6 - পিতৃমেধমন্ত্রাঃ - কৃষ্ণ যজুর্বেদ তৈত্তিরীয আরণ্যক পাঠঃ - পরেযুবাংসং প্রবতঃ

কৃষ্ণ যজুর্বেদীয তৈত্তিরীয আরণ্যকে ষষ্ঠঃ প্রপাঠকঃ - পিতৃমেধমন্ত্রাঃ
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হরিঃ ওম্ ॥
অনুবাকং 1
পরেযুবাগ্ংস-ম্প্রবতো মহীরনু বহুভ্যঃ পন্থামনপস্পশানম্ । বৈবস্বতগ্ং সঙ্গমন-ঞ্জনানাম্ ঁযমগ্ং রাজানগ্ং হবিষা দুবস্যত ॥ ইদ-ন্ত্বা বস্ত্র-ম্প্রথম-ন্ন্বাগন্নপৈতদূহ যদিহাবিভঃ পুরা ।
ইষ্টাপূর্তমনু সম্পশ্য দক্ষিণাম্ ঁযথা তে দত্ত-ম্বহুধা বি বন্ধুষু ॥
ইমৌ যুনজ্মি তে বহ্নী অসুনীথায বোঢবে ।
যাভ্যাম্ ঁযমস্য সাদনগ্ং সুকৃতা-ঞ্চাপি গচ্ছতাত্ ॥ পূষা ত্বেতশ্চ্যাবযতু প্রবিদ্বা-ননষ্টপশু-র্ভুবনস্য গোপাঃ ।
স ত্বৈতেভ্যঃ পরিদদা-ত্পিতৃভ্যো-ঽগ্নির্দেবেভ্যঃ সুবিদত্রেভ্যঃ ॥ পূষেমা আশা অনুবেদ সর্বা-স্সো অস্মাগ্ং অভযতমেন নেষত্ ।
স্বস্তিদা অঘৃণি-স্সর্ববীরো-ঽপ্রযুচ্ছন্পুর এতু প্রবিদ্বান্ ॥ 1 ॥

আযু-র্বিশ্বাযুঃ পরিপাসতি ত্বা পূষা ত্বা পাতু প্রপথে পুরস্তাত্ । যত্রাসতে সুকৃতো যত্র তে যযুস্তত্র ত্বা দেব-স্সবিতা দধাতু ॥
ভুবনস্য পত ইদগ্ং হবিঃ ॥ অগ্নযে রযিমতে স্বাহা ॥ পুরুষস্য সযাবর্যপেদঘানি মৃজ্মহে ।
যথা নো অত্র নাপরঃ পুরা জরস আযতি ॥
পুরুষস্য সযাবরি বি তে প্রাণমসি স্রসম্ ।
শরীরেণ মহীমিহি স্বধযেহি পিতৄনুপ প্রজযা-ঽস্মানিহাবহ ॥ মৈব-ম্মাগ্স্তা প্রিযে-ঽহ-ন্দেবী সতী পিতৃলোকম্ ঁযদৈষি ।
বিশ্ববারা নভসা সংব্যঁযন্ত্যুভৌ নো লোকৌ
পযসা-ঽভ্যাববৃথ্স্ব ॥ 2 ॥

ইয-ন্নারী পতিলোকম্ ঁবৃণানা নিপদ্যত উপ ত্বা মর্ত্য প্রেতম্ । বিশ্ব-ম্পুরাণমনু পালযন্তী তস্যৈ প্রজা-ন্দ্রবিণ-ঞ্চেহ ধেহি ॥ উদীর্ষ্ব নার্যভি জীবলোকমিতাসুমেতমুপশেষ এহি ।
হস্তগ্রাভস্য দিধিষোস্ত্বমেত-ত্পত্যুর্জনিত্বমভি সম্বভূব ॥
সুবর্ণগ্ং হস্তাদাদদানা মৃতস্য শ্রিযৈ ব্রহ্মণে তেজসে বলায । অত্রৈব ত্বমিহ বযগ্ং সুশেবা বিশ্বা-স্স্পৃধো অভিমাতীর্জযেম ॥
ধনুর্ হস্তাদাদদানা মৃতস্য শ্রিযৈ ক্ষত্রাযৌজসে বলায । অত্রৈব ত্বমিহ বযগ্ং সুশেবা বিশ্বা-স্স্পৃধো অভিমাতীর্জযেম ।
মণিগ্ং হস্তাদাদদানা মৃতস্য শ্রিযৈ বিশে পুষ্ট্যৈ বলায । অত্রৈব ত্বমিহ বযগ্ং সুশেবা বিশ্বা-স্স্পৃধো অভিমাতীর্জযেম ॥ 3 ॥

