2.4 - উপহোমাঃ - কৃষ্ণ যজুর্বেদ তৈত্তিরীয ব্রাহ্মণ পাঠঃ - জুষ্টো দমূনা

কৃষ্ণ যজুর্বেদীয তৈত্তিরীয ব্রাহ্মণে দ্বিতীযাষ্টকে চতুর্থঃ প্রপাঠকঃ - উপহোমাঃ
ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হরিঃ ওম্ ॥
অনুবাকং 1 - উপহোমাঃ

জুষ্টো দমূনা অতিথির্দুরোণে । ইম-ন্নো যজ্ঞমুপ যাহি বিদ্বান্ । বিশ্বা অগ্নে-ঽভি যুজো বিহত্য । শত্রূযতামাভরা ভোজনানি ॥ অগ্নে শর্ধ মহতে সৌভগায । তব দ্যুম্নান্যুত্তমানি সন্তু । স-ঞ্জাস্পত্যগ্ং সুযমমা কৃণুষ্ব । শত্রূযতামভিতিষ্ঠা মহাগ্ংসি ॥ অগ্নে যো নো-ঽভিতো জনঃ । বৃকো বারো জিঘাগ্ংসতি ॥ 1 ॥
তাগ্স্ত্বং-বৃঁত্রহঞ্জহি । বস্বস্মভ্য-মাভর ॥ অগ্নে যো নো-ঽভিদাসতি । সমানো যশ্চ নিষ্ট্যঃ । ইদ্ধ্মস্যেব প্রক্ষাযতঃ । মা তস্যোচ্ছেষি কিঞ্চন ॥ ত্বমিন্দ্রাভিভূরসি । দেবো বিজ্ঞাতবীর্যঃ । বৃত্রহা পুরুচেতনঃ ॥ অপ প্রাচ ইন্দ্র বিশ্বাগ্ং অমিত্রান্ ॥ 2 ॥
অপাপাচো অভিভূতে নুদস্ব । অপোদীচো অপ শূরাধরাচ ঊরৌ । যথা তব শর্মন্মদেম ॥ তমিন্দ্রং-বাঁজযামসি । মহে বৃত্রায হন্তবে । স বৃষা বৃষভো ভুবত্ ॥ যুজে রথ-ঙ্গবেষণগ্ং হরিভ্যাম্ । উপ ব্রহ্মাণি জুজুষাণ-মস্থুঃ । বিবাধিষ্টাস্য রোদসী মহিত্বা । ইন্দ্রো বৃত্রাণ্যপ্রতী জঘন্বান্ ॥ 3 ॥
হব্যবাহ-মভিমাতিষা-ঽহম্ । রক্ষোহণ-ম্পৃতনাসু জিষ্ণুম্ । জ্যোতিষ্মন্ত-ন্দীদ্যত-ম্পুরন্ধিম্ । অগ্নিগ্গ্ স্বিষ্টকৃতমা হুবেম ॥ স্বিষ্টমগ্নে অভি ত-ত্পৃণাহি । বিশ্বা দেব পৃতনা অভিষ্য । উরু-ন্নঃ পন্থা-ম্প্রদিশন্বি ভাহি । জ্যোতিষ্মদ্ধেহ্যজর-ন্ন আযুঃ ॥ ত্বামগ্নে হবিষ্মন্তঃ । দেব-ম্মর্তাস ঈডতে ॥ 4 ॥
মন্যে ত্বা জাতবেদসম্ । স হব্যা বক্ষ্যা-ঽনুষক্ ॥ বিশ্বানি নো দুর্গহা জাতবেদঃ । সিন্ধু-ন্ন নাবা দুরিতা-ঽতিপর্ষি । অগ্নে অত্রিব-ন্মনসা গৃণানঃ । অস্মাক-ম্বোদ্ধ্যবিতা তনূনাম্ ॥ পূষা গা অন্বেতু নঃ । পূষা রক্ষত্বর্বতঃ । পূষা বাজগ্ং সনোতু নঃ ॥ পূষেমা আশা অনুবেদ সর্বাঃ ॥ 5 ॥
সো অস্মাগ্ং অভযতমেন নেষত্ । স্বস্তিদা অঘৃণি-স্সর্ববীরঃ । অপ্রযুচ্ছ-ন্পুর এতু প্রজানন্ন্ ॥ ত্বমগ্নে সপ্রথা অসি । জুষ্টো হোতা বরেণ্যঃ । ত্বযা যজ্ঞং-বিঁতন্বতে ॥ অগ্নী রক্ষাগ্ংসি সেধতি । শুক্রশোচিরমর্ত্যঃ । শুচিঃ পাবক ঈড্যঃ ॥ অগ্নে রক্ষাণো অগ্ংহসঃ ॥ 6 ॥
প্রতিষ্ম দেব রীষতঃ । তপিষ্ঠৈরজরো দহ ॥ অগ্নে হগ্ংসি ন্যত্রিণম্ । দীদ্য-ন্মর্ত্যেষ্বা । স্বে ক্ষযে শুচিব্রত ॥ আ বাত বাহি ভেষজম্ । বি বাত বাহি যদ্রপঃ । ত্বগ্ংহি বিশ্ব ভেষজঃ । দেবানা-ন্দূত ঈযসে ॥ দ্বাবিমৌ বাতা বাতঃ ॥ 7 ॥
আ সিন্ধোরা পরাবতঃ । দক্ষ-ম্মে অন্য আবাতু । পরা-ঽন্যো বাতু যদ্রপঃ ॥ যদদো বাত তে গৃহে । অমৃতস্য নিধির্হিতঃ । ততো নো দেহি জীবসে । ততো নো ধেহি ভেষজম্ । ততো নো মহ আবহ ॥ বাত আবাতু ভেষজম্ । শম্ভূ-র্মযো ভূর্নো হৃদে ॥ 8 ॥
প্রণ আযূগ্ংষি তারিষত্ ॥ ত্বমগ্নে অযা-ঽসি । অযা সন্মনসা হিতঃ । অযা সনঃঅব্যমূহিষে । অযা নো ধেহি ভেষজম্ ॥ ইষ্টো অগ্নিরাহুতঃ । স্বাহাকৃতঃ পিপর্তু নঃ । স্বগা দেবেভ্য ইদ-ন্নমঃ ॥ কামো ভূতস্য ভব্যস্য । সম্রাডেকো বিরাজতি ॥ 9 ॥
স ইদ-ম্প্রতি পপ্রথে । ঋতূনু-থ্সৃজতে বশী ॥ কামস্তদগ্রে সমবর্ততাধি । মনসো রেতঃ প্রথমং-যঁদাসীত্ । সতো বন্ধুমসতি নিরবিন্দন্ন্ । হৃদি প্রতীষ্যা কবযো মনীষা ॥ ত্বযা মন্যো সরথ-মারুজন্তঃ । হর্ষমাণাসো ধৃষতা মরুত্বঃ । তিগ্মেষব আযুধা সগ্ংশিশানাঃ । উপপ্রযন্তি নরো অগ্নিরূপাঃ ॥ 10 ॥
মন্যুর্ভগো মন্যুরেবাস দেবঃ । মন্যুর্-হোতা বরুণো বিশ্ববেদাঃ । মন্যুং-বিঁশ ঈডতে দেবযন্তীঃ । পাহি নো মন্যো তপসা শ্রমেণ ॥ ত্বমগ্নে ব্রতভৃচ্ছুচিঃ । দেবাগ্ং আসাদযা ইহ । অগ্নে হব্যায বোঢবে ॥ ব্রতা নু বিভ্রদ্ব্রতপা অদাভ্যঃ । যজা নো দেবাগ্ং অজরঃ সুবীরঃ । দধ-দ্রত্নানি সুবিদানো অগ্নে । গোপায নো জীবসে জাতবেদঃ ॥ 11 ॥

