॥ त्रैलोक्य मङ्गल लक्ष्मीस्तोत्रम् ॥
॥ अथ स्तोत्रम् ॥
नमः कल्याणदे देवि नमोऽस्तु हरिवल्लभे ।
नमो भक्तप्रिये देवि लक्ष्मीदेवि नमोऽस्तु ते ॥ १॥
नमो भक्तप्रिये देवि लक्ष्मीदेवि नमोऽस्तु ते ॥ १॥
नमो मायागृहीताङ्गि नमोऽस्तु हरिवल्लभे ।
सर्वेश्वरि नमस्तुभ्यं लक्ष्मीदेवि नमोऽस्तु ते ॥ २॥
सर्वेश्वरि नमस्तुभ्यं लक्ष्मीदेवि नमोऽस्तु ते ॥ २॥
महामाये विष्णुधर्मपत्नीरूपे हरिप्रिये ।
वाञ्छादात्रि सुरेशानि लक्ष्मीदेवि नमोऽस्तुते ॥ ३॥
वाञ्छादात्रि सुरेशानि लक्ष्मीदेवि नमोऽस्तुते ॥ ३॥
उद्यद्भानुसहस्राभे नयनत्रयभूषिते ।
रत्नाधारे सुरेशानि लक्ष्मीदेवि नमोऽस्तुते ॥ ४॥
रत्नाधारे सुरेशानि लक्ष्मीदेवि नमोऽस्तुते ॥ ४॥
विचित्रवसने देवि भवदुःखविनाशिनि ।
कुचभारनते देवि ! लक्ष्मीदेवि नमोऽस्तुते ॥ ५॥
कुचभारनते देवि ! लक्ष्मीदेवि नमोऽस्तुते ॥ ५॥
साधकाभीष्टदे देवि अन्नदानरतेऽनघे ।
विष्ण्वानन्दप्रदे मातर्लक्ष्मीदेवि नमोऽस्तु ते ॥ ६॥
विष्ण्वानन्दप्रदे मातर्लक्ष्मीदेवि नमोऽस्तु ते ॥ ६॥
षट्कोणपद्ममध्यस्थे षडङ्गयुवतीमये ।
ब्रह्माण्यादिस्वरूपे च लक्ष्मीदेवि नमोऽस्तु ते ॥ ७॥
ब्रह्माण्यादिस्वरूपे च लक्ष्मीदेवि नमोऽस्तु ते ॥ ७॥
देवि त्वं चन्द्रवदने सर्वसाम्राज्यदायिनि ।
सर्वानन्दकरे देवि लक्ष्मीदेवि नमोऽस्तु ते ॥ ८॥
सर्वानन्दकरे देवि लक्ष्मीदेवि नमोऽस्तु ते ॥ ८॥
॥ फलश्रुतिः एवं साधना विधि ॥
पूजाकाले पठेद्यस्तु स्तोत्रमेतत्समाहितः ।
तस्य गेहे स्थिरा लक्ष्मीर्जायते नात्र संशयः ॥ ९॥
तस्य गेहे स्थिरा लक्ष्मीर्जायते नात्र संशयः ॥ ९॥
प्रातःकाले पठेद्यस्तु मन्त्रपूजापुरःसरम् ।
तस्य चान्नसमृद्धिः स्याद्वर्द्धमानो दिनेदिने ॥ १०॥
तस्य चान्नसमृद्धिः स्याद्वर्द्धमानो दिनेदिने ॥ १०॥
यस्मै कस्मै न दातव्यं न प्रकाश्यं कदाचन ।
प्रकाशात्कार्यहानिः स्यात्तस्माद्यत्नेन गोपयेत् ॥११॥
प्रकाशात्कार्यहानिः स्यात्तस्माद्यत्नेन गोपयेत् ॥११॥
त्रैलोक्यमङ्गलं नाम स्तोत्रमेतत्प्रकीर्तितम् ।
ब्रह्मविद्यास्वरूपञ्च महैश्वर्यप्रदायकम् ॥ १२॥
ब्रह्मविद्यास्वरूपञ्च महैश्वर्यप्रदायकम् ॥ १२॥
पठनाद्धारणान्मर्त्यस्त्रैलोक्यैश्वर्यवान्भवेत् ।
यद्धृत्वा पठनाद्देवाः सर्वैश्वर्यमवाप्नुयुः ॥ १३॥
यद्धृत्वा पठनाद्देवाः सर्वैश्वर्यमवाप्नुयुः ॥ १३॥
ब्रह्मा विष्णुश्च रुद्रश्च धारणात्पठनाद्यतः ।
सृजत्यवति हरत्येव कल्पेकल्पे पृथक्पृथक् ॥ १४॥
