ಸರಸ್ವತೀ ಸೂಕ್ತಮ್ (ಯಜುರ್ವೇದೀಯ)

ಓಮ್ ॥
(ತೈ.ಸಂ.1.8.22)
ಪ್ರ ಣೋ ದೇವೀ ಸರಸ್ವತೀ ವಾಜೇಭಿರ್ವಾಜಿನೀವತೀ ।
ಧೀನಾಮವಿತ್ರ್ಯವತು ॥
ಆ ನೋ ದಿವೋ ಬೃಹತಃ ಪರ್ವತಾದಾ ಸರಸ್ವತೀ ಯಜತಾ ಗನ್ತು ಯಜ್ಞಮ್ ।
ಹವ-ನ್ದೇವೀ ಜುಜುಷಾಣಾ ಘೃತಾಚೀ ಶಗ್ಮಾ-ನ್ನೋ ವಾಚಮುಶತೀ ಶೃಣೋತು ॥
(ತೈ.ಸಂ.4.1.11)
ಪಾವೀರವೀ ಕನ್ಯಾ ಚಿತ್ರಾಯು-ಸ್ಸರಸ್ವತೀ ವೀರಪತ್ನೀ ಧಿಯ-ನ್ಧಾತ್ ।
ಗ್ನಾಭಿರಚ್ಛಿದ್ರಗ್ಂ ಶರಣಗ್ಂ ಸಜೋಷಾ ದುರಾಧರ್ಷ-ಙ್ಗೃಣತೇ ಶರ್ಮ ಯಗ್ಂಸತ್ ॥
(ಋ.ವೇ.7.95.5)
ಇಮಾ ಜುಹ್ವಾನಾ ಯುಷ್ಮದಾ ನಮೋಭಿಃ ಪ್ರತಿ ಸ್ತೋಮಂ ಸರಸ್ವತಿ ಜುಷಸ್ವ ।
ತವ ಶರ್ಮನ್ಪ್ರಿಯತಮೇ ದಧಾನಾ ಉಪ ಸ್ಥೇಯಾಮ ಶರಣ-ನ್ನ ವೃಕ್ಷಮ್ ॥
(ಋ.ವೇ.1.164.49)
ಯಸ್ತೇ ಸ್ತನಃ ಶಶಯೋ ಯೋ ಮಯೋಭೂರ್ಯೇನ ವಿಶ್ವಾ ಪುಷ್ಯಸಿ ವಾರ್ಯಾಣಿ ।
ಯೋ ರತ್ನಧಾ ವಸುವಿದ್ಯ-ಸ್ಸುದತ್ರ-ಸ್ಸರಸ್ವತಿ ತಮಿಹ ಧಾತವೇ ಕಃ ॥
(ಋ.ವೇ.6.61.14)
ಸರಸ್ವತ್ಯಭಿ ನೋ ನೇಷಿ ವಸ್ಯೋ ಮಾಪ ಸ್ಫರೀಃ ಪಯಸಾ ಮಾ ನ ಆ ಧಕ್ ।
ಜುಷಸ್ವ ನ-ಸ್ಸಖ್ಯಾ ವೇಶ್ಯಾ ಚ ಮಾ ತ್ವ-ತ್ಕ್ಷೇತ್ರಾಣ್ಯರಣಾನಿ ಗನ್ಮ ॥
(ಋ.ವೇ.6.61.2)
ಇಯಂ ಶುಷ್ಮೇಭಿರ್ಬಿಸಖಾ ಇವಾರುಜತ್ಸಾನು ಗಿರೀಣಾ-ನ್ತವಿಷೇಭಿರೂರ್ಮಿಭಿಃ ।
ಪಾರಾವತಘ್ನೀಮವಸೇ ಸುವೃಕ್ತಿಭಿಸ್ಸರಸ್ವತೀ ಮಾ ವಿವಾಸೇಮ ಧೀತಿಭಿಃ ॥
ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