Lord Ganesha

ഗകാരാദി ശ്രീ ഗണപതി സഹസ്രനാമ

(Gakaradi Sri Ganapati Sahasranama in Malayalam)

Also known as gakara ganapati sahasranama stotram · ganapati sahasranama stotram · atha gakaradi sri ganapati sahasranama stotram

Language:Sanskrit
Translation:English

A thousand names of Ganapati of which every single one begins with the letter ga — which is what gakaradi means, and what makes the text a feat as much as a litany. It comes from the Rudrayamala, out of the section called the great secret essence, and is spoken there by Shiva to Parvati. Durvasas is named as its seer, anushtubh as its metre, gam as its seed, svaha as its power and glaum as its pin. The constraint pushes the poet a long way past the usual epithets and into coinage, and the effect across a thousand names is of one syllable struck over and over. Its closing line is not a promise but a picture: hearing it, the great Goddess, her mind amazed, duly worshipped the two feet of the lord of the ganas.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
Reading depth
Lyrics
#of 192
അഥ ഗകാരാദി ശ്രീ ഗണപതി സഹസ്രനാമ സ്തോത്രമ്
വിനിയോഗഃ ।
അസ്യ ശ്രീഗണപതിഗകാരാദിസഹസ്രനാമമാലാമന്ത്രസ്യ ദുര്വാസാ ഋഷിഃ അനുഷ്ടുപ്ഛന്ദഃ ശ്രീഗണപതിര്ദേവതാ ഗം ബീജം സ്വാഹാ ശക്തിഃ ഗ്ലൌം കീലകം മമ സകലാഭീഷ്ടസിദ്ധ്യര്ഥേ ജപേ വിനിയോഗഃ ।
ന്യാസഃ ।
ഓം അങ്ഗുഷ്ഠാഭ്യാം നമഃ ।
ശ്രീം തര്ജനീഭ്യാം നമഃ ।
ഹ്രീം മധ്യമാഭ്യാം നമഃ ।
ക്രീം അനാമികാഭ്യാം നമഃ ।
ഗ്ലൌം കനിഷ്ഠികാഭ്യാം നമഃ ।
ഗം കരതലകരപൃഷ്ഠാഭ്യാം നമഃ ।
ഓം ഹൃദയായ നമഃ ।
ശ്രീം ശിരസേ സ്വാഹാ ।
ഹ്രീം ശിഖായൈ വഷട് ।
ക്രീം കവചായ ഹുമ് ।
ഗ്ലൌം നേത്രത്രയായ വൌഷട് ।
ഗം അസ്ത്രായ ഫട് ।
ഭൂര്ഭുവസ്സുവരോമിതി ദിഗ്ബന്ധഃ ।
ധ്യാനമ് ।
ഓങ്കാര സന്നിഭമിഭാനനമിന്ദുഭാലമ്
മുക്താഗ്രബിന്ദുമമലദ്യുതിമേകദന്തമ് ।
ലമ്ബോദരം കലചതുര്ഭുജമാദിദേവം
ധ്യായേന്മഹാഗണപതിം മതിസിദ്ധികാന്തമ് ॥
ധ്യായേന്നിത്യം ഗണേശം പരമഗുണയുതം ചിത്തസംസ്ഥം ത്രിണേത്രമ്
ഏകം ദേവം ത്വനേകം പരമസുഖയുതം ദേവദേവം പ്രസന്നമ് ।
ശുണ്ഡാദണ്ഡാഢ്യഗണ്ഡോദ്ഗലിതമദജലോല്ലോല മത്താലിമാലമ്
ശ്രീമന്തം വിഘ്നരാജം സകലസുഖകരം ശ്രീഗണേശം നമാമി ।
സ്തോത്രമ് ।
ഓം ഗണേശ്വരോ ഗണാധ്യക്ഷോ ഗണാരാധ്യോ ഗണപ്രിയഃ ।
ഗണനാഥോ ഗണസ്വാമീ ഗണേശോ ഗണനായകഃ ॥ ൧ ॥
ഗണമൂര്തിര്ഗണപതിര്ഗണത്രാതാ ഗണഞ്ജയഃ ।
ഗണപോഽഥ ഗണക്രീഡോ ഗണദേവോ ഗണാധിപഃ ॥ ൨ ॥
ഗണജ്യേഷ്ഠോ ഗണശ്രേഷ്ഠോ ഗണപ്രേഷ്ഠോ ഗണാധിരാട് ।
ഗണരാഡ്ഗണഗോപ്താഥ ഗണാങ്ഗോ ഗണദൈവതമ് ॥ ൩ ॥
