শ্ৰীশুক উৱাচ
গোৱৰ্ধনে ধৃতে শৈলে আসাৰাদ্ ৰক্ষিতে ৱ্ৰজে । গোলোকাদাৱ্ৰজত্কৃষ্ণং সুৰভিঃ শক্ৰ এৱ চ ॥ ১ ॥
গোৱৰ্ধনে ধৃতে শৈলে আসাৰাদ্ ৰক্ষিতে ৱ্ৰজে । গোলোকাদাৱ্ৰজত্কৃষ্ণং সুৰভিঃ শক্ৰ এৱ চ ॥ ১ ॥
ৱিৱিক্ত উপসঙ্গম্য ৱ্ৰীডীতঃ কৃতহেলনঃ । পস্পৰ্শ পাদযোৰেনং কিৰীটেনাৰ্কৱৰ্চসা ॥ ২ ॥
দৃষ্টশ্ৰুতানুভাৱোঽস্য কৃষ্ণস্যামিততেজসঃ । নষ্টত্ৰিলোকেশমদ ইদমাহ কৃতাঞ্জলিঃ ॥ ৩ ॥
ইন্দ্ৰ উৱাচ
ৱিশুদ্ধসত্ত্ৱং তৱ ধাম শান্তংতপোমযং ধ্ৱস্তৰজস্তমস্কম্ । মাযামযোঽযং গুণসম্প্ৰৱাহোন ৱিদ্যতে তেঽগ্ৰহণানুবন্ধঃ ॥ ৪ ॥
ৱিশুদ্ধসত্ত্ৱং তৱ ধাম শান্তংতপোমযং ধ্ৱস্তৰজস্তমস্কম্ । মাযামযোঽযং গুণসম্প্ৰৱাহোন ৱিদ্যতে তেঽগ্ৰহণানুবন্ধঃ ॥ ৪ ॥
কুতো নু তদ্ধেতৱ ঈশ তত্কৃতালোভাদযো যেঽবুধলিঙ্গভাৱাঃ । তথাপি দণ্ডং ভগৱান্ বিভৰ্তিধৰ্মস্য গুপ্ত্যৈ লনিগ্ৰহায ॥ ৫ ॥
পিতা গুৰুস্ত্ৱং জগতামধীশোদুৰত্যযঃ কাল উপাত্তদণ্ডঃ । হিতায চেচ্ছাতনুভিঃ সমীহসেমানং ৱিধুন্ৱন্ জগদীশমানিনাম্ ॥ ৬ ॥
যে মদ্ৱিধাজ্ঞা জগদীশমানিন-স্ত্ৱাং ৱীক্ষ্য কালেঽভযমাশু তন্মদম্ । হিত্ৱাৰ্যমাৰ্গং প্ৰভজন্ত্যপস্মযাঈহা খলানামপি তেঽনুশাসনম্ ॥ ৭ ॥
স ত্ৱং মমৈশ্ৱৰ্যমদপ্লুতস্যকৃতাগসস্তেঽৱিদুষঃ প্ৰভাৱম্ । ক্ষন্তুং প্ৰভোঽথাৰ্হসি মূঢচেতসোমৈৱং পুনৰ্ভূন্মতিৰীশ মেঽসতী ॥ ৮ ॥
তৱাৱতাৰোঽযমধোক্ষজেহভুৱো ভৰাণামুৰুভাৰজন্মনাম্ । চমূপতীনামভৱায দেৱভৱায যুষ্মচ্চৰণানুৱৰ্তিনাম্ ॥ ৯ ॥
নমস্তুভ্যং ভগৱতে পুৰুষায মহাত্মনে । ৱাসুদেৱায কৃষ্ণায সাত্ৱতাং পতযে নমঃ ॥ ১০ ॥
স্ৱচ্ছন্দোপাত্তদেহায ৱিশুদ্ধজ্ঞানমূৰ্তযে । সৰ্ৱস্মৈ সৰ্ৱবীজায সৰ্ৱভূতাত্মনে নমঃ ॥ ১১ ॥
মযেদং ভগৱন্ গোষ্ঠনাশাযাসাৰৱাযুভিঃ । চেষ্টিতং ৱিহতে যজ্ঞে মানিনা তীৱ্ৰমন্যুনা ॥ ১২ ॥
ত্ৱযেশানুগৃহীতোঽস্মি ধ্ৱস্তস্তম্ভো ৱৃথোদ্যমঃ । ঈশ্ৱৰং গুৰুমাত্মানং ত্ৱামহং শৰণং গতঃ ॥ ১৩ ॥
শ্ৰীশুক উৱাচ
এৱং সঙ্কীৰ্তিতঃ কৃষ্ণো মঘোনা ভগৱানমুম্ । মেঘগম্ভীৰযা ৱাচা প্ৰহসন্নিদমব্ৰৱীত্ ॥ ১৪ ॥
এৱং সঙ্কীৰ্তিতঃ কৃষ্ণো মঘোনা ভগৱানমুম্ । মেঘগম্ভীৰযা ৱাচা প্ৰহসন্নিদমব্ৰৱীত্ ॥ ১৪ ॥
