॥ গীতগোৱিন্দম্ ॥
॥ অষ্টপদী ॥
॥ শ্ৰী গোপালক ধ্যানম্ ॥
যদ্গোপীৱদনেন্দুমণ্ডনমভূত্কস্তূৰিকাপত্ৰকং যল্লক্ষ্মীকুচশাতকুম্ভ কলশে ৱ্যাগোচমিন্দীৱৰম্ ।
যন্নিৰ্ৱাণৱিধানসাধনৱিধৌ সিদ্ধাঞ্জনং যোগিনাং তন্নশ্যামলমাৱিৰস্তু হৃদযে কৃষ্ণাভিধানং মহঃ ॥ 1 ॥
॥ শ্ৰী গোপালক ধ্যানম্ ॥
যদ্গোপীৱদনেন্দুমণ্ডনমভূত্কস্তূৰিকাপত্ৰকং যল্লক্ষ্মীকুচশাতকুম্ভ কলশে ৱ্যাগোচমিন্দীৱৰম্ ।
যন্নিৰ্ৱাণৱিধানসাধনৱিধৌ সিদ্ধাঞ্জনং যোগিনাং তন্নশ্যামলমাৱিৰস্তু হৃদযে কৃষ্ণাভিধানং মহঃ ॥ 1 ॥
॥ শ্ৰী জযদেৱ ধ্যানম্ ॥
ৰাধামনোৰমৰমাৱৰৰাসলীল-গানামৃতৈকভণিতং কৱিৰাজৰাজম্ ।
শ্ৰীমাধৱাৰ্চ্চনৱিধৱনুৰাগসদ্ম-পদ্মাৱতীপ্ৰিযতমং প্ৰণতোস্মি নিত্যম্ ॥ 2 ॥
ৰাধামনোৰমৰমাৱৰৰাসলীল-গানামৃতৈকভণিতং কৱিৰাজৰাজম্ ।
শ্ৰীমাধৱাৰ্চ্চনৱিধৱনুৰাগসদ্ম-পদ্মাৱতীপ্ৰিযতমং প্ৰণতোস্মি নিত্যম্ ॥ 2 ॥
শ্ৰীগোপলৱিলাসিনী ৱলযসদ্ৰত্নাদিমুগ্ধাকৃতি শ্ৰীৰাধাপতিপাদপদ্মভজনানন্দাব্ধিমগ্নোঽনিশম্ ॥
লোকে সত্কৱিৰাজৰাজ ইতি যঃ খ্যাতো দযাম্ভোনিধিঃ তং ৱন্দে জযদেৱসদ্গুৰুমহং পদ্মাৱতীৱল্লভম্ ॥ 3 ॥
লোকে সত্কৱিৰাজৰাজ ইতি যঃ খ্যাতো দযাম্ভোনিধিঃ তং ৱন্দে জযদেৱসদ্গুৰুমহং পদ্মাৱতীৱল্লভম্ ॥ 3 ॥
॥ প্ৰথমঃ সৰ্গঃ ॥
॥ সামোদদামোদৰঃ ॥
মেঘৈৰ্মেদুৰমম্বৰং ৱনভুৱঃ শ্যামাস্তমালদ্ৰুমৈ-ৰ্নক্তং ভীৰুৰযং ত্ৱমেৱ তদিমং ৰাধে গৃহং প্ৰাপয ।
ইত্থং নন্দনিদেশিতশ্চলিতযোঃ প্ৰত্যধ্ৱকুঞ্জদ্ৰুমং ৰাধামাধৱযোৰ্জযন্তি যমুনাকূলে ৰহঃকেলযঃ ॥ 1 ॥
॥ সামোদদামোদৰঃ ॥
মেঘৈৰ্মেদুৰমম্বৰং ৱনভুৱঃ শ্যামাস্তমালদ্ৰুমৈ-ৰ্নক্তং ভীৰুৰযং ত্ৱমেৱ তদিমং ৰাধে গৃহং প্ৰাপয ।
