শ্রীগোপা ঊচুঃ
রাম রাম মহাবাহো কৃষ্ণ দুষ্টনিবর্হণ ।
এষা বৈ বাধতে ক্ষুন্নস্তচ্ছান্তিং কর্তুমর্হথঃ ॥ ১ ॥
রাম রাম মহাবাহো কৃষ্ণ দুষ্টনিবর্হণ ।
এষা বৈ বাধতে ক্ষুন্নস্তচ্ছান্তিং কর্তুমর্হথঃ ॥ ১ ॥
শ্রীশুক উবাচ
ইতি বিজ্ঞাপিতো গোপৈর্ভগবান্ দেবকীসুতঃ ।
ভক্তাযা বিপ্রভার্যাযাঃ প্রসীদন্নিদমব্রবীত্ ॥ ২ ॥
ইতি বিজ্ঞাপিতো গোপৈর্ভগবান্ দেবকীসুতঃ ।
ভক্তাযা বিপ্রভার্যাযাঃ প্রসীদন্নিদমব্রবীত্ ॥ ২ ॥
প্রযাত দেবযজনং ব্রাহ্মণা ব্রহ্মবাদিনঃ ।
সত্রমাঙ্গিরসং নাম হ্যাসতে স্বর্গকাম্যযা ॥ ৩ ॥
সত্রমাঙ্গিরসং নাম হ্যাসতে স্বর্গকাম্যযা ॥ ৩ ॥
তত্র গত্বৌদনং গোপা যাচতাস্মদ্বিসর্জিতাঃ ।
কীর্তযন্তো ভগবত আর্যস্য মম চাভিধাম্ ॥ ৪ ॥
কীর্তযন্তো ভগবত আর্যস্য মম চাভিধাম্ ॥ ৪ ॥
ইত্যাদিষ্টা ভগবতা গত্বাযাচন্ত তে তথা ।
কৃতাঞ্জলিপুটা বিপ্রান্দণ্ডবত্পতিতা ভুবি ॥ ৫ ॥
কৃতাঞ্জলিপুটা বিপ্রান্দণ্ডবত্পতিতা ভুবি ॥ ৫ ॥
হে ভূমিদেবাঃ শৃণুত কৃষ্ণস্যাদেশকারিণঃ ।
প্রাপ্তাঞ্জানীত ভদ্রং বো গোপান্নো রামচোদিতান্ ॥ ৬ ॥
প্রাপ্তাঞ্জানীত ভদ্রং বো গোপান্নো রামচোদিতান্ ॥ ৬ ॥
গাশ্চারযন্তাববিদূর ওদনং
রামাচ্যুতৌ বো লষতো বুভুক্ষিতৌ ।
তযোর্দ্বিজা ওদনমর্থিনোর্যদি
শ্রদ্ধা চ বো যচ্ছত ধর্মবিত্তমাঃ ॥ ৭ ॥
রামাচ্যুতৌ বো লষতো বুভুক্ষিতৌ ।
তযোর্দ্বিজা ওদনমর্থিনোর্যদি
শ্রদ্ধা চ বো যচ্ছত ধর্মবিত্তমাঃ ॥ ৭ ॥
দীক্ষাযাঃ পশুসংস্থাযাঃ সৌত্রামণ্যাশ্চ সত্তমাঃ ।
অন্যত্র দীক্ষিতস্যাপি নান্নমশ্নন্ হি দুষ্যতি ॥ ৮ ॥
অন্যত্র দীক্ষিতস্যাপি নান্নমশ্নন্ হি দুষ্যতি ॥ ৮ ॥
ইতি তে ভগবদ্যাচ্ঞাং শৃণ্বন্তোঽপি ন শুশ্রুবুঃ ।
ক্ষুদ্রাশা ভূরিকর্মাণো বালিশা বৃদ্ধমানিনঃ ॥ ৯ ॥
ক্ষুদ্রাশা ভূরিকর্মাণো বালিশা বৃদ্ধমানিনঃ ॥ ৯ ॥
দেশঃ কালঃ পৃথগ্দ্রব্যং মন্ত্রতন্ত্রর্ত্বিজোঽগ্নযঃ ।
দেবতা যজমানশ্চ ক্রতুর্ধর্মশ্চ যন্মযঃ ॥ ১০ ॥
দেবতা যজমানশ্চ ক্রতুর্ধর্মশ্চ যন্মযঃ ॥ ১০ ॥
তং ব্রহ্ম পরমং সাক্ষাদ্ ভগবন্তমধোক্ষজম্ ।
