6 - പിതൃമേധമന്ത്രാഃ - കൃഷ്ണ യജുര്വേദ തൈത്തിരീയ ആരണ്യക പാഠഃ - പരേയുവാംസം പ്രവതഃ

കൃഷ്ണ യജുര്വേദീയ തൈത്തിരീയ ആരണ്യകേ ഷഷ്ഠഃ പ്രപാഠകഃ - പിതൃമേധമന്ത്രാഃ
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹരിഃ ഓമ് ॥
അനുവാകം 1
പരേയുവാഗ്ംസ-മ്പ്രവതോ മഹീരനു ബഹുഭ്യഃ പന്ഥാമനപസ്പശാനമ് । വൈവസ്വതഗ്ം സങ്ഗമന-ഞ്ജനാനാമ് ഁയമഗ്ം രാജാനഗ്ം ഹവിഷാ ദുവസ്യത ॥ ഇദ-ന്ത്വാ വസ്ത്ര-മ്പ്രഥമ-ന്ന്വാഗന്നപൈതദൂഹ യദിഹാബിഭഃ പുരാ ।
ഇഷ്ടാപൂര്തമനു സമ്പശ്യ ദക്ഷിണാമ് ഁയഥാ തേ ദത്ത-മ്ബഹുധാ വി ബന്ധുഷു ॥
ഇമൌ യുനജ്മി തേ വഹ്നീ അസുനീഥായ വോഢവേ ।
യാഭ്യാമ് ഁയമസ്യ സാദനഗ്ം സുകൃതാ-ഞ്ചാപി ഗച്ഛതാത് ॥ പൂഷാ ത്വേതശ്ച്യാവയതു പ്രവിദ്വാ-നനഷ്ടപശു-ര്ഭുവനസ്യ ഗോപാഃ ।
സ ത്വൈതേഭ്യഃ പരിദദാ-ത്പിതൃഭ്യോ-ഽഗ്നിര്ദേവേഭ്യഃ സുവിദത്രേഭ്യഃ ॥ പൂഷേമാ ആശാ അനുവേദ സര്വാ-സ്സോ അസ്മാഗ്ം അഭയതമേന നേഷത് ।
സ്വസ്തിദാ അഘൃണി-സ്സര്വവീരോ-ഽപ്രയുച്ഛന്പുര ഏതു പ്രവിദ്വാന് ॥ 1 ॥

ആയു-ര്വിശ്വായുഃ പരിപാസതി ത്വാ പൂഷാ ത്വാ പാതു പ്രപഥേ പുരസ്താത് । യത്രാസതേ സുകൃതോ യത്ര തേ യയുസ്തത്ര ത്വാ ദേവ-സ്സവിതാ ദധാതു ॥
ഭുവനസ്യ പത ഇദഗ്ം ഹവിഃ ॥ അഗ്നയേ രയിമതേ സ്വാഹാ ॥ പുരുഷസ്യ സയാവര്യപേദഘാനി മൃജ്മഹേ ।
യഥാ നോ അത്ര നാപരഃ പുരാ ജരസ ആയതി ॥
പുരുഷസ്യ സയാവരി വി തേ പ്രാണമസി സ്രസമ് ।
ശരീരേണ മഹീമിഹി സ്വധയേഹി പിതൄനുപ പ്രജയാ-ഽസ്മാനിഹാവഹ ॥ മൈവ-മ്മാഗ്സ്താ പ്രിയേ-ഽഹ-ന്ദേവീ സതീ പിതൃലോകമ് ഁയദൈഷി ।
വിശ്വവാരാ നഭസാ സംവ്യഁയന്ത്യുഭൌ നോ ലോകൌ
പയസാ-ഽഭ്യാവവൃഥ്സ്വ ॥ 2 ॥

ഇയ-ന്നാരീ പതിലോകമ് ഁവൃണാനാ നിപദ്യത ഉപ ത്വാ മര്ത്യ പ്രേതമ് । വിശ്വ-മ്പുരാണമനു പാലയന്തീ തസ്യൈ പ്രജാ-ന്ദ്രവിണ-ഞ്ചേഹ ധേഹി ॥ ഉദീര്ഷ്വ നാര്യഭി ജീവലോകമിതാസുമേതമുപശേഷ ഏഹി ।
ഹസ്തഗ്രാഭസ്യ ദിധിഷോസ്ത്വമേത-ത്പത്യുര്ജനിത്വമഭി സമ്ബഭൂവ ॥
സുവര്ണഗ്ം ഹസ്താദാദദാനാ മൃതസ്യ ശ്രിയൈ ബ്രഹ്മണേ തേജസേ ബലായ । അത്രൈവ ത്വമിഹ വയഗ്ം സുശേവാ വിശ്വാ-സ്സ്പൃധോ അഭിമാതീര്ജയേമ ॥
ധനുര് ഹസ്താദാദദാനാ മൃതസ്യ ശ്രിയൈ ക്ഷത്രായൌജസേ ബലായ । അത്രൈവ ത്വമിഹ വയഗ്ം സുശേവാ വിശ്വാ-സ്സ്പൃധോ അഭിമാതീര്ജയേമ ।
മണിഗ്ം ഹസ്താദാദദാനാ മൃതസ്യ ശ്രിയൈ വിശേ പുഷ്ട്യൈ ബലായ । അത്രൈവ ത്വമിഹ വയഗ്ം സുശേവാ വിശ്വാ-സ്സ്പൃധോ അഭിമാതീര്ജയേമ ॥ 3 ॥