ইমমগ্নে চমস-ম্মা বিজীহ্বরঃ প্রিযো দেবানামুত সোম্যানাম্ । এষ যশ্চমসো দেবপানস্তস্মি-ন্দেবা অমৃতা মাদযন্তাম্ ॥
অগ্নের্বর্ম পরি গোভির্ব্যযস্ব সম্প্রোর্ণুষ্ব মেদসা পীবসা চ । নেত্ত্বা ধৃষ্ণুর্-হরসা জর্হৃষাণো দধ-দ্বিধক্ষ্যন্-পর্যঙ্খযাতৈ ॥
মৈনমগ্নে বিদহো মা-ঽভিশোচো মা-ঽস্য ত্বচ-ঞ্চিক্ষিপো মা শরীরম্ । যদা শৃত-ঙ্করবো জাতবেদো-ঽথেমেন-ম্প্রহিণুতা-ত্পিতৃভ্যঃ ॥
শৃতম্ ঁযদা করসি জাতবেদো-ঽথেমেন-ম্পরিদত্তা-ত্পিতৃভ্যঃ । যদা গচ্ছাত্যসুনীতিমেতামথা দেবানাম্ ঁবশনীর্ভবাতি ॥ সূর্য-ন্তে চক্ষু-র্গচ্ছতু বাতমাত্মা দ্যা-ঞ্চ গচ্ছ পৃথিবী-ঞ্চ ধর্মণা ।
অপো বা গচ্ছ যদি তত্র তে হিতমোষধীষু প্রতিতিষ্ঠা শরীরৈঃ ॥ অজো ভাগস্তপসা ত-ন্তপস্ব ত-ন্তে শোচিস্তপতু ত-ন্তে অর্চিঃ ।
যাস্তে শিবাস্তনুবো জাতবেদস্তাভি-র্বহেমগ্ং সুকৃতাম্ ঁযত্র লোকাঃ ॥ অযম্ ঁবৈ ত্বমস্মাদধি ত্বমেতদযম্ ঁবৈ তদস্য যোনিরসি । বৈশ্বানরঃ পুত্রঃ পিত্রে লোককৃ-জ্জাতবেদো বহেমগ্ং সুকৃতাম্ ঁযত্র লোকাঃ ॥ 4 ॥

(বিদ্বা-নভ্যাববৃথ্স্বা - ভিমাতীর্জযেম - শরীরৈশ্চত্বারি চ ) (অ. 1)
অনুবাকং 2
য এতস্য পথো গোপ্তারস্তেভ্য-স্স্বাহা য এতস্য পথো রক্ষিতারস্তেভ্য-স্স্বাহা য এতস্য পথো-ঽভিরক্ষিতারস্তেভ্য-স্স্বাহা-ঽঽখ্যাত্রে স্বাহা-ঽপাখ্যাত্রে স্বাহা-ঽভিলালপতে স্বাহা-ঽপলালপতে স্বাহা-ঽগ্নযে কর্মকৃতে স্বাহা যমত্র নাধীমস্তস্মৈ স্বাহা ॥
যস্ত ইদ্ধ্ম-ঞ্জভর-থ্সিষ্বিদানো মূর্ধানম্ ঁবা ততপতে ত্বাযা । দিবো বিশ্বস্মা-থ্সীমঘাযত উরুষ্যঃ ॥ অস্মাত্ত্বমধি জাতো-ঽসি ত্বদয-ঞ্জাযতা-ম্পুনঃ । অগ্নযে বৈশ্বানরায সুবর্গায লোকায স্বাহা ॥ 5 ॥

(য এতস্য ত্ব-ত্পঞ্চ ) (অ. 2)
অনুবাকং 3
প্র কেতুনা বৃহতা ভাত্যগ্নিরাবি-র্বিশ্বানি বৃষভো রোরবীতি । দিবশ্চিদন্তাদুপ মামুদানডপামুপস্থে মহিষো ববর্ধ ॥
ইদন্ত এক-ম্পর ঊত এক-ন্তৃতীযেন জ্যোতিষা সংবিঁশস্ব । সংবেঁশনস্তনুবৈ চারুরেধি প্রিযো দেবানা-ম্পরমে সধস্থে ॥
নাকে সুপর্ণমুপ য-ত্পতন্তগ্ং হৃদা বেনন্তো অভ্যচক্ষত ত্বা । হিরণ্যপক্ষম্ ঁবরুণস্য দূতম্ ঁযমস্য যোনৌ শকুন-ম্ভুরণ্যুম্ ॥
অতিদ্রব সারমেযৌ শ্বানৌ চতুরক্ষৌ শবলৌ সাধুনা পথা । অথা পিতৄন্-থ্সুবিদত্রাগ্ং অপীহি যমেন যে সধমাদ-ম্মদন্তি ॥
যৌ তে শ্বানৌ যম রক্ষিতারৌ চতুরক্ষৌ পথিরক্ষী নৃচক্ষসা ।
তাভ্যাগ্ং রাজ-ন্পরি দেহ্যেনগ্গ্ স্বস্তি চাস্মা অনমীব-ঞ্চ ধেহি ॥ 6 ॥

উরুণসা-বসুতৃপা-বুলুম্বলৌ যমস্য দূতৌ চরতো বশাগ্ং অনু । তাবস্মভ্য-ন্দৃশযে সূর্যায পুনর্দ-ত্তাবসুমদ্যেহ ভদ্রম্ ॥
সোম একেভ্যঃ পবতে ঘৃতমেক উপাসতে ।
যেভ্যো মধু প্রধাবতি তাগ্-শ্চিদেবাপিগচ্ছতাত্ ॥
যে যুদ্ধ্যন্তে প্রধনেষু শূরাসো যে তনুত্যজঃ । যে বা সহস্রদক্ষিণাস্তাগ্ শ্চিদেবাপিগচ্ছতাত্ ॥
তপসা যে অনাধৃষ্যা-স্তপসা যে সুবর্গতাঃ ।
তপো যে চক্রিরে মহ-ত্তাগ্-শ্চিদেবাপিগচ্ছতাত্ ॥
অশ্মন্বতী রেবতী-স্সগ্ংরভদ্ধ্ব-মুত্তিষ্ঠত প্রতরতা সখাযঃ । অত্রা জহাম যে অসন্নশেবা-শ্শিবান্. বযমভি বাজানুত্তরেম ॥ 7 ॥