মনুষ্যদৃষ্ট্যা দুষ্প্রজ্ঞা মর্ত্যাত্মানো ন মেনিরে ॥ ১১ ॥
মনুষ্যদৃষ্ট্যা দুষ্প্রজ্ঞা মর্ত্যাত্মানো ন মেনিরে ॥ ১১ ॥
ন তে যদোমিতি প্রোচুর্ন নেতি চ পরন্তপ ।
গোপা নিরাশাঃ প্রত্যেত্য তথোচুঃ কৃষ্ণরামযোঃ ॥ ১২ ॥
গোপা নিরাশাঃ প্রত্যেত্য তথোচুঃ কৃষ্ণরামযোঃ ॥ ১২ ॥
তদুপাকর্ণ্য ভগবান্ প্রহস্য জগদীশ্বরঃ ।
ব্যাজহার পুনর্গোপান্ দর্শযন্লৌকিকীং গতিম্ ॥ ১৩ ॥
ব্যাজহার পুনর্গোপান্ দর্শযন্লৌকিকীং গতিম্ ॥ ১৩ ॥
মাং জ্ঞাপযত পত্নীভ্যঃ সসঙ্কর্ষণমাগতম্ ।
দাস্যন্তি কামমন্নং বঃ স্নিগ্ধা ময্যুষিতা ধিযা ॥ ১৪ ॥
দাস্যন্তি কামমন্নং বঃ স্নিগ্ধা ময্যুষিতা ধিযা ॥ ১৪ ॥
গত্বাথ পত্নীশালাযাং দৃষ্ট্বাসীনাঃ স্বলঙ্কৃতাঃ ।
নত্বা দ্বিজসতীর্গোপাঃ প্রশ্রিতা ইদমব্রুবন্ ॥ ১৫ ॥
নত্বা দ্বিজসতীর্গোপাঃ প্রশ্রিতা ইদমব্রুবন্ ॥ ১৫ ॥
নমো বো বিপ্রপত্নীভ্যো নিবোধত বচাংসি নঃ ।
ইতোঽবিদূরে চরতা কৃষ্ণেনেহেষিতা বযম্ ॥ ১৬ ॥
ইতোঽবিদূরে চরতা কৃষ্ণেনেহেষিতা বযম্ ॥ ১৬ ॥
গাশ্চারযন্ স গোপালৈঃ সরামো দূরমাগতঃ ।
বুভুক্ষিতস্য তস্যান্নং সানুগস্য প্রদীযতাম্ ॥ ১৭ ॥
বুভুক্ষিতস্য তস্যান্নং সানুগস্য প্রদীযতাম্ ॥ ১৭ ॥
শ্রুত্বাচ্যুতমুপাযাতং নিত্যং তদ্দর্শনোত্সুকাঃ ।
তত্কথাক্ষিপ্তমনসো বভূবুর্জাতসম্ভ্রমাঃ ॥ ১৮ ॥
তত্কথাক্ষিপ্তমনসো বভূবুর্জাতসম্ভ্রমাঃ ॥ ১৮ ॥
চতুর্বিধং বহুগুণমন্নমাদায ভাজনৈঃ ।
অভিসস্রুঃ প্রিযং সর্বাঃ সমুদ্রমিব নিম্নগাঃ ॥ ১৯ ॥
অভিসস্রুঃ প্রিযং সর্বাঃ সমুদ্রমিব নিম্নগাঃ ॥ ১৯ ॥
নিষিধ্যমানাঃ পতিভির্ভ্রাতৃভির্বন্ধুভিঃ সুতৈঃ ।
ভগবত্যুত্তমশ্লোকে দীর্ঘশ্রুতধৃতাশযাঃ ॥ ২০ ॥
ভগবত্যুত্তমশ্লোকে দীর্ঘশ্রুতধৃতাশযাঃ ॥ ২০ ॥
যমুনোপবনেঽশোকনবপল্লবমণ্ডিতে ।
বিচরন্তং বৃতং গোপৈঃ সাগ্রজং দদৃশুঃ স্ত্রিযঃ ॥ ২১ ॥
বিচরন্তং বৃতং গোপৈঃ সাগ্রজং দদৃশুঃ স্ত্রিযঃ ॥ ২১ ॥
শ্যামং হিরণ্যপরিধিং বনমাল্যবর্হ-
ধাতুপ্রবালনটবেষমনুব্রতাংসে ।
বিন্যস্তহস্তমিতরেণ ধুনানমব্জং
