ஶ்ரீமத்பாகவதம் ௧௦.௨௩

ஶ்ரீகோபா ஊசுஃ
ராம ராம மஹாபாஹோ க்ரு'ஷ்ண துஷ்டநிபர்ஹண ।
ஏஷா வை பாததே க்ஷுந்நஸ்தச்சாந்திம் கர்துமர்ஹதஃ ॥ ௧ ॥

ஶ்ரீஶுக உவாச
இதி விஜ்ஞாபிதோ கோபைர்பகவாந் தேவகீஸுதஃ ।
பக்தாயா விப்ரபார்யாயாஃ ப்ரஸீதந்நிதமப்ரவீத் ॥ ௨ ॥

ப்ரயாத தேவயஜநம் ப்ராஹ்மணா ப்ரஹ்மவாதிநஃ ।
ஸத்ரமாங்கிரஸம் நாம ஹ்யாஸதே ஸ்வர்ககாம்யயா ॥ ௩ ॥

தத்ர கத்வௌதநம் கோபா யாசதாஸ்மத்விஸர்ஜிதாஃ ।
கீர்தயந்தோ பகவத ஆர்யஸ்ய மம சாபிதாம் ॥ ௪ ॥

இத்யாதிஷ்டா பகவதா கத்வாயாசந்த தே ததா ।
க்ரு'தாஞ்ஜலிபுடா விப்ராந்தண்டவத்பதிதா புவி ॥ ௫ ॥

ஹே பூமிதேவாஃ ஶ்ரு'ணுத க்ரு'ஷ்ணஸ்யாதேஶகாரிணஃ ।
ப்ராப்தாஞ்ஜாநீத பத்ரம் வோ கோபாந்நோ ராமசோதிதாந் ॥ ௬ ॥

காஶ்சாரயந்தாவவிதூர ஓதநம்
ராமாச்யுதௌ வோ லஷதோ புபுக்ஷிதௌ ।
தயோர்த்விஜா ஓதநமர்திநோர்யதி
ஶ்ரத்தா ச வோ யச்சத தர்மவித்தமாஃ ॥ ௭ ॥

தீக்ஷாயாஃ பஶுஸம்ஸ்தாயாஃ ஸௌத்ராமண்யாஶ்ச ஸத்தமாஃ ।
அந்யத்ர தீக்ஷிதஸ்யாபி நாந்நமஶ்நந் ஹி துஷ்யதி ॥ ௮ ॥

இதி தே பகவத்யாச்ஞாம் ஶ்ரு'ண்வந்தோ'பி ந ஶுஶ்ருவுஃ ।
க்ஷுத்ராஶா பூரிகர்மாணோ பாலிஶா வ்ரு'த்தமாநிநஃ ॥ ௯ ॥

தேஶஃ காலஃ ப்ரு'தக்த்ரவ்யம் மந்த்ரதந்த்ரர்த்விஜோ'க்நயஃ ।
தேவதா யஜமாநஶ்ச க்ரதுர்தர்மஶ்ச யந்மயஃ ॥ ௧௦ ॥

தம் ப்ரஹ்ம பரமம் ஸாக்ஷாத் பகவந்தமதோக்ஷஜம் ।
மநுஷ்யத்ரு'ஷ்ட்யா துஷ்ப்ரஜ்ஞா மர்த்யாத்மாநோ ந மேநிரே ॥ ௧௧ ॥

ந தே யதோமிதி ப்ரோசுர்ந நேதி ச பரந்தப ।
கோபா நிராஶாஃ ப்ரத்யேத்ய ததோசுஃ க்ரு'ஷ்ணராமயோஃ ॥ ௧௨ ॥

ததுபாகர்ண்ய பகவாந் ப்ரஹஸ்ய ஜகதீஶ்வரஃ ।
வ்யாஜஹார புநர்கோபாந் தர்ஶயந்லௌகிகீம் கதிம் ॥ ௧௩ ॥