ইত্থং নন্দনিদেশিতশ্চলিতযোঃ প্ৰত্যধ্ৱকুঞ্জদ্ৰুমং ৰাধামাধৱযোৰ্জযন্তি যমুনাকূলে ৰহঃকেলযঃ ॥ 1 ॥
ৱাগ্দেৱতাচৰিতচিত্ৰিতচিত্তসদ্মা পদ্মাৱতীচৰণচাৰণচক্ৰৱৰ্তী ।
শ্ৰীৱাসুদেৱৰতিকেলিকথাসমেতং এতং কৰোতি জযদেৱকৱিঃ প্ৰবন্ধম্ ॥ 2 ॥
শ্ৰীৱাসুদেৱৰতিকেলিকথাসমেতং এতং কৰোতি জযদেৱকৱিঃ প্ৰবন্ধম্ ॥ 2 ॥
যদি হৰিস্মৰণে সৰসং মনো যদি ৱিলাসকলাসু কুতূহলম্ ।
মধুৰকোমলকান্তপদাৱলীং শৃণু তদা জযদেৱসৰস্ৱতীম্ ॥ 3 ॥
মধুৰকোমলকান্তপদাৱলীং শৃণু তদা জযদেৱসৰস্ৱতীম্ ॥ 3 ॥
ৱাচঃ পল্লৱযত্যুমাপতিধৰঃ সন্দৰ্ভশুদ্ধিং গিৰাং জানীতে জযদেৱ এৱ শৰণঃ শ্লাঘ্যো দুৰূহদ্ৰুতে ।
শৃঙ্গাৰোত্তৰসত্প্ৰমেযৰচনৈৰাচাৰ্যগোৱৰ্ধন-স্পৰ্ধী কোঽপি ন ৱিশ্ৰুতঃ শ্ৰুতিধৰো ধোযী কৱিক্ষ্মাপতিঃ ॥ 4 ॥
শৃঙ্গাৰোত্তৰসত্প্ৰমেযৰচনৈৰাচাৰ্যগোৱৰ্ধন-স্পৰ্ধী কোঽপি ন ৱিশ্ৰুতঃ শ্ৰুতিধৰো ধোযী কৱিক্ষ্মাপতিঃ ॥ 4 ॥
॥ গীতং 1 ॥
প্ৰলযপযোধিজলে ধৃতৱানসি ৱেদম্ ।
ৱিহিতৱহিত্ৰচৰিত্ৰমখেদম্ ॥
কেশৱ ধৃতমীনশৰীৰ জয জগদীশ হৰে ॥ 1 ॥
ৱিহিতৱহিত্ৰচৰিত্ৰমখেদম্ ॥
কেশৱ ধৃতমীনশৰীৰ জয জগদীশ হৰে ॥ 1 ॥
ক্ষিতিৰতিৱিপুলতৰে তৱ তিষ্ঠতি পৃষ্ঠে ।
ধৰণিধৰণকিণচক্ৰগৰিষ্ঠে ॥
কেশৱ ধৃতকচ্ছপৰূপ জয জগদীশ হৰে ॥ 2 ॥
ধৰণিধৰণকিণচক্ৰগৰিষ্ঠে ॥
কেশৱ ধৃতকচ্ছপৰূপ জয জগদীশ হৰে ॥ 2 ॥
ৱসতি দশনশিখৰে ধৰণী তৱ লগ্না ।
শশিনি কলঙ্ককলেৱ নিমগ্না ॥
কেশৱ ধৃতসূকৰৰূপ জয জগদীশ হৰে ॥ 3 ॥
শশিনি কলঙ্ককলেৱ নিমগ্না ॥
কেশৱ ধৃতসূকৰৰূপ জয জগদীশ হৰে ॥ 3 ॥
তৱ কৰকমলৱৰে নখমদ্ভুতশৃঙ্গম্ ।
দলিতহিৰণ্যকশিপুতনুভৃঙ্গম্ ॥
কেশৱ ধৃতনৰহৰিৰূপ জয জগদীশ হৰে ॥ 4 ॥
দলিতহিৰণ্যকশিপুতনুভৃঙ্গম্ ॥
কেশৱ ধৃতনৰহৰিৰূপ জয জগদীশ হৰে ॥ 4 ॥
ছলযসি ৱিক্ৰমণে বলিমদ্ভুতৱামন ।
