2.5 - উপহোমশেষঃ - কৃষ্ণ যজুর্বেদ তৈত্তিরীয ব্রাহ্মণ পাঠঃ - প্রাণো রক্ষতি

কৃষ্ণ যজুর্বেদীয তৈত্তিরীয ব্রাহ্মণে দ্বিতীযাষ্টকে পঞ্চমঃ প্রপাঠকঃ - উপহোমশেষঃ
ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হরিঃ ওম্ ॥
2.5.1 উপহোমাঃ

প্রাণো রক্ষতি বিশ্বমেজত্ । ইর্যো ভূত্বা বহুধা বহূনি । স ইথ্সর্বং-ব্যাঁনশে ॥ যো দেবো দেবেষু বিভূরন্তঃ । আবৃদূদা-ত্ক্ষেত্রিযদ্ধ্বগদ্বৃষা । তমি-ত্প্রাণ-ম্মনসো পশিক্ষত । অগ্র-ন্দেবানা-মিদমত্তু নো হবিঃ ॥ মনসশ্চিত্তেদম্ । ভূত-ম্ভব্য-ঞ্চ গুপ্যতে । তদ্ধি দেবেষ্বগ্রিযম্ ॥ 1 ॥
আ ন এতু পুরশ্চরম্ । সহ দেবৈরিমগ্ং হবম্ । মন-শ্শ্রেযসি শ্রেযসি । কর্মন্. যজ্ঞপতি-ন্দধত্ ॥ জুষতা-ম্মে বাগিদগ্ং হবিঃ । বিরাড্দেবী পুরোহিতা । হব্যবাডন পাযিনী ॥ যযা রূপাণি বহুধা বদন্তি । পেশাগ্ংসি দেবাঃ পরমে জনিত্রে । সানো বিরাডনপস্ফুরন্তী ॥ 2 ॥
বাগ্দেবী জুষতামিদগ্ং হবিঃ ॥ চক্ষু-র্দেবানা-ঞ্জ্যোতিরমৃতে ন্যক্তম্ । অস্য বিজ্ঞানায বহুধা নিধীযতে । তস্য সুম্ন-মশীমহি । মা নো হাসী-দ্বিচক্ষণম্ ॥ আযুরিন্নঃ প্রতীর্যতাম্ । অনন্ধা-শ্চক্ষুষা বযম্ । জীবা জ্যোতিরশীমহি । সুবর্জ্যোতি-রুতামৃতম্ ॥ শ্রোত্রেণ ভদ্র মুত শৃণ্বন্তি সত্যম্ । শ্রোত্রেণ বাচ-ম্বহুধোদ্য মানাম্ । শ্রোত্রেণ মোদশ্চ মহশ্চ শ্রূযতে । শ্রোত্রেণ সর্বা দিশ আশৃণোমি ॥ যেন প্রাচ্যা উত দক্ষিণা । প্রতীচ্যৈ দিশ-শ্শৃণ্বন্ত্যুত্তরাত্ । তদিচ্ছ্রোত্র-ম্বহুধোদ্যমানম্ । অরান্ন নেমিঃ পরি সর্ব-ম্বভূব ॥ 3 ॥

