శ్రీపరీక్షిదువాచ
బ్రహ్మన్ బ్రహ్మణ్యనిర్దేశ్యే నిర్గుణే గుణవృత్తయః ।
కథం చరన్తి శ్రుతయః సాక్షాత్ సదసతః పరే ॥ ౧ ॥
బ్రహ్మన్ బ్రహ్మణ్యనిర్దేశ్యే నిర్గుణే గుణవృత్తయః ।
కథం చరన్తి శ్రుతయః సాక్షాత్ సదసతః పరే ॥ ౧ ॥
శ్రీశుక ఉవాచ
బుద్ధీన్ద్రియమనఃప్రాణాన్ జనానామసృజత్ ప్రభుః ।
మాత్రార్థం చ భవార్థం చ ఆత్మనేఽకల్పనాయ చ ॥ ౨ ॥
బుద్ధీన్ద్రియమనఃప్రాణాన్ జనానామసృజత్ ప్రభుః ।
మాత్రార్థం చ భవార్థం చ ఆత్మనేఽకల్పనాయ చ ॥ ౨ ॥
సైషా హ్యుపనిషద్ బ్రాహ్మీ పూర్వేశాం పూర్వజైర్ధృతా ।
శ్రద్ధయా ధారయేద్ యస్తాం క్షేమం గచ్ఛేదకిఞ్చనః ॥ ౩ ॥
శ్రద్ధయా ధారయేద్ యస్తాం క్షేమం గచ్ఛేదకిఞ్చనః ॥ ౩ ॥
అత్ర తే వర్ణయిష్యామి గాథాం నారాయణాన్వితామ్ ।
నారదస్య చ సంవాదమృషేర్నారాయణస్య చ ॥ ౪ ॥
నారదస్య చ సంవాదమృషేర్నారాయణస్య చ ॥ ౪ ॥
ఏకదా నారదో లోకాన్ పర్యటన్ భగవత్ప్రియః ।
సనాతనమృషిం ద్రష్టుం యయౌ నారాయణాశ్రమమ్ ॥ ౫ ॥
సనాతనమృషిం ద్రష్టుం యయౌ నారాయణాశ్రమమ్ ॥ ౫ ॥
యో వై భారతవర్షేఽస్మిన్ క్షేమాయ స్వస్తయే నృణామ్ ।
ధర్మజ్ఞానశమోపేతమాకల్పాదాస్థితస్తపః ॥ ౬ ॥
ధర్మజ్ఞానశమోపేతమాకల్పాదాస్థితస్తపః ॥ ౬ ॥
తత్రోపవిష్టమృషిభిః కలాపగ్రామవాసిభిః ।
పరీతం ప్రణతోఽపృచ్ఛదిదమేవ కురూద్వహ ॥ ౭ ॥
పరీతం ప్రణతోఽపృచ్ఛదిదమేవ కురూద్వహ ॥ ౭ ॥
తస్మై హ్యవోచద్ భగవానృషీణాం శృణ్వతామిదమ్ ।
యో బ్రహ్మవాదః పూర్వేషాం జనలోకనివాసినామ్ ॥ ౮ ॥
యో బ్రహ్మవాదః పూర్వేషాం జనలోకనివాసినామ్ ॥ ౮ ॥
శ్రీభగవానువాచ
స్వాయమ్భువ బ్రహ్మసత్రం జనలోకేఽభవత్ పురా ।
తత్రస్థానాం మానసానాం మునీనామూర్ధ్వరేతసామ్ ॥ ౯ ॥
స్వాయమ్భువ బ్రహ్మసత్రం జనలోకేఽభవత్ పురా ।
తత్రస్థానాం మానసానాం మునీనామూర్ధ్వరేతసామ్ ॥ ౯ ॥
శ్వేతద్వీపం గతవతి త్వయి ద్రష్టుం తదీశ్వరమ్ ।
బ్రహ్మవాదః సుసంవృత్తః శ్రుతయో యత్ర శేరతే ।
తత్ర హాయమభూత్ ప్రశ్నస్త్వం మాం యమనుపృచ్ఛసి ॥ ౧౦ ॥
బ్రహ్మవాదః సుసంవృత్తః శ్రుతయో యత్ర శేరతే ।
