শ্ৰীমদ্ভাগৱতম্ ১০.৩০

শ্ৰীশুক উৱাচ
অন্তৰ্হিতে ভগৱতি সহসৈৱ ৱ্ৰজাঙ্গনাঃ ।
অতপ্যংস্তমচক্ষাণাঃ কৰিণ্য ইৱ যূথপম্ ॥ ১ ॥

গত্যানুৰাগস্মিতৱিভ্ৰমেক্ষিতৈ-
ৰ্মনোৰমালাপৱিহাৰৱিভ্ৰমৈঃ ।
আক্ষিপ্তচিত্তাঃ প্ৰমদা ৰমাপতে-
স্তাস্তা ৱিচেষ্টা জগৃহুস্তদাত্মিকাঃ ॥ ২ ॥

গতিস্মিতপ্ৰেক্ষণভাষণাদিষু
প্ৰিযাঃ প্ৰিযস্য প্ৰতিৰূঢমূৰ্তযঃ ।
অসাৱহং ত্ৱিত্যবলাস্তদাত্মিকা
ন্যৱেদিষুঃ কৃষ্ণৱিহাৰৱিভ্ৰমাঃ ॥ ৩ ॥

গাযন্ত্য উচ্চৈৰমুমেৱ সংহতা
ৱিচিক্যুৰুন্মত্তকৱদ্ ৱনাদ্ ৱনম্ ।
পপ্ৰচ্ছুৰাকাশৱদন্তৰং বহি-
ৰ্ভূতেষু সন্তং পুৰুষং ৱনস্পতীন্ ॥ ৪ ॥

দৃষ্টো ৱঃ কচ্চিদশ্ৱত্থ প্লক্ষ ন্যগ্ৰোধ নো মনঃ ।
নন্দসূনুৰ্গতো হৃত্ৱা প্ৰেমহাসাৱলোকনৈঃ ॥ ৫ ॥

কচ্চিত্ কুৰবকাশোকনাগপুন্নাগচম্পকাঃ ।
ৰামানুজো মানিনীনামিতো দৰ্পহৰস্মিতঃ ॥ ৬ ॥

কচ্চিত্তুলসি কল্যাণি গোৱিন্দচৰণপ্ৰিযে ।
সহ ত্ৱালিকুলৈৰ্বিভ্ৰদ্ দৃষ্টস্তেঽতিপ্ৰিযোঽচ্যুতঃ ॥ ৭ ॥

মালত্যদৰ্শি ৱঃ কচ্চিন্মল্লিকে জাতি যূথিকে ।
প্ৰীতিং ৱো জনযন্ যাতঃ কৰস্পৰ্শেন মাধৱঃ ॥ ৮ ॥

চূতপ্ৰিযালপনসাসনকোৱিদাৰ-
জম্ব্ৱৰ্কবিল্ৱবকুলাম্ৰকদম্বনীপাঃ ।
যেঽন্যে পৰাৰ্থভৱকা যমুনোপকূলাঃ
শংসন্তু কৃষ্ণপদৱীং ৰহিতাত্মনাং নঃ ॥ ৯ ॥

কিং তে কৃতং ক্ষিতি তপো বত কেশৱাঙ্ঘ্ৰি-
স্পৰ্শোত্সৱোত্পুলকিতাঙ্গৰুহৈৰ্ৱিভাসি ।
অপ্যঙ্ঘ্ৰিসম্ভৱ উৰুক্ৰমৱিক্ৰমাদ্ ৱা
আহো ৱৰাহৱপুষঃ পৰিৰম্ভণেন ॥ ১০ ॥

অপ্যেণপত্ন্যুপগতঃ প্ৰিযযেহ গাত্ৰৈ-
স্তন্ৱন্ দৃশাং সখি সুনিৰ্ৱৃতিমচ্যুতো ৱঃ ।
কান্তাঙ্গসঙ্গকুচকুঙ্কুমৰঞ্জিতাযাঃ
কুন্দস্ৰজঃ কুলপতেৰিহ ৱাতি গন্ধঃ ॥ ১১ ॥

বাহুং প্ৰিযাংস উপধায গৃহীতপদ্মো
ৰামানুজস্তুলসিকালিকুলৈৰ্মদান্ধৈঃ ।
অন্ৱীযমান ইহ ৱস্তৰৱঃ প্ৰণামং
কিং ৱাভিনন্দতি চৰন্ প্ৰণযাৱলোকৈঃ ॥ ১২ ॥

পৃচ্ছতেমা লতা বাহূনপ্যাশ্লিষ্টা ৱনস্পতেঃ ।
নূনং তত্কৰজস্পৃষ্টা বিভ্ৰত্যুত্পুলকান্যহো ॥ ১৩ ॥