ഇമമഗ്നേ ചമസ-മ്മാ വിജീഹ്വരഃ പ്രിയോ ദേവാനാമുത സോമ്യാനാമ് । ഏഷ യശ്ചമസോ ദേവപാനസ്തസ്മി-ന്ദേവാ അമൃതാ മാദയന്താമ് ॥
അഗ്നേര്വര്മ പരി ഗോഭിര്വ്യയസ്വ സമ്പ്രോര്ണുഷ്വ മേദസാ പീവസാ ച । നേത്ത്വാ ധൃഷ്ണുര്-ഹരസാ ജര്ഹൃഷാണോ ദധ-ദ്വിധക്ഷ്യന്-പര്യങ്ഖയാതൈ ॥
മൈനമഗ്നേ വിദഹോ മാ-ഽഭിശോചോ മാ-ഽസ്യ ത്വച-ഞ്ചിക്ഷിപോ മാ ശരീരമ് । യദാ ശൃത-ങ്കരവോ ജാതവേദോ-ഽഥേമേന-മ്പ്രഹിണുതാ-ത്പിതൃഭ്യഃ ॥
ശൃതമ് ഁയദാ കരസി ജാതവേദോ-ഽഥേമേന-മ്പരിദത്താ-ത്പിതൃഭ്യഃ । യദാ ഗച്ഛാത്യസുനീതിമേതാമഥാ ദേവാനാമ് ഁവശനീര്ഭവാതി ॥ സൂര്യ-ന്തേ ചക്ഷു-ര്ഗച്ഛതു വാതമാത്മാ ദ്യാ-ഞ്ച ഗച്ഛ പൃഥിവീ-ഞ്ച ധര്മണാ ।
അപോ വാ ഗച്ഛ യദി തത്ര തേ ഹിതമോഷധീഷു പ്രതിതിഷ്ഠാ ശരീരൈഃ ॥ അജോ ഭാഗസ്തപസാ ത-ന്തപസ്വ ത-ന്തേ ശോചിസ്തപതു ത-ന്തേ അര്ചിഃ ।
യാസ്തേ ശിവാസ്തനുവോ ജാതവേദസ്താഭി-ര്വഹേമഗ്ം സുകൃതാമ് ഁയത്ര ലോകാഃ ॥ അയമ് ഁവൈ ത്വമസ്മാദധി ത്വമേതദയമ് ഁവൈ തദസ്യ യോനിരസി । വൈശ്വാനരഃ പുത്രഃ പിത്രേ ലോകകൃ-ജ്ജാതവേദോ വഹേമഗ്ം സുകൃതാമ് ഁയത്ര ലോകാഃ ॥ 4 ॥

(വിദ്വാ-നഭ്യാവവൃഥ്സ്വാ - ഭിമാതീര്ജയേമ - ശരീരൈശ്ചത്വാരി ച ) (അ. 1)
അനുവാകം 2
യ ഏതസ്യ പഥോ ഗോപ്താരസ്തേഭ്യ-സ്സ്വാഹാ യ ഏതസ്യ പഥോ രക്ഷിതാരസ്തേഭ്യ-സ്സ്വാഹാ യ ഏതസ്യ പഥോ-ഽഭിരക്ഷിതാരസ്തേഭ്യ-സ്സ്വാഹാ-ഽഽഖ്യാത്രേ സ്വാഹാ-ഽപാഖ്യാത്രേ സ്വാഹാ-ഽഭിലാലപതേ സ്വാഹാ-ഽപലാലപതേ സ്വാഹാ-ഽഗ്നയേ കര്മകൃതേ സ്വാഹാ യമത്ര നാധീമസ്തസ്മൈ സ്വാഹാ ॥
യസ്ത ഇദ്ധ്മ-ഞ്ജഭര-ഥ്സിഷ്വിദാനോ മൂര്ധാനമ് ഁവാ തതപതേ ത്വായാ । ദിവോ വിശ്വസ്മാ-ഥ്സീമഘായത ഉരുഷ്യഃ ॥ അസ്മാത്ത്വമധി ജാതോ-ഽസി ത്വദയ-ഞ്ജായതാ-മ്പുനഃ । അഗ്നയേ വൈശ്വാനരായ സുവര്ഗായ ലോകായ സ്വാഹാ ॥ 5 ॥

(യ ഏതസ്യ ത്വ-ത്പഞ്ച ) (അ. 2)
അനുവാകം 3
പ്ര കേതുനാ ബൃഹതാ ഭാത്യഗ്നിരാവി-ര്വിശ്വാനി വൃഷഭോ രോരവീതി । ദിവശ്ചിദന്താദുപ മാമുദാനഡപാമുപസ്ഥേ മഹിഷോ വവര്ധ ॥
ഇദന്ത ഏക-മ്പര ഊത ഏക-ന്തൃതീയേന ജ്യോതിഷാ സംവിഁശസ്വ । സംവേഁശനസ്തനുവൈ ചാരുരേധി പ്രിയോ ദേവാനാ-മ്പരമേ സധസ്ഥേ ॥
നാകേ സുപര്ണമുപ യ-ത്പതന്തഗ്ം ഹൃദാ വേനന്തോ അഭ്യചക്ഷത ത്വാ । ഹിരണ്യപക്ഷമ് ഁവരുണസ്യ ദൂതമ് ഁയമസ്യ യോനൌ ശകുന-മ്ഭുരണ്യുമ് ॥
അതിദ്രവ സാരമേയൌ ശ്വാനൌ ചതുരക്ഷൌ ശബലൌ സാധുനാ പഥാ । അഥാ പിതൄന്-ഥ്സുവിദത്രാഗ്ം അപീഹി യമേന യേ സധമാദ-മ്മദന്തി ॥
യൌ തേ ശ്വാനൌ യമ രക്ഷിതാരൌ ചതുരക്ഷൌ പഥിരക്ഷീ നൃചക്ഷസാ ।
താഭ്യാഗ്ം രാജ-ന്പരി ദേഹ്യേനഗ്ഗ് സ്വസ്തി ചാസ്മാ അനമീവ-ഞ്ച ധേഹി ॥ 6 ॥

ഉരുണസാ-വസുതൃപാ-വുലുമ്ബലൌ യമസ്യ ദൂതൌ ചരതോ വശാഗ്ം അനു । താവസ്മഭ്യ-ന്ദൃശയേ സൂര്യായ പുനര്ദ-ത്താവസുമദ്യേഹ ഭദ്രമ് ॥
സോമ ഏകേഭ്യഃ പവതേ ഘൃതമേക ഉപാസതേ ।
യേഭ്യോ മധു പ്രധാവതി താഗ്-ശ്ചിദേവാപിഗച്ഛതാത് ॥
യേ യുദ്ധ്യന്തേ പ്രധനേഷു ശൂരാസോ യേ തനുത്യജഃ । യേ വാ സഹസ്രദക്ഷിണാസ്താഗ് ശ്ചിദേവാപിഗച്ഛതാത് ॥
തപസാ യേ അനാധൃഷ്യാ-സ്തപസാ യേ സുവര്ഗതാഃ ।
തപോ യേ ചക്രിരേ മഹ-ത്താഗ്-ശ്ചിദേവാപിഗച്ഛതാത് ॥
അശ്മന്വതീ രേവതീ-സ്സഗ്ംരഭദ്ധ്വ-മുത്തിഷ്ഠത പ്രതരതാ സഖായഃ । അത്രാ ജഹാമ യേ അസന്നശേവാ-ശ്ശിവാന്. വയമഭി വാജാനുത്തരേമ ॥ 7 ॥