తత్ర హాయమభూత్ ప్రశ్నస్త్వం మాం యమనుపృచ్ఛసి ॥ ౧౦ ॥
తుల్యశ్రుతతపఃశీలాస్తుల్యస్వీయారిమధ్యమాః ।
అపి చక్రుః ప్రవచనమేకం శుశ్రూషవోఽపరే ॥ ౧౧ ॥
అపి చక్రుః ప్రవచనమేకం శుశ్రూషవోఽపరే ॥ ౧౧ ॥
శ్రీసనన్దన ఉవాచ
స్వసృష్టమిదమాపీయ శయానం సహ శక్తిభిః ।
తదన్తే బోధయాం చక్రుస్తల్లిఙ్గైః శ్రుతయః పరమ్ ॥ ౧౨ ॥
స్వసృష్టమిదమాపీయ శయానం సహ శక్తిభిః ।
తదన్తే బోధయాం చక్రుస్తల్లిఙ్గైః శ్రుతయః పరమ్ ॥ ౧౨ ॥
యథా శయానం సంరాజం వన్దినస్తత్పరాక్రమైః ।
ప్రత్యూషేఽభేత్య సుశ్లోకైర్బోధయన్త్యనుజీవినః ॥ ౧౩ ॥
ప్రత్యూషేఽభేత్య సుశ్లోకైర్బోధయన్త్యనుజీవినః ॥ ౧౩ ॥
శ్రీశ్రుతయ ఊచుః
జయ జయ జహ్యజామజిత దోషగృభీతగుణాం
త్వమసి యదాత్మనా సమవరుద్ధసమస్తభగః ।
అగజగదోకసామఖిలశక్త్యవబోధక తే
క్వచిదజయాత్మనా చ చరతోఽనుచరేన్నిగమః ॥ ౧౪ ॥
జయ జయ జహ్యజామజిత దోషగృభీతగుణాం
త్వమసి యదాత్మనా సమవరుద్ధసమస్తభగః ।
అగజగదోకసామఖిలశక్త్యవబోధక తే
క్వచిదజయాత్మనా చ చరతోఽనుచరేన్నిగమః ॥ ౧౪ ॥
బృహదుపలబ్ధమేతదవయన్త్యవశేషతయా
యత ఉదయాస్తమయౌ వికృతేర్మృది వావికృతాత్ ।
అత ఋషయో దధుస్త్వయి మనోవచనాచరితం
కథమయథా భవన్తి భువి దత్తపదాని నృణామ్ ॥ ౧౫ ॥
యత ఉదయాస్తమయౌ వికృతేర్మృది వావికృతాత్ ।
అత ఋషయో దధుస్త్వయి మనోవచనాచరితం
కథమయథా భవన్తి భువి దత్తపదాని నృణామ్ ॥ ౧౫ ॥
ఇతి తవ సూరయస్త్ర్యధిపతేఽఖిలలోకమల-క్షపణకథామృతాబ్ధిమవగాహ్య తపాంసి జహుః । కిముత పునః స్వధామవిధుతాశయకాలగుణాఃపరమ భజన్తి యే పదమజస్రసుఖానుభవమ్ ॥ ౧౬ ॥
దృతయ ఇవ శ్వసన్త్యసుభృతో యది తేఽనువిధా
మహదహమాదయోఽణ్డమసృజన్ యదనుగ్రహతః ।
పురుషవిధోఽన్వయోఽత్ర చరమోఽన్నమయాదిషు యః
సదసతః పరం త్వమథ యదేష్వవశేషమృతమ్ ॥ ౧౭ ॥
మహదహమాదయోఽణ్డమసృజన్ యదనుగ్రహతః ।
పురుషవిధోఽన్వయోఽత్ర చరమోఽన్నమయాదిషు యః
సదసతః పరం త్వమథ యదేష్వవశేషమృతమ్ ॥ ౧౭ ॥
ఉదరముపాసతే య ఋషివర్త్మసు కూర్పదృశః
పరిసరపద్ధతిం హృదయమారుణయో దహరమ్ ।
తత ఉదగాదనన్త తవ ధామ శిరః పరమం