(জিঘাগ্ংস - ত্যমিত্রা - ঞ্জঘন্বা - নীডতে - সর্বা - অগ্ংহসো - বাতো - হৃদে - রাজ - ত্যগ্নিরূপাঃ - সুবিদানো অগ্ন এক-ঞ্চ ) (অ. 1)
অনুবাকং 2 - উপহোমাঃ

চক্ষুষো হেতে মনসো হেতে । বাচো হেতে ব্রহ্মণো হেতে । যো মা-ঽঘাযু-রভিদাসতি । তমগ্নে মেন্যা-ঽমেনি-ঙ্কৃণু ॥ যো মা চক্ষুষা যো মনসা । যো বাচা ব্রহ্মণা ঽঘাযু-রভিদাসতি । তযা-ঽগ্নে ত্ব-ম্মেন্যা । অমুমমেনি-ঙ্কৃণু ॥ য-ত্কিঞ্চাসৌ মনসা যচ্চ বাচা । যজ্ঞৈ-র্জুহোতি যজুষা হবির্ভিঃ ॥ 12 ॥
ত-ন্মৃত্যু-র্নির্-ঋত্যা সংবিঁদানঃ । পুরা-ঽঽদিষ্টাদাহুতীরস্য হন্তু ॥ যাতুধানা নির্-ঋতিরাদু রক্ষঃ । তে অস্যঘ্ন-ন্ত্বনৃতেন সত্যম্ । ইন্দ্রেষিতা আজ্যমস্য মথ্নন্তু । মাত-থ্সমৃদ্ধি যদসৌ করোতি ॥ হন্মি তে-ঽহ-ঙ্কৃতগ্ং হবিঃ । যো মে ঘোরমচী কৃতঃ । অপাঞ্চৌ ত উভৌ বাহূ । অপনহ্যাম্যাস্যম্ ॥ 13 ॥
অপনহ্যামি তে বাহূ । অপনহ্যাম্যাস্যম্ । অগ্নে-র্দেবস্য ব্রহ্মণা । সর্ব-ন্তে-ঽবধিষ-ঙ্কৃতম্ ॥ পুরা ঽমুষ্য বষট্কারাত্ । যজ্ঞ-ন্দেবেষু নস্কৃধি । স্বিষ্টমস্মাক-ম্ভূযাত্ । মা-ঽস্মা-ন্প্রাপ-ন্নরাতযঃ ॥ অন্তি দূরে সতো অগ্নে । ভ্রাতৃব্যস্যা ঽভিদাসতঃ ॥ 14 ॥
বষট্কারেণ বজ্রেণ । কৃত্যাগ্ং হন্মি কৃতামহম্ ॥ যো মা নক্ত-ন্দিবা সাযম্ । প্রাতশ্চাহ্নো নিপীযতি । অদ্যা তমিন্দ্র বজ্রেণ । ভ্রাতৃব্য-ম্পাদযামসি ॥ ইন্দ্রস্য গৃহো-ঽসি ত-ন্ত্বা । প্রপদ্যে সগু-স্সাশ্বঃ । সহ যন্মে অস্তি তেন ॥ ঈডে অগ্নিং-বিঁপশ্চিতম্ ॥ 15 ॥
গিরা যজ্ঞস্য সাধনম্ । শ্রুষ্টীবান-ন্ধিতাবানম্ ॥ অগ্নে শকেম তে বযম্ । যম-ন্দেবস্য বাজিনঃ । অতি দ্বেষাগ্ংসি তরেম ॥ অবত-ম্মা সমনসৌ সমোকসৌ । সচেতসৌ সরেতসৌ । উভৌ মামবত-ঞ্জাতবেদসৌ । শিবৌ ভবতমদ্য নঃ ॥ স্বয-ঙ্কৃণ্বান-স্সুগমপ্রযাবম্ ॥ 16 ॥
তিগ্মশৃঙ্গো বৃষভ-শ্শোশুচানঃ । প্রত্নগ্ং সধস্থ-মনুপশ্যমানঃ । আ তন্তুমগ্নি-র্দিব্য-ন্ততান ॥ ত্ব-ন্নস্তন্তুরুত সেতুরগ্নে । ত্ব-ম্পন্থা ভবসি দেবযানঃ । ত্বযা ঽগ্নে পৃষ্ঠং-বঁযমারুহেম । অথা দেবৈ-স্সধমাদ-ম্মদেম ॥ উদুত্তম-ম্মুমুগ্ধি নঃ । বি পাশ-ম্মদ্ধ্যম-ঞ্চৃত । অবাধমানি জীবসে ॥ 17 ॥
বযগ্ং সোম ব্রতে তব । মনস্তনূষু বিভ্রতঃ । প্রজা বন্তো অশীমহি ॥ ইন্দ্রাণী দেবী সুভগা সুপত্নী । উদগ্ংশেন পতিবিদ্যে জিগায । ত্রিগ্ংশদস্যা জঘনং-যোঁজনানি । উপস্থ ইন্দ্রগ্গ্ স্থবির-ম্বিভর্তি ॥ সেনা হ নাম পৃথিবী ধনঞ্জযা । বিশ্বব্যচা অদিতি-স্সূর্যত্বক্ । ইন্দ্রাণী দেবী প্রাসহা দদানা ॥ 18 ॥
সা নো দেবী সুহবা শর্ম যচ্ছতু ॥ আ ত্বা ঽহার্ষমন্তরভূঃ । ধ্রুবস্তিষ্ঠাবিচাচলিঃ । বিশস্ত্বা সর্বা বাঞ্ছন্তু । মা ত্ব-দ্রাষ্ট্র-মধিভ্রশত্ ॥ ধ্রুবা দ্যৌ-র্ধ্রুবা পৃথিবী । ধ্রুবং-বিঁশ্বমিদ-ঞ্জগত্ । ধ্রুবা হ পর্বতা ইমে । ধ্রুবো রাজা বিশামযম্ ॥ ইহৈবৈধি মা ব্যথিষ্ঠাঃ ॥ 19 ॥
পর্বত ইবা বিচাচলিঃ । ইন্দ্র ইবেহ ধ্রুবস্তিষ্ঠ । ইহ রাষ্ট্র-মুধারয ॥ অভিতিষ্ঠ পৃতন্যতঃ । অধরে সন্তু শত্রবঃ । ইন্দ্র ইব বৃত্রহাতিষ্ঠ । অপঃ, ক্ষেত্রাণি সজংযঁন্ন্ ॥ ইন্দ্র এণমদীধরত্ । ধ্রুব-ন্ধ্রুবেণ হবিষা । তস্মৈ দেবা অধিব্রবন্ন্ । অয-ঞ্চ ব্রহ্মণস্পতিঃ ॥ 20 ॥

(হবির্ভি - রাস্য - মভি দাসতো - বিপশ্চিত - মপ্রযাবং - জীবসে - দদানা - ব্যথিষ্ঠা - ব্রবন্নেক-ঞ্চ) (অ. 2)
অনুবাকং 3 - উপহোমাঃ

