পুষ্ণন্ দেৱানমৃতৱিসৰৈৰিন্দুমাস্ৰাৱ্য সম্যগ্
ভাভিঃ স্ৱাভী ৰসযতি ৰসং যঃ পৰং নিত্যমেৱ ।
ক্ষীণং ক্ষীণং পুনৰপি চ তং পূৰযত্যেৱমীদৃগ্
দোলালীলোল্লসিতহৃদযং নৌমি চিদ্ভানুমেকম্ ॥
ভাভিঃ স্ৱাভী ৰসযতি ৰসং যঃ পৰং নিত্যমেৱ ।
ক্ষীণং ক্ষীণং পুনৰপি চ তং পূৰযত্যেৱমীদৃগ্
দোলালীলোল্লসিতহৃদযং নৌমি চিদ্ভানুমেকম্ ॥
শব্দাৰ্থত্ৱৱিৱৰ্তমানপৰমজ্যোতীৰুচো গোপতে-
-ৰুদ্গীথোঽভ্যুদিতঃ পুৰোঽৰুণতযা যস্য ত্ৰযীমণ্ডলম্ ।
ভাস্যদ্ৱৰ্ণপদক্ৰমেৰিততমঃ সপ্তস্ৱৰাশ্ৱৈৰ্ৱিয-
-দ্ৱিদ্যাস্যন্দনমুন্নযন্নিৱ নমস্তস্মৈ পৰব্ৰহ্মণে ॥ ১ ॥
-ৰুদ্গীথোঽভ্যুদিতঃ পুৰোঽৰুণতযা যস্য ত্ৰযীমণ্ডলম্ ।
ভাস্যদ্ৱৰ্ণপদক্ৰমেৰিততমঃ সপ্তস্ৱৰাশ্ৱৈৰ্ৱিয-
-দ্ৱিদ্যাস্যন্দনমুন্নযন্নিৱ নমস্তস্মৈ পৰব্ৰহ্মণে ॥ ১ ॥
ওমিত্যন্তৰ্নদতি নিযতং যঃ প্ৰতিপ্ৰাণি শব্দো
ৱাণী যস্মাত্প্ৰসৰতি পৰা শব্দতন্মাত্ৰগৰ্ভা ।
প্ৰাণাপানৌ ৱহতি চ সমৌ যো মিথো গ্ৰাসসক্তৌ
দেহস্থং তং সপদি পৰমাদিত্যমাদ্যং প্ৰপদ্যে ॥ ২ ॥
ৱাণী যস্মাত্প্ৰসৰতি পৰা শব্দতন্মাত্ৰগৰ্ভা ।
প্ৰাণাপানৌ ৱহতি চ সমৌ যো মিথো গ্ৰাসসক্তৌ
দেহস্থং তং সপদি পৰমাদিত্যমাদ্যং প্ৰপদ্যে ॥ ২ ॥
যস্ত্ৱক্চক্ষুঃশ্ৰৱণৰসনাঘ্ৰাণপাণ্যঙ্ঘ্ৰিৱাণী-
-পাযূপস্থস্থিতিৰপি মনোবুদ্ধ্যহঙ্কাৰমূৰ্তিঃ ।
তিষ্ঠত্যন্তৰ্বহিৰপি জগদ্ভাসযন্দ্ৱাদশাত্মা
মাৰ্তণ্ডং তং সকলকৰণাধাৰমেকং প্ৰপদ্যে ॥ ৩ ॥
-পাযূপস্থস্থিতিৰপি মনোবুদ্ধ্যহঙ্কাৰমূৰ্তিঃ ।
তিষ্ঠত্যন্তৰ্বহিৰপি জগদ্ভাসযন্দ্ৱাদশাত্মা
মাৰ্তণ্ডং তং সকলকৰণাধাৰমেকং প্ৰপদ্যে ॥ ৩ ॥
যা সা মিত্ৰাৱৰুণসদনাদুচ্চৰন্তো ত্ৰিষষ্টিং
ৱৰ্ণানত্ৰ প্ৰকটকৰণৈঃ প্ৰাণসঙ্গাত্প্ৰসূতান্ ।
তাং পশ্যন্তীং প্ৰথমমুদিতাং মধ্যমাং বুদ্ধিসংস্থাং
ৱাচং ৱক্ত্ৰে কৰণৱিশদাং ৱৈখৰীং চ প্ৰপদ্যে ॥ ৪ ॥
ৱৰ্ণানত্ৰ প্ৰকটকৰণৈঃ প্ৰাণসঙ্গাত্প্ৰসূতান্ ।
তাং পশ্যন্তীং প্ৰথমমুদিতাং মধ্যমাং বুদ্ধিসংস্থাং
ৱাচং ৱক্ত্ৰে কৰণৱিশদাং ৱৈখৰীং চ প্ৰপদ্যে ॥ ৪ ॥
ঊৰ্ধ্ৱাধঃস্থান্যতনুভুৱনান্যন্তৰা সংনিৱিষ্টা
নানানাডিপ্ৰসৱগহনা সৰ্ৱভূতান্তৰস্থা ।
প্ৰাণাপানগ্ৰসননিৰতৈঃ প্ৰাপ্যতে ব্ৰহ্মনাডী
সা নঃ শ্ৱেতা ভৱতু পৰমাদিত্যমূৰ্তিঃ প্ৰসন্না ॥ ৫ ॥
নানানাডিপ্ৰসৱগহনা সৰ্ৱভূতান্তৰস্থা ।
প্ৰাণাপানগ্ৰসননিৰতৈঃ প্ৰাপ্যতে ব্ৰহ্মনাডী
সা নঃ শ্ৱেতা ভৱতু পৰমাদিত্যমূৰ্তিঃ প্ৰসন্না ॥ ৫ ॥
ন ব্ৰহ্মাণ্ডৱ্যৱহিতপথা নাতিশীতোষ্ণৰূপা
নো ৱা নক্তংদিৱগমমিতাঽতাপনীযাপৰাহুঃ ।
ৱৈকুণ্ঠীযা তনুৰিৱ ৰৱে ৰাজতে মণ্ডলস্থা
সা নঃ শ্ৱেতা ভৱতু পৰমাদিত্যমূৰ্তিঃ প্ৰসন্না ॥ ৬ ॥
নো ৱা নক্তংদিৱগমমিতাঽতাপনীযাপৰাহুঃ ।
ৱৈকুণ্ঠীযা তনুৰিৱ ৰৱে ৰাজতে মণ্ডলস্থা
সা নঃ শ্ৱেতা ভৱতু পৰমাদিত্যমূৰ্তিঃ প্ৰসন্না ॥ ৬ ॥