పునరిహ యత్ సమేత్య న పతన్తి కృతాన్తముఖే ॥ ౧౮ ॥
పరిసరపద్ధతిం హృదయమారుణయో దహరమ్ ।
తత ఉదగాదనన్త తవ ధామ శిరః పరమం
పునరిహ యత్ సమేత్య న పతన్తి కృతాన్తముఖే ॥ ౧౮ ॥
స్వకృతవిచిత్రయోనిషు విశన్నివ హేతుతయా
తరతమతశ్చకాస్స్యనలవత్ స్వకృతానుకృతిః ।
అథ వితథాస్వమూష్వవితథం తవ ధామ సమం
విరజధియోఽనుయన్త్యభివిపణ్యవ ఏకరసమ్ ॥ ౧౯ ॥
తరతమతశ్చకాస్స్యనలవత్ స్వకృతానుకృతిః ।
అథ వితథాస్వమూష్వవితథం తవ ధామ సమం
విరజధియోఽనుయన్త్యభివిపణ్యవ ఏకరసమ్ ॥ ౧౯ ॥
స్వకృతపురేష్వమీష్వబహిరన్తరసంవరణం
తవ పురుషం వదన్త్యఖిలశక్తిధృతోంఽశకృతమ్ ।
ఇతి నృగతిం వివిచ్య కవయో నిగమావపనం
భవత ఉపాసతేఽఙ్ఘ్రిమభవం భువి విశ్వసితాః ॥ ౨౦ ॥
తవ పురుషం వదన్త్యఖిలశక్తిధృతోంఽశకృతమ్ ।
ఇతి నృగతిం వివిచ్య కవయో నిగమావపనం
భవత ఉపాసతేఽఙ్ఘ్రిమభవం భువి విశ్వసితాః ॥ ౨౦ ॥
దురవగమాత్మతత్త్వనిగమాయ తవాత్తతనో-
శ్చరితమహామృతాబ్ధిపరివర్తపరిశ్రమణాః ।
న పరిలషన్తి కేచిదపవర్గమపీశ్వర తే
చరణసరోజహంసకులసఙ్గవిసృష్టగృహాః ॥ ౨౧ ॥
శ్చరితమహామృతాబ్ధిపరివర్తపరిశ్రమణాః ।
న పరిలషన్తి కేచిదపవర్గమపీశ్వర తే
చరణసరోజహంసకులసఙ్గవిసృష్టగృహాః ॥ ౨౧ ॥
త్వదనుపథం కులాయమిదమాత్మసుహృత్ప్రియవ-
చ్చరతి తథోన్ముఖే త్వయి హితే ప్రియ ఆత్మని చ ।
న బత రమన్త్యహో అసదుపాసనయాత్మహనో
యదనుశయా భ్రమన్త్యురుభయే కుశరీరభృతః ॥ ౨౨ ॥
చ్చరతి తథోన్ముఖే త్వయి హితే ప్రియ ఆత్మని చ ।
న బత రమన్త్యహో అసదుపాసనయాత్మహనో
యదనుశయా భ్రమన్త్యురుభయే కుశరీరభృతః ॥ ౨౨ ॥
నిభృతమరున్మనోఽక్షదృఢయోగయుజో హృది య-
న్మునయ ఉపాసతే తదరయోఽపి యయుః స్మరణాత్ ।
స్త్రియ ఉరగేన్ద్రభోగభుజదణ్డవిషక్తధియో
వయమపి తే సమాః సమదృశోఽఙ్ఘ్రిసరోజసుధాః ॥ ౨౩ ॥
న్మునయ ఉపాసతే తదరయోఽపి యయుః స్మరణాత్ ।
స్త్రియ ఉరగేన్ద్రభోగభుజదణ్డవిషక్తధియో
వయమపి తే సమాః సమదృశోఽఙ్ఘ్రిసరోజసుధాః ॥ ౨౩ ॥
క ఇహ ను వేద బతావరజన్మలయోఽగ్రసరం
యత ఉదగాదృషిర్యమను దేవగణా ఉభయే ।
