॥ દશમઃ સર્ગઃ ॥
॥ ચતુરચતુર્ભુજઃ ॥
અત્રાન્તરે મસૃણરોષવશામસીમ્-નિઃશ્વાસનિઃસહમુખીં સુમુખીમુપેત્ય ।
સવ્રીડમીક્ષિતસખીવદનાં દિનાન્તે સાનન્દગદ્ગદપદં હરિરિત્યુવાચ॥ 53 ॥
સવ્રીડમીક્ષિતસખીવદનાં દિનાન્તે સાનન્દગદ્ગદપદં હરિરિત્યુવાચ॥ 53 ॥
॥ ગીતં 19 ॥
વદસિ યદિ કિઞ્ચિદપિ દન્તરુચિકૌમુદી હરતિ દરતિમિરમતિઘોરમ્ ।
સ્ફુરદધરસીધવે તવ વદનચન્દ્રમા રોચયતુ લોચનચકોરમ્ ॥
પ્રિયે ચારુશીલે મુઞ્ચ મયિ માનમનિદાનં સપદિ મદનાનલો દહતિ મમ માનસં દેહિ મુખકમલમધુપાનમ્ ॥ 1 ॥
સ્ફુરદધરસીધવે તવ વદનચન્દ્રમા રોચયતુ લોચનચકોરમ્ ॥
પ્રિયે ચારુશીલે મુઞ્ચ મયિ માનમનિદાનં સપદિ મદનાનલો દહતિ મમ માનસં દેહિ મુખકમલમધુપાનમ્ ॥ 1 ॥
સત્યમેવાસિ યદિ સુદતિ મયિ કોપિની દેહિ ખરનખશરઘાતમ્ ।
ઘટય ભુજબન્ધનં જનય રદખણ્ડનં યેન વા ભવતિ સુખજાતમ્ ॥ 2 ॥
ઘટય ભુજબન્ધનં જનય રદખણ્ડનં યેન વા ભવતિ સુખજાતમ્ ॥ 2 ॥
ત્વમસિ મમ ભૂષણં ત્વમસિ મમ જીવનં ત્વમસિ ભવજલધિરત્નમ્ ।
ભવતુ ભવતીહ મયિ સતતમનોરોધિનિ તત્ર મમ હૃદયમતિરત્નમ્ ॥ 3 ॥
ભવતુ ભવતીહ મયિ સતતમનોરોધિનિ તત્ર મમ હૃદયમતિરત્નમ્ ॥ 3 ॥
નીલનલિનાભમપિ તન્વિ તવ લોચનં ધારયતિ કોકનદરૂપમ્ ।
કુસુમશરબાણભાવેન યદિ રઞ્જયસિ કૃષ્ણમિદમેતદનુરૂપમ્ ॥ 4 ॥
કુસુમશરબાણભાવેન યદિ રઞ્જયસિ કૃષ્ણમિદમેતદનુરૂપમ્ ॥ 4 ॥
સ્ફુરતુ કુચકુમ્ભયોરુપરિ મણિમઞ્જરી રઞ્જયતુ તવ હૃદયદેશમ્ ।
રસતુ રશનાપિ તવ ઘનજઘનમણ્ડલે ઘોષયતુ મન્મથનિદેશમ્ ॥ 5 ॥
રસતુ રશનાપિ તવ ઘનજઘનમણ્ડલે ઘોષયતુ મન્મથનિદેશમ્ ॥ 5 ॥
સ્થલકમલગઞ્જનં મમ હૃદયરઞ્જનં જનિતરતિરઙ્ગપરભાગમ્ ।
ભણ મસૃણવાણિ કરવાણિ પદપઙ્કજં સરસલસદલક્તકરાગમ્ ॥ 6 ॥
ભણ મસૃણવાણિ કરવાણિ પદપઙ્કજં સરસલસદલક્તકરાગમ્ ॥ 6 ॥
સ્મરગરલખણ્ડનં મમ શિરસિ મણ્ડનં દેહિ પદપલ્લવમુદારમ્ ।
જ્વલતિ મયિ દારુણો મદનકદનારુણો હરતુ તદુપાહિતવિકારમ્ ॥ 7 ॥