യദ്വൈ ദേവസ്യ സവിതുഃ പവിത്രഗ്ം സഹസ്രധാരമ് ഁവിതതമന്തരിക്ഷേ । യേനാപുനാദിന്ദ്രമനാര്ത-മാര്ത്യൈ തേനാഹ-മ്മാഗ്ം സര്വതനു-മ്പുനാമി ॥
യാ രാഷ്ട്രാ-ത്പന്നാദപ യന്തി ശാഖാ അഭിമൃതാ നൃപതിമിച്ഛമാനാഃ । ധാതുസ്താ-സ്സര്വാഃ പവനേന പൂതാഃ പ്രജയാ-ഽസ്മാന്-രയ്യാ വര്ചസാ സഗ്ംസൃജാഥ ॥
ഉദ്വയ-ന്തമസസ്പരി പശ്യന്തോ ജ്യോതിരുത്തരമ് ।
ദേവ-ന്ദേവത്രാ സൂര്യമഗന്മ ജ്യോതിരുത്തമമ് ॥
ധാതാ പുനാതു സവിതാ പുനാതു । അഗ്നേസ്തേജസാ സൂര്യസ്യ വര്ചസാ ॥ 8 ॥

(ധേ - ഹ്യുത്തരേ - മാഷ്ടൌ ച) (അ. 3)
അനുവാകം 4
യ-ന്തേ അഗ്നിമമന്ഥാമ വൃഷഭായേവ പക്തവേ ।
ഇമ-ന്തഗ്ം ശമയാമസി ക്ഷീരേണ ചോദകേന ച ॥
യന്ത്വമഗ്നേ സമദഹസ്ത്വമു നിര്വാപയാ പുനഃ ।
ക്യാമ്ബൂരത്ര ജായതാ-മ്പാകദൂര്വാ വ്യല്കശാ ॥
ശീതികേ ശീതികാവതി ഹ്ലാദുകേ ഹ്ലാദുകാവതി ।
മണ്ഡൂക്യാ സുസങ്ഗമയേമഗ്ഗ് സ്വഗ്നിഗ്ം ശമയ ॥ ശ-ന്തേ ധന്വന്യാ ആപ-ശ്ശമു തേ സന്ത്വനൂക്യാഃ । ശ-ന്തേ സമുദ്രിയാ ആപ-ശ്ശമു തേ സന്തു വര്ഷ്യാഃ ॥
ശ-ന്തേ സ്രവന്തീ-സ്തനുവേ ശമു തേ സന്തു കൂപ്യാഃ ।
ശ-ന്തേ നീഹാരോ വര്ഷതു ശമു പൃഷ്വാ-ഽവശീയതാമ് ॥ 9 ॥

അവ സൃജ പുനരഗ്നേ പിതൃഭ്യോ യസ്ത ആഹുതശ്ചരതി സ്വധാഭിഃ । ആയുര്വസാന ഉപ യാതു ശേഷഗ്ം സങ്ഗച്ഛതാ-ന്തനുവാ ജാതവേദഃ ॥
സങ്ഗച്ഛസ്വ പിതൃഭി-സ്സഗ്ഗ് സ്വധാഭി-സ്സമിഷ്ടാപൂര്തേന പരമേ വ്യോമന്ന് ।
യത്ര ഭൂമ്യൈ വൃണസേ തത്ര ഗച്ഛ തത്ര ത്വാ ദേവ-സ്സവിതാ ദധാതു ॥ യത്തേ കൃഷ്ണ-ശ്ശകുന ആതുതോദ പിപീല-സ്സര്പ ഉത വാ ശ്വാപദഃ ।
അഗ്നിഷ്ട-ദ്വിശ്വാദനൃണ-ങ്കൃണോതു സോമശ്ച യോ ബ്രാഹ്മണമാവിവേശ ॥ ഉത്തിഷ്ഠാത-സ്തനുവഗ്ം സമ്ഭരസ്വ മേഹ ഗാത്രമവഹാ മാ ശരീരമ് ।
യത്ര ഭൂമ്യൈ വൃണസേ തത്ര ഗച്ഛ തത്ര ത്വാ ദേവ-സ്സവിതാ ദധാതു ॥ ഇദ-ന്ത ഏക-മ്പര ഊത ഏക-ന്തൃതീയേന ജ്യോതിഷാ സംവിഁശസ്വ ।
സംവേഁശന-സ്തനുവൈ ചാരുരേധി പ്രിയോ ദേവാനാ-മ്പരമേ സധസ്ഥേ ॥ ഉത്തിഷ്ഠ പ്രേഹി പ്രദ്രവൌകഃ കൃണുഷ്വ പരമേ വ്യോമന്ന് । യമേന ത്വമ് ഁയമ്യാ സംവിഁദാനോത്-തമ-ന്നാകമധി രോഹേമമ് ॥
അശ്മന്വതീ രേവതീ-സ്സഗ്ം രഭദ്ധ്വ മുത്തിഷ്ഠത പ്രതരതാ സഖായഃ । അത്രാ ജഹാമ യേ അസന്നശേവാ-ശ്ശിവാന് വയമഭി വാജാനുത്തരേമ ॥ യദ്വൈ ദേവസ്യ സവിതുഃ പവിത്രഗ്ം സഹസ്രധാരമ് ഁവിതതമന്തരിക്ഷേ । യേനാപുനാദിന്ദ്രമനാര്ത-മാര്ത്യൈ തേനാഹ-മ്മാഗ്ം സര്വതനു-മ്പുനാമി ॥ യാ രാഷ്ട്രാ-ത്പന്നാദപ യന്തി ശാഖാ അഭിമൃതാ നൃപതിമിച്ഛമാനാഃ । ധാതുസ്താ-സ്സര്വാഃ പവനേന പൂതാഃ പ്രജയാ-ഽസ്മാന്-രയ്യാ വര്ചസാ സഗ്ംസൃജാഥ ॥ യാ രാഷ്ട്രാ-ത്പന്നാദപ യന്തി ശാഖാ അഭിമൃതാ നൃപതിമിച്ഛമാനാഃ । ധാതുസ്താ-സ്സര്വാഃ പവനേന പൂതാഃ പ്രജയാ-ഽസ്മാന്-രയ്യാ വര്ചസാ സഗ്ംസൃജാഥ ॥ ധാതാ പുനാതു സവിതാ പുനാതു । അഗ്നേസ്തേജസാ സൂര്യസ്യ വര്ചസാ ॥
അസ്മാത്ത്വമധി ജാതോ-ഽസ്യയ-ന്ത്വദധിജായതാമ് ।
അഗ്നയേ വൈശ്വാനരായ സുവര്ഗായ ലോകായ സ്വാഹാ ॥ 10 ॥

