শ্রীশুক উবাচ
গোবর্ধনে ধৃতে শৈলে আসারাদ্ রক্ষিতে ব্রজে । গোলোকাদাব্রজত্কৃষ্ণং সুরভিঃ শক্র এব চ ॥ ১ ॥
গোবর্ধনে ধৃতে শৈলে আসারাদ্ রক্ষিতে ব্রজে । গোলোকাদাব্রজত্কৃষ্ণং সুরভিঃ শক্র এব চ ॥ ১ ॥
বিবিক্ত উপসঙ্গম্য ব্রীডীতঃ কৃতহেলনঃ । পস্পর্শ পাদযোরেনং কিরীটেনার্কবর্চসা ॥ ২ ॥
দৃষ্টশ্রুতানুভাবোঽস্য কৃষ্ণস্যামিততেজসঃ । নষ্টত্রিলোকেশমদ ইদমাহ কৃতাঞ্জলিঃ ॥ ৩ ॥
ইন্দ্র উবাচ
বিশুদ্ধসত্ত্বং তব ধাম শান্তংতপোমযং ধ্বস্তরজস্তমস্কম্ । মাযামযোঽযং গুণসম্প্রবাহোন বিদ্যতে তেঽগ্রহণানুবন্ধঃ ॥ ৪ ॥
বিশুদ্ধসত্ত্বং তব ধাম শান্তংতপোমযং ধ্বস্তরজস্তমস্কম্ । মাযামযোঽযং গুণসম্প্রবাহোন বিদ্যতে তেঽগ্রহণানুবন্ধঃ ॥ ৪ ॥
কুতো নু তদ্ধেতব ঈশ তত্কৃতালোভাদযো যেঽবুধলিঙ্গভাবাঃ । তথাপি দণ্ডং ভগবান্ বিভর্তিধর্মস্য গুপ্ত্যৈ লনিগ্রহায ॥ ৫ ॥
পিতা গুরুস্ত্বং জগতামধীশোদুরত্যযঃ কাল উপাত্তদণ্ডঃ । হিতায চেচ্ছাতনুভিঃ সমীহসেমানং বিধুন্বন্ জগদীশমানিনাম্ ॥ ৬ ॥
যে মদ্বিধাজ্ঞা জগদীশমানিন-স্ত্বাং বীক্ষ্য কালেঽভযমাশু তন্মদম্ । হিত্বার্যমার্গং প্রভজন্ত্যপস্মযাঈহা খলানামপি তেঽনুশাসনম্ ॥ ৭ ॥
স ত্বং মমৈশ্বর্যমদপ্লুতস্যকৃতাগসস্তেঽবিদুষঃ প্রভাবম্ । ক্ষন্তুং প্রভোঽথার্হসি মূঢচেতসোমৈবং পুনর্ভূন্মতিরীশ মেঽসতী ॥ ৮ ॥
তবাবতারোঽযমধোক্ষজেহভুবো ভরাণামুরুভারজন্মনাম্ । চমূপতীনামভবায দেবভবায যুষ্মচ্চরণানুবর্তিনাম্ ॥ ৯ ॥
নমস্তুভ্যং ভগবতে পুরুষায মহাত্মনে । বাসুদেবায কৃষ্ণায সাত্বতাং পতযে নমঃ ॥ ১০ ॥
স্বচ্ছন্দোপাত্তদেহায বিশুদ্ধজ্ঞানমূর্তযে । সর্বস্মৈ সর্ববীজায সর্বভূতাত্মনে নমঃ ॥ ১১ ॥
মযেদং ভগবন্ গোষ্ঠনাশাযাসারবাযুভিঃ । চেষ্টিতং বিহতে যজ্ঞে মানিনা তীব্রমন্যুনা ॥ ১২ ॥
ত্বযেশানুগৃহীতোঽস্মি ধ্বস্তস্তম্ভো বৃথোদ্যমঃ । ঈশ্বরং গুরুমাত্মানং ত্বামহং শরণং গতঃ ॥ ১৩ ॥
শ্রীশুক উবাচ
এবং সঙ্কীর্তিতঃ কৃষ্ণো মঘোনা ভগবানমুম্ । মেঘগম্ভীরযা বাচা প্রহসন্নিদমব্রবীত্ ॥ ১৪ ॥
এবং সঙ্কীর্তিতঃ কৃষ্ণো মঘোনা ভগবানমুম্ । মেঘগম্ভীরযা বাচা প্রহসন্নিদমব্রবীত্ ॥ ১৪ ॥