ഗണബന്ധുര്ഗണസുഹൃദ്ഗണാധീശോ ഗണപ്രഥഃ ।
ഗണപ്രിയസഖഃ ശശ്വദ്ഗണപ്രിയസുഹൃത്തഥാ ॥ ൪ ॥
ഗണപ്രierതോ നിത്യം ഗണപ്രീതിവിവര്ധനഃ ।
ഗണമണ്ഡലമധ്യസ്ഥോ ഗണകേലിപരായണഃ ॥ ൫ ॥
ഗണാഗ്രണീര്ഗണേശാനോ ഗണഗീതോ ഗണോച്ഛ്രയഃ ।
ഗണ്യോ ഗണഹിതോ ഗര്ജദ്ഗണസേനോ ഗണോദ്ധതഃ ॥ ൬ ॥
ഗണഭീതിപ്രമഥനോ ഗണഭീത്യപഹാരകഃ ।
ഗണനാര്ഹോ ഗണപ്രൌഢോ ഗണഭര്താ ഗണപ്രഭുഃ ॥ ൭ ॥
ഗണസേനോ ഗണചരോ ഗണപ്രജ്ഞോ ഗണൈകരാട് ।
ഗണാഗ്ര്യോ ഗണനാമാ ച ഗണപാലനതത്പരഃ ॥ ൮ ॥
ഗണജിദ്ഗണഗര്ഭസ്ഥോ ഗണപ്രവണമാനസഃ ।
ഗണഗര്വപരീഹര്താ ഗണോ ഗണനമസ്കൃതഃ ॥ ൯ ॥
ഗണാര്ചിതാങ്ഘ്രിയുഗലോ ഗണരക്ഷണകൃത്സദാ ।
ഗണധ്യാതോ ഗണഗുരുര്ഗണപ്രണയതത്പരഃ ॥ ൧൦ ॥
ഗണാഗണപരിത്രാതാ ഗണാധിഹരണോദ്ധുരഃ ।
ഗണസേതുര്ഗണനുതോ ഗണകേതുര്ഗണാഗ്രഗഃ ॥ ൧൧ ॥
ഗണഹേതുര്ഗണഗ്രാഹീ ഗണാനുഗ്രഹകാരകഃ ।
ഗണാഗണാനുഗ്രഹഭൂര്ഗണാഗണവരപ്രദഃ ॥ ൧൨ ॥
ഗണസ്തുതോ ഗണപ്രാണോ ഗണസര്വസ്വദായകഃ ।
ഗണവല്ലഭമൂര്തിശ്ച ഗണഭൂതിര്ഗണേഷ്ടദഃ ॥ ൧൩ ॥
ഗണസൌഖ്യപ്രദാതാ ച ഗണദുഃഖപ്രണാശനഃ ।
ഗണപ്രഥിതനാമാ ച ഗണാഭീഷ്ടകരഃ സദാ ॥ ൧൪ ॥
ഗണമാന്യോ ഗണഖ്യാതോ ഗണവീതോ ഗണോത്കടഃ ।
ഗണപാലോ ഗണവരോ ഗണഗൌരവദായകഃ ॥ ൧൫ ॥
ഗണഗര്ജിതസന്തുഷ്ടോ ഗണസ്വച്ഛന്ദഗഃ സദാ ।
ഗണരാജോ ഗണശ്രീദോ ഗണാഭയകരഃ ക്ഷണാത് ॥ ൧൬ ॥
ഗണമൂര്ധാഭിഷിക്തശ്ച ഗണസൈന്യപുരസ്സരഃ ।
ഗുണാതീതോ ഗുണമയോ ഗുണത്രയവിഭാഗകൃത് ॥ ൧൭ ॥
ഗുണീ ഗുണാകൃതിധരോ ഗുണശാലീ ഗുണപ്രിയഃ ।
ഗുണപൂര്ണോ ഗുണാമ്ഭോധിര്ഗുണഭാഗ്ഗുണദൂരഗഃ ॥ ൧൮ ॥
ഗുണാഗുണവപുര്ഗൌണശരീരോ ഗുണമണ്ഡിതഃ ।
ഗുണസ്ത്രഷ്ടാ ഗുണേശാനോ ഗുണേശോഽഥ ഗുണേശ്വരഃ ॥ ൧൯ ॥
ഗുണസൃഷ്ടജഗത്സങ്ഘോ ഗുണസങ്ഘോ ഗുണൈകരാട് ।
ഗുണപ്രവൃഷ്ടോ ഗുണഭൂര്ഗുണീകൃതചരാചരഃ ॥ ൨൦ ॥
ഗുണപ്രവണസന്തുഷ്ടോ ഗുണഹീനപരാങ്മുഖഃ ।
ഗുണൈകഭൂര്ഗുണശ്രേഷ്ഠോ ഗുണജ്യേഷ്ഠോ ഗുണപ്രഭുഃ ॥ ൨൧ ॥
ഗുണജ്ഞോ ഗുണസമ്പൂജ്യോ ഗുണൈകസദനം സദാ ।
ഗുണപ്രണയവാന് ഗൌണപ്രകൃതിര്ഗുണഭാജനമ് ॥ ൨൨ ॥
ഗുണിപ്രണതപാദാബ്ജോ ഗുണിഗീതോ ഗുണോജ്ജ്വലഃ ।
ഗുണവാന് ഗുണസമ്പന്നോ ഗുണാനന്ദിതമാനസഃ ॥ ൨൩ ॥
ഗുണസഞ്ചാരചതുരോ ഗുണസഞ്ചയസുന്ദരഃ ।
ഗുണഗൌരോ ഗുണാധാരോ ഗുണസംവൃതചേതനഃ ॥ ൨൪ ॥
ഗുണകൃദ്ഗുണഭൃന്നിത്യം ഗുണാഗ്ര്യോ ഗുണപാരദൃക് ।
ഗുണപ്രചാരീ ഗുണയുഗ്ഗുണാഗുണവിവേകകൃത് ॥ ൨൫ ॥
ഗുണാകരോ ഗുണകരോ ഗുണപ്രവണവര്ധനഃ ।
ഗുണഗൂഢചരോ ഗൌണസര്വസംസാരചേഷ്ടിതഃ ॥ ൨൬ ॥
ഗുണദക്ഷിണസൌഹാര്ദോ ഗുണലക്ഷണതത്ത്വവിത് ।
ഗുണഹാരീ ഗുണകലോ ഗുണസങ്ഘസഖസ്സദാ ॥ ൨൭ ॥
ഗുണസംസ്കൃതസംസാരോ ഗുണതത്ത്വവിവേചകഃ ।
ഗുണഗര്വധരോ ഗൌണസുഖദുഃഖോദയോ ഗുണഃ ॥ ൨൮ ॥
ഗുണാധീശോ ഗുണലയോ ഗുണവീക്ഷണലാലസഃ ।
ഗുണഗൌരവദാതാ ച ഗുണദാതാ ഗുണപ്രദഃ ॥ ൨൯ ॥
ഗുണകൃദ്ഗുണസമ്ബന്ധോ ഗുണഭൃദ്ഗുണബന്ധനഃ ।
ഗുണഹൃദ്യോ ഗുണസ്ഥായീ ഗുണദായീ ഗുണോത്കടഃ ॥ ൩൦ ॥
ഗുണചക്രധരോ ഗൌണാവതാരോ ഗുണബാന്ധവഃ ।
ഗുണബന്ധുര്ഗുണപ്രജ്ഞോ ഗുണപ്രാജ്ഞോ ഗുണാലയഃ ॥ ൩൧ ॥
ഗുണധാതാ ഗുണപ്രാണോ ഗുണഗോപോ ഗുണാശ്രയഃ ।
ഗുണയായീ ഗുണാധായീ ഗുണപോ ഗുണപാലകഃ ॥ ൩൨ ॥