(অগ্রি - যমনপস্ফুরন্তী - সত্যগ্ং সপ্ত চ) (অ. 1)
2.5.2 উপহোমাঃ

উদেহি বাজিন্যো অস্যফ্স্বন্তঃ । ইদগ্ং রাষ্ট্রমাবিশ সূনৃতাবত্ । যো রোহিতো বিশ্বমিদ-ঞ্জজান । স নো রাষ্ট্রেষু সুধিতান্দধাতু ॥ রোহগ্ং রোহগ্ং রোহিত আরুরোহ । প্রজাভির্বৃদ্ধি-ঞ্জনুষামুপস্থম্ । তাভি-স্সগ্ংরব্ধো অবিদথ্ষডুর্বীঃ । গাতু-ম্প্রপশ্যন্নিহ রাষ্ট্রমাহাঃ ॥ আহার্ষী-দ্রাষ্ট্রমিহ রোহিতঃ । মৃধো ব্যাস্থদভয-ন্নো অস্তু ॥ 4 ॥
অস্মভ্য-ন্দ্যাবাপৃথিবী শক্বরীভিঃ । রাষ্ট্র-ন্দুহাথামিহ রেবতীভিঃ ॥ বিমমর্শ রোহিতো বিশ্বরূপঃ । সমাচক্রাণঃ প্ররুহো রুহশ্চ । দিবগন্ত্বায মহতা মহিম্না । বি নো রাষ্ট্রমুনত্তু পযসা স্বেন ॥ যাস্তে বিশস্তপসা সম্বভূবুঃ । গাযত্রং-বঁথ্সমনু তাস্ত আগুঃ । তাস্ত্বা বিশন্তু মহসা স্বেন । স-ম্মাতা পুত্রো অভ্যেতু রোহিতঃ ॥ 5 ॥
যূযমুগ্রা মরুতঃ পৃশ্নিমাতরঃ । ইন্দ্রেণ সযুজা প্রমৃণীথ শত্রূন্ । আ বো রোহিতো অশৃণোদভিদ্যবঃ । ত্রিসপ্তাসো মরুত-স্স্বাদুসম্মুদঃ ॥ রোহিতো দ্যাবাপৃথিবী জজান । তস্মিগ্গ্স্তন্তু-ম্পরমেষ্ঠী ততান । তস্মিঞ্ছিশ্রিযে অজ একপাত্ । অদৃগ্ং হদ্দ্যাবাপৃথিবী বলেন ॥ রোহিতো দ্যাবাপৃথিবী অদৃগ্ংহত্ । তেন সুবঃ স্তভিত-ন্তেন নাকঃ ॥ 6 ॥
সো অন্তরিক্ষে রজসো বিমানঃ । তেন দেবা-স্সুবরন্ববিন্দন্ন্ ॥ সুশেব-ন্ত্বা ভানবো দীদিবাগ্ংসম্ । সমগ্রাসো জুহ্বো জাতবেদঃ । উক্ষন্তি ত্বা বাজিনমা ঘৃতেন । সগ্ংসমগ্নে যুবসে ভোজনানি ॥ অগ্নে শর্ধ মহতে সৌভগায । তব দ্যুম্না-ন্যুত্তমানি সন্তু । স-ঞ্জাস্পত্যগ্ং সুযমমাকৃণুষ্ব । শত্রূযতামভিতিষ্ঠা মহাসি ॥ 7 ॥

(অ- স্ত্বেতু রোহিতো - নাকো - মহাগ্ংসি) (অ. 2)
2.5.3 উপহোমাঃ

পুনর্ন ইন্দ্রো মঘবা দদাতু । ধনানি শক্রো ধন্যঃ সুরাধাঃ । অর্বাচীন-ঙ্কৃণুতাং-যাঁচিতো মনঃ । শ্রুষ্টী নো অস্য হবিষো জুষাণঃ ॥ যানি নো জিন-ন্ধনানি । জহর্থ শূর মন্যুনা । ইন্দ্রানুবিন্দ নস্তানি । অনেন হবিষা পুনঃ ॥ ইন্দ্র আশাভ্যঃ পরি । সর্বাভ্যো-ঽভয-ঙ্করত্ ॥ 8 ॥
জেতা শত্রূন্. বিচর্ষণিঃ ॥ আকূত্যৈ ত্বা কামায ত্বা সমৃধে ত্বা । পুরো দধে অমৃতত্বায জীবসে ॥ আকূতিমস্যাবসে । কামমস্য সমৃদ্ধ্যৈ । ইন্দ্রস্য যুঞ্জতে ধিযঃ ॥ আকূতি-ন্দেবী-ম্মনসঃ পুরো দধে । যজ্ঞস্য মাতা সুহবা মে অস্তু । যদিচ্ছামি মনসা সকামঃ । বিদেযমেনদ্ধৃদযে নিবিষ্টম্ ॥ 9 ॥
সেদগ্নিরগ্নীগ্ং রত্যেত্যন্যান্ । যত্র বাজী তনযো বীডুপাণিঃ । সহস্রপাথা অক্ষরা সমেতি ॥ আশানা-ন্ত্বা ঽঽশাপালেভ্যঃ । চতুর্ভ্যো অমৃতেভ্যঃ । ইদ-ম্ভূতস্যাদ্ধ্যক্ষেভ্যঃ । বিধেম হবিষা বযম্ ॥ বিশ্বা আশা মধুনা সগ্ংসৃজামি । অনমীবা আপ ওষধযো ভবন্তু । অযং-যঁজমানো মৃধো ব্যস্যতাম্ ॥ 10 ॥
অগৃভীতাঃ পশবঃ সন্তু সর্বে ॥ অগ্নি-স্সোমো বরুণো মিত্র ইন্দ্রঃ । বৃহস্পতিঃ সবিতা য-স্সহস্রী । পূষা নো গোভিরবসা সরস্বতী । ত্বষ্টা রূপাণি সমনক্তু যজ্ঞৈঃ ॥ ত্বষ্টা রূপাণি দধতী সরস্বতী । পূষা ভগগ্ং সবিতা নো দদাতু । বৃহস্পতি-র্দদদিন্দ্রঃ সহস্রম্ । মিত্রো দাতা বরুণ-স্সোমো অগ্নিঃ ॥ 11 ॥

