॥ শ্ৰী সীতাৰাম কল্যাণ সৰ্গঃ ॥
(শ্ৰীমদ্ৰামাযণে বালকাণ্ডে ত্ৰিসপ্ততিতমঃ সৰ্গঃ)
যস্মিংস্তু দিৱসে ৰাজা চক্ৰে গোদানমুত্তমম্ ।
তস্মিংস্তু দিৱসে ৱীৰো যুধাজিত্সমুপেযিৱান্ ॥ ১ ॥
তস্মিংস্তু দিৱসে ৱীৰো যুধাজিত্সমুপেযিৱান্ ॥ ১ ॥
পুত্ৰঃ কেকযৰাজস্য সাক্ষাদ্ভৰতমাতুলঃ ।
দৃষ্ট্ৱা পৃষ্ট্ৱা চ কুশলং ৰাজানমিদমব্ৰৱীত্ ॥ ২ ॥
দৃষ্ট্ৱা পৃষ্ট্ৱা চ কুশলং ৰাজানমিদমব্ৰৱীত্ ॥ ২ ॥
কেকযাধিপতী ৰাজা স্নেহাত্ কুশলমব্ৰৱীত্ ।
যেষাং কুশলকামোঽসি তেষাং সম্প্ৰত্যনামযম্ ॥ ৩ ॥
যেষাং কুশলকামোঽসি তেষাং সম্প্ৰত্যনামযম্ ॥ ৩ ॥
স্ৱস্ৰীযং মম ৰাজেন্দ্ৰ দ্ৰষ্টুকামো মহীপতিঃ ।
তদৰ্থমুপযাতোঽহমযোধ্যাং ৰঘুনন্দন ॥ ৪ ॥
তদৰ্থমুপযাতোঽহমযোধ্যাং ৰঘুনন্দন ॥ ৪ ॥
শ্ৰুত্ৱা ত্ৱহমযোধ্যাযাং ৱিৱাহাৰ্থং তৱাত্মজান্ ।
মিথিলামুপযাতাংস্তু ত্ৱযা সহ মহীপতে ॥ ৫ ॥
মিথিলামুপযাতাংস্তু ত্ৱযা সহ মহীপতে ॥ ৫ ॥
ত্ৱৰযাঽভ্যুপযাতোঽহং দ্ৰষ্টুকামঃ স্ৱসুঃ সুতম্ ।
অথ ৰাজা দশৰথঃ প্ৰিযাতিথিমুপস্থিতম্ ।
দৃষ্ট্ৱা পৰমসত্কাৰৈঃ পূজনাৰ্হমপূজযত্ ॥ ৬ ॥
অথ ৰাজা দশৰথঃ প্ৰিযাতিথিমুপস্থিতম্ ।
দৃষ্ট্ৱা পৰমসত্কাৰৈঃ পূজনাৰ্হমপূজযত্ ॥ ৬ ॥
ততস্তামুষিতো ৰাত্ৰিং সহ পুত্ৰৈৰ্মহাত্মভিঃ ।
প্ৰভাতে পুনৰুত্থায কৃত্ৱা কৰ্মাণি কৰ্মৱিত্ ।
ঋষীংস্তদা পুৰস্কৃত্য যজ্ঞৱাটমুপাগমত্ ॥ ৭ ॥
প্ৰভাতে পুনৰুত্থায কৃত্ৱা কৰ্মাণি কৰ্মৱিত্ ।
ঋষীংস্তদা পুৰস্কৃত্য যজ্ঞৱাটমুপাগমত্ ॥ ৭ ॥
যুক্তে মুহূৰ্তে ৱিজযে সৰ্ৱাভৰণভূষিতৈঃ ।
ভ্ৰাতৃভিঃ সহিতো ৰামঃ কৃতকৌতুকমঙ্গলঃ ॥ ৮ ॥
ভ্ৰাতৃভিঃ সহিতো ৰামঃ কৃতকৌতুকমঙ্গলঃ ॥ ৮ ॥
ৱসিষ্ঠং পুৰতঃ কৃত্ৱা মহৰ্ষীনপৰানপি ।
পিতুঃ সমীপমাশ্ৰিত্য তস্থৌ ভ্ৰাতৃভিৰাৱৃতঃ ।
ৱসিষ্ঠো ভগৱানেত্য ৱৈদেহমিদমব্ৰৱীত্ ॥ ৯ ॥
পিতুঃ সমীপমাশ্ৰিত্য তস্থৌ ভ্ৰাতৃভিৰাৱৃতঃ ।