যদ্বৈ দেবস্য সবিতুঃ পবিত্রগ্ং সহস্রধারম্ ঁবিততমন্তরিক্ষে । যেনাপুনাদিন্দ্রমনার্ত-মার্ত্যৈ তেনাহ-ম্মাগ্ং সর্বতনু-ম্পুনামি ॥
যা রাষ্ট্রা-ত্পন্নাদপ যন্তি শাখা অভিমৃতা নৃপতিমিচ্ছমানাঃ । ধাতুস্তা-স্সর্বাঃ পবনেন পূতাঃ প্রজযা-ঽস্মান্-রয্যা বর্চসা সগ্ংসৃজাথ ॥
উদ্বয-ন্তমসস্পরি পশ্যন্তো জ্যোতিরুত্তরম্ ।
দেব-ন্দেবত্রা সূর্যমগন্ম জ্যোতিরুত্তমম্ ॥
ধাতা পুনাতু সবিতা পুনাতু । অগ্নেস্তেজসা সূর্যস্য বর্চসা ॥ 8 ॥

(ধে - হ্যুত্তরে - মাষ্টৌ চ) (অ. 3)
অনুবাকং 4
য-ন্তে অগ্নিমমন্থাম বৃষভাযেব পক্তবে ।
ইম-ন্তগ্ং শমযামসি ক্ষীরেণ চোদকেন চ ॥
যন্ত্বমগ্নে সমদহস্ত্বমু নির্বাপযা পুনঃ ।
ক্যাম্বূরত্র জাযতা-ম্পাকদূর্বা ব্যল্কশা ॥
শীতিকে শীতিকাবতি হ্লাদুকে হ্লাদুকাবতি ।
মণ্ডূক্যা সুসঙ্গমযেমগ্গ্ স্বগ্নিগ্ং শময ॥ শ-ন্তে ধন্বন্যা আপ-শ্শমু তে সন্ত্বনূক্যাঃ । শ-ন্তে সমুদ্রিযা আপ-শ্শমু তে সন্তু বর্ষ্যাঃ ॥
শ-ন্তে স্রবন্তী-স্তনুবে শমু তে সন্তু কূপ্যাঃ ।
শ-ন্তে নীহারো বর্ষতু শমু পৃষ্বা-ঽবশীযতাম্ ॥ 9 ॥

অব সৃজ পুনরগ্নে পিতৃভ্যো যস্ত আহুতশ্চরতি স্বধাভিঃ । আযুর্বসান উপ যাতু শেষগ্ং সঙ্গচ্ছতা-ন্তনুবা জাতবেদঃ ॥
সঙ্গচ্ছস্ব পিতৃভি-স্সগ্গ্ স্বধাভি-স্সমিষ্টাপূর্তেন পরমে ব্যোমন্ন্ ।
যত্র ভূম্যৈ বৃণসে তত্র গচ্ছ তত্র ত্বা দেব-স্সবিতা দধাতু ॥ যত্তে কৃষ্ণ-শ্শকুন আতুতোদ পিপীল-স্সর্প উত বা শ্বাপদঃ ।
অগ্নিষ্ট-দ্বিশ্বাদনৃণ-ঙ্কৃণোতু সোমশ্চ যো ব্রাহ্মণমাবিবেশ ॥ উত্তিষ্ঠাত-স্তনুবগ্ং সম্ভরস্ব মেহ গাত্রমবহা মা শরীরম্ ।
যত্র ভূম্যৈ বৃণসে তত্র গচ্ছ তত্র ত্বা দেব-স্সবিতা দধাতু ॥ ইদ-ন্ত এক-ম্পর ঊত এক-ন্তৃতীযেন জ্যোতিষা সংবিঁশস্ব ।
সংবেঁশন-স্তনুবৈ চারুরেধি প্রিযো দেবানা-ম্পরমে সধস্থে ॥ উত্তিষ্ঠ প্রেহি প্রদ্রবৌকঃ কৃণুষ্ব পরমে ব্যোমন্ন্ । যমেন ত্বম্ ঁযম্যা সংবিঁদানোত্-তম-ন্নাকমধি রোহেমম্ ॥
অশ্মন্বতী রেবতী-স্সগ্ং রভদ্ধ্ব মুত্তিষ্ঠত প্রতরতা সখাযঃ । অত্রা জহাম যে অসন্নশেবা-শ্শিবান্ বযমভি বাজানুত্তরেম ॥ যদ্বৈ দেবস্য সবিতুঃ পবিত্রগ্ং সহস্রধারম্ ঁবিততমন্তরিক্ষে । যেনাপুনাদিন্দ্রমনার্ত-মার্ত্যৈ তেনাহ-ম্মাগ্ং সর্বতনু-ম্পুনামি ॥ যা রাষ্ট্রা-ত্পন্নাদপ যন্তি শাখা অভিমৃতা নৃপতিমিচ্ছমানাঃ । ধাতুস্তা-স্সর্বাঃ পবনেন পূতাঃ প্রজযা-ঽস্মান্-রয্যা বর্চসা সগ্ংসৃজাথ ॥ যা রাষ্ট্রা-ত্পন্নাদপ যন্তি শাখা অভিমৃতা নৃপতিমিচ্ছমানাঃ । ধাতুস্তা-স্সর্বাঃ পবনেন পূতাঃ প্রজযা-ঽস্মান্-রয্যা বর্চসা সগ্ংসৃজাথ ॥ ধাতা পুনাতু সবিতা পুনাতু । অগ্নেস্তেজসা সূর্যস্য বর্চসা ॥
অস্মাত্ত্বমধি জাতো-ঽস্যয-ন্ত্বদধিজাযতাম্ ।
অগ্নযে বৈশ্বানরায সুবর্গায লোকায স্বাহা ॥ 10 ॥

