ஶ்ரீமத்பாகவதம் ௧௦.௯௦

ஶ்ரீஶுக உவாச
ஸுகம் ஸ்வபுர்யாம் நிவஸந் த்வாரகாயாம் ஶ்ரியஃ பதிஃ ।
ஸர்வஸம்பத்ஸம்ரு'த்தாயாம் ஜுஷ்டாயாம் வ்ரு'ஷ்ணிபுங்கவைஃ ॥ ௧ ॥

ஸ்த்ரீபிஶ்சோத்தமவேஷாபிர்நவயௌவநகாந்திபிஃ ।
கந்துகாதிபிர்ஹர்ம்யேஷு க்ரீடந்தீபிஸ்தடித்த்யுபிஃ ॥ ௨ ॥

நித்யம் ஸங்குலமார்காயாம் மதச்யுத்பிர்மதங்கஜைஃ ।
ஸ்வலங்க்ரு'தைர்படைரஶ்வை ரதைஶ்ச கநகோஜ்ஜ்வலைஃ ॥ ௩ ॥

உத்யாநோபவநாட்யாயாம் புஷ்பிதத்ருமராஜிஷு ।
நிர்விஶத் ப்ரு'ங்கவிஹகைர்நாதிதாயாம் ஸமந்ததஃ ॥ ௪ ॥

ரேமே ஷோடஶஸாஹஸ்ரபத்நீநாமேகவல்லபஃ ।
தாவத்விசித்ரரூபோ'ஸௌ தத்கேஹேஷு மஹர்த்திஷு ॥ ௫ ॥

ப்ரோத்புல்லோத்பலகஹ்லாரகுமுதாம்போஜரேணுபிஃ ।
வாஸிதாமலதோயேஷு கூஜத்த்விஜகுலேஷு ச ॥ ௬ ॥

விஜஹார விகாஹ்யாம்போ ஹ்ரதிநீஷு மஹோதயஃ ।
குசகுங்குமலிப்தாங்கஃ பரிரப்தஶ்ச யோஷிதாம் ॥ ௭ ॥

உபகீயமாநோ கந்தர்வைர்ம்ரு'தங்கபணவாநகாந் ।
வாதயத்பிர்முதா வீணாம் ஸூதமாகதவந்திபிஃ ॥ ௮ ॥

ஸிச்யமாநோ'ச்யுதஸ்தாபிர்ஹஸந்தீபிஃ ஸ்ம ரேசகைஃ ।
ப்ரதிஷிஞ்சந் விசிக்ரீடே யக்ஷீபிர்யக்ஷராடிவ ॥ ௯ ॥

தாஃ க்லிந்நவஸ்த்ரவிவ்ரு'தோருகுசப்ரதேஶாஃ
ஸிஞ்சந்த்ய உத்த்ரு'தப்ரு'ஹத்கவரப்ரஸூநாஃ ।
காந்தம் ஸ்ம ரேசகஜிஹீர்ஷயயோபகுஹ்ய
ஜாதஸ்மரோத்ஸ்மயலஸத்வதநா விரேஜுஃ ॥ ௧௦ ॥

க்ரு'ஷ்ணஸ்து தத்ஸ்தநவிஷஜ்ஜிதகுங்குமஸ்ரக்
க்ரீடாபிஷங்கதுதகுந்தலவ்ரு'ந்தபந்தஃ ।
ஸிஞ்சந் முஹுர்யுவதிபிஃ ப்ரதிஷிச்யமாநோ
ரேமே கரேணுபிரிவேபபதிஃ பரீதஃ ॥ ௧௧ ॥

நடாநாம் நர்தகீநாம் ச கீதவாத்யோபஜீவிநாம் ।
க்ரீடாலங்காரவாஸாம்ஸி க்ரு'ஷ்ணோ'தாத்தஸ்ய ச ஸ்த்ரியஃ ॥ ௧௨ ॥

க்ரு'ஷ்ணஸ்யைவம் விஹரதோ கத்யாலாபேக்ஷிதஸ்மிதைஃ ।
நர்மக்ஷ்வேலிபரிஷ்வங்கைஃ ஸ்த்ரீணாம் கில ஹ்ரு'தா தியஃ ॥ ௧௩ ॥

