॥ শ্রী সীতারাম কল্যাণ সর্গঃ ॥
(শ্রীমদ্রামাযণে বালকাণ্ডে ত্রিসপ্ততিতমঃ সর্গঃ)
যস্মিংস্তু দিবসে রাজা চক্রে গোদানমুত্তমম্ ।
তস্মিংস্তু দিবসে বীরো যুধাজিত্সমুপেযিবান্ ॥ ১ ॥
তস্মিংস্তু দিবসে বীরো যুধাজিত্সমুপেযিবান্ ॥ ১ ॥
পুত্রঃ কেকযরাজস্য সাক্ষাদ্ভরতমাতুলঃ ।
দৃষ্ট্বা পৃষ্ট্বা চ কুশলং রাজানমিদমব্রবীত্ ॥ ২ ॥
দৃষ্ট্বা পৃষ্ট্বা চ কুশলং রাজানমিদমব্রবীত্ ॥ ২ ॥
কেকযাধিপতী রাজা স্নেহাত্ কুশলমব্রবীত্ ।
যেষাং কুশলকামোঽসি তেষাং সম্প্রত্যনামযম্ ॥ ৩ ॥
যেষাং কুশলকামোঽসি তেষাং সম্প্রত্যনামযম্ ॥ ৩ ॥
স্বস্রীযং মম রাজেন্দ্র দ্রষ্টুকামো মহীপতিঃ ।
তদর্থমুপযাতোঽহমযোধ্যাং রঘুনন্দন ॥ ৪ ॥
তদর্থমুপযাতোঽহমযোধ্যাং রঘুনন্দন ॥ ৪ ॥
শ্রুত্বা ত্বহমযোধ্যাযাং বিবাহার্থং তবাত্মজান্ ।
মিথিলামুপযাতাংস্তু ত্বযা সহ মহীপতে ॥ ৫ ॥
মিথিলামুপযাতাংস্তু ত্বযা সহ মহীপতে ॥ ৫ ॥
ত্বরযাঽভ্যুপযাতোঽহং দ্রষ্টুকামঃ স্বসুঃ সুতম্ ।
অথ রাজা দশরথঃ প্রিযাতিথিমুপস্থিতম্ ।
দৃষ্ট্বা পরমসত্কারৈঃ পূজনার্হমপূজযত্ ॥ ৬ ॥
অথ রাজা দশরথঃ প্রিযাতিথিমুপস্থিতম্ ।
দৃষ্ট্বা পরমসত্কারৈঃ পূজনার্হমপূজযত্ ॥ ৬ ॥
ততস্তামুষিতো রাত্রিং সহ পুত্রৈর্মহাত্মভিঃ ।
প্রভাতে পুনরুত্থায কৃত্বা কর্মাণি কর্মবিত্ ।
ঋষীংস্তদা পুরস্কৃত্য যজ্ঞবাটমুপাগমত্ ॥ ৭ ॥
প্রভাতে পুনরুত্থায কৃত্বা কর্মাণি কর্মবিত্ ।
ঋষীংস্তদা পুরস্কৃত্য যজ্ঞবাটমুপাগমত্ ॥ ৭ ॥
যুক্তে মুহূর্তে বিজযে সর্বাভরণভূষিতৈঃ ।
ভ্রাতৃভিঃ সহিতো রামঃ কৃতকৌতুকমঙ্গলঃ ॥ ৮ ॥
ভ্রাতৃভিঃ সহিতো রামঃ কৃতকৌতুকমঙ্গলঃ ॥ ৮ ॥
বসিষ্ঠং পুরতঃ কৃত্বা মহর্ষীনপরানপি ।
পিতুঃ সমীপমাশ্রিত্য তস্থৌ ভ্রাতৃভিরাবৃতঃ ।
বসিষ্ঠো ভগবানেত্য বৈদেহমিদমব্রবীত্ ॥ ৯ ॥
পিতুঃ সমীপমাশ্রিত্য তস্থৌ ভ্রাতৃভিরাবৃতঃ ।