শ্রীভগবানুবাচ
মযা তেঽকারি মঘবন্ মখভঙ্গোঽনুগৃহ্ণতা । মদনুস্মৃতযে নিত্যং মত্তস্যেন্দ্র শ্রিযা ভৃশম্ ॥ ১৫ ॥
মযা তেঽকারি মঘবন্ মখভঙ্গোঽনুগৃহ্ণতা । মদনুস্মৃতযে নিত্যং মত্তস্যেন্দ্র শ্রিযা ভৃশম্ ॥ ১৫ ॥
মামৈশ্বর্যশ্রীমদান্ধো দণ্ডপাণিং ন পশ্যতি । তং ভ্রংশযামি সম্পদ্ভ্যো যস্য চেচ্ছাম্যনুগ্রহম্ ॥ ১৬ ॥
গম্যতাং শক্র ভদ্রং বঃ ক্রিযতাং মেঽনুশাসনম্ । স্থীযতাং স্বাধিকারেষু যুক্তৈর্বঃ স্তম্ভবর্জিতৈঃ ॥ ১৭ ॥
অথাহ সুরভিঃ কৃষ্ণমভিবন্দ্যমনস্বিনী । স্বসন্তানৈরুপামন্ত্র্য গোপরূপিণমীশ্বরম্ ॥ ১৮ ॥
সুরভিরুবাচ
কৃষ্ণ কৃষ্ণ মহাযোগিন্ বিশ্বাত্মন্ বিশ্বসম্ভব । ভবতা লোকনাথেন সনাথা বযমচ্যুত ॥ ১৯ ॥
কৃষ্ণ কৃষ্ণ মহাযোগিন্ বিশ্বাত্মন্ বিশ্বসম্ভব । ভবতা লোকনাথেন সনাথা বযমচ্যুত ॥ ১৯ ॥
ত্বং নঃ পরমকং দৈবং ত্বং ন ইন্দ্রো জগত্পতে । ভবায ভব গোবিপ্রদেবানাং যে চ সাধবঃ ॥ ২০ ॥
ইন্দ্রং নস্ত্বাভিষেক্ষ্যামো ব্রহ্মণা চোদিতা বযম্ । অবতীর্ণোঽসি বিশ্বাত্মন্ ভূমের্ভারাপনুত্তযে ॥ ২১ ॥
শ্রীশুক উবাচ
এবং কৃষ্ণমুপামন্ত্র্য সুরভিঃ পযসাত্মনঃ । জলৈরাকাশগঙ্গাযা ঐরাবতকরোদ্ধৃতৈঃ ॥ ২২ ॥
এবং কৃষ্ণমুপামন্ত্র্য সুরভিঃ পযসাত্মনঃ । জলৈরাকাশগঙ্গাযা ঐরাবতকরোদ্ধৃতৈঃ ॥ ২২ ॥
ইন্দ্রঃ সুরর্ষিভিঃ সাকং চোদিতো দেবমাতৃভিঃ । অভ্যসিঞ্চত দাশার্হং গোবিন্দ ইতি চাভ্যধাত্ ॥ ২৩ ॥
তত্রাগতাস্তুম্বুরুনারদাদযোগন্ধর্ববিদ্যাধরসিদ্ধচারণাঃ । জগুর্যশো লোকমলাপহং হরেঃসুরাঙ্গনাঃ সন্ননৃতুর্মুদান্বিতাঃ ॥ ২৪ ॥
তং তুষ্টুবুর্দেবনিকাযকেতবোহ্যবাকিরংশ্চাদ্ভুতপুষ্পবৃষ্টিভিঃ । লোকাঃ পরাং নির্বৃতিমাপ্নুবংস্ত্রযোগাবস্তদা গামনযন্ পযোদ্রুতাম্ ॥ ২৫ ॥
নানারসৌঘাঃ সরিতো বৃক্ষা আসন্ মধুস্রবাঃ । অকৃষ্টপচ্যৌষধযো গিরযোঽবিভ্রনুন্মণীন্ ॥ ২৬ ॥
কৃষ্ণেঽভিষিক্ত এতানি সর্বাণি কুরুনন্দন । নির্বৈরাণ্যভবংস্তাত ক্রূরাণ্যপি নিসর্গতঃ ॥ ২৭ ॥
ইতি গোগোকুলপতিং গোবিন্দমভিষিচ্য সঃ । অনুজ্ঞাতো যযৌ শক্রো বৃতো দেবাদিভির্দিবম্ ॥ ২৮ ॥