যত্ৰাৰূঢং ত্ৰিগুণৱপুষি ব্ৰহ্ম তদ্বিন্দুৰূপং
যোগীন্দ্ৰাণাং যদপি পৰমং ভাতি নিৰ্ৱাণমাৰ্গঃ ।
ত্ৰয্যাধাৰঃ প্ৰণৱ ইতি যন্মণ্ডলং চণ্ডৰশ্মে-
-ৰন্তঃ সূক্ষ্মং বহিৰপি বৃহন্মুক্তযেঽহং প্ৰপন্নঃ ॥ ৭ ॥
যোগীন্দ্ৰাণাং যদপি পৰমং ভাতি নিৰ্ৱাণমাৰ্গঃ ।
ত্ৰয্যাধাৰঃ প্ৰণৱ ইতি যন্মণ্ডলং চণ্ডৰশ্মে-
-ৰন্তঃ সূক্ষ্মং বহিৰপি বৃহন্মুক্তযেঽহং প্ৰপন্নঃ ॥ ৭ ॥
যস্মিন্সোমঃ সুৰপিতৃনৰৈৰন্ৱহং পীযমানঃ
ক্ষীণঃ ক্ষীণঃ প্ৰৱিশতি যতো ৱৰ্ধতে চাপি ভূযঃ ।
যস্মিন্ৱেদা মধুনি সৰঘাকাৰৱদ্ভান্তি চাগ্ৰে
তচ্চণ্ডাংশোৰমিতমমৃতং মণ্ডলস্থং প্ৰপদ্যে ॥ ৮ ॥
ক্ষীণঃ ক্ষীণঃ প্ৰৱিশতি যতো ৱৰ্ধতে চাপি ভূযঃ ।
যস্মিন্ৱেদা মধুনি সৰঘাকাৰৱদ্ভান্তি চাগ্ৰে
তচ্চণ্ডাংশোৰমিতমমৃতং মণ্ডলস্থং প্ৰপদ্যে ॥ ৮ ॥
ঐন্দ্ৰীমাশাং পৃথুকৱপুষা পূৰযিত্ৱা ক্ৰমেণ
ক্ৰান্তাঃ সপ্ত প্ৰকটহৰিণা যেন পাদেন লোকাঃ ।
কৃত্ৱা ধ্ৱান্তং ৱিগলিতবলিৱ্যক্তি পাতাললীনং
ৱিশ্ৱালোকঃ স জযতি ৰৱিঃ সত্ত্ৱমেৱোৰ্ধ্ৱৰশ্মিঃ ॥ ৯ ॥
ক্ৰান্তাঃ সপ্ত প্ৰকটহৰিণা যেন পাদেন লোকাঃ ।
কৃত্ৱা ধ্ৱান্তং ৱিগলিতবলিৱ্যক্তি পাতাললীনং
ৱিশ্ৱালোকঃ স জযতি ৰৱিঃ সত্ত্ৱমেৱোৰ্ধ্ৱৰশ্মিঃ ॥ ৯ ॥
ধ্যাত্ৱা ব্ৰহ্ম প্ৰথমমতনু প্ৰাণমূলে নদন্তং
দৃষ্ট্ৱা চান্তঃ প্ৰণৱমুখৰং ৱ্যাহৃতীঃ সম্যগুক্ত্ৱা ।
যত্তদ্ৱেদে তদিতি সৱিতুৰ্ব্ৰহ্মণোক্তং ৱৰেণ্যং
তদ্ভৰ্গাখ্যং কিমপি পৰমং ধামগৰ্ভং প্ৰপদ্যে ॥ ১০ ॥
দৃষ্ট্ৱা চান্তঃ প্ৰণৱমুখৰং ৱ্যাহৃতীঃ সম্যগুক্ত্ৱা ।
যত্তদ্ৱেদে তদিতি সৱিতুৰ্ব্ৰহ্মণোক্তং ৱৰেণ্যং
তদ্ভৰ্গাখ্যং কিমপি পৰমং ধামগৰ্ভং প্ৰপদ্যে ॥ ১০ ॥
ত্ৱাং স্তোষ্যামি স্তুতিভিৰিতি মে যস্তু ভেদগ্ৰহোঽযং
সৈৱাৱিদ্যা তদপি সুতৰাং তদ্ৱিনাশায যুক্তঃ ।
স্তৌম্যেৱাহং ত্ৰিৱিধমুদিতং স্থূলসূক্ষ্মং পৰং ৱা
ৱিদ্যোপাযঃ পৰ ইতি বুধৈৰ্গীযতে খল্ৱৱিদ্যা ॥ ১১ ॥
সৈৱাৱিদ্যা তদপি সুতৰাং তদ্ৱিনাশায যুক্তঃ ।
স্তৌম্যেৱাহং ত্ৰিৱিধমুদিতং স্থূলসূক্ষ্মং পৰং ৱা
ৱিদ্যোপাযঃ পৰ ইতি বুধৈৰ্গীযতে খল্ৱৱিদ্যা ॥ ১১ ॥
যোঽনাদ্যন্তোঽপ্যতনুৰগুণোঽণোৰণীযান্মহীযা-
-ন্ৱিশ্ৱাকাৰঃ সগুণ ইতি ৱা কল্পনাকল্পিতাঙ্গঃ ।
নানাভূতপ্ৰকৃতিৱিকৃতীৰ্দৰ্শযন্ভাতি যো ৱা
তস্মৈ তস্মৈ ভৱতু পৰমাদিত্য নিত্যং নমস্তে ॥ ১২ ॥
-ন্ৱিশ্ৱাকাৰঃ সগুণ ইতি ৱা কল্পনাকল্পিতাঙ্গঃ ।
নানাভূতপ্ৰকৃতিৱিকৃতীৰ্দৰ্শযন্ভাতি যো ৱা
তস্মৈ তস্মৈ ভৱতু পৰমাদিত্য নিত্যং নমস্তে ॥ ১২ ॥
তত্ত্ৱাখ্যানে ত্ৱযি মুনিজনাঃ নেতি নেতি ব্ৰুৱন্তঃ
শ্ৰান্তাঃ সম্যক্ত্ৱমিতি ন চ তৈৰীদৃশো ৱেতি চোক্তঃ ।
তস্মাত্তুভ্যং নম ইতি ৱচোমাত্ৰমেৱাস্মি ৱচ্মি
প্ৰাযো যস্মাত্প্ৰসৰতি তৰাং ভাৰতী জ্ঞানগৰ্ভা ॥ ১৩ ॥