পদনখনীৰজনিতজনপাৱন ॥
কেশৱ ধৃতৱামনৰূপ জয জগদীশ হৰে ॥ 5 ॥
পদনখনীৰজনিতজনপাৱন ॥
কেশৱ ধৃতৱামনৰূপ জয জগদীশ হৰে ॥ 5 ॥
ক্ষত্ৰিযৰুধিৰমযে জগদপগতপাপম্ ।
স্নপযসি পযসি শমিতভৱতাপম্ ॥
কেশৱ ধৃতভৃঘুপতিৰূপ জয জগদীশ হৰে ॥ 6 ॥
স্নপযসি পযসি শমিতভৱতাপম্ ॥
কেশৱ ধৃতভৃঘুপতিৰূপ জয জগদীশ হৰে ॥ 6 ॥
ৱিতৰসি দিক্ষু ৰণে দিক্পতিকমনীযম্ ।
দশমুখমৌলিবলিং ৰমণীযম্ ॥
কেশৱ ধৃতৰামশৰীৰ জয জগদীশ হৰে ॥ 7 ॥
দশমুখমৌলিবলিং ৰমণীযম্ ॥
কেশৱ ধৃতৰামশৰীৰ জয জগদীশ হৰে ॥ 7 ॥
ৱহসি ৱপুষি ৱিশদে ৱসনং জলদাভম্ ।
হলহতিভীতিমিলিতযমুনাভম্ ॥
কেশৱ ধৃতহলধৰৰূপ জয জগদীশ হৰে ॥ 8 ॥
হলহতিভীতিমিলিতযমুনাভম্ ॥
কেশৱ ধৃতহলধৰৰূপ জয জগদীশ হৰে ॥ 8 ॥
নিন্দসি যজ্ঞৱিধেৰহহ শ্ৰুতিজাতম্ ।
সদযহৃদযদৰ্শিতপশুঘাতম্ ॥
কেশৱ ধৃতবুদ্ধশৰীৰ জয জগদীশ হৰে ॥ 9 ॥
সদযহৃদযদৰ্শিতপশুঘাতম্ ॥
কেশৱ ধৃতবুদ্ধশৰীৰ জয জগদীশ হৰে ॥ 9 ॥
ম্লেচ্ছনিৱহনিধনে কলযসি কৰৱালম্ ।
ধূমকেতুমিৱ কিমপি কৰালম্ ॥
কেশৱ ধৃতকল্কিশৰীৰ জয জগদীশ হৰে ॥ 10 ॥
ধূমকেতুমিৱ কিমপি কৰালম্ ॥
কেশৱ ধৃতকল্কিশৰীৰ জয জগদীশ হৰে ॥ 10 ॥
শ্ৰীজযদেৱকৱেৰিদমুদিতমুদাৰম্ ।
শৃণু সুখদং শুভদং ভৱসাৰম্ ॥
কেশৱ ধৃতদশৱিধৰূপ জয জগদীশ হৰে ॥ 11 ॥
শৃণু সুখদং শুভদং ভৱসাৰম্ ॥
কেশৱ ধৃতদশৱিধৰূপ জয জগদীশ হৰে ॥ 11 ॥
ৱেদানুদ্ধৰতে জগন্নিৱহতে ভূগোলমুদ্বিভ্ৰতে দৈত্যং দাৰযতে বলিং ছলযতে ক্ষত্ৰক্ষযং কুৰ্ৱতে ।
পৌলস্ত্যং জযতে হলং কলযতে কাৰুণ্যমাতন্ৱতে ম্লেচ্ছান্মূৰ্চ্ছযতে দশাকৃতিকৃতে কৃষ্ণায তুভ্যং নমঃ ॥ 5 ॥
পৌলস্ত্যং জযতে হলং কলযতে কাৰুণ্যমাতন্ৱতে ম্লেচ্ছান্মূৰ্চ্ছযতে দশাকৃতিকৃতে কৃষ্ণায তুভ্যং নমঃ ॥ 5 ॥