ৱসিষ্ঠো ভগৱানেত্য ৱৈদেহমিদমব্ৰৱীত্ ॥ ৯ ॥
ৰাজা দশৰথো ৰাজন্ কৃতকৌতুকমঙ্গলৈঃ ।
পুত্ৰৈৰ্নৰৱৰ শ্ৰেষ্ঠ দাতাৰমভিকাঙ্ক্ষতে ॥ ১০ ॥
পুত্ৰৈৰ্নৰৱৰ শ্ৰেষ্ঠ দাতাৰমভিকাঙ্ক্ষতে ॥ ১০ ॥
দাতৃপ্ৰতিগ্ৰহীতৃভ্যাং সৰ্ৱাৰ্থাঃ প্ৰভৱন্তি হি ।
স্ৱধৰ্মং প্ৰতিপদ্যস্ৱ কৃত্ৱা ৱৈৱাহ্যমুত্তমম্ ॥ ১১ ॥
স্ৱধৰ্মং প্ৰতিপদ্যস্ৱ কৃত্ৱা ৱৈৱাহ্যমুত্তমম্ ॥ ১১ ॥
ইত্যুক্তঃ পৰমোদাৰো ৱসিষ্ঠেন মহাত্মনা ।
প্ৰত্যুৱাচমহাতেজা ৱাক্যং পৰমধৰ্মৱিত্ ॥ ১২ ॥
প্ৰত্যুৱাচমহাতেজা ৱাক্যং পৰমধৰ্মৱিত্ ॥ ১২ ॥
কঃ স্থিতঃ প্ৰতিহাৰো মে কস্যাজ্ঞা সম্প্ৰতীক্ষ্যতে ।
স্ৱগৃহে কো ৱিচাৰোঽস্তি যথা ৰাজ্যমিদং তৱ ॥ ১৩ ॥
স্ৱগৃহে কো ৱিচাৰোঽস্তি যথা ৰাজ্যমিদং তৱ ॥ ১৩ ॥
কৃতকৌতুকসৰ্ৱস্ৱা ৱেদিমূলমুপাগতাঃ ।
মম কন্যা মুনিশ্ৰেষ্ঠ দীপ্তা ৱহ্নেৰিৱাৰ্চিষঃ ॥ ১৪ ॥
মম কন্যা মুনিশ্ৰেষ্ঠ দীপ্তা ৱহ্নেৰিৱাৰ্চিষঃ ॥ ১৪ ॥
সজ্জোঽহং ত্ৱত্প্ৰতীক্ষোঽস্মি ৱেদ্যামস্যাং প্ৰতিষ্ঠিতঃ ।
অৱিঘ্নং কুৰুতাং ৰাজা কিমৰ্থমৱলম্বতে ॥ ১৫ ॥
অৱিঘ্নং কুৰুতাং ৰাজা কিমৰ্থমৱলম্বতে ॥ ১৫ ॥
তদ্ৱাক্যং জনকেনোক্তং শ্ৰুত্ৱা দশৰথস্তদা ।
প্ৰৱেশযামাস সুতান্ সৰ্ৱানৃষিগণানপি ॥ ১৬ ॥
প্ৰৱেশযামাস সুতান্ সৰ্ৱানৃষিগণানপি ॥ ১৬ ॥
ততো ৰাজা ৱিদেহানাং ৱসিষ্ঠমিদমব্ৰৱীত্ ।
কাৰযস্ৱ ঋষে সৰ্ৱামৃষিভিঃ সহ ধাৰ্মিক ।
ৰামস্য লোকৰামস্য ক্ৰিযাং ৱৈৱাহিকীং প্ৰভো ॥ ১৭ ॥
কাৰযস্ৱ ঋষে সৰ্ৱামৃষিভিঃ সহ ধাৰ্মিক ।
ৰামস্য লোকৰামস্য ক্ৰিযাং ৱৈৱাহিকীং প্ৰভো ॥ ১৭ ॥
তথেত্যুক্ত্ৱা তু জনকং ৱসিষ্ঠো ভগৱানৃষিঃ ।
ৱিশ্ৱামিত্ৰং পুৰস্কৃত্য শতানন্দং চ ধাৰ্মিকম্ ॥ ১৮ ॥
ৱিশ্ৱামিত্ৰং পুৰস্কৃত্য শতানন্দং চ ধাৰ্মিকম্ ॥ ১৮ ॥
প্ৰপামধ্যে তু ৱিধিৱদ্ৱেদিং কৃত্ৱা মহাতপাঃ ।
অলঞ্চকাৰ তাং ৱেদিং গন্ধপুষ্পৈঃ সমন্ততঃ ॥ ১৯ ॥