(অবশীযতাগ্ং - সধস্থে পঞ্চ চ) (অ. 4)
অনুবাকং 5
আযাতু দেব-স্সুমনাভি-রূতিভি-র্যমো হবেহ প্রযতাভিরক্তা । আসীদতাগ্ং সুপ্রযতেহ বর্হিষ্যূর্জায জাত্যৈ মম শত্রুহত্যৈ ॥
যমে ইব যতমানে যদৈত-ম্প্রবাম্ভর-ন্মানুষা দেবযন্তঃ । আসীদতগ্গ্ স্বমু লোকম্ ঁবিদানে স্বাসস্থে ভবতমিন্দবে নঃ ॥
যমায সোমগ্ং সুনুত যমায জুহুতা হবিঃ ।
যমগ্ং হ যজ্ঞো গচ্ছত্যগ্নিদূতো অরঙ্কৃতঃ ॥
যমায ঘৃতবদ্ধবির্জুহোত প্র চ তিষ্ঠত ।
স নো দেবেষ্বাযম-দ্দীর্ঘমাযুঃ প্র জীবসে ॥
যমায মধুমত্তমগ্ং রাজ্ঞে হব্য-ঞ্জুহোতন । ইদ-ন্নম ঋষিভ্যঃ পূর্বজেভ্যঃ পূর্বেভ্যঃ পথিকৃদ্ভ্যঃ ॥ 11 ॥

যো-ঽস্য কৌষ্ঠ্য জগতঃ পার্থিবস্যৈক ইদ্বশী ।
যম-ম্ভঙ্গ্যশ্রবো গায যো রাজা-ঽনপরোদ্ধ্যঃ ॥ যম-ঙ্গায ভঙ্গ্যশ্রবো যো রাজা-ঽনপরোদ্ধ্যঃ । যেনাপো নদ্যো ধন্বানি যেন দ্যৌঃ পৃথিবী দৃঢা ॥ হিরণ্যকক্ষ্যান্-থ্সুধুরান্. হিরণ্যাক্ষা-নযশ্শফান্ । অশ্বা-ননশ্যতো দানম্ ঁযমো রাজা-ঽভিতিষ্ঠতি ॥ যমো দাধার পৃথিবীং-যঁমো বিশ্বমিদ-ঞ্জগত্ । যমায সর্বমিত্রস্থে য-ত্প্রাণ-দ্বাযুরক্ষিতম্ ॥ যথা পঞ্চ যথা ষড্ যথা পঞ্চ দশর্ষযঃ । যমম্ ঁযো বিদ্যাথ্স ব্রূযাদ্যথৈক ঋষির্বিজানতে ॥ 12 ॥

ত্রিকদ্রুকেভিঃ পততি ষডুর্বী-রেকমি-দ্বৃহত্ ।
গাযত্রী ত্রিষ্টুপ্ছন্দাগ্ংসি সর্বা তা যম আহিতা ॥
অহরহর্নযমানো গামশ্ব-ম্পুরুষ-ঞ্জগত্ ।
বৈবস্বতো ন তৃপ্যতি পঞ্চভির্মানবৈর্যমঃ ॥
বৈবস্বতে বিবিচ্যন্তে যমে রাজনি তে জনাঃ ।
যে চেহ সত্যেনেচ্ছন্তে য উ চানৃতবাদিনঃ ॥
তে রাজন্নিহ বিবিচ্যন্তে-ঽথা যন্তি ত্বামুপ ।
দেবাগ্শ্চ যে নমস্যন্তি ব্রাহ্মণাগ্শ্চাপচিত্যতি ॥
যস্মিন্ বৃক্ষে সুপলাশে দেবৈ-স্সপিম্বতে যমঃ ।
অত্রা নো বিশ্পতিঃ পিতা পুরাণা অনুবেনতি ॥ 13 ॥

(পথিকৃদ্ভ্যো - বিজানতে - ঽনুবেনতি) (অ. 5)
অনুবাকং 6
বৈশ্বানরে হবিরিদ-ঞ্জুহোমি সাহস্র-মুথ্সগ্ং শতধারমেতম্ । তস্মিন্নেষ পিতর-ম্পিতামহ-ম্প্রপিতামহ-ম্বিভর-ত্পিন্বমানে ॥
দ্রফ্সশ্চস্কন্দ পৃথিবীমনু দ্যামিমঞ্চ যোনিমনু যশ্চ পূর্বঃ ।
তৃতীযম্ ঁযোনিমনু সঞ্চরন্ত-ন্দ্রফ্স-ঞ্জুহোম্যনু সপ্ত হোত্রাঃ ॥
ইমগ্ং সমুদ্রগ্ং শতধারমুথ্সম্ ঁব্যচ্যমান-ম্ভুবনস্য মদ্ধ্যে ।
ঘৃত-ন্দুহানামদিতি-ঞ্জনাযাগ্নে মা হিগ্ংসীঃ পরমে ব্যোমন্ন্ ॥ অপেত বীত বি চ সর্পতাতো যে-ঽত্র স্থ পুরাণা যে চ নূতনাঃ ।
অহোভিরদ্ভি-রক্তুভি-র্ব্যক্তম্ ঁযমো দদা-ত্ববসানমস্মৈ ॥ সবিতৈতানি শরীরাণি পৃথিব্যৈ মাতুরুপস্থ আদধে ।
তেভি-র্যুজ্যন্তা-মঘ্নিযাঃ ॥ 14 ॥

