॥ ದಶಮಃ ಸರ್ಗಃ ॥
॥ ಚತುರಚತುರ್ಭುಜಃ ॥
ಅತ್ರಾನ್ತರೇ ಮಸೃಣರೋಷವಶಾಮಸೀಮ್-ನಿಃಶ್ವಾಸನಿಃಸಹಮುಖೀಂ ಸುಮುಖೀಮುಪೇತ್ಯ ।
ಸವ್ರೀಡಮೀಕ್ಷಿತಸಖೀವದನಾಂ ದಿನಾನ್ತೇ ಸಾನನ್ದಗದ್ಗದಪದಂ ಹರಿರಿತ್ಯುವಾಚ॥ 53 ॥
ಸವ್ರೀಡಮೀಕ್ಷಿತಸಖೀವದನಾಂ ದಿನಾನ್ತೇ ಸಾನನ್ದಗದ್ಗದಪದಂ ಹರಿರಿತ್ಯುವಾಚ॥ 53 ॥
॥ ಗೀತಂ 19 ॥
ವದಸಿ ಯದಿ ಕಿಞ್ಚಿದಪಿ ದನ್ತರುಚಿಕೌಮುದೀ ಹರತಿ ದರತಿಮಿರಮತಿಘೋರಮ್ ।
ಸ್ಫುರದಧರಸೀಧವೇ ತವ ವದನಚನ್ದ್ರಮಾ ರೋಚಯತು ಲೋಚನಚಕೋರಮ್ ॥
ಪ್ರಿಯೇ ಚಾರುಶೀಲೇ ಮುಞ್ಚ ಮಯಿ ಮಾನಮನಿದಾನಂ ಸಪದಿ ಮದನಾನಲೋ ದಹತಿ ಮಮ ಮಾನಸಂ ದೇಹಿ ಮುಖಕಮಲಮಧುಪಾನಮ್ ॥ 1 ॥
ಸ್ಫುರದಧರಸೀಧವೇ ತವ ವದನಚನ್ದ್ರಮಾ ರೋಚಯತು ಲೋಚನಚಕೋರಮ್ ॥
ಪ್ರಿಯೇ ಚಾರುಶೀಲೇ ಮುಞ್ಚ ಮಯಿ ಮಾನಮನಿದಾನಂ ಸಪದಿ ಮದನಾನಲೋ ದಹತಿ ಮಮ ಮಾನಸಂ ದೇಹಿ ಮುಖಕಮಲಮಧುಪಾನಮ್ ॥ 1 ॥
ಸತ್ಯಮೇವಾಸಿ ಯದಿ ಸುದತಿ ಮಯಿ ಕೋಪಿನೀ ದೇಹಿ ಖರನಖಶರಘಾತಮ್ ।
ಘಟಯ ಭುಜಬನ್ಧನಂ ಜನಯ ರದಖಣ್ಡನಂ ಯೇನ ವಾ ಭವತಿ ಸುಖಜಾತಮ್ ॥ 2 ॥
ಘಟಯ ಭುಜಬನ್ಧನಂ ಜನಯ ರದಖಣ್ಡನಂ ಯೇನ ವಾ ಭವತಿ ಸುಖಜಾತಮ್ ॥ 2 ॥
ತ್ವಮಸಿ ಮಮ ಭೂಷಣಂ ತ್ವಮಸಿ ಮಮ ಜೀವನಂ ತ್ವಮಸಿ ಭವಜಲಧಿರತ್ನಮ್ ।
ಭವತು ಭವತೀಹ ಮಯಿ ಸತತಮನೋರೋಧಿನಿ ತತ್ರ ಮಮ ಹೃದಯಮತಿರತ್ನಮ್ ॥ 3 ॥
ಭವತು ಭವತೀಹ ಮಯಿ ಸತತಮನೋರೋಧಿನಿ ತತ್ರ ಮಮ ಹೃದಯಮತಿರತ್ನಮ್ ॥ 3 ॥
ನೀಲನಲಿನಾಭಮಪಿ ತನ್ವಿ ತವ ಲೋಚನಂ ಧಾರಯತಿ ಕೋಕನದರೂಪಮ್ ।
ಕುಸುಮಶರಬಾಣಭಾವೇನ ಯದಿ ರಞ್ಜಯಸಿ ಕೃಷ್ಣಮಿದಮೇತದನುರೂಪಮ್ ॥ 4 ॥
