What is Mahendra Krita Mahalakshmi Stotram?

Read Mahendra Krita Mahalakshmi Stotram in Gujarati script — full lyrics with English meaning and transliteration. This powerful hymn is attributed to Lord Indra, who composed it to seek forgiveness and divine grace from Goddess Lakshmi after losing his prosperity. Found within the Brahmavaivarta Purana, the stotra serves as a profound prayer to the consort of Lord Vishnu, extolling her as the source of all material and spiritual wealth. Chanting this hymn with devotion is believed to attract divine prosperity, remove poverty, and bestow success upon the devotee. It is highly regarded for its ability to appease the Goddess of fortune, ensuring peace, harmony, and abundance in one's life.

Which deity is Mahendra Krita Mahalakshmi Stotram dedicated to?

Mahendra Krita Mahalakshmi Stotram is a Sanskrit hymn dedicated to Goddess Lakshmi.

Who composed Mahendra Krita Mahalakshmi Stotram?

Mahendra Krita Mahalakshmi Stotram is traditionally attributed to From Brahmavaivarta Purana.

Mahendra Krita Mahalakshmi Stotram in Gujarati – Meaning

મહેન્દ્ર ઉવાચ

નમઃ કમલવાસિન્યૈ નારાયણ્યૈ નમો નમઃ ।
કૃષ્ણપ્રિયાયૈ સારાયૈ પદ્માયૈ ચ નમો નમઃ ॥ 1 ॥

પદ્મપત્રેક્ષણાયૈ ચ પદ્માસ્યાયૈ નમો નમઃ ।
પદ્માસનાયૈ પદ્મિન્યૈ વૈષ્ણવ્યૈ ચ નમો નમઃ ॥ 2 ॥

સર્વસમ્પત્સ્વરૂપાયૈ સર્વદાત્ર્યૈ નમો નમઃ ।
સુખદાયૈ મોક્ષદાયૈ સિદ્ધિદાયૈ નમો નમઃ ॥ 3 ॥

હરિભક્તિપ્રદાત્ર્યૈ ચ હર્ષદાત્ર્યૈ નમો નમઃ ।
કૃષ્ણવક્ષઃસ્થિતાયૈ ચ કૃષ્ણેશાયૈ નમો નમઃ ॥ 4 ॥

કૃષ્ણશોભાસ્વરૂપાયૈ રત્નાઢ્યાયૈ નમો નમઃ ।
સમ્પત્યધિષ્ઠાતૃદેવ્યૈ મહાદેવ્યૈ નમો નમઃ ॥ 5 ॥

સસ્યાધિષ્ઠાતૃદેવ્યૈ ચ સસ્યલક્ષ્મ્યૈ નમો નમઃ ।
નમો બુદ્ધિસ્વરૂપાયૈ બુદ્ધિદાયૈ નમો નમઃ ॥ 6 ॥

વૈકુણ્ઠે ચ મહાલક્ષ્મીર્લક્ષ્મીઃ ક્ષીરોદસાગરે ।
સ્વર્ગલક્ષ્મીરિન્દ્રગેહે રાજલક્ષ્મીર્નૃપાલયે ॥ 7 ॥

ગૃહલક્ષ્મીશ્ચ ગૃહિણાં ગેહે ચ ગૃહદેવતા ।
સુરભિઃ સા ગવાં માતા દક્ષિણા યજ્ઞકામિની ॥ 8 ॥

અદિતિર્દેવમાતા ત્વં કમલા કમલાલયે ।
સ્વાહા ત્વં ચ હવિર્દાને કવ્યદાને સ્વધા સ્મૃતા ॥ 9 ॥

ત્વં હિ વિષ્ણુસ્વરૂપા ચ સર્વાધારા વસુન્ધરા ।
શુદ્ધસત્ત્વસ્વરૂપા ત્વં નારાયણપરાયાણા ॥ 10 ॥

ક્રોધહિંસાવર્જિતા ચ વરદા ચ શુભાનના ।
પરમાર્થપ્રદા ત્વં ચ હરિદાસ્યપ્રદા પરા ॥ 11 ॥

યયા વિના જગત્સર્વં ભસ્મીભૂતમસારકમ્ ।
જીવન્મૃતં ચ વિશ્વં ચ શવતુલ્યં યયા વિના ॥ 12 ॥

સર્વેષાં ચ પરા ત્વં હિ સર્વબાન્ધવરૂપિણી ।
યયા વિના ન સમ્ભાષ્યો બાન્ધવૈર્બાન્ધવઃ સદા ॥ 13 ॥

ત્વયા હીનો બન્ધુહીનસ્ત્વયા યુક્તઃ સબાન્ધવઃ ।
ધર્માર્થકામમોક્ષાણાં ત્વં ચ કારણરૂપિણી ॥ 14 ॥

