ଶ୍ରୀଗୋପା ଊଚୁଃ
ରାମ ରାମ ମହାବାହୋ କୃଷ୍ଣ ଦୁଷ୍ଟନିବର୍ହଣ ।
ଏଷା ଵୈ ବାଧତେ କ୍ଷୁନ୍ନସ୍ତଚ୍ଛାନ୍ତିଂ କର୍ତୁମର୍ହଥଃ ॥ ୧ ॥
ରାମ ରାମ ମହାବାହୋ କୃଷ୍ଣ ଦୁଷ୍ଟନିବର୍ହଣ ।
ଏଷା ଵୈ ବାଧତେ କ୍ଷୁନ୍ନସ୍ତଚ୍ଛାନ୍ତିଂ କର୍ତୁମର୍ହଥଃ ॥ ୧ ॥
ଶ୍ରୀଶୁକ ଉଵାଚ
ଇତି ଵିଜ୍ଞାପିତୋ ଗୋପୈର୍ଭଗଵାନ୍ ଦେଵକୀସୁତଃ ।
ଭକ୍ତାଯା ଵିପ୍ରଭାର୍ଯାଯାଃ ପ୍ରସୀଦନ୍ନିଦମବ୍ରଵୀତ୍ ॥ ୨ ॥
ଇତି ଵିଜ୍ଞାପିତୋ ଗୋପୈର୍ଭଗଵାନ୍ ଦେଵକୀସୁତଃ ।
ଭକ୍ତାଯା ଵିପ୍ରଭାର୍ଯାଯାଃ ପ୍ରସୀଦନ୍ନିଦମବ୍ରଵୀତ୍ ॥ ୨ ॥
ପ୍ରଯାତ ଦେଵଯଜନଂ ବ୍ରାହ୍ମଣା ବ୍ରହ୍ମଵାଦିନଃ ।
ସତ୍ରମାଙ୍ଗିରସଂ ନାମ ହ୍ଯାସତେ ସ୍ଵର୍ଗକାମ୍ଯଯା ॥ ୩ ॥
ସତ୍ରମାଙ୍ଗିରସଂ ନାମ ହ୍ଯାସତେ ସ୍ଵର୍ଗକାମ୍ଯଯା ॥ ୩ ॥
ତତ୍ର ଗତ୍ଵୌଦନଂ ଗୋପା ଯାଚତାସ୍ମଦ୍ଵିସର୍ଜିତାଃ ।
କୀର୍ତଯନ୍ତୋ ଭଗଵତ ଆର୍ଯସ୍ଯ ମମ ଚାଭିଧାମ୍ ॥ ୪ ॥
କୀର୍ତଯନ୍ତୋ ଭଗଵତ ଆର୍ଯସ୍ଯ ମମ ଚାଭିଧାମ୍ ॥ ୪ ॥
ଇତ୍ଯାଦିଷ୍ଟା ଭଗଵତା ଗତ୍ଵାଯାଚନ୍ତ ତେ ତଥା ।
କୃତାଞ୍ଜଲିପୁଟା ଵିପ୍ରାନ୍ଦଣ୍ଡଵତ୍ପତିତା ଭୁଵି ॥ ୫ ॥
କୃତାଞ୍ଜଲିପୁଟା ଵିପ୍ରାନ୍ଦଣ୍ଡଵତ୍ପତିତା ଭୁଵି ॥ ୫ ॥
ହେ ଭୂମିଦେଵାଃ ଶୃଣୁତ କୃଷ୍ଣସ୍ଯାଦେଶକାରିଣଃ ।
ପ୍ରାପ୍ତାଞ୍ଜାନୀତ ଭଦ୍ରଂ ଵୋ ଗୋପାନ୍ନୋ ରାମଚୋଦିତାନ୍ ॥ ୬ ॥
ପ୍ରାପ୍ତାଞ୍ଜାନୀତ ଭଦ୍ରଂ ଵୋ ଗୋପାନ୍ନୋ ରାମଚୋଦିତାନ୍ ॥ ୬ ॥
ଗାଶ୍ଚାରଯନ୍ତାଵଵିଦୂର ଓଦନଂ
ରାମାଚ୍ଯୁତୌ ଵୋ ଲଷତୋ ବୁଭୁକ୍ଷିତୌ ।
ତଯୋର୍ଦ୍ଵିଜା ଓଦନମର୍ଥିନୋର୍ଯଦି