শ্ৰীভগৱানুৱাচ
মযা তেঽকাৰি মঘৱন্ মখভঙ্গোঽনুগৃহ্ণতা । মদনুস্মৃতযে নিত্যং মত্তস্যেন্দ্ৰ শ্ৰিযা ভৃশম্ ॥ ১৫ ॥
মযা তেঽকাৰি মঘৱন্ মখভঙ্গোঽনুগৃহ্ণতা । মদনুস্মৃতযে নিত্যং মত্তস্যেন্দ্ৰ শ্ৰিযা ভৃশম্ ॥ ১৫ ॥
মামৈশ্ৱৰ্যশ্ৰীমদান্ধো দণ্ডপাণিং ন পশ্যতি । তং ভ্ৰংশযামি সম্পদ্ভ্যো যস্য চেচ্ছাম্যনুগ্ৰহম্ ॥ ১৬ ॥
গম্যতাং শক্ৰ ভদ্ৰং ৱঃ ক্ৰিযতাং মেঽনুশাসনম্ । স্থীযতাং স্ৱাধিকাৰেষু যুক্তৈৰ্ৱঃ স্তম্ভৱৰ্জিতৈঃ ॥ ১৭ ॥
অথাহ সুৰভিঃ কৃষ্ণমভিৱন্দ্যমনস্ৱিনী । স্ৱসন্তানৈৰুপামন্ত্ৰ্য গোপৰূপিণমীশ্ৱৰম্ ॥ ১৮ ॥
সুৰভিৰুৱাচ
কৃষ্ণ কৃষ্ণ মহাযোগিন্ ৱিশ্ৱাত্মন্ ৱিশ্ৱসম্ভৱ । ভৱতা লোকনাথেন সনাথা ৱযমচ্যুত ॥ ১৯ ॥
কৃষ্ণ কৃষ্ণ মহাযোগিন্ ৱিশ্ৱাত্মন্ ৱিশ্ৱসম্ভৱ । ভৱতা লোকনাথেন সনাথা ৱযমচ্যুত ॥ ১৯ ॥
ত্ৱং নঃ পৰমকং দৈৱং ত্ৱং ন ইন্দ্ৰো জগত্পতে । ভৱায ভৱ গোৱিপ্ৰদেৱানাং যে চ সাধৱঃ ॥ ২০ ॥
ইন্দ্ৰং নস্ত্ৱাভিষেক্ষ্যামো ব্ৰহ্মণা চোদিতা ৱযম্ । অৱতীৰ্ণোঽসি ৱিশ্ৱাত্মন্ ভূমেৰ্ভাৰাপনুত্তযে ॥ ২১ ॥
শ্ৰীশুক উৱাচ
এৱং কৃষ্ণমুপামন্ত্ৰ্য সুৰভিঃ পযসাত্মনঃ । জলৈৰাকাশগঙ্গাযা ঐৰাৱতকৰোদ্ধৃতৈঃ ॥ ২২ ॥
এৱং কৃষ্ণমুপামন্ত্ৰ্য সুৰভিঃ পযসাত্মনঃ । জলৈৰাকাশগঙ্গাযা ঐৰাৱতকৰোদ্ধৃতৈঃ ॥ ২২ ॥
ইন্দ্ৰঃ সুৰৰ্ষিভিঃ সাকং চোদিতো দেৱমাতৃভিঃ । অভ্যসিঞ্চত দাশাৰ্হং গোৱিন্দ ইতি চাভ্যধাত্ ॥ ২৩ ॥
তত্ৰাগতাস্তুম্বুৰুনাৰদাদযোগন্ধৰ্ৱৱিদ্যাধৰসিদ্ধচাৰণাঃ । জগুৰ্যশো লোকমলাপহং হৰেঃসুৰাঙ্গনাঃ সন্ননৃতুৰ্মুদান্ৱিতাঃ ॥ ২৪ ॥
তং তুষ্টুৱুৰ্দেৱনিকাযকেতৱোহ্যৱাকিৰংশ্চাদ্ভুতপুষ্পৱৃষ্টিভিঃ । লোকাঃ পৰাং নিৰ্ৱৃতিমাপ্নুৱংস্ত্ৰযোগাৱস্তদা গামনযন্ পযোদ্ৰুতাম্ ॥ ২৫ ॥
নানাৰসৌঘাঃ সৰিতো ৱৃক্ষা আসন্ মধুস্ৰৱাঃ । অকৃষ্টপচ্যৌষধযো গিৰযোঽবিভ্ৰনুন্মণীন্ ॥ ২৬ ॥
কৃষ্ণেঽভিষিক্ত এতানি সৰ্ৱাণি কুৰুনন্দন । নিৰ্ৱৈৰাণ্যভৱংস্তাত ক্ৰূৰাণ্যপি নিসৰ্গতঃ ॥ ২৭ ॥
ইতি গোগোকুলপতিং গোৱিন্দমভিষিচ্য সঃ । অনুজ্ঞাতো যযৌ শক্ৰো ৱৃতো দেৱাদিভিৰ্দিৱম্ ॥ ২৮ ॥