ಕುಸುಮಶರಬಾಣಭಾವೇನ ಯದಿ ರಞ್ಜಯಸಿ ಕೃಷ್ಣಮಿದಮೇತದನುರೂಪಮ್ ॥ 4 ॥
ಸ್ಫುರತು ಕುಚಕುಮ್ಭಯೋರುಪರಿ ಮಣಿಮಞ್ಜರೀ ರಞ್ಜಯತು ತವ ಹೃದಯದೇಶಮ್ ।
ರಸತು ರಶನಾಪಿ ತವ ಘನಜಘನಮಣ್ಡಲೇ ಘೋಷಯತು ಮನ್ಮಥನಿದೇಶಮ್ ॥ 5 ॥
ರಸತು ರಶನಾಪಿ ತವ ಘನಜಘನಮಣ್ಡಲೇ ಘೋಷಯತು ಮನ್ಮಥನಿದೇಶಮ್ ॥ 5 ॥
ಸ್ಥಲಕಮಲಗಞ್ಜನಂ ಮಮ ಹೃದಯರಞ್ಜನಂ ಜನಿತರತಿರಙ್ಗಪರಭಾಗಮ್ ।
ಭಣ ಮಸೃಣವಾಣಿ ಕರವಾಣಿ ಪದಪಙ್ಕಜಂ ಸರಸಲಸದಲಕ್ತಕರಾಗಮ್ ॥ 6 ॥
ಭಣ ಮಸೃಣವಾಣಿ ಕರವಾಣಿ ಪದಪಙ್ಕಜಂ ಸರಸಲಸದಲಕ್ತಕರಾಗಮ್ ॥ 6 ॥
ಸ್ಮರಗರಲಖಣ್ಡನಂ ಮಮ ಶಿರಸಿ ಮಣ್ಡನಂ ದೇಹಿ ಪದಪಲ್ಲವಮುದಾರಮ್ ।
ಜ್ವಲತಿ ಮಯಿ ದಾರುಣೋ ಮದನಕದನಾರುಣೋ ಹರತು ತದುಪಾಹಿತವಿಕಾರಮ್ ॥ 7 ॥
ಜ್ವಲತಿ ಮಯಿ ದಾರುಣೋ ಮದನಕದನಾರುಣೋ ಹರತು ತದುಪಾಹಿತವಿಕಾರಮ್ ॥ 7 ॥
ಇತಿ ಚಟುಲಚಾಟುಪಟುಚಾರು ಮುರವೈರಿಣೋ ರಾಧಿಕಾಮಧಿ ವಚನಜಾತಮ್ ।
ಜಯತಿ ಪದ್ಮಾವತೀರಮಣಜಯದೇವಕವಿ-ಭಾರತೀಭಣಿತಮತಿಶಾತಮ್ ॥ 8 ॥
ಜಯತಿ ಪದ್ಮಾವತೀರಮಣಜಯದೇವಕವಿ-ಭಾರತೀಭಣಿತಮತಿಶಾತಮ್ ॥ 8 ॥
ಪರಿಹರ ಕೃತಾತಙ್ಕೇ ಶಙ್ಕಾಂ ತ್ವಯಾ ಸತತಂ ಘನ-ಸ್ತನಜಘನಯಾಕ್ರಾನ್ತೇ ಸ್ವಾನ್ತೇ ಪರಾನವಕಾಶಿನಿ ।
ವಿಶತಿ ವಿತನೋರನ್ಯೋ ಧನ್ಯೋ ನ ಕೋಽಪಿ ಮಮಾನ್ತರಂ ಸ್ತನಭರಪರೀರಮ್ಭಾರಮ್ಭೇ ವಿಧೇಹಿ ವಿಧೇಯತಾಮ್ ॥ 54 ॥
ವಿಶತಿ ವಿತನೋರನ್ಯೋ ಧನ್ಯೋ ನ ಕೋಽಪಿ ಮಮಾನ್ತರಂ ಸ್ತನಭರಪರೀರಮ್ಭಾರಮ್ಭೇ ವಿಧೇಹಿ ವಿಧೇಯತಾಮ್ ॥ 54 ॥
ಮುಗ್ಧೇ ವಿಧೇಹಿ ಮಯಿ ನಿರ್ದಯದನ್ತದಂಶ-ದೋರ್ವಲ್ಲಿಬನ್ಧನಿಬಿಡಸ್ತನಪೀಡನಾನಿ ।