জুষ্টী নরো ব্রহ্মণা বঃ পিতৃণাম্ । অক্ষমব্যয-ন্ন কিলা রিষাথ । যচ্ছক্বরীষু বৃহতা রবেণ । ইন্দ্রে শুষ্মমদধাথা বসিষ্ঠাঃ ॥ পাবকা ন-স্সরস্বতী । বাজেভি-র্বাজিনীবতী । যজ্ঞং-বঁষ্টু ধিযা বসুঃ ॥ সরস্বত্যভি নো নেষি বস্যঃ । মা পস্ফরীঃ পযসা মা ন আ ধক্ । জুষস্ব ন-স্সখ্যা বেশ্যা চ ॥ 21 ॥
মা ত্বত্ক্ষেত্রা-ণ্যরণানি গন্ম ॥ বৃঞ্জে হবির্নমসা বর্হিরগ্নৌ । অযামি স্রুগ্ ঘৃতবতী সুবৃক্তিঃ । অম্যক্ষি সদ্ম সদনে পৃথিব্যাঃ । অশ্রাযি যজ্ঞ-স্সূর্যে ন চক্ষুঃ ॥ ইহার্বাঞ্চমতিহ্বযে । ইন্দ্র-ঞ্জৈত্রায জেতবে । অস্মাকমস্তু কেবলঃ ॥ অর্বাঞ্চমিন্দ্রমমুতো হবামহে । যো গোজি-দ্ধনজি-দশ্বজিদ্যঃ ॥ 22 ॥
ইম-ন্নো যজ্ঞং-বিঁহবে জুষস্ব । অস্য কুর্মো হরিবো মেদিন-ন্ত্বা ॥ অসমৃংষ্টো জাযসে মাতৃবো-শ্শুচিঃ । মন্দ্রঃ কবিরুদতিষ্ঠো বিবস্বতঃ । ঘৃতেন ত্বা ঽবর্ধযন্নগ্ন আহুত । ধূমস্তে কেতুরভব-দ্দিবি শ্রিতঃ ॥ অগ্নিরগ্রে প্রথমো দেবতানাম্ । সংযাঁতানা-মুত্তমো বিষ্ণুরাসীত্ । যজমানায পরিগৃহ্য দেবান্ । দীক্ষযেদগ্ং হবিরাগচ্ছত-ন্নঃ ॥ 23 ॥
অগ্নিশ্চ বিষ্ণো তপ উত্তম-ম্মহঃ । দীক্ষাপালেভ্যো বনতগ্ং হি শক্রা । বিশ্বৈ-র্দেবৈ-র্যজ্ঞিযৈ-স্সংবিঁদানৌ । দীক্ষামস্মৈ যজমানায ধত্তম্ ॥ প্রত-দ্বিষ্ণুঃ স্তবতে বীর্যায । মৃগো ন ভীমঃ কুচরো গিরিষ্ঠাঃ । যস্যোরুষু ত্রিষু বিক্রমণেষু । অধিক্ষিযন্তি ভুবনানি বিশ্বা ॥ নূ মর্তো দযতে সনিষ্যন্. যঃ । বিষ্ণব উরুগাযায দাশত্ ॥ 24 ॥
প্র য-স্সত্রাচা মনসা যজা তৈ । এতাবন্ত-ন্নর্যমাবিবাসাত্ ॥ বিচক্রমে পৃথিবীমেষ এতাম্ । ক্ষেত্রায বিষ্ণু-র্মনুষে দশস্যন্ন্ । ধ্রুবাসো অস্য কীরযো জনাসঃ । উরুক্ষিতিগ্ং সুজনিমা চকার ॥ ত্রির্দেবঃ পৃথিবীমেষ এতাম্ । বিচক্রমে শতর্চস-ম্মহিত্বা । প্র বিষ্ণু-রস্তু তবসস্ত বীযান্ । ত্বেষগ্গ্ হ্যস্য স্থবিরস্য নাম ॥ 25 ॥
হোতার-ঞ্চিত্ররথ-মদ্ধ্বরস্য । যজ্ঞস্য যজ্ঞস্য কেতুগ্ং রুশন্তম্ । প্রত্যর্ধি-ন্দেবস্য দেবস্য মহ্না । শ্রিযা ত্ব-ঽগ্নিমতিথি-ঞ্জনানাম্ ॥ আ নো বিশ্বাভিরূতিভিঃ সজোষাঃ । ব্রহ্ম জুষাণো হর্যশ্ব যাহি । বরীবৃজ-থ্স্থবিরেভি-স্সুশিপ্র । অস্মে দধ-দ্বৃষণগ্ং শুষ্মমিন্দ্র ॥ ইন্দ্রঃ সুবর্ষা জনযন্নহানি । জিগাযোশিগ্ভিঃ পৃতনা অভিশ্রীঃ ॥ 26 ॥
প্রারোচযন্মনবে কেতুমহ্নাম্ । অবিন্দজ্জ্যোতি-র্বৃহতে রণায ॥ অশ্বিনাববসে নিহ্বযে বাম্ । আ নূনং-যাঁতগ্ং সুকৃতায বিপ্রা । প্রাতর্যুক্তেন সুবৃতা রথেন । উপাগচ্ছতমবসা ঽঽগত-ন্নঃ ॥ অবিষ্ট-ন্ধীষ্বশ্বিনা ন আসু । প্রজাব-দ্রেতো অহ্রয-ন্নো অস্তু । আবা-ন্তোকে তনযে তূতুজানাঃ । সুরত্নাসো দেববীতি-ঙ্গমেম ॥ 27 ॥
ত্বগ্ং সোম ক্রতুভি-স্সুক্রতুর্ভূঃ । ত্ব-ন্দক্ষৈ-স্সুদক্ষো বিশ্ববেদাঃ । ত্বং-বৃঁষা বৃষত্বেভি-র্মহিত্বা । দ্যুম্নেভি-র্দ্যুম্ন্যভবো নৃচক্ষাঃ ॥ অষাঢং-যুঁথ্সু পৃতনাসু পপ্রিম্ । সুবর.ষামফ্স্বাং-বৃঁজনস্য গোপাম্ । ভরেষুজাগ্ং সুক্ষিতিগ্ং সুশ্রবসম্ । জযন্ত-ন্ত্বামনু মদেম সোম ॥ ভবা মিত্রো ন শেব্যো ঘৃতাসুতিঃ । বিভূতদ্যুম্ন এবযা উ সপ্রথাঃ ॥ 28 ॥
অধা তে বিষ্ণো বিদুষাচিদৃধ্যঃ । স্তোমো যজ্ঞস্য রাদ্ধ্যো হবিষ্মতঃ ॥ যঃ পূর্ব্যায বেধসে নবীযসে । সুমজ্জানযে বিষ্ণবে দদাশতি । যো জাতমস্য মহতো মহি ব্রবাত্ । সেদু-শ্শ্রবোভি-র্যুজ্য-ঞ্চিদভ্যসত্ ॥ তমু স্তোতারঃ পূর্ব্যং-যঁথা বিদ ঋতস্য । গর্ভগ্ং হবিষা পিপর্তন । আ-ঽস্য জানন্তো নাম চিদ্বিবক্তন । বৃহত্তে বিষ্ণো সুমতি-ম্ভজামহে ॥ 29 ॥
ইমা ধানা ঘৃতস্নুবঃ । হরী ইহোপবক্ষতঃ । ইন্দ্রগ্ং সুখতমে রথে ॥ এষ ব্রহ্মা য ঋত্বিযঃ । ইন্দ্রো নাম শ্রুতো গণে ॥, প্র তে মহে । বিদথে শগ্ংসিষগ্ং হরী । য ঋত্বিযঃ প্র তে বন্বে । বনুষো হর্যত-ম্মদম্ । ইন্দ্রো নাম ঘৃত-ন্ন যঃ । হরিভিশ্চারু সেচতে । শ্রুতো গণ আ ত্বা বিশন্তু ॥ 30 ॥
হরিবর্পস-ঙ্গিরঃ ॥ আচর্ষণিপ্রা বৃষভো জনানাম্ । রাজা কৃষ্টীনা-ম্পুরুহূত ইন্দ্রঃ । স্তুত-শ্শ্রবস্যন্নবসোপমদ্রিক্ । যুক্ত্বা হরী বৃষণা ঽঽযাহ্যর্বাম্ ॥ প্র য-থ্সিন্ধবঃ প্রসবং-যঁদাযন্ন্ । আপঃ সমুদ্রগ্ং রত্থ্যেব জগ্মুঃ । অতশ্চিদিন্দ্র-স্সদসো বরীযান্ । যদীগ্ং সোমঃ পৃণতি দুগ্ধো অগ্ংশুঃ ॥ হ্বযামসি ত্বেন্দ্র যাহ্যর্বাম্ ॥ 31 ॥
অর-ন্তে সোমস্তনুবে ভবাতি । শতক্রতো মাদযস্বা সুতেষু । প্রাস্মাগ্ং অব পৃতনাসু প্র যুথ্সু ॥ ইন্দ্রায সোমাঃ প্রদিবো বিদানাঃ । ঋভু-র্যেভি-র্বৃষপর্বা-বিহাযাঃ । প্রযম্যমাণা-ন্প্রতি ষূগৃভায । ইন্দ্র পিব বৃষধূতস্য বৃষ্ণঃ ॥ অহেডমান উপযাহি যজ্ঞম্ । তুভ্য-ম্পবন্ত ইন্দব-স্সুতাসঃ । গাবো ন বজ্রিন্-থ্স্বমোকো অচ্ছ ॥ 32 ॥
ইন্দ্রাগহি প্রথমো যজ্ঞিযানাম্ ॥ যা তে কাকু-থ্সুকৃতা যা বরিষ্ঠা । যযা শশ্বত্পিবসি মদ্ধ্ব ঊর্মিম্ । তযা পাহি প্র তে অদ্ধ্বর্যুরস্থাত্ । স-ন্তে বজ্রো বর্ততামিন্দ্র গব্যুঃ ॥ প্রাতর্যুজা বিবোধয । অশ্বিনাবেহ গচ্ছতম্ । অস্য সোমস্য পীতযে ॥ প্রাতর্যাবাণা প্রথমা যজদ্ধ্বম্ । পুরা গৃদ্ধ্রাদররুষঃ পিবাথঃ । প্রাতর্হি যজ্ঞমশ্বিনা দধাতে । প্রশগ্ং সন্তি কবযঃ পূর্বভাজঃ ॥ প্রাতর্যজদ্ধ্বমশ্বিনা হিনোত । ন সাযমস্তি দেবযা অজুষ্টম্ । উতান্যো অস্ম-দ্যজতে বিচাযঃ । পূর্বঃ পূর্বো যজমানো বনীযান্ ॥ 33 ॥