ଶ୍ରଦ୍ଧା ଚ ଵୋ ଯଚ୍ଛତ ଧର୍ମଵିତ୍ତମାଃ ॥ ୭ ॥
ରାମାଚ୍ଯୁତୌ ଵୋ ଲଷତୋ ବୁଭୁକ୍ଷିତୌ ।
ତଯୋର୍ଦ୍ଵିଜା ଓଦନମର୍ଥିନୋର୍ଯଦି
ଶ୍ରଦ୍ଧା ଚ ଵୋ ଯଚ୍ଛତ ଧର୍ମଵିତ୍ତମାଃ ॥ ୭ ॥
ଦୀକ୍ଷାଯାଃ ପଶୁସଂସ୍ଥାଯାଃ ସୌତ୍ରାମଣ୍ଯାଶ୍ଚ ସତ୍ତମାଃ ।
ଅନ୍ଯତ୍ର ଦୀକ୍ଷିତସ୍ଯାପି ନାନ୍ନମଶ୍ନନ୍ ହି ଦୁଷ୍ଯତି ॥ ୮ ॥
ଅନ୍ଯତ୍ର ଦୀକ୍ଷିତସ୍ଯାପି ନାନ୍ନମଶ୍ନନ୍ ହି ଦୁଷ୍ଯତି ॥ ୮ ॥
ଇତି ତେ ଭଗଵଦ୍ଯାଚ୍ଞାଂ ଶୃଣ୍ଵନ୍ତୋଽପି ନ ଶୁଶ୍ରୁଵୁଃ ।
କ୍ଷୁଦ୍ରାଶା ଭୂରିକର୍ମାଣୋ ବାଲିଶା ଵୃଦ୍ଧମାନିନଃ ॥ ୯ ॥
କ୍ଷୁଦ୍ରାଶା ଭୂରିକର୍ମାଣୋ ବାଲିଶା ଵୃଦ୍ଧମାନିନଃ ॥ ୯ ॥
ଦେଶଃ କାଲଃ ପୃଥଗ୍ଦ୍ରଵ୍ଯଂ ମନ୍ତ୍ରତନ୍ତ୍ରର୍ତ୍ଵିଜୋଽଗ୍ନଯଃ ।
ଦେଵତା ଯଜମାନଶ୍ଚ କ୍ରତୁର୍ଧର୍ମଶ୍ଚ ଯନ୍ମଯଃ ॥ ୧୦ ॥
ଦେଵତା ଯଜମାନଶ୍ଚ କ୍ରତୁର୍ଧର୍ମଶ୍ଚ ଯନ୍ମଯଃ ॥ ୧୦ ॥
ତଂ ବ୍ରହ୍ମ ପରମଂ ସାକ୍ଷାଦ୍ ଭଗଵନ୍ତମଧୋକ୍ଷଜମ୍ ।
ମନୁଷ୍ଯଦୃଷ୍ଟ୍ଯା ଦୁଷ୍ପ୍ରଜ୍ଞା ମର୍ତ୍ଯାତ୍ମାନୋ ନ ମେନିରେ ॥ ୧୧ ॥
ମନୁଷ୍ଯଦୃଷ୍ଟ୍ଯା ଦୁଷ୍ପ୍ରଜ୍ଞା ମର୍ତ୍ଯାତ୍ମାନୋ ନ ମେନିରେ ॥ ୧୧ ॥
ନ ତେ ଯଦୋମିତି ପ୍ରୋଚୁର୍ନ ନେତି ଚ ପରନ୍ତପ ।
ଗୋପା ନିରାଶାଃ ପ୍ରତ୍ଯେତ୍ଯ ତଥୋଚୁଃ କୃଷ୍ଣରାମଯୋଃ ॥ ୧୨ ॥
ଗୋପା ନିରାଶାଃ ପ୍ରତ୍ଯେତ୍ଯ ତଥୋଚୁଃ କୃଷ୍ଣରାମଯୋଃ ॥ ୧୨ ॥
ତଦୁପାକର୍ଣ୍ଯ ଭଗଵାନ୍ ପ୍ରହସ୍ଯ ଜଗଦୀଶ୍ଵରଃ ।
ଵ୍ଯାଜହାର ପୁନର୍ଗୋପାନ୍ ଦର୍ଶଯନ୍ଲୌକିକୀଂ ଗତିମ୍ ॥ ୧୩ ॥
ଵ୍ଯାଜହାର ପୁନର୍ଗୋପାନ୍ ଦର୍ଶଯନ୍ଲୌକିକୀଂ ଗତିମ୍ ॥ ୧୩ ॥