மாம் ஜ்ஞாபயத பத்நீப்யஃ ஸஸங்கர்ஷணமாகதம் ।
தாஸ்யந்தி காமமந்நம் வஃ ஸ்நிக்தா மய்யுஷிதா தியா ॥ ௧௪ ॥

கத்வாத பத்நீஶாலாயாம் த்ரு'ஷ்ட்வாஸீநாஃ ஸ்வலங்க்ரு'தாஃ ।
நத்வா த்விஜஸதீர்கோபாஃ ப்ரஶ்ரிதா இதமப்ருவந் ॥ ௧௫ ॥

நமோ வோ விப்ரபத்நீப்யோ நிபோதத வசாம்ஸி நஃ ।
இதோ'விதூரே சரதா க்ரு'ஷ்ணேநேஹேஷிதா வயம் ॥ ௧௬ ॥

காஶ்சாரயந் ஸ கோபாலைஃ ஸராமோ தூரமாகதஃ ।
புபுக்ஷிதஸ்ய தஸ்யாந்நம் ஸாநுகஸ்ய ப்ரதீயதாம் ॥ ௧௭ ॥

ஶ்ருத்வாச்யுதமுபாயாதம் நித்யம் தத்தர்ஶநோத்ஸுகாஃ ।
தத்கதாக்ஷிப்தமநஸோ பபூவுர்ஜாதஸம்ப்ரமாஃ ॥ ௧௮ ॥

சதுர்விதம் பஹுகுணமந்நமாதாய பாஜநைஃ ।
அபிஸஸ்ருஃ ப்ரியம் ஸர்வாஃ ஸமுத்ரமிவ நிம்நகாஃ ॥ ௧௯ ॥

நிஷித்யமாநாஃ பதிபிர்ப்ராத்ரு'பிர்பந்துபிஃ ஸுதைஃ ।
பகவத்யுத்தமஶ்லோகே தீர்கஶ்ருதத்ரு'தாஶயாஃ ॥ ௨௦ ॥

யமுநோபவநே'ஶோகநவபல்லவமண்டிதே ।
விசரந்தம் வ்ரு'தம் கோபைஃ ஸாக்ரஜம் தத்ரு'ஶுஃ ஸ்த்ரியஃ ॥ ௨௧ ॥

ஶ்யாமம் ஹிரண்யபரிதிம் வநமால்யபர்ஹ-
தாதுப்ரவாலநடவேஷமநுவ்ரதாம்ஸே ।
விந்யஸ்தஹஸ்தமிதரேண துநாநமப்ஜம்
கர்ணோத்பலாலககபோலமுகாப்ஜஹாஸம் ॥ ௨௨ ॥

ப்ராயஃஶ்ருதப்ரியதமோதயகர்ணபூரை-
ர்யஸ்மிந் நிமக்நமநஸஸ்தமதாக்ஷிரந்த்ரைஃ ।
அந்தஃ ப்ரவேஶ்ய ஸுசிரம் பரிரப்ய தாபம்
ப்ராஜ்ஞம் யதாபிமதயோ விஜஹுர்நரேந்த்ர ॥ ௨௩ ॥

தாஸ்ததா த்யக்தஸர்வாஶாஃ ப்ராப்தா ஆத்மதித்ரு'க்ஷயா ।
விஜ்ஞாயாகிலத்ரு'க்த்ரஷ்டா ப்ராஹ ப்ரஹஸிதாநநஃ ॥ ௨௪ ॥

ஸ்வாகதம் வோ மஹாபாகா ஆஸ்யதாம் கரவாம கிம் ।
யந்நோ தித்ரு'க்ஷயா ப்ராப்தா உபபந்நமிதம் ஹி வஃ ॥ ௨௫ ॥

நந்வத்தா மயி குர்வந்தி குஶலாஃ ஸ்வார்ததர்ஶிநஃ ।
அஹைதுக்யவ்யவஹிதாம் பக்திமாத்மப்ரியே யதா ॥ ௨௬ ॥