শ্ৰান্তাঃ সম্যক্ত্ৱমিতি ন চ তৈৰীদৃশো ৱেতি চোক্তঃ ।
তস্মাত্তুভ্যং নম ইতি ৱচোমাত্ৰমেৱাস্মি ৱচ্মি
প্ৰাযো যস্মাত্প্ৰসৰতি তৰাং ভাৰতী জ্ঞানগৰ্ভা ॥ ১৩ ॥
সৰ্ৱাঙ্গীণঃ সকলৱপুষামন্তৰে যোঽন্তৰাত্মা
তিষ্ঠন্কাষ্ঠে দহন ইৱ নো দৃশ্যসে যুক্তিশূন্যৈঃ ।
যশ্চ প্ৰাণাৰণিষু নিযতৈৰ্মথ্যমানাসু সদ্ভি-
-ৰ্দৃশ্যং জ্যোতিৰ্ভৱসি পৰমাদিত্য তস্মৈ নমস্তে ॥ ১৪ ॥
তিষ্ঠন্কাষ্ঠে দহন ইৱ নো দৃশ্যসে যুক্তিশূন্যৈঃ ।
যশ্চ প্ৰাণাৰণিষু নিযতৈৰ্মথ্যমানাসু সদ্ভি-
-ৰ্দৃশ্যং জ্যোতিৰ্ভৱসি পৰমাদিত্য তস্মৈ নমস্তে ॥ ১৪ ॥
স্তোতা স্তুত্যঃ স্তুতিৰিতি ভৱান্কৰ্তৃকৰ্মক্ৰিযাত্মা
ক্ৰীডত্যেকস্তৱ নুতিৱিধাৱস্ৱতন্ত্ৰস্ততোঽহম্ ।
যদ্ৱা ৱচ্মি প্ৰণযসুভগং গোপতে তচ্চ তথ্যং
ত্ৱত্তো হ্যন্যত্কিমিৱ জগতাং ৱিদ্যতে তন্মৃষা স্যাত্ ॥ ১৫ ॥
ক্ৰীডত্যেকস্তৱ নুতিৱিধাৱস্ৱতন্ত্ৰস্ততোঽহম্ ।
যদ্ৱা ৱচ্মি প্ৰণযসুভগং গোপতে তচ্চ তথ্যং
ত্ৱত্তো হ্যন্যত্কিমিৱ জগতাং ৱিদ্যতে তন্মৃষা স্যাত্ ॥ ১৫ ॥
জ্ঞানং নান্তঃকৰণৰহিতং ৱিদ্যতেঽস্মদ্ৱিধানাং
ত্ৱং চাত্যন্তং সকলকৰণাগোচৰত্ৱাদচিন্ত্যঃ ।
ধ্যানাতীতস্ত্ৱমিতি ন ৱিনা ভক্তিযোগেন লভ্য-
-স্তস্মাদ্ভক্তিং শৰণমমৃতপ্ৰাপ্তযেঽহং প্ৰপন্নঃ ॥ ১৬ ॥
ত্ৱং চাত্যন্তং সকলকৰণাগোচৰত্ৱাদচিন্ত্যঃ ।
ধ্যানাতীতস্ত্ৱমিতি ন ৱিনা ভক্তিযোগেন লভ্য-
-স্তস্মাদ্ভক্তিং শৰণমমৃতপ্ৰাপ্তযেঽহং প্ৰপন্নঃ ॥ ১৬ ॥
হাৰ্দং হন্তি প্ৰথমমুদিতা যা তমঃ সংশ্ৰিতানাং
সত্ত্ৱোদ্ৰেকাত্তদনু চ ৰজঃ কৰ্মযোগক্ৰমেণ ।
স্ৱভ্যস্তা চ প্ৰথযতিতৰাং সত্ত্ৱমেৱ প্ৰপন্না
নিৰ্ৱাণায ৱ্ৰজতি শমিনাং তেঽৰ্ক ভক্তিস্ত্ৰযীৱ ॥ ১৭ ॥
সত্ত্ৱোদ্ৰেকাত্তদনু চ ৰজঃ কৰ্মযোগক্ৰমেণ ।
স্ৱভ্যস্তা চ প্ৰথযতিতৰাং সত্ত্ৱমেৱ প্ৰপন্না
নিৰ্ৱাণায ৱ্ৰজতি শমিনাং তেঽৰ্ক ভক্তিস্ত্ৰযীৱ ॥ ১৭ ॥
তামাসাদ্য শ্ৰিযমিৱ গৃহে কামধেনুং প্ৰৱাসে
ধ্ৱান্তে ভাতিং ধৃতিমিৱ ৱনে যোজনে ব্ৰহ্মনাডিম্ ।
নাৱং চাস্মিন্ৱিষমৱিষযগ্ৰাহসংসাৰসিন্ধৌ
গচ্ছেযং তে পৰমমমৃতং যন্ন শীতং ন চোষ্ণম্ ॥ ১৮ ॥
ধ্ৱান্তে ভাতিং ধৃতিমিৱ ৱনে যোজনে ব্ৰহ্মনাডিম্ ।
নাৱং চাস্মিন্ৱিষমৱিষযগ্ৰাহসংসাৰসিন্ধৌ
গচ্ছেযং তে পৰমমমৃতং যন্ন শীতং ন চোষ্ণম্ ॥ ১৮ ॥
অগ্নীষোমাৱখিলজগতঃ কাৰণং তৌ মযূখৈঃ
সৰ্গাদানে সৃজসি ভগৱন্হ্ৰাসৱৃদ্ধিক্ৰমেণ ।
তাৱেৱান্তৰ্ৱিষুৱতি সমৌ জুহ্ৱতামাত্মৱহ্নৌ
দ্ৱাৱপ্যস্তং নযসি যুগপন্মুক্তযে ভক্তিভাজাম্ ॥ ১৯ ॥
সৰ্গাদানে সৃজসি ভগৱন্হ্ৰাসৱৃদ্ধিক্ৰমেণ ।
তাৱেৱান্তৰ্ৱিষুৱতি সমৌ জুহ্ৱতামাত্মৱহ্নৌ
দ্ৱাৱপ্যস্তং নযসি যুগপন্মুক্তযে ভক্তিভাজাম্ ॥ ১৯ ॥
স্থূলত্ৱং তে প্ৰকৃতিগহনং নৈৱ লক্ষ্যং হ্যনন্তং
সূক্ষ্মত্ৱং ৱা তদপি সদসদ্ৱ্যক্ত্যভাৱাদচিন্ত্যম্ ।
