ಶ್ರೀಶುಕ ಉವಾಚ
ಗೋವರ್ಧನೇ ಧೃತೇ ಶೈಲೇ ಆಸಾರಾದ್ ರಕ್ಷಿತೇ ವ್ರಜೇ । ಗೋಲೋಕಾದಾವ್ರಜತ್ಕೃಷ್ಣಂ ಸುರಭಿಃ ಶಕ್ರ ಏವ ಚ ॥ ೧ ॥
ಗೋವರ್ಧನೇ ಧೃತೇ ಶೈಲೇ ಆಸಾರಾದ್ ರಕ್ಷಿತೇ ವ್ರಜೇ । ಗೋಲೋಕಾದಾವ್ರಜತ್ಕೃಷ್ಣಂ ಸುರಭಿಃ ಶಕ್ರ ಏವ ಚ ॥ ೧ ॥
ವಿವಿಕ್ತ ಉಪಸಙ್ಗಮ್ಯ ವ್ರೀಡೀತಃ ಕೃತಹೇಲನಃ । ಪಸ್ಪರ್ಶ ಪಾದಯೋರೇನಂ ಕಿರೀಟೇನಾರ್ಕವರ್ಚಸಾ ॥ ೨ ॥
ದೃಷ್ಟಶ್ರುತಾನುಭಾವೋಽಸ್ಯ ಕೃಷ್ಣಸ್ಯಾಮಿತತೇಜಸಃ । ನಷ್ಟತ್ರಿಲೋಕೇಶಮದ ಇದಮಾಹ ಕೃತಾಞ್ಜಲಿಃ ॥ ೩ ॥
ಇನ್ದ್ರ ಉವಾಚ
ವಿಶುದ್ಧಸತ್ತ್ವಂ ತವ ಧಾಮ ಶಾನ್ತಂತಪೋಮಯಂ ಧ್ವಸ್ತರಜಸ್ತಮಸ್ಕಮ್ । ಮಾಯಾಮಯೋಽಯಂ ಗುಣಸಮ್ಪ್ರವಾಹೋನ ವಿದ್ಯತೇ ತೇಽಗ್ರಹಣಾನುಬನ್ಧಃ ॥ ೪ ॥
ವಿಶುದ್ಧಸತ್ತ್ವಂ ತವ ಧಾಮ ಶಾನ್ತಂತಪೋಮಯಂ ಧ್ವಸ್ತರಜಸ್ತಮಸ್ಕಮ್ । ಮಾಯಾಮಯೋಽಯಂ ಗುಣಸಮ್ಪ್ರವಾಹೋನ ವಿದ್ಯತೇ ತೇಽಗ್ರಹಣಾನುಬನ್ಧಃ ॥ ೪ ॥
ಕುತೋ ನು ತದ್ಧೇತವ ಈಶ ತತ್ಕೃತಾಲೋಭಾದಯೋ ಯೇಽಬುಧಲಿಙ್ಗಭಾವಾಃ । ತಥಾಪಿ ದಣ್ಡಂ ಭಗವಾನ್ ಬಿಭರ್ತಿಧರ್ಮಸ್ಯ ಗುಪ್ತ್ಯೈ ಲನಿಗ್ರಹಾಯ ॥ ೫ ॥
ಪಿತಾ ಗುರುಸ್ತ್ವಂ ಜಗತಾಮಧೀಶೋದುರತ್ಯಯಃ ಕಾಲ ಉಪಾತ್ತದಣ್ಡಃ । ಹಿತಾಯ ಚೇಚ್ಛಾತನುಭಿಃ ಸಮೀಹಸೇಮಾನಂ ವಿಧುನ್ವನ್ ಜಗದೀಶಮಾನಿನಾಮ್ ॥ ೬ ॥
ಯೇ ಮದ್ವಿಧಾಜ್ಞಾ ಜಗದೀಶಮಾನಿನ-ಸ್ತ್ವಾಂ ವೀಕ್ಷ್ಯ ಕಾಲೇಽಭಯಮಾಶು ತನ್ಮದಮ್ । ಹಿತ್ವಾರ್ಯಮಾರ್ಗಂ ಪ್ರಭಜನ್ತ್ಯಪಸ್ಮಯಾಈಹಾ ಖಲಾನಾಮಪಿ ತೇಽನುಶಾಸನಮ್ ॥ ೭ ॥
ಸ ತ್ವಂ ಮಮೈಶ್ವರ್ಯಮದಪ್ಲುತಸ್ಯಕೃತಾಗಸಸ್ತೇಽವಿದುಷಃ ಪ್ರಭಾವಮ್ । ಕ್ಷನ್ತುಂ ಪ್ರಭೋಽಥಾರ್ಹಸಿ ಮೂಢಚೇತಸೋಮೈವಂ ಪುನರ್ಭೂನ್ಮತಿರೀಶ ಮೇಽಸತೀ ॥ ೮ ॥
