ଶ୍ରୀଶୁକ ଉଵାଚ
ଗୋଵର୍ଧନେ ଧୃତେ ଶୈଲେ ଆସାରାଦ୍ ରକ୍ଷିତେ ଵ୍ରଜେ । ଗୋଲୋକାଦାଵ୍ରଜତ୍କୃଷ୍ଣଂ ସୁରଭିଃ ଶକ୍ର ଏଵ ଚ ॥ ୧ ॥
ଗୋଵର୍ଧନେ ଧୃତେ ଶୈଲେ ଆସାରାଦ୍ ରକ୍ଷିତେ ଵ୍ରଜେ । ଗୋଲୋକାଦାଵ୍ରଜତ୍କୃଷ୍ଣଂ ସୁରଭିଃ ଶକ୍ର ଏଵ ଚ ॥ ୧ ॥
ଵିଵିକ୍ତ ଉପସଙ୍ଗମ୍ଯ ଵ୍ରୀଡୀତଃ କୃତହେଲନଃ । ପସ୍ପର୍ଶ ପାଦଯୋରେନଂ କିରୀଟେନାର୍କଵର୍ଚସା ॥ ୨ ॥
ଦୃଷ୍ଟଶ୍ରୁତାନୁଭାଵୋଽସ୍ଯ କୃଷ୍ଣସ୍ଯାମିତତେଜସଃ । ନଷ୍ଟତ୍ରିଲୋକେଶମଦ ଇଦମାହ କୃତାଞ୍ଜଲିଃ ॥ ୩ ॥
ଇନ୍ଦ୍ର ଉଵାଚ
ଵିଶୁଦ୍ଧସତ୍ତ୍ଵଂ ତଵ ଧାମ ଶାନ୍ତଂତପୋମଯଂ ଧ୍ଵସ୍ତରଜସ୍ତମସ୍କମ୍ । ମାଯାମଯୋଽଯଂ ଗୁଣସମ୍ପ୍ରଵାହୋନ ଵିଦ୍ଯତେ ତେଽଗ୍ରହଣାନୁବନ୍ଧଃ ॥ ୪ ॥
ଵିଶୁଦ୍ଧସତ୍ତ୍ଵଂ ତଵ ଧାମ ଶାନ୍ତଂତପୋମଯଂ ଧ୍ଵସ୍ତରଜସ୍ତମସ୍କମ୍ । ମାଯାମଯୋଽଯଂ ଗୁଣସମ୍ପ୍ରଵାହୋନ ଵିଦ୍ଯତେ ତେଽଗ୍ରହଣାନୁବନ୍ଧଃ ॥ ୪ ॥
କୁତୋ ନୁ ତଦ୍ଧେତଵ ଈଶ ତତ୍କୃତାଲୋଭାଦଯୋ ଯେଽବୁଧଲିଙ୍ଗଭାଵାଃ । ତଥାପି ଦଣ୍ଡଂ ଭଗଵାନ୍ ବିଭର୍ତିଧର୍ମସ୍ଯ ଗୁପ୍ତ୍ଯୈ ଲନିଗ୍ରହାଯ ॥ ୫ ॥
ପିତା ଗୁରୁସ୍ତ୍ଵଂ ଜଗତାମଧୀଶୋଦୁରତ୍ଯଯଃ କାଲ ଉପାତ୍ତଦଣ୍ଡଃ । ହିତାଯ ଚେଚ୍ଛାତନୁଭିଃ ସମୀହସେମାନଂ ଵିଧୁନ୍ଵନ୍ ଜଗଦୀଶମାନିନାମ୍ ॥ ୬ ॥
ଯେ ମଦ୍ଵିଧାଜ୍ଞା ଜଗଦୀଶମାନିନ-ସ୍ତ୍ଵାଂ ଵୀକ୍ଷ୍ଯ କାଲେଽଭଯମାଶୁ ତନ୍ମଦମ୍ । ହିତ୍ଵାର୍ଯମାର୍ଗଂ ପ୍ରଭଜନ୍ତ୍ଯପସ୍ମଯାଈହା ଖଲାନାମପି ତେଽନୁଶାସନମ୍ ॥ ୭ ॥
ସ ତ୍ଵଂ ମମୈଶ୍ଵର୍ଯମଦପ୍ଲୁତସ୍ଯକୃତାଗସସ୍ତେଽଵିଦୁଷଃ ପ୍ରଭାଵମ୍ । କ୍ଷନ୍ତୁଂ ପ୍ରଭୋଽଥାର୍ହସି ମୂଢଚେତସୋମୈଵଂ ପୁନର୍ଭୂନ୍ମତିରୀଶ ମେଽସତୀ ॥ ୮ ॥