सृजत्यवति हरत्येव कल्पेकल्पे पृथक्पृथक् ॥ १४॥
पुष्पाञ्जल्यष्टकं देव्यै मूलेनैव पठेत्ततः ।
युगकालकृतायास्तु पूजायाः फलमाप्नुयात् ॥ १५॥
युगकालकृतायास्तु पूजायाः फलमाप्नुयात् ॥ १५॥
प्रीतिमन्योन्यतः कृत्वा कमला निश्चला गृहे ।
वाणी वक्त्रे वसेत्तस्य सत्यं सत्यं न संशयः ॥ १६॥
वाणी वक्त्रे वसेत्तस्य सत्यं सत्यं न संशयः ॥ १६॥
अष्टोत्तरशतञ्चास्य पुरश्चर्याविधिः स्मृतः ॥ १७॥
भूर्जे विलिख्य गुलिकां स्वर्णस्थां धारयेद्यदि ।
कण्ठे वा दक्षिणे वाह्यौ सोऽपि सर्वतपोमयः ॥ १८॥
कण्ठे वा दक्षिणे वाह्यौ सोऽपि सर्वतपोमयः ॥ १८॥
ब्रह्मास्त्रादीनि शस्त्राणि तद्गात्रं प्राप्य पार्वति ।
माल्यानि कौसुमान्येव भवन्त्येव न संशयः ॥ १९॥
माल्यानि कौसुमान्येव भवन्त्येव न संशयः ॥ १९॥
अस्यापि पठनात्सद्यः कुबेरोऽपि धनाधिपः ।
इन्द्राद्याः सकला देवा धारणात्पठनाद्यतः ॥ २०॥
इन्द्राद्याः सकला देवा धारणात्पठनाद्यतः ॥ २०॥
पुष्पाञ्जल्यष्टकं देव्यै मूलेनैव सकृत्पठेत् ।
संवत्सरकृतायास्तु पूजायाः फलमाप्नुयात् ॥ २१॥
संवत्सरकृतायास्तु पूजायाः फलमाप्नुयात् ॥ २१॥
यो धारयति पुण्यात्मा त्रैलोक्यमङ्गलं त्विदम् ।
स्तोत्रन्तु परमं पुण्यं सोऽपि पुण्यवतां वरः ॥ २२॥
स्तोत्रन्तु परमं पुण्यं सोऽपि पुण्यवतां वरः ॥ २२॥
सर्वैश्वर्ययुतो भूत्वा त्रैलोक्यविजयी भवेत् ।
पुरुषो दक्षिणे बाहौ नारी वामभुजे तथा ॥ २३॥
पुरुषो दक्षिणे बाहौ नारी वामभुजे तथा ॥ २३॥
ब्रह्मास्त्रादीनि शस्त्राणि नैव कृन्तन्ति तं जनम् ।
पठेद्वा धारयेद्वापि यो नरो भक्तितत्परः ॥ २४॥
पठेद्वा धारयेद्वापि यो नरो भक्तितत्परः ॥ २४॥
एतत्तु स्तोत्रमज्ञात्वा योऽर्चयेज्जगदीश्वरीम् ।
दारिद्र्यं परमं प्राप्य सोऽचिरान्मृत्युमाप्नुयात् ॥ २५॥
दारिद्र्यं परमं प्राप्य सोऽचिरान्मृत्युमाप्नुयात् ॥ २५॥
यः पठेत्प्रातरुत्थाय सर्वतीर्थफलं लभेत् ।
यः पठेदुभयोः सन्ध्योत्तस्य विघ्नो न विद्यते ॥ २६॥
यः पठेदुभयोः सन्ध्योत्तस्य विघ्नो न विद्यते ॥ २६॥
धारयेद्यः स्वदेहे तु तस्य विघ्नं न कुत्रचित् ।
भूतप्रेतपिशाचेभ्यो भयस्तस्य न विद्यते ॥ २७॥
भूतप्रेतपिशाचेभ्यो भयस्तस्य न विद्यते ॥ २७॥
रणे च राजद्वारे च सर्वत्र विजयी भवेत् ।
सर्वत्र पूजामाप्नोति देवीपुत्र इव क्षितौ ॥ २८ ॥
सर्वत्र पूजामाप्नोति देवीपुत्र इव क्षितौ ॥ २८ ॥
एतत्स्तोत्रं महापुण्यं धर्मकामार्थसिद्धिदम् ।