(চা - শ্বজিদ্যো-গচ্ছত-ন্নো - দাশন্ - নামা - ভিশ্রী--র্ গমেম - সপ্রথা - ভজামহে - বিশন্তু - যাহ্যর্বাং - চ্ছ - পিবাথ-ষ্ষট্চ) (অ. 3)
অনুবাকং 4 - উপহোমাঃ

নক্ত-ঞ্জাতা-ঽস্যোষধে । রামে কৃষ্ণে অসিক্নি চ । ইদগ্ং রজনি রজয । কিলাস-ম্পলিত-ঞ্চ যত্ ॥ কিলাস-ঞ্চ পলিত-ঞ্চ । নিরিতো নাশযা পৃষত্ । আ ন-স্স্বো অশ্নুতাং-বঁর্ণঃ । পরা শ্বেতানি পাতয ॥ অসিত-ন্তে নিলযনম্ । আস্থানমসিত-ন্তব ॥ 34 ॥
অসিক্নিযস্যোষধে । নিরিতো নাশযা পৃষত্ ॥ অস্থিজস্য কিলাসস্য । তনূজস্য চ যত্ত্বচি । কৃত্যযা কৃতস্য ব্রহ্মণা । লক্ষ্ম শ্বেতমনীনশম্ ॥ সরূপা নাম তে মাতা । সরূপো নাম তে পিতা । সরূপা ঽস্যোষধে সা । সরূপমিদ-ঙ্কৃধি ॥ 35 ॥
শুনগ্ং হুবেম মঘবানমিন্দ্রম্ । অস্মিন্ভরে নৃতমং-বাঁজসাতৌ । শৃণ্বন্ত-মুগ্রমূতযে সমথ্সু । ঘ্নন্তং-বৃঁত্রাণি সজিন্ত-ন্ধনানাম্ ॥ ধূনুথ দ্যা-ম্পর্বতান্দাশুষে বসু । নি বো বনা জিহতে যামনো ভিযা । কোপযথ পৃথিবী-ম্পৃশ্নিমাতরঃ । যুধে যদুগ্রাঃ পৃষতী-রযুগ্ধ্বম্ ॥ প্রবেপযন্তি পর্বতান্ । বিবিঞ্চন্তি বনস্পতীন্ ॥ 36 ॥
প্রোবারত মরুতো দুর্মদা ইব । দেবাস-স্সর্বযা বিশা ॥ পুরুত্রা হি সদৃঙ্ঙসি । বিশো বিশ্বা অনু প্রভু । সমথ্সু ত্বা হবামহে ॥ সমথ্স্বগ্নি-মবসে । বাজযন্তো হবামহে । বাজেষু চিত্ররাধসম্ ॥ সঙ্গচ্ছদ্ধ্বগ্ং সংবঁদদ্ধ্বম্ । সং-বোঁ মনাগ্ংসি জানতাম্ ॥ 37 ॥
দেবা ভাগং-যঁথা পূর্বে । সজান্নানা উপাসত ॥ সমানো মন্ত্র-স্সমিতি-স্সমানী । সমান-ম্মনঃ সহ চিত্তমেষাম্ । সমান-ঙ্কেতো অভি-সগ্ংরভদ্ধ্বম্ । সজ্ঞান্নেন বো হবিষা যজামঃ ॥ সমানী ব আকূতিঃ । সমানা হৃদযানি বঃ । সমানমস্তু বো মনঃ । যথা ব-স্সুসহা-ঽসতি ॥ 38 ॥
সজ্ঞান্ন-ন্ন-স্স্বৈঃ । সজ্ঞান্নমরণৈঃ । সজ্ঞান্নমশ্বিনা যুবম্ । ইহাস্মাসু নিযচ্ছতম্ ॥ সজ্ঞান্ন-ম্মে বৃহস্পতিঃ । সজ্ঞান্নগ্ং সবিতা করত্ । সজ্ঞান্নমশ্বিনা যুবম্ । ইহ মহ্য-ন্নিযচ্ছতম্ ॥ উপচ্ছাযামিব ঘৃণেঃ । অগন্ম শর্ম তে বযম্ ॥ 39 ॥
অগ্নে হিরণ্যসন্দৃশঃ ॥ অদব্ধেভি-স্সবিতঃ পাযুভিষ্ট্বম্ । শিবেভিরদ্য পরিপাহি নো গযম্ । হিরণ্যজিহ্ব-স্সুবিতায নব্যসে । রক্ষামাকির্নো অঘশগ্ংস ঈশত ॥ মদেমদে হি নো দদুঃ । যূথা গবামৃজুক্রতুঃ । সঙ্গৃভায পুরূ শতা । উভযা হস্ত্যা বসু । শিশীহি রায আভর ॥ 40 ॥
শিপ্রিন্ বাজানা-ম্পতে । শচীবস্তব দগ্ংসনা । আ তূ ন ইন্দ্র ভাজয । গোষ্বশ্বেষু শুভ্রুষু । সহস্রেষু তুবীমঘ ॥ য-দ্দেবা দেব হেডনম্ । দেবাসশ্চকৃমা বযম্ । আদিত্যাস্তস্মান্মা যূযম্ । ঋতস্যর্তেন মুঞ্চত ॥ ঋতস্যর্তে-নাদিত্যাঃ ॥ 41 ॥
যজত্রা মুঞ্চতেহ মা । যজ্ঞৈর্বো যজ্ঞবাহসঃ । আশিক্ষন্তো ন শেকিম ॥ মেদস্বতা যজমানাঃ । স্রুচা-ঽঽজ্যেন জুহ্বতঃ । অকামা বো বিশ্বে দেবাঃ । শিক্ষন্তো নোপ শেকিম ॥ যদি দিবা যদি নক্তম্ । এন এনস্যো-ঽকরত্ । ভূত-ম্মা তস্মাদ্ভব্য-ঞ্চ ॥ 42 ॥
দ্রুপদাদিব মুঞ্চতু ॥ দ্রুপদাদিবে-ন্মুমুচানঃ । স্বিন্ন-স্স্নাত্বী মলাদিব । পূত-ম্পবিত্রেণে বাজ্যম্ । বিশ্বে মুঞ্চন্তু মৈনসঃ ॥ উদ্বয-ন্তমসস্পরি । পশ্যন্তো জ্যোতিরুত্তরম্ । দেব-ন্দেবত্রা সূর্যম্ । অগন্ম জ্যোতিরুত্তমম্ ॥ 43 ॥