(করন্ - নিবিষ্ট - মস্যতাং - +নব চ) (অ. 3)
2.5.4 উপহোমাঃ

আ নো ভর ভগমিন্দ্র দ্যুমন্তম্ । নি তে দেষ্ণস্য ধীমহি প্ররেকে । উর্ব ইব পপ্রথে কামো অস্মে । তমাপৃণা বসুপতে বসূনাম্ ॥ ইম-ঙ্কাম-ম্মন্দযা গোভিরশ্বৈঃ । চন্দ্রবতা রাধসা পপ্রথশ্চ । সুবর্যবো মতিভিস্তুভ্যং-বিঁপ্রাঃ । ইন্দ্রায বাহঃ কুশিকাসো অক্রন্ন্ ॥ ইন্দ্রস্য নু বীর্যাণি প্রবোচম্ । যানি চকার প্রথমানি বজ্রী ॥ 12 ॥
অহ-ন্নহিমন্বপস্ততর্দ । প্র বক্ষণা অভিন-ত্পর্বতানাম্ ॥ অহন্নহি-ম্পর্বতে শিশ্রিযাণম্ । ত্বষ্টা-ঽস্মৈ বজ্রগ্গ্ স্বর্য-ন্ততক্ষ । বাশ্রা ইব ধেনব-স্স্যন্দমানাঃ । অঞ্জঃ সমুদ্র-মবজগ্মুরাপঃ ॥ বৃষাযমাণো-ঽবৃণীত সোমম্ । ত্রিকদ্রুকেষ্ব-পিব-থ্সুতস্য । আ সাযক-ম্মঘবা দত্ত বজ্রম্ । অহন্নেন-ম্প্রথমজা মহীনাম্ ॥ 13 ॥
যদিন্দ্রাহন্-প্রথমজা মহীনাম্ । আন্মাযিনামমিনাঃ প্রোত মাযাঃ । আ-থ্সূর্য-ঞ্জনয-ন্দ্যামুষাসম্ । তাদীক্না শত্রূন্ন কিলাবিবিথ্সে ॥ অহন্ বৃত্রং-বৃঁত্রতরং-ব্যঁগ্ংসম্ । ইন্দ্রো বজ্রেণ মহতা বধেন । স্কন্ধাগ্ংসীব কুলিশেনা বিবৃক্ণা । অহিঃ শযত উপপৃক্-পৃথিব্যাম্ ॥ অযোদ্ধ্যেব দুর্মদ আ হি জুহ্বে । মহাবীর-ন্তু বিবাধ-মৃজীষম্ ॥ 14 ॥
নাতারীরস্য সমৃতিং-বঁধানাম্ । সগ্ং রুজানাঃ পিপিষ ইন্দ্রশত্রুঃ ॥ বিশ্বো বিহাযা অরতিঃ । বসুর্দধে হস্তে দক্ষিণে । তরণির্ন শিশ্রথত্ । শ্রবস্যযা ন শিশ্রথত্ । বিশ্বস্মা ইদিষুদ্ধ্যসে । দেবত্রা হব্যমূহিষে । বিশ্বস্মা ইথ্সুকৃতে বারমৃণ্বতি । অগ্নি-র্দ্বারা ব্যৃণ্বতি ॥ 15 ॥
উদুজ্জিহানো অভি কামমীরযন্ন্ । প্রপৃঞ্চন্ বিশ্বা ভুবনানি পূর্বথা । আ কেতুনা সুষমিদ্ধো যজিষ্ঠঃ । কাম-ন্নো অগ্নে অভিহর্য দিগ্ভ্যঃ ॥ জুষাণো হব্যমমৃতেষু দূঢ্যঃ । আ নো রযি-ম্বহুলা-ঙ্গোমতীমিষম্ । নিধেহি যক্ষদমৃতেষু ভূষন্ন্ ॥ অশ্বিনা যজ্ঞমাগতম্ । দাশুষঃ পুরুদগ্ংসসা । পূষা রক্ষতু নো রযিম্ ॥ 16 ॥
ইমং-যঁজ্ঞমশ্বিনা বর্ধযন্তা । ইমৌ রযিং-যঁজমানায ধত্তম্ । ইমৌ পশূ-ন্রক্ষতাং-বিঁশ্বতো নঃ । পূষা নঃ পাতু সদম-প্রযুচ্ছন্ন্ ॥ প্র তে মহে সরস্বতি । সুভগে বাজিনীবতি । সত্যবাচে ভরে মতিম্ ॥ ইদ-ন্তে হব্য-ঙ্ঘৃতব-থ্সরস্বতি । সত্যবাচে প্রভরেমা হবীগ্ংষি । ইমানি তে দুরিতা সৌভগানি । তেভির্বযগ্ং সুভগাস-স্স্যাম ॥ 17 ॥

(বজ্ - য্রহীনা - মৃজীষং - ঁব্যৃণ্বতি - রক্ষতু নো রযিগ্ং - সৌভগান্যেক-ঞ্চ) (অ. 4)
2.5.5 উপহোমাঃ

