(ṛ.ve.1.1.1)
a॒gnimī̭le pu॒rohi̭taṃ-ya~॒jñasya̭ de॒vamṛ॒tvija̭m |
hotā̭raṃ ratna॒dhāta̭mam || 1
a॒gnimī̭le pu॒rohi̭taṃ-ya~॒jñasya̭ de॒vamṛ॒tvija̭m |
hotā̭raṃ ratna॒dhāta̭mam || 1
a॒gniḥ pūrvḙbhi॒r-ṛṣi̭bhi॒rīḍyo॒ nūta̭nairu॒ta |
sa de॒vā|ṇ eha va̭kṣati || 2
sa de॒vā|ṇ eha va̭kṣati || 2
a॒gninā̭ ra॒yima̭śnava॒tpoṣa̭me॒va di॒vedi̭ve |
ya॒śasaṃ̭-vī~॒rava̭ttamam || 3
ya॒śasaṃ̭-vī~॒rava̭ttamam || 3
agne॒ yaṃ-ya~॒jñama̭dhva॒raṃ-vi~॒śvataḥ̭ pari॒bhūrasi̭ |
sa idde॒veṣṷ gacchati || 4
sa idde॒veṣṷ gacchati || 4
a॒gnirhotā̭ ka॒vikra̭tu-ssa॒tyaści॒traśra̭vastamaḥ |
de॒vo de॒vebhi॒rā ga̭mat || 5
de॒vo de॒vebhi॒rā ga̭mat || 5
yada॒ṅga dā॒śuṣe॒ tvamagnḙ bha॒dra-ṅka̭ri॒ṣyasi̭ |
tavettatsa॒tyama̭ṅgiraḥ || 6
tavettatsa॒tyama̭ṅgiraḥ || 6
upa̭ tvāgne di॒vedi̭ve॒ doṣā̭vastardhi॒yā va॒yam |
namo॒ bhara̭nta॒ ema̭si || 7
namo॒ bhara̭nta॒ ema̭si || 7
rāja̭ntamadhva॒rāṇā̭-ṅgo॒pāmṛ॒tasya॒ dīdi̭vim |
vardha̭mānaṃ॒ sve damḙ || 8
vardha̭mānaṃ॒ sve damḙ || 8
sa naḥ̭ pi॒teva̭ sū॒nave-'gnḙ sūpāya॒no bha̭va |
saca̭svā na-ssva॒stayḙ || 9
saca̭svā na-ssva॒stayḙ || 9