শুনম্ ঁবাহা-শ্শুন-ন্নারা-শ্শুন-ঙ্কৃষতু লাঙ্গলম্ ।
শুনম্ ঁবরত্রা বদ্ধ্যন্তাগ্ং শুন-মষ্ট্রা-মুদিঙ্গয শুনাসীরা শুনমস্মাসু ধত্তম্ ॥
শুনাসীরাবিমাম্ ঁবাচম্ ঁয-দ্দিবি চক্রথুঃ পযঃ । তেনেমা-মুপসিঞ্চতম্ ॥
সীতে বন্দামহে ত্বা-ঽর্বাচী সুভগে ভব ।
যথা ন-স্সুভগা সসি যথা ন-স্সুফলা সসি ॥
সবিতৈতানি শরীরাণি পৃথিব্যৈ মাতুরুপস্থ আদধে । তেভিরদিতে শ-ম্ভব ॥
বিমুচ্যদ্ধ্ব-মঘ্নিযা দেবযানা অতারিষ্ম তমসস্পারমস্য ।
জ্যোতিরাপাম সুবরগন্ম ॥ 15 ॥

প্র বাতা বান্তি পতযন্তি বিদ্যুত উদোষধীর্জিহতে পিন্বতে সুবঃ । ইরা বিশ্বস্মৈ ভুবনায জাযতে য-ত্পর্জন্যঃ পৃথিবীগ্ং রেতসা-ঽবতি ॥
যথা যমায হার্ম্য-মবপ-ন্পঞ্চমানবাঃ ।
এবম্ ঁবপামি হার্ম্যম্ ঁযথা-ঽসাম জীবলোকে ভূরযঃ ॥ চিতঃ স্থ পরিচিত ঊর্ধ্বচিতঃ শ্রযদ্ধ্ব-ম্পিতরো দেবতা ।
প্রজাপতির্ব-স্সাদযতু তযা দেবতযা ॥
আ প্যাযস্ব সমেতু তে বিশ্বতঃ সোম বৃষ্ণিযম্ । ভবা বাজস্য সঙ্গথে ॥ স-ন্তে পযাগ্ংসি সমু যন্তু বাজা-স্সং-বৃঁষ্ণিযা-ন্যভিমাতিষাহঃ । আপ্যাযমানো অমৃতায সোম দিবি শ্রবাগ্স্যুত্তমানি ধিষ্ব ॥ 16 ॥

(অঘ্নিযা - অগন্ম - +সপ্ত চ) (অ. 6)
অনুবাকং 7
উত্তে তভ্নোমি পৃথিবী-ন্ত্বত্পরীমম্ ঁলোক-ন্নিদধন্মো অহগ্ং রিষম্ । এতাগ্ স্থূণা-ম্পিতরো ধারযন্তু তে-ঽত্রা যম-স্সাদনাত্তে মিনোতু ॥
উপসর্প মাতর-ম্ভূমিমেতা-মুরুব্যচস-ম্পৃথিবীগ্ং সুশেবাম্ । ঊর্ণম্রদা যুবতি-র্দক্ষিণাবত্যেষা ত্বা পাতু নির্-ঋত্যা উপস্থে ॥
উচ্ছ্মঞ্চস্ব পৃথিবি মা বিবাধিথা-স্সূপাযনা-ঽস্মৈ ভব সূপবঞ্চনা । মাতা পুত্রম্ ঁযথা সিচা-ঽভ্যেন-ম্ভূমি বৃণু ॥ উচ্ছ্মঞ্চমানা পৃথিবী হি তিষ্ঠসি সহস্রম্মিত উপ হি শ্রযন্তাম্ ।
তে গৃহাসো মধুশ্চুতো বিশ্বাহাস্মৈ শরণা-স্সন্ত্বত্র ॥ এণীর্ধানা হরিণীরর্জুনী-স্সন্তু ধেনবঃ । তিলবথ্সা ঊর্জমস্মৈ দুহানা বিশ্বাহা সন্ত্বনপস্ফুরন্তীঃ ॥ 17 ॥

এষা তে যমসাদনে স্বধা নিধীযতে গৃহে । অক্ষিতির্নাম তে অসৌ ॥ ইদ-ম্পিতৃভ্যঃ প্রভরেম বর্হি-র্দেবেভ্যো জীবন্ত উত্তর-ম্ভরেম ।
তত্ত্বমারোহাসো মেঘ্যো ভবম্ ঁযমেন ত্বম্ ঁযম্যা সংবিঁদানঃ ॥ মা ত্বা বৃক্ষৌ সম্বাধিষ্টা-ম্মা মাতা পৃথিবি ত্বম্ ।
পিতৄন্. হি যত্র গচ্ছাস্যেধাসম্ ঁযমরাজ্যে ॥
মা ত্বা বৃক্ষৌ সম্বাধেথা-ম্মা মাতা পৃথিবী মহী । বৈবস্বতগ্ং হি গচ্ছাসি যমরাজ্যে বিরাজসি ॥
নল-ম্প্লবমারোহৈত-ন্নলেন পথো-ঽন্বিহি ।
স ত্ব-ন্নলপ্লবো ভূত্বা সন্তর প্রতরোত্তর ॥ 18 ॥

সবিতৈতানি শরীরাণি পৃথিব্যৈ মাতুরুপস্থ আদধে । তেভ্যঃ পৃথিবি শ-ম্ভব ॥
ষড্ঢোতা সূর্য-ন্তে চক্ষু-র্গচ্ছতু বাতমাত্মা দ্যা-ঞ্চ গচ্ছ পৃথিবী-ঞ্চ ধর্মণা ।
অপো বা গচ্ছ যদি তত্র তে হিতমোষধীষু প্রতিতিষ্ঠা শরীরৈঃ ॥ পর-ম্মৃত্যো অনু পরেহি পন্থাম্ ঁযস্তে স্ব ইতরো দেবযানাত্ ।
চক্ষুষ্মতে শৃণ্বতে তে ব্রবীমি মা নঃ প্রজাগ্ং রীরিষো মোত বীরান্ ॥
শম্ ঁবাত-শ্শগ্ং হি তে ঘৃণি-শ্শমু তে সন্ত্বোষধীঃ । কল্পন্তা-ম্মে দিশঃ শগ্মাঃ ॥
পৃথিব্যাস্ত্বা লোকে সাদযাম্যমুষ্য শর্মাসি পিতরো দেবতা । প্রজাপতিস্ত্বা সাদযতু তযা দেবতযা ॥ অন্তরিক্ষস্য ত্বা দিবস্ত্বা দিশা-ন্ত্বা নাকস্য ত্বা পৃষ্ঠে ব্রদ্ধ্নস্য ত্বা বিষ্টপে সাদযাম্যমুষ্য শর্মাসি পিতরো দেবতা ।
প্রজাপতিস্ত্বা সাদযতু তযা দেবতযা ॥ 19 ॥