বসিষ্ঠো ভগবানেত্য বৈদেহমিদমব্রবীত্ ॥ ৯ ॥
রাজা দশরথো রাজন্ কৃতকৌতুকমঙ্গলৈঃ ।
পুত্রৈর্নরবর শ্রেষ্ঠ দাতারমভিকাঙ্ক্ষতে ॥ ১০ ॥
পুত্রৈর্নরবর শ্রেষ্ঠ দাতারমভিকাঙ্ক্ষতে ॥ ১০ ॥
দাতৃপ্রতিগ্রহীতৃভ্যাং সর্বার্থাঃ প্রভবন্তি হি ।
স্বধর্মং প্রতিপদ্যস্ব কৃত্বা বৈবাহ্যমুত্তমম্ ॥ ১১ ॥
স্বধর্মং প্রতিপদ্যস্ব কৃত্বা বৈবাহ্যমুত্তমম্ ॥ ১১ ॥
ইত্যুক্তঃ পরমোদারো বসিষ্ঠেন মহাত্মনা ।
প্রত্যুবাচমহাতেজা বাক্যং পরমধর্মবিত্ ॥ ১২ ॥
প্রত্যুবাচমহাতেজা বাক্যং পরমধর্মবিত্ ॥ ১২ ॥
কঃ স্থিতঃ প্রতিহারো মে কস্যাজ্ঞা সম্প্রতীক্ষ্যতে ।
স্বগৃহে কো বিচারোঽস্তি যথা রাজ্যমিদং তব ॥ ১৩ ॥
স্বগৃহে কো বিচারোঽস্তি যথা রাজ্যমিদং তব ॥ ১৩ ॥
কৃতকৌতুকসর্বস্বা বেদিমূলমুপাগতাঃ ।
মম কন্যা মুনিশ্রেষ্ঠ দীপ্তা বহ্নেরিবার্চিষঃ ॥ ১৪ ॥
মম কন্যা মুনিশ্রেষ্ঠ দীপ্তা বহ্নেরিবার্চিষঃ ॥ ১৪ ॥
সজ্জোঽহং ত্বত্প্রতীক্ষোঽস্মি বেদ্যামস্যাং প্রতিষ্ঠিতঃ ।
অবিঘ্নং কুরুতাং রাজা কিমর্থমবলম্বতে ॥ ১৫ ॥
অবিঘ্নং কুরুতাং রাজা কিমর্থমবলম্বতে ॥ ১৫ ॥
তদ্বাক্যং জনকেনোক্তং শ্রুত্বা দশরথস্তদা ।
প্রবেশযামাস সুতান্ সর্বানৃষিগণানপি ॥ ১৬ ॥
প্রবেশযামাস সুতান্ সর্বানৃষিগণানপি ॥ ১৬ ॥
ততো রাজা বিদেহানাং বসিষ্ঠমিদমব্রবীত্ ।
কারযস্ব ঋষে সর্বামৃষিভিঃ সহ ধার্মিক ।
রামস্য লোকরামস্য ক্রিযাং বৈবাহিকীং প্রভো ॥ ১৭ ॥
কারযস্ব ঋষে সর্বামৃষিভিঃ সহ ধার্মিক ।
রামস্য লোকরামস্য ক্রিযাং বৈবাহিকীং প্রভো ॥ ১৭ ॥
তথেত্যুক্ত্বা তু জনকং বসিষ্ঠো ভগবানৃষিঃ ।
বিশ্বামিত্রং পুরস্কৃত্য শতানন্দং চ ধার্মিকম্ ॥ ১৮ ॥
বিশ্বামিত্রং পুরস্কৃত্য শতানন্দং চ ধার্মিকম্ ॥ ১৮ ॥
প্রপামধ্যে তু বিধিবদ্বেদিং কৃত্বা মহাতপাঃ ।
অলঞ্চকার তাং বেদিং গন্ধপুষ্পৈঃ সমন্ততঃ ॥ ১৯ ॥