ഗുണാഹൃതതനുര്ഗൌണോ ഗീര്വാണോ ഗുണഗൌരവഃ ।
ഗുണവത്പൂജിതപദോ ഗുണവത്പ്രീതിദായകഃ ॥ ൩൩ ॥
ഗുണവദ്ഗീതകീര്തിശ്ച ഗുണവദ്ബദ്ധസൌഹൃദഃ ।
ഗുണവദ്വരദോ നിത്യം ഗുണവത്പ്രതിപാലകഃ ॥ ൩൪ ॥
ഗുണവദ്ഗുണസന്തുഷ്ടോ ഗുണവദ്രചിതസ്തവഃ ।
ഗുണവദ്രക്ഷണപരോ ഗുണവത്പ്രണതപ്രിയഃ ॥ ൩൫ ॥
ഗുണവച്ചക്രസഞ്ചാരോ ഗുണവത്കീര്തിവര്ധനഃ ।
ഗുണവദ്ഗുണചിത്തസ്ഥോ ഗുണവദ്ഗുണരക്ഷകഃ ॥ ൩൬ ॥
ഗുണവത്പോഷണകരോ ഗുണവച്ഛത്രുസൂദനഃ ।
ഗുണവത്സിദ്ധിദാതാ ച ഗുണവദ്ഗൌരവപ്രദഃ ॥ ൩൭ ॥
ഗുണവത്പ്രണവസ്വാന്തോ ഗുണവദ്ഗുണഭൂഷണഃ ।
ഗുണവത്കുലവിദ്വേഷിവിനാശകരണക്ഷമഃ ॥ ൩൮ ॥
ഗുണിസ്തുതഗുണോ ഗര്ജപ്രലയാമ്ബുദനിസ്സ്വനഃ ।
ഗജോ ഗജപതിര്ഗര്ജദ്ഗജയുദ്ധവിശാരദഃ ॥ ൩൯ ॥
ഗജാസ്യോ ഗജകര്ണോഽഥ ഗജരാജോ ഗജാനനഃ ।
ഗജരൂപധരോ ഗര്ജദ്ഗജയൂഥോദ്ധരധ്വനിഃ ॥ ൪൦ ॥
ഗജാധീശോ ഗജാധാരോ ഗജാസുരജയോദ്ധുരഃ ।
ഗജദന്തോ ഗജവരോ ഗജകുമ്ഭോ ഗജധ്വനിഃ ॥ ൪൧ ॥
ഗജമായോ ഗജമയോ ഗജശ്രീര്ഗജഗര്ജിതഃ ।
ഗജമയാഹരോ നിത്യം ഗജപുഷ്ടിപ്രദായകഃ ॥ ൪൨ ॥
ഗജോത്പത്തിര്ഗജത്രാതാ ഗജഹേതുര്ഗജാധിപഃ ।
ഗജമുഖ്യോ ഗജകുലപ്രവരോ ഗജദൈത്യഹാ ॥ ൪൩ ॥
ഗജകേതുര്ഗജാധ്യക്ഷോ ഗജസേതുര്ഗജാകൃതിഃ ।
ഗജവന്ദ്യോ ഗജപ്രാണോ ഗജസേവ്യോ ഗജപ്രഭുഃ ॥ ൪൪ ॥
ഗജമത്തോ ഗജേശാനോ ഗജേശോ ഗജപുങ്ഗവഃ ।
ഗജദന്തധരോ ഗുഞ്ജന്മധുപോ ഗജവേഷഭൃത് ॥ ൪൫ ॥
ഗജച്ഛദ്മ ഗജാഗ്രസ്ഥോ ഗജയായീ ഗജാജയഃ ।
ഗജരാഡ്ഗജയൂഥസ്ഥോ ഗജഗഞ്ജകഭഞ്ജകഃ ॥ ൪൬ ॥
ഗര്ജിതോജ്ഝിതദൈത്യാസുര്ഗര്ജിതത്രാതവിഷ്ടപഃ ।
ഗാനജ്ഞോ ഗാനകുശലോ ഗാനതത്ത്വവിവേചകഃ ॥ ൪൭ ॥
ഗാനശ്ലാഘീ ഗാനരസോ ഗാനജ്ഞാനപരായണഃ ।
ഗാനാഗമജ്ഞോ ഗാനാങ്ഗോ ഗാനപ്രവണചേതനഃ ॥ ൪൮ ॥
ഗാനകൃദ്ഗാനചതുരോ ഗാനവിദ്യാവിശാരദഃ ।
ഗാനധ്യേയോ ഗാനഗമ്യോ ഗാനധ്യാനപരായണഃ ॥ ൪൯ ॥
ഗാനഭൂര്ഗാനശീലശ്ച ഗാനശാലീ ഗതശ്രമഃ ।
ഗാനവിജ്ഞാനസമ്പന്നോ ഗാനശ്രവണലാലസഃ ॥ ൫൦ ॥
ഗാനായത്തോ ഗാനമയോ ഗാനപ്രണയവാന് സദാ ।
ഗാനധ്യാതാ ഗാനബുദ്ധിര്ഗാനോത്സുകമനാഃ പുനഃ ॥ ൫൧ ॥
ഗാനോത്സുകോ ഗാനഭൂമിര്ഗാനസീമാ ഗുണോജ്ജ്വലഃ ।
ഗാനാങ്ഗജ്ഞാനവാന് ഗാനമാനവാന് ഗാനപേശലഃ ॥ ൫൨ ॥
ഗാനവത്പ്രണയോ ഗാനസമുദ്രോ ഗാനഭൂഷണഃ ।
ഗാനസിന്ധുര്ഗാനപരോ ഗാനപ്രാണോ ഗാനാശ്രയഃ ॥ ൫൩ ॥
ഗാനൈകഭൂര്ഗാനഹൃഷ്ടോ ഗാനചക്ഷുര്ഗാനൈകദൃക് ।
ഗാനമത്തോ ഗാനരുചിര്ഗാനവിദ്ഗാനവിത്പ്രിയഃ ॥ ൫൪ ॥
ഗാനാന്തരാത്മാ ഗാനാഢ്യോ ഗാനാഭ്രാജത്സുഭാസ്വരഃ ।
ഗാനമായോ ഗാനധരോ ഗാനവിദ്യാവിശോധകഃ ॥ ൫൫ ॥
ഗാനാഹിതഘ്നോ ഗാനേന്ദ്രോ ഗാനലീനോ ഗതിപ്രിയഃ ।
ഗാനാധീശോ ഗാനലയോ ഗാനാധാരോ ഗതീശ്വരഃ ॥ ൫൬ ॥
ഗാനവന്മാനദോ ഗാനഭൂതിര്ഗാനൈകഭൂതിമാന് ।
ഗാനതാനരതോ ഗാനതാനധ്യാനവിമോഹിതഃ ॥ ൫൭ ॥
ഗുരുര്ഗുരൂദരശ്രോണിര്ഗുരുതത്ത്വാര്ഥദര്ശനഃ ।
ഗുരുസ്തുതോ ഗുരുഗുണോ ഗുരുമായോ ഗുരുപ്രിയഃ ॥ ൫൮ ॥
ഗുരുകീര്തിര്ഗുരുഭുജോ ഗുരുവക്ഷാ ഗുരുപ്രഭഃ ।
ഗുരുലക്ഷണസമ്പന്നോ ഗുരുദ്രോഹപരാങ്മുഖഃ ॥ ൫൯ ॥
ഗുരുവിദ്യോ ഗുരുത്രാണോ ഗുരുബാഹുര്ബലോച്ഛ്രയഃ ।