যজ্ঞো রাযো যজ্ঞ ঈশে বসূনাম্ । যজ্ঞ-স্সস্যানামুত সুক্ষিতীনাম্ । যজ্ঞ ইষ্টঃ পূর্বচিত্তি-ন্দধাতু । যজ্ঞো ব্রহ্মণ্বাগ্ং অপ্যেতু দেবান্ ॥ অযং-যঁজ্ঞো বর্ধতা-ঙ্গোভিরশ্বৈঃ । ইযং-বেঁদিঃ স্বপত্যা সুবীরা । ইদ-ম্বর্হিরতি বরঃঈগ্ষ্যন্যা । ইমং-যঁজ্ঞং-বিঁশ্বে অবন্তু দেবাঃ ॥ ভগ এব ভগবাগ্ং অস্তু দেবাঃ । তেন বয-ম্ভগবন্ত-স্স্যাম ॥ 18 ॥
ত-ন্ত্বা ভগ সর্ব ইজ্জোহবীমি । স নো ভগ পুর এতা ভবেহ ॥ ভগ প্রণেত-র্ভগ সত্যরাধঃ । ভগেমা-ন্ধিযমুদব দদন্নঃ । ভগ প্রণো জনয গোভিরশ্বৈঃ । ভগ প্র নৃভি-র্নৃবন্তঃ স্যাম ॥ শশ্বতী-স্সমা উপযন্তি লোকাঃ । শশ্বতী-স্সমা উপযন্ত্যাপঃ । ইষ্ট-ম্পূর্তগ্ং শশ্বতীনাগ্ং সমানাগ্ং শাশ্বতেন । হবিষেষ্ট্বা ঽনন্তং-লোঁক-ম্পরমারুরোহ ॥ 19 ॥
ইযমেব সা যা প্রথমা ব্যৌচ্ছত্ । সা রূপাণি কুরুতে পঞ্চ দেবী ॥ দ্বে স্বসারৌ বযতস্তন্ত্রমেতত্ । সনাতনং-বিঁততগ্ং ষণ্মযূখম্ । অবান্যাগ্ স্তন্তূন্ কিরতো ধত্তো অন্যান্ । নাবপৃজ্যাতে ন গমাতে অন্তম্ ॥ আ বো যন্তূদবাহাসো অদ্য । বৃষ্টিং-যেঁ বিশ্বে মরুতো জুনন্তি । অযং-যোঁ অগ্নি-র্মরুত-স্সমিদ্ধঃ । এত-ঞ্জুষদ্ধ্ব-ঙ্কবযো যুবানঃ ॥ 20 ॥
ধারাবরা মরুতো ধৃষ্ণুবোজসঃ । মৃগা ন ভীমাস্তবিষেভি-রূর্মিভিঃ । অগ্নযো ন শুশুচানা ঋজীষিণঃ । ভ্রুমি-ন্ধমন্ত উপ গা অবৃণ্বত ॥ বিচক্রমে পৃথিবীমেষ এতাম্ । ক্ষেত্রায বিষ্ণু-র্মনুষে দশস্যন্ন্ । ধ্রুবাসো অস্য কীরযো জনাসঃ । উরুক্ষিতিগ্ং সুজনিমা চকার ॥, ত্রির্দেবঃ পৃথিবীমেষ এতাম্ । বিচক্রমে শতর্চস-ম্মহিত্বা । প্র বিষ্ণু-রস্তু তবসস্ত বীযান্ । ত্বেষগ্গ্ হ্যস্য স্থবিরস্য নাম ॥॥ আবেধস-ন্নীলপৃষ্ঠ-ম্বৃহন্তম্ । বৃহস্পতিগ্ং সদনে সাদযদ্ধ্বম্ । সাদদ্যোনি-ন্দম আদীদিবাগ্ংসম্ । হিরণ্যবর্ণমরুষগ্ং সপেম ॥ স হি শুচিঃ শতপত্র-স্স শুন্ধ্যূঃ ॥ 21 ॥
হিরণ্যবাশীরিষির-স্সুবর.ষাঃ । বৃহস্পতি-স্স স্বাবেশ ঋষ্বাঃ । পূরূ সখিভ্য আ সুতি-ঙ্করিষ্ঠঃ ॥ পূষগ্গ্স্তব ব্রতে বযম্ । ন রিষ্যেম কদা চন । স্তোতারস্ত ইহ স্মসি ॥ যাস্তে পূষন্নাবো অন্ত-স্সমুদ্রে । হিরণ্যযীরন্তরিক্ষে চরন্তি । যাভির্যাসি দূত্যাগ্ং সূর্যস্য । কামেন কৃত-শ্শ্রব ইচ্ছমানঃ ॥ 22 ॥
অরণ্যান্যরণ্যান্যসৌ । যা প্রেব নশ্যসি । কথা গ্রাম-ন্ন পৃচ্ছসি । ন ত্বা ভীরিব বিন্দতী(3) ॥ বৃষারবায বদতে । যদুপাবতি চিচ্চিকঃ । আঘাটীভিরিব ধাবযন্ন্ । অরণ্যানি-র্মহীযতে ॥ উত গাব ইবাদন্ন্ । উতো বেশ্মেব দৃশ্যতে ॥ 23 ॥
উতো অরণ্যানি-স্সাযম্ । শকটীরিব সর্জতি ॥ গামঙ্গৈষ আহ্বযতি । দার্বঙ্গৈষ উপাবধীত্ । বসন্নরণ্যান্যাগ্ং সাযম্ । অক্রুক্ষদিতি মন্যতে ॥ ন বা অরণ্যানির্হন্তি । অন্যশ্চেন্নাভিগচ্ছতি । স্বাদোঃ ফলস্য জগ্ধ্বা । যত্র কাম-ন্নিপদ্যতে ॥ আঞ্জনগন্ধীগ্ং সুরভীম্ । বহ্বন্নামকৃষীবলাম্ । প্রাহ-ম্মৃগাণা-ম্মাতরম্ । অরণ্যানীমশগ্ং-সিষম্ ॥ 24 ॥

