সৰস্ৱতী সূক্তম্ (যজুৰ্ৱেদীয)

ওম্ ॥
(তৈ.সং.1.8.22)
প্ৰ ণো দেৱী সৰস্ৱতী ৱাজেভিৰ্ৱাজিনীৱতী ।
ধীনামৱিত্ৰ্যৱতু ॥
আ নো দিৱো বৃহতঃ পৰ্ৱতাদা সৰস্ৱতী যজতা গন্তু যজ্ঞম্ ।
হৱ-ন্দেৱী জুজুষাণা ঘৃতাচী শগ্মা-ন্নো ৱাচমুশতী শৃণোতু ॥
(তৈ.সং.4.1.11)
পাৱীৰৱী কন্যা চিত্ৰাযু-স্সৰস্ৱতী ৱীৰপত্নী ধিয-ন্ধাত্ ।
গ্নাভিৰচ্ছিদ্ৰগ্ং শৰণগ্ং সজোষা দুৰাধৰ্ষ-ঙ্গৃণতে শৰ্ম যগ্ংসত্ ॥
(ঋ.ৱে.7.95.5)
ইমা জুহ্ৱানা যুষ্মদা নমোভিঃ প্ৰতি স্তোমং সৰস্ৱতি জুষস্ৱ ।
তৱ শৰ্মন্প্ৰিযতমে দধানা উপ স্থেযাম শৰণ-ন্ন ৱৃক্ষম্ ॥
(ঋ.ৱে.1.164.49)
যস্তে স্তনঃ শশযো যো মযোভূৰ্যেন ৱিশ্ৱা পুষ্যসি ৱাৰ্যাণি ।
যো ৰত্নধা ৱসুৱিদ্য-স্সুদত্ৰ-স্সৰস্ৱতি তমিহ ধাতৱে কঃ ॥
(ঋ.ৱে.6.61.14)
সৰস্ৱত্যভি নো নেষি ৱস্যো মাপ স্ফৰীঃ পযসা মা ন আ ধক্ ।
জুষস্ৱ ন-স্সখ্যা ৱেশ্যা চ মা ত্ৱ-ত্ক্ষেত্ৰাণ্যৰণানি গন্ম ॥
(ঋ.ৱে.6.61.2)
ইযং শুষ্মেভিৰ্বিসখা ইৱাৰুজত্সানু গিৰীণা-ন্তৱিষেভিৰূৰ্মিভিঃ ।
পাৰাৱতঘ্নীমৱসে সুৱৃক্তিভিস্সৰস্ৱতী মা ৱিৱাসেম ধীতিভিঃ ॥
ওঁ শান্তি-শ্শান্তি-শ্শান্তিঃ ॥