অলঞ্চকার তাং বেদিং গন্ধপুষ্পৈঃ সমন্ততঃ ॥ ১৯ ॥
সুবর্ণপালিকাভিশ্চ ছিদ্রকুম্ভৈশ্চ সাঙ্কুরৈঃ ।
অঙ্কুরাঢ্যৈঃ শরাবৈশ্চ ধূপপাত্রৈঃ সধূপকৈঃ ॥ ২০ ॥
অঙ্কুরাঢ্যৈঃ শরাবৈশ্চ ধূপপাত্রৈঃ সধূপকৈঃ ॥ ২০ ॥
শঙ্খপাত্রৈঃ স্রুবৈঃ স্রুগ্ভিঃ পাত্রৈরর্ঘ্যাভিপূরিতৈঃ ।
লাজপূর্ণৈশ্চ পাত্রীভিরক্ষতৈরভিসংস্কৃতৈঃ ॥ ২১ ॥
লাজপূর্ণৈশ্চ পাত্রীভিরক্ষতৈরভিসংস্কৃতৈঃ ॥ ২১ ॥
দর্ভৈঃ সমৈঃ সমাস্তীর্য বিধিবন্মন্ত্রপূর্বকম্ ।
অগ্নিমাধায বেদ্যাং তু বিধিমন্ত্রপুরস্কৃতম্ ॥ ২২ ॥
জুহাবাগ্নৌ মহাতেজা বসিষ্ঠো ভগবানৃষিঃ ।
অগ্নিমাধায বেদ্যাং তু বিধিমন্ত্রপুরস্কৃতম্ ॥ ২২ ॥
জুহাবাগ্নৌ মহাতেজা বসিষ্ঠো ভগবানৃষিঃ ।
ততঃ সীতাং সমানীয সর্বাভরণভূষিতাম্ ।
সমক্ষমগ্নেঃ সংস্থাপ্য রাঘবাভিমুখে তদা ।
অব্রবীজ্জনকো রাজা কৌসল্যানন্দবর্ধনম্ ॥ ২৩ ॥
সমক্ষমগ্নেঃ সংস্থাপ্য রাঘবাভিমুখে তদা ।
অব্রবীজ্জনকো রাজা কৌসল্যানন্দবর্ধনম্ ॥ ২৩ ॥
ইযং সীতা মম সুতা সহধর্মচরী তব ।
প্রতীচ্ছ চৈনাং ভদ্রং তে পাণিং গৃহ্ণীষ্ব পাণিনা ॥ ২৪ ॥
প্রতীচ্ছ চৈনাং ভদ্রং তে পাণিং গৃহ্ণীষ্ব পাণিনা ॥ ২৪ ॥
পতিব্রতা মহাভাগা ছাযেবানুগতা সদা ।
ইত্যুক্ত্বা প্রাক্ষিপদ্রাজা মন্ত্রপূতং জলং তদা ॥ ২৫ ॥
ইত্যুক্ত্বা প্রাক্ষিপদ্রাজা মন্ত্রপূতং জলং তদা ॥ ২৫ ॥
সাধুসাধ্বিতি দেবানামৃষীণাং বদতাং তদা ।
দেবদুন্দুভিনির্ঘোষঃ পুষ্পবর্ষো মহানভূত্ ॥ ২৬ ॥
দেবদুন্দুভিনির্ঘোষঃ পুষ্পবর্ষো মহানভূত্ ॥ ২৬ ॥
এবং দত্বা তদা সীতাং মন্ত্রোদকপুরস্কৃতাম্ ।
অব্রবীজ্জনকো রাজা হর্ষেণাভিপরিপ্লুতঃ ॥ ২৭ ॥
অব্রবীজ্জনকো রাজা হর্ষেণাভিপরিপ্লুতঃ ॥ ২৭ ॥
লক্ষ্মণাগচ্ছ ভদ্রং তে ঊর্মিলামুদ্যতাং মযা ।
প্রতীচ্ছ পাণিং গৃহ্ণীষ্ব মা ভূত্কালস্য পর্যযঃ ॥ ২৮ ॥
প্রতীচ্ছ পাণিং গৃহ্ণীষ্ব মা ভূত্কালস্য পর্যযঃ ॥ ২৮ ॥