(স্যাম - রুরোহ - যুবানঃ - শুন্ধ্ - যূরিচ্ছমানো - দৃশ্যতে - নিপদ্যতে চত্বারি চ) (অ. 5)
2.5.6 উপহোমাঃ

বার্ত্রহত্যায শবসে । পৃতনা-সাহ্যায চ । ইন্দ্রত্বা-ঽঽবর্তযামসি ॥ সুব্রহ্মাণং-বীঁরবন্ত-ম্বৃহন্তম্ । উরু-ঙ্গভীর-ম্পৃথুবুদ্ধ্নমিন্দ্র । শ্রুতর্ষি-মুগ্রমভি-মাতিষাহম্ । অস্মভ্য-ঞ্চিত্রং-বৃঁষণগ্ং রযি-ন্দাঃ ॥ ক্ষেত্রিযৈ ত্বা নির্-ঋত্যৈ ত্বা । দ্রুহো মুঞ্চামি বরুণস্য পাশাত্ । অনাগস-ম্ব্রহ্মণে ত্বা করোমি ॥ 25 ॥
শিবে তে দ্যাবাপৃথিবী উভে ইমে ॥ শ-ন্তে অগ্নি-স্সহাদ্ভিরস্তু । শ-ন্দ্যাবাপৃথিবী সহৌষধীভিঃ । শমন্তরিক্ষগ্ং সহ বাতেন তে । শ-ন্তে চতস্রঃ প্রদিশো ভবন্তু ॥ যা দৈবীশ্চতস্রঃ প্রদিশঃ । বাতপত্নীরভি সূর্যো বিচষ্টে । তাসা-ন্ত্বা জরস আদধামি । প্র যক্ষ্ম এতু নির্-ঋতি-ম্পরাচৈঃ ॥ অমোচি যক্ষ্মা-দ্দুরিতা-দবর্ত্যৈ ॥ 26 ॥
দ্রুহঃ পাশান্নির্-ঋত্যৈ চোদমোচি । অহা অবর্তিমবিদ-থ্স্যোনম্ । অপ্যভূ-দ্ভদ্রে সুকৃতস্য লোকে ॥ সূর্যমৃত-ন্তমসো গ্রাহ্যা যত্ । দেবা অমুঞ্চ-ন্নসৃজন্ব্যেনসঃ । এবমহমিম-ঙ্ক্ষেত্রিযাজ্জামিশগ্ংসাত্ । দ্রুহো মুঞ্চামি বরুণস্য পাশাত্ ॥ বৃহস্পতে যুবমিন্দ্রশ্চ বস্বঃ । দিব্যস্যেশাথে উত পার্থিবস্য । ধত্তগ্ং রযিগ্গ্ স্তুবতে কীরযে চিত্ ॥ 27 ॥
যূয-ম্পাত স্বস্তিভি-স্সদা নঃ ॥ দেবাযুধমিন্দ্রমাজোহুবানাঃ । বিশ্বাবৃধমভি যে রক্ষমাণাঃ । যেন হতা দীর্ঘমদ্ধ্বানমাযন্ন্ । অনন্তমর্থমনিবর্-থ্স্যমানাঃ ॥ যত্তে সুজাতে হিমবথ্সু ভেষজম্ । মযোভূ-শ্শন্তমা যদ্ধৃদো-ঽসি । ততো নো দেহি সীবলে ॥ অদো গিরিভ্যো অধি যত্প্রধাবসি । সগ্ংশোভমানা কন্যেব শুভ্রে ॥ 28 ॥
তা-ন্ত্বা মুদ্গলা হবিষা বর্ধযন্তি । সা নঃ সীবলে রযিমাভাজযেহ ॥ পূর্ব-ন্দেবা অপরেণা-নুপশ্যঞ্জন্মভিঃ । জন্মান্যবরৈঃ পরাণি । বেদানি দেবা অযমস্মীতি মাম্ । অহগ্ং হিত্বা শরীর-ঞ্জরসঃ পরস্তাত্ ॥ প্রাণাপানৌ চক্ষু-শ্শ্রোত্রম্ । বাচ-ম্মনসি সম্ভৃতাম্ । হিত্বা শরীর-ঞ্জরসঃ পরস্তাত্ । আ ভূতি-ম্ভূতিং-বঁযমশ্নবামহৈ ॥ ইমা এব তা উষসো যাঃ প্রথমা ব্যৌচ্ছন্ন্ । তা দেব্যঃ কুর্বতে পঞ্চ রূপা । শশ্বতীর্নাবপৃজ্যন্তি । ন গমন্ত্যন্তম্ ॥ 29 ॥

