శ్రీశుక ఉవాచ
గోవర్ధనే ధృతే శైలే ఆసారాద్ రక్షితే వ్రజే । గోలోకాదావ్రజత్కృష్ణం సురభిః శక్ర ఏవ చ ॥ ౧ ॥
గోవర్ధనే ధృతే శైలే ఆసారాద్ రక్షితే వ్రజే । గోలోకాదావ్రజత్కృష్ణం సురభిః శక్ర ఏవ చ ॥ ౧ ॥
వివిక్త ఉపసఙ్గమ్య వ్రీడీతః కృతహేలనః । పస్పర్శ పాదయోరేనం కిరీటేనార్కవర్చసా ॥ ౨ ॥
దృష్టశ్రుతానుభావోఽస్య కృష్ణస్యామితతేజసః । నష్టత్రిలోకేశమద ఇదమాహ కృతాఞ్జలిః ॥ ౩ ॥
ఇన్ద్ర ఉవాచ
విశుద్ధసత్త్వం తవ ధామ శాన్తంతపోమయం ధ్వస్తరజస్తమస్కమ్ । మాయామయోఽయం గుణసమ్ప్రవాహోన విద్యతే తేఽగ్రహణానుబన్ధః ॥ ౪ ॥
విశుద్ధసత్త్వం తవ ధామ శాన్తంతపోమయం ధ్వస్తరజస్తమస్కమ్ । మాయామయోఽయం గుణసమ్ప్రవాహోన విద్యతే తేఽగ్రహణానుబన్ధః ॥ ౪ ॥
కుతో ను తద్ధేతవ ఈశ తత్కృతాలోభాదయో యేఽబుధలిఙ్గభావాః । తథాపి దణ్డం భగవాన్ బిభర్తిధర్మస్య గుప్త్యై లనిగ్రహాయ ॥ ౫ ॥
పితా గురుస్త్వం జగతామధీశోదురత్యయః కాల ఉపాత్తదణ్డః । హితాయ చేచ్ఛాతనుభిః సమీహసేమానం విధున్వన్ జగదీశమానినామ్ ॥ ౬ ॥
యే మద్విధాజ్ఞా జగదీశమానిన-స్త్వాం వీక్ష్య కాలేఽభయమాశు తన్మదమ్ । హిత్వార్యమార్గం ప్రభజన్త్యపస్మయాఈహా ఖలానామపి తేఽనుశాసనమ్ ॥ ౭ ॥
స త్వం మమైశ్వర్యమదప్లుతస్యకృతాగసస్తేఽవిదుషః ప్రభావమ్ । క్షన్తుం ప్రభోఽథార్హసి మూఢచేతసోమైవం పునర్భూన్మతిరీశ మేఽసతీ ॥ ౮ ॥
తవావతారోఽయమధోక్షజేహభువో భరాణామురుభారజన్మనామ్ । చమూపతీనామభవాయ దేవభవాయ యుష్మచ్చరణానువర్తినామ్ ॥ ౯ ॥
నమస్తుభ్యం భగవతే పురుషాయ మహాత్మనే । వాసుదేవాయ కృష్ణాయ సాత్వతాం పతయే నమః ॥ ౧౦ ॥
స్వచ్ఛన్దోపాత్తదేహాయ విశుద్ధజ్ఞానమూర్తయే । సర్వస్మై సర్వబీజాయ సర్వభూతాత్మనే నమః ॥ ౧౧ ॥
మయేదం భగవన్ గోష్ఠనాశాయాసారవాయుభిః । చేష్టితం విహతే యజ్ఞే మానినా తీవ్రమన్యునా ॥ ౧౨ ॥
త్వయేశానుగృహీతోఽస్మి ధ్వస్తస్తమ్భో వృథోద్యమః । ఈశ్వరం గురుమాత్మానం త్వామహం శరణం గతః ॥ ౧౩ ॥
శ్రీశుక ఉవాచ
ఏవం సఙ్కీర్తితః కృష్ణో మఘోనా భగవానముమ్ । మేఘగమ్భీరయా వాచా ప్రహసన్నిదమబ్రవీత్ ॥ ౧౪ ॥
ఏవం సఙ్కీర్తితః కృష్ణో మఘోనా భగవానముమ్ । మేఘగమ్భీరయా వాచా ప్రహసన్నిదమబ్రవీత్ ॥ ౧౪ ॥