(অনপস্ফুরন্তী - রুত্তর - দেবতযা দ্বে চ) (অ. 7)
অনুবাকং 8
অপূপবা-ন্ঘৃতবাগ্শ্চরুরেহ সীদতূত্তভ্নুব-ন্পৃথিবী-ন্দ্যামুতোপরি । যোনিকৃতঃ পথিকৃতঃ সপর্যত যে দেবানা-ঙ্ঘৃতভাগা ইহ স্থ ।
এষা তে যমসাদনে স্বধা নিধীযতে গৃহে-ঽসৌ ।
দশাক্ষরা তাগ্ং রক্ষস্ব তা-ঙ্গোপাযস্ব তা-ন্তে পরি দদামি তস্যা-ন্ত্বা মা দভ-ন্পিতরো দেবতা ।
প্রজাপতিস্ত্বা সাদযতু তযা দেবতযা ॥
অপূপবা-ঞ্ছৃতবান্-ক্ষীরবান্-দধিবা-ন্মধুমাগ্-শ্চরুরেহ সীদতূত্তভ্নুবন্-পৃথিবী-ন্দ্যামুতোপরি । যোনিকৃতঃ পথিকৃতঃ সপর্যত যে দেবানাগ্ং শৃতভাগাঃ, ক্ষীরভাগা দধিভাগা মধুভাগা ইহ স্থ । এষা তে যমসাদনে স্বধা নিধীযতে গৃহে-ঽসৌ । শতাক্ষরা সহস্রাক্ষরা-ঽযুতাক্ষরা-ঽচ্যুতাক্ষরা তাগ্ং রক্ষস্ব তা-ঙ্গোপাযস্ব তা-ন্তে পরিদদামি তস্যা-ন্ত্বা মা দভ-ন্পিতরো দেবতা । প্রজাপতিস্ত্বা সাদযতু তযা দেবতযা ॥ 20 ॥

(অপূপবানসৌ দশ) (অ. 8)
অনুবাকং 9
এতাস্তে স্বধা অমৃতাঃ করোমি যাস্তে ধানাঃ পরিকিরাম্যত্র । তাস্তে যমঃ পিতৃভিঃ সংবিঁদানো-ঽত্র ধেনূঃ কামদুঘাঃ করোতু ॥
ত্বামর্জুনৌষধীনা-ম্পযো ব্রহ্মাণ ইদ্বিদুঃ ।
তাসা-ন্ত্বা মদ্ধ্যাদাদদে চরুভ্যো অপিধাতবে ॥
দূর্বাণাগ্ স্তম্বমাহরৈতা-ম্প্রিযতমা-ম্মম । ইমা-ন্দিশ-ম্মনুষ্যাণা-ম্ভূযিষ্ঠা-ঽনু বি রোহতু ॥ কাশানাগ্ স্তম্বমাহর রক্ষসামপহত্যৈ ।
য এতস্যৈ দিশঃ পরাভবন্নঘাযবো যথা তে নাভবা-ন্পুনঃ ॥ দর্ভাণাগ্ স্তম্বমাহর পিতৃণামোষধী-ম্প্রিযাম্ । অন্বস্যৈ মূল-ঞ্জীবাদনু কাণ্ডমথো ফলম্ ॥ 21 ॥

লোক-ম্পৃণ ছিদ্র-ম্পৃণাথো সীদ শিবা ত্বম্ । ইন্দ্রাগ্নী ত্বা বৃহস্পতিরস্মিন্ যোনাবসীষদন্ন্ ॥ তা অস্য সূদদোহস-স্সোমগ্গ্ শ্রীণন্তি পৃশ্নযঃ । জন্ম-ন্দেবানাং-বিঁশস্ত্রিষ্বা রোচনে দিবঃ ॥
শম্ ঁবাত-শ্শগ্ংহি তে ঘৃণি-শ্শমু তে সন্ত্বোষধীঃ । কল্পন্তা-ন্তে দিশ-স্সর্বাঃ ॥ ইদমেব মেতো-ঽপরামার্তিমারাম কাঞ্চন ।
তথা তদশ্বিভ্যা-ঙ্কৃত-ম্মিত্রেণ বরুণেন চ ॥
বরণো বারযাদিদ-ন্দেবো বনস্পতিঃ ।
আর্ত্যৈ নির্-ঋত্যৈ দ্বেষাচ্চ বনস্পতিঃ ॥
বিধৃতিরসি বিধারযাস্মদঘা দ্বেষাগ্ংসি শমি শমযাস্মদঘা দ্বেষাগ্ংসি যব যবযাস্মদঘা দ্বেষাগ্ংসি ॥
পৃথিবী-ঙ্গচ্ছান্তরিক্ষ-ঙ্গচ্ছ দিব-ঙ্গচ্ছ দিশো গচ্ছ সুবর্গচ্ছ সুবর্গচ্ছ দিশো গচ্ছ দিব-ঙ্গচ্ছান্তরিক্ষ-ঙ্গচ্ছ পৃথিবী-ঙ্গচ্ছাপো বা গচ্ছ যদি তত্র তে হিতমোষধীষু প্রতিতিষ্ঠা শরীরৈঃ ॥ লোক-ম্পৃণ ছিদ্র-ম্পৃণাথো সীদ শিবা ত্বম্ । ইন্দ্রাগ্নী ত্বা বৃহস্পতিরস্মিন্ যোনাবসীষদন্ন্ ॥ তা অস্য সূদদোহস-স্সোমগ্গ্ শ্রীণন্তি পৃশ্নযঃ । জন্ম-ন্দেবানাং-বিঁশস্ত্রিষ্বা রোচনে দিবঃ ॥
অশ্মন্বতী রেবতী-স্সগ্ং রভদ্ধ্ব মুত্তিষ্ঠত প্রতরতা সখাযঃ । অত্রা জহাম যে অসন্নশেবা-শ্শিবান্ বযমভি বাজানুত্তরেম ॥ যদ্বৈ দেবস্য সবিতুঃ পবিত্রগ্ং সহস্রধারম্ ঁবিততমন্তরিক্ষে । যেনাপুনাদিন্দ্রমনার্ত-মার্ত্যৈ তেনাহ-ম্মাগ্ং সর্বতনু-ম্পুনামি ॥
ধাতা যা রাষ্ট্রা-ত্পন্নাদপ যন্তি শাখা অভিমৃতা নৃপতিমিচ্ছমানাঃ । ধাতুস্তা-স্সর্বাঃ পবনেন পূতাঃ প্রজযা-ঽস্মান্-রয্যা বর্চসা সগ্ংসৃজাথ ॥( ) ॥ 22 ॥