(তব - কৃধি - বনস্পতী - ঞ্জানতা - মসতি - বযং - ভরা - দিত্যা - শ্চ - +নব চ) (অ. 4)
অনুবাকং 5 - উপহোমাঃ

বৃষা সো অগ্ংশুঃ পবতে হবিষ্মান্-থ্সোমঃ । ইন্দ্রস্য ভাগ ঋতযু-শ্শতাযুঃ । স মা বৃষাণং-বৃঁষভ-ঙ্কৃণোতু । প্রিযং-বিঁশাগ্ং সর্ববীরগ্ং সুবীরম্ ॥ কস্য বৃষা সুতে সচা । নিযুত্বান্ বৃষভো রণত্ । বৃত্রহা সোমপীতযে ॥ যস্তে শৃঙ্গ বৃষো নপাত্ । প্রণপা-ত্কুণ্ডপায্যঃ । ন্যস্মিন্দদ্ধ্র আ মনঃ ॥ 44 ॥
তগ্ং সদ্ধ্রীচীরূতযো বৃষ্ণিযানি । পৌগ্গ্স্যানি নিযুতঃ সশ্চুরিন্দ্রম্ । সমুদ্র-ন্ন সিন্ধব উক্থশুষ্মাঃ । উরুব্যচস-ঙ্গির আবিশন্তি ॥ ইন্দ্রায গিরো অনিশিতসর্গাঃ । অপঃ প্রৈরযন্-থ্সগরস্য বুদ্ধ্নাত্ । যো অক্ষেণেব চক্রিযা শচীভিঃ । বিষ্বক্তস্তম্ভ পৃথিবীমুত দ্যাম্ ॥ অক্ষোদযচ্ছবসা ক্ষাম বুদ্ধ্নম্ । বার্ণবাতস্তবিষীভিরিন্দ্রঃ ॥ 45 ॥
দৃঢান্যৌঘ্নাদুশমান ওজঃ । অবাভিনত্ককুভঃ পর্বতানাম্ ॥ আ নো অগ্নে সুকেতুনা । রযিং-বিঁশ্বাযুপোষসম্ । মার্ডীক-ন্ধেহি জীবসে ॥ ত্বগ্ং সোম মহে ভগম্ । ত্বং-যূঁন ঋতাযতে । দক্ষ-ন্দধাসি জীবসে ॥ রথং-যুঁঞ্জতে মরুতঃ শুভে সগম্ । সূরো ন মিত্রাবরুণা গবিষ্টিষু ॥ 46 ॥
রজাগ্ংসি চিত্রা বি চরন্তি তন্যবঃ । দিব-স্সম্রাজা পযসা ন উক্ষতম্ ॥ বাচগ্ং সু মিত্রাবরুণাবিরাবতীম্ । পর্জন্যশ্চিত্রাং-বঁদতি ত্বিষীমতীম্ । অভ্রা বসত মরুত-স্সু মাযযা । দ্যাং-বঁর্ষযত-মরুণামরেপসম্ ॥ অযুক্ত সপ্ত শুন্ধ্যুবঃ । সূরো রথস্য নপ্ত্রিযঃ । তাভির্যাতি স্বযুক্তিভিঃ ॥ বহিষ্ঠেভির্বিহরন্. যাসি তন্তুম্ ॥ 47 ॥
অবব্যযন্নসিত-ন্দেব বস্বঃ । দবিদ্ধ্বতো রশ্ময-স্সূর্যস্য । চর্মেবাবাধুস্তমো অফ্স্বন্তঃ ॥ পর্জন্যায প্রগাযত । দিবস্পুত্রায মীঢুষে । স নো যবসমিচ্ছতু ॥ অচ্ছা বদ তবস-ঙ্গীর্ভিরাভিঃ । স্তুহি পর্জন্য-ন্নমসা বিবাস । কনিক্রদ-দ্বৃষভো জীরদানুঃ । রেতো দধাত্বোষধীষু গর্ভম্ ॥ 48 ॥
যো গর্ভমোষধীনাম্ । গবা-ঙ্কৃণোত্যর্বতাম্ । পর্জন্যঃ পুরুষীণাম্ ॥ তস্মা ইদাস্যে হবিঃ । জুহোতা মধুমত্তমম্ । ইডা-ন্ন-স্সংযঁত-ঙ্করত্ ॥ তিস্রো যদগ্নে শরদস্ত্বামিত্ । শুচি-ঙ্ঘৃতেন শুচয-স্সপর্যন্ন্ । নামানি চিদ্দধিরে যজ্ঞিযানি । অসূদযন্ত তনুব-স্সুজাতাঃ ॥ 49 ॥
ইন্দ্রশ্চ ন-শ্শুনাসীরৌ । ইমং-যঁজ্ঞ-ম্মিমিক্ষতম্ । গর্ভ-ন্ধত্তগ্গ্ স্বস্তযে ॥ যযোরিদং-বিঁশ্ব-ম্ভুবন-মাবিবেশ । যযোরানন্দো নিহিতো মহশ্চ । শুনাসীরাবৃতুভিঃ সংবিঁদানৌ । ইন্দ্রবন্তৌ হবিরিদ-ঞ্জুষেথাম্ ॥ আ ঘা যে অগ্নিমিন্ধতে । স্তৃণন্তি বর্হিরানুষক্ । যেষামিন্দ্রো যুবা সখা ॥ অগ্ন ইন্দ্রশ্চ মেদিনা । হথো বৃত্রাণ্যপ্রতি । যুবগ্ং হি বৃত্রহন্তমা ॥ যাভ্যাগ্ং সুবরজযন্নগ্র এব । যাবাতস্থতু-র্ভুবনস্য মদ্ধ্যে । প্রচর্ষণী বৃষণা বজ্রবাহূ । অগ্নী ইন্দ্রা বৃত্রহণা হুবে বাম্ ॥ 50 ॥