ধ্যাযামীত্থং কথমৱিদিতং ত্ৱামনাদ্যন্তমন্ত-
-স্তস্মাদৰ্ক প্ৰণযিনি মযি স্ৱাত্মনৈৱ প্ৰসীদ ॥ ২০ ॥
সূক্ষ্মত্ৱং ৱা তদপি সদসদ্ৱ্যক্ত্যভাৱাদচিন্ত্যম্ ।
ধ্যাযামীত্থং কথমৱিদিতং ত্ৱামনাদ্যন্তমন্ত-
-স্তস্মাদৰ্ক প্ৰণযিনি মযি স্ৱাত্মনৈৱ প্ৰসীদ ॥ ২০ ॥
যত্তদ্ৱেদ্যং কিমপি পৰমং শব্দতত্ত্ৱং ত্ৱমন্ত-
-স্তত্সদ্ৱ্যক্তিং জিগমিষু শনৈৰ্লাতি মাত্ৰা কলাঃ খে ।
অৱ্যক্তেন প্ৰণৱৱপুষা বিন্দুনাদোদিতং স-
-চ্ছব্দব্ৰহ্মোচ্চৰতি কৰণৱ্যঞ্জিতং ৱাচকং তে ॥ ২১ ॥
-স্তত্সদ্ৱ্যক্তিং জিগমিষু শনৈৰ্লাতি মাত্ৰা কলাঃ খে ।
অৱ্যক্তেন প্ৰণৱৱপুষা বিন্দুনাদোদিতং স-
-চ্ছব্দব্ৰহ্মোচ্চৰতি কৰণৱ্যঞ্জিতং ৱাচকং তে ॥ ২১ ॥
প্ৰাতঃসন্ধ্যাৰুণকিৰণভাগৃঙ্মযং ৰাজসং য-
-ন্মধ্যে চাপি জ্ৱলদিৱ যজুঃ শুক্লভাঃ সাত্ত্ৱিকং ৱা ।
সাযং সামাস্তমিতকিৰণং যত্তমোল্লাসি ৰূপং
সাহ্নঃ সৰ্গস্থিতিলযৱিধাৱাকৃতিস্তে ত্ৰযীৱ ॥ ২২ ॥
-ন্মধ্যে চাপি জ্ৱলদিৱ যজুঃ শুক্লভাঃ সাত্ত্ৱিকং ৱা ।
সাযং সামাস্তমিতকিৰণং যত্তমোল্লাসি ৰূপং
সাহ্নঃ সৰ্গস্থিতিলযৱিধাৱাকৃতিস্তে ত্ৰযীৱ ॥ ২২ ॥
যে পাতালোদধিমুনিনগদ্ৱীপলোকাধিবীজ-
-চ্ছন্দোভূতস্ৱৰমুখনদত্সপ্তসপ্তিং প্ৰপন্নাঃ ।
যে চৈকাশ্ৱং নিৰৱযৱৱাগ্ভাৱমাত্ৰাধিৰূঢং
তে ত্ৱামেৱ স্ৱৰগুণকলাৱৰ্জিতং যান্ত্যনশ্ৱম্ ॥ ২৩ ॥
-চ্ছন্দোভূতস্ৱৰমুখনদত্সপ্তসপ্তিং প্ৰপন্নাঃ ।
যে চৈকাশ্ৱং নিৰৱযৱৱাগ্ভাৱমাত্ৰাধিৰূঢং
তে ত্ৱামেৱ স্ৱৰগুণকলাৱৰ্জিতং যান্ত্যনশ্ৱম্ ॥ ২৩ ॥
দিৱ্যং জ্যোতিঃ সলিলপৱনৈঃ পূৰযিত্ৱা ত্ৰিলোকী-
-মেকীভূতং পুনৰপি চ তত্সাৰমাদায গোভিঃ ।
অন্তৰ্লীনো ৱিশসি ৱসুধাং তদ্গতঃ সূযসেঽন্নং
তচ্চ প্ৰাণাংস্ত্ৱমিতি জগতাং প্ৰাণভৃত্সূৰ্য আত্মা ॥ ২৪ ॥
-মেকীভূতং পুনৰপি চ তত্সাৰমাদায গোভিঃ ।
অন্তৰ্লীনো ৱিশসি ৱসুধাং তদ্গতঃ সূযসেঽন্নং
তচ্চ প্ৰাণাংস্ত্ৱমিতি জগতাং প্ৰাণভৃত্সূৰ্য আত্মা ॥ ২৪ ॥
অগ্নীষোমৌ প্ৰকৃতিপুৰুষৌ বিন্দুনাদৌ চ নিত্যৌ
প্ৰাণাপানাৱপি দিননিশে যে চ সত্যানৃতে দ্ৱে ।
ধৰ্মাধৰ্মৌ সদসদুভযং যোঽন্তৰাৱেশ্য যোগী
ৱৰ্তেতাত্মন্যুপৰতমতিৰ্নিৰ্গুণং ত্ৱাং ৱিশেত্সঃ ॥ ২৫ ॥
প্ৰাণাপানাৱপি দিননিশে যে চ সত্যানৃতে দ্ৱে ।
ধৰ্মাধৰ্মৌ সদসদুভযং যোঽন্তৰাৱেশ্য যোগী
ৱৰ্তেতাত্মন্যুপৰতমতিৰ্নিৰ্গুণং ত্ৱাং ৱিশেত্সঃ ॥ ২৫ ॥
গৰ্ভাধানপ্ৰসৱৱিধযে সুপ্তযোৰিন্দুভাসা
সাপত্ন্যেনাভিমুখমিৱ খে কান্তযোৰ্মধ্যসংস্থঃ ।
দ্যাৱাপৃথ্ৱ্যোৰ্ৱদনকমলে গোমুখৈৰ্বোধযিত্ৱা
পৰ্যাযেণাপিবসি ভগৱন্ ষড্ৰসাস্ৱাদলোলঃ ॥ ২৬ ॥
সাপত্ন্যেনাভিমুখমিৱ খে কান্তযোৰ্মধ্যসংস্থঃ ।
দ্যাৱাপৃথ্ৱ্যোৰ্ৱদনকমলে গোমুখৈৰ্বোধযিত্ৱা
পৰ্যাযেণাপিবসি ভগৱন্ ষড্ৰসাস্ৱাদলোলঃ ॥ ২৬ ॥
সোমং পূৰ্ণামৃতমিৱ চৰুং তেজসা সাধযিত্ৱা