(অথো ফলম্ - ধাতা পুনাতু) (অ. 9)
অনুবাকং 10
আরোহতাযু-র্জরস-ঙ্গৃণানা অনুপূর্বম্ ঁযতমানা যতিষ্ট । ইহ ত্বষ্টা সুজনিমা সুরত্নো দীর্ঘমাযুঃ করতু জীবসে বঃ ॥
যথা-ঽহান্যনুপূর্ব-ম্ভবন্তি যথর্তব ঋতুভি-র্যন্তি ক্লৃপ্তাঃ । যথা ন পূর্বমপরো জহাত্যেবা ধাতরাযূগ্ংষি কল্পযৈষাম্ ॥
ন হি তে অগ্নে তনুবৈ ক্রূর-ঞ্চকার মর্ত্যঃ ।
কপি-র্বভস্তি তেজন-ম্পুনর্জরাযু গৌরিব ।
অপ ন-শ্শোশুচদঘমগ্নে শুশুদ্ধ্যা রযিম্ ।
অপ ন-শ্শোশুচদঘ-ম্মৃত্যবে স্বাহা ॥
অনড্বাহ-মন্বারভামহে স্বস্তযে ।
স ন ইন্দ্র ইব দেবেভ্যো বহ্নিঃ সপাংরণো ভব ॥ 23 ॥

ইমে জীবা বিমৃতৈরাবব-র্তিন্নভূ-দ্ভদ্রা দেবহূতি-ন্নো অদ্য । প্রাঞ্জো-ঽগামা নৃতযে হসায দ্রাঘীয আযুঃ প্রতরা-ন্দধানাঃ ॥
মৃত্যোঃ পদম্ ঁযোপযন্তো যদৈম দ্রাঘীয আযুঃ প্রতরা-ন্দধানাঃ । আপ্যাযমানাঃ প্রজযা ধনেন শুদ্ধাঃ পূতা ভবথ যজ্ঞিযাসঃ ॥
ইম-ঞ্জীবেভ্যঃ পরিধি-ন্দধামি মা নো নু গাদপরো অর্ধমেতম্ ।
শত-ঞ্জীবন্তু শরদঃ পুরূচীস্তিরো মৃত্যু-ন্দদ্মহে পর্বতেন ॥ ইমা নারীরবিধবা-স্সুপত্নীরাঞ্জনেন সর্পিষা সম্মৃশন্তাম্ ।
অনশ্রবো অনমীবা-স্সুশেবা আরোহন্তু জনযো যোনিমগ্রে ॥ যদাঞ্জন-ন্ত্রৈককুদ-ঞ্জাতগ্ং হিমবতস্পরি ।
তেনামৃতস্য মূলেনারাতী-র্জম্ভযামসি ॥
যথা ত্ব-মুদ্ভিন-থ্স্যোষধে পৃথিব্যা অধি ।
এবমিম উদ্ভিন্দন্তু কীর্ত্যা যশসা ব্রহ্মবর্চসেন ॥ অজো-ঽস্যজাস্মদঘা দ্বেষাগ্ংসি যবো-ঽসি যবযাস্মদঘা দ্বেষাগ্ংসি ॥ 24 ॥

(ভব - জম্ভযামসি ত্রীণি চ) (অ. 10)
অনুবাকং 11
অপ ন-শ্শোশুচদঘমগ্নে শুশুদ্ধ্যা রযিম্ । অপ ন-শ্শোশুচদঘম্ ॥ সুক্ষেত্রিযা সুগাতুযা বসূযা চ যজামহে । অপ ন-শ্শোশুচদঘম্ ॥
প্র য-দ্ভন্দিষ্ঠ এষা-ম্প্রাস্মাকাসশ্চ সূরযঃ । অপ ন-শ্শোশুচদঘম্ ॥ প্রযদগ্নে-স্সহস্বতো বিশ্বতো যন্তি সূরযঃ । অপ ন-শ্শোশুচদঘম্ ॥
প্রযত্তে অগ্নে সূরযো জাযেমহি প্র তে বযম্ ।
অপ ন-শ্শোশুচদঘম্ ॥ 25 ॥