অলঞ্চকাৰ তাং ৱেদিং গন্ধপুষ্পৈঃ সমন্ততঃ ॥ ১৯ ॥
সুৱৰ্ণপালিকাভিশ্চ ছিদ্ৰকুম্ভৈশ্চ সাঙ্কুৰৈঃ ।
অঙ্কুৰাঢ্যৈঃ শৰাৱৈশ্চ ধূপপাত্ৰৈঃ সধূপকৈঃ ॥ ২০ ॥
অঙ্কুৰাঢ্যৈঃ শৰাৱৈশ্চ ধূপপাত্ৰৈঃ সধূপকৈঃ ॥ ২০ ॥
শঙ্খপাত্ৰৈঃ স্ৰুৱৈঃ স্ৰুগ্ভিঃ পাত্ৰৈৰৰ্ঘ্যাভিপূৰিতৈঃ ।
লাজপূৰ্ণৈশ্চ পাত্ৰীভিৰক্ষতৈৰভিসংস্কৃতৈঃ ॥ ২১ ॥
লাজপূৰ্ণৈশ্চ পাত্ৰীভিৰক্ষতৈৰভিসংস্কৃতৈঃ ॥ ২১ ॥
দৰ্ভৈঃ সমৈঃ সমাস্তীৰ্য ৱিধিৱন্মন্ত্ৰপূৰ্ৱকম্ ।
অগ্নিমাধায ৱেদ্যাং তু ৱিধিমন্ত্ৰপুৰস্কৃতম্ ॥ ২২ ॥
জুহাৱাগ্নৌ মহাতেজা ৱসিষ্ঠো ভগৱানৃষিঃ ।
অগ্নিমাধায ৱেদ্যাং তু ৱিধিমন্ত্ৰপুৰস্কৃতম্ ॥ ২২ ॥
জুহাৱাগ্নৌ মহাতেজা ৱসিষ্ঠো ভগৱানৃষিঃ ।
ততঃ সীতাং সমানীয সৰ্ৱাভৰণভূষিতাম্ ।
সমক্ষমগ্নেঃ সংস্থাপ্য ৰাঘৱাভিমুখে তদা ।
অব্ৰৱীজ্জনকো ৰাজা কৌসল্যানন্দৱৰ্ধনম্ ॥ ২৩ ॥
সমক্ষমগ্নেঃ সংস্থাপ্য ৰাঘৱাভিমুখে তদা ।
অব্ৰৱীজ্জনকো ৰাজা কৌসল্যানন্দৱৰ্ধনম্ ॥ ২৩ ॥
ইযং সীতা মম সুতা সহধৰ্মচৰী তৱ ।
প্ৰতীচ্ছ চৈনাং ভদ্ৰং তে পাণিং গৃহ্ণীষ্ৱ পাণিনা ॥ ২৪ ॥
প্ৰতীচ্ছ চৈনাং ভদ্ৰং তে পাণিং গৃহ্ণীষ্ৱ পাণিনা ॥ ২৪ ॥
পতিৱ্ৰতা মহাভাগা ছাযেৱানুগতা সদা ।
ইত্যুক্ত্ৱা প্ৰাক্ষিপদ্ৰাজা মন্ত্ৰপূতং জলং তদা ॥ ২৫ ॥
ইত্যুক্ত্ৱা প্ৰাক্ষিপদ্ৰাজা মন্ত্ৰপূতং জলং তদা ॥ ২৫ ॥
সাধুসাধ্ৱিতি দেৱানামৃষীণাং ৱদতাং তদা ।
দেৱদুন্দুভিনিৰ্ঘোষঃ পুষ্পৱৰ্ষো মহানভূত্ ॥ ২৬ ॥
দেৱদুন্দুভিনিৰ্ঘোষঃ পুষ্পৱৰ্ষো মহানভূত্ ॥ ২৬ ॥
এৱং দত্ৱা তদা সীতাং মন্ত্ৰোদকপুৰস্কৃতাম্ ।
অব্ৰৱীজ্জনকো ৰাজা হৰ্ষেণাভিপৰিপ্লুতঃ ॥ ২৭ ॥
অব্ৰৱীজ্জনকো ৰাজা হৰ্ষেণাভিপৰিপ্লুতঃ ॥ ২৭ ॥
লক্ষ্মণাগচ্ছ ভদ্ৰং তে ঊৰ্মিলামুদ্যতাং মযা ।
প্ৰতীচ্ছ পাণিং গৃহ্ণীষ্ৱ মা ভূত্কালস্য পৰ্যযঃ ॥ ২৮ ॥
প্ৰতীচ্ছ পাণিং গৃহ্ণীষ্ৱ মা ভূত্কালস্য পৰ্যযঃ ॥ ২৮ ॥