ഗുരുദൈത്യപ്രാണഹരോ ഗുരുദൈത്യാപഹാരകഃ ॥ ൬൦ ॥
ഗുരുഗര്വഹരോ ഗുഹ്യപ്രവരോ ഗുരുദര്പഹാ ।
ഗുരുഗൌരവദായീ ച ഗുരുഭീത്യപഹാരകഃ ॥ ൬൧ ॥
ഗുരുശുണ്ഡോ ഗുരുസ്കന്ധോ ഗുരുജങ്ഘോ ഗുരുപ്രഥഃ ।
ഗുരുഫാലോ ഗുരുഗലോ ഗുരുശ്രീര്ഗുരുഗര്വനുത് ॥ ൬൨ ॥
ഗുരൂരുര്ഗുരുപീനാംസോ ഗുരുപ്രണയലാലസഃ ।
ഗുരുമുഖ്യോ ഗുരുകുലസ്ഥായീ ഗുരുഗുണസ്സദാ ॥ ൬൩ ॥
ഗുരുസംശയഭേത്താ ച ഗുരുമാന്യപ്രദായകഃ ।
ഗുരുധര്മസദാരാധ്യോ ഗുരുധര്മനികേതനഃ ॥ ൬൪ ॥
ഗുരുദൈത്യകുലച്ഛേത്താ ഗുരുസൈന്യോ ഗുരുദ്യുതിഃ ।
ഗുരുധര്മാഗ്രഗണ്യോഽഥ ഗുരുധര്മധുരന്ധരഃ ।
ഗരിഷ്ഠോ ഗുരുസന്താപശമനോ ഗുരുപൂജിതഃ ॥ ൬൫ ॥
ഗുരുധര്മധരോ ഗൌരധര്മാധാരോ ഗദാപഹഃ ।
ഗുരുശാസ്ത്രവിചാരജ്ഞോ ഗുരുശാസ്ത്രകൃതോദ്യമഃ ॥ ൬൬ ॥
ഗുരുശാസ്ത്രാര്ഥനിലയോ ഗുരുശാസ്ത്രാലയസ്സദാ ।
ഗുരുമന്ത്രോ ഗുരുശ്രേഷ്ഠോ ഗുരുമന്ത്രഫലപ്രദഃ ॥ ൬൭ ॥
ഗുരുസ്ത്രീഗമനോദ്ദാമപ്രായശ്ചിത്തനിവാരകഃ ।
ഗുരുസംസാരസുഖദോ ഗുരുസംസാരദുഃഖഭിത് ॥ ൬൮ ॥
ഗുരുശ്ലാഘാപരോ ഗൌരഭാനുഖണ്ഡാവതംസഭൃത് ।
ഗുരുപ്രസന്നമൂര്തിശ്ച ഗുരുശാപവിമോചകഃ ॥ ൬൯ ॥
ഗുരുകാന്തിര്ഗുരുമഹാന് ഗുരുശാസനപാലകഃ ।
ഗുരുതന്ത്രോ ഗുരുപ്രജ്ഞോ ഗുരുഭോ ഗുരുദൈവതമ് ॥ ൭൦ ॥
ഗുരുവിക്രമസഞ്ചാരോ ഗുരുദൃഗ്ഗുരുവിക്രമഃ ।
ഗുരുക്രമോ ഗുരുപ്രേഷ്ഠോ ഗുരുപാഷണ്ഡഖണ്ഡകഃ ॥ ൭൧ ॥
ഗുരുഗര്ജിതസമ്പൂര്ണബ്രഹ്മാണ്ഡോ ഗുരുഗര്ജിതഃ ।
ഗുരുപുത്രപ്രിയസഖോ ഗുരുപുത്രഭയാപഹഃ ॥ ൭൨ ॥
ഗുരുപുത്രപരിത്രാതാ ഗുരുപുത്രവരപ്രദഃ ।
ഗുരുപുത്രാര്തിശമനോ ഗുരുപുത്രാധിനാശനഃ ॥ ൭൩ ॥
ഗുരുപുത്രപ്രാണദാതാ ഗുരുഭക്തിപരായണഃ ।
ഗുരുവിജ്ഞാനവിഭവോ ഗൌരഭാനുവരപ്രദഃ ॥ ൭൪ ॥
ഗൌരഭാനുസ്തുതോ ഗൌരഭാനുത്രാസാപഹാരകഃ ।
ഗൌരഭാനുപ്രിയോ ഗൌരഭാനുര്ഗൌരവവര്ധനഃ ॥ ൭൫ ॥
ഗൌരഭാനുപരിത്രാതാ ഗൌരഭാനുസഖസ്സദാ ।
ഗൌരഭാനുപ്രഭുര്ഗൌരഭാനുഭീതിപ്രണാശനഃ ॥ ൭൬ ॥
ഗൌരീതേജസ്സമുത്പന്നോ ഗൌരീഹൃദയനന്ദനഃ ।
ഗൌരീസ്തനന്ധയോ ഗൌരീമനോവാഞ്ഛിതസിദ്ധികൃത് ॥ ൭൭ ॥
ഗൌരോ ഗൌരഗുണോ ഗൌരപ്രകാശോ ഗൌരഭൈരവഃ ।
ഗൌരീശനന്ദനോ ഗൌരീപ്രിയപുത്രോ ഗദാധരഃ ॥ ൭൮ ॥
ഗൌരീവരപ്രദോ ഗൌരീപ്രണയോ ഗൌരസച്ഛവിഃ ।
ഗൌരീഗണേശ്വരോ ഗൌരീപ്രവണോ ഗൌരഭാവനഃ ॥ ൭൯ ॥
ഗൌരാത്മാ ഗൌരകീര്തിശ്ച ഗൌരഭാവോ ഗരിഷ്ഠദൃക് ।
ഗൌതമോ ഗൌതമീനാഥോ ഗൌതമീപ്രാണവല്ലഭഃ ॥ ൮൦ ॥
ഗൌതമാഭീഷ്ടവരദോ ഗൌതമാഭയദായകഃ ।
ഗൌതമപ്രണയപ്രഹ്വോ ഗൌതമാശ്രമദുഃഖഹാ ॥ ൮൧ ॥
ഗൌതമീതീരസഞ്ചാരീ ഗൌതമീതീര്ഥനായകഃ ।
ഗൌതമാപത്പരിഹാരോ ഗൌതമാധിവിനാശനഃ ॥ ൮൨ ॥
ഗോപതിര്ഗോധനോ ഗോപോ ഗോപാലപ്രിയദര്ശനഃ ।
ഗോപാലോ ഗോഗണാധീശോ ഗോകശ്മലനിവര്തകഃ ॥ ൮൩ ॥
ഗോസഹസ്രോ ഗോപവരോ ഗോപഗോപീസുഖാവഹഃ ।
ഗോവര്ധനോ ഗോപഗോപോ ഗോമാന്ഗോകുലവര്ധനഃ ॥ ൮൪ ॥
ഗോചരോ ഗോചരാധ്യക്ഷോ ഗോചരപ്രീതിവൃദ്ധികൃത് ।
ഗോമീ ഗോകഷ്ടസന്ത്രാതാ ഗോസന്താപനിവര്തകഃ ॥ ൮൫ ॥
ഗോഷ്ഠോ ഗോഷ്ഠാശ്രയോ ഗോഷ്ഠപതിര്ഗോധനവര്ധനഃ ।
ഗോഷ്ഠപ്രിയോ ഗോഷ്ഠമയോ ഗോഷ്ഠാമയനിവര്തകഃ ॥ ൮൬ ॥
