സരസ്വതീ സൂക്തമ് (യജുര്വേദീയ)

ഓമ് ॥
(തൈ.സം.1.8.22)
പ്ര ണോ ദേവീ സരസ്വതീ വാജേഭിര്വാജിനീവതീ ।
ധീനാമവിത്ര്യവതു ॥
ആ നോ ദിവോ ബൃഹതഃ പര്വതാദാ സരസ്വതീ യജതാ ഗന്തു യജ്ഞമ് ।
ഹവ-ന്ദേവീ ജുജുഷാണാ ഘൃതാചീ ശഗ്മാ-ന്നോ വാചമുശതീ ശൃണോതു ॥
(തൈ.സം.4.1.11)
പാവീരവീ കന്യാ ചിത്രായു-സ്സരസ്വതീ വീരപത്നീ ധിയ-ന്ധാത് ।
ഗ്നാഭിരച്ഛിദ്രഗ്ം ശരണഗ്ം സജോഷാ ദുരാധര്ഷ-ങ്ഗൃണതേ ശര്മ യഗ്ംസത് ॥
(ഋ.വേ.7.95.5)
ഇമാ ജുഹ്വാനാ യുഷ്മദാ നമോഭിഃ പ്രതി സ്തോമം സരസ്വതി ജുഷസ്വ ।
തവ ശര്മന്പ്രിയതമേ ദധാനാ ഉപ സ്ഥേയാമ ശരണ-ന്ന വൃക്ഷമ് ॥
(ഋ.വേ.1.164.49)
യസ്തേ സ്തനഃ ശശയോ യോ മയോഭൂര്യേന വിശ്വാ പുഷ്യസി വാര്യാണി ।
യോ രത്നധാ വസുവിദ്യ-സ്സുദത്ര-സ്സരസ്വതി തമിഹ ധാതവേ കഃ ॥
(ഋ.വേ.6.61.14)
സരസ്വത്യഭി നോ നേഷി വസ്യോ മാപ സ്ഫരീഃ പയസാ മാ ന ആ ധക് ।
ജുഷസ്വ ന-സ്സഖ്യാ വേശ്യാ ച മാ ത്വ-ത്ക്ഷേത്രാണ്യരണാനി ഗന്മ ॥
(ഋ.വേ.6.61.2)
ഇയം ശുഷ്മേഭിര്ബിസഖാ ഇവാരുജത്സാനു ഗിരീണാ-ന്തവിഷേഭിരൂര്മിഭിഃ ।
പാരാവതഘ്നീമവസേ സുവൃക്തിഭിസ്സരസ്വതീ മാ വിവാസേമ ധീതിഭിഃ ॥
ഓം ശാന്തി-ശ്ശാന്തി-ശ്ശാന്തിഃ ॥