কৃত্ৱা তেনানলমুখজগত্তৰ্পৰ্ণং ৱৈশ্ৱদেৱম্ ।
আমাৱস্যং ৱিঘসমিৱ খে তত্কলাশেষমশ্নন্
ব্ৰহ্মাণ্ডান্তৰ্গৃহপতিৰিৱ স্ৱাত্মযাগং কৰোষি ॥ ২৭ ॥
কৃত্ৱা তেনানলমুখজগত্তৰ্পৰ্ণং ৱৈশ্ৱদেৱম্ ।
আমাৱস্যং ৱিঘসমিৱ খে তত্কলাশেষমশ্নন্
ব্ৰহ্মাণ্ডান্তৰ্গৃহপতিৰিৱ স্ৱাত্মযাগং কৰোষি ॥ ২৭ ॥
কৃত্ৱা নক্তংদিনমিৱ জগদ্বীজমাৱ্যক্তিকং য-
-ত্তত্ৰৈৱান্তৰ্দিনকৰ তথা ব্ৰাহ্মমন্যত্ততোঽল্পম্ ।
দৈৱং পিত্ৰ্যং ক্ৰমপৰিগতং মানুষং চাল্পমল্পং
কুৰ্ৱন্ককুৰ্ৱন্কলযসি জগত্পঞ্চধাৱৰ্তনাভিঃ ॥ ২৮ ॥
-ত্তত্ৰৈৱান্তৰ্দিনকৰ তথা ব্ৰাহ্মমন্যত্ততোঽল্পম্ ।
দৈৱং পিত্ৰ্যং ক্ৰমপৰিগতং মানুষং চাল্পমল্পং
কুৰ্ৱন্ককুৰ্ৱন্কলযসি জগত্পঞ্চধাৱৰ্তনাভিঃ ॥ ২৮ ॥
তত্ত্ৱালোকে তপন সুদিনে যে পৰং সম্প্ৰবুদ্ধাঃ
যে ৱা চিত্তোপশমৰজনীযোগনিদ্ৰামুপেতাঃ ।
তেঽহোৰাত্ৰোপৰমপৰমানন্দসন্ধ্যাসু সৌৰং
ভিত্ত্ৱা জ্যোতিঃ পৰমপৰমং যান্তি নিৰ্ৱাণসঞ্জ্ঞম্ ॥ ২৯ ॥
যে ৱা চিত্তোপশমৰজনীযোগনিদ্ৰামুপেতাঃ ।
তেঽহোৰাত্ৰোপৰমপৰমানন্দসন্ধ্যাসু সৌৰং
ভিত্ত্ৱা জ্যোতিঃ পৰমপৰমং যান্তি নিৰ্ৱাণসঞ্জ্ঞম্ ॥ ২৯ ॥
আব্ৰহ্মেদং নৱমিৱ জগজ্জঙ্গমস্থাৱৰান্তং
সৰ্গে সৰ্গে ৱিসৃজসি ৰৱে গোভিৰুদ্ৰিক্তসোমৈঃ ।
দীপ্তৈঃ প্ৰত্যাহৰসি চ লযে তদ্যথাযোনি ভূযঃ
সৰ্গান্তাদৌ প্ৰকটৱিভৱাং দৰ্শযন্ৰশ্মিলীলাম্ ॥ ৩০ ॥
সৰ্গে সৰ্গে ৱিসৃজসি ৰৱে গোভিৰুদ্ৰিক্তসোমৈঃ ।
দীপ্তৈঃ প্ৰত্যাহৰসি চ লযে তদ্যথাযোনি ভূযঃ
সৰ্গান্তাদৌ প্ৰকটৱিভৱাং দৰ্শযন্ৰশ্মিলীলাম্ ॥ ৩০ ॥
শ্ৰিত্ৱা নিত্যোপচিতমুচিতং ব্ৰহ্মতেজঃ প্ৰকাশং
ৰূপং সৰ্গস্থিতিলযমুচা সৰ্ৱভূতেষু মধ্যে ।
অন্তেৱাসিষ্ৱিৱ সুগুৰুণা যঃ পৰোক্ষঃ প্ৰকৃত্যা
প্ৰত্যক্ষোঽসৌ জগতি ভৱতা দৰ্শিতঃ স্ৱাত্মনাত্মা ॥ ৩১ ॥
ৰূপং সৰ্গস্থিতিলযমুচা সৰ্ৱভূতেষু মধ্যে ।
অন্তেৱাসিষ্ৱিৱ সুগুৰুণা যঃ পৰোক্ষঃ প্ৰকৃত্যা
প্ৰত্যক্ষোঽসৌ জগতি ভৱতা দৰ্শিতঃ স্ৱাত্মনাত্মা ॥ ৩১ ॥
লোকাঃ সৰ্ৱে ৱপুষি নিযতং তে স্থিতাস্ত্ৱং চ তেষা-
-মেকৈকস্মিন্যুগপদগুণো ৱিশ্ৱহেতোৰ্গুণীৱ ।
ইত্থম্ভূতে ভৱতি ভগৱন্ন ত্ৱদন্যোঽস্মি সত্যং
কিং তু জ্ঞস্ত্ৱং পৰমপুৰুষোঽহং প্ৰকৃত্যৈৱ চাজ্ঞঃ ॥ ৩২ ॥
-মেকৈকস্মিন্যুগপদগুণো ৱিশ্ৱহেতোৰ্গুণীৱ ।
ইত্থম্ভূতে ভৱতি ভগৱন্ন ত্ৱদন্যোঽস্মি সত্যং
কিং তু জ্ঞস্ত্ৱং পৰমপুৰুষোঽহং প্ৰকৃত্যৈৱ চাজ্ঞঃ ॥ ৩২ ॥
সঙ্কল্পেচ্ছাদ্যখিলকৰণপ্ৰাণৱাণ্যো ৱৰেণ্যাঃ
সম্পন্না মে ত্ৱদভিনৱনাজ্জন্ম চেদং শৰণ্যম্ ।
মন্যে চাস্তং জিগমিষু শনৈঃ পুণ্যপাপদ্ৱযং ত-
-দ্ভক্তিশ্ৰদ্ধে তৱ চৰণযোৰন্যথা নো ভৱেতাম্ ॥ ৩৩ ॥
সম্পন্না মে ত্ৱদভিনৱনাজ্জন্ম চেদং শৰণ্যম্ ।
মন্যে চাস্তং জিগমিষু শনৈঃ পুণ্যপাপদ্ৱযং ত-
-দ্ভক্তিশ্ৰদ্ধে তৱ চৰণযোৰন্যথা নো ভৱেতাম্ ॥ ৩৩ ॥