જ્વલતિ મયિ દારુણો મદનકદનારુણો હરતુ તદુપાહિતવિકારમ્ ॥ 7 ॥
ઇતિ ચટુલચાટુપટુચારુ મુરવૈરિણો રાધિકામધિ વચનજાતમ્ ।
જયતિ પદ્માવતીરમણજયદેવકવિ-ભારતીભણિતમતિશાતમ્ ॥ 8 ॥
જયતિ પદ્માવતીરમણજયદેવકવિ-ભારતીભણિતમતિશાતમ્ ॥ 8 ॥
પરિહર કૃતાતઙ્કે શઙ્કાં ત્વયા સતતં ઘન-સ્તનજઘનયાક્રાન્તે સ્વાન્તે પરાનવકાશિનિ ।
વિશતિ વિતનોરન્યો ધન્યો ન કોઽપિ મમાન્તરં સ્તનભરપરીરમ્ભારમ્ભે વિધેહિ વિધેયતામ્ ॥ 54 ॥
વિશતિ વિતનોરન્યો ધન્યો ન કોઽપિ મમાન્તરં સ્તનભરપરીરમ્ભારમ્ભે વિધેહિ વિધેયતામ્ ॥ 54 ॥
મુગ્ધે વિધેહિ મયિ નિર્દયદન્તદંશ-દોર્વલ્લિબન્ધનિબિડસ્તનપીડનાનિ ।
ચણ્ડિ ત્વમેવ મુદમઞ્ચ ન પઞ્ચબાણ-ચણ્ડાલકાણ્ડદલનાદસવઃ પ્રયાન્તુ ॥ 55 ॥
ચણ્ડિ ત્વમેવ મુદમઞ્ચ ન પઞ્ચબાણ-ચણ્ડાલકાણ્ડદલનાદસવઃ પ્રયાન્તુ ॥ 55 ॥
વ્યથયતિ વૃથા મૌનં તન્વિ પ્રપઞ્ચય પઞ્ચમં તરુણી મધુરાલાપૈસ્તાપં વિનોદય દૃષ્ટિભિઃ ।
સુમુખિ વિમુખીભાવં તાવદ્વિમુઞ્ચ ન મુઞ્ચ માં સ્વયમતિશયસ્નિગ્ધો મુગ્ધે પ્રિયિઽહમુપસ્થિતઃ ॥ 56 ॥
સુમુખિ વિમુખીભાવં તાવદ્વિમુઞ્ચ ન મુઞ્ચ માં સ્વયમતિશયસ્નિગ્ધો મુગ્ધે પ્રિયિઽહમુપસ્થિતઃ ॥ 56 ॥
બન્ધૂકદ્યુતિબાન્ધવોઽયમધરઃ સ્નિગ્ધો મધૂકચ્ચવિ-ર્ગણ્ડશ્ચણ્ડિ ચકાસ્તિ નીલનલિનશ્રીમોચનં લોચનમ્ ।
નાસાભ્યેતિ તિલપ્રસૂનપદવીં કુન્દાભદાન્તિ પ્રિયે પ્રાયસ્ત્વન્મુખસેવયા વિજયતે વિશ્વં સ પુષ્પાયુધઃ ॥ 57 ॥
નાસાભ્યેતિ તિલપ્રસૂનપદવીં કુન્દાભદાન્તિ પ્રિયે પ્રાયસ્ત્વન્મુખસેવયા વિજયતે વિશ્વં સ પુષ્પાયુધઃ ॥ 57 ॥
દૃશૌ તવ મદાલસે વદનમિન્દુસન્દીપકં ગતિર્જનમનોરમા વિધુતરમ્ભમૂરુદ્વયમ્ ।
રતિસ્તવ કલાવતી રુચિરચિત્રલેખે ભ્રુવા-વહો વિબુધયૌવનં વહસિ તન્વી પૃથ્વીગતા ॥ 58 ॥
રતિસ્તવ કલાવતી રુચિરચિત્રલેખે ભ્રુવા-વહો વિબુધયૌવનં વહસિ તન્વી પૃથ્વીગતા ॥ 58 ॥
॥ ઇતિ શ્રીગીતગોવિન્દે માનિનીવર્ણને ચતુરચતુર્ભુજો નામ દશમઃ સર્ગઃ ॥