(করো - ম্যবর্ত্যৈ - চি - চ্ছুভ্রে - ঽশ্নবামহৈ চত্বারি চ) (অ. 6)
2.5.7 উপহোমাঃ

বসূনা-ন্ত্বা-ঽঽধীতেন । রুদ্রাণামূর্ম্যা । আদিত্যানা-ন্তেজসা । বিশ্বেষা-ন্দেবানা-ঙ্ক্রতুনা । মরুতামেম্না জুহোমি স্বাহা ॥ অভিভূতি-রহমাগমম্ । ইন্দ্রসখা স্বাযুধঃ । আস্বাশাসু দুষ্ষহঃ ॥ ইদং-বঁর্চো অগ্নিনা দত্তমাগাত্ । যশো ভর্গ-স্সহ ওজো বল-ঞ্চ ॥ 30 ॥
দীর্ঘাযুত্বায শতশারদায । প্রতিগৃভ্ণামি মহতে বীর্যায ॥ আযুরসি বিশ্বাযুরসি । সর্বাযুরসি সর্বমাযুরসি । সর্ব-ম্ম আযুর্ভূযাত্ । সর্বমাযুর্গেষম্ ॥ ভূর্ভুব-স্সুবঃ ॥ অগ্নি-র্ধর্মেণান্নাদঃ । মৃত্যু-র্ধর্মেণান্নপতিঃ । ব্রহ্ম ক্ষত্রগ্গ্ স্বাহা ॥ 31 ॥
প্রজাপতিঃ প্রণেতা । বৃহস্পতিঃ পুর এতা । যমঃ পন্থাঃ । চন্দ্রমাঃ পুনরসু-স্স্বাহা ॥ অগ্নিরন্নাদো-ঽন্নপতিঃ । অন্নাদ্যমস্মিন্. যজ্ঞে যজমানায দদাতু স্বাহা ॥ সোমো রাজা রাজপতিঃ । রাজ্যমস্মিন্. যজ্ঞে যজমানায দদাতু স্বাহা ॥ বরুণ-স্সম্রা-ট্থ্সম্রাট্পতিঃ । সাম্রাজ্যমস্মিন্. যজ্ঞে যজমানায দদাতু স্বাহা ॥ 32 ॥
মিত্রঃ, ক্ষত্র-ঙ্ক্ষত্রপতিঃ । ক্ষত্রমস্মিন্. যজ্ঞে যজমানায দদাতু স্বাহা ॥ ইন্দ্রো বল-ম্বলপতিঃ । বলমস্মিন্. যজ্ঞে যজমানায দদাতু স্বাহা ॥ বৃহস্পতি-র্ব্রহ্ম ব্রহ্মপতিঃ । ব্রহ্মাস্মিন্. যজ্ঞে যজমানায দদাতু স্বাহা ॥ সবিতা রাষ্ট্রগ্ং রাষ্ট্রপতিঃ । রাষ্ট্রমস্মিন্. যজ্ঞে যজমানায দদাতু স্বাহা ॥ পূষা বিশাং-বিঁট্পতিঃ । বিশমস্মিন্. যজ্ঞে যজমানায দদাতু স্বাহা ॥ সরস্বতী পুষ্টিঃ পুষ্টিপত্নী । পুষ্টিমস্মিন্. যজ্ঞে যজমানায দদাতু স্বাহা ॥ ত্বষ্টা পশূনা-ম্মিথুনানাগ্ং রূপকৃ-দ্রূপপতিঃ । রূপেণাস্মিন্. যজ্ঞে যজমানায পশূ-ন্দদাতু স্বাহা ॥ 33 ॥

(চ - স্বাহা - সাম্রাজ্যমস্মিন্. যজ্ঞে যজমানায দদাতু স্বাহা - বিশমস্মিন্. যজ্ঞে যজমানায দদাতু স্বাহা চত্বারি চ) (অ. 7)
(অগ্নি-স্সোমো বরুণো মিত্র ইন্দ্রো বৃহস্পতিঃ সবিতা পূষা সরস্বতী ত্বষ্টা দশ)
2.5.8 উপহোমাঃ