ମାଂ ଜ୍ଞାପଯତ ପତ୍ନୀଭ୍ଯଃ ସସଙ୍କର୍ଷଣମାଗତମ୍ ।
ଦାସ୍ଯନ୍ତି କାମମନ୍ନଂ ଵଃ ସ୍ନିଗ୍ଧା ମଯ୍ଯୁଷିତା ଧିଯା ॥ ୧୪ ॥
ଦାସ୍ଯନ୍ତି କାମମନ୍ନଂ ଵଃ ସ୍ନିଗ୍ଧା ମଯ୍ଯୁଷିତା ଧିଯା ॥ ୧୪ ॥
ଗତ୍ଵାଥ ପତ୍ନୀଶାଲାଯାଂ ଦୃଷ୍ଟ୍ଵାସୀନାଃ ସ୍ଵଲଙ୍କୃତାଃ ।
ନତ୍ଵା ଦ୍ଵିଜସତୀର୍ଗୋପାଃ ପ୍ରଶ୍ରିତା ଇଦମବ୍ରୁଵନ୍ ॥ ୧୫ ॥
ନତ୍ଵା ଦ୍ଵିଜସତୀର୍ଗୋପାଃ ପ୍ରଶ୍ରିତା ଇଦମବ୍ରୁଵନ୍ ॥ ୧୫ ॥
ନମୋ ଵୋ ଵିପ୍ରପତ୍ନୀଭ୍ଯୋ ନିବୋଧତ ଵଚାଂସି ନଃ ।
ଇତୋଽଵିଦୂରେ ଚରତା କୃଷ୍ଣେନେହେଷିତା ଵଯମ୍ ॥ ୧୬ ॥
ଇତୋଽଵିଦୂରେ ଚରତା କୃଷ୍ଣେନେହେଷିତା ଵଯମ୍ ॥ ୧୬ ॥
ଗାଶ୍ଚାରଯନ୍ ସ ଗୋପାଲୈଃ ସରାମୋ ଦୂରମାଗତଃ ।
ବୁଭୁକ୍ଷିତସ୍ଯ ତସ୍ଯାନ୍ନଂ ସାନୁଗସ୍ଯ ପ୍ରଦୀଯତାମ୍ ॥ ୧୭ ॥
ବୁଭୁକ୍ଷିତସ୍ଯ ତସ୍ଯାନ୍ନଂ ସାନୁଗସ୍ଯ ପ୍ରଦୀଯତାମ୍ ॥ ୧୭ ॥
ଶ୍ରୁତ୍ଵାଚ୍ଯୁତମୁପାଯାତଂ ନିତ୍ଯଂ ତଦ୍ଦର୍ଶନୋତ୍ସୁକାଃ ।
ତତ୍କଥାକ୍ଷିପ୍ତମନସୋ ବଭୂଵୁର୍ଜାତସମ୍ଭ୍ରମାଃ ॥ ୧୮ ॥
ତତ୍କଥାକ୍ଷିପ୍ତମନସୋ ବଭୂଵୁର୍ଜାତସମ୍ଭ୍ରମାଃ ॥ ୧୮ ॥
ଚତୁର୍ଵିଧଂ ବହୁଗୁଣମନ୍ନମାଦାଯ ଭାଜନୈଃ ।
ଅଭିସସ୍ରୁଃ ପ୍ରିଯଂ ସର୍ଵାଃ ସମୁଦ୍ରମିଵ ନିମ୍ନଗାଃ ॥ ୧୯ ॥
ଅଭିସସ୍ରୁଃ ପ୍ରିଯଂ ସର୍ଵାଃ ସମୁଦ୍ରମିଵ ନିମ୍ନଗାଃ ॥ ୧୯ ॥
ନିଷିଧ୍ଯମାନାଃ ପତିଭିର୍ଭ୍ରାତୃଭିର୍ବନ୍ଧୁଭିଃ ସୁତୈଃ ।
ଭଗଵତ୍ଯୁତ୍ତମଶ୍ଲୋକେ ଦୀର୍ଘଶ୍ରୁତଧୃତାଶଯାଃ ॥ ୨୦ ॥
ଭଗଵତ୍ଯୁତ୍ତମଶ୍ଲୋକେ ଦୀର୍ଘଶ୍ରୁତଧୃତାଶଯାଃ ॥ ୨୦ ॥
ଯମୁନୋପଵନେଽଶୋକନଵପଲ୍ଲଵମଣ୍ଡିତେ ।