সত্যং ভূযো জননমৰণে ত্ৱত্প্ৰপন্নেষু ন স্ত-
-স্তত্ৰাপ্যেকং তৱ নুতিফলং জন্ম যাচে তদিত্থম্ ।
ত্ৰৈলোক্যেশঃ শম ইৱ পৰঃ পুণ্যকাযোঽপ্যযোনিঃ
সংসাৰাব্ধৌ প্লৱ ইৱ জগত্তাৰণায স্থিৰঃ স্যাম্ ॥ ৩৪ ॥
-স্তত্ৰাপ্যেকং তৱ নুতিফলং জন্ম যাচে তদিত্থম্ ।
ত্ৰৈলোক্যেশঃ শম ইৱ পৰঃ পুণ্যকাযোঽপ্যযোনিঃ
সংসাৰাব্ধৌ প্লৱ ইৱ জগত্তাৰণায স্থিৰঃ স্যাম্ ॥ ৩৪ ॥
সৌষুম্ণেন ত্ৱমমৃতপথেনৈত্য শীতাংশুভাৱং
পুষ্ণাস্যগ্ৰে সুৰনৰপিতৄন্ শান্তভাভিঃ কলাভিঃ ।
পশ্চাদম্ভো ৱিশসি ৱিৱিধাশ্চৌষধীস্তদ্গতোঽপি
প্ৰীণাস্যেৱং ত্ৰিভুৱনমতস্তে জগন্মিত্ৰতাৰ্ক ॥ ৩৫ ॥
পুষ্ণাস্যগ্ৰে সুৰনৰপিতৄন্ শান্তভাভিঃ কলাভিঃ ।
পশ্চাদম্ভো ৱিশসি ৱিৱিধাশ্চৌষধীস্তদ্গতোঽপি
প্ৰীণাস্যেৱং ত্ৰিভুৱনমতস্তে জগন্মিত্ৰতাৰ্ক ॥ ৩৫ ॥
মন্দাক্ৰান্তে তমসি ভৱতা নাথ দোষাৱসানে
নান্তৰ্লীনা মম মতিৰিযং গাঢনিদ্ৰাং জহাতি ।
তস্মাদস্তঙ্গমিততমসা পদ্মিনীৱাত্মভাসা
সৌৰীত্যেষা দিনকৰ পৰং নীযতামাশু বোধম্ ॥ ৩৬ ॥
নান্তৰ্লীনা মম মতিৰিযং গাঢনিদ্ৰাং জহাতি ।
তস্মাদস্তঙ্গমিততমসা পদ্মিনীৱাত্মভাসা
সৌৰীত্যেষা দিনকৰ পৰং নীযতামাশু বোধম্ ॥ ৩৬ ॥
যেন গ্ৰাসীকৃতমিৱ জগত্সৰ্ৱমাসীত্তদস্তং
ধ্ৱান্তং নীত্ৱা পুনৰপি ৱিভো তদ্দযাঘ্ৰাতচিত্তঃ ।
ধত্সে নক্তংদিনমপি গতী শুক্লকৃষ্ণে ৱিভজ্য
ত্ৰাতা তস্মাদ্ভৱ পৰিভৱে দুষ্কৃতে মেঽপি ভানো ॥ ৩৭ ॥
ধ্ৱান্তং নীত্ৱা পুনৰপি ৱিভো তদ্দযাঘ্ৰাতচিত্তঃ ।
ধত্সে নক্তংদিনমপি গতী শুক্লকৃষ্ণে ৱিভজ্য
ত্ৰাতা তস্মাদ্ভৱ পৰিভৱে দুষ্কৃতে মেঽপি ভানো ॥ ৩৭ ॥
আসংসাৰোপচিতসদসত্কৰ্মবন্ধাশ্ৰিতানা-
-মাধিৱ্যাধিপ্ৰজনমৰণক্ষুত্পিপাসাৰ্দিতানাম্ ।
মিথ্যাজ্ঞানপ্ৰবলতমসা নাথ চান্ধীকৃতানাং
ত্ৱং নস্ত্ৰাতা ভৱ কৰুণযা যত্ৰ তত্ৰ স্থিতানাম্ ॥ ৩৮ ॥
-মাধিৱ্যাধিপ্ৰজনমৰণক্ষুত্পিপাসাৰ্দিতানাম্ ।
মিথ্যাজ্ঞানপ্ৰবলতমসা নাথ চান্ধীকৃতানাং
ত্ৱং নস্ত্ৰাতা ভৱ কৰুণযা যত্ৰ তত্ৰ স্থিতানাম্ ॥ ৩৮ ॥
সত্যাসত্যস্খলিতৱচসাং শৌচলজ্জোজ্ঝিতানা-
-মজ্ঞানানামফলসফলপ্ৰাৰ্থনাকাতৰাণাম্ ।
সৰ্ৱাৱস্থাস্ৱখিলৱিষযাভ্যস্তকৌতূহলানাং
ত্ৱং নস্ত্ৰাতা ভৱ পিতৃতযা ভোগলোলাৰ্ভকাণাম্ ॥ ৩৯ ॥
-মজ্ঞানানামফলসফলপ্ৰাৰ্থনাকাতৰাণাম্ ।
সৰ্ৱাৱস্থাস্ৱখিলৱিষযাভ্যস্তকৌতূহলানাং
ত্ৱং নস্ত্ৰাতা ভৱ পিতৃতযা ভোগলোলাৰ্ভকাণাম্ ॥ ৩৯ ॥
যাৱদ্দেহং জৰযতি জৰা নান্তকাদেত্য দূতী
নো ৱা ভীমস্ত্ৰিফণভুজগাকাৰদুৰ্ৱাৰপাশঃ ।
গাঢং কণ্ঠে লগতি সহসা জীৱিতং লেলিহান-
-স্তাৱদ্ভক্তাভযদ সদযং শ্ৰেযসে নঃ প্ৰসীদ ॥ ৪০ ॥
নো ৱা ভীমস্ত্ৰিফণভুজগাকাৰদুৰ্ৱাৰপাশঃ ।
গাঢং কণ্ঠে লগতি সহসা জীৱিতং লেলিহান-
-স্তাৱদ্ভক্তাভযদ সদযং শ্ৰেযসে নঃ প্ৰসীদ ॥ ৪০ ॥
ৱিশ্ৱপ্ৰাণগ্ৰসনৰসনাটোপকোপপ্ৰগল্ভং
