Brahman (The Supreme Reality)

9 - bhṛguvallī - kṛṣṇa yajurveda taittirīya āraṇyaka pāṭhaḥ - bhṛgurvai vāruṇiḥ

(Bhrigu Valli in English (IAST))

From Taittiriya Aranyaka, Krishna Yajurveda

Language:Sanskrit
Translation:English

Bhrigu Valli is the ninth section of the Taittiriya Aranyaka, forming an essential part of the Upanishadic wisdom within the Krishna Yajurveda. It narrates the profound dialogue between the sage Bhrigu and his father, Varuna, regarding the nature of Brahman. Through rigorous penance and internal inquiry, Bhrigu gradually realizes that matter, life, mind, intellect, and finally bliss constitute the layers of the Divine. Chanting this sacred text is considered the path to Atma-Jnana or self-realization, helping the practitioner transcend material limitations to experience the eternal, blissful consciousness that resides at the core of all existence.

Read In:
DevanagariGujaratiBengaliOdiaTeluguTamilKannadaMalayalamEnglish (IAST)
kṛṣṇa yajurvedīya taittirīya āraṇyake navamaḥ prapāṭhakaḥ - bhṛguvallī
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
bhṛgu vallī
sa॒ha nā̭ vavatu | sa॒ha naṷ bhunaktu | sa॒ha vī॒rya̭-ṅkaravāvahai | te॒ja॒svinā॒ vadhī̭tamastu॒ mā vi̭dviṣā॒vahai᳚ ||
oṃ śānti॒-śśānti॒-śśāntiḥ̭ ||
anuvākaṃ 15
bhṛgu॒rvai vā̭ru॒ṇiḥ | varṷṇa॒-mpita̭ra॒-mupa̭sasāra | adhī̭hi bhagavo॒ brahmeti̭ || tasmā̭ e॒ta-tpro̭vāca | anna̭-mprā॒ṇa-ñcakṣu॒-śśrotra॒-mmano॒ vāca॒miti̭ ||
tagṃ ho̭vāca | yato॒ vā i॒māni॒ bhūtā̭ni॒ jāya̭nte |
yena॒ jātā̭ni॒ jīva̭nti | ya-tpraya̭ntya॒bhi saṃ​vi~̭śanti |
ta-dviji̭jñāsasva | ta-dbrahmeti̭ ||
sa tapo̭-'tapyata | sa tapa̭-sta॒ptvā || 35 ||
anna॒-mbrahmeti॒ vya̭jānāt | a॒nnāddhyḙva khalvi॒māni॒ bhūtā̭ni॒ jāya̭nte | annḙna॒ jātā̭ni॒ jīva̭nti | anna॒-mpraya̭ntya॒bhi-saṃ​vi~̭śa॒ntīti̭ || ta-dvi॒jñāya̭ | puna̭re॒va varṷṇa॒-mpita̭ra॒-mupa̭sasāra | adhī̭hi bhagavo॒ brahmeti̭ | tagṃ ho̭vāca | tapa̭sā॒ brahma॒ viji̭jñāsasva |
tapo॒ brahmeti̭ | sa tapo̭-'tapyata | sa tapa̭-sta॒ptvā || 36 ||
prā॒ṇo bra॒hmeti॒ vya̭jānāt | prā॒ṇāddhyḙva khalvi॒māni॒ bhūtā̭ni॒ jāya̭nte | prā॒ṇena॒ jātā̭ni॒ jīva̭nti |
prā॒ṇa-mpraya̭ntya॒bhi-saṃ​vi~̭śa॒ntīti̭ || ta-dvi॒jñāya̭ |
puna̭re॒va varṷṇa॒-mpita̭ra॒-mupa̭sasāra | adhī̭hi bhagavo॒ brahmeti̭ | tagṃ ho̭vāca | tapa̭sā॒ brahma॒ viji̭jñāsasva | tapo॒ brahmeti̭ | sa tapo̭-'tapyata | sa tapa̭-sta॒ptvā || 37 ||
mano॒ brahmeti॒ vya̭jānāt | mana̭so॒ hyḙva khalvi॒māni॒ bhūtā̭ni॒ jāya̭nte | mana̭sā॒ jātā̭ni॒ jīva̭nti | manaḥ॒ praya̭ntya॒bhi-saṃ​vi~̭śa॒ntīti̭ || ta-dvi॒jñāya̭ | puna̭re॒va varṷṇa॒-mpita̭ra॒-mupa̭sasāra | adhī̭hi bhagavo॒ brahmeti̭ | tagṃ ho̭vāca | tapa̭sā॒ brahma॒ viji̭jñāsasva |