ଵିଚରନ୍ତଂ ଵୃତଂ ଗୋପୈଃ ସାଗ୍ରଜଂ ଦଦୃଶୁଃ ସ୍ତ୍ରିଯଃ ॥ ୨୧ ॥
ଵିଚରନ୍ତଂ ଵୃତଂ ଗୋପୈଃ ସାଗ୍ରଜଂ ଦଦୃଶୁଃ ସ୍ତ୍ରିଯଃ ॥ ୨୧ ॥
ଶ୍ଯାମଂ ହିରଣ୍ଯପରିଧିଂ ଵନମାଲ୍ଯବର୍ହ-
ଧାତୁପ୍ରଵାଲନଟଵେଷମନୁଵ୍ରତାଂସେ ।
ଵିନ୍ଯସ୍ତହସ୍ତମିତରେଣ ଧୁନାନମବ୍ଜଂ
କର୍ଣୋତ୍ପଲାଲକକପୋଲମୁଖାବ୍ଜହାସମ୍ ॥ ୨୨ ॥
ଧାତୁପ୍ରଵାଲନଟଵେଷମନୁଵ୍ରତାଂସେ ।
ଵିନ୍ଯସ୍ତହସ୍ତମିତରେଣ ଧୁନାନମବ୍ଜଂ
କର୍ଣୋତ୍ପଲାଲକକପୋଲମୁଖାବ୍ଜହାସମ୍ ॥ ୨୨ ॥
ପ୍ରାଯଃଶ୍ରୁତପ୍ରିଯତମୋଦଯକର୍ଣପୂରୈ-
ର୍ଯସ୍ମିନ୍ ନିମଗ୍ନମନସସ୍ତମଥାକ୍ଷିରନ୍ଧ୍ରୈଃ ।
ଅନ୍ତଃ ପ୍ରଵେଶ୍ଯ ସୁଚିରଂ ପରିରଭ୍ଯ ତାପଂ
ପ୍ରାଜ୍ଞଂ ଯଥାଭିମତଯୋ ଵିଜହୁର୍ନରେନ୍ଦ୍ର ॥ ୨୩ ॥
ର୍ଯସ୍ମିନ୍ ନିମଗ୍ନମନସସ୍ତମଥାକ୍ଷିରନ୍ଧ୍ରୈଃ ।
ଅନ୍ତଃ ପ୍ରଵେଶ୍ଯ ସୁଚିରଂ ପରିରଭ୍ଯ ତାପଂ
ପ୍ରାଜ୍ଞଂ ଯଥାଭିମତଯୋ ଵିଜହୁର୍ନରେନ୍ଦ୍ର ॥ ୨୩ ॥
ତାସ୍ତଥା ତ୍ଯକ୍ତସର୍ଵାଶାଃ ପ୍ରାପ୍ତା ଆତ୍ମଦିଦୃକ୍ଷଯା ।
ଵିଜ୍ଞାଯାଖିଲଦୃଗ୍ଦ୍ରଷ୍ଟା ପ୍ରାହ ପ୍ରହସିତାନନଃ ॥ ୨୪ ॥
ଵିଜ୍ଞାଯାଖିଲଦୃଗ୍ଦ୍ରଷ୍ଟା ପ୍ରାହ ପ୍ରହସିତାନନଃ ॥ ୨୪ ॥
ସ୍ଵାଗତଂ ଵୋ ମହାଭାଗା ଆସ୍ଯତାଂ କରଵାମ କିମ୍ ।
ଯନ୍ନୋ ଦିଦୃକ୍ଷଯା ପ୍ରାପ୍ତା ଉପପନ୍ନମିଦଂ ହି ଵଃ ॥ ୨୫ ॥
ଯନ୍ନୋ ଦିଦୃକ୍ଷଯା ପ୍ରାପ୍ତା ଉପପନ୍ନମିଦଂ ହି ଵଃ ॥ ୨୫ ॥
ନନ୍ଵଦ୍ଧା ମଯି କୁର୍ଵନ୍ତି କୁଶଲାଃ ସ୍ଵାର୍ଥଦର୍ଶିନଃ ।
ଅହୈତୁକ୍ଯଵ୍ଯଵହିତାଂ ଭକ୍ତିମାତ୍ମପ୍ରିଯେ ଯଥା ॥ ୨୬ ॥
ଅହୈତୁକ୍ଯଵ୍ଯଵହିତାଂ ଭକ୍ତିମାତ୍ମପ୍ରିଯେ ଯଥା ॥ ୨୬ ॥
