॥ দশমঃ সর্গঃ ॥
॥ চতুরচতুর্ভুজঃ ॥
অত্রান্তরে মসৃণরোষবশামসীম্-নিঃশ্বাসনিঃসহমুখীং সুমুখীমুপেত্য ।
সব্রীডমীক্ষিতসখীবদনাং দিনান্তে সানন্দগদ্গদপদং হরিরিত্যুবাচ॥ 53 ॥
॥ গীতং 19 ॥
বদসি যদি কিঞ্চিদপি দন্তরুচিকৌমুদী হরতি দরতিমিরমতিঘোরম্ ।
স্ফুরদধরসীধবে তব বদনচন্দ্রমা রোচযতু লোচনচকোরম্ ॥
প্রিযে চারুশীলে মুঞ্চ মযি মানমনিদানং সপদি মদনানলো দহতি মম মানসং দেহি মুখকমলমধুপানম্ ॥ 1 ॥
সত্যমেবাসি যদি সুদতি মযি কোপিনী দেহি খরনখশরঘাতম্ ।
ঘটয ভুজবন্ধনং জনয রদখণ্ডনং যেন বা ভবতি সুখজাতম্ ॥ 2 ॥
ত্বমসি মম ভূষণং ত্বমসি মম জীবনং ত্বমসি ভবজলধিরত্নম্ ।
ভবতু ভবতীহ মযি সততমনোরোধিনি তত্র মম হৃদযমতিরত্নম্ ॥ 3 ॥
নীলনলিনাভমপি তন্বি তব লোচনং ধারযতি কোকনদরূপম্ ।
কুসুমশরবাণভাবেন যদি রঞ্জযসি কৃষ্ণমিদমেতদনুরূপম্ ॥ 4 ॥
স্ফুরতু কুচকুম্ভযোরুপরি মণিমঞ্জরী রঞ্জযতু তব হৃদযদেশম্ ।
রসতু রশনাপি তব ঘনজঘনমণ্ডলে ঘোষযতু মন্মথনিদেশম্ ॥ 5 ॥
স্থলকমলগঞ্জনং মম হৃদযরঞ্জনং জনিতরতিরঙ্গপরভাগম্ ।
ভণ মসৃণবাণি করবাণি পদপঙ্কজং সরসলসদলক্তকরাগম্ ॥ 6 ॥
স্মরগরলখণ্ডনং মম শিরসি মণ্ডনং দেহি পদপল্লবমুদারম্ ।
জ্বলতি মযি দারুণো মদনকদনারুণো হরতু তদুপাহিতবিকারম্ ॥ 7 ॥
অত্রান্তরে মসৃণরোষবশামসীম্-নিঃশ্বাসনিঃসহমুখীং সুমুখীমুপেত্য ।
সব্রীডমীক্ষিতসখীবদনাং দিনান্তে সানন্দগদ্গদপদং হরিরিত্যুবাচ॥ 53 ॥
॥ গীতং 19 ॥
বদসি যদি কিঞ্চিদপি দন্তরুচিকৌমুদী হরতি দরতিমিরমতিঘোরম্ ।
স্ফুরদধরসীধবে তব বদনচন্দ্রমা রোচযতু লোচনচকোরম্ ॥
প্রিযে চারুশীলে মুঞ্চ মযি মানমনিদানং সপদি মদনানলো দহতি মম মানসং দেহি মুখকমলমধুপানম্ ॥ 1 ॥
সত্যমেবাসি যদি সুদতি মযি কোপিনী দেহি খরনখশরঘাতম্ ।
ঘটয ভুজবন্ধনং জনয রদখণ্ডনং যেন বা ভবতি সুখজাতম্ ॥ 2 ॥
ত্বমসি মম ভূষণং ত্বমসি মম জীবনং ত্বমসি ভবজলধিরত্নম্ ।
ভবতু ভবতীহ মযি সততমনোরোধিনি তত্র মম হৃদযমতিরত্নম্ ॥ 3 ॥
নীলনলিনাভমপি তন্বি তব লোচনং ধারযতি কোকনদরূপম্ ।
কুসুমশরবাণভাবেন যদি রঞ্জযসি কৃষ্ণমিদমেতদনুরূপম্ ॥ 4 ॥
স্ফুরতু কুচকুম্ভযোরুপরি মণিমঞ্জরী রঞ্জযতু তব হৃদযদেশম্ ।
রসতু রশনাপি তব ঘনজঘনমণ্ডলে ঘোষযতু মন্মথনিদেশম্ ॥ 5 ॥
স্থলকমলগঞ্জনং মম হৃদযরঞ্জনং জনিতরতিরঙ্গপরভাগম্ ।
ভণ মসৃণবাণি করবাণি পদপঙ্কজং সরসলসদলক্তকরাগম্ ॥ 6 ॥
স্মরগরলখণ্ডনং মম শিরসি মণ্ডনং দেহি পদপল্লবমুদারম্ ।
জ্বলতি মযি দারুণো মদনকদনারুণো হরতু তদুপাহিতবিকারম্ ॥ 7 ॥
ইতি চটুলচাটুপটুচারু মুরবৈরিণো রাধিকামধি বচনজাতম্ ।
জযতি পদ্মাবতীরমণজযদেবকবি-ভারতীভণিতমতিশাতম্ ॥ 8 ॥
পরিহর কৃতাতঙ্কে শঙ্কাং ত্বযা সততং ঘন-স্তনজঘনযাক্রান্তে স্বান্তে পরানবকাশিনি ।
বিশতি বিতনোরন্যো ধন্যো ন কোঽপি মমান্তরং স্তনভরপরীরম্ভারম্ভে বিধেহি বিধেযতাম্ ॥ 54 ॥
মুগ্ধে বিধেহি মযি নির্দযদন্তদংশ-দোর্বল্লিবন্ধনিবিডস্তনপীডনানি ।
চণ্ডি ত্বমেব মুদমঞ্চ ন পঞ্চবাণ-চণ্ডালকাণ্ডদলনাদসবঃ প্রযান্তু ॥ 55 ॥
ব্যথযতি বৃথা মৌনং তন্বি প্রপঞ্চয পঞ্চমং তরুণী মধুরালাপৈস্তাপং বিনোদয দৃষ্টিভিঃ ।
সুমুখি বিমুখীভাবং তাবদ্বিমুঞ্চ ন মুঞ্চ মাং স্বযমতিশযস্নিগ্ধো মুগ্ধে প্রিযিঽহমুপস্থিতঃ ॥ 56 ॥
বন্ধূকদ্যুতিবান্ধবোঽযমধরঃ স্নিগ্ধো মধূকচ্চবি-র্গণ্ডশ্চণ্ডি চকাস্তি নীলনলিনশ্রীমোচনং লোচনম্ ।
নাসাভ্যেতি তিলপ্রসূনপদবীং কুন্দাভদান্তি প্রিযে প্রাযস্ত্বন্মুখসেবযা বিজযতে বিশ্বং স পুষ্পাযুধঃ ॥ 57 ॥
দৃশৌ তব মদালসে বদনমিন্দুসন্দীপকং গতির্জনমনোরমা বিধুতরম্ভমূরুদ্বযম্ ।
রতিস্তব কলাবতী রুচিরচিত্রলেখে ভ্রুবা-বহো বিবুধযৌবনং বহসি তন্বী পৃথ্বীগতা ॥ 58 ॥
॥ ইতি শ্রীগীতগোবিন্দে মানিনীবর্ণনে চতুরচতুর্ভুজো নাম দশমঃ সর্গঃ ॥