ഗോലോകോ ഗോലകോ ഗോഭൃദ്ഗോഭര്താ ഗോസുഖാവഹഃ ।
ഗോധുഗ്ഗോധുഗ്ഗണപ്രേഷ്ഠോ ഗോദോഗ്ധാ ഗോപയപ്രിയഃ ॥ ൮൭ ॥
ഗോത്രോ ഗോത്രപതിര്ഗോത്രപ്രഭുര്ഗോത്രഭയാപഹഃ ।
ഗോത്രവൃദ്ധികരോ ഗോത്രപ്രിയോ ഗോത്രാര്തിനാശനഃ ॥ ൮൮ ॥
ഗോത്രോദ്ധാരപരോ ഗോത്രപ്രവരോ ഗോത്രദൈവതമ് ।
ഗോത്രവിഖ്യാതനാമാ ച ഗോത്രീ ഗോത്രപ്രപാലകഃ ॥ ൮൯ ॥
ഗോത്രസേതുര്ഗോത്രകേതുര്ഗോത്രഹേതുര്ഗതക്ലമഃ ।
ഗോത്രത്രാണകരോ ഗോത്രപതിര്ഗോത്രേശപൂജിതഃ ॥ ൯൦ ॥
ഗോത്രവിദ്ഗോത്രഭിത്ത്രാതാ ഗോത്രഭിദ്വരദായകഃ ।
ഗോത്രഭിത്പൂജിതപദോ ഗോത്രഭിച്ഛത്രുസൂദനഃ ॥ ൯൧ ॥
ഗോത്രഭിത്പ്രീതിദോ നിത്യം ഗോത്രഭിദ്ഗോത്രപാലകഃ ।
ഗോത്രഭിദ്ഗീതചരിതോ ഗോത്രഭിദ്രാജ്യരക്ഷകഃ ॥ ൯൨ ॥
ഗോത്രഭിദ്വരദായീ ച ഗോത്രഭിത്പ്രണയാസ്പദമ് ।
ഗോത്രഭിദ്ഭയസമ്ഭേത്താ ഗോത്രഭിന്മാനദായകഃ ॥ ൯൩ ॥
ഗോത്രഭിദ്ഗോപനപരോ ഗോത്രഭിത്സൈന്യനായകഃ ।
ഗോത്രാധിപപ്രിയോ ഗോത്രപുത്രീപുത്രോ ഗിരിപ്രിയഃ ॥ ൯൪ ॥
ഗ്രന്ഥജ്ഞോ ഗ്രന്ഥകൃദ്ഗ്രന്ഥഗ്രന്ഥഭിദ്ഗ്രന്ഥവിഘ്നഹാ ।
ഗ്രന്ഥാദിര്ഗ്രന്ഥസഞ്ചാരോ ഗ്രന്ഥശ്രവണലോലുപഃ ॥ ൯൫ ॥
ഗ്രന്ഥാധീനക്രിയോ ഗ്രന്ഥപ്രിയോ ഗ്രന്ഥാര്ഥതത്ത്വവിത് ।
ഗ്രന്ഥസംശയസഞ്ഛേത്താ ഗ്രന്ഥവക്താ ഗ്രഹാഗ്രണീഃ ॥ ൯൬ ॥
ഗ്രന്ഥഗീതഗുണോ ഗ്രന്ഥഗീതോ ഗ്രന്ഥാദിപൂജിതഃ ।
ഗ്രന്ഥാരമ്ഭസ്തുതോ ഗ്രന്ഥഗ്രാഹീ ഗ്രന്ഥാര്ഥപാരദൃക് ॥ ൯൭ ॥
ഗ്രന്ഥദൃഗ്ഗ്രന്ഥവിജ്ഞാനോ ഗ്രന്ഥസന്ദര്ഭശോധകഃ ।
ഗ്രന്ഥകൃത്പൂജിതോ ഗ്രന്ഥകരോ ഗ്രന്ഥപരായണഃ ॥ ൯൮ ॥
ഗ്രന്ഥപാരായണപരോ ഗ്രന്ഥസന്ദേഹഭഞ്ജകഃ ।
ഗ്രന്ഥകൃദ്വരദാതാ ച ഗ്രന്ഥകൃദ്ഗ്രന്ഥവന്ദിതഃ ॥ ൯൯ ॥
ഗ്രന്ഥാനുരക്തോ ഗ്രന്ഥജ്ഞോ ഗ്രന്ഥാനുഗ്രഹദായകഃ ।
ഗ്രന്ഥാന്തരാത്മാ ഗ്രന്ഥാര്ഥപണ്ഡിതോ ഗ്രന്ഥസൌഹൃദഃ ॥ ൧൦൦ ॥
ഗ്രന്ഥപാരങ്ഗമോ ഗ്രന്ഥഗുണവിദ്ഗ്രന്ഥവിഗ്രഹഃ ।
ഗ്രന്ഥസേതുര്ഗ്രന്ഥഹേതുര്ഗ്രന്ഥകേതുര്ഗ്രഹാഗ്രഗഃ ॥ ൧൦൧ ॥
ഗ്രന്ഥപൂജ്യോ ഗ്രന്ഥഗേയോ ഗ്രന്ഥഗ്രഥനലാലസഃ ।
ഗ്രന്ഥഭൂമിര്ഗ്രഹശ്രേഷ്ഠോ ഗ്രഹകേതുര്ഗ്രഹാശ്രയഃ ॥ ൧൦൨ ॥
ഗ്രന്ഥകാരോ ഗ്രന്ഥകാരമാന്യോ ഗ്രന്ഥപ്രസാരകഃ ।
ഗ്രന്ഥശ്രമജ്ഞോ ഗ്രന്ഥാങ്ഗോ ഗ്രന്ഥഭ്രമനിവാരകഃ ॥ ൧൦൩ ॥
ഗ്രന്ഥപ്രവണസര്വാങ്ഗോ ഗ്രന്ഥപ്രണയതത്പരഃ ।
ഗീതോ ഗീതഗുണോ ഗീതകീര്തിര്ഗീതവിശാരദഃ ॥ ൧൦൪ ॥
ഗീതസ്ഫീതയശാ ഗീതപ്രണയീ ഗീതചഞ്ചുരഃ ।
ഗീതപ്രസന്നോ ഗീതാത്മാ ഗീതലോലോ ഗതസ്പൃഹഃ ॥ ൧൦൫ ॥
ഗീതാശ്രയോ ഗീതമയോ ഗീതാതത്ത്വാര്ഥകോവിദഃ ।
ഗീതാസംശയസഞ്ഛേത്താ ഗീതാസങ്ഗീതശാശനഃ ॥ ൧൦൬ ॥
ഗീതാര്ഥജ്ഞോ ഗീതതത്ത്വോ ഗീതാതത്ത്വം ഗീതാശ്രയഃ ।
ഗീതാസാരോ ഗീതാകൃതിര്ഗീതാവിഘ്നനാശനഃ ॥ ൧൦൭ ॥
ഗീതാസക്തോ ഗീതലീനോ ഗീതാവിഗതസഞ്ജ്വരഃ ।
ഗീതൈകധൃഗ്ഗീതഭൂതിര്ഗീതപ്രീതിര്ഗതാലസഃ ॥ ൧൦൮ ॥
ഗീതവാദ്യപടുര്ഗീതപ്രഭുര്ഗീതാര്ഥതത്ത്വവിത് ।
ഗീതാഗീതവിവേകജ്ഞോ ഗീതാപ്രവണചേതനഃ ॥ ൧൦൯ ॥
ഗതഭീര്ഗതവിദ്വേഷോ ഗതസംസാരബന്ധനഃ ।
ഗതമായോ ഗതത്രാസോ ഗതദുഃഖോ ഗതജ്വരഃ ॥ ൧൧൦ ॥