tapo॒ brahmeti̭ | sa tapo̭-'tapyata | sa tapa̭-sta॒ptvā || 38 ||
vi॒jñāna॒-mbrahmeti॒ vya̭jānāt |
vi॒jñānā॒-ddhyḙva khalvi॒māni॒ bhūtā̭ni॒ jāya̭nte |
vi॒jñānḙna॒ jātā̭ni॒ jīva̭nti | vi॒jñāna॒-mpraya̭ntya॒bhi-saṃ​vi~̭śa॒ntīti̭ ||
ta-dvi॒jñāya̭ | puna̭re॒va varṷṇa॒-mpita̭ra॒-mupa̭sasāra | adhī̭hi bhagavo॒ brahmeti̭ | tagṃ ho̭vāca | tapa̭sā॒ brahma॒ viji̭jñāsasva | tapo॒ brahmeti̭ | sa tapo̭-'tapyata | sa tapa̭-sta॒ptvā || 39 ||
ā॒na॒ndo bra॒hmeti॒ vya̭jānāt | ā॒nandā॒-ddhyḙva-khalvi॒māni॒ bhūtā̭ni॒ jāya̭nte |
ā॒na॒ndena॒ jātā̭ni॒ jīva̭nti | ā॒na॒nda-mpraya̭ntya॒bhi-saṃ​vi~̭śa॒ntīti̭ || saiṣā bhā᳚rga॒vī vā̭ru॒ṇī vi॒dyā | pa॒ra॒me vyo̭ma॒-nprati̭ṣṭhitā || ya e॒vaṃ-ve~da॒ prati̭tiṣṭhati | anna̭vānannā॒do bha̭vati |
ma॒hā-nbha̭vati pra॒jayā̭ pa॒śubhi̭-rbrahmavarca॒sena̭ |
ma॒hān kī॒rtyā || 40 ||
anna॒-nna ni̭ndyāt | ta-dvra॒tam || prā॒ṇo vā anna᳚m | śarī̭ramannā॒dam | prā॒ṇe śarī̭ra॒-mprati̭ṣṭhitam | śarī̭re prā॒ṇaḥ prati̭ṣṭhitaḥ |
tade॒ta-danna॒-manne॒ prati̭ṣṭhitam ||
sa ya e॒ta-danna॒-manne॒ prati̭ṣṭhitaṃ॒-ve~da॒ prati̭tiṣṭhati | anna̭vā-nannā॒do bha̭vati |
ma॒hā-nbha̭vati pra॒jayā̭ pa॒śubhi̭-rbrahmavarca॒sena̭ |
ma॒hān kī॒rtyā || 41 ||
anna॒-nna pari̭cakṣīta | ta-dvra॒tam | āpo॒ vā anna᳚m | jyoti̭rannā॒dam | a॒phsu jyotiḥ॒ prati̭ṣṭhitam | jyoti॒ṣyāpaḥ॒ prati̭ṣṭhitāḥ |
tade॒ta-danna॒-manne॒ prati̭ṣṭhitam ||
sa ya e॒ta-danna॒-manne॒ prati̭ṣṭhitaṃ॒-ve~da॒ prati̭tiṣṭhati | anna̭vā-nannā॒do bha̭vati | ma॒hā-nbha̭vati pra॒jayā̭ pa॒śubhi̭-rbrahmavarca॒sena̭ |
ma॒hān kīrtyā || 42 ||
anna̭-mba॒hu kṷrvīta | ta-dvra॒tam || pṛ॒thi॒vī vā anna᳚m | ā॒kā॒śo᳚-'nnā॒daḥ | pṛ॒thi॒vyā-mā̭kā॒śaḥ prati̭ṣṭhitaḥ | ā॒kā॒śe pṛ̭thi॒vī prati̭ṣṭhitā |
tade॒ta-danna॒-manne॒ prati̭ṣṭhitam ||
sa ya e॒ta-danna॒-manne॒ prati̭ṣṭhitaṃ॒-ve~da॒ prati̭tiṣṭhati | anna̭vānannā॒do bha̭vati | ma॒hā-nbha̭vati pra॒jayā̭ pa॒śubhi̭-rbrahmavarca॒sena̭ |
ma॒hān kī॒rtyā || 43 ||
na kañcana vasatau pratyā̭cakṣī॒ta | ta-dvra॒tam ||
tasmādyayā kayā ca vidhayā bahva̭nna-mprā॒pnuyāt ||
arāddhyasmā annami̭tyāca॒kṣate || etadvai mukhato᳚-'nnagṃ rā॒ddham |
mukhato-'smā a̭nnagṃ rā॒ddhyate | etadvai maddhyato᳚-'nnagṃ rā॒ddham |
maddhyato-'smā a̭nnagṃ rā॒ddhyate |
edadvā antato᳚-'nnagṃ rā॒ddham |
antato-'smā a̭nnagṃ rā॒ddhyate | || 44-' ||
ya ḙvaṃ-ve~॒da || kṣema i̭ti vā॒ci | yogakṣema