মৃত্যোৰ্ৱক্ত্ৰং দহননযনোদ্দামদংষ্ট্ৰাকৰালম্ ।
যাৱদৃষ্ট্ৱা ৱ্ৰজতি ন ভিযা পঞ্চতামেষ কায-
-স্তাৱন্নিত্যামৃতময ৰৱে পাহি নঃ কান্দিশীকান্ ॥ ৪১ ॥
মৃত্যোৰ্ৱক্ত্ৰং দহননযনোদ্দামদংষ্ট্ৰাকৰালম্ ।
যাৱদৃষ্ট্ৱা ৱ্ৰজতি ন ভিযা পঞ্চতামেষ কায-
-স্তাৱন্নিত্যামৃতময ৰৱে পাহি নঃ কান্দিশীকান্ ॥ ৪১ ॥
শব্দাকাৰং ৱিযদিৱ ৱপুস্তে যজুঃসামধাম্নঃ
সপ্তচ্ছন্দাংস্যপি চ তুৰগা ঋঙ্মযং মণ্ডলং চ ।
এৱং সৰ্ৱশ্ৰুতিমযতযা মদ্দযানুগ্ৰহাদ্ৱা
ক্ষিপ্ৰং মত্তঃ কৃপণকৰুণাক্ৰন্দমাকৰ্ণযেমম্ ॥ ৪২ ॥
সপ্তচ্ছন্দাংস্যপি চ তুৰগা ঋঙ্মযং মণ্ডলং চ ।
এৱং সৰ্ৱশ্ৰুতিমযতযা মদ্দযানুগ্ৰহাদ্ৱা
ক্ষিপ্ৰং মত্তঃ কৃপণকৰুণাক্ৰন্দমাকৰ্ণযেমম্ ॥ ৪২ ॥
নাশং নাস্মচ্চৰণশৰণা যান্ত্যপি গ্ৰস্যমানা
দেৱৈৰিত্থং সিতমিৱ যশো দৰ্শযন্স্ৱং ত্ৰিলোক্যাম্ ।
মন্যে সোমং ক্ষততনুমমাগৰ্ভৱৃদ্ধ্যা ৱিৱস্ৱন্
শুক্লচ্ছাযাং নযসি শনকৈঃ স্ৱাং সুষুম্ণাংশুভাসা ॥ ৪৩ ॥
দেৱৈৰিত্থং সিতমিৱ যশো দৰ্শযন্স্ৱং ত্ৰিলোক্যাম্ ।
মন্যে সোমং ক্ষততনুমমাগৰ্ভৱৃদ্ধ্যা ৱিৱস্ৱন্
শুক্লচ্ছাযাং নযসি শনকৈঃ স্ৱাং সুষুম্ণাংশুভাসা ॥ ৪৩ ॥
আস্তাং জন্মপ্ৰভৃতি ভৱতঃ সেৱনং তদ্ধি লোকে
ৱাচ্যং কেনাপৰিমিতফলং ভুক্তিমুক্তিপ্ৰকাৰম্ ।
জ্যোতিৰ্মাত্ৰং স্মৃতিপথমিতো জীৱিতান্তেঽপি ভাস্ৱ-
-ন্নিৰ্ৱাণায প্ৰভৱসি সতাং তেন তে কঃ সমোঽন্যঃ ॥ ৪৪ ॥
ৱাচ্যং কেনাপৰিমিতফলং ভুক্তিমুক্তিপ্ৰকাৰম্ ।
জ্যোতিৰ্মাত্ৰং স্মৃতিপথমিতো জীৱিতান্তেঽপি ভাস্ৱ-
-ন্নিৰ্ৱাণায প্ৰভৱসি সতাং তেন তে কঃ সমোঽন্যঃ ॥ ৪৪ ॥
অপ্ৰত্যক্ষত্ৰিদশভজনাদ্যত্পৰোক্ষং ফলং ত-
-ত্পুংসাং যুক্তং ভৱতি হি সমং কাৰণেনৈৱ কাৰ্যম্ ।
প্ৰত্যক্ষস্ত্ৱং সকলজগতাং যত্সমক্ষং ফলং মে
যুষ্মদ্ভক্তেঃ সমুচিতমতস্তত্তু যাচে যথা ত্ৱাম্ ॥ ৪৫ ॥
-ত্পুংসাং যুক্তং ভৱতি হি সমং কাৰণেনৈৱ কাৰ্যম্ ।
প্ৰত্যক্ষস্ত্ৱং সকলজগতাং যত্সমক্ষং ফলং মে
যুষ্মদ্ভক্তেঃ সমুচিতমতস্তত্তু যাচে যথা ত্ৱাম্ ॥ ৪৫ ॥
যে চাৰোগ্যং দিশতি ভগৱান্সেৱিতোঽপ্যেৱমাহু-
-স্তে তত্ত্ৱজ্ঞা জগতি সুভগা ভোগযোগপ্ৰধানাঃ ।
ভুক্তেৰ্মুক্তেৰপি চ জগতাং যচ্চ পূৰ্ণং সুখানাং
তস্যান্যোঽৰ্কাদমৃতৱপুষঃ কো হি নামাস্তু দাতা ॥ ৪৬ ॥
-স্তে তত্ত্ৱজ্ঞা জগতি সুভগা ভোগযোগপ্ৰধানাঃ ।
ভুক্তেৰ্মুক্তেৰপি চ জগতাং যচ্চ পূৰ্ণং সুখানাং
তস্যান্যোঽৰ্কাদমৃতৱপুষঃ কো হি নামাস্তু দাতা ॥ ৪৬ ॥
হিত্ৱা হিত্ৱা গুৰুচপলতামপ্যনেকান্নিজাৰ্থা-
-ন্যৈৰেকাৰ্থীকৃতমিৱ ভৱত্সেৱনং মত্প্ৰিযাৰ্থম্ ।
তেষামিচ্ছাম্যুপকৃতিমহং স্ৱেন্দ্ৰিযাণাং প্ৰিযাণা-
-মাদৌ তস্মান্মম দিনপতে দেহি তেভ্যঃ প্ৰসাদম্ ॥ ৪৭ ॥
-ন্যৈৰেকাৰ্থীকৃতমিৱ ভৱত্সেৱনং মত্প্ৰিযাৰ্থম্ ।
তেষামিচ্ছাম্যুপকৃতিমহং স্ৱেন্দ্ৰিযাণাং প্ৰিযাণা-