ഗതാസുഹൃദ്ഗതാജ്ഞാനോ ഗതദുഷ്ടാശയോ ഗതഃ ।
ഗതാര്തിര്ഗതസങ്കല്പോ ഗതദുഷ്ടവിചേഷ്ടിതഃ ॥ ൧൧൧ ॥
ഗതാഹങ്കാരസഞ്ചാരോ ഗതദര്പോ ഗതാഹിതഃ ।
ഗതവിഘ്നോ ഗതഭയോ ഗതാഗതനിവാരകഃ ॥ ൧൧൨ ॥
ഗതവ്യഥോ ഗതാപായോ ഗതദോഷോ ഗതേഃ പരഃ ।
ഗതസര്വവികാരോഽഥ ഗതഗര്ജിതകുഞ്ജരഃ ॥ ൧൧൩ ॥
ഗതകമ്പിതഭൂപൃഷ്ഠോ ഗതരുഗ്ഗതകല്മഷഃ ।
ഗതദൈന്യോ ഗതസ്തൈന്യോ ഗതമാനോ ഗതശ്രമഃ ॥ ൧൧൪ ॥
ഗതക്രോധോ ഗതഗ്ലാനിര്ഗതമ്ലാനോ ഗതഭ്രമഃ ।
ഗതാഭാവോ ഗതഭവോ ഗതതത്ത്വാര്ഥസംശയഃ ॥ ൧൧൯ ॥
ഗയാസുരശിരശ്ഛേത്താ ഗയാസുരവരപ്രദഃ ।
ഗയാവാസോ ഗയാനാഥോ ഗയാവാസിനമസ്കൃതഃ ॥ ൧൨൦ ॥
ഗയാതീര്ഥഫലാധ്യക്ഷോ ഗയായാത്രാഫലപ്രദഃ ।
ഗയാമയോ ഗയാക്ഷേത്രം ഗയാക്ഷേത്രനിവാസകൃത് ॥ ൧൨൧ ॥
ഗയാവാസിസ്തുതോ ഗായന്മധുവ്രതലസത്കടഃ ।
ഗായകോ ഗായകവരോ ഗായകേഷ്ടഫലപ്രദഃ ॥ ൧൨൨ ॥
ഗായകപ്രണയീ ഗാതാ ഗായകാഭയദായകഃ ।
ഗായകപ്രവണസ്വാന്തോ ഗായകപ്രഥമസ്സദാ ॥ ൧൨൩ ॥
ഗായകോദ്ഗീതസമ്പ്രീതോ ഗായകോത്കടവിഘ്നഹാ ।
ഗാനഗേയോ ഗായകേശോ ഗായകാന്തരസഞ്ചരഃ ॥ ൧൨൪ ॥
ഗായകപ്രിയദഃ ശശ്വദ്ഗായകാധീനവിഗ്രഹഃ ।
ഗേയോ ഗേയഗുണോ ഗേയചരിതോ ഗേയതത്ത്വവിത് ॥ ൧൨൫ ॥
ഗായകത്രാസഹാ ഗ്രന്ഥോ ഗ്രന്ഥതത്ത്വവിവേചകഃ ।
ഗാഢാനുരാഗോ ഗാഢാങ്ഗോ ഗാഢഗങ്ഗാജലോദ്വഹഃ ॥ ൧൨൬ ॥
ഗാഢാവഗാഢജലധിര്ഗാഢപ്രജ്ഞോ ഗതാമയഃ ।
ഗാഢപ്രത്യര്ഥിസൈന്യോഽഥ ഗാഢാനുഗ്രഹതത്പരഃ ॥ ൧൨൭ ॥
ഗാഢാശ്ലേഷരസാഭിജ്ഞോ ഗാഢനിവൃതിസാധകഃ ।
ഗങ്ഗാധരേഷ്ടവരദോ ഗങ്ഗാധരഭയാപഹഃ ॥ ൧൨൮ ॥
ഗങ്ഗാധരഗുരുര്ഗങ്ഗാധരധ്യാനപരസ്സദാ ।
ഗങ്ഗാധരസ്തുതോ ഗങ്ഗാധരാരാധ്യോ ഗതസ്മയഃ ॥ ൧൨൯ ॥
ഗങ്ഗാധരപ്രിയോ ഗങ്ഗാധരോ ഗങ്ഗാമ്ബുസുന്ദരഃ ।
ഗങ്ഗാജലരസാസ്വാദചതുരോ ഗാങ്ഗനീരപഃ ॥ ൧൩൦ ॥
ഗങ്ഗാജലപ്രണയവാന്ഗങ്ഗാതീരവിഹാരകൃത് ।
ഗങ്ഗാപ്രിയോ ഗാങ്ഗജലാവഗാഹനപരസ്സദാ ॥ ൧൩൧ ॥
ഗന്ധമാദനസംവാസോ ഗന്ധമാദനകേലികൃത് ।
ഗന്ധാനുലിപ്തസര്വാങ്ഗോ ഗന്ധലുബ്ധമധുവ്രതഃ ॥ ൧൩൨ ॥
ഗന്ധോ ഗന്ധര്വരാജശ്ച ഗന്ധര്വപ്രിയകൃത്സദാ ।
ഗന്ധര്വവിദ്യാതത്ത്വജ്ഞോ ഗന്ധര്വപ്രീതിവര്ധനഃ ॥ ൧൩൩ ॥
ഗകാരബീജനിലയോ ഗകാരോ ഗര്വിഗര്വനുത് ।
ഗന്ധര്വഗണസംസേവ്യോ ഗന്ധര്വവരദായകഃ ॥ ൧൩൪ ॥
ഗന്ധര്വോ ഗന്ധമാതങ്ഗോ ഗന്ധര്വകുലദൈവതമ് ।
ഗന്ധര്വഗര്വസഞ്ഛേത്താ ഗന്ധര്വവരദര്പഹാ ॥ ൧൩൫ ॥
ഗന്ധര്വപ്രവണസ്വാന്തോ ഗന്ധര്വഗണസംസ്തുതഃ ।
ഗന്ധര്വാര്ചിതപാദാബ്ജോ ഗന്ധര്വഭയഹാരകഃ ॥ ൧൩൬ ॥
ഗന്ധര്വാഭയദഃ ശശ്വദ്ഗന്ധര്വപ്രതിപാലകഃ ।
ഗന്ധര്വഗീതചരിതോ ഗന്ധര്വപ്രണയോത്സുകഃ ॥ ൧൩൭ ॥
ഗന്ധര്വഗാനശ്രവണപ്രണയീ ഗര്വഭഞ്ജനഃ ।
ഗന്ധര്വത്രാണസന്നദ്ധോ ഗന്ധര്വസമരക്ഷമഃ ॥ ൧൩൮ ॥
ഗന്ധര്വസ്ത്രീഭിരാരാധ്യോ ഗാനം ഗാനപടുസ്സദാ ।
ഗച്ഛോ ഗച്ഛപതിര്ഗച്ഛനായകോ ഗച്ഛഗര്വഹാ ॥ ൧൩൯ ॥
ഗച്ഛരാജശ്ച ഗച്ഛേശോ ഗച്ഛരാജനമസ്കൃതഃ ।
ഗച്ഛപ്രിയോ ഗച്ഛഗുരുര്ഗച്ഛത്രാണകൃതോദ്യമഃ ॥ ൧൪൦ ॥
ഗച്ഛപ്രഭുര്ഗച്ഛചരോ ഗച്ഛപ്രിയകൃതോദ്യമഃ ।
ഗച്ഛഗീതഗുണോ ഗച്ഛമര്യാദാപ്രതിപാലകഃ ॥ ൧൪൧ ॥
ഗച്ഛധാതാ ഗച്ഛഭര്താ ഗച്ഛവന്ദ്യോ ഗുരോര്ഗുരുഃ ।