(അവശീയതാഗ്ം - സധസ്ഥേ പഞ്ച ച) (അ. 4)
അനുവാകം 5
ആയാതു ദേവ-സ്സുമനാഭി-രൂതിഭി-ര്യമോ ഹവേഹ പ്രയതാഭിരക്താ । ആസീദതാഗ്ം സുപ്രയതേഹ ബര്ഹിഷ്യൂര്ജായ ജാത്യൈ മമ ശത്രുഹത്യൈ ॥
യമേ ഇവ യതമാനേ യദൈത-മ്പ്രവാമ്ഭര-ന്മാനുഷാ ദേവയന്തഃ । ആസീദതഗ്ഗ് സ്വമു ലോകമ് ഁവിദാനേ സ്വാസസ്ഥേ ഭവതമിന്ദവേ നഃ ॥
യമായ സോമഗ്ം സുനുത യമായ ജുഹുതാ ഹവിഃ ।
യമഗ്ം ഹ യജ്ഞോ ഗച്ഛത്യഗ്നിദൂതോ അരങ്കൃതഃ ॥
യമായ ഘൃതവദ്ധവിര്ജുഹോത പ്ര ച തിഷ്ഠത ।
സ നോ ദേവേഷ്വായമ-ദ്ദീര്ഘമായുഃ പ്ര ജീവസേ ॥
യമായ മധുമത്തമഗ്ം രാജ്ഞേ ഹവ്യ-ഞ്ജുഹോതന । ഇദ-ന്നമ ഋഷിഭ്യഃ പൂര്വജേഭ്യഃ പൂര്വേഭ്യഃ പഥികൃദ്ഭ്യഃ ॥ 11 ॥

യോ-ഽസ്യ കൌഷ്ഠ്യ ജഗതഃ പാര്ഥിവസ്യൈക ഇദ്വശീ ।
യമ-മ്ഭങ്ഗ്യശ്രവോ ഗായ യോ രാജാ-ഽനപരോദ്ധ്യഃ ॥ യമ-ങ്ഗായ ഭങ്ഗ്യശ്രവോ യോ രാജാ-ഽനപരോദ്ധ്യഃ । യേനാപോ നദ്യോ ധന്വാനി യേന ദ്യൌഃ പൃഥിവീ ദൃഢാ ॥ ഹിരണ്യകക്ഷ്യാന്-ഥ്സുധുരാന്. ഹിരണ്യാക്ഷാ-നയശ്ശഫാന് । അശ്വാ-നനശ്യതോ ദാനമ് ഁയമോ രാജാ-ഽഭിതിഷ്ഠതി ॥ യമോ ദാധാര പൃഥിവീം-യഁമോ വിശ്വമിദ-ഞ്ജഗത് । യമായ സര്വമിത്രസ്ഥേ യ-ത്പ്രാണ-ദ്വായുരക്ഷിതമ് ॥ യഥാ പഞ്ച യഥാ ഷഡ് യഥാ പഞ്ച ദശര്ഷയഃ । യമമ് ഁയോ വിദ്യാഥ്സ ബ്രൂയാദ്യഥൈക ഋഷിര്വിജാനതേ ॥ 12 ॥

ത്രികദ്രുകേഭിഃ പതതി ഷഡുര്വീ-രേകമി-ദ്ബൃഹത് ।
ഗായത്രീ ത്രിഷ്ടുപ്ഛന്ദാഗ്ംസി സര്വാ താ യമ ആഹിതാ ॥
അഹരഹര്നയമാനോ ഗാമശ്വ-മ്പുരുഷ-ഞ്ജഗത് ।
വൈവസ്വതോ ന തൃപ്യതി പഞ്ചഭിര്മാനവൈര്യമഃ ॥
വൈവസ്വതേ വിവിച്യന്തേ യമേ രാജനി തേ ജനാഃ ।
യേ ചേഹ സത്യേനേച്ഛന്തേ യ ഉ ചാനൃതവാദിനഃ ॥
തേ രാജന്നിഹ വിവിച്യന്തേ-ഽഥാ യന്തി ത്വാമുപ ।
ദേവാഗ്ശ്ച യേ നമസ്യന്തി ബ്രാഹ്മണാഗ്ശ്ചാപചിത്യതി ॥
യസ്മിന് വൃക്ഷേ സുപലാശേ ദേവൈ-സ്സപിമ്ബതേ യമഃ ।
അത്രാ നോ വിശ്പതിഃ പിതാ പുരാണാ അനുവേനതി ॥ 13 ॥

(പഥികൃദ്ഭ്യോ - വിജാനതേ - ഽനുവേനതി) (അ. 5)
അനുവാകം 6
വൈശ്വാനരേ ഹവിരിദ-ഞ്ജുഹോമി സാഹസ്ര-മുഥ്സഗ്ം ശതധാരമേതമ് । തസ്മിന്നേഷ പിതര-മ്പിതാമഹ-മ്പ്രപിതാമഹ-മ്ബിഭര-ത്പിന്വമാനേ ॥
ദ്രഫ്സശ്ചസ്കന്ദ പൃഥിവീമനു ദ്യാമിമഞ്ച യോനിമനു യശ്ച പൂര്വഃ ।
തൃതീയമ് ഁയോനിമനു സഞ്ചരന്ത-ന്ദ്രഫ്സ-ഞ്ജുഹോമ്യനു സപ്ത ഹോത്രാഃ ॥
ഇമഗ്ം സമുദ്രഗ്ം ശതധാരമുഥ്സമ് ഁവ്യച്യമാന-മ്ഭുവനസ്യ മദ്ധ്യേ ।
ഘൃത-ന്ദുഹാനാമദിതി-ഞ്ജനായാഗ്നേ മാ ഹിഗ്ംസീഃ പരമേ വ്യോമന്ന് ॥ അപേത വീത വി ച സര്പതാതോ യേ-ഽത്ര സ്ഥ പുരാണാ യേ ച നൂതനാഃ ।
അഹോഭിരദ്ഭി-രക്തുഭി-ര്വ്യക്തമ് ഁയമോ ദദാ-ത്വവസാനമസ്മൈ ॥ സവിതൈതാനി ശരീരാണി പൃഥിവ്യൈ മാതുരുപസ്ഥ ആദധേ ।
തേഭി-ര്യുജ്യന്താ-മഘ്നിയാഃ ॥ 14 ॥