శ్రీభగవానువాచ
మయా తేఽకారి మఘవన్ మఖభఙ్గోఽనుగృహ్ణతా । మదనుస్మృతయే నిత్యం మత్తస్యేన్ద్ర శ్రియా భృశమ్ ॥ ౧౫ ॥
మయా తేఽకారి మఘవన్ మఖభఙ్గోఽనుగృహ్ణతా । మదనుస్మృతయే నిత్యం మత్తస్యేన్ద్ర శ్రియా భృశమ్ ॥ ౧౫ ॥
మామైశ్వర్యశ్రీమదాన్ధో దణ్డపాణిం న పశ్యతి । తం భ్రంశయామి సమ్పద్భ్యో యస్య చేచ్ఛామ్యనుగ్రహమ్ ॥ ౧౬ ॥
గమ్యతాం శక్ర భద్రం వః క్రియతాం మేఽనుశాసనమ్ । స్థీయతాం స్వాధికారేషు యుక్తైర్వః స్తమ్భవర్జితైః ॥ ౧౭ ॥
అథాహ సురభిః కృష్ణమభివన్ద్యమనస్వినీ । స్వసన్తానైరుపామన్త్ర్య గోపరూపిణమీశ్వరమ్ ॥ ౧౮ ॥
సురభిరువాచ
కృష్ణ కృష్ణ మహాయోగిన్ విశ్వాత్మన్ విశ్వసమ్భవ । భవతా లోకనాథేన సనాథా వయమచ్యుత ॥ ౧౯ ॥
కృష్ణ కృష్ణ మహాయోగిన్ విశ్వాత్మన్ విశ్వసమ్భవ । భవతా లోకనాథేన సనాథా వయమచ్యుత ॥ ౧౯ ॥
త్వం నః పరమకం దైవం త్వం న ఇన్ద్రో జగత్పతే । భవాయ భవ గోవిప్రదేవానాం యే చ సాధవః ॥ ౨౦ ॥
ఇన్ద్రం నస్త్వాభిషేక్ష్యామో బ్రహ్మణా చోదితా వయమ్ । అవతీర్ణోఽసి విశ్వాత్మన్ భూమేర్భారాపనుత్తయే ॥ ౨౧ ॥
శ్రీశుక ఉవాచ
ఏవం కృష్ణముపామన్త్ర్య సురభిః పయసాత్మనః । జలైరాకాశగఙ్గాయా ఐరావతకరోద్ధృతైః ॥ ౨౨ ॥
ఏవం కృష్ణముపామన్త్ర్య సురభిః పయసాత్మనః । జలైరాకాశగఙ్గాయా ఐరావతకరోద్ధృతైః ॥ ౨౨ ॥
ఇన్ద్రః సురర్షిభిః సాకం చోదితో దేవమాతృభిః । అభ్యసిఞ్చత దాశార్హం గోవిన్ద ఇతి చాభ్యధాత్ ॥ ౨౩ ॥
తత్రాగతాస్తుమ్బురునారదాదయోగన్ధర్వవిద్యాధరసిద్ధచారణాః । జగుర్యశో లోకమలాపహం హరేఃసురాఙ్గనాః సన్ననృతుర్ముదాన్వితాః ॥ ౨౪ ॥
తం తుష్టువుర్దేవనికాయకేతవోహ్యవాకిరంశ్చాద్భుతపుష్పవృష్టిభిః । లోకాః పరాం నిర్వృతిమాప్నువంస్త్రయోగావస్తదా గామనయన్ పయోద్రుతామ్ ॥ ౨౫ ॥
నానారసౌఘాః సరితో వృక్షా ఆసన్ మధుస్రవాః । అకృష్టపచ్యౌషధయో గిరయోఽబిభ్రనున్మణీన్ ॥ ౨౬ ॥
కృష్ణేఽభిషిక్త ఏతాని సర్వాణి కురునన్దన । నిర్వైరాణ్యభవంస్తాత క్రూరాణ్యపి నిసర్గతః ॥ ౨౭ ॥
ఇతి గోగోకులపతిం గోవిన్దమభిషిచ్య సః । అనుజ్ఞాతో యయౌ శక్రో వృతో దేవాదిభిర్దివమ్ ॥ ౨౮ ॥