(মন - ইন্দ্রো - গাবিষ্টিষু - তন্তুং - গর্ভগ্ং - সুজাতাঃ - সখা সপ্ত চ) (অ. 5)
অনুবাকং 6 - উপহোমাঃ

উত নঃ প্রিযা প্রিযাসু । সপ্তস্বসা সুজুষ্টা । সরস্বতী স্তোম্যা ঽভূত্ ॥ ইমা জুহ্বানা যুষ্মদা নমোভিঃ । প্রতি স্তোমগ্ং সরস্বতি জুষস্ব । তব শর্ম-ন্প্রিযতমে দধানাঃ । উপস্থেযাম শরণ-ন্ন বৃক্ষম্ ॥ ত্রীণি পদা বিচক্রমে । বিষ্ণুর্গোপা অদাভ্যঃ । ততো ধর্মাণি ধারযন্ন্ ॥ 51 ॥
তদস্য প্রিযমভি পাথো অশ্যাম্ । নরো যত্র দেবযবো মদন্তি । উরুক্রমস্য স হি বন্ধুরিত্থা । বিষ্ণোঃ পদে পরমে মদ্ধ্ব উথ্সঃ ॥ ক্রত্বা দা অস্থু শ্রেষ্ঠঃ । অদ্য ত্বা বন্বন্-থ্সুরেক্ণাঃ । মর্ত আনাশ সুবৃক্তিম্ ॥ ইমা ব্রহ্ম ব্রহ্মবাহ । প্রিযা ত আ বরঃই-স্সীদ । বীহি সূর পুরোডাশম্ ॥ 52 ॥
উপ ন-স্সূনবো গিরঃ । শৃণ্বন্ত্বমৃতস্য যে । সুমৃডীকা ভবন্তু নঃ ॥ অদ্যা নো দেব সবিতঃ । প্রজাব-থ্সাবী-স্সৌভগম্ । পরা দুস্ষ্বপ্নিযগ্ং সুব ॥ বিশ্বানি দেব সবিতঃ । দুরিতানি পরাসুব । য-দ্ভদ্র-ন্তন্ম আসুব ॥ শুচিমর্কৈ-র্বৃহস্পতিম্ ॥ 53 ॥
অদ্ধ্বরেষু নমস্যত । অনাম্যোজ আচকে ॥ যা ধারযন্ত দেবা সুদক্ষা দক্ষপিতারা । অসুর্যায প্রমহসা ॥ স ইত্ক্ষেতি সুধিত ওকসি স্বে । তস্মা ইডা পিন্বতে বিশ্বদানী । তস্মৈ বিশঃ স্বযমেবানমন্তি । যস্মি-ন্ব্রহ্মা রাজনি পূর্ব এতি ॥ সকূতিমিন্দ্র সচ্যুতিম্ । সচ্যুতি-ঞ্জঘনচ্যুতিম্ ॥ 54 ॥
কনাত্কাভা-ন্ন আভর । প্রযফ্স্যন্নিব সক্থ্যৌ ॥ বিন ইন্দ্র মৃধো জহি । কনীখুনদিব সাপযন্ন্ । অভি ন-স্সুষ্টুতি-ন্নয ॥ প্রজাপতি-স্স্ত্রিযাং-যঁশঃ । মুষ্কযোরদধা-থ্সপম্ । কামস্য তৃপ্তিমানন্দম্ । তস্যাগ্নে ভাজযেহ মা ॥ মোদঃ প্রমোদ আনন্দঃ ॥ 55 ॥
মুষ্কযোর্নিহিত-স্সপঃ । সৃত্বেব কামস্য তৃপ্যাণি । দক্ষিণানা-ম্প্রতিগ্রহে ॥ মনসশ্চিত্ত-মাকূতিম্ । বাচ-স্সত্য-মশীমহি । পশূনাগ্ং রূপমন্নস্য । যশ-শ্শ্রী-শ্শ্রযতা-ম্মযি ॥ যথা ঽহমস্যা অতৃপগ্গ্ স্ত্রিযৈ পুমান্ । যথা স্ত্রী তৃপ্যতি পুগ্ংসি প্রিযে প্রিযা । এব-ম্ভগস্য তৃপ্যাণি ॥ 56 ॥
যজ্ঞস্য কাম্যঃ প্রিযঃ ॥ দদামীত্যগ্নির্বদতি । তথেতি বাযুরাহ তত্ । হন্তেতি সত্য-ঞ্চন্দ্রমাঃ । আদিত্য-স্সত্যমোমিতি ॥ আপস্ত-থ্সত্যমাভরন্ন্ । যশো যজ্ঞস্য দক্ষিণাম্ । অসৌ মে কাম-স্সমৃদ্ধ্যতাম্ ॥ ন হি স্পশমবিদ-ন্নন্যমস্মাত্ । বৈশ্বানরা-ত্পুর এতারমগ্নেঃ ॥ 57 ॥
অথেমমন্থন্নমৃতমমূরাঃ । বৈশ্বানর-ঙ্ক্ষেত্রজিত্যায দেবাঃ ॥ যেষামিমে পূর্বে অর্মাস আসন্ন্ । অযূপা-স্সদ্ম বিভৃতা পুরূণি । বৈশ্বানর ত্বযা তে নুত্তাঃ । পৃথিবী-মন্যামভিতস্থু-র্জনাসঃ ॥ পৃথিবী-ম্মাতর-ম্মহীম্ । অন্তরিক্ষ-মুপব্রুবে । বৃহতীমূতযে দিবম্ ॥ বিশ্ব-ম্বিভর্তি পৃথিবী ॥ 58 ॥
অন্তরিক্ষং-বিঁপপ্রথে । দুহে দ্যৌ-র্বৃহতী পযঃ ॥ ন তা নশন্তি ন দভাতি তস্করঃ । নৈনা অমিত্রো ব্যথিরাদধর্ষতি । দেবাগ্শ্চ যাভি-র্যজতে দদাতি চ । জ্যোগিত্তাভিঃ সচতে গোপতি-স্সহ ॥ ন তা অর্বা রেণুককাটো অশ্নুতে । ন সগ্গ্ স্কৃতত্র-মুপযন্তি তা অভি । উরুগাযমভয-ন্তস্য তা অনু । গাবো মর্ত্যস্য বিচরন্তি যজ্বনঃ ॥ 59 ॥
রাত্রী ব্যখ্যদাযতী । পুরুত্রা দেব্যক্ষভিঃ । বিশ্বা অধি শ্রিযো-ঽধিত ॥ উপ তে গা ইবাকরম্ । বৃণীষ্ব দুহিত-র্দিবঃ । রাত্রী স্তোম-ন্ন জিগ্যুষী ॥ দেবীং-বাঁচমজনযন্ত দেবাঃ । তাং-বিঁশ্বরূপাঃ পশবো বদন্তি । সা নো মন্দ্রেষমূর্জ-ন্দুহানা । ধেনুর্বাগস্মানুপ সুষ্টুতৈতু ॥ 60 ॥
য-দ্বাগ্বদন্ত্য-বিচেতনানি । রাষ্ট্রী দেবানা-ন্নিষসাদ মন্দ্রা । চতস্র ঊর্জ-ন্দুদুহে পযাগ্ংসি । ক্ব স্বি দস্যাঃ পরম-ঞ্জগাম ॥ গৌরী মিমায সলিলানি তক্ষতী । একপদী দ্বিপদী সা চতুষ্পদী । অষ্টাপদী নবপদী বভূবুষী । সহস্রাক্ষরা পরমে ব্যোমন্ন্ ॥ তস্যাগ্ং সমুদ্রা অধি বি ক্ষরন্তি । তেন জীবন্তি প্রদিশশ্চতস্রঃ ॥ 61 ॥
ততঃ ক্ষরত্যক্ষরম্ । ত-দ্বিশ্ব-মুপজীবতি ॥ ইন্দ্রা সূরা জনযন্-বিশ্বকর্মা । মরুত্বাগ্ং অস্তু গণবান্-থ্সজাতবান্ । অস্য স্নুষা-শ্বশুরস্য প্রশিষ্টিম্ । সপত্না বাচ-ম্মনসা উপাসতাম্ ॥ ইন্দ্র-স্সূরো অতর-দ্রজাগ্ংসি । স্নুষা সপত্না-শ্শ্বশুরো-ঽযমস্তু । অযগ্ং শত্রূঞ্জযতু জর্হৃষাণঃ । অযং-বাঁজ-ঞ্জযতু বাজসাতৌ ॥ অগ্নিঃ, ক্ষত্রভৃদনিভৃষ্টমোজঃ । সহস্রিযো দীপ্যতা-মপ্রযুচ্ছন্ন্ । বিভ্রাজমান-স্সমিধান উগ্রঃ । আ-ঽন্তরিক্ষমরুহদ-গন্দ্যাম্ ॥ 62 ॥