ஊசுர்முகுந்தைகதியோ கிர உந்மத்தவஜ்ஜடம் ।
சிந்தயந்த்யோ'ரவிந்தாக்ஷம் தாநி மே கததஃ ஶ்ரு'ணு ॥ ௧௪ ॥

மஹிஷ்ய ஊசுஃ
குரரி விலபஸி த்வம் வீதநித்ரா ந ஶேஷே
ஸ்வபிதி ஜகதி ராத்ர்யாமீஶ்வரோ குப்தபோதஃ ।
வயமிவ ஸகி கச்சித் காடநிர்வித்தசேதா
நலிநநயநஹாஸோதாரலீலேக்ஷிதேந ॥ ௧௫ ॥

நேத்ரே நிமீலயஸி நக்தமத்ரு'ஷ்டபந்து-
ஸ்த்வம் ரோரவீஷி கருணம் பத சக்ரவாகி ।
தாஸ்யம் கத வயமிவாச்யுதபாதஜுஷ்டாம்
கிம் வா ஸ்ரஜம் ஸ்ப்ரு'ஹயஸே கவரேண வோடும் ॥ ௧௬ ॥

போ போஃ ஸதா நிஷ்டநஸே உதந்வ-
ந்நலப்தநித்ரோ'திகதப்ரஜாகரஃ ।
கிம் வா முகுந்தாபஹ்ரு'தாத்மலாஞ்சநஃ
ப்ராப்தாம் தஶாம் த்வம் ச கதோ துரத்யயாம் ॥ ௧௭ ॥

த்வம் யக்ஷ்மணா பலவதாஸி க்ரு'ஹீத இந்தோ
க்ஷீணஸ்தமோ ந நிஜதீதிதிபிஃ க்ஷிணோஷி ।
கச்சிந்முகுந்தகதிதாநி யதா வயம் த்வம்
விஸ்ம்ரு'த்ய போஃ ஸ்தகிதகீருபலக்ஷ்யஸே நஃ ॥ ௧௮ ॥

கிம் ந்வாசரிதமஸ்மாபிர்மலயாநில தே'ப்ரியம் ।
கோவிந்தாபாங்கநிர்பிந்நே ஹ்ரு'தீரயஸி நஃ ஸ்மரம் ॥ ௧௯ ॥

மேக ஶ்ரீமம்ஸ்த்வமஸி தயிதோ யாதவேந்த்ரஸ்ய நூநம்
ஶ்ரீவத்ஸாங்கம் வயமிவ பவாந் த்யாயதி ப்ரேமபத்தஃ ।
அத்யுத்கண்டஃ ஶவலஹ்ரு'தயோ'ஸ்மத்விதோ பாஷ்பதாராஃ
ஸ்ம்ரு'த்வா ஸ்ம்ரு'த்வா விஸ்ரு'ஜஸி முஹுர்துஃகதஸ்தத்ப்ரஸங்கஃ ॥ ௨௦ ॥

ப்ரியராவபதாநி பாஷஸே ம்ரு'த-
ஸஞ்ஜீவிகயாநயா கிரா ।
கரவாணி கிமத்ய தே ப்ரியம்
வத மே வல்கிதகண்ட கோகில ॥ ௨௧ ॥

ந சலஸி ந வதஸ்யுதாரபுத்தே
க்ஷிதிதர சிந்தயஸே மஹாந்தமர்தம் ।
அபி பத வஸுதேவநந்தநாங்க்ரி
வயமிவ காமயஸே ஸ்தநைர்விதர்தும் ॥ ௨௨ ॥

ஶுஷ்யத்த்ரதாஃ கரஶிதா பத ஸிந்துபத்ந்யஃ
ஸம்ப்ரத்யபாஸ்தகமலஶ்ரிய இஷ்டபர்துஃ ।
யத்வத் வயம் மதுபதேஃ ப்ரணயாவலோக-
மப்ராப்ய முஷ்டஹ்ரு'தயாஃ புருகர்ஶிதாஃ ஸ்ம ॥ ௨௩ ॥

ஹம்ஸ ஸ்வாகதமாஸ்யதாம் பிப பயோ ப்ரூஹ்யங்க ஶௌரேஃ கதாம்
தூதம் த்வாம் நு விதாம கச்சிதஜிதஃ ஸ்வஸ்த்யாஸ்த உக்தம் புரா ।
கிம் வா நஶ்சலஸௌஹ்ரு'தஃ ஸ்மரதி தம் கஸ்மாத் பஜாமோ வயம்
க்ஷௌத்ராலாபய காமதம் ஶ்ரியம்ரு'தே ஸைவைகநிஷ்டா ஸ்த்ரியாம் ॥ ௨௪ ॥