తర్హి న సన్న చాసదుభయం న చ కాలజవః
కిమపి న తత్ర శాస్త్రమవకృష్య శయీత యదా ॥ ౨౪ ॥
యత ఉదగాదృషిర్యమను దేవగణా ఉభయే ।
తర్హి న సన్న చాసదుభయం న చ కాలజవః
కిమపి న తత్ర శాస్త్రమవకృష్య శయీత యదా ॥ ౨౪ ॥
జనిమసతః సతో మృతిముతాత్మని యే చ భిదాం
విపణమృతం స్మరన్త్యుపదిశన్తి త ఆరుపితైః ।
త్రిగుణమయః పుమానితి భిదా యదబోధకృతా
త్వయి న తతః పరత్ర స భవేదవబోధరసే ॥ ౨౫ ॥
విపణమృతం స్మరన్త్యుపదిశన్తి త ఆరుపితైః ।
త్రిగుణమయః పుమానితి భిదా యదబోధకృతా
త్వయి న తతః పరత్ర స భవేదవబోధరసే ॥ ౨౫ ॥
సదివ మనస్త్రివృత్త్వయి విభాత్యసదామనుజాత్
సదభిమృశన్త్యశేషమిదమాత్మతయాత్మవిదః ।
న హి వికృతిం త్యజన్తి కనకస్య తదాత్మతయా
స్వకృతమనుప్రవిష్టమిదమాత్మతయావసితమ్ ॥ ౨౬ ॥
సదభిమృశన్త్యశేషమిదమాత్మతయాత్మవిదః ।
న హి వికృతిం త్యజన్తి కనకస్య తదాత్మతయా
స్వకృతమనుప్రవిష్టమిదమాత్మతయావసితమ్ ॥ ౨౬ ॥
తవ పరి యే చరన్త్యఖిలసత్త్వనికేతతయా
త ఉత పదాక్రమన్త్యవిగణయ్య శిరో నిర్ఋతేః ।
పరివయసే పశూనివ గిరా విబుధానపి తాం-
స్త్వయి కృతసౌహృదాః ఖలు పునన్తి న యే విముఖాః ॥ ౨౭ ॥
త ఉత పదాక్రమన్త్యవిగణయ్య శిరో నిర్ఋతేః ।
పరివయసే పశూనివ గిరా విబుధానపి తాం-
స్త్వయి కృతసౌహృదాః ఖలు పునన్తి న యే విముఖాః ॥ ౨౭ ॥
త్వమకరణః స్వరాడఖిలకారకశక్తిధర-
స్తవ బలిముద్వహన్తి సమదన్త్యజయానిమిషాః ।
వర్షభుజోఽఖిలక్షితిపతేరివ విశ్వసృజో
విదధతి యత్ర యే త్వధికృతా భవతశ్చకితాః ॥ ౨౮ ॥
స్తవ బలిముద్వహన్తి సమదన్త్యజయానిమిషాః ।
వర్షభుజోఽఖిలక్షితిపతేరివ విశ్వసృజో
విదధతి యత్ర యే త్వధికృతా భవతశ్చకితాః ॥ ౨౮ ॥
స్థిరచరజాతయః స్యురజయోత్థనిమిత్తయుజో
విహర ఉదీక్షయా యది పరస్య విముక్త తతః ।
న హి పరమస్య కశ్చిదపరో న పరశ్చ భవేద్
వియత ఇవాపదస్య తవ శూన్యతులాం దధతః ॥ ౨౯ ॥
విహర ఉదీక్షయా యది పరస్య విముక్త తతః ।
న హి పరమస్య కశ్చిదపరో న పరశ్చ భవేద్
వియత ఇవాపదస్య తవ శూన్యతులాం దధతః ॥ ౨౯ ॥