ତଵାଵତାରୋଽଯମଧୋକ୍ଷଜେହଭୁଵୋ ଭରାଣାମୁରୁଭାରଜନ୍ମନାମ୍ । ଚମୂପତୀନାମଭଵାଯ ଦେଵଭଵାଯ ଯୁଷ୍ମଚ୍ଚରଣାନୁଵର୍ତିନାମ୍ ॥ ୯ ॥
ନମସ୍ତୁଭ୍ଯଂ ଭଗଵତେ ପୁରୁଷାଯ ମହାତ୍ମନେ । ଵାସୁଦେଵାଯ କୃଷ୍ଣାଯ ସାତ୍ଵତାଂ ପତଯେ ନମଃ ॥ ୧୦ ॥
ସ୍ଵଚ୍ଛନ୍ଦୋପାତ୍ତଦେହାଯ ଵିଶୁଦ୍ଧଜ୍ଞାନମୂର୍ତଯେ । ସର୍ଵସ୍ମୈ ସର୍ଵବୀଜାଯ ସର୍ଵଭୂତାତ୍ମନେ ନମଃ ॥ ୧୧ ॥
ମଯେଦଂ ଭଗଵନ୍ ଗୋଷ୍ଠନାଶାଯାସାରଵାଯୁଭିଃ । ଚେଷ୍ଟିତଂ ଵିହତେ ଯଜ୍ଞେ ମାନିନା ତୀଵ୍ରମନ୍ଯୁନା ॥ ୧୨ ॥
ତ୍ଵଯେଶାନୁଗୃହୀତୋଽସ୍ମି ଧ୍ଵସ୍ତସ୍ତମ୍ଭୋ ଵୃଥୋଦ୍ଯମଃ । ଈଶ୍ଵରଂ ଗୁରୁମାତ୍ମାନଂ ତ୍ଵାମହଂ ଶରଣଂ ଗତଃ ॥ ୧୩ ॥
ଶ୍ରୀଶୁକ ଉଵାଚ
ଏଵଂ ସଙ୍କୀର୍ତିତଃ କୃଷ୍ଣୋ ମଘୋନା ଭଗଵାନମୁମ୍ । ମେଘଗମ୍ଭୀରଯା ଵାଚା ପ୍ରହସନ୍ନିଦମବ୍ରଵୀତ୍ ॥ ୧୪ ॥
ଏଵଂ ସଙ୍କୀର୍ତିତଃ କୃଷ୍ଣୋ ମଘୋନା ଭଗଵାନମୁମ୍ । ମେଘଗମ୍ଭୀରଯା ଵାଚା ପ୍ରହସନ୍ନିଦମବ୍ରଵୀତ୍ ॥ ୧୪ ॥
ଶ୍ରୀଭଗଵାନୁଵାଚ
ମଯା ତେଽକାରି ମଘଵନ୍ ମଖଭଙ୍ଗୋଽନୁଗୃହ୍ଣତା । ମଦନୁସ୍ମୃତଯେ ନିତ୍ଯଂ ମତ୍ତସ୍ଯେନ୍ଦ୍ର ଶ୍ରିଯା ଭୃଶମ୍ ॥ ୧୫ ॥
ମଯା ତେଽକାରି ମଘଵନ୍ ମଖଭଙ୍ଗୋଽନୁଗୃହ୍ଣତା । ମଦନୁସ୍ମୃତଯେ ନିତ୍ଯଂ ମତ୍ତସ୍ଯେନ୍ଦ୍ର ଶ୍ରିଯା ଭୃଶମ୍ ॥ ୧୫ ॥
ମାମୈଶ୍ଵର୍ଯଶ୍ରୀମଦାନ୍ଧୋ ଦଣ୍ଡପାଣିଂ ନ ପଶ୍ଯତି । ତଂ ଭ୍ରଂଶଯାମି ସମ୍ପଦ୍ଭ୍ଯୋ ଯସ୍ଯ ଚେଚ୍ଛାମ୍ଯନୁଗ୍ରହମ୍ ॥ ୧୬ ॥
ଗମ୍ଯତାଂ ଶକ୍ର ଭଦ୍ରଂ ଵଃ କ୍ରିଯତାଂ ମେଽନୁଶାସନମ୍ । ସ୍ଥୀଯତାଂ ସ୍ଵାଧିକାରେଷୁ ଯୁକ୍ତୈର୍ଵଃ ସ୍ତମ୍ଭଵର୍ଜିତୈଃ ॥ ୧୭ ॥
ଅଥାହ ସୁରଭିଃ କୃଷ୍ଣମଭିଵନ୍ଦ୍ଯମନସ୍ଵିନୀ । ସ୍ଵସନ୍ତାନୈରୁପାମନ୍ତ୍ର୍ଯ ଗୋପରୂପିଣମୀଶ୍ଵରମ୍ ॥ ୧୮ ॥
ସୁରଭିରୁଵାଚ