(ধারযন্ - পুরোডাশং - বৃহস্পতিং - জঘনচ্যুতি - মানন্দো - ভগস্য তৃপ্যা - ণ্যগ্নেঃ - পৃথিবী - যজ্বন - এতু - প্রদিশশ্চতস্রো - বাজসাতৌ চত্বারি চ) (অ. 6)
অনুবাকং 7 - উপহোমাঃ

বৃষা ঽস্যগ্ংশু-র্বৃষভায গৃহ্যসে । বৃষা-ঽযমুগ্রো নৃচক্ষসে । দিব্যঃ কর্মণ্যো হিতো বৃহন্নাম । বৃষভস্য যা ককুত্ ॥ বিষূবান্. বিষ্ণো ভবতু । অযং-যোঁ মামকো বৃষা । অথো ইন্দ্র ইব দেবেভ্যঃ । বিব্রবীতু জনেভ্যঃ ॥ আযুষ্মন্তং-বঁর্চস্বন্তম্ । অথো অধিপতিং-বিঁশাম্ ॥ 63 ॥
অস্যাঃ পৃথিব্যা অদ্ধ্যক্ষম্ । ইমমিন্দ্র বৃষভ-ঙ্কৃণু ॥ য-স্সুশৃঙ্গঃ সুবৃষভঃ । কল্যাণো দ্রোণ আহিতঃ । কার্ষীবলপ্রগাণেন । বৃষভেণ যজামহে ॥ বৃষভেণ যজমানাঃ । অক্রূরেণেব সর্পিষা । মৃধশ্চ সর্বা ইন্দ্রেণ । পৃতনাশ্চ জযামসি ॥ 64 ॥
যস্যাযমৃষভো হবিঃ । ইন্দ্রায পরিণীযতে । জযাতি শত্রুমাযন্তম্ । অথো হন্তি পৃতন্যতঃ ॥ নৃণামহ প্রণীরসত্ । অগ্র উদ্ভিন্দতামসত্ ॥ ইন্দ্র শুষ্ম-ন্তনুবা মেরযস্ব । নীচা বিশ্বা অভিতিষ্ঠাভিমাতীঃ । নি শৃণীহ্যাবাধং-যোঁ নো অস্তি । উরু-ন্নো লোক-ঙ্কৃণুহি জীরদানো ॥ 65 ॥
প্রেহ্যভিপ্রেহি প্রভরা সহস্ব । মা বিবেনো বি শৃণুষ্বা জনেষু । উদীডিতো বৃষভ তিষ্ঠ শুষ্মৈঃ । ইন্দ্র শত্রূ-ন্পুরো অস্মাক যুদ্ধ্য ॥ অগ্নে জেতা ত্ব-ঞ্জয । শত্রূন্-থ্সহস ওজসা । বি শত্রূন্. বিমৃধো নুদ ॥ এত-ন্তে স্তোম-ন্তুবিজাত বিপ্রঃ । রথ-ন্ন ধীর-স্স্বপা অতক্ষম্ । যদীদগ্নে প্রতি ত্ব-ন্দেব হর্যাঃ ॥ 66 ॥
সুবর্বতীরপ এনা জযেম ॥ যো ঘৃতেনাভিমানিতঃ । ইন্দ্র জৈত্রায জজ্ঞিষে । স ন-স্সঙ্কাসু পারয । পৃতনাসাহ্যেষু চ ॥ ইন্দ্রো জিগায পৃথিবীম্ । অন্তরিক্ষগ্ং সুবর্মহত্ । বৃত্রহা পুরুচেতনঃ ॥ ইন্দ্রো জিগায সহসা সহাগ্ংসি । ইন্দ্রো জিগায পৃতনানি বিশ্বা ॥ 67 ॥
ইন্দ্রো জাতো বি পুরো রুরোজ । স নঃ পরস্পা বরিবঃ কৃণোতু ॥ অয-ঙ্কৃত্নুরগৃভীতঃ । বিশ্বজি-দুদ্ভিদি-থ্সোমঃ । ঋষি-র্বিপ্রঃ কাব্যেন ॥ বাযুরগ্রেগা যজ্ঞপ্রীঃ । সাক-ঙ্গন্মনসা যজ্ঞম্ । শিবো নিযুদ্ভিঃ শিবাভিঃ ॥ বাযো শুক্রো অযামি তে । মদ্ধ্বো অগ্র-ন্দিবিষ্টিষু ॥ 68 ॥
আযা হি সোমপীতযে । স্বারুহো দেব নিযুত্বতা ॥ ইমমিন্দ্র বর্ধয ক্ষত্রিযাণাম্ । অযং-বিঁশাং-বিঁশ্পতিরস্তু রাজা । অস্মা ইন্দ্র মহি বর্চাগ্ংসি ধেহি । অবর্চস-ঙ্কৃণুহি শত্রুমস্য ॥ ইমমাভজ গ্রামে অশ্বেষু গোষু । নিরমু-ম্ভজ যো-ঽমিত্রো অস্য । বর্ষ্মন্ ক্ষত্রস্য ককুভি শ্রযস্ব । ততো ন উগ্রো বিভজা বসূনি ॥ 69 ॥
অস্মে দ্যাবাপৃথিবী ভূরি বামম্ । স-ন্দুহাথা-ঙ্ঘর্মদুঘেব ধেনুঃ । অযগ্ং রাজা প্রিয ইন্দ্রস্য ভূযাত্ । প্রিযো গবামোষধীনা-মুতাপাম্ ॥ যুনজ্মি ত উত্তরাবন্ত-মিন্দ্রম্ । যেন জযাসি ন পরাজযাসৈ । স ত্বা ঽকরেকবৃষভগ্গ্ স্বানাম্ । অথো রাজন্নুত্তম-ম্মানবানাম্ ॥ উত্তরস্ত্বমধরে তে সপত্নাঃ । একবৃষা ইন্দ্রসখা জিগীবান্ ॥ 70 ॥
বিশ্বা আশাঃ পৃতনা-স্সজংযঁঞ্জযন্ন্ । অভিতিষ্ঠ শত্রূযত-স্সহস্ব ॥ তুভ্য-ম্ভরন্তি ক্ষিতযো যবিষ্ঠ । বলিমগ্নে অন্তি ত ওত দূরাত্ । আ ভন্দিষ্ঠস্য সুমতি-ঞ্চিকিদ্ধি । বৃহত্তে অগ্নে মহি শর্ম ভদ্রম্ ॥ যো দেহ্যো অনমযদ্বধস্নৈঃ । যো অর্যপত্নী-রুষসশ্চকার । স নিরুদ্ধ্যা নহুষো যহ্বো অগ্নিঃ । বিশশ্চক্রে বলিহৃত-স্সহোভিঃ ॥ 71 ॥
প্র সদ্যো অগ্নে অত্যষ্যন্যান্ । আবির্যস্মৈ চারুতরো বভূথ । ঈডেন্যো বপুষ্যো বিভাবা । প্রিযো বিশামতিথি-র্মানুষীণাম্ ॥ ব্রহ্ম জ্যেষ্ঠা বীর্যা সম্ভৃতানি । ব্রহ্মাগ্রে জ্যেষ্ঠ-ন্দিবমাততান । ঋতস্য ব্রহ্ম প্রথমোত জজ্ঞে । তেনার্হতি ব্রহ্মণা স্পর্ধিতু-ঙ্কঃ ॥ ব্রহ্ম স্রুচো ঘৃতবতীঃ । ব্রহ্মণা স্বরবো মিতাঃ ॥ 72 ॥
ব্রহ্ম যজ্ঞস্য তন্তবঃ । ঋত্বিজো যে হবিষ্কৃতঃ ॥ শৃঙ্গাণীবেচ্ছৃঙ্গিণাগ্ং সন্দদৃশ্রিরে । চষালবন্ত-স্স্বরবঃ পৃথিব্যাম্ । তে দেবাস-স্স্বরবস্তস্থিবাগ্ংসঃ । নম-স্সখিভ্য-স্সন্নান্মা ঽবগাত ॥ অভিভূরগ্নিরতর-দ্রজাগ্ংসি । স্পৃধো বিহত্য পৃতনা অভিশ্রীঃ । জুষাণো ম আহুতি-ম্মা মহিষ্ট । হত্বা সপত্নান্. বরিবস্করন্নঃ ॥ ঈশান-ন্ত্বা ভুবনানা-মভিশ্রিযম্ । স্তৌম্যগ্ন উরুকৃতগ্ং সুবীরম্ । হবি-র্জুষাণ-স্সপত্নাগ্ং অভিভূরসি । জহি শত্রূগ্ংরপ মৃধো নুদস্ব ॥ 73 ॥