ப்ராணபுத்திமநஃஸ்வாத்மதாராபத்யதநாதயஃ ।
யத்ஸம்பர்காத்ப்ரியா ஆஸம்ஸ்ததஃ கோ ந்வபரஃ ப்ரியஃ ॥ ௨௭ ॥

தத் யாத தேவயஜநம் பதயோ வோ த்விஜாதயஃ ।
ஸ்வஸத்ரம் பாரயிஷ்யந்தி யுஷ்மாபிர்க்ரு'ஹமேதிநஃ ॥ ௨௮ ॥

ஶ்ரீபத்ந்ய ஊசுஃ
மைவம் விபோ'ர்ஹதி பவாந் கதிதும் ந்ரு'ஶம்ஸம்
ஸத்யம் குருஷ்வ நிகமம் தவ பாதமூலம் ।
ப்ராப்தா வயம் துலஸிதாம பதாவஸ்ரு'ஷ்டம்
கேஶைர்நிவோடுமதிலங்க்ய ஸமஸ்தபந்தூந் ॥ ௨௯ ॥

க்ரு'ஹ்ணந்தி நோ ந பதயஃ பிதரௌ ஸுதா வா
ந ப்ராத்ரு'பந்துஸுஹ்ரு'தஃ குத ஏவ சாந்யே ।
தஸ்மாத் பவத்ப்ரபதயோஃ பதிதாத்மநாம் நோ
நாந்யா பவேத் கதிரரிந்தம தத் விதேஹி ॥ ௩௦ ॥

ஶ்ரீபகவாநுவாச
பதயோ நாப்யஸூயேரந் பித்ரு'ப்ராத்ரு'ஸுதாதயஃ ।
லோகாஶ்ச வோ மயோபேதா தேவா அப்யநுமந்வதே ॥ ௩௧ ॥

ந ப்ரீதயே'நுராகாய ஹ்யங்கஸங்கோ ந்ரு'ணாமிஹ ।
தந்மநோ மயி யுஞ்ஜாநா அசிராந்மாமவாப்ஸ்யத ॥ ௩௨ ॥

ஶ்ரவணாத்தர்ஶநாத்த்யாநாந்மயி பாவோ'நுகீர்தநாத் ।
ந ததா ஸந்நிகர்ஷேண ப்ரதியாத ததோ க்ரு'ஹாந் ॥ ௩௩ ॥

ஶ்ரீஶுக உவாச
இத்யுக்தா த்விஜபத்ந்யஸ்தா யஜ்ஞவாடம் புநர்கதாஃ ।
தே சாநஸூயவஸ்தாபிஃ ஸ்த்ரீபிஃ ஸத்ரமபாரயந் ॥ ௩௪ ॥

தத்ரைகா வித்ரு'தா பர்த்ரா பகவந்தம் யதாஶ்ருதம் ।
ஹ்ரு'தோபகுஹ்ய விஜஹௌ தேஹம் கர்மாநுபந்தநம் ॥ ௩௫ ॥

பகவாநபி கோவிந்தஸ்தேநைவாந்நேந கோபகாந் ।
சதுர்விதேநாஶயித்வா ஸ்வயம் ச புபுஜே ப்ரபுஃ ॥ ௩௬ ॥

ஏவம் லீலாநரவபுர்ந்ரு'லோகமநுஶீலயந் ।
ரேமே கோகோபகோபீநாம் ரமயந் ரூபவாக்க்ரு'தைஃ ॥ ௩௭ ॥

அதாநுஸ்ம்ரு'த்ய விப்ராஸ்தே அந்வதப்யந்க்ரு'தாகஸஃ ।
யத் விஶ்வேஶ்வரயோர்யாச்ஞாமஹந்ம ந்ரு'விடம்பயோஃ ॥ ௩௮ ॥

த்ரு'ஷ்ட்வா ஸ்த்ரீணாம் பகவதி க்ரு'ஷ்ணே பக்திமலௌகிகீம் ।
ஆத்மாநம் ச தயா ஹீநமநுதப்தா வ்யகர்ஹயந் ॥ ௩௯ ॥