ശുനമ് ഁവാഹാ-ശ്ശുന-ന്നാരാ-ശ്ശുന-ങ്കൃഷതു ലാങ്ഗലമ് ।
ശുനമ് ഁവരത്രാ ബദ്ധ്യന്താഗ്ം ശുന-മഷ്ട്രാ-മുദിങ്ഗയ ശുനാസീരാ ശുനമസ്മാസു ധത്തമ് ॥
ശുനാസീരാവിമാമ് ഁവാചമ് ഁയ-ദ്ദിവി ചക്രഥുഃ പയഃ । തേനേമാ-മുപസിഞ്ചതമ് ॥
സീതേ വന്ദാമഹേ ത്വാ-ഽര്വാചീ സുഭഗേ ഭവ ।
യഥാ ന-സ്സുഭഗാ സസി യഥാ ന-സ്സുഫലാ സസി ॥
സവിതൈതാനി ശരീരാണി പൃഥിവ്യൈ മാതുരുപസ്ഥ ആദധേ । തേഭിരദിതേ ശ-മ്ഭവ ॥
വിമുച്യദ്ധ്വ-മഘ്നിയാ ദേവയാനാ അതാരിഷ്മ തമസസ്പാരമസ്യ ।
ജ്യോതിരാപാമ സുവരഗന്മ ॥ 15 ॥

പ്ര വാതാ വാന്തി പതയന്തി വിദ്യുത ഉദോഷധീര്ജിഹതേ പിന്വതേ സുവഃ । ഇരാ വിശ്വസ്മൈ ഭുവനായ ജായതേ യ-ത്പര്ജന്യഃ പൃഥിവീഗ്ം രേതസാ-ഽവതി ॥
യഥാ യമായ ഹാര്മ്യ-മവപ-ന്പഞ്ചമാനവാഃ ।
ഏവമ് ഁവപാമി ഹാര്മ്യമ് ഁയഥാ-ഽസാമ ജീവലോകേ ഭൂരയഃ ॥ ചിതഃ സ്ഥ പരിചിത ഊര്ധ്വചിതഃ ശ്രയദ്ധ്വ-മ്പിതരോ ദേവതാ ।
പ്രജാപതിര്വ-സ്സാദയതു തയാ ദേവതയാ ॥
ആ പ്യായസ്വ സമെതു തേ വിശ്വതഃ സോമ വൃഷ്ണിയമ് । ഭവാ വാജസ്യ സങ്ഗഥേ ॥ സ-ന്തേ പയാഗ്ംസി സമു യന്തു വാജാ-സ്സം-വൃഁഷ്ണിയാ-ന്യഭിമാതിഷാഹഃ । ആപ്യായമാനോ അമൃതായ സോമ ദിവി ശ്രവാഗ്സ്യുത്തമാനി ധിഷ്വ ॥ 16 ॥

(അഘ്നിയാ - അഗന്മ - +സപ്ത ച) (അ. 6)
അനുവാകം 7
ഉത്തേ തഭ്നോമി പൃഥിവീ-ന്ത്വത്പരീമമ് ഁലോക-ന്നിദധന്മോ അഹഗ്ം രിഷമ് । ഏതാഗ് സ്ഥൂണാ-മ്പിതരോ ധാരയന്തു തേ-ഽത്രാ യമ-സ്സാദനാത്തേ മിനോതു ॥
ഉപസര്പ മാതര-മ്ഭൂമിമേതാ-മുരുവ്യചസ-മ്പൃഥിവീഗ്ം സുശേവാമ് । ഊര്ണമ്രദാ യുവതി-ര്ദക്ഷിണാവത്യേഷാ ത്വാ പാതു നിര്-ഋത്യാ ഉപസ്ഥേ ॥
ഉച്ഛ്മഞ്ചസ്വ പൃഥിവി മാ വിബാധിഥാ-സ്സൂപായനാ-ഽസ്മൈ ഭവ സൂപവഞ്ചനാ । മാതാ പുത്രമ് ഁയഥാ സിചാ-ഽഭ്യേന-മ്ഭൂമി വൃണു ॥ ഉച്ഛ്മഞ്ചമാനാ പൃഥിവീ ഹി തിഷ്ഠസി സഹസ്രമ്മിത ഉപ ഹി ശ്രയന്താമ് ।
തേ ഗൃഹാസോ മധുശ്ചുതോ വിശ്വാഹാസ്മൈ ശരണാ-സ്സന്ത്വത്ര ॥ ഏണീര്ധാനാ ഹരിണീരര്ജുനീ-സ്സന്തു ധേനവഃ । തിലവഥ്സാ ഊര്ജമസ്മൈ ദുഹാനാ വിശ്വാഹാ സന്ത്വനപസ്ഫുരന്തീഃ ॥ 17 ॥

ഏഷാ തേ യമസാദനേ സ്വധാ നിധീയതേ ഗൃഹേ । അക്ഷിതിര്നാമ തേ അസൌ ॥ ഇദ-മ്പിതൃഭ്യഃ പ്രഭരേമ ബര്ഹി-ര്ദേവേഭ്യോ ജീവന്ത ഉത്തര-മ്ഭരേമ ।
തത്ത്വമാരോഹാസോ മേഘ്യോ ഭവമ് ഁയമേന ത്വമ് ഁയമ്യാ സംവിഁദാനഃ ॥ മാ ത്വാ വൃക്ഷൌ സമ്ബാധിഷ്ടാ-മ്മാ മാതാ പൃഥിവി ത്വമ് ।
പിതൄന്. ഹി യത്ര ഗച്ഛാസ്യേധാസമ് ഁയമരാജ്യേ ॥
മാ ത്വാ വൃക്ഷൌ സമ്ബാധേഥാ-മ്മാ മാതാ പൃഥിവീ മഹീ । വൈവസ്വതഗ്ം ഹി ഗച്ഛാസി യമരാജ്യേ വിരാജസി ॥
നല-മ്പ്ലവമാരോഹൈത-ന്നലേന പഥോ-ഽന്വിഹി ।
സ ത്വ-ന്നലപ്ലവോ ഭൂത്വാ സന്തര പ്രതരോത്തര ॥ 18 ॥

സവിതൈതാനി ശരീരാണി പൃഥിവ്യൈ മാതുരുപസ്ഥ ആദധേ । തേഭ്യഃ പൃഥിവി ശ-മ്ഭവ ॥
ഷഡ്ഢോതാ സൂര്യ-ന്തേ ചക്ഷു-ര്ഗച്ഛതു വാതമാത്മാ ദ്യാ-ഞ്ച ഗച്ഛ പൃഥിവീ-ഞ്ച ധര്മണാ ।
അപോ വാ ഗച്ഛ യദി തത്ര തേ ഹിതമോഷധീഷു പ്രതിതിഷ്ഠാ ശരീരൈഃ ॥ പര-മ്മൃത്യോ അനു പരേഹി പന്ഥാമ് ഁയസ്തേ സ്വ ഇതരോ ദേവയാനാത് ।
ചക്ഷുഷ്മതേ ശൃണ്വതേ തേ ബ്രവീമി മാ നഃ പ്രജാഗ്ം രീരിഷോ മോത വീരാന് ॥
ശമ് ഁവാത-ശ്ശഗ്ം ഹി തേ ഘൃണി-ശ്ശമു തേ സന്ത്വോഷധീഃ । കല്പന്താ-മ്മേ ദിശഃ ശഗ്മാഃ ॥
പൃഥിവ്യാസ്ത്വാ ലോകേ സാദയാമ്യമുഷ്യ ശര്മാസി പിതരോ ദേവതാ । പ്രജാപതിസ്ത്വാ സാദയതു തയാ ദേവതയാ ॥ അന്തരിക്ഷസ്യ ത്വാ ദിവസ്ത്വാ ദിശാ-ന്ത്വാ നാകസ്യ ത്വാ പൃഷ്ഠേ ബ്രദ്ധ്നസ്യ ത്വാ വിഷ്ടപേ സാദയാമ്യമുഷ്യ ശര്മാസി പിതരോ ദേവതാ ।
പ്രജാപതിസ്ത്വാ സാദയതു തയാ ദേവതയാ ॥ 19 ॥