॥ গীতং 2 ॥
শ্ৰিতকমলাকুচমণ্ডল! ধৃতকুণ্ডল! ।
কলিতললিতৱনমাল! জয, জয, দেৱ! হৰে! ॥ 1 ॥
কলিতললিতৱনমাল! জয, জয, দেৱ! হৰে! ॥ 1 ॥
দিনমণীমণ্ডলমণ্ডন! ভৱখণ্ডন! ।
মুনিজনমানসহংস! জয, জয, দেৱ! হৰে! ॥ 2 ॥
মুনিজনমানসহংস! জয, জয, দেৱ! হৰে! ॥ 2 ॥
কালিযৱিষধৰগঞ্জন! জনৰঞ্জন! ।
যদুকুলনলিনদিনেশ! জয, জয, দেৱ! হৰে! ॥ 3 ॥
যদুকুলনলিনদিনেশ! জয, জয, দেৱ! হৰে! ॥ 3 ॥
মধুমুৰনৰকৱিনাশন! গৰুডাসন! ।
সুৰকুলকেলিনিদান! জয, জয, দেৱ! হৰে! ॥ 4 ॥
সুৰকুলকেলিনিদান! জয, জয, দেৱ! হৰে! ॥ 4 ॥
অমলকমলদললোচন! ভৱমোচন্! ।
ত্ৰিভুৱনভৱননিধান! জয, জয, দেৱ! হৰে! ॥ 5 ॥
ত্ৰিভুৱনভৱননিধান! জয, জয, দেৱ! হৰে! ॥ 5 ॥
জনকসুতাকৃতভূষণ! জিতদূষণ! ।
সমৰশমিতদশকণ্ঠ! জয, জয, দেৱ! হৰে! ॥ 6 ॥
সমৰশমিতদশকণ্ঠ! জয, জয, দেৱ! হৰে! ॥ 6 ॥
অভিনৱজলধৰসুন্দৰ! ধৃতমন্দৰ! ।
শ্ৰীমুখচন্দ্ৰচকোৰ! জয, জয, দেৱ! হৰে! ॥ 7 ॥
শ্ৰীমুখচন্দ্ৰচকোৰ! জয, জয, দেৱ! হৰে! ॥ 7 ॥
শ্ৰীজযদেৱকৱেৰিদং কুৰুতে মুদম্ ।
মঙ্গলমুজ্জ্ৱলগীতং; জয, জয, দেৱ! হৰে! ॥ 8 ॥
মঙ্গলমুজ্জ্ৱলগীতং; জয, জয, দেৱ! হৰে! ॥ 8 ॥
পদ্মাপযোধৰতটীপৰিৰম্ভলগ্ন-কাশ্মীৰমুদ্ৰিতমুৰো মধুসূদনস্য ।
ৱ্যক্তানুৰাগমিৱ খেলদনঙ্গখেদ-স্ৱেদাম্বুপূৰমনুপূৰযতু প্ৰিযং ৱঃ ॥ 6 ॥
ৱ্যক্তানুৰাগমিৱ খেলদনঙ্গখেদ-স্ৱেদাম্বুপূৰমনুপূৰযতু প্ৰিযং ৱঃ ॥ 6 ॥
ৱসন্তে ৱাসন্তীকুসুমসুকুমাৰৈৰৱযৱৈ-ৰ্ভ্ৰমন্তীং কান্তাৰে বহুৱিহিতকৃষ্ণানুসৰণাম্ ।
অমন্দং কন্দৰ্পজ্ৱৰজনিতচিন্তাকুলতযা ৱলদ্বাধাং ৰাধাং সৰসমিদমুচে সহচৰী ॥ 7 ॥
অমন্দং কন্দৰ্পজ্ৱৰজনিতচিন্তাকুলতযা ৱলদ্বাধাং ৰাধাং সৰসমিদমুচে সহচৰী ॥ 7 ॥
॥ গীতং 3 ॥