তমেৱমুক্ত্ৱা জনকো ভৰতং চাভ্যভাষত ।
গৃহাণ পাণিং মাণ্ডৱ্যাঃ পাণিনা ৰঘুনন্দন ॥ ২৯ ॥
গৃহাণ পাণিং মাণ্ডৱ্যাঃ পাণিনা ৰঘুনন্দন ॥ ২৯ ॥
শত্ৰুঘ্নং চাপি ধৰ্মাত্মা অব্ৰৱীজ্জনকেশ্ৱৰঃ ।
শ্ৰুতকীৰ্ত্যা মহাবাহো পাণিং গৃহ্ণীষ্ৱ পাণিনা ॥ ৩০ ॥
শ্ৰুতকীৰ্ত্যা মহাবাহো পাণিং গৃহ্ণীষ্ৱ পাণিনা ॥ ৩০ ॥
সৰ্ৱে ভৱন্তঃ সৌম্যাশ্চ সৰ্ৱে সুচৰিতৱ্ৰতাঃ ।
পত্নীভিঃ সন্তু কাকুত্স্থা মা ভূত্কালস্য পৰ্যযঃ ॥ ৩১ ॥
পত্নীভিঃ সন্তু কাকুত্স্থা মা ভূত্কালস্য পৰ্যযঃ ॥ ৩১ ॥
জনকস্য ৱচঃ শ্ৰুত্ৱা পাণীন্পাণিভিৰস্পৃশন্ ।
চত্ৱাৰস্তে চতসৃণাং ৱসিষ্ঠস্য মতে স্থিতাঃ ॥ ৩২ ॥
চত্ৱাৰস্তে চতসৃণাং ৱসিষ্ঠস্য মতে স্থিতাঃ ॥ ৩২ ॥
অগ্নিং প্ৰদক্ষিণীকৃত্য ৱেদিং ৰাজানমেৱ চ ।
ঋষীংশ্চৈৱ মহাত্মানঃ সভাৰ্যা ৰঘুসত্তমাঃ ।
যথোক্তেন তথা চক্ৰুৰ্ৱিৱাহং ৱিধিপূৰ্ৱকম্ ॥ ৩৩ ॥
ঋষীংশ্চৈৱ মহাত্মানঃ সভাৰ্যা ৰঘুসত্তমাঃ ।
যথোক্তেন তথা চক্ৰুৰ্ৱিৱাহং ৱিধিপূৰ্ৱকম্ ॥ ৩৩ ॥
পুষ্পৱৃষ্টিৰ্মহত্যাসীদন্তৰিক্ষাত্সুভাস্ৱৰা ।
দিৱ্যদুন্দুভিনিৰ্ঘোষৈৰ্গীতৱাদিত্ৰনিঃস্ৱনৈঃ ॥ ৩৪ ॥
দিৱ্যদুন্দুভিনিৰ্ঘোষৈৰ্গীতৱাদিত্ৰনিঃস্ৱনৈঃ ॥ ৩৪ ॥
ননৃতুশ্চাপ্সৰস্সঙ্ঘা গন্ধৰ্ৱাশ্চ জগুঃ কলম্ ।
ৱিৱাহে ৰঘুমুখ্যানাং তদদ্ভুতমদৃশ্যত ॥ ৩৫ ॥
ৱিৱাহে ৰঘুমুখ্যানাং তদদ্ভুতমদৃশ্যত ॥ ৩৫ ॥
ঈদৃশে ৱৰ্তমানে তু তূৰ্যোদ্ঘুষ্টনিনাদিতে ।
ত্ৰিৰগ্নিং তে পৰিক্ৰম্য ঊহুৰ্ভাৰ্যা মহৌজসঃ ॥ ৩৬ ॥
ত্ৰিৰগ্নিং তে পৰিক্ৰম্য ঊহুৰ্ভাৰ্যা মহৌজসঃ ॥ ৩৬ ॥
অথোপকাৰ্যাং জগ্মুস্তে সভাৰ্যা ৰঘুনন্দনাঃ ।
ৰাজাঽপি অনুযযৌ পশ্যন্সৰ্ষিসঙ্ঘঃ সবান্ধৱঃ ॥ ৩৭ ॥
ৰাজাঽপি অনুযযৌ পশ্যন্সৰ্ষিসঙ্ঘঃ সবান্ধৱঃ ॥ ৩৭ ॥
॥ ইত্যাৰ্ষে শ্ৰীমদ্ৰামাযণে ৱাল্মীকীযে বালকাণ্ডে ত্ৰিসপ্ততিতমঃ সৰ্গঃ সম্পূৰ্ণম্ ॥