ഗൃത്സോ ഗൃത്സമദോ ഗൃത്സമദാഭീഷ്ടവരപ്രദഃ ॥ ൧൪൨ ॥
ഗീര്വാണഗീതചരിതോ ഗീര്വാണഗണസേവിതഃ ।
ഗീര്വാണവരദാതാ ച ഗീര്വാണഭയനാശകൃത് ॥ ൧൪൩ ॥
ഗീര്വാണഗണസമ്പത്തിര്ഗീര്വാണവ്യസനാപഹഃ ।
ഗീര്വാണപ്രണയോ ഗീതഗ്രഹണോത്സുകമാനസഃ ॥ ൧൪൪ ॥
ഗീര്വാണഗണസമ്പത്തിര്ഗീര്വാണവ്യസനാപഹഃ ।
ഗീര്വാണപ്രണയോ ഗീതഗ്രഹണോത്സുകമാനസഃ ॥ ൧൪൫ ॥
ഗീര്വാണശ്രമസംഹര്താ ഗീര്വാണഗണപാലകഃ ।
ഗ്രഹോ ഗ്രഹപതിര്ഗ്രാഹോ ഗ്രഹപീഡാപ്രണാശനഃ ॥ ൧൪൬ ॥
ഗ്രഹസ്തുതോ ഗ്രഹാധ്യക്ഷോ ഗ്രഹേശോ ഗ്രഹദൈവതമ് ।
ഗ്രഹകൃദ്ഗ്രഹഭര്താ ച ഗ്രഹേശാനോ ഗ്രഹേശ്വരഃ ॥ ൧൪൭ ॥
ഗ്രഹാരാധ്യോ ഗ്രഹത്രാതാ ഗ്രഹഗോപ്താ ഗ്രഹോത്കടഃ ।
ഗ്രഹഗീതഗുണോ ഗ്രന്ഥപ്രണീതാ ഗ്രഹവന്ദിതഃ ॥ ൧൪൮ ॥
ഗര്വീ ഗര്വീശ്വരോ ഗര്വോ ഗര്വിഷ്ഠോ ഗര്വിഗര്വഹാ ।
ഗവാംപ്രിയോ ഗവാംനാഥോ ഗവേശാനോ ഗവാംപതിഃ ॥ ൧൪൯ ॥
ഗവ്യപ്രിയോ ഗവാങ്ഗോപ്താ ഗവീസമ്പത്തിസാധകഃ ।
ഗവീരക്ഷണസന്നദ്ധോ ഗവീഭയഹരഃ ക്ഷണാത് ॥ ൧൫൦ ॥
ഗവീഗര്വഹരോ ഗോദോ ഗോപ്രദോ ഗോജയപ്രദഃ ।
ഗജായുതബലോ ഗണ്ഡഗുഞ്ജന്മത്തമധുവ്രതഃ ॥ ൧൫൧ ॥
ഗണ്ഡസ്ഥലഗലദ്ദാനമിലന്മത്താലിമണ്ഡിതഃ ।
ഗുഡോ ഗുഡപ്രിയോ ഗുണ്ഡഗലദ്ദാനോ ഗുഡാശനഃ ॥ ൧൫൨ ॥
ഗുഡാകേശോ ഗുഡാകേശസഹായോ ഗുഡലഡ്ഡുഭുക് ।
ഗുഡഭുഗ്ഗുഡഭുഗ്ഗുണ്യോ ഗുഡാകേശവരപ്രദഃ ॥ ൧൫൩ ॥
ഗുഡാകേശാര്ചിതപദോ ഗുഡാകേശസഖസ്സദാ ।
ഗദാധരാര്ചിതപദോ ഗദാധരവരപ്രദഃ ॥ ൧൫൪ ॥
ഗദായുധോ ഗദാപാണിര്ഗദായുദ്ധവിശാരദഃ ।
ഗദഹാ ഗദദര്പഘ്നോ ഗദഗര്വപ്രണാശനഃ ॥ ൧൫൫ ॥
ഗദഗ്രസ്തപരിത്രാതാ ഗദാഡമ്ബരഖണ്ഡകഃ ।
ഗുഹോ ഗുഹാഗ്രജോ ഗുപ്തോ ഗുഹാശായീ ഗുഹാശയഃ ॥ ൧൫൬ ॥
ഗുഹാപ്രീതികരോ ഗൂഢോ ഗൂഢഗുല്ഫോ ഗുണൈകദൃക് ।
ഗീര്ഗീഃപതിര്ഗിരീശാനോ ഗീര്ദേവീഗീതസദ്ഗുണഃ ॥ ൧൫൭ ॥
ഗീര്ദേവോ ഗീഃപ്രിയോ ഗീര്ഭൂര്ഗീരാത്മാ ഗീഃപ്രിയങ്കരഃ ।
ഗീര്ഭൂമിര്ഗീരസജ്ഞോഽഥ ഗീഃപ്രസന്നോ ഗിരീശ്വരഃ ॥ ൧൫൮ ॥
ഗിരീശജോ ഗിരൌശായീ ഗിരിരാജസുഖാവഹഃ ।
ഗിരിരാജാര്ചിതപദോ ഗിരിരാജനമസ്കൃതഃ ॥ ൧൫൯ ॥
ഗിരിരാജഗുഹാവിഷ്ടോ ഗിരിരാജാഭയപ്രദഃ ।
ഗിരിരാജേഷ്ടവരദോ ഗിരിരാജപ്രപാലകഃ ॥ ൧൬൦ ॥
ഗിരിരാജസുതാസൂനുര്ഗിരിരാജജയപ്രദഃ ।
ഗിരിവ്രജവനസ്ഥായീ ഗിരിവ്രജചരസ്സദാ ॥ ൧൬൧ ॥
ഗര്ഗോ ഗര്ഗപ്രിയോ ഗര്ഗദേവോ ഗര്ഗനമസ്കൃതഃ ।
ഗര്ഗഭീതിഹരോ ഗര്ഗവരദോ ഗര്ഗസംസ്തുതഃ ॥ ൧൬൨ ॥
ഗര്ഗഗീതപ്രസന്നാത്മാ ഗര്ഗാനന്ദകരസ്സദാ ।
ഗര്ഗപ്രിയോ ഗര്ഗമാനപ്രദോ ഗര്ഗാരിഭഞ്ജകഃ ॥ ൧൬൩ ॥
ഗര്ഗവര്ഗപരിത്രാതാ ഗര്ഗസിദ്ധിപ്രദായകഃ ।
ഗര്ഗഗ്ലാനിഹരോ ഗര്ഗശ്രമഹൃദ്ഗര്ഗസങ്ഗതഃ ॥ ൧൬൪ ॥
ഗര്ഗാചാര്യോ ഗര്ഗമുനിര്ഗര്ഗസന്മാനഭാജനഃ ।
ഗമ്ഭീരോ ഗണിതപ്രജ്ഞോ ഗണിതാഗമസാരവിത് ॥ ൧൬൫ ॥
ഗണകോ ഗണകശ്ലാഘ്യോ ഗണകപ്രണയോത്സുകഃ ।
ഗണകപ്രവണസ്വാന്തോ ഗണിതോ ഗണിതാഗമഃ ॥ ൧൬൬ ॥
ഗദ്യം ഗദ്യമയോ ഗദ്യപദ്യവിദ്യാവിശാരദഃ ।
ഗലലജ്ഞമഹാനാഗോ ഗലദര്ചിര്ഗലന്മദഃ ॥ ൧൬൭ ॥
ഗലത്കുഷ്ഠവ്യഥാഹന്താ ഗലതുഷ്ടിസുഖപ്രദഃ ।
ഗമ്ഭീരനാഭിര്ഗമ്ഭീരസ്വരോ ഗമ്ഭീരലോചനഃ ॥ ൧൬൮ ॥