ললিতলৱঙ্গলতাপৰিশীলনকোমলমলযসমীৰে ।
মধুকৰনিকৰকৰম্বিতকোকিলকূজিতকুঞ্জকুটীৰে ॥
ৱিহৰতি হৰিৰিহ সৰসৱসন্তে নৃত্যতি যুৱতিজনেন সমং সখি ৱিৰহিজনস্য দুৰন্তে ॥ 1 ॥
মধুকৰনিকৰকৰম্বিতকোকিলকূজিতকুঞ্জকুটীৰে ॥
ৱিহৰতি হৰিৰিহ সৰসৱসন্তে নৃত্যতি যুৱতিজনেন সমং সখি ৱিৰহিজনস্য দুৰন্তে ॥ 1 ॥
উন্মদমদনমনোৰথপথিকৱধূজনজনিতৱিলাপে ।
অলিকুলসঙ্কুলকুসুমসমূহনিৰাকুলবকুলকলাপে ॥ 2 ॥
অলিকুলসঙ্কুলকুসুমসমূহনিৰাকুলবকুলকলাপে ॥ 2 ॥
মৃগমদসৌৰভৰভসৱশংৱদনৱদলমালতমালে ।
যুৱজনহৃদযৱিদাৰণমনসিজনখৰুচিকিংশুকজালে ॥ 3 ॥
যুৱজনহৃদযৱিদাৰণমনসিজনখৰুচিকিংশুকজালে ॥ 3 ॥
মদনমহীপতিকনকদণ্ডৰুচিকেশৰকুসুমৱিকাসে ।
মিলিতশিলীমুখপাটলিপটলকৃতস্মৰতূণৱিলাসে ॥ 4 ॥
মিলিতশিলীমুখপাটলিপটলকৃতস্মৰতূণৱিলাসে ॥ 4 ॥
ৱিগলিতলজ্জিতজগদৱলোকনতৰুণকৰুণকৃতহাসে ।
ৱিৰহিনিকৃন্তনকুন্তমুখাকৃতিকেতকদন্তুৰিতাশে ॥ 5 ॥
ৱিৰহিনিকৃন্তনকুন্তমুখাকৃতিকেতকদন্তুৰিতাশে ॥ 5 ॥
মাধৱিকাপৰিমলললিতে নৱমালিকজাতিসুগন্ধৌ ।
মুনিমনসামপি মোহনকাৰিণি তৰুণাকাৰণবন্ধৌ ॥ 6 ॥
মুনিমনসামপি মোহনকাৰিণি তৰুণাকাৰণবন্ধৌ ॥ 6 ॥
স্ফুৰদতিমুক্তলতাপৰিৰম্ভণমুকুলিতপুলকিতচূতে ।
বৃন্দাৱনৱিপিনে পৰিসৰপৰিগতযমুনাজলপূতে ॥ 7 ॥
বৃন্দাৱনৱিপিনে পৰিসৰপৰিগতযমুনাজলপূতে ॥ 7 ॥
শ্ৰীজযদেৱভণিতমিদমুদযতি হৰিচৰণস্মৃতিসাৰম্ ।
সৰসৱসন্তসমযৱনৱৰ্ণনমনুগতমদনৱিকাৰম্ ॥ 8 ॥
সৰসৱসন্তসমযৱনৱৰ্ণনমনুগতমদনৱিকাৰম্ ॥ 8 ॥
দৰৱিদলিতমল্লীৱল্লিচঞ্চত্পৰাগ-প্ৰকটিতপটৱাসৈৰ্ৱাসযন্ কাননানি ।
ইহ হি দহতি চেতঃ কেতকীগন্ধবন্ধুঃ প্ৰসৰদসমবাণপ্ৰাণৱদ্গন্ধৱাহঃ ॥ 8 ॥
ইহ হি দহতি চেতঃ কেতকীগন্ধবন্ধুঃ প্ৰসৰদসমবাণপ্ৰাণৱদ্গন্ধৱাহঃ ॥ 8 ॥
