপ্ৰশৃণ্ৱতাম্ ।
ৱিনাযকাশ্চ শাম্যন্তি গৃহে তিষ্ঠন্তি যস্য ৱৈ ॥ ১১৩
ৱিনাযকাশ্চ শাম্যন্তি গৃহে তিষ্ঠন্তি যস্য ৱৈ ॥ ১১৩
ৱিজযেত মহীং ৰাজা প্ৰৱাসী স্ৱস্তিমান্ৱ্ৰজেত্ ।
স্ত্ৰিযো ৰজস্ৱলাঃ শ্ৰুত্ৱা পুত্ৰান্ সূযুৰনুত্তমান্ ॥ ১.১৪
স্ত্ৰিযো ৰজস্ৱলাঃ শ্ৰুত্ৱা পুত্ৰান্ সূযুৰনুত্তমান্ ॥ ১.১৪
পূজযংশ্চ পঠংশ্চেমমিতিহাসং পুৰাতনম্ ।
সৰ্ৱপাপাত্প্ৰমুচ্যেত দীৰ্ঘমাযুৰৱাপ্নুযাত্ ॥ ১১৫
সৰ্ৱপাপাত্প্ৰমুচ্যেত দীৰ্ঘমাযুৰৱাপ্নুযাত্ ॥ ১১৫
প্ৰণম্য শিৰসা নিত্যং শ্ৰোতৱ্যং ক্ষত্ৰিযৈৰ্দ্ৱিজাত্ ।
ঐশ্ৱৰ্যং পুত্ৰলাভশ্চ ভৱিষ্যতি ন সংশযঃ ॥ ১১৬
ঐশ্ৱৰ্যং পুত্ৰলাভশ্চ ভৱিষ্যতি ন সংশযঃ ॥ ১১৬
ৰামাযণমিদং কৃত্স্নং শৃণ্ৱতঃ পঠতঃ সদা ।
প্ৰীযতে সততং ৰামঃ স হি ৱিষ্ণুঃ সনাতনঃ ॥ ১১৭
প্ৰীযতে সততং ৰামঃ স হি ৱিষ্ণুঃ সনাতনঃ ॥ ১১৭
আদিদেৱো মহাবাহুৰ্হৰিৰ্নাৰাযণঃ প্ৰভুঃ ।
সাক্ষাদ্ৰামো ৰঘুশ্ৰেষ্ঠঃ শেষো লক্ষ্মণ উচ্যতে ॥ ১১৮
সাক্ষাদ্ৰামো ৰঘুশ্ৰেষ্ঠঃ শেষো লক্ষ্মণ উচ্যতে ॥ ১১৮
কুটুম্বৱৃদ্ধিং ধনধান্যৱৃদ্ধিং
স্ত্ৰিযশ্চ মুখ্যাঃ সুখমুত্তমং চ ।
শৃত্ৱা শুভং কাৱ্যমিদং মহাৰ্থং
প্ৰাপ্নোতি সৰ্ৱাং ভুৱি চাৰ্থসিদ্ধিম্ ॥ ১১৯
স্ত্ৰিযশ্চ মুখ্যাঃ সুখমুত্তমং চ ।
শৃত্ৱা শুভং কাৱ্যমিদং মহাৰ্থং
প্ৰাপ্নোতি সৰ্ৱাং ভুৱি চাৰ্থসিদ্ধিম্ ॥ ১১৯
আযুষ্যমাৰোগ্যকৰং যশস্যং
সৌভ্ৰাতৃকং বুদ্ধিকৰং সুখং চ ।
শ্ৰোতৱ্যমেতন্নিযমেন সদ্ভি-
-ৰাখ্যানমোজস্কৰমৃদ্ধিকামৈঃ ॥ ১২০
সৌভ্ৰাতৃকং বুদ্ধিকৰং সুখং চ ।
শ্ৰোতৱ্যমেতন্নিযমেন সদ্ভি-
-ৰাখ্যানমোজস্কৰমৃদ্ধিকামৈঃ ॥ ১২০
এৱমেতত্পুৰাৱৃত্তমাখ্যানং ভদ্ৰমস্তু ৱঃ ।
প্ৰৱ্যাহৰত ৱিস্ৰব্ধং বলং ৱিষ্ণোঃ প্ৰৱৰ্ধতাম্ ॥ ১২১
প্ৰৱ্যাহৰত ৱিস্ৰব্ধং বলং ৱিষ্ণোঃ প্ৰৱৰ্ধতাম্ ॥ ১২১
দেৱাশ্চ সৰ্ৱে তুষ্যন্তি গ্ৰহণাচ্ছ্ৰৱণাত্তথা ।
ৰামাযণস্য শ্ৰৱণাত্তুষ্যন্তি পিতৰস্তথা ॥ ১২২
ৰামাযণস্য শ্ৰৱণাত্তুষ্যন্তি পিতৰস্তথা ॥ ১২২
ভক্ত্যা ৰামস্য যে চেমাং সংহিতামৃষিণা কৃতাম্ ।
লেখযন্তীহ চ নৰাস্তেষাং ৱাসস্ত্ৰিৱিষ্টপে ॥ ১২৩
লেখযন্তীহ চ নৰাস্তেষাং ৱাসস্ত্ৰিৱিষ্টপে ॥ ১২৩
॥ ইত্যাৰ্ষে শ্ৰীমদ্ৰামাযণে ৱাল্মীকীযে আদিকাৱ্যে যুদ্ধকাণ্ডে শ্ৰীৰামপট্টাভিষেকো নাম একত্ৰিংশদুত্তৰশততমঃ সৰ্গঃ ॥