ತವಾವತಾರೋಽಯಮಧೋಕ್ಷಜೇಹಭುವೋ ಭರಾಣಾಮುರುಭಾರಜನ್ಮನಾಮ್ । ಚಮೂಪತೀನಾಮಭವಾಯ ದೇವಭವಾಯ ಯುಷ್ಮಚ್ಚರಣಾನುವರ್ತಿನಾಮ್ ॥ ೯ ॥
ನಮಸ್ತುಭ್ಯಂ ಭಗವತೇ ಪುರುಷಾಯ ಮಹಾತ್ಮನೇ । ವಾಸುದೇವಾಯ ಕೃಷ್ಣಾಯ ಸಾತ್ವತಾಂ ಪತಯೇ ನಮಃ ॥ ೧೦ ॥
ಸ್ವಚ್ಛನ್ದೋಪಾತ್ತದೇಹಾಯ ವಿಶುದ್ಧಜ್ಞಾನಮೂರ್ತಯೇ । ಸರ್ವಸ್ಮೈ ಸರ್ವಬೀಜಾಯ ಸರ್ವಭೂತಾತ್ಮನೇ ನಮಃ ॥ ೧೧ ॥
ಮಯೇದಂ ಭಗವನ್ ಗೋಷ್ಠನಾಶಾಯಾಸಾರವಾಯುಭಿಃ । ಚೇಷ್ಟಿತಂ ವಿಹತೇ ಯಜ್ಞೇ ಮಾನಿನಾ ತೀವ್ರಮನ್ಯುನಾ ॥ ೧೨ ॥
ತ್ವಯೇಶಾನುಗೃಹೀತೋಽಸ್ಮಿ ಧ್ವಸ್ತಸ್ತಮ್ಭೋ ವೃಥೋದ್ಯಮಃ । ಈಶ್ವರಂ ಗುರುಮಾತ್ಮಾನಂ ತ್ವಾಮಹಂ ಶರಣಂ ಗತಃ ॥ ೧೩ ॥
ಶ್ರೀಶುಕ ಉವಾಚ
ಏವಂ ಸಙ್ಕೀರ್ತಿತಃ ಕೃಷ್ಣೋ ಮಘೋನಾ ಭಗವಾನಮುಮ್ । ಮೇಘಗಮ್ಭೀರಯಾ ವಾಚಾ ಪ್ರಹಸನ್ನಿದಮಬ್ರವೀತ್ ॥ ೧೪ ॥
ಏವಂ ಸಙ್ಕೀರ್ತಿತಃ ಕೃಷ್ಣೋ ಮಘೋನಾ ಭಗವಾನಮುಮ್ । ಮೇಘಗಮ್ಭೀರಯಾ ವಾಚಾ ಪ್ರಹಸನ್ನಿದಮಬ್ರವೀತ್ ॥ ೧೪ ॥
ಶ್ರೀಭಗವಾನುವಾಚ
ಮಯಾ ತೇಽಕಾರಿ ಮಘವನ್ ಮಖಭಙ್ಗೋಽನುಗೃಹ್ಣತಾ । ಮದನುಸ್ಮೃತಯೇ ನಿತ್ಯಂ ಮತ್ತಸ್ಯೇನ್ದ್ರ ಶ್ರಿಯಾ ಭೃಶಮ್ ॥ ೧೫ ॥
ಮಯಾ ತೇಽಕಾರಿ ಮಘವನ್ ಮಖಭಙ್ಗೋಽನುಗೃಹ್ಣತಾ । ಮದನುಸ್ಮೃತಯೇ ನಿತ್ಯಂ ಮತ್ತಸ್ಯೇನ್ದ್ರ ಶ್ರಿಯಾ ಭೃಶಮ್ ॥ ೧೫ ॥
ಮಾಮೈಶ್ವರ್ಯಶ್ರೀಮದಾನ್ಧೋ ದಣ್ಡಪಾಣಿಂ ನ ಪಶ್ಯತಿ । ತಂ ಭ್ರಂಶಯಾಮಿ ಸಮ್ಪದ್ಭ್ಯೋ ಯಸ್ಯ ಚೇಚ್ಛಾಮ್ಯನುಗ್ರಹಮ್ ॥ ೧೬ ॥
ಗಮ್ಯತಾಂ ಶಕ್ರ ಭದ್ರಂ ವಃ ಕ್ರಿಯತಾಂ ಮೇಽನುಶಾಸನಮ್ । ಸ್ಥೀಯತಾಂ ಸ್ವಾಧಿಕಾರೇಷು ಯುಕ್ತೈರ್ವಃ ಸ್ತಮ್ಭವರ್ಜಿತೈಃ ॥ ೧೭ ॥
ಅಥಾಹ ಸುರಭಿಃ ಕೃಷ್ಣಮಭಿವನ್ದ್ಯಮನಸ್ವಿನೀ । ಸ್ವಸನ್ತಾನೈರುಪಾಮನ್ತ್ರ್ಯ ಗೋಪರೂಪಿಣಮೀಶ್ವರಮ್ ॥ ೧೮ ॥
ಸುರಭಿರುವಾಚ
