શ્રીશુક ઉવાચ
ગોવર્ધને ધૃતે શૈલે આસારાદ્ રક્ષિતે વ્રજે । ગોલોકાદાવ્રજત્કૃષ્ણં સુરભિઃ શક્ર એવ ચ ॥ ૧ ॥
ગોવર્ધને ધૃતે શૈલે આસારાદ્ રક્ષિતે વ્રજે । ગોલોકાદાવ્રજત્કૃષ્ણં સુરભિઃ શક્ર એવ ચ ॥ ૧ ॥
વિવિક્ત ઉપસઙ્ગમ્ય વ્રીડીતઃ કૃતહેલનઃ । પસ્પર્શ પાદયોરેનં કિરીટેનાર્કવર્ચસા ॥ ૨ ॥
દૃષ્ટશ્રુતાનુભાવોઽસ્ય કૃષ્ણસ્યામિતતેજસઃ । નષ્ટત્રિલોકેશમદ ઇદમાહ કૃતાઞ્જલિઃ ॥ ૩ ॥
ઇન્દ્ર ઉવાચ
વિશુદ્ધસત્ત્વં તવ ધામ શાન્તંતપોમયં ધ્વસ્તરજસ્તમસ્કમ્ । માયામયોઽયં ગુણસમ્પ્રવાહોન વિદ્યતે તેઽગ્રહણાનુબન્ધઃ ॥ ૪ ॥
વિશુદ્ધસત્ત્વં તવ ધામ શાન્તંતપોમયં ધ્વસ્તરજસ્તમસ્કમ્ । માયામયોઽયં ગુણસમ્પ્રવાહોન વિદ્યતે તેઽગ્રહણાનુબન્ધઃ ॥ ૪ ॥
કુતો નુ તદ્ધેતવ ઈશ તત્કૃતાલોભાદયો યેઽબુધલિઙ્ગભાવાઃ । તથાપિ દણ્ડં ભગવાન્ બિભર્તિધર્મસ્ય ગુપ્ત્યૈ લનિગ્રહાય ॥ ૫ ॥
પિતા ગુરુસ્ત્વં જગતામધીશોદુરત્યયઃ કાલ ઉપાત્તદણ્ડઃ । હિતાય ચેચ્છાતનુભિઃ સમીહસેમાનં વિધુન્વન્ જગદીશમાનિનામ્ ॥ ૬ ॥
યે મદ્વિધાજ્ઞા જગદીશમાનિન-સ્ત્વાં વીક્ષ્ય કાલેઽભયમાશુ તન્મદમ્ । હિત્વાર્યમાર્ગં પ્રભજન્ત્યપસ્મયાઈહા ખલાનામપિ તેઽનુશાસનમ્ ॥ ૭ ॥
સ ત્વં મમૈશ્વર્યમદપ્લુતસ્યકૃતાગસસ્તેઽવિદુષઃ પ્રભાવમ્ । ક્ષન્તું પ્રભોઽથાર્હસિ મૂઢચેતસોમૈવં પુનર્ભૂન્મતિરીશ મેઽસતી ॥ ૮ ॥
તવાવતારોઽયમધોક્ષજેહભુવો ભરાણામુરુભારજન્મનામ્ । ચમૂપતીનામભવાય દેવભવાય યુષ્મચ્ચરણાનુવર્તિનામ્ ॥ ૯ ॥
નમસ્તુભ્યં ભગવતે પુરુષાય મહાત્મને । વાસુદેવાય કૃષ્ણાય સાત્વતાં પતયે નમઃ ॥ ૧૦ ॥
સ્વચ્છન્દોપાત્તદેહાય વિશુદ્ધજ્ઞાનમૂર્તયે । સર્વસ્મૈ સર્વબીજાય સર્વભૂતાત્મને નમઃ ॥ ૧૧ ॥
મયેદં ભગવન્ ગોષ્ઠનાશાયાસારવાયુભિઃ । ચેષ્ટિતં વિહતે યજ્ઞે માનિના તીવ્રમન્યુના ॥ ૧૨ ॥
ત્વયેશાનુગૃહીતોઽસ્મિ ધ્વસ્તસ્તમ્ભો વૃથોદ્યમઃ । ઈશ્વરં ગુરુમાત્માનં ત્વામહં શરણં ગતઃ ॥ ૧૩ ॥
શ્રીશુક ઉવાચ
એવં સઙ્કીર્તિતઃ કૃષ્ણો મઘોના ભગવાનમુમ્ । મેઘગમ્ભીરયા વાચા પ્રહસન્નિદમબ્રવીત્ ॥ ૧૪ ॥
એવં સઙ્કીર્તિતઃ કૃષ્ણો મઘોના ભગવાનમુમ્ । મેઘગમ્ભીરયા વાચા પ્રહસન્નિદમબ્રવીત્ ॥ ૧૪ ॥