అపరిమితా ధ్రువాస్తనుభృతో యది సర్వగతా-
స్తర్హి న శాస్యతేతి నియమో ధ్రువ నేతరథా ।
అజని చ యన్మయం తదవిముచ్య నియన్తృ భవేత్
సమమనుజానతాం యదమతం మతదుష్టతయా ॥ ౩౦ ॥
స్తర్హి న శాస్యతేతి నియమో ధ్రువ నేతరథా ।
అజని చ యన్మయం తదవిముచ్య నియన్తృ భవేత్
సమమనుజానతాం యదమతం మతదుష్టతయా ॥ ౩౦ ॥
న ఘటత ఉద్భవః ప్రకృతిపూరుషయోరజయో-
రుభయయుజా భవన్త్యసుభృతో జలబుద్బుదవత్ ।
త్వయి త ఇమే తతో వివిధనామగుణైః పరమే
సరిత ఇవార్ణవే మధుని లిల్యురశేషరసాః ॥ ౩౧ ॥
రుభయయుజా భవన్త్యసుభృతో జలబుద్బుదవత్ ।
త్వయి త ఇమే తతో వివిధనామగుణైః పరమే
సరిత ఇవార్ణవే మధుని లిల్యురశేషరసాః ॥ ౩౧ ॥
నృషు తవ మయయా భ్రమమమీష్వవగత్య భృశం
త్వయి సుధియోఽభవే దధతి భావమనుప్రభవమ్ ।
కథమనువర్తతాం భవభయం తవ యద్ భ్రుకుటిః
సృజతి ముహుస్త్రినేమిరభవచ్ఛరణేషు భయమ్ ॥ ౩౨ ॥
త్వయి సుధియోఽభవే దధతి భావమనుప్రభవమ్ ।
కథమనువర్తతాం భవభయం తవ యద్ భ్రుకుటిః
సృజతి ముహుస్త్రినేమిరభవచ్ఛరణేషు భయమ్ ॥ ౩౨ ॥
విజితహృషీకవాయుభిరదాన్తమనస్తురగం
య ఇహ యతన్తి యన్తుమతిలోలముపాయఖిదః ।
వ్యసనశతాన్వితాః సమవహాయ గురోశ్చరణం
వణిజ ఇవాజ సన్త్యకృతకర్ణధరా జలధౌ ॥ ౩౩ ॥
య ఇహ యతన్తి యన్తుమతిలోలముపాయఖిదః ।
వ్యసనశతాన్వితాః సమవహాయ గురోశ్చరణం
వణిజ ఇవాజ సన్త్యకృతకర్ణధరా జలధౌ ॥ ౩౩ ॥
స్వజనసుతాత్మదారధనధామధరాసురథై-
స్త్వయి సతి కిం నృణాం శ్రయత ఆత్మని సర్వరసే ।
ఇతి సదజానతాం మిథునతో రతయే చరతాం
సుఖయతి కో న్విహ స్వవిహతే స్వనిరస్తభగే ॥ ౩౪ ॥
స్త్వయి సతి కిం నృణాం శ్రయత ఆత్మని సర్వరసే ।
ఇతి సదజానతాం మిథునతో రతయే చరతాం
సుఖయతి కో న్విహ స్వవిహతే స్వనిరస్తభగే ॥ ౩౪ ॥
భువి పురుపుణ్యతీర్థసదనాన్యృషయో విమదా-
స్త ఉత భవత్పదామ్బుజహృదోఽఘభిదఙ్ఘ్రిజలాః ।
దధతి సకృన్మనస్త్వయి య ఆత్మని నిత్యసుఖే
న పునరుపాసతే పురుషసారహరావసథాన్ ॥ ౩౫ ॥
స్త ఉత భవత్పదామ్బుజహృదోఽఘభిదఙ్ఘ్రిజలాః ।
దధతి సకృన్మనస్త్వయి య ఆత్మని నిత్యసుఖే