-মাদৌ তস্মান্মম দিনপতে দেহি তেভ্যঃ প্ৰসাদম্ ॥ ৪৭ ॥
কিং তন্নামোচ্চৰতি ৱচনং যস্য নোচ্চাৰকস্ত্ৱং
কিং তদ্ৱাচ্যং সকলৱচসাং ৱিশ্ৱমূৰ্তে ন যত্ত্ৱম্ ।
তস্মাদুক্তং যদপি তদপি ত্ৱন্নুতৌ ভক্তিযোগা-
-দস্মাভিস্তদ্ভৱতু ভগৱংস্ত্ৱত্প্ৰসাদেন ধন্যম্ ॥ ৪৮ ॥
কিং তদ্ৱাচ্যং সকলৱচসাং ৱিশ্ৱমূৰ্তে ন যত্ত্ৱম্ ।
তস্মাদুক্তং যদপি তদপি ত্ৱন্নুতৌ ভক্তিযোগা-
-দস্মাভিস্তদ্ভৱতু ভগৱংস্ত্ৱত্প্ৰসাদেন ধন্যম্ ॥ ৪৮ ॥
যা পন্থানং দিশতি শিশিৰাদ্যুত্তৰং দেৱযানং
যা ৱা কৃষ্ণং পিতৃপথমথো দক্ষিণং প্ৰাৱৃডাদ্যম্ ।
তাভ্যামন্যা ৱিষুৱদভিজিন্মধ্যমা কৃত্যশূন্যা
ধন্যা কাশ্চিত্প্ৰকৃতিপুৰুষাৱন্তৰা মেঽস্তু ৱৃত্তিঃ ॥ ৪৯ ॥
যা ৱা কৃষ্ণং পিতৃপথমথো দক্ষিণং প্ৰাৱৃডাদ্যম্ ।
তাভ্যামন্যা ৱিষুৱদভিজিন্মধ্যমা কৃত্যশূন্যা
ধন্যা কাশ্চিত্প্ৰকৃতিপুৰুষাৱন্তৰা মেঽস্তু ৱৃত্তিঃ ॥ ৪৯ ॥
স্থিত্ৱা কিঞ্চিন্মন ইৱ পিবন্সেতুবন্ধস্য মধ্যে
প্ৰাপ্যোপেযং ধৃৱপদমথো ৱ্যক্তমুদ্দাল্য তালু ।
সত্যাদূৰ্ধ্ৱং কিমপি পৰমং ৱ্যোম সোমাগ্নিশূন্যং
গচ্ছেযং ত্ৱাং সুৰপিতৃগতী চান্তৰা ব্ৰহ্মভূতঃ ॥ ৫০ ॥
প্ৰাপ্যোপেযং ধৃৱপদমথো ৱ্যক্তমুদ্দাল্য তালু ।
সত্যাদূৰ্ধ্ৱং কিমপি পৰমং ৱ্যোম সোমাগ্নিশূন্যং
গচ্ছেযং ত্ৱাং সুৰপিতৃগতী চান্তৰা ব্ৰহ্মভূতঃ ॥ ৫০ ॥
সৰ্ৱাত্মত্ৱং সৱিতুৰিতি যো ৱাঙ্মনঃকাযবুদ্ধ্যা
ৰাগদ্ৱেষোপশমসমতাযোগমেৱাৰুৰুক্ষুঃ ।
ধৰ্মাধৰ্মগ্ৰসনৰশনামুক্তযে যুক্তিযুক্তাং
স শ্ৰীসাম্বঃ স্তুতিমিতি ৰৱেঃ স্ৱপ্ৰশান্তাং চকাৰ ॥ ৫১ ॥
ৰাগদ্ৱেষোপশমসমতাযোগমেৱাৰুৰুক্ষুঃ ।
ধৰ্মাধৰ্মগ্ৰসনৰশনামুক্তযে যুক্তিযুক্তাং
স শ্ৰীসাম্বঃ স্তুতিমিতি ৰৱেঃ স্ৱপ্ৰশান্তাং চকাৰ ॥ ৫১ ॥
ভক্তিশ্ৰদ্ধাদ্যখিলতৰুণীৱল্লভেনেদমুক্তং
শ্ৰীসাম্বেন প্ৰকটগহনং স্তোত্ৰমধ্যাত্মগৰ্ভম্ ।
যঃ সাৱিত্ৰং পঠতি নিযতং স্ৱাত্মৱত্সৰ্ৱলোকা-
-ন্পশ্যন্সোঽন্তে ৱ্ৰজতি শুকৱন্মণ্ডলং চণ্ডৰশ্মেঃ ॥ ৫২ ॥
শ্ৰীসাম্বেন প্ৰকটগহনং স্তোত্ৰমধ্যাত্মগৰ্ভম্ ।
যঃ সাৱিত্ৰং পঠতি নিযতং স্ৱাত্মৱত্সৰ্ৱলোকা-
-ন্পশ্যন্সোঽন্তে ৱ্ৰজতি শুকৱন্মণ্ডলং চণ্ডৰশ্মেঃ ॥ ৫২ ॥
ইতি পৰমৰহস্যশ্লোকপঞ্চাশদেষা
তপননৱনপুণ্যা সাগমব্ৰহ্মচৰ্চা ।
হৰতু দুৰিতমস্মদ্ৱৰ্ণিতাকৰ্ণিতা ৱো
দিশতু চ শুভসিদ্ধিং মাতৃৱদ্ভক্তিভাজাম্ ॥ ৫৩ ॥
তপননৱনপুণ্যা সাগমব্ৰহ্মচৰ্চা ।
হৰতু দুৰিতমস্মদ্ৱৰ্ণিতাকৰ্ণিতা ৱো
দিশতু চ শুভসিদ্ধিং মাতৃৱদ্ভক্তিভাজাম্ ॥ ৫৩ ॥
শ্ৰীস্ৱাত্মসংৱিদভিন্নৰূপশিৱাৰ্পণমস্তু ।
সমাপ্তং চেদং সাম্বপঞ্চাশিকাশাস্ত্ৰম্ ।
ইতি সাম্বপ্ৰণীতা সাম্বপঞ্চাশিকা সম্পূৰ্ণা ।
সমাপ্তং চেদং সাম্বপঞ্চাশিকাশাস্ত্ৰম্ ।
ইতি সাম্বপ্ৰণীতা সাম্বপঞ্চাশিকা সম্পূৰ্ণা ।