ஶ்ரீஶுக உவாச
இதீத்ரு'ஶேந பாவேந க்ரு'ஷ்ணே யோகேஶ்வரேஶ்வரே ।
க்ரியமாணேந மாதவ்யோ லேபிரே பரமாம் கதிம் ॥ ௨௫ ॥

ஶ்ருதமாத்ரோ'பி யஃ ஸ்த்ரீணாம் ப்ரஸஹ்யாகர்ஷதே மநஃ ।
உருகாயோருகீதோ வா பஶ்யந்தீநாம் ச கிம் புநஃ ॥ ௨௬ ॥

யாஃ ஸம்பர்யசரந்ப்ரேம்ணா பாதஸம்வாஹநாதிபிஃ ।
ஜகத்குரும் பர்த்ரு'புத்த்யா தாஸாம் கிம் வர்ண்யதே தபஃ ॥ ௨௭ ॥

ஏவம் வேதோதிதம் தர்மமநுதிஷ்டந் ஸதாம் கதிஃ ।
க்ரு'ஹம் தர்மார்தகாமாநாம் முஹுஶ்சாதர்ஶயத் பதம் ॥ ௨௮ ॥

ஆஸ்திதஸ்ய பரம் தர்மம் க்ரு'ஷ்ணஸ்ய க்ரு'ஹமேதிநாம் ।
ஆஸந் ஷோடஶஸாஹஸ்ரம் மஹிஷ்யஶ்ச ஶதாதிகம் ॥ ௨௯ ॥

தாஸாம் ஸ்த்ரீரத்நபூதாநாமஷ்டௌ யாஃ ப்ராகுதாஹ்ரு'தாஃ ।
ருக்மிணீப்ரமுகா ராஜம்ஸ்தத்புத்ராஶ்சாநுபூர்வஶஃ ॥ ௩௦ ॥

ஏகைகஸ்யாம் தஶ தஶ க்ரு'ஷ்ணோ'ஜீஜநதாத்மஜாந் ।
யாவத்ய ஆத்மநோ பார்யா அமோககதிரீஶ்வரஃ ॥ ௩௧ ॥

தேஷாமுத்தாமவீர்யாணாமஷ்டாதஶ மஹாரதாஃ ।
ஆஸந்நுதாரயஶஸஸ்தேஷாம் நாமாநி மே ஶ்ரு'ணு ॥ ௩௨ ॥

ப்ரத்யும்நஶ்சாநிருத்தஶ்ச தீப்திமாந் பாநுரேவ ச ।
ஸாம்போ மதுர்ப்ரு'ஹத்பாநுஶ்சித்ரபாநுர்வ்ரு'கோ'ருணஃ ॥ ௩௩ ॥

புஷ்கரோ வேதபாஹுஶ்ச ஶ்ருததேவஃ ஸுநந்தநஃ ।
சித்ரபாஹுர்விரூபஶ்ச கவிர்ந்யக்ரோத ஏவ ச ॥ ௩௪ ॥

ஏதேஷாமபி ராஜேந்த்ர தநுஜாநாம் மதுத்விஷஃ ।
ப்ரத்யும்ந ஆஸீத் ப்ரதமஃ பித்ரு'வத் ருக்மிணீஸுதஃ ॥ ௩௫ ॥

ஸ ருக்மிணோ துஹிதரமுபயேமே மஹாரதஃ ।
தஸ்யாம் ததோ'நிருத்தோ'பூத்நாகாயதபலாந்விதஃ ॥ ௩௬ ॥

ஸ சாபி ருக்மிணஃ பௌத்ரீம் தௌஹித்ரோ ஜக்ரு'ஹே ததஃ ।
வஜ்ரஸ்தஸ்யாபவத் யஸ்து மௌஷலாதவஶேஷிதஃ ॥ ௩௭ ॥

ப்ரதிபாஹுரபூத்தஸ்மாத் ஸுபாஹுஸ்தஸ்ய சாத்மஜஃ ।
ஸுபாஹோஃ ஶாந்தஸேநோ'பூச்சதஸேநஸ்து தத்ஸுதஃ ॥ ௩௮ ॥