ପ୍ରାଣବୁଦ୍ଧିମନଃସ୍ଵାତ୍ମଦାରାପତ୍ଯଧନାଦଯଃ ।
ଯତ୍ସମ୍ପର୍କାତ୍ପ୍ରିଯା ଆସଂସ୍ତତଃ କୋ ନ୍ଵପରଃ ପ୍ରିଯଃ ॥ ୨୭ ॥
ଯତ୍ସମ୍ପର୍କାତ୍ପ୍ରିଯା ଆସଂସ୍ତତଃ କୋ ନ୍ଵପରଃ ପ୍ରିଯଃ ॥ ୨୭ ॥
ତଦ୍ ଯାତ ଦେଵଯଜନଂ ପତଯୋ ଵୋ ଦ୍ଵିଜାତଯଃ ।
ସ୍ଵସତ୍ରଂ ପାରଯିଷ୍ଯନ୍ତି ଯୁଷ୍ମାଭିର୍ଗୃହମେଧିନଃ ॥ ୨୮ ॥
ସ୍ଵସତ୍ରଂ ପାରଯିଷ୍ଯନ୍ତି ଯୁଷ୍ମାଭିର୍ଗୃହମେଧିନଃ ॥ ୨୮ ॥
ଶ୍ରୀପତ୍ନ୍ଯ ଊଚୁଃ
ମୈଵଂ ଵିଭୋଽର୍ହତି ଭଵାନ୍ ଗଦିତୁଂ ନୃଶଂସଂ
ସତ୍ଯଂ କୁରୁଷ୍ଵ ନିଗମଂ ତଵ ପାଦମୂଲମ୍ ।
ପ୍ରାପ୍ତା ଵଯଂ ତୁଲସିଦାମ ପଦାଵସୃଷ୍ଟଂ
କେଶୈର୍ନିଵୋଢୁମତିଲଙ୍ଘ୍ଯ ସମସ୍ତବନ୍ଧୂନ୍ ॥ ୨୯ ॥
ମୈଵଂ ଵିଭୋଽର୍ହତି ଭଵାନ୍ ଗଦିତୁଂ ନୃଶଂସଂ
ସତ୍ଯଂ କୁରୁଷ୍ଵ ନିଗମଂ ତଵ ପାଦମୂଲମ୍ ।
ପ୍ରାପ୍ତା ଵଯଂ ତୁଲସିଦାମ ପଦାଵସୃଷ୍ଟଂ
କେଶୈର୍ନିଵୋଢୁମତିଲଙ୍ଘ୍ଯ ସମସ୍ତବନ୍ଧୂନ୍ ॥ ୨୯ ॥
ଗୃହ୍ଣନ୍ତି ନୋ ନ ପତଯଃ ପିତରୌ ସୁତା ଵା
ନ ଭ୍ରାତୃବନ୍ଧୁସୁହୃଦଃ କୁତ ଏଵ ଚାନ୍ଯେ ।
ତସ୍ମାଦ୍ ଭଵତ୍ପ୍ରପଦଯୋଃ ପତିତାତ୍ମନାଂ ନୋ
ନାନ୍ଯା ଭଵେଦ୍ ଗତିରରିନ୍ଦମ ତଦ୍ ଵିଧେହି ॥ ୩୦ ॥
ନ ଭ୍ରାତୃବନ୍ଧୁସୁହୃଦଃ କୁତ ଏଵ ଚାନ୍ଯେ ।
ତସ୍ମାଦ୍ ଭଵତ୍ପ୍ରପଦଯୋଃ ପତିତାତ୍ମନାଂ ନୋ
ନାନ୍ଯା ଭଵେଦ୍ ଗତିରରିନ୍ଦମ ତଦ୍ ଵିଧେହି ॥ ୩୦ ॥
ଶ୍ରୀଭଗଵାନୁଵାଚ
ପତଯୋ ନାଭ୍ଯସୂଯେରନ୍ ପିତୃଭ୍ରାତୃସୁତାଦଯଃ ।
ଲୋକାଶ୍ଚ ଵୋ ମଯୋପେତା ଦେଵା ଅପ୍ଯନୁମନ୍ଵତେ ॥ ୩୧ ॥
ପତଯୋ ନାଭ୍ଯସୂଯେରନ୍ ପିତୃଭ୍ରାତୃସୁତାଦଯଃ ।