న పునరుపాసతే పురుషసారహరావసథాన్ ॥ ౩౫ ॥
సత ఇదముత్థితం సదితి చేన్నను తర్కహతం
వ్యభిచరతి క్వ చ క్వ చ మృషా న తథోభయయుక్ ।
వ్యవహృతయే వికల్ప ఇషితోఽన్ధపరమ్పరయా
భ్రమయతి భారతీ త ఉరువృత్తిభిరుక్థజడాన్ ॥ ౩౬ ॥
వ్యభిచరతి క్వ చ క్వ చ మృషా న తథోభయయుక్ ।
వ్యవహృతయే వికల్ప ఇషితోఽన్ధపరమ్పరయా
భ్రమయతి భారతీ త ఉరువృత్తిభిరుక్థజడాన్ ॥ ౩౬ ॥
న యదిదమగ్ర ఆస న భవిష్యదతో నిధనా-
దనుమితమన్తరా త్వయి విభాతి మృషైకరసే ।
అత ఉపమీయతే ద్రవిణజాతివికల్పపథై-
ర్వితథమనోవిలాసమృతమిత్యవయన్త్యబుధాః ॥ ౩౭ ॥
దనుమితమన్తరా త్వయి విభాతి మృషైకరసే ।
అత ఉపమీయతే ద్రవిణజాతివికల్పపథై-
ర్వితథమనోవిలాసమృతమిత్యవయన్త్యబుధాః ॥ ౩౭ ॥
స యదజయా త్వజామనుశయీత గుణాంశ్చ జుషన్
భజతి సరూపతాం తదను మృత్యుమపేతభగః ।
త్వముత జహాసి తామహిరివ త్వచమాత్తభగో
మహసి మహీయసేఽష్టగుణితేఽపరిమేయభగః ॥ ౩౮ ॥
భజతి సరూపతాం తదను మృత్యుమపేతభగః ।
త్వముత జహాసి తామహిరివ త్వచమాత్తభగో
మహసి మహీయసేఽష్టగుణితేఽపరిమేయభగః ॥ ౩౮ ॥
యది న సముద్ధరన్తి యతయో హృది కామజటా
దురధిగమోఽసతాం హృది గతోఽస్మృతకణ్ఠమణిః ।
అసుతృపయోగినాముభయతోఽప్యసుఖం భగవ-
న్ననపగతాన్తకాదనధిరూఢపదాద్ భవతః ॥ ౩౯ ॥
దురధిగమోఽసతాం హృది గతోఽస్మృతకణ్ఠమణిః ।
అసుతృపయోగినాముభయతోఽప్యసుఖం భగవ-
న్ననపగతాన్తకాదనధిరూఢపదాద్ భవతః ॥ ౩౯ ॥
త్వదవగమీ న వేత్తి భవదుత్థశుభాశుభయో-
ర్గుణవిగుణాన్వయాంస్తర్హి దేహభృతాం చ గిరః ।
అనుయుగమన్వహం సగుణ గీతపరమ్పరయా
శ్రవణభృతో యతస్త్వమపవర్గగతిర్మనుజైః ॥ ౪౦ ॥
ర్గుణవిగుణాన్వయాంస్తర్హి దేహభృతాం చ గిరః ।
అనుయుగమన్వహం సగుణ గీతపరమ్పరయా
శ్రవణభృతో యతస్త్వమపవర్గగతిర్మనుజైః ॥ ౪౦ ॥
ద్యుపతయ ఏవ తే న యయురన్తమనన్తతయాత్వమపి యదన్తరాణ్డనిచయా నను సావరణాః । ఖ ఇవ రజాంసి వాన్తి వయసా సహ యచ్ఛ్రుతయ-స్త్వయి హి ఫలన్త్యతన్నిరసనేన భవన్నిధనాః ॥ ౪౧ ॥
శ్రీభగవానువాచ
ఇత్యేతద్ బ్రహ్మణః పుత్రా ఆశ్రుత్యాత్మానుశాసనమ్ ।