திக் ஜந்ம நஸ்த்ரிவ்ரு'த் யத் தத் திக்வ்ரதம் திக்பஹுஜ்ஞதாம் ।
திக்குலம் திக் க்ரியாதாக்ஷ்யம் விமுகா யே த்வதோக்ஷஜே ॥ ௪௦ ॥

நூநம் பகவதோ மாயா யோகிநாமபி மோஹிநீ ।
யத் வயம் குரவோ ந்ரு'ணாம் ஸ்வார்தே முஹ்யாமஹே த்விஜாஃ ॥ ௪௧ ॥

அஹோ பஶ்யத நாரீணாமபி க்ரு'ஷ்ணே ஜகத்குரௌ ।
துரந்தபாவம் யோ'வித்யந்ம்ரு'த்யுபாஶாந் க்ரு'ஹாபிதாந் ॥ ௪௨ ॥

நாஸாம் த்விஜாதிஸம்ஸ்காரோ ந நிவாஸோ குராவபி ।
ந தபோ நாத்மமீமாம்ஸா ந ஶௌசம் ந க்ரியாஃ ஶுபாஃ ॥ ௪௩ ॥

ததாபி ஹ்யுத்தமஃஶ்லோகே க்ரு'ஷ்ணே யோகேஶ்வரேஶ்வரே ।
பக்திர்த்ரு'டா ந சாஸ்மாகம் ஸம்ஸ்காராதிமதாமபி ॥ ௪௪ ॥

நநு ஸ்வார்தவிமூடாநாம் ப்ரமத்தாநாம் க்ரு'ஹேஹயா ।
அஹோ நஃ ஸ்மாரயாமாஸ கோபவாக்யைஃ ஸதாம் கதிஃ ॥ ௪௫ ॥

அந்யதா பூர்ணகாமஸ்ய கைவல்யாத்யஶிஷாம் பதேஃ ।
ஈஶிதவ்யைஃ கிமஸ்மாபிரீஶஸ்யைதத் விடம்பநம் ॥ ௪௬ ॥

ஹித்வாந்யாந் பஜதே யம் ஶ்ரீஃ பாதஸ்பர்ஶாஶயாஸக்ரு'த் ।
ஸ்வாத்மதோஷாபவர்கேண தத்யாச்ஞா ஜநமோஹிநீ ॥ ௪௭ ॥

தேஶஃ காலஃ ப்ரு'தக்த்ரவ்யம் மந்த்ரதந்த்ரர்த்விஜோ'க்நயஃ ।
தேவதா யஜமாநஶ்ச க்ரதுர்தர்மஶ்ச யந்மயஃ ॥ ௪௮ ॥

ஸ ஏவ பகவாந் ஸாக்ஷாத் விஷ்ணுர்யோகேஶ்வரேஶ்வரஃ ।
ஜாதோ யதுஷ்வித்யாஶ்ரு'ண்ம ஹ்யபி மூடா ந வித்மஹே ॥ ௪௯ ॥

தஸ்மை நமோ பகவதே க்ரு'ஷ்ணாயாகுண்டமேதஸே ।
யந்மாயாமோஹிததியோ ப்ரமாமஃ கர்மவர்த்மஸு ॥ ௫௦ ॥

ஸ வை ந ஆத்யஃ புருஷஃ ஸ்வமாயாமோஹிதாத்மநாம் ।
அவிஜ்ஞதாநுபாவாநாம் க்ஷந்துமர்ஹத்யதிக்ரமம் ॥ ௫௧ ॥

இதி ஸ்வாகமநுஸ்ம்ரு'த்ய க்ரு'ஷ்ணே தே க்ரு'தஹேலநாஃ ।
தித்ரு'க்ஷவோ வ்ரஜமத கம்ஸாத் பீதா ந சாசலந் ॥ ௫௨ ॥