উন্মীলন্মধুগন্ধলুব্ধমধুপৱ্যাধূতচূতাঙ্কুৰ-ক্ৰীডত্কোকিলকাকলীকলকলৈৰুদ্গীৰ্ণকৰ্ণজ্ৱৰাঃ ।
নীযন্তে পথিকৈঃ কথঙ্কথমপি ধ্যানাৱধানক্ষণ-প্ৰাপ্তপ্ৰাণসমাসমাগমৰসোল্লাসৈৰমী ৱাসৰাঃ ॥ 9 ॥
নীযন্তে পথিকৈঃ কথঙ্কথমপি ধ্যানাৱধানক্ষণ-প্ৰাপ্তপ্ৰাণসমাসমাগমৰসোল্লাসৈৰমী ৱাসৰাঃ ॥ 9 ॥
অনেকনাৰীপৰিৰম্ভসম্ভ্ৰম-স্ফুৰন্মনোহাৰিৱিলাসলালসম্ ।
মুৰাৰিমাৰাদুপদৰ্শযন্ত্যসৌ সখী সমক্ষং পুনৰাহ ৰাধিকাম্ ॥ 10 ॥
মুৰাৰিমাৰাদুপদৰ্শযন্ত্যসৌ সখী সমক্ষং পুনৰাহ ৰাধিকাম্ ॥ 10 ॥
॥ গীতং 4 ॥
চন্দনচৰ্চিতনীলকলেবৰপীতৱসনৱনমালী ।
কেলিচলন্মণিকুণ্ডলমণ্ডিতগণ্ডযুগস্মিতশালী ॥
হৰিৰিহমুগ্ধৱধূনিকৰে ৱিলাসিনি ৱিলসতি কেলিপৰে ॥ 1 ॥
কেলিচলন্মণিকুণ্ডলমণ্ডিতগণ্ডযুগস্মিতশালী ॥
হৰিৰিহমুগ্ধৱধূনিকৰে ৱিলাসিনি ৱিলসতি কেলিপৰে ॥ 1 ॥
পীনপযোধৰভাৰভৰেণ হৰিং পৰিৰম্য সৰাগম্ ।
গোপৱধূৰনুগাযতি কাচিদুদঞ্চিতপঞ্চমৰাগম্ ॥ 2 ॥
গোপৱধূৰনুগাযতি কাচিদুদঞ্চিতপঞ্চমৰাগম্ ॥ 2 ॥
কাপি ৱিলাসৱিলোলৱিলোচনখেলনজনিতমনোজম্ ।
ধ্যাযতি মুগ্ধৱধূৰধিকং মধুসূদনৱদনসৰোজম্ ॥ 3 ॥
ধ্যাযতি মুগ্ধৱধূৰধিকং মধুসূদনৱদনসৰোজম্ ॥ 3 ॥
কাপি কপোলতলে মিলিতা লপিতুং কিমপি শ্ৰুতিমূলে ।
চাৰু চুচুম্ব নিতম্বৱতী দযিতং পুলকৈৰনুকূলে ॥ 4 ॥
চাৰু চুচুম্ব নিতম্বৱতী দযিতং পুলকৈৰনুকূলে ॥ 4 ॥
কেলিকলাকুতুকেন চ কাচিদমুং যমুনাজলকূলে ।
মঞ্জুলৱঞ্জুলকুঞ্জগতং ৱিচকৰ্ষ কৰেণ দুকূলে ॥ 5 ॥
মঞ্জুলৱঞ্জুলকুঞ্জগতং ৱিচকৰ্ষ কৰেণ দুকূলে ॥ 5 ॥
কৰতলতালতৰলৱলযাৱলিকলিতকলস্ৱনৱংশে ।
ৰাসৰসে সহনৃত্যপৰা হৰিণা যুৱতিঃ প্ৰশশংসে ॥ 6 ॥
ৰাসৰসে সহনৃত্যপৰা হৰিণা যুৱতিঃ প্ৰশশংসে ॥ 6 ॥
শ্লিষ্যতি কামপি চুম্বতি কামপি কামপি ৰমযতি ৰামাম্ ।