(അനപസ്ഫുരന്തീ - രുത്തര - ദേവതയാ ദ്വേ ച) (അ. 7)
അനുവാകം 8
അപൂപവാ-ന്ഘൃതവാഗ്ശ്ചരുരേഹ സീദതൂത്തഭ്നുവ-ന്പൃഥിവീ-ന്ദ്യാമുതോപരി । യോനികൃതഃ പഥികൃതഃ സപര്യത യേ ദേവാനാ-ങ്ഘൃതഭാഗാ ഇഹ സ്ഥ ।
ഏഷാ തേ യമസാദനേ സ്വധാ നിധീയതേ ഗൃഹേ-ഽസൌ ।
ദശാക്ഷരാ താഗ്ം രക്ഷസ്വ താ-ങ്ഗോപായസ്വ താ-ന്തേ പരി ദദാമി തസ്യാ-ന്ത്വാ മാ ദഭ-ന്പിതരോ ദേവതാ ।
പ്രജാപതിസ്ത്വാ സാദയതു തയാ ദേവതയാ ॥
അപൂപവാ-ഞ്ഛൃതവാന്-ക്ഷീരവാന്-ദധിവാ-ന്മധുമാഗ്-ശ്ചരുരേഹ സീദതൂത്തഭ്നുവന്-പൃഥിവീ-ന്ദ്യാമുതോപരി । യോനികൃതഃ പഥികൃതഃ സപര്യത യേ ദേവാനാഗ്ം ശൃതഭാഗാഃ, ക്ഷീരഭാഗാ ദധിഭാഗാ മധുഭാഗാ ഇഹ സ്ഥ । ഏഷാ തേ യമസാദനേ സ്വധാ നിധീയതേ ഗൃഹേ-ഽസൌ । ശതാക്ഷരാ സഹസ്രാക്ഷരാ-ഽയുതാക്ഷരാ-ഽച്യുതാക്ഷരാ താഗ്ം രക്ഷസ്വ താ-ങ്ഗോപായസ്വ താ-ന്തേ പരിദദാമി തസ്യാ-ന്ത്വാ മാ ദഭ-ന്പിതരോ ദേവതാ । പ്രജാപതിസ്ത്വാ സാദയതു തയാ ദേവതയാ ॥ 20 ॥

(അപൂപവാനസൌ ദശ) (അ. 8)
അനുവാകം 9
ഏതാസ്തേ സ്വധാ അമൃതാഃ കരോമി യാസ്തേ ധാനാഃ പരികിരാമ്യത്ര । താസ്തേ യമഃ പിതൃഭിഃ സംവിഁദാനോ-ഽത്ര ധേനൂഃ കാമദുഘാഃ കരോതു ॥
ത്വാമര്ജുനൌഷധീനാ-മ്പയോ ബ്രഹ്മാണ ഇദ്വിദുഃ ।
താസാ-ന്ത്വാ മദ്ധ്യാദാദദേ ചരുഭ്യോ അപിധാതവേ ॥
ദൂര്വാണാഗ് സ്തമ്ബമാഹരൈതാ-മ്പ്രിയതമാ-മ്മമ । ഇമാ-ന്ദിശ-മ്മനുഷ്യാണാ-മ്ഭൂയിഷ്ഠാ-ഽനു വി രോഹതു ॥ കാശാനാഗ് സ്തമ്ബമാഹര രക്ഷസാമപഹത്യൈ ।
യ ഏതസ്യൈ ദിശഃ പരാഭവന്നഘായവോ യഥാ തേ നാഭവാ-ന്പുനഃ ॥ ദര്ഭാണാഗ് സ്തമ്ബമാഹര പിതൃണാമോഷധീ-മ്പ്രിയാമ് । അന്വസ്യൈ മൂല-ഞ്ജീവാദനു കാണ്ഡമഥോ ഫലമ് ॥ 21 ॥