কর্ণোত্পলালককপোলমুখাব্জহাসম্ ॥ ২২ ॥
ধাতুপ্রবালনটবেষমনুব্রতাংসে ।
বিন্যস্তহস্তমিতরেণ ধুনানমব্জং
কর্ণোত্পলালককপোলমুখাব্জহাসম্ ॥ ২২ ॥
প্রাযঃশ্রুতপ্রিযতমোদযকর্ণপূরৈ-
র্যস্মিন্ নিমগ্নমনসস্তমথাক্ষিরন্ধ্রৈঃ ।
অন্তঃ প্রবেশ্য সুচিরং পরিরভ্য তাপং
প্রাজ্ঞং যথাভিমতযো বিজহুর্নরেন্দ্র ॥ ২৩ ॥
র্যস্মিন্ নিমগ্নমনসস্তমথাক্ষিরন্ধ্রৈঃ ।
অন্তঃ প্রবেশ্য সুচিরং পরিরভ্য তাপং
প্রাজ্ঞং যথাভিমতযো বিজহুর্নরেন্দ্র ॥ ২৩ ॥
তাস্তথা ত্যক্তসর্বাশাঃ প্রাপ্তা আত্মদিদৃক্ষযা ।
বিজ্ঞাযাখিলদৃগ্দ্রষ্টা প্রাহ প্রহসিতাননঃ ॥ ২৪ ॥
বিজ্ঞাযাখিলদৃগ্দ্রষ্টা প্রাহ প্রহসিতাননঃ ॥ ২৪ ॥
স্বাগতং বো মহাভাগা আস্যতাং করবাম কিম্ ।
যন্নো দিদৃক্ষযা প্রাপ্তা উপপন্নমিদং হি বঃ ॥ ২৫ ॥
যন্নো দিদৃক্ষযা প্রাপ্তা উপপন্নমিদং হি বঃ ॥ ২৫ ॥
নন্বদ্ধা মযি কুর্বন্তি কুশলাঃ স্বার্থদর্শিনঃ ।
অহৈতুক্যব্যবহিতাং ভক্তিমাত্মপ্রিযে যথা ॥ ২৬ ॥
অহৈতুক্যব্যবহিতাং ভক্তিমাত্মপ্রিযে যথা ॥ ২৬ ॥
প্রাণবুদ্ধিমনঃস্বাত্মদারাপত্যধনাদযঃ ।
যত্সম্পর্কাত্প্রিযা আসংস্ততঃ কো ন্বপরঃ প্রিযঃ ॥ ২৭ ॥
যত্সম্পর্কাত্প্রিযা আসংস্ততঃ কো ন্বপরঃ প্রিযঃ ॥ ২৭ ॥
তদ্ যাত দেবযজনং পতযো বো দ্বিজাতযঃ ।
স্বসত্রং পারযিষ্যন্তি যুষ্মাভির্গৃহমেধিনঃ ॥ ২৮ ॥
স্বসত্রং পারযিষ্যন্তি যুষ্মাভির্গৃহমেধিনঃ ॥ ২৮ ॥
শ্রীপত্ন্য ঊচুঃ
মৈবং বিভোঽর্হতি ভবান্ গদিতুং নৃশংসং
সত্যং কুরুষ্ব নিগমং তব পাদমূলম্ ।
প্রাপ্তা বযং তুলসিদাম পদাবসৃষ্টং
কেশৈর্নিবোঢুমতিলঙ্ঘ্য সমস্তবন্ধূন্ ॥ ২৯ ॥
মৈবং বিভোঽর্হতি ভবান্ গদিতুং নৃশংসং
সত্যং কুরুষ্ব নিগমং তব পাদমূলম্ ।
প্রাপ্তা বযং তুলসিদাম পদাবসৃষ্টং
কেশৈর্নিবোঢুমতিলঙ্ঘ্য সমস্তবন্ধূন্ ॥ ২৯ ॥
গৃহ্ণন্তি নো ন পতযঃ পিতরৌ সুতা বা
ন ভ্রাতৃবন্ধুসুহৃদঃ কুত এব চান্যে ।
তস্মাদ্ ভবত্প্রপদযোঃ পতিতাত্মনাং নো
নান্যা ভবেদ্ গতিররিন্দম তদ্ বিধেহি ॥ ৩০ ॥
ন ভ্রাতৃবন্ধুসুহৃদঃ কুত এব চান্যে ।
তস্মাদ্ ভবত্প্রপদযোঃ পতিতাত্মনাং নো