సనన్దనమథానర్చుః సిద్ధా జ్ఞాత్వాత్మనో గతిమ్ ॥ ౪౨ ॥
ఇత్యేతద్ బ్రహ్మణః పుత్రా ఆశ్రుత్యాత్మానుశాసనమ్ ।
సనన్దనమథానర్చుః సిద్ధా జ్ఞాత్వాత్మనో గతిమ్ ॥ ౪౨ ॥
ఇత్యశేషసమామ్నాయపురాణోపనిషద్రసః ।
సముద్ధృతః పూర్వజాతైర్వ్యోమయానైర్మహాత్మభిః ॥ ౪౩ ॥
సముద్ధృతః పూర్వజాతైర్వ్యోమయానైర్మహాత్మభిః ॥ ౪౩ ॥
త్వం చైతద్ బ్రహ్మదాయాద శ్రద్ధయాత్మానుశాసనమ్ ।
ధారయంశ్చర గాం కామం కామానాం భర్జనం నృణామ్ ॥ ౪౪ ॥
ధారయంశ్చర గాం కామం కామానాం భర్జనం నృణామ్ ॥ ౪౪ ॥
శ్రీశుక ఉవాచ
ఏవం స ఋషిణాదిష్టం గృహీత్వా శ్రద్ధయాత్మవాన్ ।
పూర్ణః శ్రుతధరో రాజన్నాహ వీరవ్రతో మునిః ॥ ౪౫ ॥
ఏవం స ఋషిణాదిష్టం గృహీత్వా శ్రద్ధయాత్మవాన్ ।
పూర్ణః శ్రుతధరో రాజన్నాహ వీరవ్రతో మునిః ॥ ౪౫ ॥
శ్రీనారద ఉవాచ
నమస్తస్మై భగవతే కృష్ణాయామలకీర్తయే ।
యో ధత్తే సర్వభూతానామభవాయోశతీః కలాః ॥ ౪౬ ॥
నమస్తస్మై భగవతే కృష్ణాయామలకీర్తయే ।
యో ధత్తే సర్వభూతానామభవాయోశతీః కలాః ॥ ౪౬ ॥
ఇత్యాద్యమృషిమానమ్య తచ్ఛిష్యాంశ్చ మహాత్మనః ।
తతోఽగాదాశ్రమం సాక్షాత్ పితుర్ద్వైపాయనస్య మే ॥ ౪౭ ॥
తతోఽగాదాశ్రమం సాక్షాత్ పితుర్ద్వైపాయనస్య మే ॥ ౪౭ ॥
సభాజితో భగవతా కృతాసనపరిగ్రహః ।
తస్మై తద్ వర్ణయామాస నారాయణముఖాచ్ఛ్రుతమ్ ॥ ౪౮ ॥
తస్మై తద్ వర్ణయామాస నారాయణముఖాచ్ఛ్రుతమ్ ॥ ౪౮ ॥
ఇత్యేతద్ వర్ణితం రాజన్ యన్నః ప్రశ్న: కృతస్త్వయా ।
యథా బ్రహ్మణ్యనిర్దేశ్యే నిర్గుణేఽపి మనశ్చరేత్ ॥ ౪౯ ॥
యథా బ్రహ్మణ్యనిర్దేశ్యే నిర్గుణేఽపి మనశ్చరేత్ ॥ ౪౯ ॥
యోఽస్యోత్ప్రేక్షక ఆదిమధ్యనిధనే యోఽవ్యక్తజీవేశ్వరో
యః సృష్ట్వేదమనుప్రవిశ్య ఋషిణా చక్రే పురః శాస్తి తాః ।
యం సమ్పద్య జహాత్యజామనుశయీ సుప్తః కులాయం యథా
తం కైవల్యనిరస్తయోనిమభయం ధ్యాయేదజస్రం హరిమ్ ॥ ౫౦ ॥
యః సృష్ట్వేదమనుప్రవిశ్య ఋషిణా చక్రే పురః శాస్తి తాః ।
యం సమ్పద్య జహాత్యజామనుశయీ సుప్తః కులాయం యథా
తం కైవల్యనిరస్తయోనిమభయం ధ్యాయేదజస్రం హరిమ్ ॥ ౫౦ ॥