ந ஹ்யேதஸ்மிந் குலே ஜாதா அதநா அபஹுப்ரஜாஃ ।
அல்பாயுஷோ'ல்பவீர்யாஶ்ச அப்ரஹ்மண்யாஶ்ச ஜஜ்ஞிரே ॥ ௩௯ ॥

யதுவம்ஶப்ரஸூதாநாம் பும்ஸாம் விக்யாதகர்மணாம் ।
ஸங்க்யா ந ஶக்யதே கர்துமபி வர்ஷாயுதைர்ந்ரு'ப ॥ ௪௦ ॥

திஸ்ரஃ கோட்யஃ ஸஹஸ்ராணாமஷ்டாஶீதிஶதாநி ச ।
ஆஸந் யதுகுலாசார்யாஃ குமாராணாமிதி ஶ்ருதம் ॥ ௪௧ ॥

ஸங்க்யாநம் யாதவாநாம் கஃ கரிஷ்யதி மஹாத்மநாம் ।
யத்ராயுதாநாமயுதலக்ஷேணாஸ்தே ஸ ஆஹுகஃ ॥ ௪௨ ॥

தேவாஸுராஹவஹதா தைதேயா யே ஸுதாருணாஃ ।
தே சோத்பந்நா மநுஷ்யேஷு ப்ரஜா த்ரு'ப்தா பபாதிரே ॥ ௪௩ ॥

தந்நிக்ரஹாய ஹரிணா ப்ரோக்தா தேவா யதோஃ குலே ।
அவதீர்ணாஃ குலஶதம் தேஷாமேகாதிகம் ந்ரு'ப ॥ ௪௪ ॥

தேஷாம் ப்ரமாணம் பகவாந் ப்ரபுத்வேநாபவத்தரிஃ ।
யே சாநுவர்திநஸ்தஸ்ய வவ்ரு'துஃ ஸர்வயாதவாஃ ॥ ௪௫ ॥

ஶய்யாஸநாடநாலாபக்ரீடாஸ்நாநாதிகர்மஸு ।
ந விதுஃ ஸந்தமாத்மாநம் வ்ரு'ஷ்ணயஃ க்ரு'ஷ்ணசேதஸஃ ॥ ௪௬ ॥

தீர்தம் சக்ரே ந்ரு'போநம் யதஜநி யதுஷு ஸ்வஃஸரித்பாதஶௌசம்
வித்விட்ஸ்நிக்தாஃ ஸ்வரூபம் யயுரஜிதபரா ஶ்ரீர்யதர்தே'ந்யயத்நஃ ।
யந்நாமாமங்கலக்நம் ஶ்ருதமத கதிதம் யத்க்ரு'தோ கோத்ரதர்மஃ
க்ரு'ஷ்ணஸ்யைதந்ந சித்ரம் க்ஷிதிபரஹரணம் காலசக்ராயுதஸ்ய ॥ ௪௭ ॥

ஜயதி ஜநநிவாஸோ தேவகீஜந்மவாதோ
யதுவரபரிஷத்ஸ்வைர்தோர்பிரஸ்யந்நதர்மம் ।
ஸ்திரசரவ்ரு'ஜிநக்நஃ ஸுஸ்மிதஶ்ரீமுகேந
வ்ரஜபுரவநிதாநாம் வர்தயந் காமதேவம் ॥ ௪௮ ॥

இத்தம் பரஸ்ய நிஜவர்த்மரிரக்ஷயாத்த-
லீலாதநோஸ்ததநுரூபவிடம்பநாநி ।
கர்மாணி கர்மகஷணாநி யதூத்தமஸ்ய
ஶ்ரூயாதமுஷ்ய பதயோரநுவ்ரு'த்திமிச்சந் ॥ ௪௯ ॥

மர்த்யஸ்தயாநுஸவமேதிதயா முகுந்த-
ஶ்ரீமத்கதாஶ்ரவணகீர்தநசிந்தயைதி ।
தத்தாம துஸ்தரக்ரு'தாந்தஜவாபவர்கம்
க்ராமாத் வநம் க்ஷிதிபுஜோ'பி யயுர்யதர்தாஃ ॥ ௫௦ ॥