ലോക-മ്പൃണ ഛിദ്ര-മ്പൃണാഥോ സീദ ശിവാ ത്വമ് । ഇന്ദ്രാഗ്നീ ത്വാ ബൃഹസ്പതിരസ്മിന് യോനാവസീഷദന്ന് ॥ താ അസ്യ സൂദദോഹസ-സ്സോമഗ്ഗ് ശ്രീണന്തി പൃശ്നയഃ । ജന്മ-ന്ദേവാനാം-വിഁശസ്ത്രിഷ്വാ രോചനേ ദിവഃ ॥
ശമ് ഁവാത-ശ്ശഗ്ംഹി തേ ഘൃണി-ശ്ശമു തേ സന്ത്വോഷധീഃ । കല്പന്താ-ന്തേ ദിശ-സ്സര്വാഃ ॥ ഇദമേവ മേതോ-ഽപരാമാര്തിമാരാമ കാഞ്ചന ।
തഥാ തദശ്വിഭ്യാ-ങ്കൃത-മ്മിത്രേണ വരുണേന ച ॥
വരണോ വാരയാദിദ-ന്ദേവോ വനസ്പതിഃ ।
ആര്ത്യൈ നിര്-ഋത്യൈ ദ്വേഷാച്ച വനസ്പതിഃ ॥
വിധൃതിരസി വിധാരയാസ്മദഘാ ദ്വേഷാഗ്ംസി ശമി ശമയാസ്മദഘാ ദ്വേഷാഗ്ംസി യവ യവയാസ്മദഘാ ദ്വേഷാഗ്ംസി ॥
പൃഥിവീ-ങ്ഗച്ഛാന്തരിക്ഷ-ങ്ഗച്ഛ ദിവ-ങ്ഗച്ഛ ദിശോ ഗച്ഛ സുവര്ഗച്ഛ സുവര്ഗച്ഛ ദിശോ ഗച്ഛ ദിവ-ങ്ഗച്ഛാന്തരിക്ഷ-ങ്ഗച്ഛ പൃഥിവീ-ങ്ഗച്ഛാപോ വാ ഗച്ഛ യദി തത്ര തേ ഹിതമോഷധീഷു പ്രതിതിഷ്ഠാ ശരീരൈഃ ॥ ലോക-മ്പൃണ ഛിദ്ര-മ്പൃണാഥോ സീദ ശിവാ ത്വമ് । ഇന്ദ്രാഗ്നീ ത്വാ ബൃഹസ്പതിരസ്മിന് യോനാവസീഷദന്ന് ॥ താ അസ്യ സൂദദോഹസ-സ്സോമഗ്ഗ് ശ്രീണന്തി പൃശ്നയഃ । ജന്മ-ന്ദേവാനാം-വിഁശസ്ത്രിഷ്വാ രോചനേ ദിവഃ ॥
അശ്മന്വതീ രേവതീ-സ്സഗ്ം രഭദ്ധ്വ മുത്തിഷ്ഠത പ്രതരതാ സഖായഃ । അത്രാ ജഹാമ യേ അസന്നശേവാ-ശ്ശിവാന് വയമഭി വാജാനുത്തരേമ ॥ യദ്വൈ ദേവസ്യ സവിതുഃ പവിത്രഗ്ം സഹസ്രധാരമ് ഁവിതതമന്തരിക്ഷേ । യേനാപുനാദിന്ദ്രമനാര്ത-മാര്ത്യൈ തേനാഹ-മ്മാഗ്ം സര്വതനു-മ്പുനാമി ॥
ധാതാ യാ രാഷ്ട്രാ-ത്പന്നാദപ യന്തി ശാഖാ അഭിമൃതാ നൃപതിമിച്ഛമാനാഃ । ധാതുസ്താ-സ്സര്വാഃ പവനേന പൂതാഃ പ്രജയാ-ഽസ്മാന്-രയ്യാ വര്ചസാ സഗ്ംസൃജാഥ ॥( ) ॥ 22 ॥

(അഥോ ഫലമ് - ധാതാ പുനാതു) (അ. 9)
അനുവാകം 10
ആരോഹതായു-ര്ജരസ-ങ്ഗൃണാനാ അനുപൂര്വമ് ഁയതമാനാ യതിഷ്ട । ഇഹ ത്വഷ്ടാ സുജനിമാ സുരത്നോ ദീര്ഘമായുഃ കരതു ജീവസേ വഃ ॥
യഥാ-ഽഹാന്യനുപൂര്വ-മ്ഭവന്തി യഥര്തവ ഋതുഭി-ര്യന്തി ക്ലൃപ്താഃ । യഥാ ന പൂര്വമപരോ ജഹാത്യേവാ ധാതരായൂഗ്ംഷി കല്പയൈഷാമ് ॥
ന ഹി തേ അഗ്നേ തനുവൈ ക്രൂര-ഞ്ചകാര മര്ത്യഃ ।
കപി-ര്ബഭസ്തി തേജന-മ്പുനര്ജരായു ഗൌരിവ ।
അപ ന-ശ്ശോശുചദഘമഗ്നേ ശുശുദ്ധ്യാ രയിമ് ।
അപ ന-ശ്ശോശുചദഘ-മ്മൃത്യവേ സ്വാഹാ ॥
അനഡ്വാഹ-മന്വാരഭാമഹേ സ്വസ്തയേ ।
സ ന ഇന്ദ്ര ഇവ ദേവേഭ്യോ വഹ്നിഃ സപാംരണോ ഭവ ॥ 23 ॥

ഇമേ ജീവാ വിമൃതൈരാവവ-ര്തിന്നഭൂ-ദ്ഭദ്രാ ദേവഹൂതി-ന്നോ അദ്യ । പ്രാഞ്ജോ-ഽഗാമാ നൃതയേ ഹസായ ദ്രാഘീയ ആയുഃ പ്രതരാ-ന്ദധാനാഃ ॥
മൃത്യോഃ പദമ് ഁയോപയന്തോ യദൈമ ദ്രാഘീയ ആയുഃ പ്രതരാ-ന്ദധാനാഃ । ആപ്യായമാനാഃ പ്രജയാ ധനേന ശുദ്ധാഃ പൂതാ ഭവഥ യജ്ഞിയാസഃ ॥
ഇമ-ഞ്ജീവേഭ്യഃ പരിധി-ന്ദധാമി മാ നോ നു ഗാദപരോ അര്ധമേതമ് ।
ശത-ഞ്ജീവന്തു ശരദഃ പുരൂചീസ്തിരോ മൃത്യു-ന്ദദ്മഹേ പര്വതേന ॥ ഇമാ നാരീരവിധവാ-സ്സുപത്നീരാഞ്ജനേന സര്പിഷാ സമ്മൃശന്താമ് ।
അനശ്രവോ അനമീവാ-സ്സുശേവാ ആരോഹന്തു ജനയോ യോനിമഗ്രേ ॥ യദാഞ്ജന-ന്ത്രൈകകുദ-ഞ്ജാതഗ്ം ഹിമവതസ്പരി ।
തേനാമൃതസ്യ മൂലേനാരാതീ-ര്ജമ്ഭയാമസി ॥
യഥാ ത്വ-മുദ്ഭിന-ഥ്സ്യോഷധേ പൃഥിവ്യാ അധി ।
ഏവമിമ ഉദ്ഭിന്ദന്തു കീര്ത്യാ യശസാ ബ്രഹ്മവര്ചസേന ॥ അജോ-ഽസ്യജാസ്മദഘാ ദ്വേഷാഗ്ംസി യവോ-ഽസി യവയാസ്മദഘാ ദ്വേഷാഗ്ംസി ॥ 24 ॥

(ഭവ - ജമ്ഭയാമസി ത്രീണി ച) (അ. 10)
അനുവാകം 11
അപ ന-ശ്ശോശുചദഘമഗ്നേ ശുശുദ്ധ്യാ രയിമ് । അപ ന-ശ്ശോശുചദഘമ് ॥ സുക്ഷേത്രിയാ സുഗാതുയാ വസൂയാ ച യജാമഹേ । അപ ന-ശ്ശോശുചദഘമ് ॥
പ്ര യ-ദ്ഭന്ദിഷ്ഠ ഏഷാ-മ്പ്രാസ്മാകാസശ്ച സൂരയഃ । അപ ന-ശ്ശോശുചദഘമ് ॥ പ്രയദഗ്നേ-സ്സഹസ്വതോ വിശ്വതോ യന്തി സൂരയഃ । അപ ന-ശ്ശോശുചദഘമ് ॥
പ്രയത്തേ അഗ്നേ സൂരയോ ജായേമഹി പ്ര തേ വയമ് ।
അപ ന-ശ്ശോശുചദഘമ് ॥ 25 ॥