তমেবমুক্ত্বা জনকো ভরতং চাভ্যভাষত ।
গৃহাণ পাণিং মাণ্ডব্যাঃ পাণিনা রঘুনন্দন ॥ ২৯ ॥
গৃহাণ পাণিং মাণ্ডব্যাঃ পাণিনা রঘুনন্দন ॥ ২৯ ॥
শত্রুঘ্নং চাপি ধর্মাত্মা অব্রবীজ্জনকেশ্বরঃ ।
শ্রুতকীর্ত্যা মহাবাহো পাণিং গৃহ্ণীষ্ব পাণিনা ॥ ৩০ ॥
শ্রুতকীর্ত্যা মহাবাহো পাণিং গৃহ্ণীষ্ব পাণিনা ॥ ৩০ ॥
সর্বে ভবন্তঃ সৌম্যাশ্চ সর্বে সুচরিতব্রতাঃ ।
পত্নীভিঃ সন্তু কাকুত্স্থা মা ভূত্কালস্য পর্যযঃ ॥ ৩১ ॥
পত্নীভিঃ সন্তু কাকুত্স্থা মা ভূত্কালস্য পর্যযঃ ॥ ৩১ ॥
জনকস্য বচঃ শ্রুত্বা পাণীন্পাণিভিরস্পৃশন্ ।
চত্বারস্তে চতসৃণাং বসিষ্ঠস্য মতে স্থিতাঃ ॥ ৩২ ॥
চত্বারস্তে চতসৃণাং বসিষ্ঠস্য মতে স্থিতাঃ ॥ ৩২ ॥
অগ্নিং প্রদক্ষিণীকৃত্য বেদিং রাজানমেব চ ।
ঋষীংশ্চৈব মহাত্মানঃ সভার্যা রঘুসত্তমাঃ ।
যথোক্তেন তথা চক্রুর্বিবাহং বিধিপূর্বকম্ ॥ ৩৩ ॥
ঋষীংশ্চৈব মহাত্মানঃ সভার্যা রঘুসত্তমাঃ ।
যথোক্তেন তথা চক্রুর্বিবাহং বিধিপূর্বকম্ ॥ ৩৩ ॥
পুষ্পবৃষ্টির্মহত্যাসীদন্তরিক্ষাত্সুভাস্বরা ।
দিব্যদুন্দুভিনির্ঘোষৈর্গীতবাদিত্রনিঃস্বনৈঃ ॥ ৩৪ ॥
দিব্যদুন্দুভিনির্ঘোষৈর্গীতবাদিত্রনিঃস্বনৈঃ ॥ ৩৪ ॥
ননৃতুশ্চাপ্সরস্সঙ্ঘা গন্ধর্বাশ্চ জগুঃ কলম্ ।
বিবাহে রঘুমুখ্যানাং তদদ্ভুতমদৃশ্যত ॥ ৩৫ ॥
বিবাহে রঘুমুখ্যানাং তদদ্ভুতমদৃশ্যত ॥ ৩৫ ॥
ঈদৃশে বর্তমানে তু তূর্যোদ্ঘুষ্টনিনাদিতে ।
ত্রিরগ্নিং তে পরিক্রম্য ঊহুর্ভার্যা মহৌজসঃ ॥ ৩৬ ॥
ত্রিরগ্নিং তে পরিক্রম্য ঊহুর্ভার্যা মহৌজসঃ ॥ ৩৬ ॥
অথোপকার্যাং জগ্মুস্তে সভার্যা রঘুনন্দনাঃ ।
রাজাঽপি অনুযযৌ পশ্যন্সর্ষিসঙ্ঘঃ সবান্ধবঃ ॥ ৩৭ ॥
রাজাঽপি অনুযযৌ পশ্যন্সর্ষিসঙ্ঘঃ সবান্ধবঃ ॥ ৩৭ ॥
॥ ইত্যার্ষে শ্রীমদ্রামাযণে বাল্মীকীযে বালকাণ্ডে ত্রিসপ্ততিতমঃ সর্গঃ সম্পূর্ণম্ ॥