ত্বগ্ং হি বিশ্বতোমুখ বিশ্বতঃ পরিভূরসি । অপ ন-শ্শোশুচদঘম্ ॥ দ্বিষো নো বিশ্বতোমুখাতি নাবেব পারয । অপ ন-শ্শোশুচদঘম্ ॥ স ন-স্সিন্ধুমিব নাবযা-ঽতি পর্ষা স্বস্তযে । অপ ন-শ্শোশুচদঘম্ ॥ আপঃ প্রবণাদিব যতী-রপাস্ম-থ্স্যন্দতামঘম্ । অপ ন-শ্শোশুচদঘম্ ॥ উদ্বনা-দুদকানীবাপাস্ম-থ্স্যন্দতামঘম্ ।
অপ ন-শ্শোশুচদঘম্ ॥ আনন্দায প্রমোদায পুনরাগাগ্ স্বান্গৃহান্ । অপ ন-শ্শোশুচদঘম্ ॥ ন বৈ তত্র প্রমীযতে গৌরশ্বঃ পুরুষঃ পশুঃ ।
যত্রেদ-ম্ব্রহ্ম ক্রিযতে পরিধির্জীবনায কমপ ন-শ্শোশুচদঘম্ ॥ 26 ॥

(অঘ - মঘ-ঞ্চত্বারি চ) (অ. 11)
অনুবাকং 12
অপশ্যাম যুবতি-মাচরন্তী-ম্মৃতায জীবা-ম্পরিণীযমানাম্ । অন্ধেন যা তমসা প্রাবৃতা-ঽসি প্রাচীমবাচী-মবয-ন্নরিষ্ট্যৈ ॥
মযৈতা-ম্মাগ্স্তা-ম্ভ্রিযমাণা দেবী সতী পিতৃলোকম্ ঁযদৈষি । বিশ্ববারা নভসা সংব্যঁযন্ত্যুভৌ নো লোকৌ পযসা-ঽঽবৃণীহি ॥
রযিষ্ঠামগ্নি-ম্মধুমন্তমূর্মিণমূর্জঃ সন্ত-ন্ত্বা পযসোপ সগ্ংসদেম ।
সগ্ং রয্যা সমু বর্চসা সচস্বা ন-স্স্বস্তযে ॥
যে জীবা যে চ মৃতা যে জাতা যে চ জন্ত্যাঃ ।
তেভ্যো ঘৃতস্য ধারযিতু-ম্মধুধারা ব্যুন্দতী ॥
মাতা রুদ্রাণা-ন্দুহিতা বসূনাগ্ স্বসা-ঽঽদিত্যানাম-মৃতস্য নাভিঃ ।
প্রণুবোচ-ঞ্চিকিতুষে জনায মা গামনাগামদিতিম্ ঁবধিষ্ট ॥
পিবতূদক-ন্তৃণান্যত্তু । ওমু-থ্সৃজত ॥ 27 ॥
(বধিষ্ট দ্বে চ) (অ. 12)
(পরেযুবাগ্ংস-ম্প্র বিদ্বা-ন্ভুবনস্যাভ্যাব বৃথ্স্বা জো ভাগো-ঽযম্ ঁবৈ চতুশ্চত্বারিগ্ংশত্ ।
য এতস্য ত্ব-ত্পঞ্চ । প্রকেতুনেদন্তে নাকে সুপর্ণম্ ঁযৌ তে যে যুদ্ধ্যন্তে তপসা-ঽশ্মন্বতী রেবতী-স্সগ্ংরভদ্ধ্বমষ্টাবিগ্ংশতিঃ । য-ন্তে যত্ত উত্তিষ্ঠাত ইদন্ত উত্তিষ্ঠ
প্রেহ্যশ্মন্. যদ্বা উদ্বযময-ম্পঞ্চবিগ্ংশতিঃ । আযাতু ত্রিগ্ংশত্ । বৈশ্বানরে তস্মি-ন্দ্রফ্স ইমমপেতাহোভি-র্যুজ্যন্তামঘ্নিযা অদিতে পারম্ ঁব আ প্যাযস্ব সপ্তবিগ্ংশতিঃ । উত্তে গৃহে-ঽখাষিতিস্তেভ্যঃ পৃথিব্যা অন্তরিক্ষস্য দ্বাত্রিগ্ংশত্ । অপূপবানসৌ দশ শত দশ । এতাস্তে তে দিশ-স্সর্বা ইদমশ্মন্ বিগ্ংশতিঃ । ওরোহত তনুবৈ ক্রূর-ঞ্চকার পুনর্মৃত্যবে মা নো নু গা-দ্দদ্মহ ইমা নারীঃ পরি ত্রযোবিগ্ংশতিঃ ।
অপ ন-স্সুক্ষেত্রিযা প্র যদ্ভ-ন্দিষ্ঠঃ প্র যদগ্নেঃ প্র যত্তে অগ্নে ত্বগ্ং হি দ্বিষ-স্স ন-স্সিন্ধুমাপঃ প্রবণাদু-দ্বনাদানন্দায ন বৈ তত্র যত্রেদ-ঞ্চতুর্বিগ্ংশতিঃ । অপশ্যামাবৃণীহি দ্বাদশ দ্বাদশ ।)
(পরেযুবাগ্ংস - মাযা - ত্বেতাস্তে সপ্তবিগ্ংশতিঃ )
(পরেযুবাগ্ংস - মোমুথ্সৃজত )
॥ হরিঃ ওম্ ॥
॥ কৃষ্ণ যজুর্বেদীয তৈত্তিরীয আরণ্যকে ষষ্ঠঃ প্রপাঠক-স্সমাপ্তঃ ॥