ಚಣ್ಡಿ ತ್ವಮೇವ ಮುದಮಞ್ಚ ನ ಪಞ್ಚಬಾಣ-ಚಣ್ಡಾಲಕಾಣ್ಡದಲನಾದಸವಃ ಪ್ರಯಾನ್ತು ॥ 55 ॥
ಚಣ್ಡಿ ತ್ವಮೇವ ಮುದಮಞ್ಚ ನ ಪಞ್ಚಬಾಣ-ಚಣ್ಡಾಲಕಾಣ್ಡದಲನಾದಸವಃ ಪ್ರಯಾನ್ತು ॥ 55 ॥
ವ್ಯಥಯತಿ ವೃಥಾ ಮೌನಂ ತನ್ವಿ ಪ್ರಪಞ್ಚಯ ಪಞ್ಚಮಂ ತರುಣೀ ಮಧುರಾಲಾಪೈಸ್ತಾಪಂ ವಿನೋದಯ ದೃಷ್ಟಿಭಿಃ ।
ಸುಮುಖಿ ವಿಮುಖೀಭಾವಂ ತಾವದ್ವಿಮುಞ್ಚ ನ ಮುಞ್ಚ ಮಾಂ ಸ್ವಯಮತಿಶಯಸ್ನಿಗ್ಧೋ ಮುಗ್ಧೇ ಪ್ರಿಯಿಽಹಮುಪಸ್ಥಿತಃ ॥ 56 ॥
ಸುಮುಖಿ ವಿಮುಖೀಭಾವಂ ತಾವದ್ವಿಮುಞ್ಚ ನ ಮುಞ್ಚ ಮಾಂ ಸ್ವಯಮತಿಶಯಸ್ನಿಗ್ಧೋ ಮುಗ್ಧೇ ಪ್ರಿಯಿಽಹಮುಪಸ್ಥಿತಃ ॥ 56 ॥
ಬನ್ಧೂಕದ್ಯುತಿಬಾನ್ಧವೋಽಯಮಧರಃ ಸ್ನಿಗ್ಧೋ ಮಧೂಕಚ್ಚವಿ-ರ್ಗಣ್ಡಶ್ಚಣ್ಡಿ ಚಕಾಸ್ತಿ ನೀಲನಲಿನಶ್ರೀಮೋಚನಂ ಲೋಚನಮ್ ।
ನಾಸಾಭ್ಯೇತಿ ತಿಲಪ್ರಸೂನಪದವೀಂ ಕುನ್ದಾಭದಾನ್ತಿ ಪ್ರಿಯೇ ಪ್ರಾಯಸ್ತ್ವನ್ಮುಖಸೇವಯಾ ವಿಜಯತೇ ವಿಶ್ವಂ ಸ ಪುಷ್ಪಾಯುಧಃ ॥ 57 ॥
ನಾಸಾಭ್ಯೇತಿ ತಿಲಪ್ರಸೂನಪದವೀಂ ಕುನ್ದಾಭದಾನ್ತಿ ಪ್ರಿಯೇ ಪ್ರಾಯಸ್ತ್ವನ್ಮುಖಸೇವಯಾ ವಿಜಯತೇ ವಿಶ್ವಂ ಸ ಪುಷ್ಪಾಯುಧಃ ॥ 57 ॥
ದೃಶೌ ತವ ಮದಾಲಸೇ ವದನಮಿನ್ದುಸನ್ದೀಪಕಂ ಗತಿರ್ಜನಮನೋರಮಾ ವಿಧುತರಮ್ಭಮೂರುದ್ವಯಮ್ ।
ರತಿಸ್ತವ ಕಲಾವತೀ ರುಚಿರಚಿತ್ರಲೇಖೇ ಭ್ರುವಾ-ವಹೋ ವಿಬುಧಯೌವನಂ ವಹಸಿ ತನ್ವೀ ಪೃಥ್ವೀಗತಾ ॥ 58 ॥
ರತಿಸ್ತವ ಕಲಾವತೀ ರುಚಿರಚಿತ್ರಲೇಖೇ ಭ್ರುವಾ-ವಹೋ ವಿಬುಧಯೌವನಂ ವಹಸಿ ತನ್ವೀ ಪೃಥ್ವೀಗತಾ ॥ 58 ॥
॥ ಇತಿ ಶ್ರೀಗೀತಗೋವಿನ್ದೇ ಮಾನಿನೀವರ್ಣನೇ ಚತುರಚತುರ್ಭುಜೋ ನಾಮ ದಶಮಃ ಸರ್ಗಃ ॥