କୃଷ୍ଣ କୃଷ୍ଣ ମହାଯୋଗିନ୍ ଵିଶ୍ଵାତ୍ମନ୍ ଵିଶ୍ଵସମ୍ଭଵ । ଭଵତା ଲୋକନାଥେନ ସନାଥା ଵଯମଚ୍ଯୁତ ॥ ୧୯ ॥
କୃଷ୍ଣ କୃଷ୍ଣ ମହାଯୋଗିନ୍ ଵିଶ୍ଵାତ୍ମନ୍ ଵିଶ୍ଵସମ୍ଭଵ । ଭଵତା ଲୋକନାଥେନ ସନାଥା ଵଯମଚ୍ଯୁତ ॥ ୧୯ ॥
ତ୍ଵଂ ନଃ ପରମକଂ ଦୈଵଂ ତ୍ଵଂ ନ ଇନ୍ଦ୍ରୋ ଜଗତ୍ପତେ । ଭଵାଯ ଭଵ ଗୋଵିପ୍ରଦେଵାନାଂ ଯେ ଚ ସାଧଵଃ ॥ ୨୦ ॥
ଇନ୍ଦ୍ରଂ ନସ୍ତ୍ଵାଭିଷେକ୍ଷ୍ଯାମୋ ବ୍ରହ୍ମଣା ଚୋଦିତା ଵଯମ୍ । ଅଵତୀର୍ଣୋଽସି ଵିଶ୍ଵାତ୍ମନ୍ ଭୂମେର୍ଭାରାପନୁତ୍ତଯେ ॥ ୨୧ ॥
ଶ୍ରୀଶୁକ ଉଵାଚ
ଏଵଂ କୃଷ୍ଣମୁପାମନ୍ତ୍ର୍ଯ ସୁରଭିଃ ପଯସାତ୍ମନଃ । ଜଲୈରାକାଶଗଙ୍ଗାଯା ଐରାଵତକରୋଦ୍ଧୃତୈଃ ॥ ୨୨ ॥
ଏଵଂ କୃଷ୍ଣମୁପାମନ୍ତ୍ର୍ଯ ସୁରଭିଃ ପଯସାତ୍ମନଃ । ଜଲୈରାକାଶଗଙ୍ଗାଯା ଐରାଵତକରୋଦ୍ଧୃତୈଃ ॥ ୨୨ ॥
ଇନ୍ଦ୍ରଃ ସୁରର୍ଷିଭିଃ ସାକଂ ଚୋଦିତୋ ଦେଵମାତୃଭିଃ । ଅଭ୍ଯସିଞ୍ଚତ ଦାଶାର୍ହଂ ଗୋଵିନ୍ଦ ଇତି ଚାଭ୍ଯଧାତ୍ ॥ ୨୩ ॥
ତତ୍ରାଗତାସ୍ତୁମ୍ବୁରୁନାରଦାଦଯୋଗନ୍ଧର୍ଵଵିଦ୍ଯାଧରସିଦ୍ଧଚାରଣାଃ । ଜଗୁର୍ଯଶୋ ଲୋକମଲାପହଂ ହରେଃସୁରାଙ୍ଗନାଃ ସନ୍ନନୃତୁର୍ମୁଦାନ୍ଵିତାଃ ॥ ୨୪ ॥
ତଂ ତୁଷ୍ଟୁଵୁର୍ଦେଵନିକାଯକେତଵୋହ୍ଯଵାକିରଂଶ୍ଚାଦ୍ଭୁତପୁଷ୍ପଵୃଷ୍ଟିଭିଃ । ଲୋକାଃ ପରାଂ ନିର୍ଵୃତିମାପ୍ନୁଵଂସ୍ତ୍ରଯୋଗାଵସ୍ତଦା ଗାମନଯନ୍ ପଯୋଦ୍ରୁତାମ୍ ॥ ୨୫ ॥
ନାନାରସୌଘାଃ ସରିତୋ ଵୃକ୍ଷା ଆସନ୍ ମଧୁସ୍ରଵାଃ । ଅକୃଷ୍ଟପଚ୍ଯୌଷଧଯୋ ଗିରଯୋଽବିଭ୍ରନୁନ୍ମଣୀନ୍ ॥ ୨୬ ॥
କୃଷ୍ଣେଽଭିଷିକ୍ତ ଏତାନି ସର୍ଵାଣି କୁରୁନନ୍ଦନ । ନିର୍ଵୈରାଣ୍ଯଭଵଂସ୍ତାତ କ୍ରୂରାଣ୍ଯପି ନିସର୍ଗତଃ ॥ ୨୭ ॥
ଇତି ଗୋଗୋକୁଲପତିଂ ଗୋଵିନ୍ଦମଭିଷିଚ୍ଯ ସଃ । ଅନୁଜ୍ଞାତୋ ଯଯୌ ଶକ୍ରୋ ଵୃତୋ ଦେଵାଦିଭିର୍ଦିଵମ୍ ॥ ୨୮ ॥