ইত্যুন্মত্তৱচোগোপ্যঃ কৃষ্ণান্ৱেষণকাতৰাঃ ।
লীলা ভগৱতস্তাস্তা হ্যনুচক্ৰুস্তদাত্মিকাঃ ॥ ১৪ ॥

কস্যাচিত্ পূতনাযন্ত্যাঃ কৃষ্ণাযন্ত্যপিবত্ স্তনম্ ।
তোকযিত্ৱা ৰুদত্যন্যা পদাহন্ শকটাযতীম্ ॥ ১৫ ॥

দৈত্যাযিত্ৱা জহাৰান্যামেকো কৃষ্ণাৰ্ভভাৱনাম্ ।
ৰিঙ্গযামাস কাপ্যঙ্ঘ্ৰী কৰ্ষন্তী ঘোষনিঃস্ৱনৈঃ ॥ ১৬ ॥

কৃষ্ণৰামাযিতে দ্ৱে তু গোপাযন্ত্যশ্চ কাশ্চন ।
ৱত্সাযতীং হন্তি চান্যা তত্ৰৈকা তু বকাযতীম্ ॥ ১৭ ॥

আহূয দূৰগা যদ্ৱত্ কৃষ্ণস্তমনুৱৰ্ততীম্ ।
ৱেণুং ক্ৱণন্তীং ক্ৰীডন্তীমন্যাঃ শংসন্তি সাধ্ৱিতি ॥ ১৮ ॥

কস্যাঞ্চিত্ স্ৱভুজং ন্যস্য
চলন্ত্যাহাপৰা ননু ।
কৃষ্ণোঽহং পশ্যত গতিং
ললিতামিতি তন্মনাঃ ॥ ১৯ ॥

মা ভৈষ্ট ৱাতৱৰ্ষাভ্যাং তত্ত্ৰাণং ৱিহিতং মযা ।
ইত্যুক্ত্ৱৈকেন হস্তেন যতন্ত্যুন্নিদধেঽম্বৰম্ ॥ ২০ ॥

আৰুহ্যৈকা পদাক্ৰম্য শিৰস্যাহাপৰাং নৃপ ।
দুষ্টাহে গচ্ছ জাতোঽহং খলানাং ননু দণ্ডকৃত্ ॥ ২১ ॥

তত্ৰৈকোৱাচ হে গোপা দাৱাগ্নিং পশ্যতোল্বণম্ ।
চক্ষূংষ্যাশ্ৱপিদধ্ৱং ৱো ৱিধাস্যে ক্ষেমমঞ্জসা ॥ ২২ ॥

বদ্ধান্যযা স্ৰজা কাচিত্তন্ৱী তত্ৰ উলূখলে ।
বধ্নামি ভাণ্ডভেত্তাৰং হৈযঙ্গৱমুষং ত্ৱিতি ।
ভীতা সুদৃক্ পিধাযাস্যং ভেজে ভীতিৱিডম্বনম্ ॥ ২৩ ॥

এৱং কৃষ্ণং পৃচ্ছমানা গণ্দাৱনলতাস্তৰূন্ ।
ৱ্যচক্ষত ৱনোদ্দেশে পদানি পৰমাত্মনঃ ॥ ২৪ ॥

পদানি ৱ্যক্তমেতানি নন্দসূনোৰ্মহাত্মনঃ ।
লক্ষ্যন্তে হি ধ্ৱজাম্ভোজৱজ্ৰাঙ্কুশযৱাদিভিঃ ॥ ২৫ ॥

তৈস্তৈঃ পদৈস্তত্পদৱীমন্ৱিচ্ছন্ত্যোঽগ্ৰতোঽবলাঃ ।
ৱধ্ৱাঃ পদৈঃ সুপৃক্তানি ৱিলোক্যাৰ্তাঃ সমব্ৰুৱন্ ॥ ২৬ ॥

কস্যাঃ পদানি চৈতানি যাতাযা নন্দসূনুনা ।
অংসন্যস্তপ্ৰকোষ্ঠাযাঃ কৰেণোঃ কৰিণা যথা ॥ ২৭ ॥

অনযাৰাধিতো নূনং ভগৱান্ হৰিৰীশ্ৱৰঃ ।
যন্নো ৱিহায গোৱিন্দঃ প্ৰীতো যামনযদ্ ৰহঃ ॥ ২৮ ॥

ধন্যা অহো অমী আল্যো গোৱিন্দাঙ্ঘ্য্ৰব্জৰেণৱঃ ।
যান্ ব্ৰহ্মেশৌ ৰমা দেৱী দধুৰ্মূধ্ৰ্ন্যঘনুত্তযে ॥ ২৯ ॥