পশ্যতি সস্মিতচাৰুপৰামপৰামনুগচ্ছতি ৱামাম্ ॥ 7 ॥
পশ্যতি সস্মিতচাৰুপৰামপৰামনুগচ্ছতি ৱামাম্ ॥ 7 ॥
শ্ৰীজযদেৱকৱেৰিদমদ্ভুতকেশৱকেলিৰহস্যম্ ।
ৱৃন্দাৱনৱিপিনে ললিতং ৱিতনোতু শুভানি যশস্যম্ ॥ 8 ॥
ৱৃন্দাৱনৱিপিনে ললিতং ৱিতনোতু শুভানি যশস্যম্ ॥ 8 ॥
ৱিশ্ৱেষামনুৰঞ্জনেন জনযন্নানন্দমিন্দীৱৰ-শ্ৰেণীশ্যামলকোমলৈৰুপনযন্নঙ্গৈৰনঙ্গোত্সৱম্ ।
স্ৱচ্ছন্দং ৱ্ৰজসুন্দৰীভিৰভিতঃ প্ৰত্যঙ্গমালিঙ্কিতঃ শৃঙ্গাৰঃ সখি মূৰ্তিমানিৱ মধৌ মুগ্ধো হৰিঃ ক্ৰীডতি ॥ 11
স্ৱচ্ছন্দং ৱ্ৰজসুন্দৰীভিৰভিতঃ প্ৰত্যঙ্গমালিঙ্কিতঃ শৃঙ্গাৰঃ সখি মূৰ্তিমানিৱ মধৌ মুগ্ধো হৰিঃ ক্ৰীডতি ॥ 11
॥
অদ্যোত্সঙ্গৱসদ্ভুজঙ্গকৱলক্লেশাদিৱেশাচলং প্ৰালেযপ্লৱনেচ্ছযানুসৰতি শ্ৰীখণ্ডশৈলানিলঃ ।
কিং চ স্নিগ্ধৰসালমৌলিমুকুলান্যালোক্য হৰ্ষোদযা-দুন্মীলন্তি কুহূঃ কুহূৰিতি কলোত্তালাঃ পিকানাং গিৰঃ ॥
অদ্যোত্সঙ্গৱসদ্ভুজঙ্গকৱলক্লেশাদিৱেশাচলং প্ৰালেযপ্লৱনেচ্ছযানুসৰতি শ্ৰীখণ্ডশৈলানিলঃ ।
কিং চ স্নিগ্ধৰসালমৌলিমুকুলান্যালোক্য হৰ্ষোদযা-দুন্মীলন্তি কুহূঃ কুহূৰিতি কলোত্তালাঃ পিকানাং গিৰঃ ॥
12 ॥
ৰাসোল্লাসভৰেণৱিভ্ৰমভৃতামাভীৰৱামভ্ৰুৱা-মভ্যৰ্ণং পৰিৰম্যনিৰ্ভৰমুৰঃ প্ৰেমান্ধযা ৰাধযা ।
সাধু ত্ৱদ্ৱদনং সুধামযমিতি ৱ্যাহৃত্য গীতস্তুতি-ৱ্যাজাদুদ্ভটচুম্বিতস্মিতমনোহৰী হৰিঃ পাতু ৱঃ ॥ 13 ॥
ৰাসোল্লাসভৰেণৱিভ্ৰমভৃতামাভীৰৱামভ্ৰুৱা-মভ্যৰ্ণং পৰিৰম্যনিৰ্ভৰমুৰঃ প্ৰেমান্ধযা ৰাধযা ।
সাধু ত্ৱদ্ৱদনং সুধামযমিতি ৱ্যাহৃত্য গীতস্তুতি-ৱ্যাজাদুদ্ভটচুম্বিতস্মিতমনোহৰী হৰিঃ পাতু ৱঃ ॥ 13 ॥
॥ ইতি শ্ৰীগীতগোৱিন্দে সামোদদামোদৰো নাম প্ৰথমঃ সৰ্গঃ ॥