(বিশাং - জযামসি - জীরদানো - হর্যা - বিশ্বা - দিবিষ্টিষু - বসূনি - জিগীবান্থ্ - সহোভি--র্ মিতা - ন শ্চত্বারি চ) (অ. 7)
অনুবাকং 8 - উপহোমাঃ

স প্রত্নবন্নবীযসা । অগ্নে দ্যুম্নেন সংযঁতা । বৃহ-ত্ততন্থ ভানুনা ॥ নব-ন্নু স্তোমমগ্নযে । দিব-শ্শ্যেনায জীজনম্ । বসোঃ কুবিদ্বনাতি নঃ ॥ স্বারুহা যস্য শ্রিযো দৃশে । রযির্বীরবতো যথা । অগ্রে যজ্ঞস্য চেততঃ ॥ অদাভ্যঃ পুর এতা ॥ 74 ॥
অগ্নির্বিশা-ম্মানুষীণাম্ । তূর্ণী রথ-স্সদা নবঃ ॥ নবগ্ং সোমায বাজিনে । আজ্য-ম্পযসো-ঽজনি । জুষ্টগ্ং শুচিতমং-বঁসু ॥ নবগ্ং সোম জুষস্ব নঃ । পীযূষস্যেহ তৃপ্ণুহি । যস্তে ভাগ ঋতাবযম্ ॥ নবস্য সোম তে বযম্ । আ সুমতিং-বৃঁণীমহে ॥ 75 ॥
স নো রাস্ব সহস্রিণঃ ॥ নবগ্ং হবির্জুষস্ব নঃ । ঋতুভিঃ সোম ভূতমম্ । তদঙ্গ প্রতিহর্য নঃ । রাজন-থ্সোম স্বস্তযে ॥ নবগ্গ্ স্তোম-ন্নবগ্ং হবিঃ । ইন্দ্রাগ্নিভ্যা-ন্নিবেদয । তজ্জুষেতাগ্ং সচেতসা ॥ শুচি-ন্নু স্তোম-ন্নবজাতমদ্য । ইন্দ্রাগ্নী বৃত্রহণা জুষেথাম্ ॥ 76 ॥
উভা হি বাগ্ং সুহবা জোহবীমি । তা বাজগ্ং সদ্য উশতে ধেষ্ঠা ॥ অগ্নিরিন্দ্রো নবস্য নঃ । অস্য হব্যস্য তৃপ্যতাম্ । ইহ দেবৌ সহস্রিণৌ ॥ যজ্ঞ-ন্ন আ হি গচ্ছতাম্ । বসুমন্তগ্ং সুবর্বিদম্ । অস্য হব্যস্য তৃপ্যতাম্ । অগ্নিরিন্দ্রো নবস্য নঃ ॥ বিশ্বা-ন্দেবাগ্ স্তর্পযত ॥ 77 ॥
হবিষো-ঽস্য নবস্য নঃ । সুবর্বিদো হি জজ্ঞিরে ॥ এদ-ম্বর্হি-স্সুষ্টরীমা নবেন । অযং-যঁজ্ঞো যজমানস্য ভাগঃ । অয-ম্বভূব ভুবনস্য গর্ভঃ । বিশ্বে দেবা ইদমদ্যাগমিষ্ঠাঃ ॥ ইমে নু দ্যাবাপৃথিবী সমীচী । তন্বানে যজ্ঞ-ম্পুরুপেশস-ন্ধিযা । আ-ঽস্মৈ পৃণীতা-ম্ভুবনানি বিশ্বা । প্রজা-ম্পুষ্টিমমৃত-ন্নবেন ॥ 78 ॥
ইমে ধেনূ অমৃতং-যেঁ দুহাতে । পযস্ব-ত্যুত্তরামেতু পুষ্টিঃ । ইমং-যঁজ্ঞ-ঞ্জুষমাণে নবেন । সমীচী দ্যাবাপৃথিবী ঘৃতাচী ॥ যবিষ্ঠো হব্যবাহনঃ । চিত্রভানু-র্ঘৃতাসুতিঃ । নবজাতো বিরোচসে । অগ্নে তত্তে মহিত্বনম্ ॥ ত্বমগ্নে দেবতাভ্যঃ । ভাগে দেব ন মীযসে ॥ 79 ॥
স এনা বিদ্বান্. যক্ষ্যসি । নবগ্গ্ স্তোম-ঞ্জুষস্ব নঃ ॥ অগ্নিঃ প্রথমঃ প্রাশ্ঞাতু । স হি বেদ যথা হবিঃ । শিবা অস্মভ্য-মোষধীঃ । কৃণোতু বিশ্বচর্ষণিঃ ॥ ভদ্রান্ন-শ্শ্রেয-স্সমনৈষ্ট দেবাঃ । ত্বযা-ঽবসেন সমশীমহি ত্বা । স নো মযোভূঃ পিতো আবিশস্ব । শ-ন্তোকায তনুবে স্যোনঃ ॥ এতমু ত্য-ম্মধুনা সংযুঁতং-যঁবম্ । সরস্বত্যা অধিমনাবচর্কৃষুঃ । ইন্দ্র আসী-থ্সীরপতি-শ্শতক্রতুঃ । কীনাশা আস-ন্মরুতঃ সুদানবঃ ॥ 80 ॥