iti prā̭ṇāpā॒nayoḥ | karmḙti ha॒stayoḥ | gati-ri̭ti pā॒dayoḥ | vimukti-ri̭ti pā॒yau | iti mānuṣī᳚-ssamā॒jñāḥ || atha dai॒vīḥ | tṛpti-ri̭ti vṛ॒ṣṭau | bala-mi̭ti vi॒dyuti | || 44.b || yaśa i̭ti pa॒śuṣu | jyotiriti na̭kṣatre॒ṣu | prajāti-ramṛta-mānanda i̭tyupa॒sthe | sarva mi̭tyākā॒śe || ta-tpratiṣṭhe-tyṷpāsī॒ta | pratiṣṭhā̭vā-nbha॒vati | tanmaha ityṷpāsī॒ta | ma̭hā-nbha॒vati | tanmana ityṷpāsī॒ta | māna̭vā-nbha॒vati | || 44.c || tannama ityṷpāsī॒ta | namyante᳚-'smai kā॒māḥ | tadbrahme-tyṷpāsī॒ta | brahma̭vā-nbha॒vati | ta-dbrahmaṇaḥ parimara ityṷpāsī॒ta | paryeṇa-mmriyante dviṣantaḥ̭ sapa॒tnāḥ | pari ye᳚-'priyā᳚ bhrātṛ॒vyāḥ || sa yaścā̭ya-mpu॒ruṣe | yaścāsā̭-vādi॒tye | sa ekaḥ̭ | || 44.d || sa ya̭ evaṃ॒-vi~t | asmāl-lo̭kā-tpre॒tya | etamannamaya-mātmāna-mupa̭saṅkra॒mya | eta-mprāṇamaya-mātmāna-mupa̭saṅkra॒mya | eta-mmanomaya-mātmāna-mupa̭saṅkra॒mya | etaṃ-vi~jñānamaya-mātmāna-mupa̭saṅkra॒mya | eta mānandamaya mātmāna mupa̭saṅkra॒mya | imān ~lokān kāmānnī kāma-rūpya̭nusa॒ñcarann | eta-thsāma gā̭yannā॒ste || hā(3) vu॒ hā(3) vu॒ hā(3) vṷ | || 44è || a॒ha-manna-ma॒ha-manna-ma॒hamannam | a॒hamannā॒do(2)-'hamannā॒do(2) 'hamannā॒daḥ | a॒hagg​ śloka॒kṛ-da॒hagg​ śloka॒kṛ-da॒hagg​ śloka॒kṛt | a॒hamasmi prathamajā ṛtā(3) sya॒ | pūrva-ndevebhyo amṛtasya nā(3) bhā॒ i॒ | yo mā dadāti sa ideva mā(3)vāḥ॒ | a॒ha-manna॒-manna̭-ma॒danta॒-mā(3) dmi॒ | a॒haṃ-vi~śva॒-mbhuva̭na॒-mabhya̭bha॒vām | suva॒rna jyotīḥ᳚ || ya e॒vaṃ-ve~da̭ || ityṷpa॒niṣa̭t || 44.f || sa॒ha nā̭ vavatu | sa॒ha naṷ bhunaktu | sa॒ha vī॒rya̭-ṅkaravāvahai | te॒ja॒svinā॒ vadhī̭tamastu॒ mā vi̭dviṣā॒vahai᳚ || oṃ śānti॒-śśānti॒-śśāntiḥ̭ || (bhṛgu॒strayo̭da॒śā - nna̭m - prā॒ṇo - mano̭ - vi॒jñāna॒-ndvāda̭śa dvādaśā - na॒ndo daśā - nna॒-nna ni̭ndyā॒ - danna॒-nna pari̭cakṣī॒tā -nna̭-mba॒hukṷrvi॒ taikā̭daśaikādaśa॒ - na kañca naika̭ṣaṣṭi॒rdaśa̭ ) (a. 15) || iti bhṛguvallī samāptā || (śa-nnaḥ॒ - śīkṣāgṃ - sa॒ha nau॒ - ya ̭007ā;chanda̭sā॒m - bhūḥ - sa yaḥ - pṛ̭thi॒ - vyomi - tyṛta-ñcā॒ - ham - ~vedamanucya - śa-nnaḥ̭ - sa॒ha nā̭vavatu - brahma॒vi-d- bhṛguḥ॒ pañca̭daśa) (śa-nno॒ - maha॒ ityā̭di॒tyo - no i̭tarā॒ṇya - sa̭nne॒vā - nna॒-nna ni̭ndyā॒ccatṷścatvārigṃśat ) (śanna॒ - ityṷpa॒niṣa̭t ) || hariḥ̭ om || || kṛṣṇa yajurvedīya taittirīya āraṇyake navamaḥ prapāṭhaka-ssamāptaḥ ||

More Brahman (The Supreme Reality) Stotras

कनकधारा स्तोत्रम्
Kanakadhara Stotram
भगवती स्तोत्रम्
Bhagavati Stotram
बुध कवचम्
Budha Kavacham
मन्यु सूक्तम्
Manyu Suktam
मूक पञ्च शति 1 - आर्य शतकम्
Mooka Panchashati - Arya Shatakam
नारायण सूक्तम्
Narayana Suktam
शनि अष्टोत्तर शत नाम स्तोत्रम्
Shani Ashtottara Shatanama Stotram
आद्य कालिका अष्टोत्तर शत नामावलिः
Adya Kalika Ashtottara Shatanavali

Explore More

WealthObstaclesHealthProtectionWisdomHome