સ્તનન્ધયાનાં ત્વં માતા શિશૂનાં શૈશવે યથા ।
તથા ત્વં સર્વદા માતા સર્વેષાં સર્વવિશ્વતઃ ॥ 15 ॥

ત્યક્તસ્તનો માતૃહીનઃ સ ચેજ્જીવતિ દૈવતઃ ।
ત્વયા હીનો જનઃ કોઽપિ ન જીવત્યેવ નિશ્ચિતમ્ ॥ 16 ॥

સુપ્રસન્નસ્વરૂપા ત્વં મે પ્રસન્ના ભવામ્બિકે ।
વૈરિગ્રસ્તં ચ વિષયં દેહિ મહ્યં સનાતનિ ॥ 17 ॥

વયં યાવત્ત્વયા હીના બન્ધુહીનાશ્ચ ભિક્ષુકાઃ ।
સર્વસમ્પદ્વિહીનાશ્ચ તાવદેવ હરિપ્રિયે ॥ 18 ॥

રાજ્યં દેહિ શ્રિયં દેહિ બલં દેહિ સુરેશ્વરિ ।
કીર્તિં દેહિ ધનં દેહિ પુત્રાન્મહ્યં ચ દેહિ વૈ ॥ 19 ॥

કામં દેહિ મતિં દેહિ ભોગાન્ દેહિ હરિપ્રિયે ।
જ્ઞાનં દેહિ ચ ધર્મં ચ સર્વસૌભાગ્યમીપ્સિતમ્ ॥ 20 ॥

સર્વાધિકારમેવં વૈ પ્રભાવાં ચ પ્રતાપકમ્ ।
જયં પરાક્રમં યુદ્ધે પરમૈશ્વર્યમૈવ ચ ॥ 21 ॥

ઇત્યુક્ત્વા તુ મહેન્દ્રશ્ચ સર્વૈઃ સુરગણૈઃ સહ ।
નનામ સાશ્રુનેત્રોઽયં મૂર્ધ્ના ચૈવ પુનઃ પુનઃ ॥ 22 ॥

બ્રહ્મા ચ શઙ્કરશ્ચૈવ શેષો ધર્મશ્ચ કેશવઃ ।
સર્વે ચક્રુઃ પરીહારં સુરાર્થે ચ પુનઃ પુનઃ ॥ 23 ॥

દેવેભ્યશ્ચ વરં દત્ત્વા પુષ્પમાલાં મનોહરામ્ ।
કેશવાય દદૌ લક્ષ્મીઃ સન્તુષ્ટા સુરસંસદિ ॥ 24 ॥

યયુર્દૈવાશ્ચ સન્તુષ્ટાઃ સ્વં સ્વં સ્થાનં ચ નારદ ।
દેવી યયૌ હરેઃ ક્રોડં હૃષ્ટા ક્ષીરોદશાયિનઃ ॥ 25 ॥

યયતુસ્તૌ સ્વસ્વગૃહં બ્રહ્મેશાનૌ ચ નારદ ।
દત્ત્વા શુભાશિષં તૌ ચ દેવેભ્યઃ પ્રીતિપૂર્વકમ્ ॥ 26 ॥

ઇદં સ્તોત્રં મહાપુણ્યં ત્રિસન્ધ્યં યઃ પઠેન્નરઃ ।
કુબેરતુલ્યઃ સ ભવેદ્રાજરાજેશ્વરો મહાન્ ॥ 27 ॥

સિદ્ધસ્તોત્રં યદિ પઠેત્ સોઽપિ કલ્પતરુર્નરઃ ।
પઞ્ચલક્ષજપેનૈવ સ્તોત્રસિદ્ધિર્ભવેન્નૃણામ્ ॥ 28 ॥

સિદ્ધસ્તોત્રં યદિ પઠેન્માસમેકં ચ સંયતઃ ।
મહાસુખી ચ રાજેન્દ્રો ભવિષ્યતિ ન સંશયઃ ॥ 29 ॥

ઇતિ શ્રીબ્રહ્મવૈવર્તે મહાપુરાણે દ્વિતીયે પ્રકૃતિખણ્ડે નારદનારાયણસંવાદે એકોનચત્વારિંશત્તમોઽધ્યાયે મહેન્દ્ર કૃત શ્રી મહાલક્ષ્મી સ્તોત્રમ્ ।

મહેન્દ્ર કૃત મહાલક્ષ્મી સ્તોત્રં

મહેન્દ્ર ઉવાચ

Explore More

મહેન્દ્ર ઉવાચ

More Lakshmi Stotras

Explore More