স ঈ-ম্পাহি য ঋজীষী তরুত্রঃ । য-শ্শিপ্রবান্ বৃষভো যো মতীনাম্ । যো গোত্রভি-দ্বজ্রভৃদ্যো হরিষ্ঠাঃ । স ইন্দ্র চিত্রাগ্ং অভিতৃন্ধি বাজান্ ॥ আ তে শুষ্মো বৃষভ এতু পশ্চাত্ । ওত্তরাদধরাগা পুরস্তাত্ । আ বিশ্বতো অভি সমেত্বর্বাম্ । ইন্দ্র দ্যুম্নগ্ং সুবর্বদ্ধেহ্যস্মে ॥ প্রোষ্বস্মৈ পুরোরথম্ । ইন্দ্রায শূষমর্চত ॥ 34 ॥
অভীকে চিদু লোককৃত্ । সঙ্গে সমথ্সু বৃত্রহা । অস্মাক-ম্বোধি চোদিতা । নভন্তা-মন্যকেষাম্ । জ্যাকা অধি ধন্বসু ॥ ইন্দ্রং-বঁযগ্ং শুনাসীরম্ । অস্মিন্. যজ্ঞে হবামহে । আবাজৈরুপ নো গমত্ ॥ ইন্দ্রায শুনাসীরায । স্রুচা জুহুত নো হবিঃ ॥ 35 ॥
জুষতা-ম্প্রতি মেধিরঃ ॥ প্র হব্যানি ঘৃতবন্ত্যস্মৈ । হর্যশ্বায ভরতা সজোষাঃ । ইন্দ্রর্তুভি-র্ব্রহ্মণা বাবৃধানঃ । শুনাসীরী হবিরিদ-ঞ্জুষস্ব ॥ বযঃ সুপর্ণা উপসেদুরিন্দ্রম্ । প্রিযমেধা ঋষযো নাধমানাঃ । অপ ধ্বান্তমূর্ণুহি পূর্ধি চক্ষুঃ । মুমুগ্ধ্যস্মা-ন্নিধযেব বদ্ধান্ ॥ বৃহদিন্দ্রায গাযত ॥ 36 ॥
মরুতো বৃত্রহন্তমম্ । যেন জ্যোতি-রজনযন্নৃতাবৃধঃ । দেব-ন্দেবায জাগৃবি ॥ কা মিহৈকাঃ ক ইমে পতঙ্গাঃ । মান্থালাঃ কুলি পরি মা পতন্তি । অনাবৃতৈনান্-প্রধমন্তু দেবাঃ । সৌপর্ণ-ঞ্চক্ষুস্তনুবা বিদেয ॥ এবা বন্দস্ব বরুণ-ম্বৃহন্তম্ । নমস্যা ধীরমমৃতস্য গোপাম্ । স ন-শ্শর্ম ত্রিবরূথং-বিঁযগ্ংসত্ ॥ 37 ॥
যূয-ম্পাত স্বস্তিভি-স্সদা নঃ ॥ নাকে সুপর্ণমুপ যত্-পতন্তম্ । হৃদা বেনন্তো অভ্যচক্ষত ত্বা । হিরণ্যপক্ষং-বঁরুণস্য দূতম্ । যমস্য যোনৌ শকুন-ম্ভুরণ্যুম্ ॥ শ-ন্নো দেবীরভিষ্টযে । আপো ভবন্তু পীতযে । শং-যোঁরভিস্রবন্তু নঃ ॥ ঈশানা বার্যাণাম্ । ক্ষযন্তী-শ্চর্ষণীনাম্ ॥ 38 ॥
অপো যাচামি ভেষজম্ ॥ অফ্সু মে সোমো অব্রবীত্ । অন্ত-র্বিশ্বানি ভেষজা । অগ্নি-ঞ্চ বিশ্বশম্ভুবম্ । আপশ্চ বিশ্বভেষজীঃ ॥ যদফ্সু তে সরস্বতি । গোষ্বশ্বেষু যন্মধু । তেন মে বাজিনীবতি । মুখমঙ্গ্ধি সরস্বতি ॥ যা সরস্বতী বৈশম্ভল্যা ॥ 39 ॥
তস্যা-ম্মে রাস্ব । তস্যাস্তে ভক্ষীয । তস্যাস্তে ভূযিষ্ঠভাজো ভূযাস্ম ॥ অহ-ন্ত্বদস্মি মদসি ত্বমেতত্ । মমাসি যোনিস্তব যোনিরস্মি । মমৈব সন্বহ হব্যান্যগ্নে । পুত্রঃ পিত্রে লোককৃজ্জাতবেদঃ ॥ ইহৈব সন্তত্র সন্ত-ন্ত্বা ঽগ্নে । প্রাণেন বাচা মনসা বিভর্মি । তিরো মা সন্তমাযুর্মা প্রহাসীত্ ॥ 40 ॥