নান্যা ভবেদ্ গতিররিন্দম তদ্ বিধেহি ॥ ৩০ ॥
শ্রীভগবানুবাচ
পতযো নাভ্যসূযেরন্ পিতৃভ্রাতৃসুতাদযঃ ।
লোকাশ্চ বো মযোপেতা দেবা অপ্যনুমন্বতে ॥ ৩১ ॥
পতযো নাভ্যসূযেরন্ পিতৃভ্রাতৃসুতাদযঃ ।
লোকাশ্চ বো মযোপেতা দেবা অপ্যনুমন্বতে ॥ ৩১ ॥
ন প্রীতযেঽনুরাগায হ্যঙ্গসঙ্গো নৃণামিহ ।
তন্মনো মযি যুঞ্জানা অচিরান্মামবাপ্স্যথ ॥ ৩২ ॥
তন্মনো মযি যুঞ্জানা অচিরান্মামবাপ্স্যথ ॥ ৩২ ॥
শ্রবণাদ্দর্শনাদ্ধ্যানান্মযি ভাবোঽনুকীর্তনাত্ ।
ন তথা সন্নিকর্ষেণ প্রতিযাত ততো গৃহান্ ॥ ৩৩ ॥
ন তথা সন্নিকর্ষেণ প্রতিযাত ততো গৃহান্ ॥ ৩৩ ॥
শ্রীশুক উবাচ
ইত্যুক্তা দ্বিজপত্ন্যস্তা যজ্ঞবাটং পুনর্গতাঃ ।
তে চানসূযবস্তাভিঃ স্ত্রীভিঃ সত্রমপারযন্ ॥ ৩৪ ॥
ইত্যুক্তা দ্বিজপত্ন্যস্তা যজ্ঞবাটং পুনর্গতাঃ ।
তে চানসূযবস্তাভিঃ স্ত্রীভিঃ সত্রমপারযন্ ॥ ৩৪ ॥
তত্রৈকা বিধৃতা ভর্ত্রা ভগবন্তং যথাশ্রুতম্ ।
হৃদোপগুহ্য বিজহৌ দেহং কর্মানুবন্ধনম্ ॥ ৩৫ ॥
হৃদোপগুহ্য বিজহৌ দেহং কর্মানুবন্ধনম্ ॥ ৩৫ ॥
ভগবানপি গোবিন্দস্তেনৈবান্নেন গোপকান্ ।
চতুর্বিধেনাশযিত্বা স্বযং চ বুভুজে প্রভুঃ ॥ ৩৬ ॥
চতুর্বিধেনাশযিত্বা স্বযং চ বুভুজে প্রভুঃ ॥ ৩৬ ॥
এবং লীলানরবপুর্নৃলোকমনুশীলযন্ ।
রেমে গোগোপগোপীনাং রমযন্ রূপবাক্কৃতৈঃ ॥ ৩৭ ॥
রেমে গোগোপগোপীনাং রমযন্ রূপবাক্কৃতৈঃ ॥ ৩৭ ॥
অথানুস্মৃত্য বিপ্রাস্তে অন্বতপ্যন্কৃতাগসঃ ।
যদ্ বিশ্বেশ্বরযোর্যাচ্ঞামহন্ম নৃবিডম্বযোঃ ॥ ৩৮ ॥
যদ্ বিশ্বেশ্বরযোর্যাচ্ঞামহন্ম নৃবিডম্বযোঃ ॥ ৩৮ ॥
দৃষ্ট্বা স্ত্রীণাং ভগবতি কৃষ্ণে ভক্তিমলৌকিকীম্ ।
আত্মানং চ তযা হীনমনুতপ্তা ব্যগর্হযন্ ॥ ৩৯ ॥
আত্মানং চ তযা হীনমনুতপ্তা ব্যগর্হযন্ ॥ ৩৯ ॥
ধিগ্ জন্ম নস্ত্রিবৃদ্ যত্ তদ্ ধিগ্ব্রতং ধিগ্বহুজ্ঞতাম্ ।
ধিক্কুলং ধিক্ ক্রিযাদাক্ষ্যং বিমুখা যে ত্বধোক্ষজে ॥ ৪০ ॥
ধিক্কুলং ধিক্ ক্রিযাদাক্ষ্যং বিমুখা যে ত্বধোক্ষজে ॥ ৪০ ॥
নূনং ভগবতো মাযা যোগিনামপি মোহিনী ।