यत्र तत्र न वक्तव्यं गोपितव्यं प्रयत्नतः ॥ २९॥
यत्र तत्र न वक्तव्यं गोपितव्यं प्रयत्नतः ॥ २९॥
गोपितं सर्वतन्त्रेषु सारात्सारं प्रकीर्तितम् ।
सर्वत्र सुलभा विद्या स्तोत्रमेतत्सुदुर्लभम् ॥ ३०॥
सर्वत्र सुलभा विद्या स्तोत्रमेतत्सुदुर्लभम् ॥ ३०॥
शठाय भक्तिहीनाय निन्दकाय महेश्वरि ।
न्यूनाङ्गे अतिरिक्ताङ्गे क्रूरे मिथ्याभिभाषिणे ॥ ३१॥
न्यूनाङ्गे अतिरिक्ताङ्गे क्रूरे मिथ्याभिभाषिणे ॥ ३१॥
यत्र तत्र न वक्तव्यं मया तु परिभाषितम् ।
दत्वा तेभ्यो महेशानि नश्यन्ति सिद्धयः क्रमात् ॥ ३२॥
दत्वा तेभ्यो महेशानि नश्यन्ति सिद्धयः क्रमात् ॥ ३२॥
मन्त्राः पराङ्मुखा यान्ति शापं दत्वा सुदारुणम् ।
अशुभञ्च भवेत्तस्य तस्माद्यत्नेन गोपयेत् ॥ ३३॥
अशुभञ्च भवेत्तस्य तस्माद्यत्नेन गोपयेत् ॥ ३३॥
गोरोचनाकुङ्कुमेन भूर्जपत्रे महेश्वरि ।
लिखित्वा शुभयोगे च ब्रह्मेन्द्रौ वैधृतौ यथा ॥ ३४॥
लिखित्वा शुभयोगे च ब्रह्मेन्द्रौ वैधृतौ यथा ॥ ३४॥
कुमारीं पूजयित्वा तु देवीसूक्तं निवेद्य च ।
पठित्वा भोजयेद्विप्रान्धनवान्वेदपारगान् ॥ ३५॥
पठित्वा भोजयेद्विप्रान्धनवान्वेदपारगान् ॥ ३५॥
मासमेकं पठेद्यस्तु प्रत्यहं नियतः शुचिः ।
दिवा भवेद्धविष्याशी रात्रौ भक्तिपरायणः ॥ ३६॥
दिवा भवेद्धविष्याशी रात्रौ भक्तिपरायणः ॥ ३६॥
तस्य सर्वार्थसिद्धिः स्यात् सत्यंसत्यं महेश्वरि ॥ ३७॥
षट्सहस्रप्रमाणेन प्रत्यहं प्रजपेत्सदा ।
षण्मासैर्वा त्रिभिर्मासैः खेचरोभवति ध्रुवम् ॥ ३८॥
षण्मासैर्वा त्रिभिर्मासैः खेचरोभवति ध्रुवम् ॥ ३८॥
अपुत्रो लभते पुत्रमधनो धनवान्भवेत् ।
अरोगी बलवांस्तस्य राजा च दासतामियात् ॥ ३९॥
अरोगी बलवांस्तस्य राजा च दासतामियात् ॥ ३९॥
य एवं कुरुते धीमान्स एव कमलापतिः ।
स एव श्रीमहादेवस्तस्य पत्नी हरिप्रिया ॥ ४०॥
स एव श्रीमहादेवस्तस्य पत्नी हरिप्रिया ॥ ४०॥
बहुना किमिहोक्तेन स्तवस्यास्य प्रसादतः ।
धर्मार्थकाममोक्षञ्च लभते नात्र संशयः ॥ ४१॥
धर्मार्थकाममोक्षञ्च लभते नात्र संशयः ॥ ४१॥
इति ते कथितं देवि त्रैलोक्यमङ्गलाभिधम् ।
लक्ष्मीस्तोत्रं महापुण्यं संसारार्णवतारकम् ॥ ४२॥
लक्ष्मीस्तोत्रं महापुण्यं संसारार्णवतारकम् ॥ ४२॥
ऋजवे सुचरित्राय विष्णुभक्तिपराय च ।
दातव्यञ्च प्रयत्नेन परमं गोपनं त्विदम् ॥ ४३॥
दातव्यञ्च प्रयत्नेन परमं गोपनं त्विदम् ॥ ४३॥
॥ इति श्रीशङ्करभाषितं त्रैलोक्यमङ्गलनामकलक्ष्मीस्तोत्रं सम्पूर्णम् ॥