ഗമ്ഭീരഗുണസമ്പന്നോ ഗമ്ഭീരഗതിശോഭനഃ ।
ഗര്ഭപ്രദോ ഗര്ഭരൂപോ ഗര്ഭാപദ്വിനിവാരകഃ ॥ ൧൬൯ ॥
ഗര്ഭാഗമനസമ്ഭാഷോ ഗര്ഭദോ ഗര്ഭശോകനുത് ।
ഗര്ഭത്രാതാ ഗര്ഭഗോപ്താ ഗര്ഭപുഷ്ടികരസ്സദാ ॥ ൧൭൦ ॥
ഗര്ഭാശ്രയോ ഗര്ഭമയോ ഗര്ഭാഭയനിവാരകഃ ।
ഗര്ഭാധാരോ ഗര്ഭധരോ ഗര്ഭസന്തോഷസാധകഃ ॥ ൧൭൧ ॥
ഗര്ഭഗൌരവസന്ധാനസാധനം ഗര്ഭഗര്വഹൃത് ।
ഗരീയാന് ഗര്വനുദ്ഗര്വമര്ദീ ഗരദമര്ദകഃ ॥ ൧൭൨ ॥
ഗരസന്താപശമനോ ഗുരുരാജ്യസുഖപ്രദഃ ।
ഫലശ്രുതിഃ ।
നാമ്നാം സഹസ്രമുദിതം മഹദ്ഗണപതേരിദമ് ॥ ൧൭൪ ॥
ഗകാരാദി ജഗദ്വന്ദ്യം ഗോപനീയം പ്രയത്നതഃ ।
യ ഇദം പ്രയതഃ പ്രാതസ്ത്രിസന്ധ്യം വാ പഠേന്നരഃ ॥ ൧൭൩ ॥
വാഞ്ഛിതം സമവാപ്നോതി നാത്ര കാര്യാ വിചാരണാ ।
പുത്രാര്ഥീ ലഭതേ പുത്രാന് ധനാര്ഥീ ലഭതേ ധനമ് ॥ ൧൭൪ ॥
വിദ്യാര്ഥീ ലഭതേ വിദ്യാം സത്യം സത്യം ന സംശയഃ ।
ഭൂര്ജത്വചി സമാലിഖ്യ കുങ്കുമേന സമാഹിതഃ ॥ ൧൭൫ ॥
ചതുര്ഥാം ഭൌമവാരോ ച ചന്ദ്രസൂര്യോപരാഗകേ ।
പൂജയിത്വാ ഗണധീശം യഥോക്തവിധിനാ പുരാ ॥ ൧൭൬ ॥
പൂജയേദ്യോ യഥാശക്ത്യാ ജുഹുയാച്ച ശമീദലൈഃ ।
ഗുരും സമ്പൂജ്യ വസ്ത്രാദ്യൈഃ കൃത്വാ ചാപി പ്രദക്ഷിണമ് ॥ ൧൭൭ ॥
ധാരയേദ്യഃ പ്രയത്നേന സ സാക്ഷാദ്ഗണനായകഃ ।
സുരാശ്ചാസുരവര്യാശ്ച പിശാചാഃ കിന്നരോരഗഃ ॥ ൧൭൮ ॥
പ്രണമന്തി സദാ തം വൈ ദുഷ്ട്വാം വിസ്മിതമാനസാഃ ।
രാജാ സപദി വശ്യഃ സ്യാത് കാമിന്യസ്തദ്വശോ സ്ഥിരാഃ ॥ ൧൭൯ ॥
തസ്യ വംശോ സ്ഥിരാ ലക്ഷ്മീഃ കദാപി ന വിമുഞ്ചതി ।
നിഷ്കാമോ യഃ പഠേദേതദ്ഗണേശ്വരപരായണഃ ॥ ൧൮൦ ॥
സ പ്രതിഷ്ഠാം പരാം പ്രാപ്യ നിജലോകമവാപ്നുയാത് ।
ഇദം തേ കീര്തിതം നാമ്നാം സഹസ്രം ദേവി പാവനമ് ॥ ൧൮൧ ॥
ന ദേയം കൃപണയാഥ ശഠായ ഗുരുവിദ്വിഷേ ।
ദത്ത്വാ ച ഭ്രംശമാപ്നോതി ദേവതായാഃ പ്രകോപതഃ ॥ ൧൮൨ ॥
ഇതി ശ്രുത്വാ മഹാദേവീ തദാ വിസ്മിതമാനസാ ।
പൂജയാമാസ വിധിവദ്ഗണേശ്വരപദദ്വയമ് ॥ ൧൮൩ ॥
ഇതി ശ്രീരുദ്രയാമലേ മഹാഗുപ്തസാരേ ശിവപാര്വതീസംവാദേ ഗകാരാദി ശ്രീഗണപതിസഹസ്രനാമസ്തോത്രമ് സമ്പൂര്ണമ് ।

More Ganesha Stotras

गुह्यकाल्याः सहस्रनामस्तोत्रम्
Guhyakali Sahasranama Stotram
श्री हनुमत् सहस्रनाम स्तोत्रम्
Sri Hanuman Sahasranama Stotram
हनुमत्सहस्रनामस्तोत्रम् (सुदर्शनसंहिता)
Hanumatsahasranamastotram Sudarsanasamhita
श्री महागणपति सहस्रनामावली
Sri Mahaganapati Sahasranamavali
श्रीशिवसहस्रनामस्तोत्रम्
Shiva Sahasranama Stotram
श्रीदुर्गासप्तशतीसहस्रनामस्तोत्रम्
Shri Durga Saptashati Sahasranama Stotram
हनुमत्सहस्रनामस्तोत्रम् (रुद्रयामलतः)
Hanumatsahasranamastotram Rudrayamala
श्रीकामकलाकालीसहस्रनामावलिः
Shri Kamakala Kali Sahasranamavali
View All Sahasranama Collection →

Explore More

Sahasranama CollectionWealthObstaclesHealthProtectionWisdomHome