যদ্ বযং গুরবো নৃণাং স্বার্থে মুহ্যামহে দ্বিজাঃ ॥ ৪১ ॥
যদ্ বযং গুরবো নৃণাং স্বার্থে মুহ্যামহে দ্বিজাঃ ॥ ৪১ ॥
অহো পশ্যত নারীণামপি কৃষ্ণে জগদ্গুরৌ ।
দুরন্তভাবং যোঽবিধ্যন্মৃত্যুপাশান্ গৃহাভিধান্ ॥ ৪২ ॥
দুরন্তভাবং যোঽবিধ্যন্মৃত্যুপাশান্ গৃহাভিধান্ ॥ ৪২ ॥
নাসাং দ্বিজাতিসংস্কারো ন নিবাসো গুরাবপি ।
ন তপো নাত্মমীমাংসা ন শৌচং ন ক্রিযাঃ শুভাঃ ॥ ৪৩ ॥
ন তপো নাত্মমীমাংসা ন শৌচং ন ক্রিযাঃ শুভাঃ ॥ ৪৩ ॥
তথাপি হ্যুত্তমঃশ্লোকে কৃষ্ণে যোগেশ্বরেশ্বরে ।
ভক্তির্দৃঢা ন চাস্মাকং সংস্কারাদিমতামপি ॥ ৪৪ ॥
ভক্তির্দৃঢা ন চাস্মাকং সংস্কারাদিমতামপি ॥ ৪৪ ॥
ননু স্বার্থবিমূঢানাং প্রমত্তানাং গৃহেহযা ।
অহো নঃ স্মারযামাস গোপবাক্যৈঃ সতাং গতিঃ ॥ ৪৫ ॥
অহো নঃ স্মারযামাস গোপবাক্যৈঃ সতাং গতিঃ ॥ ৪৫ ॥
অন্যথা পূর্ণকামস্য কৈবল্যাদ্যশিষাং পতেঃ ।
ঈশিতব্যৈঃ কিমস্মাভিরীশস্যৈতদ্ বিডম্বনম্ ॥ ৪৬ ॥
ঈশিতব্যৈঃ কিমস্মাভিরীশস্যৈতদ্ বিডম্বনম্ ॥ ৪৬ ॥
হিত্বান্যান্ ভজতে যং শ্রীঃ পাদস্পর্শাশযাসকৃত্ ।
স্বাত্মদোষাপবর্গেণ তদ্যাচ্ঞা জনমোহিনী ॥ ৪৭ ॥
স্বাত্মদোষাপবর্গেণ তদ্যাচ্ঞা জনমোহিনী ॥ ৪৭ ॥
দেশঃ কালঃ পৃথগ্দ্রব্যং মন্ত্রতন্ত্রর্ত্বিজোঽগ্নযঃ ।
দেবতা যজমানশ্চ ক্রতুর্ধর্মশ্চ যন্মযঃ ॥ ৪৮ ॥
দেবতা যজমানশ্চ ক্রতুর্ধর্মশ্চ যন্মযঃ ॥ ৪৮ ॥
স এব ভগবান্ সাক্ষাদ্ বিষ্ণুর্যোগেশ্বরেশ্বরঃ ।
জাতো যদুষ্বিত্যাশৃণ্ম হ্যপি মূঢা ন বিদ্মহে ॥ ৪৯ ॥
জাতো যদুষ্বিত্যাশৃণ্ম হ্যপি মূঢা ন বিদ্মহে ॥ ৪৯ ॥
তস্মৈ নমো ভগবতে কৃষ্ণাযাকুণ্ঠমেধসে ।
যন্মাযামোহিতধিযো ভ্রমামঃ কর্মবর্ত্মসু ॥ ৫০ ॥
যন্মাযামোহিতধিযো ভ্রমামঃ কর্মবর্ত্মসু ॥ ৫০ ॥
স বৈ ন আদ্যঃ পুরুষঃ স্বমাযামোহিতাত্মনাম্ ।
অবিজ্ঞতানুভাবানাং ক্ষন্তুমর্হত্যতিক্রমম্ ॥ ৫১ ॥
অবিজ্ঞতানুভাবানাং ক্ষন্তুমর্হত্যতিক্রমম্ ॥ ৫১ ॥
ইতি স্বাঘমনুস্মৃত্য কৃষ্ণে তে কৃতহেলনাঃ ।
দিদৃক্ষবো ব্রজমথ কংসাদ্ ভীতা ন চাচলন্ ॥ ৫২ ॥
দিদৃক্ষবো ব্রজমথ কংসাদ্ ভীতা ন চাচলন্ ॥ ৫২ ॥