ത്വഗ്ം ഹി വിശ്വതോമുഖ വിശ്വതഃ പരിഭൂരസി । അപ ന-ശ്ശോശുചദഘമ് ॥ ദ്വിഷോ നോ വിശ്വതോമുഖാതി നാവേവ പാരയ । അപ ന-ശ്ശോശുചദഘമ് ॥ സ ന-സ്സിന്ധുമിവ നാവയാ-ഽതി പര്ഷാ സ്വസ്തയേ । അപ ന-ശ്ശോശുചദഘമ് ॥ ആപഃ പ്രവണാദിവ യതീ-രപാസ്മ-ഥ്സ്യന്ദതാമഘമ് । അപ ന-ശ്ശോശുചദഘമ് ॥ ഉദ്വനാ-ദുദകാനീവാപാസ്മ-ഥ്സ്യന്ദതാമഘമ് ।
അപ ന-ശ്ശോശുചദഘമ് ॥ ആനന്ദായ പ്രമോദായ പുനരാഗാഗ് സ്വാന്ഗൃഹാന് । അപ ന-ശ്ശോശുചദഘമ് ॥ ന വൈ തത്ര പ്രമീയതേ ഗൌരശ്വഃ പുരുഷഃ പശുഃ ।
യത്രേദ-മ്ബ്രഹ്മ ക്രിയതേ പരിധിര്ജീവനായ കമപ ന-ശ്ശോശുചദഘമ് ॥ 26 ॥

(അഘ - മഘ-ഞ്ചത്വാരി ച) (അ. 11)
അനുവാകം 12
അപശ്യാമ യുവതി-മാചരന്തീ-മ്മൃതായ ജീവാ-മ്പരിണീയമാനാമ് । അന്ധേന യാ തമസാ പ്രാവൃതാ-ഽസി പ്രാചീമവാചീ-മവയ-ന്നരിഷ്ട്യൈ ॥
മയൈതാ-മ്മാഗ്സ്താ-മ്ഭ്രിയമാണാ ദേവീ സതീ പിതൃലോകമ് ഁയദൈഷി । വിശ്വവാരാ നഭസാ സംവ്യഁയന്ത്യുഭൌ നോ ലോകൌ പയസാ-ഽഽവൃണീഹി ॥
രയിഷ്ഠാമഗ്നി-മ്മധുമന്തമൂര്മിണമൂര്ജഃ സന്ത-ന്ത്വാ പയസോപ സഗ്ംസദേമ ।
സഗ്ം രയ്യാ സമു വര്ചസാ സചസ്വാ ന-സ്സ്വസ്തയേ ॥
യേ ജീവാ യേ ച മൃതാ യേ ജാതാ യേ ച ജന്ത്യാഃ ।
തേഭ്യോ ഘൃതസ്യ ധാരയിതു-മ്മധുധാരാ വ്യുന്ദതീ ॥
മാതാ രുദ്രാണാ-ന്ദുഹിതാ വസൂനാഗ് സ്വസാ-ഽഽദിത്യാനാമ-മൃതസ്യ നാഭിഃ ।
പ്രണുവോച-ഞ്ചികിതുഷേ ജനായ മാ ഗാമനാഗാമദിതിമ് ഁവധിഷ്ട ॥
പിബതൂദക-ന്തൃണാന്യത്തു । ഓമു-ഥ്സൃജത ॥ 27 ॥
(വധിഷ്ട ദ്വേ ച) (അ. 12)
(പരേയുവാഗ്ംസ-മ്പ്ര വിദ്വാ-ന്ഭുവനസ്യാഭ്യാവ വൃഥ്സ്വാ ജോ ഭാഗോ-ഽയമ് ഁവൈ ചതുശ്ചത്വാരിഗ്ംശത് ।
യ ഏതസ്യ ത്വ-ത്പഞ്ച । പ്രകേതുനേദന്തേ നാകേ സുപര്ണമ് ഁയൌ തേ യേ യുദ്ധ്യന്തേ തപസാ-ഽശ്മന്വതീ രേവതീ-സ്സഗ്ംരഭദ്ധ്വമഷ്ടാവിഗ്ംശതിഃ । യ-ന്തേ യത്ത ഉത്തിഷ്ഠാത ഇദന്ത ഉത്തിഷ്ഠ
പ്രേഹ്യശ്മന്. യദ്വാ ഉദ്വയമയ-മ്പഞ്ചവിഗ്ംശതിഃ । ആയാതു ത്രിഗ്ംശത് । വൈശ്വാനരേ തസ്മി-ന്ദ്രഫ്സ ഇമമപേതാഹോഭി-ര്യുജ്യന്താമഘ്നിയാ അദിതേ പാരമ് ഁവ ആ പ്യായസ്വ സപ്തവിഗ്ംശതിഃ । ഉത്തേ ഗൃഹേ-ഽഖാഷിതിസ്തേഭ്യഃ പൃഥിവ്യാ അന്തരിക്ഷസ്യ ദ്വാത്രിഗ്ംശത് । അപൂപവാനസൌ ദശ ശത ദശ । ഏതാസ്തേ തേ ദിശ-സ്സര്വാ ഇദമശ്മന് വിഗ്ംശതിഃ । ഓരോഹത തനുവൈ ക്രൂര-ഞ്ചകാര പുനര്മൃത്യവേ മാ നോ നു ഗാ-ദ്ദദ്മഹ ഇമാ നാരീഃ പരി ത്രയോവിഗ്ംശതിഃ ।
അപ ന-സ്സുക്ഷേത്രിയാ പ്ര യദ്ഭ-ന്ദിഷ്ഠഃ പ്ര യദഗ്നേഃ പ്ര യത്തേ അഗ്നേ ത്വഗ്ം ഹി ദ്വിഷ-സ്സ ന-സ്സിന്ധുമാപഃ പ്രവണാദു-ദ്വനാദാനന്ദായ ന വൈ തത്ര യത്രേദ-ഞ്ചതുര്വിഗ്ംശതിഃ । അപശ്യാമാവൃണീഹി ദ്വാദശ ദ്വാദശ ।)
(പരേയുവാഗ്ംസ - മായാ - ത്വേതാസ്തേ സപ്തവിഗ്ംശതിഃ )
(പരേയുവാഗ്ംസ - മോമുഥ്സൃജത )
॥ ഹരിഃ ഓമ് ॥
॥ കൃഷ്ണ യജുര്വേദീയ തൈത്തിരീയ ആരണ്യകേ ഷഷ്ഠഃ പ്രപാഠക-സ്സമാപ്തഃ ॥