জ্যোতিষা ত্বা বৈশ্বানরেণোপতিষ্ঠে ॥ অয-ন্তে যোনির্-ঋত্বিযঃ । যতো জাতো অরোচথাঃ । ত-ঞ্জানন্নগ্ন আরোহ । অথা নো বর্ধযা রযিম্ ॥ যা তে অগ্নে যজ্ঞিযা তনূস্তযে-হ্যারোহাত্মা-ঽঽত্মানম্ । অচ্ছা বসূনি কৃণ্বন্নস্মে নর্যা পুরূণি । যজ্ঞো ভূত্বা যজ্ঞমাসীদ স্বাং-যোঁনিম্ । জাতবেদো ভুব আজাযমান-স্সক্ষয এহি ॥ উপাবরোহ জাতবেদঃ পুনস্ত্বম্ ॥ 41 ॥
দেবেভ্যো হব্যং-বঁহ নঃ প্রজানন্ন্ । আযুঃ প্রজাগ্ং রযিমস্মাসু ধেহি । অজস্রো দীদিহি নো দুরোণে ॥ তমিন্দ্র-ঞ্জোহবীমি মঘবানমুগ্রম্ । সত্রাদধান-মপ্রতিষ্কুতগ্ং শবাগ্ংসি । মগ্ংহিষ্ঠো গীর্ভিরা চ যজ্ঞিযো ঽববর্তত্ । রাযে নো বিশ্বা সুপথা কৃণোতু বজ্রী ॥ ত্রিকদ্রুকেষু মহিষো যবাশির-ন্তুবিশুষ্মস্তৃপত্ । সোমমপিব-দ্বিষ্ণুনা সুতং-যঁথাবশত্ । স ঈ-ম্মমাদ মহি কর্ম কর্তবে মহামুরুম্ ॥ 42 ॥
সৈনগ্ং সশ্চ-দ্দেব-ন্দেব-স্সত্যমিন্দুগ্ং সত্য ইন্দ্রঃ ॥ বিদদ্যতী সরমা রুগ্ণমদ্রেঃ । মহি পাথঃ পূর্ব্যগ্ং সদ্ধ্রিযক্কঃ । অগ্র-ন্নয-থ্সুপদ্যক্ষরাণাম্ । অচ্ছা রব-ম্প্রথমা জানতী গাত্ ॥ বিদ-দ্গব্যগ্ং সরমা দৃঢমূর্বম্ । যেনা নুক-ম্মানুষী ভোজতে বিট্ । আ যে বিশ্বা স্বপত্যানি চক্রুঃ । কৃণ্বানাসো অমৃতত্বায গাতুম্ ॥ ত্ব-ন্নৃভির্নৃপতে দেবহূতৌ ॥ 43 ॥
ভূরীণি বৃত্বা হর্যশ্ব হগ্ংসি । ত্ব-ন্নিদস্যু-ঞ্চুমুরিম্ । ধুনি-ঞ্চাস্বাপযো দভীতযে সুহন্তু ॥ এবা পাহি প্রত্নথা মন্দতু ত্বা । শ্রুধি ব্রহ্ম বাবৃধস্বোত গীর্ভিঃ । আবি-স্সূর্য-ঙ্কৃণুহি পীপিহীষঃ । জহি শত্রূগ্ংরভি গা ইন্দ্র তৃন্ধি ॥ অগ্নে বাধস্ব বিমৃধো নুদস্ব । অপামীবা অপ রক্ষাগ্ংসি সেধ । অস্মা-থ্সমুদ্রা-দ্বৃহতো দিবো নঃ ॥ 44 ॥
অপা-ম্ভূমানমুপ ন-স্সৃজেহ ॥ যজ্ঞ প্রতিতিষ্ঠ সুমতৌ সুশেবা আ ত্বা । বসূনি পুরুধা বিশন্তু । দীর্ঘমাযু-র্যজমানায কৃণ্বন্ন্ । অথামৃতেন জরিতারমঙ্গ্ধি ॥ ইন্দ্রঃ শুনাব-দ্বিতনোতি সীরম্ । সংবঁথ্সরস্য প্রতিমাণমেতত্ । অর্কস্য জ্যোতিস্তদিদাস জ্যেষ্ঠম্ । সংবঁথ্সরগ্ং শুনবথ্সীরমেতত্ ॥ ইন্দ্রস্য রাধঃ প্রযত-ম্পুরু ত্মনা । তদর্করূপং-বিঁমিমানমেতি । দ্বাদশারে প্রতিতিষ্ঠতী-দ্বৃষা ॥ অশ্বাযন্তো গব্যন্তো বাজযন্তঃ । হবামহে ত্বোপগন্ত বা উ । আভূষন্তস্ত্বা সুমতৌ নবাযাম্ । বযমিন্দ্র ত্বা শুনগ্ং হুবেম ॥ 45 ॥