ଲୋକାଶ୍ଚ ଵୋ ମଯୋପେତା ଦେଵା ଅପ୍ଯନୁମନ୍ଵତେ ॥ ୩୧ ॥
ନ ପ୍ରୀତଯେଽନୁରାଗାଯ ହ୍ଯଙ୍ଗସଙ୍ଗୋ ନୃଣାମିହ ।
ତନ୍ମନୋ ମଯି ଯୁଞ୍ଜାନା ଅଚିରାନ୍ମାମଵାପ୍ସ୍ଯଥ ॥ ୩୨ ॥
ତନ୍ମନୋ ମଯି ଯୁଞ୍ଜାନା ଅଚିରାନ୍ମାମଵାପ୍ସ୍ଯଥ ॥ ୩୨ ॥
ଶ୍ରଵଣାଦ୍ଦର୍ଶନାଦ୍ଧ୍ଯାନାନ୍ମଯି ଭାଵୋଽନୁକୀର୍ତନାତ୍ ।
ନ ତଥା ସନ୍ନିକର୍ଷେଣ ପ୍ରତିଯାତ ତତୋ ଗୃହାନ୍ ॥ ୩୩ ॥
ନ ତଥା ସନ୍ନିକର୍ଷେଣ ପ୍ରତିଯାତ ତତୋ ଗୃହାନ୍ ॥ ୩୩ ॥
ଶ୍ରୀଶୁକ ଉଵାଚ
ଇତ୍ଯୁକ୍ତା ଦ୍ଵିଜପତ୍ନ୍ଯସ୍ତା ଯଜ୍ଞଵାଟଂ ପୁନର୍ଗତାଃ ।
ତେ ଚାନସୂଯଵସ୍ତାଭିଃ ସ୍ତ୍ରୀଭିଃ ସତ୍ରମପାରଯନ୍ ॥ ୩୪ ॥
ଇତ୍ଯୁକ୍ତା ଦ୍ଵିଜପତ୍ନ୍ଯସ୍ତା ଯଜ୍ଞଵାଟଂ ପୁନର୍ଗତାଃ ।
ତେ ଚାନସୂଯଵସ୍ତାଭିଃ ସ୍ତ୍ରୀଭିଃ ସତ୍ରମପାରଯନ୍ ॥ ୩୪ ॥
ତତ୍ରୈକା ଵିଧୃତା ଭର୍ତ୍ରା ଭଗଵନ୍ତଂ ଯଥାଶ୍ରୁତମ୍ ।
ହୃଦୋପଗୁହ୍ଯ ଵିଜହୌ ଦେହଂ କର୍ମାନୁବନ୍ଧନମ୍ ॥ ୩୫ ॥
ହୃଦୋପଗୁହ୍ଯ ଵିଜହୌ ଦେହଂ କର୍ମାନୁବନ୍ଧନମ୍ ॥ ୩୫ ॥
ଭଗଵାନପି ଗୋଵିନ୍ଦସ୍ତେନୈଵାନ୍ନେନ ଗୋପକାନ୍ ।
ଚତୁର୍ଵିଧେନାଶଯିତ୍ଵା ସ୍ଵଯଂ ଚ ବୁଭୁଜେ ପ୍ରଭୁଃ ॥ ୩୬ ॥
ଚତୁର୍ଵିଧେନାଶଯିତ୍ଵା ସ୍ଵଯଂ ଚ ବୁଭୁଜେ ପ୍ରଭୁଃ ॥ ୩୬ ॥
ଏଵଂ ଲୀଲାନରଵପୁର୍ନୃଲୋକମନୁଶୀଲଯନ୍ ।
ରେମେ ଗୋଗୋପଗୋପୀନାଂ ରମଯନ୍ ରୂପଵାକ୍କୃତୈଃ ॥ ୩୭ ॥
ରେମେ ଗୋଗୋପଗୋପୀନାଂ ରମଯନ୍ ରୂପଵାକ୍କୃତୈଃ ॥ ୩୭ ॥
ଅଥାନୁସ୍ମୃତ୍ଯ ଵିପ୍ରାସ୍ତେ ଅନ୍ଵତପ୍ଯନ୍କୃତାଗସଃ ।
ଯଦ୍ ଵିଶ୍ଵେଶ୍ଵରଯୋର୍ଯାଚ୍ଞାମହନ୍ମ ନୃଵିଡମ୍ବଯୋଃ ॥ ୩୮ ॥