তস্যা অমূনি নঃ ক্ষোভং কুৰ্ৱন্ত্যুচ্চৈঃ পদানি যত্
যৈকাপহৃত্য গোপীনাং ৰহো ভুঙ্ক্তেঽচ্যুতাধৰম্ ।
ন লক্ষ্যন্তে পদান্যত্ৰ তস্যা নূনং তৃণাঙ্কুৰৈঃ
খিদ্যত্সুজাতাঙ্ঘ্ৰিতলামুন্নিন্যে প্ৰেযসীং প্ৰিযঃ ॥ ৩০ ॥

ইমান্যধিকমগ্নানি পদানি ৱহতো ৱধূম্ ।
গোপ্যঃ পশ্যত কৃষ্ণস্য ভাৰাক্ৰান্তস্য কামিনঃ ।
অত্ৰাৱৰোপিতা কান্তা পুষ্পহেতোৰ্মহাত্মনা ॥ ৩১ ॥

অত্ৰ প্ৰসূনাৱচযঃ প্ৰিযাৰ্থে প্ৰেযসা কৃতঃ ।
প্ৰপদাক্ৰমণ এতে পশ্যতাসকলে পদে ॥ ৩২ ॥

কেশপ্ৰসাধনং ত্ৱত্ৰ কামিন্যাঃ কামিনা কৃতম্ ।
তানি চূডযতা কান্তামুপৱিষ্টমিহ ধ্ৰুৱম্ ॥ ৩৩ ॥

ৰেমে তযা চাত্মৰত আত্মাৰামোঽপ্যখণ্ডিতঃ ।
কামিনাং দৰ্শযন্ দৈন্যং স্ত্ৰীণাং চৈৱ দুৰাত্মতাম্ ॥ ৩৪ ॥

ইত্যেৱং দৰ্শযন্ত্যস্তাশ্চেৰুৰ্গোপ্যো ৱিচেতসঃ ।
যাং গোপীমনযত্কৃষ্ণো ৱিহাযান্যাঃ স্ত্ৰিযো ৱনে ॥ ৩৫ ॥

সা চ মেনে তদাত্মানং ৱৰিষ্ঠং সৰ্ৱযোষিতাম্ ।
হিত্ৱা গোপীঃ কামযানা মামসৌ ভজতে প্ৰিযঃ ॥ ৩৬ ॥

ততো গত্ৱা ৱনোদ্দেশং দৃপ্তা কেশৱমব্ৰৱীত্ ।
ন পাৰযেঽহং চলিতুং নয মাং যত্ৰ তে মনঃ ॥ ৩৭ ॥

এৱমুক্তঃ প্ৰিযামাহ স্কন্ধ আৰুহ্যতামিতি ।
ততশ্চান্তৰ্দধে কৃষ্ণঃ সা ৱধূৰন্ৱতপ্যত ॥ ৩৮ ॥

হা নাথ ৰমণ প্ৰেষ্ঠ ক্ৱাসি ক্ৱাসি মহাভুজ ।
দাস্যাস্তে কৃপণাযা মে সখে দৰ্শয সন্নিধিম্ ॥ ৩৯ ॥

শ্ৰীশুক উৱাচ
অন্ৱিচ্ছন্ত্যো ভগৱতো মাৰ্গং গোপ্যোঽৱিদূৰিতঃ ।
দদৃশুঃ প্ৰিযৱিশ্লেষান্মোহিতাং দুঃখিতাং সখীম্ ॥ ৪০ ॥

তযা কথিতমাকৰ্ণ্য মানপ্ৰাপ্তিং চ মাধৱাত্ ।
অৱমানং চ দৌৰাত্ম্যাদ্ ৱিস্মযং পৰমং যযুঃ ॥ ৪১ ॥

ততোঽৱিশন্ৱনং চন্দ্ৰজ্যোত্স্না যাৱদ্ ৱিভাৱ্যতে ।
তমঃ প্ৰৱিষ্টমালক্ষ্য ততো নিৱৱৃতুঃ স্ত্ৰিযঃ ॥ ৪২ ॥

তন্মনস্কাস্তদালাপাস্তদ্ৱিচেষ্টাস্তদাত্মিকাঃ ।
তদ্গুণানেৱ গাযন্ত্যো নাত্মগাৰাণি সস্মৰুঃ ॥ ৪৩ ॥

পুনঃ পুলিনমাগত্য কালিন্দ্যাঃ কৃষ্ণভাৱনাঃ ।
সমৱেতা জগুঃ কৃষ্ণং তদাগমনকাঙ্ক্ষিতাঃ ॥ ৪৪ ॥

পুনঃ পুলিনমাগত্য কালিন্দ্যাঃ কৃষ্ণভাৱনাঃ ।
সমৱেতা জগুঃ কৃষ্ণং তদাগমনকাঙ্ক্ষিতাঃ