શ્રીભગવાનુવાચ
મયા તેઽકારિ મઘવન્ મખભઙ્ગોઽનુગૃહ્ણતા । મદનુસ્મૃતયે નિત્યં મત્તસ્યેન્દ્ર શ્રિયા ભૃશમ્ ॥ ૧૫ ॥
મયા તેઽકારિ મઘવન્ મખભઙ્ગોઽનુગૃહ્ણતા । મદનુસ્મૃતયે નિત્યં મત્તસ્યેન્દ્ર શ્રિયા ભૃશમ્ ॥ ૧૫ ॥
મામૈશ્વર્યશ્રીમદાન્ધો દણ્ડપાણિં ન પશ્યતિ । તં ભ્રંશયામિ સમ્પદ્ભ્યો યસ્ય ચેચ્છામ્યનુગ્રહમ્ ॥ ૧૬ ॥
ગમ્યતાં શક્ર ભદ્રં વઃ ક્રિયતાં મેઽનુશાસનમ્ । સ્થીયતાં સ્વાધિકારેષુ યુક્તૈર્વઃ સ્તમ્ભવર્જિતૈઃ ॥ ૧૭ ॥
અથાહ સુરભિઃ કૃષ્ણમભિવન્દ્યમનસ્વિની । સ્વસન્તાનૈરુપામન્ત્ર્ય ગોપરૂપિણમીશ્વરમ્ ॥ ૧૮ ॥
સુરભિરુવાચ
કૃષ્ણ કૃષ્ણ મહાયોગિન્ વિશ્વાત્મન્ વિશ્વસમ્ભવ । ભવતા લોકનાથેન સનાથા વયમચ્યુત ॥ ૧૯ ॥
કૃષ્ણ કૃષ્ણ મહાયોગિન્ વિશ્વાત્મન્ વિશ્વસમ્ભવ । ભવતા લોકનાથેન સનાથા વયમચ્યુત ॥ ૧૯ ॥
ત્વં નઃ પરમકં દૈવં ત્વં ન ઇન્દ્રો જગત્પતે । ભવાય ભવ ગોવિપ્રદેવાનાં યે ચ સાધવઃ ॥ ૨૦ ॥
ઇન્દ્રં નસ્ત્વાભિષેક્ષ્યામો બ્રહ્મણા ચોદિતા વયમ્ । અવતીર્ણોઽસિ વિશ્વાત્મન્ ભૂમેર્ભારાપનુત્તયે ॥ ૨૧ ॥
શ્રીશુક ઉવાચ
એવં કૃષ્ણમુપામન્ત્ર્ય સુરભિઃ પયસાત્મનઃ । જલૈરાકાશગઙ્ગાયા ઐરાવતકરોદ્ધૃતૈઃ ॥ ૨૨ ॥
એવં કૃષ્ણમુપામન્ત્ર્ય સુરભિઃ પયસાત્મનઃ । જલૈરાકાશગઙ્ગાયા ઐરાવતકરોદ્ધૃતૈઃ ॥ ૨૨ ॥
ઇન્દ્રઃ સુરર્ષિભિઃ સાકં ચોદિતો દેવમાતૃભિઃ । અભ્યસિઞ્ચત દાશાર્હં ગોવિન્દ ઇતિ ચાભ્યધાત્ ॥ ૨૩ ॥
તત્રાગતાસ્તુમ્બુરુનારદાદયોગન્ધર્વવિદ્યાધરસિદ્ધચારણાઃ । જગુર્યશો લોકમલાપહં હરેઃસુરાઙ્ગનાઃ સન્નનૃતુર્મુદાન્વિતાઃ ॥ ૨૪ ॥
તં તુષ્ટુવુર્દેવનિકાયકેતવોહ્યવાકિરંશ્ચાદ્ભુતપુષ્પવૃષ્ટિભિઃ । લોકાઃ પરાં નિર્વૃતિમાપ્નુવંસ્ત્રયોગાવસ્તદા ગામનયન્ પયોદ્રુતામ્ ॥ ૨૫ ॥
નાનારસૌઘાઃ સરિતો વૃક્ષા આસન્ મધુસ્રવાઃ । અકૃષ્ટપચ્યૌષધયો ગિરયોઽબિભ્રનુન્મણીન્ ॥ ૨૬ ॥
કૃષ્ણેઽભિષિક્ત એતાનિ સર્વાણિ કુરુનન્દન । નિર્વૈરાણ્યભવંસ્તાત ક્રૂરાણ્યપિ નિસર્ગતઃ ॥ ૨૭ ॥
ઇતિ ગોગોકુલપતિં ગોવિન્દમભિષિચ્ય સઃ । અનુજ્ઞાતો યયૌ શક્રો વૃતો દેવાદિભિર્દિવમ્ ॥ ૨૮ ॥