ଯଦ୍ ଵିଶ୍ଵେଶ୍ଵରଯୋର୍ଯାଚ୍ଞାମହନ୍ମ ନୃଵିଡମ୍ବଯୋଃ ॥ ୩୮ ॥
ଦୃଷ୍ଟ୍ଵା ସ୍ତ୍ରୀଣାଂ ଭଗଵତି କୃଷ୍ଣେ ଭକ୍ତିମଲୌକିକୀମ୍ ।
ଆତ୍ମାନଂ ଚ ତଯା ହୀନମନୁତପ୍ତା ଵ୍ଯଗର୍ହଯନ୍ ॥ ୩୯ ॥
ଆତ୍ମାନଂ ଚ ତଯା ହୀନମନୁତପ୍ତା ଵ୍ଯଗର୍ହଯନ୍ ॥ ୩୯ ॥
ଧିଗ୍ ଜନ୍ମ ନସ୍ତ୍ରିଵୃଦ୍ ଯତ୍ ତଦ୍ ଧିଗ୍ଵ୍ରତଂ ଧିଗ୍ବହୁଜ୍ଞତାମ୍ ।
ଧିକ୍କୁଲଂ ଧିକ୍ କ୍ରିଯାଦାକ୍ଷ୍ଯଂ ଵିମୁଖା ଯେ ତ୍ଵଧୋକ୍ଷଜେ ॥ ୪୦ ॥
ଧିକ୍କୁଲଂ ଧିକ୍ କ୍ରିଯାଦାକ୍ଷ୍ଯଂ ଵିମୁଖା ଯେ ତ୍ଵଧୋକ୍ଷଜେ ॥ ୪୦ ॥
ନୂନଂ ଭଗଵତୋ ମାଯା ଯୋଗିନାମପି ମୋହିନୀ ।
ଯଦ୍ ଵଯଂ ଗୁରଵୋ ନୃଣାଂ ସ୍ଵାର୍ଥେ ମୁହ୍ଯାମହେ ଦ୍ଵିଜାଃ ॥ ୪୧ ॥
ଯଦ୍ ଵଯଂ ଗୁରଵୋ ନୃଣାଂ ସ୍ଵାର୍ଥେ ମୁହ୍ଯାମହେ ଦ୍ଵିଜାଃ ॥ ୪୧ ॥
ଅହୋ ପଶ୍ଯତ ନାରୀଣାମପି କୃଷ୍ଣେ ଜଗଦ୍ଗୁରୌ ।
ଦୁରନ୍ତଭାଵଂ ଯୋଽଵିଧ୍ଯନ୍ମୃତ୍ଯୁପାଶାନ୍ ଗୃହାଭିଧାନ୍ ॥ ୪୨ ॥
ଦୁରନ୍ତଭାଵଂ ଯୋଽଵିଧ୍ଯନ୍ମୃତ୍ଯୁପାଶାନ୍ ଗୃହାଭିଧାନ୍ ॥ ୪୨ ॥
ନାସାଂ ଦ୍ଵିଜାତିସଂସ୍କାରୋ ନ ନିଵାସୋ ଗୁରାଵପି ।
ନ ତପୋ ନାତ୍ମମୀମାଂସା ନ ଶୌଚଂ ନ କ୍ରିଯାଃ ଶୁଭାଃ ॥ ୪୩ ॥
ନ ତପୋ ନାତ୍ମମୀମାଂସା ନ ଶୌଚଂ ନ କ୍ରିଯାଃ ଶୁଭାଃ ॥ ୪୩ ॥
ତଥାପି ହ୍ଯୁତ୍ତମଃଶ୍ଲୋକେ କୃଷ୍ଣେ ଯୋଗେଶ୍ଵରେଶ୍ଵରେ ।
ଭକ୍ତିର୍ଦୃଢା ନ ଚାସ୍ମାକଂ ସଂସ୍କାରାଦିମତାମପି ॥ ୪୪ ॥
ଭକ୍ତିର୍ଦୃଢା ନ ଚାସ୍ମାକଂ ସଂସ୍କାରାଦିମତାମପି ॥ ୪୪ ॥
ନନୁ ସ୍ଵାର୍ଥଵିମୂଢାନାଂ ପ୍ରମତ୍ତାନାଂ ଗୃହେହଯା ।
ଅହୋ ନଃ ସ୍ମାରଯାମାସ ଗୋପଵାକ୍ଯୈଃ ସତାଂ ଗତିଃ ॥ ୪୫ ॥