ಕೃಷ್ಣ ಕೃಷ್ಣ ಮಹಾಯೋಗಿನ್ ವಿಶ್ವಾತ್ಮನ್ ವಿಶ್ವಸಮ್ಭವ । ಭವತಾ ಲೋಕನಾಥೇನ ಸನಾಥಾ ವಯಮಚ್ಯುತ ॥ ೧೯ ॥
ಕೃಷ್ಣ ಕೃಷ್ಣ ಮಹಾಯೋಗಿನ್ ವಿಶ್ವಾತ್ಮನ್ ವಿಶ್ವಸಮ್ಭವ । ಭವತಾ ಲೋಕನಾಥೇನ ಸನಾಥಾ ವಯಮಚ್ಯುತ ॥ ೧೯ ॥
ತ್ವಂ ನಃ ಪರಮಕಂ ದೈವಂ ತ್ವಂ ನ ಇನ್ದ್ರೋ ಜಗತ್ಪತೇ । ಭವಾಯ ಭವ ಗೋವಿಪ್ರದೇವಾನಾಂ ಯೇ ಚ ಸಾಧವಃ ॥ ೨೦ ॥
ಇನ್ದ್ರಂ ನಸ್ತ್ವಾಭಿಷೇಕ್ಷ್ಯಾಮೋ ಬ್ರಹ್ಮಣಾ ಚೋದಿತಾ ವಯಮ್ । ಅವತೀರ್ಣೋಽಸಿ ವಿಶ್ವಾತ್ಮನ್ ಭೂಮೇರ್ಭಾರಾಪನುತ್ತಯೇ ॥ ೨೧ ॥
ಶ್ರೀಶುಕ ಉವಾಚ
ಏವಂ ಕೃಷ್ಣಮುಪಾಮನ್ತ್ರ್ಯ ಸುರಭಿಃ ಪಯಸಾತ್ಮನಃ । ಜಲೈರಾಕಾಶಗಙ್ಗಾಯಾ ಐರಾವತಕರೋದ್ಧೃತೈಃ ॥ ೨೨ ॥
ಏವಂ ಕೃಷ್ಣಮುಪಾಮನ್ತ್ರ್ಯ ಸುರಭಿಃ ಪಯಸಾತ್ಮನಃ । ಜಲೈರಾಕಾಶಗಙ್ಗಾಯಾ ಐರಾವತಕರೋದ್ಧೃತೈಃ ॥ ೨೨ ॥
ಇನ್ದ್ರಃ ಸುರರ್ಷಿಭಿಃ ಸಾಕಂ ಚೋದಿತೋ ದೇವಮಾತೃಭಿಃ । ಅಭ್ಯಸಿಞ್ಚತ ದಾಶಾರ್ಹಂ ಗೋವಿನ್ದ ಇತಿ ಚಾಭ್ಯಧಾತ್ ॥ ೨೩ ॥
ತತ್ರಾಗತಾಸ್ತುಮ್ಬುರುನಾರದಾದಯೋಗನ್ಧರ್ವವಿದ್ಯಾಧರಸಿದ್ಧಚಾರಣಾಃ । ಜಗುರ್ಯಶೋ ಲೋಕಮಲಾಪಹಂ ಹರೇಃಸುರಾಙ್ಗನಾಃ ಸನ್ನನೃತುರ್ಮುದಾನ್ವಿತಾಃ ॥ ೨೪ ॥
ತಂ ತುಷ್ಟುವುರ್ದೇವನಿಕಾಯಕೇತವೋಹ್ಯವಾಕಿರಂಶ್ಚಾದ್ಭುತಪುಷ್ಪವೃಷ್ಟಿಭಿಃ । ಲೋಕಾಃ ಪರಾಂ ನಿರ್ವೃತಿಮಾಪ್ನುವಂಸ್ತ್ರಯೋಗಾವಸ್ತದಾ ಗಾಮನಯನ್ ಪಯೋದ್ರುತಾಮ್ ॥ ೨೫ ॥
ನಾನಾರಸೌಘಾಃ ಸರಿತೋ ವೃಕ್ಷಾ ಆಸನ್ ಮಧುಸ್ರವಾಃ । ಅಕೃಷ್ಟಪಚ್ಯೌಷಧಯೋ ಗಿರಯೋಽಬಿಭ್ರನುನ್ಮಣೀನ್ ॥ ೨೬ ॥
ಕೃಷ್ಣೇಽಭಿಷಿಕ್ತ ಏತಾನಿ ಸರ್ವಾಣಿ ಕುರುನನ್ದನ । ನಿರ್ವೈರಾಣ್ಯಭವಂಸ್ತಾತ ಕ್ರೂರಾಣ್ಯಪಿ ನಿಸರ್ಗತಃ ॥ ೨೭ ॥
ಇತಿ ಗೋಗೋಕುಲಪತಿಂ ಗೋವಿನ್ದಮಭಿಷಿಚ್ಯ ಸಃ । ಅನುಜ್ಞಾತೋ ಯಯೌ ಶಕ್ರೋ ವೃತೋ ದೇವಾದಿಭಿರ್ದಿವಮ್ ॥ ೨೮ ॥