ଅହୋ ନଃ ସ୍ମାରଯାମାସ ଗୋପଵାକ୍ଯୈଃ ସତାଂ ଗତିଃ ॥ ୪୫ ॥
ଅନ୍ଯଥା ପୂର୍ଣକାମସ୍ଯ କୈଵଲ୍ଯାଦ୍ଯଶିଷାଂ ପତେଃ ।
ଈଶିତଵ୍ଯୈଃ କିମସ୍ମାଭିରୀଶସ୍ଯୈତଦ୍ ଵିଡମ୍ବନମ୍ ॥ ୪୬ ॥
ଈଶିତଵ୍ଯୈଃ କିମସ୍ମାଭିରୀଶସ୍ଯୈତଦ୍ ଵିଡମ୍ବନମ୍ ॥ ୪୬ ॥
ହିତ୍ଵାନ୍ଯାନ୍ ଭଜତେ ଯଂ ଶ୍ରୀଃ ପାଦସ୍ପର୍ଶାଶଯାସକୃତ୍ ।
ସ୍ଵାତ୍ମଦୋଷାପଵର୍ଗେଣ ତଦ୍ଯାଚ୍ଞା ଜନମୋହିନୀ ॥ ୪୭ ॥
ସ୍ଵାତ୍ମଦୋଷାପଵର୍ଗେଣ ତଦ୍ଯାଚ୍ଞା ଜନମୋହିନୀ ॥ ୪୭ ॥
ଦେଶଃ କାଲଃ ପୃଥଗ୍ଦ୍ରଵ୍ଯଂ ମନ୍ତ୍ରତନ୍ତ୍ରର୍ତ୍ଵିଜୋଽଗ୍ନଯଃ ।
ଦେଵତା ଯଜମାନଶ୍ଚ କ୍ରତୁର୍ଧର୍ମଶ୍ଚ ଯନ୍ମଯଃ ॥ ୪୮ ॥
ଦେଵତା ଯଜମାନଶ୍ଚ କ୍ରତୁର୍ଧର୍ମଶ୍ଚ ଯନ୍ମଯଃ ॥ ୪୮ ॥
ସ ଏଵ ଭଗଵାନ୍ ସାକ୍ଷାଦ୍ ଵିଷ୍ଣୁର୍ଯୋଗେଶ୍ଵରେଶ୍ଵରଃ ।
ଜାତୋ ଯଦୁଷ୍ଵିତ୍ଯାଶୃଣ୍ମ ହ୍ଯପି ମୂଢା ନ ଵିଦ୍ମହେ ॥ ୪୯ ॥
ଜାତୋ ଯଦୁଷ୍ଵିତ୍ଯାଶୃଣ୍ମ ହ୍ଯପି ମୂଢା ନ ଵିଦ୍ମହେ ॥ ୪୯ ॥
ତସ୍ମୈ ନମୋ ଭଗଵତେ କୃଷ୍ଣାଯାକୁଣ୍ଠମେଧସେ ।
ଯନ୍ମାଯାମୋହିତଧିଯୋ ଭ୍ରମାମଃ କର୍ମଵର୍ତ୍ମସୁ ॥ ୫୦ ॥
ଯନ୍ମାଯାମୋହିତଧିଯୋ ଭ୍ରମାମଃ କର୍ମଵର୍ତ୍ମସୁ ॥ ୫୦ ॥
ସ ଵୈ ନ ଆଦ୍ଯଃ ପୁରୁଷଃ ସ୍ଵମାଯାମୋହିତାତ୍ମନାମ୍ ।
ଅଵିଜ୍ଞତାନୁଭାଵାନାଂ କ୍ଷନ୍ତୁମର୍ହତ୍ଯତିକ୍ରମମ୍ ॥ ୫୧ ॥
ଅଵିଜ୍ଞତାନୁଭାଵାନାଂ କ୍ଷନ୍ତୁମର୍ହତ୍ଯତିକ୍ରମମ୍ ॥ ୫୧ ॥
ଇତି ସ୍ଵାଘମନୁସ୍ମୃତ୍ଯ କୃଷ୍ଣେ ତେ କୃତହେଲନାଃ ।
ଦିଦୃକ୍ଷଵୋ ଵ୍ରଜମଥ କଂସାଦ୍ ଭୀତା ନ ଚାଚଲନ୍ ॥ ୫୨ ॥
ଦିଦୃକ୍ଷଵୋ ଵ୍ରଜମଥ କଂସାଦ୍ ଭୀତା ନ ଚାଚଲନ୍ ॥ ୫୨ ॥